الكاتبة الريــم
چنت متمني دمعي يطيح بخدودك !
بس ادري الكلام چفوف
اذا ميخنگك يگودك
<><><><><>
التصويت على البارت
التعليق بين الفقرات 🫶🏿
<><><><><><>
في مــكـــان اخر حيث
" باريا "
العَرك يَنطح من جبيني اتورطت
الأتصال انقطع حينما رأيت لافته
فَهل انقطع حينها فقط الاتصال السَمعي وأنهُ مُرتبط نَفسيًا بيِّ؟
بغداد السلام تودعكم
بجيت نَدم بسبب وثوقي
هوَّ مو ابويه ليش ديوديني معقوله ميخاف عليه بوسط هل وحوش المُلتهمة
اللي تأكل من لحَم النساء والمُجاهدين الابرياء
إلتفت اله بوجع كلبي
- رجعنيي رجعنييي دتعيد ماضي ديمااا
بجيت بقوة اكثر
- حقه احمدددد حقه مأ الومة والله حقه من راح ... بس اذاني بروحته مأخذني
أتقرب يخنكني اكثر من خنكة النقاب وأيادي المُرتبطة
- ولا حرف مينفتح هل موضوع ...
الشخص اللي يسوق مألتفت ولا بكلبه ذرة انسانية مشت السياره لِخط صحراوي
وبيوت مُتفرقة مُنهدمة
حينها أيقنت أنني وَصلت لنُقطة مراح اطلع منها سلامات
بيوت تُعبر عن مدى أذى اصحابها وعدم استقلالهم وخوفهم بنُص بلدهم ...
خُلصت حكياتي وبقت كُل ذكرياتي بَعيدة عني ...
نَزلني بسرعة عنما أهتز جهاز يَحمله
نزلني لكمثل بيت ططبني للبيت لاتفاجئ بوجود عدد هائل من البنات اللتي نتتشابه بالفئه العمريه ....
أيدي مُربطة بعدها بينما ألتفت للبنات الكُل شخصيه لديها مَصاعب أكثر مني
- مَن تبكي اشتياقًا لأختها الخذوها
وتَهذي بكلمات .... اخذوها منيييي
أغلب الموجودات جانن من سنجار وحتى لهجتهن تختلف عني ...
إلتفت لخوات ثنين وحده حاضنه الثانيه وكانها تريد تخليها بقوقعة تحميها عنهم
كامشتها حيل وتحاول تخفيها عن الكُل
بادت رجليه من سمعت اصوات ثَقيلة والباب القَفل ينفتح أتقدموا خَمس اشخاص وبدأ كُل شخص يختار ببنيه وكان كدامه يتخير سلعة
أتقدم شخص لياخذ اخت أحد البنات اللتي كانت تَحتظن اختها الاخرى
كانت تتميز بجمال يُوضح شدة ودقة الخالق بِخلق ونحت تلك اللوحة أصبح جمالها نِقمة عليها وسبب ....
اخذها من احضان اختها بكُل سهولة بعدما اراد شخص اخر يُريد شرِاؤها
صفنت على منظر اختها
وكأنها أم انفطمت عن بِنتها تَصرخ وكأنه بَراكين تلتهم قَلبها ... فهل اثر ذلك بِهم؟
بالتأكيد ... لا
ولَم يتحرك جُزء من قَلبهم
بِقت لاخر لحظاتها تِسحب بيها لِحينما سَحبها شخص اخر من شعرها
ويبتسم بنضرة تقزز جسمي وأني اشوفه ... لَمس جسمها ... ضربته برجلها بهستيرية
بينما نضر الها وإلتفت لمالك تلك البنات
شفته هوَّ اللي مسؤول عنهن
كانت لَهجته يَمنية مادري شنو جانت لكن مو عراقيه
- بِكم ؟
- 8 اوراق
اخذها وطلع وكُل شخص اخذ بنت جنت بعيده عنهم أناملي تَرجف خوفًا
انعفت بوحدي ...
طلع الشخص وقُفل الباب وراه
اتكورت حَول نفسي والضجة والحُزن على الذي يحُاوطنا من فُقدان اهلنا وكُل شخص تدور حوله افكار عَن اهلة إلى اني
ماعندي شي اخسرة
امي؟ هههه ضحت بية
ابويه؟ هو الجابني هنا ههههه
على شنو ما افكر اخسر حياتي؟
اصلًا تضحية مني لأجل العراق اجيت والشي الاحسن امنيتي أي نعم أتمنيت اموت واني مجاهدة لكن ما اموت وشخص قَذر منهم
مِعتبرني جاريه سبية
اخاف ياخذني شخص يدور فقط عن غريزته ويستخدمني كاداة للتفريغ
واني امرأة قرأت عن الحُب لسنوات ..
