روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
دخلـت على المُحادثة أمي وأني بلعـت ريگي داتكلب بالمـسجات على السريع وتقرة بس أحـس راح تركع التلفـون بالكاع من وره العـصبية قرت حـيادر وقـرت حبيبي جـان ڤويز من حـيادر نصت التلفون وفـتحتة خلته على اذانهـا
كملت باوعت عليه وصاحت :- حيييييدر أبن عمتتتتتي ريتااجهه ؟؟؟؟؟
حسيـت دموعي تجمـعت بعُيوني وكلت :- بس أفهمـج يُمه والله
بعدني ممكملة كلامي وحسيت بحرا الراشدي على خدي وكالت :- حسابج أنتِ ويا هذه أبن عمتي المصون وره ما تروح لبنية شگلج ما أريد أشوفة والتلفون تحلمين تلزمينة بعد
كالت هيـج وراحت فتحـت الباب وطلعت حُسيـن سولف وياها شـويه وسكت طلعت ورحت صـعدت للغُرفة وافكر بـمصيري بمصير حيادر اووو أمي بس لا تـخابرة وتكُلة شي شـلون اكُله شلوووون والتلفـون بعد ما الزمة شلون بيه ولا هسـه أني
حسيت غوشت رحت للمچر طلعت العلاج خذت كبسولة وبلعتها بدون مي وافكر بمصيري مرت ربع ساعة واندك الباب ما أعرف منو فتحة بس أكيد هاي ريم اجت شلون انزل هسه أني ؟
ما أعـرف شكد مر من الوقـت رتبت شعري ونزلت دخـلت الصالة وكامت ريم تـسلم عليه سلمت ورحـت سلمت على امها كعـدنة وحدة بصـف الثانية وبدينـه نسولف وبگلبي شـكد كارهتها كُل ما تـسولف وياي اتـذكر من انطتني العـلاج ونوب بكُل عيـن صلفة جايه هيَ وأمهـا على اساس يأدن الواجـب
اباوع على أمي كُل شويه تباوع عليه وبگلبي اكول بس لا تروح ريم ردت ريم تطول اكثر
نزتـني من صفنتي وكـالت :- تطلعـين على يوم ضايجـة ومُشتاقة لطلـعاتنة سوه ؟
ريتاج :- ما أعرف والله سئلي أمي
ريم :- خـالة عادي على يـوم من يصير عُنـدي فراغ اخذ ريتـاج ونطلع نتونس شـويه ؟
اجت نظرتها عليه دنكت راسي وكالت بعصبية :- اي ان شاء الله ليش لا أكيد
ريم :- فـدوة الچ
رحت ضيفتهن ورجعت كعدت يمهن مرن ساعتين وكامن سلمن وطلعن وأمي راحت تسد الباب رحت للمطبخ جان حُسين بي داياكُل فواكة شربت مي
أمي :- حُسيـن روح جـيب النـه عشـه على ما يـجي أبوك
حُسين :- صار يُمه
أمي :- فـدوة الك
بلعت ريگي وكلت بگلبي هاهيَ اليوم عشر دقائق وطلع حُسين رحت ردت اصعد فوك وصاحت الي وكالت :- تعاالي لا تصعدين
- يُمـه
- كلـت تعالي ؟
رحت كعدت يمها جان تلفوني بأيدها باوعت الي وكالت :- منين اتلكاها أني ريتاجهههه منيين
- يُمـه والله مـاكو شي ببينه
- لا تحـلفييييين بالله على هـذه الشي
- يُمه وداعتج ماكو شي ببينه والله وداعت عُيونج بس حُب ونظيف يُمه الله شاهد عليه مو من هذه الي ببالج وداعتج راد يتقدملي بس أني كُتله ماينطوني وأني ما عابرة العشرين والله
- ما كُلتيلي هااااا ماكُلتي أني اتمـعشك كايتلتج لو لا أنيييييي مو كـتلج إذا تمعشگتـي يا ريتاجة تجيييين تكُليلي
- اخاااف يُمه وداعتج
- تخاااافين ليشش تخافييين مسويه شي وأني ما ادري ؟
- لا والله والقـرآن الكريم
- أسُكتي أسُـكتي أني عندي كلام وييـااه
- شنوو شنو تسووين ؟
- ما دخلج
