Chapter 59
ငါမင်းအကြောင်းဘာမှမသိသေးဘူး
ချန်းခယ့်ယောင်မှာ တဒင်္ဂတုန့်ဆိုင်းသွားသည်။
"မင်းဘာလို့ရုတ်တရက်ကြီးမေးချင်လာရတာလဲ"
"အထွေအထူးမဟုတ်ပါဘူး"
ရုန်ယီပြောလိုက်သည်။
သူသည် 'စပျစ်နွယ်ပေါ်မှဖရဲသီးခုနစ်လုံး' အမည်ရအွန်လိုင်းမိတ်ဆွေကို အလိမ်အညာတစ်ပုံတစ်ခေါင်းကြီးနှင့်ဖြီးဖြန်းထားခဲ့သည်။ ထိုသူကအမှန်တကယ်ချန်းခယ့်ယောင်ဖြစ်နေခဲ့လျှင် သူ့ကိုယ်သူဖော်ထုတ်ရန်မှာရှက်စရာကောင်းလွန်း၏။
သို့သော်ငြား လက်ရှိအချိန်တွင်ဝေ့လည်ကြောင်ပတ်လုပ်သည်မှအပအခြားနည်းလမ်းရှာမတွေ့ပေ။ အမှန်တွင်ရုန်ယီ ချန်းခယ့်ယောင်ကို "ငါကထူးထူးခြားခြားချစ်စရာကောင်းတယ်လို့မင်းထင်လား" ဟုမေးချင်ခဲ့သည်၊ သို့သော် ၎င်းမှာအသံကျယ်ကျယ်ဖြင့်ထုတ်ပြောရန်ခက်သည်။
အဆုံးသတ်၌မူ သူသည်ချဉ်းကပ်ရမည့်နည်းလမ်းကိုပြောင်းလဲရန်ဆုံးဖြတ်လိုက်သည်၊ သူသည် တက်ကြွလွန်းသည့်အွန်လိုင်းမိတ်ဆွေကိုဖွင့်ပြောသည့်ကိစ္စကအောင်မြင်၊ မမြင်အား ကိုယ်ပိုင်မက်ဆေ့ချ်ပို့ပြီးသည်အထိစောင့်ရန်ဆုံးဖြတ်လိုက်သည်။
ထိုအတိုင်းတွဲစပ်ကြည့်ပါက အဆိုပါအွန်လိုင်းမိတ်ဆွေသည်သူ့အရှေ့မှလူအတိအကျဖြစ်ကြောင်းသံသယဖြစ်စရာရှိတော့မည်မဟုတ်။
"ကိုယ်မင်းကိုအရင်ကမပြောပြခဲ့တာ ကိုယ်နည်းနည်းရှက်နေလို့ပါ"
ချန်းခယ့်ယောင်သည်သူ့လက်များကိုဆုပ်နယ်လျက် ရုန်ယီ၏စိတ်ထဲမှအရာများကိုသတိမထားမိဘဲပြောနေသည်။
"လျိုယွမ်နဲ့ကိုယ့်သူငယ်ချင်းတွေကကိုယ့်ရဲ့ကလောင်နာမည်ကိုသိသွားကြတော့ဝိုင်းရယ်ကြတယ်၊ အချို့မိတ်ဆွေစာရေးဆရာတွေဆိုရင်သူတို့သဘောနဲ့သူတို့မိန်းကလေးပုံစံမိတ်ကပ်တွေပြင်လာကြသေးတယ်၊ အဲဒါကကိုယ့်ကိုနောက်ပိုင်းမှာ လူတွေနဲ့တွေ့ဖို့အရမ်းရှက်သွားစေခဲ့တယ်၊ ကိုယ်မင်းကိုပြောလိုက်ရင်မင်းလည်းကိုယ့်ကိုရယ်မှာကြောက်တယ်"
"အကုန်လုံးတော့မဟုတ်ပါဘူး"
ရုန်ယီ ခေါင်းယမ်းလိုက်သည်။
"ငါကတော့မင်းကအံ့ဩစရာကောင်းတယ်လို့ထင်တယ်"
"....."
"တကယ်ပြောတာ"
ရုန်ယီ ပြောလိုက်သည်။
"ငါကောလိပ်တက်နေတုန်းက 'နဂါးရှာပုံတော်' ပထမတစ်အုပ်တောင်အခေါက်ပေါင်းမနည်းဖတ်ဖြစ်ခဲ့တယ်"
သူပိုရှက်လာလေ၊ ရုန်ယီကပိုပြီးစိတ်လှုပ်ရှားလာလေပင်။
"ရုပ်ရှင်ထွက်လာတော့အနည်းဆုံးအကြိမ်နှစ်ဆယ်လောက်ကြည့်ခဲ့တယ်၊ အဲဒါက...."