اتذكرت منظر البنات وهنَّ يخرجن بدون اي قبول منهن خاف يجيني الدور مثلهن ؟ ...
العِراق بعده ينزف الشعب ممتخطي اخر حَرب صار بيه والخسائر البشرية ...
الغرفة احسها تاكلني اختنكت ماعرف الغرفة شُباك صغير حتى هوى ميدخل
بَعد عدة ساعات مأعرف الاوقات
زِحفت لأحد البنات اغلبهن مِلتزمات الصمت والخوف والي تبجي بديت أتعود على هذا الشي ولا اروح ...
- باريا : عفيه راح اموت جوع ..
باوعت على ايدي إلي انكلبت بنفسجية من إنحباس الدم أعتلت ملامحها الاستفهام؟
نَزلت راسي ماعرف شكول الها ... هزت راسها و فترة اردفت
- هساع يجيبو اجل
بَعد فترة بديت افقد طاقتي دِخل نَفس الشخص الاجه بالبدايه بيده مَي وخبز
فات من وراه شخص كأنه عنده غايه
باوع بجميع الوجوه تَركز نضره عليه
أشر باصبعه عليه
- اريد هاية؟
رَد عليه نفس الشخص
- لَقد تَم شِراؤها ، هُنالك العديد من الفتيات اختر غيرها ...
ماعرفت شنو سبب اصراره عليه على الرغُم وجهي مشايفه؟ ...
تَفاوض مَعه وأصر عليه أخر ما سمعت اشتراني ب80 ورقه !
لو يشتريله سايبه بيها ويفتح مشروع افضل اله ..
أتقدم أليه صيحتت بكُل قوتي ماريد اروح اخاف حتلو ابقى هنا ما اريد اروح
- سحبني واني روح ماكو مابيه هَلكانه
طلعني بسرعة من المكان وهوَّ يكله
- لا ميحتاج اسجلها منك بالمحكمة
اخذها لسيارة حِمل جانت صعدني واردف
- الله ليوفقج
جانت تعابير وجهة مبينه شكد تعبان دعوشي ماجان اللي خلك ارد عليه سكتت
- باريا : افتح ايدي
سِحب مثل السجينه من جيبه فتحها بسهولة رُفع الخمار واردف
- اي هيَّ
مشى الطريق كِله أكتفى بالسكوت ومبدر منه اي ردة فعل مشى بطريق لِفتره وبدت الرمي يشتد من كل مكان وقريب من السياره
مشت السيارة بكُل قوتها رفع الجهاز واردف
- وياكم وياكم
غمضت عيني ... هاهيَّ خلي اموت اخر شي
فتحت عيني على أمل ما اكون بنفس المكان محاسه بشي غير اني بغرفه
دِخل نفس الشخص وحجة بصوت ناصي
- انتِ تدرين شسويتي ؟
هزيت راسي بخوف
- انتَ منو شتريددد ، لا ما ادري
- احسن الج لتدرين
اتقرب اكثر مخلي بيناتنا اقل من المَتر وحجة بصوت جدًا ناصي
- من طرفهم لتخافين ، وهسه ممطلوب منج شي غير تكسبين ثقتهم والشي الاسهل مَعروفه بهل مكان بسبب ابوج تبدين تجمعين اي كلمة على الطاير اسماء مَعلومات تحركات وين يرحون وين يجون
تكملين هذا الجزء لحد ما يثقون ثقة عمياء ونبدي بالمرحلة الاصعب
وها تكدرين تسميني عَقرب ...
حصرتني الضحكه متحملت حجيت
- باريا : عقرب مال ساعه ههه
سكتت من شفته متغيرت اي ردة فعل هاي لو علي هيج كايلتله حتلو متضحك يسلكلي يتمرغ بالكاع شي اشو ميجامل ليش هيج نفسيه
باوعلي بطرف عينه وكمل ...