فتحـت تلفوني دخلت على الـواتساب راحت للرقـم مالتك ضغطـت اتصال ثـواني وجاوب بعدها ممجـاوبة أمي وكال :- هلا بويه هلا يا عيني
حسيت أني جمدت بمُكاني جاوبتة وكالت :- عيييينك حيدر عييينك ؟؟
سكـت وره ثواني جـاوب وكال :- احم هلأ عمه
أمي :- شنو تصرفگم هذه أنتوووا صغااار ؟؟
حيدر :- عمـه بس أفهمـج
أمي :- شنو تفهمني هااا شنو تفهمني من تتمعشگون بالخفاء هاا تفهمني هاي حيدر
بعـدة ممجاوب حيـادر وأجتني نغـزة بگلبي گُلش قوية لزمت گلبي وضعطت عليه وكعـدت أنتبهت عليه أمي وكالت :- شبيج ريتااااجة ؟؟
- رااح أموووت گلبي دايأذيني
أجه صـوت حيادر من التلفـون :- عممه شبيهاا ؟؟
ماجاوبتة وسدته بوجه وأجت عليه وكالت :- كوومي حضري نفسج كووووومي
صحيـح الوجع بگلبي دايـزيد وقوي وأني هم ما قصـرت زيدتها شويه لإن أعـرف أمي گُلش ولا نتأذه دمعـت عيني وكلت :- يُمه شلون اتشاهد عـلميييني ؟؟؟
حسيت وجه أمي صار اصفر خفت عليها للحظة راح تبجي وكالت :- راح اتصل على حُسين ريتاجة ثواااني بس أصبري بنتي فدوة اروحلج
جان تلفـوني بأيدها ما اتصـلت منه راحت جابت تلفـونها واتصلت على حُسين دقائـق رفعة وجاوب :- ها ؟
أمي :- حُسييين اخيتك فدوة استعجل
حُسين :- شنوو شنو صـار شبيهاااا ؟؟
انتبهت على تلفوني دايتصلون عليه اتصالين فصل اتصال ورجع الثاني غلست عليه وكالت أمي :- تكدريين تبدلين ؟
- اي اي
- كومي أني اساعدج
حسيت گلبي نغزة وره نعزة داتجي كلت بگلبي هاهيَ الجذب صار حقيقية صعدتني فوك بدلت ملابسي لبست صاية على السريع ربع ساعة واجه حُسين دخل السيارة بالطرمه وصاح :- يييييله يمممه
نزلنـة أني وأمي صعدنة السـيارة وانطلقنة وكال حُسيـن :- شنوو شبيها ؟
- مادري مادري حُسين استعجل
- صار
سكـت حُسين وزيد سـرعة السيارة وگلبي دايـأذيني أكـثر واحس راسي راح ينفجر من قـوة الالم
....
من بعد اتصال ام ريتاجة وأني عقل ما ضل براسي اتصلت على حواء
جاوبت وكلت الها :- حووواء فُستق حووواء اتصلي عليها
- هلا خـويه الحمدُلله أنتَ شـلونك احنه بخير والله
عرفت احد يمها وصحت :- صعدييييي فوك
- دقـائق حيـدرنا
شويه وكالت :- هاا حيدرنا شكو شبيها رتوج ؟
- أمهااا عـرفت
- شنو شلوووون عـرفت ؟؟
بعدني ما حاجي اجاني آسر وكال :- أبو الحيادر شكوو ؟
- بعديـن افهمك ، يله حـووواء
- راح اسـد الاتصال
- سـدي واستعجـلي بوييه
سديته منها والتفتت على آسر يباوعلي :- شكوو حيدر شنو صار ؟
- ام ريتاجـة عرفت بيـنه وبعلاقتنة
- صدُك تـحجي ؟
- وداعتك
- شـلون وليش خـاف تكُل لابوها لو لاخـوها ويأذوها ؟
- لا آسر لا أُمها تخـاف عليها مـاتكُل الهُم
دقائق ورجعت اتصلت عليه حواء فتحت الخط على السريع واجاني صوتها وكالت :- ما ترد لا هيَ ولا أُمها حييدر شنو صاير سولفلي ؟
ماجاوبت سـديته منها مسـحت وجهي بحيرة :- شنو اسـوووي آسر شنو ، أرجع للعـراق ؟
- صدُك تحجي ؟؟
- وداعتك صدُك احجي
- ويـن العراق هوَ قابـل وره الشقة يمعود شـو دستر علينه
ماجاوبتج طلعت چگاره ورحت للبلكونة ادخنها
....
