မကြိုက်သင့်သောတီချယ်🫀
အပိုင်း(၂၅)
"အတ္တမကြီးမပါဘူးလို့ပြောရင်ကိုယ်လိမ်သလိုဖြစ်နေမလား...အချစ်ကသိပ်ကြောက်ဖို့ကောင်းတာပဲနော် တီချယ်....ဟန်ဆောင်ရတာတွေလဲများနေပြီ....... လောကကြီးကနေထွက်သွားချင်လာမိပြီ တီချယ်ရယ်"
တီချယ်ကိုဖွင့်ပြောခဲ့သည့်နေရာ၊အမှတ်တရတွေများတယ့်နေရာလေးဖြစ်သည့်နေ၀င်ချိန်အလှကိုမြင်တွေ့ရသည့်ပြတင်းပေါက်ရှိရမှာလက်လေးတင်ကာနွေးဆွေးနေမိသည်။
ထိုအချိန်တွင်ဖုန်း၀င်လာခဲ့သည်။
"ဟယ်လို"
"......."
"အေ ဟုတ်တယ်"
"........"
"သေချာလုပ်ဖို့ကိုယ်မျှော်လင့်ပါတယ် စိတ်ချလို့ရတယ်မလား"
"......."
"ဟုတ်ပြီ အစ်ကိုပြောတဲ့အတိုင်းဖြစ်စေပေါ့"
ဟုပြောပြီးကုတင်ပေါ်သို့ဖုန်းကိုပြစ်တင်လိုက်ကာ နေ၀င်ချိန်၏အလှကိုဆက်ကြည့်နေမိသည်။ပုစွန်ဆီရောင်နေလုံးကြီးက ဒီနေ့ကြမှနွေးကိုလှောင်ပြောင်နေသလို့ပဲ...တောက်ပနေလိုက်တဲ့များ...အားကျချင်စရာအတိ။
နွေးကိုကိုနဲ့အတူရှိခဲ့စဉ်ကအကြောင်းတွေကိုပြန်စဉ်းစားရင်အကြောင်းအရာတစ်ခုကိုမှတ်မိပြီးပြုံးလိုက်မိသည်။
"ကိုကို မေးစရာရှိလို့"
"မေးလေ နွေး"
"အချစ်ကိုဘယ်လို့မြင်လဲဟင်"
"အင်း...အချစ်ဆိုတာက ယုံကြည်မှု၊သစ္စာရှိမှု၊ပေးဆပ်ခြင်းလို့တော့ကိုကိုမြင်တယ်။လူတိုင်းကအချစ်ကိုမြင်တဲ့ပုံစံခြင်းတော့မတူကြဘူးပေါ့"
"ကိုကိုကဘာလို့အဲလို့မြင်တာလဲ"
"အချစ်ရေးတစ်ခုမှာသစ္စာရှိမှထိုအချစ်ရေးကခိုင်မြဲမယ်...ဒါပေမဲ့ယုံကြည်မှုမရှိရင်သစ္စာရှိမှုဆိုတာအလကားပဲ ချစ်ရင်တော့တစ်ဖက်လူကိုယုံကြည်ပေးရမယ် အဲဒီယုံကြည်မှုကိုရဖို့ဆိုရင်သစ္စာရှိရမယ်...ပေးဆပ်ခြင်းရဲ့သဘောကတော့ထိုအရာနှစ်ခုလုံးကိုတစ်ဖက်လူထံစိတ်ချယုံကြည်စွာပေးဆပ်ဖို့လိုတယ်... နောက်တစ်မျိုးကတော့ သူပျော်နေရင်ရပြီ သူစိတ်ချမ်းသာရင်သေဖို့တောင်၀န်မလေးဘူး ဒီလို့မျိုးပေါ့....ပေးဆပ်ခြင်းကတစ်ဖက်သတ်အချစ်တွေမှာဆိုသိပ်အရေးပါတဲ့အရာပေါ့"