- آلعَقرب : لازم تسوين اي شيء ممكن يطلبوه منج مثلًا شخص مُصاب اذا جان اله مكانة جبيرة بينهم موتيه ولتساعدي لكن كدامهم كليلهم حالته جدًا تعبانه
- باريا : امممم حلو
اتنهد ورَكز على كل كلمة يكولها
- آلعَقرب : ماكو شي هنا حلو ، بس الاهم تقوين علاقتج ويَّ زوجاتهم
استغربت من كلامه
- باريا : بشنو راح يفيدوني نسوانهم؟
- آلعَقرب : لتصيرين غبية نسوانهم تفيد بشكل جبير مثلًا زوجة ابو بكر الاولى اغلب تحركاته وكلشي هي تعرفه ومرات هي تجي وتساعده
- باريا : قصدك اخليها تحجيلي؟
رفع اكتافه وادرف ...
- آلعَقرب : ليش لا ؟ مو ضروري هي لان صعبه هل سالفه ويرادلها وقت لكن اتقربي منهن
حجيت بعد عدة ثواني من الصمت
- باريا : علي الدُر وحيدر وينهم؟
عض الجُزء الاسفل من ثَغره
- آلعَقرب : ديربالج تجيبين اي طاري لهل اسماء ، وابد لتثقين باي شخص وتحجيله يمكن مخلين علينا جواسيس اصلًا لذالك الحذر
حجه هيج وطلع من الغرفة بديت احاول اجمع طاقتي شلون اواجهم ؟
طلعت ناسية شكلي واني ملابسه خمار ولا حتى حجاب
طلعت لاكتني وحده انتبهت على شكلي وأرادت تضربني صاحت بصوت عالي
- أين رِدائكِ فاجرة
وحده وهيج كالت عليه اني فاجرة؟
خزرتها واني محضره الها لسته من الكلام وخَر تركيزي من
أجه عَقرب صار كدامي واردف
- آلعَقرب : متعرف احسبيها عليه عائشه
فتحت عيوني
- باريا : شنوو احسبيها عليه شسويت؟؟
اشرلي بغضب على الغرفه ... مشيت بسرعة من سمعت صوت ورايه لرجل
بعد عدة دقايق اجه والغضب يبرز في ثنايا عيناه
- آلعَقرب : ربحنا وهاهي اتحرر العراق بفضلج اهلهل؟
- باريا : صدك والله؟
غض اصبعه وبقوه
- آلعَقرب : شهل رعونيه ؟ شبيج انه شخرطت صارلي ساعه شبيج عليج الكاظم
انطاني ملابس الهم عباية راس وخمار وحجاب
- اللبسيهم وين مترحين مو تطلعين هيج وما اوصيج كلساع واتعاركي ويَّ عائشه علمود نهلهل شويه نرفه عن نفسنا
- باريا : كافي كتلك ما اقصد وما اعرف
طلع من الغرفة واني لبستهم هم طلعت اكتشف البيت تكول البيت الابيض
مَرت اكثر من شهر ووجود عَقرب قليل بكونه احد الاشخاص العود بالنتظيم ويساعدهم بالمُتفجرات اللي يخلوها للاطفال ...
فَترة واجت عدة نساء بِمختلف الاعمار
وراهن مُسلحين سحبوهن لاحد الغرف بينما زوزايه قَرب بنيه على عائشه وكللها
- انها تخُالف تعاليمنا فإنها مُعاقبه عاقبيها
تقربت عائشه سحبت البنيه والبنيه فرفحت من البجي سحبتها لغرفه جانت بالنهايه بقيت واكفه بنص صدمتي هاي شنو ؟...
اول مره هيج يصير وحتى من يجيبون بنات وتبدأ عائشه بأنه هي ترتبهم وللامراء والاولياء جنت ابتعد
طلع زوزايه بس بلأخير كال
- تَعلمي مِن عائشه لِكي تُساعديني
هزيت راسي بصدمه
بعَد عدة ثواني سمعت صوت صرخاتها البنيه تستنجي وتطلب الرحمة ...
يمه يا ستار شنو اغتصبتها هاي عائشه اعتقد تسويها ما عدها ادنى بروبلم
اتقربت واني اسمع صوت حزام قوي ينضرب
فتحت الباب بسرعة وهي تضرب بيها بدون رحمة دخيلك ...