وصلنـة للمستشفى وبالي يم حيـادر وأمي قلقتة بالزايـدة خطية أكيد هسه ضال بقلق نزلنة دخـلنة المستشفى وتوجهـنج للدكتور سئلنة عـلى دكتورنة ماكو طالع بس الدكتـورة باقية
رحنه الها ودخلنة محد يمها شافتنة وكالت :- أهلًا وسهلًا ، ريتاج كريم صح ؟
- اي دكتـورة
- اهلا بيج تفـضلي
- دكتـورة گلبها دايأذيهـا گُلش
- سلامات ان شـاء الله
كتبت النا ورقة وانطتها لأمي وكالت :- كتبتلج ورقة دخول سريع حالة طارئة اخذي تحليل أول ما يطلع تعالي سريع الي راح انتظرج هُنا أني تمام ؟
- بـميزان حسناتج ان شـاء الله
- لا يا روحـي ولو وأجبي هذه
طلعت أني وأمي رحنه سحبت تحليل دم وره وقت طلع ورحنة خذناه ورحنة للدكتورة وحالتي داتسوء اكثر دعيت يمُر هذه اليوم على خير رحنة دخلنة للدكتورة لزمت گلبي
أول ما دخـلت انطتها أمي ورقة التـحليل قرت الورقة وكـالت :- مُغذي سريع ، جايـه وراج أني
- دكتورة اكوو شي والله گلبي راح يوكع ؟
- لا خـالة لا عيني ماكو شي يُدعي للقلـق روحي سبقينـي جاية وراج أني
كتبت ورقة وانطتها لأمي رحنة للصيدلية اخذنه المُغذي وكبسولات اجه اتصال من ابوي جاوبتة أمي وطمنتة وتوجهنة لغرُف الطوارئ شكلو الي المُغذي شربت الكبسولات وره عشر دقائق تقريبًا اجت الدكتورة
الدكتورة :- شلون صـرتي ان شاء الله تمام ، شـربتي العـلاج ؟
ريتاج :- الحمدُلله
باوعـت الدكتوره على أمي وكـالت :- شوفي خـالة مرضى القلب يحـتاج الهم راحة عاليـة وخاصةً بنتج عـدها قلب وصداع نُصـفي داتقلق دايأثر على مرضها جدًا خطـرة هيج
اندارت عليه وكالت :- شوفي حبيبتي أني خذت صوره للتحليل ودزيتها للدكتور مالتج جدًا شاطر تناقشنة شويه وكال ننطيها علاج جديد إذا ما تحسنتي راح نضطر نسويلج عملية وهاي العملية جدًا خطرة وتطول أكثر من أربع ساعات فَ يا حبيبتي يا روحي انتبهي لنفسج ولا تخسريها
داتسـولف وياي وقلقتني بالزايد ابـاوع على أمي بس تـريد تبجي وكـوة لازمه دمعتها سلمـت الدكتوره عـلى أمي وطلعت كلت هـاي فرصتي التفتت على امي وكـلت الها :- يُمه
- عُيوني
دمعـت عيُوني وكلت الها :- أريد الـتلفون مالتج بس اطـمنة فدوة والله يضل بقلق عليه وأنتِ سـديتي بوجه يُمه لاترفـضين
أستغربت رسًا انطتني التلفون وكالت :- راح اطلع لحُسين اكله وارجعلج
- شنـو تكُليله ؟
- لاتخـافين بنيتي
- فـدوة الچ
مسحت عُيونها وطلعت خذت تلفونها دورت بي على رقم حيدر ماكو بس العراقي وأكيد مايشغل هسه لكيت رقم حواء اتصلت عليها رسًا فتحت خط وجاوبت وكالت :- الووو عمه
- أنـي أني حـواء
- رتـووج شلوج وينـج شنو صـاير گُلشي مدافتهم
- بخير أني بس خابري على حيدر وطمني وكُليله گُلشي مابيها لايضل باله بعدين أني اشرح اله گُلشي
- فـدوة سولفيلي
- حوواء أمي عرفت بينه
شهكت وكالت :- صخاااام الصخمني شنو عرفت ؟
- حـواء مو وكتها فـدوة الچ بس خابري وطـمني عليه يله حواء على الـسريع
- صار صار بس على كيفكم وياي
كالت هيـج وسدته وأني ضـليت بقلق علموده وأكـيد هسه هوَ قلقان عليه اوف اوف شـوكت يرجع ونتزوج وتخلص هـاي السوالف كُلـها شوووكت مو تعبت وراح حيلي