"ဟီး..ကိုကိုဘာတွေပြောသွားမှန်းသိလိုက်ဘူး"
"နွေးကငယ်သေးလို့ပါ အချစ်နဲ့ထိတွေ့မိရင်သိလာလိမ့်မယ်"
"ဟုတ်ကဲ့ ကိုကို"
နွေးရဲ့ခေါင်းလေးပွတ်ပေးတော့ဇက်ကလေးပုပြီးငြိမ်ခံနေရှာလေရဲ့။တကယ်ကလေးလေးပါပဲ။
"သိပ်လွမ်းတာပဲ ကိုကိုရယ် နွေးကိုထားသွားရတာပျော်ရဲ့လား အဲလို့အချစ်ကိုကောင်းကောင်းနားလည်ပြီ ကိုယ်တိုင်ကြဘာလို့ ပေးဆပ်ခြင်းရဲ့သဘောတရားကိုပဲသုံးသွားခဲ့တဲ့ကိုကိုကို့.....ဟူးးးး"
နွေးဆက်မပြောနိုင်တော့ပါ။အခုနောက်ပိုင်းအရွယ်နဲ့မလိုက်အောင်ခံစားချက်တွေများကာနာကျင်မှုတွေများနေခဲ့သည်။ထိုခံစားချက်နဲ့နာကျင်မှုတွေပျောက်ကွယ်သွားဖို့ရက်ပိုင်းသာလိုတော့သည်။
_________
ဒီနေ့ကတော့ငယ်လက်ထပ်ဖို့တစ်ရက်အလိုအချိန်ပေါ့။ဒီလက်ထပ်ပွဲကိုလူသိရှင်ကြားကြောငြာထားသလို့ မိဘတွေကကျော်ကြားသည့်လူများဖြစ်သည့်ကြောင့်မီဒီယာတွေ၊သတင်းထောက်တွေ၊ဓာတ်ပုံဆရာတွေကိုပါဖိတ်ခေါ်ထားသည်။စီးပွားရေးလောကတွင်အောင်မြင်နေသည့်လုပ်ငန်းရှင်နှစ်ဦး၏ သားနှင့်သမီးလက်ထပ်မည်ပွဲကြောင့်လူအတောအများလာမည်ကအသေချာပင်။
ငယ်သည်အရေးကြီးသည့်ပွဲတွေမှသာတက်တာကြောင့်ငယ်ကိုလူသိနည်းကြသည်။ဒီပွဲသာပျက်သွားခဲ့ရင် ဖြစ်လာမည်အကျိုးဆက်တွေသိသောကြောင့်အမှားမပါအောင်စီစဉ်ရလေ့သည်။
"သမီး...ငယ်"
"ရှင် မေမေ"
"လက်ထပ်ပွဲအတွက်စီစဉ်တာတွေအကုန်ပြီးပြီမလား"
"ဟုတ်ကဲ့ ပြီးပါပြီ"
"အော်...အေးပါကွယ် ဒီပွဲကဘယ်လောက်အရေးကြီးတယ်ဆိုတာသမီးသိတယ်မလား"
"ဟုတ် သိပါတယ် သမီးအမှားမပါအောင်သေချာလုပ်ပါမယ်"
"အပြောနဲ့ပဲမလုပ်နဲ့ စကားနဲ့ပါသက်သေပြပါ သမီး"
"စိတ်ချပါ မေမေ"
"အေပါ ဒါဆိုမေမေဆေးရုံးသွားလိုက်ဦးမယ်နော်"
"ဟုတ်ကဲ့"
ငယ်အတွက်တော့လက်ထပ်ပွဲဆိုတာ ၀န်ထုတ်တစ်ခုလို့ပင်ဖြစ်နေတော့သည်။ဒီကိစ္စအမြန်ပြီးမှသာငယ်လည်းအနည်းငယ်တော့စိတ်သက်သာရမည်ကအမှန်ပင်။ဘာလို့အနည်းငယ်ပဲလဲဆိုရင်...ချစ်ရက်နဲ့ဝေးခဲ့ရတဲ့လူကိုချစ်စိတ်ကကျန်ရှိနေသေးလို့ဖြစ်သည်။