- عوفيها
إلتفت الي
- عائشه : العديد من المرات حَذرتكِ ابتعديي
اتقربت الها وبغضب
- باريا : عوفيها اني اعاقبهاااا اني اريد اجرب
أبتعدت وصاح عليها احد الرجال
- إجلديها
إلتفت للبنيه بزاويه الغرفه أنقهرت من منضرها
وبدون ما التفت لعائشه
- باريا : لتخافين اني اعرف شلون اعاقبها
<><><><><><>
في مــكـــان اخر حيث
" نــور "
سحبني من أيدي بسرعه شنو مركزت من قوة أحاول الهروب منه
سحبني لنفس المكان الحاولت اهرب منه
مَبطلت من البجي والصياح أختنكت من شدة البُكاء
- وخررررررر عوفني وخررر القذررر
مَتحرك جزء منه مِشى للبيت وصاح بصوت عالي
- تَقربي عاقبيها ام لَهيب
طلعت من احد الغرف وهيَّ ترجف
- رنيم : لا م.. ما... اكدر ماكدر
- حمزة : دوسي على كلبج مثل ما بديتي وقبلتي بالبدايه تنهيها ...
رِجفت شفتي
- نور : بداعة ابنج لا عوفيني حبابه ...
إلتفت الها مَرة ثانيه وعاد سؤاله
- رنيم : متعيدها بس هل مره عوفها
سِحبني من رُسخي وصاح على رنيم
- حمزة : راح اخليها هنا واذا انفتح الباب او احد انطاها الاكل اتصرف تصرف اسوء
سحبني للغرفه وقفل الباب عليه الغرفة مابيها اي شي غير ساعه وتشتغل
أتكورت على نفسي خايفه ..
غفيت وبعد مُدة صحيت ممتقبله واقعي
- ماااااماااا وينكمم شرارر بابااااااا
بلكي يسمعوني ... معقوله ميحسون بيَّ
وينهم ليش عافوني نزلت راسي
- لا اني الاستاهل ليش طلعت مو ماما مقبلت
سمعت صوت رنيم وبصوت ناصي
- هسه بلكي يقبل يفتح الباب
اتهسترت دكيت الباب بكل قوتي
- افتحواااا الباب الله ليوفقكم والله ليوفقج رنيم الله ليخليج الله يحرك كلبج الله يأذيج مثل ما اذيتيني الله ينتقم منج وياخذ حقي
صاحت بفحيح
- رنيم : للللج لتدعين مو انطيتج مجال وضليتي تتجاوزين
بجيت والدموع تُبلل انحاء وجهي
- نور : حسبي الله ونعم الوكيل الله يحرك كلبج على ابنج وبأعز شي عندج
سمعت صوتها بعد فترة
- رنيم : خطيه افتح الها الباب
صوت الساعة قِلقتني راح اموت من الوسواس
ضليت ادور عن اي شي حولي اريد انتحر اريد اي شي انهي بي حياتي ما ابقى هيج ..
أجنتي ساعات اخلي راسي على الحايط واضرب بكل حيلي لحد ما افقد الوعي وانام
ماكدر انام مثل الناس العاديه ... ماكدر ارتاح
خليت ايدي على اذاناتي ما اريد اسمع الصوت
اتخبلت مادري شنو اسوي دكيت الباب بقوه
- نور : افتحو البابب اريد اروح للحمام
ظليت ادك بالباب لاكثر من نص ساعه فتح الباب نَفسه حمزة القذر
فتح الباب وبإيده قُطعه من الخبز والمي
بقى واكف بالباب اول ما طلعت من الحمام ضربني برجلي لداخل الغرفه وقفل الباب
كُمشت المي ايدي ما اكدر اسيطر عليها ترجف ماكدر اثبته من اشرب اغلبه يبلل ملابسي
بجيت بعَجز حسيت نفسي طِفلة متعرف تشرب مَي ...
كُل يوم الوضع يسوء عندي ويزيد الحقد بداخلي اصبح ملجأي هوَ الحمام بس احاول اطلع من هل غرفه تلتهمني احسها لو ابقى بيها بعد اكثر
فرفحت روحي اتوسل بيهم وحلكي يرجف واطرافي من قلة التغذيه ...
- نور : ابوس ايدج رنيم افتحي الباب راح اموت افتحي ابوس رجلينكم بس افتحوه والله اخاف بوحدي
الغرفه مابيه اي ضوه وأي شي ضلمة ضليت اتخيل اشياء تتقرب مني بمُجرد اني اغمض عيني
- الله يرضى عليكم بس افتحوا بس اشتم هوى شويه والله شويه اختنكت ...
ما بُدر منهم اي رَد غير الصَمت
خليت راسي على الباب واحجي بتعب
- رن... ي ... رنيم ... اف ..افتح ... افتحي .. الب .. اب ...