تنهدت وره خمس دقائق اتصلت عليه حواء فتحت خط وكالت الها :- ها شلونه
- زين زيـن لا يـضل بالج و يريد يجي للعراق ولچ
- صدُك ؟؟
- وداعتج
شفـت أمي دخلت من الـباب وكلت الها :- يله راح نـطلع إذا وصلت للبيت اخـابرج
- ماشي داده الحمدُلله على السلامة
- الله يسلمج
سدته واجـت أمي وكفت يمي وكـالت :- يله كومي خـلص المُغذي
- حُسين بره ؟
- اي يله كومي
كمـنة سويه رحنه جبنه العـلاج وطلعنة بره المُستشفى نـطيت التلفون الأمي وصعـدنة بالسيارة وكال حُسين :- احجي لو انلصـم ؟
سكتنة محد جاوبتة وكال :- هاهيَ انلصم
ضـحكت بداخلي ووصلنه للبيت دخـلنة طفى السيارة ودخـلنة الصالة أول ما دخلنه لكيت أبـوي واكف بالباب شافني وأجـه حضني :- بويه لاتكسرين ظهري
دمعت من كلام أبوي خلص باسني من چبيني وكال :- ريتاجة بالج على نفسچ يا بويه ماعدنة غيرج يا عيني يا حبيبتي
حُسـين :- كملوا عـادي شنو السـالفة محد غار
أمي :- اي مبين
سولفنه شـويه وصعدت فـوك تلفوني مو يمي أريـد اخابر حيادر بالي يمه شلون أنزل اطـلبة من امي لو لا لا شـعلية خلي هيَ تنطيـناه افضل
شويه وصاحولي على العشة نزلت تعشيت وصعدت تمددت ضليت أفكر شويه ونمت مرن يومين بدون حيادر وأحس عندي فراغ گُلش جبير
كاعـدة العصرية بغُرفتي داعـزل الملابس طلعت الهـدايا مالاته فتحـت الورقة شمـيتها وضميـتها لگلبي كملت وضميتـها بالعلبة مال الساعة
داضمها وانفتح باب غُرفتي شافتني أمي وكالت :- أريد احجي وياج
- احجي يُمـه اسمعج
- شوفي بنتي أني واثقة منج گُلش زين وأعرف شنو تربيتي وواثقة بعمتي هم گُلش زين وأعرف شنو تربيتها وأني حالي حالج عشت بالماضي قُصه حُب واحلى قُصه صارتلي أعرف ما بأيدج شي وأعرف هوَ هم
ما بأيده شي وحرام عليه علاقة اثنين يحبون بعض قريت مُحادثاتگم من البداية للنهاية كُلها وزادت ثقتي بيچ أكثر صح ضايجة منج لان ضميتي على أمج هيج سالفة بس يله عاذرتج ومتفهمة وضعج
بس ليش من تمرضتي من وراه من سافر ليش ما اجيتي كُلتيلي وأني گلبي يومية ممرود عليج اشوفج گدامي ذبلانة وما أعرف شبيج ليش يُمه گُلشي عرفت ريتاجة گُلشي من ترحين هُناك بس علمودك ومن سافر ورحتي للمطار علمودة گُلشي
دمعـت حضنتـها وكالت :- بالج على نفسج من العشك يُمه راح يعذبج وأنتِ صغيرة
- بُعمـري ما راح أعـرف شلون اجـازيج بعُمـري كُله
رجعت قوت حضنها عليه وكالت :- أحبچ بنيتي الوحيدة الغالية
- يا روحـي
باستني وخلت التلفون بأيدي وراحت طلعت حتى ما حجيت شي رسًا دخلت على المُحادثات ودخلت على حيادر قريت المُحادثة وقريت كلامهم وجان داز الها ڤويز :- عمه لو ترديني هسه أرجع من مصر هسه بهاي اللحظة هم أرجع واتقدم الها على سنه الله ورسوله الله يشهد اجيب الاهل والعشيرة كُلها لخاطرج ولخاطر بنتگم
ومايكون خاطرج اله طيب بس لا تأذيها أكثر ولا تكولين لابوها لو لاخوها مو خوفًا منهم أني بس علمودها ما اريدها تتأذه ديري بالج عليها أعرف ما لازم اوصي لإن أني مو أحسن منج يا عمه بس كُتلج وهاهيَ بس انتظروني علما اتخرج وان شاء الله الي تطلبوا أني حاضر اله