"ကလေးငယ်.....မင်းအဆင်ပြေနေတယ်မလား"
နွေးမြတ်နိုးရတဲ့အကြင်နာမျက်၀န်းလေးထဲကမျက်ရည်များစီးကျလာခဲ့သည်။ထိန်းထားရက်နဲ့ကျလာတဲ့မျက်ရည်တွေကိုလည်းငယ်မမုန်းရက်တော့ပါ။တစ်ခါလောက်တော့စိတ်လွတ်ကိုယ်လွတ်နဲ့ငိုချင်မိသား။
_________
လက်ထပ်ပွဲမတိုင်မီ၁နာရီအလိုမှာသတို့သမီးကပြင်လို့ဆင်လို့မပြီနိုင်သေးပေ။သူများတွေလို့ဘ၀မှာတစ်ခါပဲလုပ်ရမယ့်အရာမို့ဘာညာမို့စိတ်လှုပ်ရှားပြီကြောက်နေတာတာမဟုတ်ပဲအမှားပါပြီးမီဒီယာတွေရှေ့မှာအရှက်ကွဲမှာကိုသာစိတ်ပူနေမိသည်။
ငယ်ကိုငယ်၏လုပ်ဖော်ကိုင်ဖက်၊သူငယ်ချင်းတွေ၊ဆွေမျိုးတွေအစရှိသောလူများသည်လာနှုတ်ဆက်ကြသည်။ငယ်ကတော့ဟန်ဆောင်အပြုံးလေးနဲ့မျှသာ။
"ဟယ် ငယ်လေး လှနေပါလား"
"ကျေးဇူးပါ အစ်မနွယ်"
"ငယ်ရဲ့သတို့သားလေးတော့မြင်ရင်ကြွေတော့မှာအသေချာပဲ"
"မဟုတ်ရပါဘူး အစ်မနွယ်နော်.....သိပ်မြှောက်နေတော့လူကနေရခက်လာပြီ"
"အမယ်လေး ကျွန်မကအမှန်တိုင်းပြောတာကိုး"
"ဟုတ်ပါပြီရှင့်"
"ဒါဆိုအစ်မလက်ထပ်ပွဲအခမ်းနားနေရာဆီသွားလိုက်ဦးမယ်နော်"
"ဟုတ်ကဲ့ အစ်မနွယ်"
သတို့သားတဲ့လား။လက်ထပ်ပွဲဆိုသည့်အရာကိုမေတ္တာနွေးဆိုတဲ့ကလေးငယ်လေးနဲ့သာလုပ်ချင်ခဲ့တာ...တကယ်တမ်းလုပ်ရတော့ယောက်ျားသားတစ်ယောက်နဲ့ပါလား။ဖြစ်ချင်တာတွေကိုဖြစ်ခွင့်မရတဲ့လူလောကဆိုတာသိပ်မှန်တာပဲ။
"တီချယ်"
"ဟင်...ကလေးငယ်"
"ဒီနေ့ကိုယ်တီချယ်ကသိပ်လှနေပါလား"
"ကျေးဇူးပါ ကလေးငယ်"
"ကျေးဇူးတင်စကားပြောစရာမလိုပါဘူး"
"အင်းပါ....မင်းဘယ်လို့ရောက်လာခဲ့တာလဲ"
"တီချယ်ရဲ့လက်ထပ်ပွဲကိုကိုယ်မိသားစုကိုပါဖိတ်ထားတာလေ...အဲဒါကြောင့်ပါ"
ရောက်လာကတည်းကအပြုံးလေးနဲ့ငယ်ဆီကိုလာခဲ့တာ အခုထိအပြုံးလေးမပျက်ပဲနဲ့ငယ်မေးတာကိုဂရုတစိုက်လေးပြန်ဖြေပေးနေတာကချစ်ဖို့ကောင်းလိုက်ချည်ရဲ့။
"ကိုယ်နဲ့တီချယ်တွေ့တာဒီနေ့နောက်ဆုံးဖြစ်သွားနိုင်တယ်...."
