|| ضغن الهرماس ||

"Part 29"

﷽

-الكاتبة: سـارة الحـسن

-Part 29

-"لا تنسون التصويت +
-" متابعة الحساب its_105
-"وتعليقاتكم ع الفقرات فيـروزاتـي"🤍

▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫ ▪ ▫
َ
َ
َ

َ-طلع نوسـي واني باوعت لأمي وسألتها
::-شوكت تزوجتـي من تطلكتـي من ابو عـون؟!

-استغربت سؤالي وكالت
::-ورة 4سنـوات ليـش؟!

-انطيتها هوية يُـسر وجاوبتها
::-عفتيني واني عمري 4سنـوات ووره 4سنـوات يلا تزوجتـي المفروض اني اكبر من يُـسر بـ8 سنـوات مو؟!

-هزت راسها بـ اي والدموع ترست عيونها، كعدت كدامها وكملت كلامي
::-مواليد يُـسر تكول هي اصغر منـي بس بـ4 سنـوات

-نزلت دمعتها ،نزلت راسها وكالت
::-يُـسر بنت معاذ...

-ماعرفت اوصف شعوري بـ هل لحظه داحس بـ خذلان وخداع من جديد،
انخدعت من اقرب ناسي مرة ثانية
الي جنت احسهم عوض هم خذلونـي

-كعدت كدامها وهي بقت تبجـي ومدنگة راسها رفعت ايدي ترجف اباوع للأسـم مكتوب "يُـسر هاشم" وهي بنت معاذ
رجعت نضراتي ع ليلى وسألتها
::-شلون؟!

-جاوبتنـي بدون ماترفع عينها وبصوت مخنوگ
::-من طلعنه من البيت بعد ما انطردت انــه وابني عرفت بـنفسـي حامـل بس ما حجيت حتـى ما ياخذونها منـي مثل ما اخذوج

آفـروز: شلون تطلكتـي وانتِ حامل؟! وشوكت تزوجتـي هاشـم؟!

ليلى: مابي اشكال طلاقـي حتى لو حامل
وما تزوجت هاشـم الا من خلصت عدت طلاقي
يعنـي ورة 9 اشهر من جبت يُـسر يلا
تزوجت هاشـم حتـى اسجل يُـسر بـ اسمه
وهو جان قابل لأن مايصير عنده اطفال

آفـروز: واخوج ومرته شلون سكتو؟!

ليلى: امر اخوية بـ ايد مرته قنعت مرته تسكت
وانطيتها كل ذهبي بوگتها وفلوس وهي سكتت
ومن بعدها ابـو يُـسر اخذلهم بيت ملك
في سبيل ما يحجون للموت وهمه اتكتمو ع الموضوع

-نزلت دمعتـي بـسهولة هل مرة وسألتها بغصه
::-ضميتي بنتـج 15سـنه وسويتي كلشي لـ خاطر محد ياخذها منج وضحيتـي بيه وشمرتيني ببيت العايش هم 15سـنه لـ خاطر يـوشع
انــي شسويتــي علمودي؟! لو انــي مو بنتج؟! نسيتي عندج بنيه من طلعتـي من ذلك البيت مـو؟!

-هزت راسها بـ لا تبجي وكالت
::-وروح اعزاز كلبي ما نسيتج

آفـروز: نسيتي أميمتـي نسيتي ولو ما اصرار يـوشع عليه انتِ لحد هاي اللحظه ماراح تسوين شي علمودي

-رادت تحجي وقاطتعها بسرعه وحجيت بقهر
::-ومن اكلج لييييييش؟! راح تكولين انتِ عندج اهل!!!
وجنت عااااااذرتج واكول اي صدك عندي اهل وام واب واخوان عوضوني عن الكل
بس هسه شلووووون اعذرج فهمينييييي؟!
يُـسر هم عدهاااااا اهل، هم عدهااااا اب وجد واخ وعمام وولد عم يسدون عين الشمس