စကားပြောနေရင်းတန်းလန်းဖြင့် သူတစ်စုံတစ်ခုမှားနေသည်ကိုရုတ်ချည့်နားလည်သွားကာ တမဟုတ်ချင်းပါးစပ်ပိတ်လိုက်သည်။
ချိုမြိန်နေသည့်မူလလေထုလေးမှာ ရုတ်တရက်ကို့ရို့ကားယားအဖြစ်ပြောင်းသွားသည်။
"အဲဒါကြောင့်နဲ့မင်းအဲဒီကောင်ကိုချစ်မိသွားတာလား"
ချန်းခယ့်ယောင်ကမေးလာခြင်းပင်။
"....."
ချန်းခယ့်ယောင်က အသက်ပြင်းပြင်းရှူလိုက်၏။
"တကယ်တော့၊ အဲဒီဇာတ်ကောင်နေရာကသူနဲ့မသင့်တော်ဘူးလို့မင်းမထင်ဘူးလား"
အရိုးသားဆုံးပြောရလျှင် မော့ယွီဖေးနှင့်ဇာတ်ကောင်ကြားရှိသဘောထားက အတော်လေးကွဲပြားသည့်တိုင် သူ့တွင်ကြည့်ကောင်းသည့်ရုပ်ရည်ရှိသည်။ ရုန်ယီမှာ ထိုစဉ်ကအထိအရူးထနေခဲ့သေးသည်။ ယခုဤအရာကိုဝန်ခံရန်မှာ သူ့အတွက်ခဲယဉ်းနေ၏။ ရုန်ယီ လည်ချောင်းရှင်းကာမေးလိုက်သည်။
"ဒါဆိုဘာလို့မင်းကသူ့ကိုအကောင်းပြောပေးနေသေးတာလဲ"
"အဲဒီတုန်းက ကိုယ်နဲ့သူကအတူရှိနေသေးတယ် ပြီးတော့ ကိုယ်တို့နှစ်ယောက်ဆက်ဆံရေးကအကောင်းဆုံးအဆင့်မှာလေ၊ အဲဒါကြောင့်ကိုယ်သူ့ကိုတတ်နိုင်သမျှကူညီနိုင်မယ်လို့ထင်ခဲ့တာ"
"ပြီးတော့ မင်းကသူ့အတွက်နောက်တစ်ခုကိုသီးသန့်ရေးပေးခဲ့သေးတယ်"
ရုန်ယီ ပြောလိုက်သည်။
ချန်းခယ့်ယောင်ကသူ့ကိုကြည့်လာပြီး တစ်စုံတစ်ခုပြောရန်တွေဝေနေသည်။
"အဲဒါတွေအကုန်လုံးကဖြစ်ခဲ့ပြီးသားတွေပါ၊ ငါကအဲဒီလောက်ရက်စက်တဲ့လူမျိုးမဟုတ်ပါဘူး"
ရုန်ယီအသံတိမ်တိမ်နှင့်ရေရွတ်ပြီး ရုတ်တရက်သူ့အသံကိုမြှင့်လိုက်သည်။
"ဒါပေမဲ့ အခုငါမင်းကိုမေးနေတာ၊ မင်းရိုးရိုးသားသားဖြေရမယ်"
ချန်းခယ့်ယောင်ကသူ့ကို ကူကယ်ရာမဲ့စွာကြည့်သည်။
"မင်းကြားတာတွေကိုစိတ်မဆိုးရင်ပေါ့"
"သူကဘာလို့မင်းကိုအစ်ကိုလို့ခေါ်တာလဲ"
ရုန်ယီ မေးလိုက်သည်။
"မင်းအဖေနဲ့တစ်ခုခုဖြစ်ခဲ့သေးလို့လား"
ချန်းခယ့်ယောင်ကခေါင်းညိတ်သည်။
"ကိုယ့်အဖေကအထက်တန်းကျောင်းမှာတုန်းကသဘောကျခဲ့ဖူးတဲ့လူရှိတယ်လို့ပြောဖူးခဲ့တာမှတ်မိလား၊ မော့ယွီဖေးကသူ့ကလေး"
"သူတို့ပုံမှန် အတူနေကြတာလား"
"ဟင့်အင်း"
ချန်းခယ့်ယောင်ကခေါင်းယမ်း၍ပြောသည်။
"သူငယ်တုန်းမှာပဲ မတော်တဆမှုဖြစ်ပြီးဆုံးသွားတယ်၊ ကိုယ့်အဖေကသတင်းကြားတော့စိုးရိမ်သွားတယ်လေ၊ အဲဒါကြောင့်သူ့ဆီကိုမကြာခဏသွားလည်တယ်၊ သူ့အထက်တန်းကျောင်းကကိုယ့်အိမ်နဲ့နီးတယ်၊ကိုယ့်အဖေကသူ့ကိုအမြဲညစာဖိတ်ကျွေးနေကျ၊ အဲဒါနဲ့ပဲ ကိုယ်တို့ချင်းရင်းနှီးလာကြတာ၊ အဲဒီနောက်ဆုံးကောက်ရိုးမျှင်ကအစ်မလန်ကိုမျက်စိစူးသွားစေခဲ့တယ်"
ရုန်ယီကခေါင်းငုံ့ကာ အချိန်အနည်းငယ်ကြာအောင်စဉ်းစားနေသည်။
"ဒီလောက်နှစ်တွေအကြာကြီးသိလာတာ၊ သူမင်းအကြောင်းကောင်းကောင်းသိနေတာမဆန်းတော့ဘူး"
"ကိုယ်အဲဒီအချိန်ကအရမ်းတုံးခဲ့တယ်၊ ကိုယ်သူ့ကိုသဘောကျတော့အကုန်လုံးကိုပြောပြခဲ့မိတယ်"
ရုန်ယီ ခေါင်းမော့ကာပြောလိုက်သည်။
"ငါနဲ့မတူဘူးပဲ၊ ငါကမင်းအကြောင်းဘာမှမသိထားဘူးလေ"
ချန်းခယ့်ယောင်ကကြက်သေသေသွားပြီးမှဆက်ပြောလာသည်။
"ဒါပေမဲ့ကိုယ်အခုပိုတော်လာအောင်သင်ယူနေပါတယ်၊ အဲဒါဆိုမင်းသိချင်တာမှန်သမျှကို ကိုယ်ရိုးရိုးသားသားဖြေပေးနိုင်ပြီ"
"....."