ကလေးငယ်ဆီအပြုံးလေးနဲ့ပြောလာခဲ့သည့်ထိုစကားကြောင့်ငယ်နားမလည်နိုင်စွာနဲ့မေးလိုက်မိသည်။
"မင်းကဘယ်သွားမလို့လဲ"
"တီချယ်ရှေ့ကပျောက်ကွယ်ပေးဖို့အတွက်ကိုယ်ကတီချယ်နဲ့အဝေးဆုံးနဲ့ပြန်ဆုံဖို့မဖြစ်နိုင်တော့တဲ့နေရာကိုထွက်သွားမလို့ပါ"
"ဟမ်...မင်းဘာကိုဆိုလိုတာလဲ"
"တီချယ်တစ်နေ့နေ့ကြရင်နားလည်လာပါလိမ့်မယ်....ကိုယ်ကိုသွားခွင့်ပြုပါနော်"
ငယ်ဆီကအဖြေကိုမစောင့်ပဲထွက်သွားခဲ့တဲ့ကျောပြင်လေးကိုကြည့်ပြီငယ်ရဲ့ရင်ဖက်ကအောင့်လာခဲ့သည်။ဘာကြောင့်အောင့်လဲဆိုရင်အချစ်တဲ့လေ။အချစ်ကြောင့်ဖြစ်တဲ့ဝေဒနာပေါ့။
နွေးနှင့်သန်သန်မာမာလူ၃ယောက်သည်လူကွယ်ရာတွင်တိတ်တဆိတ်နဲ့စကားပြောနေခဲ့ကြသည်။
"အဆင်သင့်ဖြစ်ပြီလား"
"ဟုတ်ကဲ့ ဖြစ်ပါပြီ"
"ကိုယ်မိဘတွေကိုမပြောထားဘူးမလား"
"မပြောထားပါဘူး မမလေး"
"ကောင်းပြီ အဲနေရာကိုအခုပေးလူရှင်းနေတုန်းပေးလိုက်တော့"
"မမလေး ယုံကြည်လို့ရတယ်မလား"
"ရပါတယ်ကွာ အစ်ကိုတို့သာသေချာလေးကိုယ်ခိုင်းတာတွေကိုလုပ်ပေးပါ"
"ဟုတ်ကဲ့ပါ မမလေး"
သန်သန်မာမာနဲ့အစ်ကို၃ယောက်အားကြည့်ကာစိတ်ချမယ်နော်ဆိုသည့်အကြည့်နဲ့တစ်ချက်ပြုံးပြလိုက်သည်။
အမှန်တိုင်းပြောရရင်ထိုလူ၃ယောက်ကလည်းနွေးခိုင်းလို့သာလုပ်ရတာ ဘာကြောင့်ခိုင်းလဲဆိုတာကိုအသေချာမသိပေ။ခိုင်းထားသည့်အရာကလည်းစိုးရိပ်ဖွယ်ရာအတိပင်။
ငယ်တို့လက်ထပ်ပွဲလုပ်သည့်ဟိုတယ်မှာပဲအခန်းယူထားသည့်မို့ထိုအခန်းထဲကို၀င်သွားကာလော့ကိုသေချာစွာချလိုက်သည်။
"တီချယ်...ကိုယ်ရယူခြင်းအချစ်နဲ့မချစ်တတ်တာမို့ပေးဆပ်ခြင်းအချစ်နဲ့ပဲချစ်ပါရစေ...ကိုကိုလို့လုပ်ဖြစ်ခဲ့မယ်လို့နွေးမထင်ထားခဲ့ပါဘူး...ဒါပေမဲ့နွေးလုပ်နေမိပြီပဲ ကိုကိုနောက်နွေးလိုက်လာခဲ့တော့မယ်နော်"
လက်ထဲရှိအဆိပ်ပုလင်းကိုနွေးသောက်လိုက်သည်။ခဏလေးအတွင်းမှာပဲမျက်လုံးတွေဝေဝါးလာပြီးကြမ်းပြင်မှာလဲကျသွားလေသည်။မျက်လုံးမမှိတ်မှီပြောမိသည့်စကားက"ချစ်တယ် တီချယ်"တဲ့လေ။
အပြင်ကရပ်စောင့်နေသည့်လူယုံတော်အစ်ကို၃ယောက်ကအထဲကဘာအသံမှမကြားရတော့ကြောင့်သူတို့ထင်ထားသလို့ဖြစ်လာမှာစိုးရိပ်သဖြင့် ဟိုတယ်မန်နေဂျာကိုအမြန်သွားခေါ်ကာ တံခါးကိုဖွင့်လိုက်ချိန်မြင်လိုက်ရသည့်မြင်ကွင်းကသွေးပျက်ချင်စရာပင်။
"မမလေး...မမလေး!! သူဌေးကိုသတင်းပို့ကြ! အခုလောလောဆယ် ဆေးရုံးကားအမြန်ခေါ်!"
"ဟုတ်ကဲ့"
တစ်ယောက်ကဆေးရုံးကခေါ်နေပြီးနောက်တစ်ယောက်ကဦးသန့်ဖြိုးအောင်ကိုသတင်းသွားပို့သည်။
သတို့သားနဲ့စကားပြောနေသောဦးသန့်ဖြိုးအောင်ကိုတွေ့တော့အမြန်ပြေးသွားရသည်။
"သူဌေး!"