بجيتت واحس عيني غوشت من شدة البجي البجيته .. معقوله مينقهرون عليه ؟
مَرت على هذا اكثر من شهر وكُل يوم اصبح اسوء من القبله باخر الايام بقيت ما ادك على الباب من اخاف ولا إللي حيل أتحرك ..
اكوم بصعوبه بس لمن احتاج اشرب مي
اما عن رنيم اختفت اخبارها ... اصلًا اخر همي
انفتح الباب رنيم وحمزة وياها كومتني من مكاني برة الغرفة
- رنيم : بس لتشردين وميأذيج
الحقد يَتغلغل في اوصالي .. بس الكالي فرصه اطلع داعشيه اذا ما اشرد ..
بدأت رنيم كُل يوم تنطيني واجبات اشتغلها بالبيت ظهري احسه ينخسف مو بس اني الكُل اللي جان موجود يشتغل
لِحد ما بيوم جانت ب3 بالليل جانوا مموجودين وصوت القصف قوي حيللل وقريب جدًا على هل مكان طلعت من البيت لمن حسيت مموجود احد من الدواعش
طلعت اركض واخاف خاف تجيني طلقه تايهة الطلق احسه يفوت من يمي بس ميصيبني ركضت وصلت لمسافه بعيده بيها انقاذ بيوت البيت مهدم طبيت اله وضميت نفسي بيه بديت اقره اي سورة حافظتها باللي اخاف بَعد فترة سمعت صوت تفجير قوي حسيت انفجر البيت الاني بيه
صيحت بصوت عالي خايفه من صيحت اشتد بقوه الرمي وكان اشتباك قوي بين الدولة العراقيه وداعش
من الهبطة حسيت شيء دافئ ينزل بغزارة ويبلل ملابسي ... لااااا
غمضت عيني بخوف ... حسيت بخطوات تقتربت مني المكان الموجود بيه ماكدرت اتحرك من مكاني اله اشوف اخر شخص اتوقعه
حمزة !!!!!!!!!
هذا ليش ما ماتتتت والتفجير منو مات بيه
يا يُمةةةةةةةةة لااااااااا
وَجه عليه السلاح واتقرب بإيده حَبل ربط ايدي بقوه وسحبني
- حمزة : هل مرة المعاقبه مو بس شخص واحد يعاقبج
صاح بصوت عالي اتقدم عليه شخصين على ثغرهم ابتسامه قَذرة
صحت بصوت عاليي
- لتتقربولي مريضه والله وخروو
ظنيت هل نُقطة توقفهم عن فعل ما كان يُبين في اعينهم لكَن كان عكس ذلك تمامًا ...
ردت اتقيئ من القذارة الواصليلها
ماكدرت ادافع حتى عن نفسي
انعادت مأساتي مَرة اخرى وبِقسوه ووحشيه اقوى بينما كان حمزة يباوع من بعيد ...
أحشائي تتكطع
- مو يكولون يعرفون الله وينن اولاد النِكاح الحيوانات الله يرضى بهذا الشي ....
اتقرب بعد ما بدأ كل شخص بانه يرتدي زَيه الكِلاب
سحبني حمزة وخلى العبايه عليه وشد عيوني بإحكام والدم يُلطخ الارض بكُل مكان
سحبني للسيارة بالكوه اتحرك
وأبتسم بخُبث
- بعده العِقاب مخلص
وصل لِمقر اخر يِنتسب الهم
قَربني لإمرأة جانت متبين اي شي من يمها
ابجي بصوت عالي احس اخنتكت بالبجي اغص بيه حجه وياها ما فتهمت شي غير سحبتني لغرفه وبدت تضرب بيَّ باقصى قوتها
حسيته اقوى وجع يصير بكُل حياتي اول مره انضرب مو بس انضرب وهم انضرب بهل وحشيه
دخلت بنيه ثانيه مجنت اركز بالوجوه ابتعدت لزاويه الغرفه من شفت البنيه الثانيه اتقربت
صحت بصوت رَج الغرفة بأكملها
- انتِ هم نفسها عوفينيييييي راح اموت والله ابوس ايدج بعد ما اعيدها
<><><><><><><>
شنو رأيكم بالنَدوة مُهجات فُؤادي 🥹؟
شكرًا على كلامكم أني ممنونه على كُل بنيه كتبت تعليق فأني مُمتنة الها وفرحانه بكمية الحُب احبجننن والله
انتن عوضي🫶🏿🫶🏿
لنا لقاء اخر ... اعزائي