سمعـت الڤويز الـصوتي والحُب راح يـطلع من عيني ما أعـرف شنو سويت بحياتي علمود احـصل على هذه الانسان العجـيب من دلاله من خوفة من كلامه من أهتـمامة الي أني ببلد وهوَ ببلد ودايـحاول يهتم بيه أحُبه يا ربي أحُبه الله يخلي الي ويديمـة ويحفظـة ويا ما كان
كملت الملابس على السريع رحت اتصلت عليه أول ما اتصلت جاوب جان صوت يمه عالي گُلش وكال :- الو
- الو حيـادر وياك
- هُيييييامي
- اي هُيامك شلون شـخبارك مشتاقتلك گُلش هوايه صـوت هـوسة يمك وين أنتَ ؟
- نازل يم البحر يا قُره عيني راح اسده ما داسمع شي
سده ودزالي كتابة :- معليج بيه شلون صرتي أنتِ ؟
- والله الصـراحة تريد
- اي ؟
- من حجـيت وياك صـرت گُلش زينه حتـى علاج بعد ما أريد
دز ضحكات وضلينه نسولف شويه وراح مر اسبوع جنت كاعدة بالطرمة وأمي يمي اتصلت عليه ريم وكلت لأمي :- اجاوب لو لا ؟
- دجـاوبي بعدها حـركتي بگلبي من هـاي البنية
كالت هيچ وفتحت خط وكلت :- الو حبيبتي ريم شلونج
- حيـاتي بخير وأنتِ شـلون صرتي شـخبارج
- الحمدُلله اسئل عليگم أمـج شلونها
سلمت وكملت وأني كوه طايقتها واتذكر من عين بعين وهيَ تحجي وياي ومقصدها حيادر گُلش لعبت نفسي منها بعد وكوه داحاجيها :- تطلعين باجر
باوعت على أمي تـأشرلي اي وكتلها :- اي عـادي حبيبتي
- تمام حبيبتي اطلع من الجامعة وامر عليج
- الساعة بيش ؟
- بكيفج
باوعـت على أمي تأشرلي رقـم أربعة وكتلها :- بالاربـعة ؟
- هاهيَ حياتي
سلمـت وراحت سديتـة وكالت أمي :- تديريييين بالـج ريتاجة
- صار
- وتاخذين حذرج
- هاهيَ
- حافضة ارقامنا شي ؟
- يا شنو السالفة يُم قابل شنو يصير
- گُلشي يصير بنتي حافضة لو لا ؟
- موجودات بالتلفون
- داكول حافضتهن ؟
- اي
- هاهيَ
سكتت وره شـويه كالت :- من تطلعـين خلي تسجيل بالتلفـون علمود يسجل منا لمن ترجعون مو تنسـين
- صار حبيبتي صار يالغالية
ضـلينه نسولف مر الـوقت الى ان اجـه أبويه وحُسيـن كلنه الهم اجـه حُسين تربع كـدامي وكال :- إذا تدخـلين بخطـر كولي " please help me " هاي إذا دخلتي انذار اما إذا انطتج علاج ثاني كولي الها " Thank you, I don't need these things "
ضحكت وكلت اله :- صـدُك داتحجي شعنـدي اكُللها شُكرًا هاي الحيـة
- كُليلها " Damn you "
- يعني شنو ؟
- يعني اللعنه عليك ، الله الله ياللغة الانكليزية شكد أحبچ
- اي أبو الكـدمورنك كـوم
ضحك وكام طلع بره مر اليوم عادي الى ان اجه ثاني يوم كاعدة الساعة بثلاثه اتصلت عليه ريم سلمت وكالت :- حضري نفسج وبدلي ساعة وأني يمج
- هـاهيَ حُب
سديته وكمت حضرت نفسي وبدلت اتصلت على حيادر وكتله ما اقتنع وكال :- بالج بويه
- من عيـني حيادر والله
- لاتاخـذين منها اي شـي
- صـار حبيبي
- يا شُغـاف گلبي
سديته منه ونزلت انتظرتها تجي بالمطبخ وأمي وحُسين وأبوي فوك راسي يسولفون ويحذرون بيه خلصوها ديري بالج
اتصـلت عليه ورسًا فصلـتة عرفت هيَ بالباب كـمت البـس حذائي وكال حُسين :- مثل ما كـتلج عين الشمـس
- هههههه هاهيَ صار
باستني أمي ووصـتني وكالت :- ريـتاجة مو تنـسين الكُتلج عليه
- من عيني يُمه
ورحت طلعـت بره لكيت سيـارتها كبال الباب اشـرتلي ورحت صعدت مر الوقت وصلنة نزلنـة كدام مول افتريـنة شويه وطلعـنة تعشينة واشتـرينة اشـياء وكمنة دانـمشي حتى نـروح للسيارة