"ဘာဖြစ်လာတာလဲ"
"မမလေး ဟိုတယ်အခန်းထဲမှာကိုယ်ကိုအဆိပ်သောက်ပြီးသက်သေဖို့လုပ်လို့ပါ အခုဆေးရုံးကားခေါ်ထားပါတယ်"
"ဘာ! ဘယ်မှာလဲ ငါသမီး ဘယ်မှာလဲလို့"
"ရှင် ကျွန်မသမီး..."
"သူဌေးကတော်စိတ်အေးအေးထားပါ အခုလောက်ဆိုဆေးရုံးကရောက်နေလောက်ပြီမို့ ဟိုတယ်ရဲ့ အနောက်ပေါက်ကသွားရအောင်ပါ မီဒီယာတွေမမြင်အောင်တော့ခေါ်ထုတ်သွားဖို့လုပ်ထားပါတယ်"
"မြန်မြန်သွားရအောင် ကျွန်မစိတ်ပူလှပြီ...ခွင့်ပြုပါဦး နော်"
"အစ်ကိုနဲ့အစ်မအရမ်းစိတ်မပူပါနဲ့"
"အင်းပါ"
ဦးထိန်လင်းအောင်လည်းစိုးရိပ်စိတ်ကြီးမားနေသည့်
မိဘနှစ်ပါးကိုကြည့်ပြီသက်ပြင်းချမိသည်။ငယ်ဆီကိုသွားတွေ့ရဦးမယ်မို့ငယ်ရှိရာနေရာကိုသွားတွေ့ခဲ့သည်။
"ငယ်"
"ရှင် အစ်ကို"
"ကိုယ်အမျိုးသမီးလေးကလှရက်နိုင်လိုက်တာကွာ"
"ဟာ...အစ်ကိုကလဲ"
"အစ်ကိုကတကယ်ပြောတာ...အော် ဒါနဲ့ ငယ်ကိုမေးစရာရှိလို့"
"မေးလေ အစ်ကို"
"ငယ်တပည့်ဖြစ်တဲ့ဟိုမေတ္တာနွေးဆိုတဲ့တစ်ယောက်မှာစိတ်ဒါဏ်တွေဘာတွေရှိလား"
"ဟင်...ငယ်လည်းမသိဘူး ဘာဖြစ်လို့လဲ"
"သူမိဘတွေကိုခုနလူယုံတော်၁ယောက်ကလာပြောသွားတယ် ကိုယ်ကို့ကိုယ်အဆိပ်သောက်ပြီးသက်သေဖို့ကြံစည်လို့တဲ့ အခုတော့ဆေးရုံးကားခေါ်ထားတယ်ဆိုပဲ"
"ရှင်!! ကလေး...ကလေးငယ် အခုဘယ်ဆေးရုံးမှာလဲ"
"အဲဒါတော့ကိုယ်လည်းမသိဘူး...ငယ်!! ဘယ်သွားမလို့လဲ လက်ထပ်စဖို့၁၀မိနစ်ပဲလိုတော့တယ်လေ ငယ်!"
ဦးထိန်လင်းအောင်ဘယ်လောက်ခေါ်ခေါ်ငယ်မကြားတော့ပါ။သူကလေးငယ်ကိုသာစိတ်ပူမိသည်။သူပြောခဲ့တဲ့စကားတွေကိုငယ်အခုမှပြန်ကြားယောင်လာမိပြီငိုမိသည်။လက်ထပ်ပွဲမှာအမှားပါမှသိပ်ကြောက်သူကအခုတော့သူကိုယ်တိုင်လက်ထပ်ပွဲကထွက်ပြေးကာကလေးငယ်ဆီသွားနေသည်တဲ့။ကလေးငယ်ရဲ့မိဘတွေကိုဖုန်းဆက်မေးကာဆေးရုံးကိုကားငှားပြီးလိုက်သွားခဲ့သည်။
"သမီးရော လက်ထပ်ပွဲစတော့မယ်လေကွာ"
"ထွက်ပြေးသွားပြီ ဦးလေး"
"ဘာ! ဒီသမီးမိုက်ကတော့...တောက်"
"ဘယ်လို့လုပ်ကြမလဲ ပွဲကစတော့မယ်လေ"
"ပွဲဖျက်ရုံကလွဲပြီငါတို့လုပ်နိုင်တာဘာရှိသေးလို့လဲ...ဒါနဲ့သူကဘာလို့ထွက်ပြေးသွားရတာလဲ"
ဦးထိန်လင်းအောင်လည်းဖြစ်ကြောင်းကြောင်းကုန်စဉ်ရှင်းပြလိုက်တော့ဦးကောင်းခန့်ကပိုဒေါသထွက်မိသည်။
"ဒီမယားတရူးမကတော့ ငါမျက်နှာကိုအိုးမဲသုတ်ဖို့လုပ်သွားတာပဲ"
"ဗျာ! ဘာကိုပြောချင်တာလဲဗျ"
"မင်းကိုတော့အားနာပါတယ် အခုတော့ဒီပွဲကိုဖျက်သိမ်းရတော့မယ်"
ဦးကောင်းခန့်တို့လည်းစင်ပေါ်မှာသွားရပ်ကာ လက်ထပ်ပွဲဒီနေ့မလုပ်ဖြစ်တော့ကြောင်းအသိပေးအပ်ရတော့သည်။
"အာလုံးပဲကြောငြာစရာလေးရှိလို့ပါ ယခုကျင်းပမည့်လက်ထပ်ပွဲကိုဒီနေ့မလုပ်ဖြစ်တော့ပါဘူး ပြဿနာလေးတစ်ခုဖြစ်လို့ဒီနေ့လက်ထပ်ပွဲကိုမလုပ်ဖြစ်တော့တာဖြစ်ပါတယ် လက်ထပ်ပွဲဖျက်သိမ်းလိုက်တာမဟုတ်ပဲရက်ကိုယာယီရွေ့ထားလိုက်တာပါ ကြွရောက်လာကြသောလူကြီးမင်းတို့ကိုကျွန်တော်တောင်းပန်ပါတယ်"
"ပြဿနာကဘာလဲဆိုတာပြောပြပေးနိုင်မလား"
"သတိုးသမီးကိုမတွေ့မိပါလား သူထွက်ပြေးသွားလို့ဒီနေ့မလုပ်ဖြစ်တော့တာလားဗျ"
မီဒီယာတွေရဲ့ဓာတ်ပုံရိုက်သံတွေမေးခွန်းမေးသံတွေဆူညံ့နေတော့သည်။ဦးကောင်းခန့်တို့သည်လည်းထိုနေရာမှအမြန်ထွက်လာကာငယ်ရှိရာဆီလိုက်သွားဖို့လုပ်ကြသည်။ခက်သည်ကငယ်ဘယ်ရောက်နေလဲဆိုတာကိုမသိတာပင်ဖြစ်သည်။
"သူဘယ်မှာလဲဆိုတာဦးလေးလေးခန့်မှန်းမိပြီ....သမီးနွေးဆီသွားတာများလား"
"ဖြစ်နိုင်တယ် သူအဲသတင်းကြားတော့ချက်ချင်းထွက်ပြေးသွားတာ"
"သမီးနွေးကဘယ်ဆေးရုံးကိုသွားတာလဲ"
"အဲဒါတော့ကျွန်တော်လည်းမသိဘူးဗျ"
"ထက်ဇော် ငါကိုစုံစမ်းပေးစမ်း"
"ဟုတ်ကဲ့"
ဦးကောင်းခန့်ကသူအတွင်းရေးမှုကိုခေါ်ကာစုံစမ်းခိုင်းလိုက်သည်။
ငယ်ကြောက်လန့်နေမိသည်။ပွဲကထွက်ပြေးလာလို့မဟုတ်ပဲနွေးအသက်ဆုံးရှုံးသွားမှာကိုကြောက်နေမိခြင်းဖြစ်သည်။
"ဦးလေး..... မြန်မြန်မောင်းပေးပါနော်..... ဟင့်...ကလေးငယ်ရယ် ဒို့တောင်းပန်ပါတယ်.....ဟင့်.... ဒို့မင်းကို .....နာကျင်စေမိပြီ "
_____
အမှားပါသွားရင်ခွင့်လွှတ်ပါဗျ။upနောက်ကျသွားလို့ဆောရီးပါ။