اجاها اتصال رفعتة باوعت على الشاشة وكالت :- أخوي دايتصل
حركت راسـي بمعنـى اي وجـاوبت وكالت :- ها عُيـوني هسه ؟ ، مو طالعة وي صـديقتي ما اكـدر دقيقة
التفتت عليه وكالت :- أخوي محتاجتي ريتاج
- اي عـادي رجعيني للـبيت
- مستعجـل ما ادري شنـو يريد
- رجـعيني على السـريع عادي
سكتت ورجعت تحجي وي اخوها :- هاهيَ تُميم هسه اشوف يله بيباي
سـدته وكالت :- بس اروح اله مـا اطول ريـتاج والله
- رجعيني ريم والله أمي تضل بقلق مو علمود شي
- تعالي صعدي ازيد السرعج ما اطول وداعتج
لزمتـني من أيدي وكـادتني رحنة صـعدنة بالسيارة زيدت سـرعتها ربع ساعة ووصلت كدام الشـركة مال اخـوها وكالت :- نـزلي وياي ما اطول
- لا باقية هُنا روحي نزلي أنتِ دانتظرج
- ريتاااج ولا أعرفج عنودية
ضـحكت جرتني من أيـدي ونزلنه تفاجئت تمشـينة شوي ووكفنة طلعت تلفونها ما ادري شـسوت ورجعتة باوعـت عليه وكالت :- يله تعالي
- وين ريم
- دتعـالي يا حبيبتي شبيج نـدخل جوه قابـل تضلين هُنا بالـشمس
دخلنة جوه لكيت اخوها كاعد شافها وكال بصياح :- وييييين صرتي ؟؟
- بس افهمـك تُميم شبيك
- تفهميني شـنو
كعدت على الكرسي سلمت على اخوها وراحت دخلت جوه وطلعت بأيدها كلاصين مي انطت الي واحد والاخوها
شربـت المي ضلت تسـولف وياي وكتلها :- شـوكت نرجع ؟
- هسه حبيبتي
كالت هيـج وسكتت حسـيت أزدواجية الرؤية بـدت عندي بـس هاي المرة قوية گُلش كـمت اغمـض وأفتح أريد اشـوف ماكو ثواني وبعـدها ما حسيت بأي شي
كعدت بغُرفة ضلمة رسًا كمزت من مُكاني أريد اصدك الي داشوفة ليش أني بغُرفة ضلمه أريد اتذكر شي ماكو راسي دايأذيني قوي لزمتج بأثنين ايديه اضغط عليه وصحت :- منووووو هُناااا ؟؟؟؟
تذكرت اخـر شي طلعتي وي ريـم بس شنو جـابني هُنا فگرت بـريم وكلت :- لا لا لا مو مـعقولة مـعقولة هيَ جابتني هُنا هالحيييية
ضغطت على راسي والوجع مدايروح والغُرفة ضلمة گُلش گُلشي ميداينشاف بيها صحت :- ريييييم داتسمعيني فدوة طلعيني
ماكو جـواب زين ليـش المُكان اضـلم گُلش هييج ويين أني وييييين شنـوو هذا المُكااان الأضـلم وين اني منو جـابني هنا ؟ !!!!
ماكو صوت اريد أسمع شي أريد المح شي وكت ليل لأن الدنيا ضلمة گُلش هُندس حاولت اكوم ما أكدر أتحرك و اكـوم يا ربي شمسوين بيه
يا علي دخـيلك سـاعدني كمـت أتلمس وامشي ليكـدام بلكت الكة باب أي شي يطلعني من هـاي الغُرفة دامشي حـسيت من كمشت باليـدة مـال البـاب حاولت أفتحـة ما أكدر مشيت شوية الكة بـاب ثاني عبـالي حمـام شي داريد أفتحة هم مداينفتـح شلون اطلـع مشيـت وي الحـايط واتلمس حسيت أيدي على اليدة مال الباب الثالث !
ثلاث بيبان شنو هاي البيبان وين أني ياربي دخيلك ياعلي دخيلك شنو هاي الغُرفة العجيبة !
الله لا ينطيج يا ريييييييييم الله كون يطلعها بـيج يا ضااااالمة راح صـوتي راحـت بلاعيمي عطشت حسيـت واحـد من هاي البيبـان أنفتـح
جمدت بمُكاني
....
يتبع ⬅️ - البارت الواحد والاربعين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.