ထိုသို့သော စိတ်ကျေနပ်ဖွယ်စကားမျိုးကိုမဆိုင်းမတွပြောထွက်နိုင်ခြင်းက အမှန်တကယ်ပင်သူအနည်းငယ်ပိုတော်လာပြီဟုထင်မြင်ရသည်။
"ပြီးတော့၊ အခြားသူတွေရဲ့ပရိုမုန်းတွေကိုမခံနိုင်ဘူး၊ ပြီးတော့ 'အဲဒီနည်းလမ်း' နဲ့သူကမကျေနပ်နိုင်လို့အခြားလူတွေနဲ့တွေ့ပြီးဒိတ်နေတာကိုမင်းသိသွားခဲ့တာပေါ့?"
"တကယ်တော့ ကိုယ်ကသာပရိုမုန်းတွေနဲ့ပတ်သတ်ပြီးမဖြေရှင်းနိုင်တာပါ"
ချန်းခယ့်ယောင်ကခေါင်းငုံ့ထားသည်။
"သူ့ရဲ့မွေးရာပါစွမ်းရည်က အယ်လ်ဖာဖြစ်နေတာတောင်ပရိုမုန်းတွေကိုအာရုံခံနိုင်တာက ဘီတာတွေနဲ့မကွာဘူး၊ အဲဒါကြောင့် သူကလည်းသူ့ရဲ့ပရိုမုန်းကိုဘယ်လိုထိန်းချုပ်ရမလဲမသိဘူး"
"အဲဒါကမင်းအတွက်ပိုမဆိုးသွားဘူးလား"
"သူ့နေရာကကြည့်ရင်တော့ သူကပဲကိုယ်နဲ့အလိုက်အထိုက်ဖြစ်အောင်နေနိုင်တာ"
"....."
ရုန်ယီ တုန့်ဆိုင်းသွားသည်။
"အယ်လ်ဖာ ဂလန်းတွေကိုခွဲထုတ်လို့ရတဲ့ခွဲစိတ်မှုရှိတယ်လို့ငါကြားဖူးတယ်"
ချန်းခယ့်ယောင်ခါးသီးစွာပြုံးပြီးခေါင်းယမ်းလိုက်သည်။
"သူကကိုယ်နဲ့စိတ်မကျေနပ်နိုင်လို့အခြားတစ်ယောက်ကိုရှာတာလို့မင်းထင်လား"
"အဲဒါကအကြောင်းရင်းပဲမဟုတ်ဘူးလား"
"အဲဒါကပုံမှန်တွေးတာပဲ"
ချန်းခယ့်ယောင်ကပြောလာသည်။
"ဒါပေမဲ့သူကယဉ်ယဉ်လေးရူးနေတဲ့ကောင်"
"အာ?"
"ကိုယ်တုံ့ပြန်တာတွေသူမမြင်ခဲ့ဘူး၊ သူနောက်တစ်ယောက်နဲ့အိပ်တာကိုကိုယ်ဘာလို့စိတ်ဆိုးတာလဲသူမသိဘူး"
ချန်းခယ့်ယောင်ကပြောလာသည်။
"အဲဒီတော့သူက ကိုယ့်အတွက်အများကြီးအနစ်နာခံပြီး ကိုယ့်ကိုစိတ်ဆိုးပြေအောင်လုပ်ပေးချင်တယ်လို့တွေးတယ်၊ ဒါပေမဲ့ ကိုယ်ကလည်းသူဘယ်လောက်လုပ်လုပ်ဒေါသထွက်နေတုန်းပဲ"
"....."
"ထပ်မပြောချင်တော့ဘူး"
ချန်းခယ့်ယောင်က မှုန်တေတေမျက်နှာထားဖြင့်ဆက်ပြောလာသည်။
"တွေးကြည့်တာနဲ့တင်စိတ်တိုတယ်"
အမှန်တွင် မနေ့ကမော့ယွီဖေးနှင့်နီးနီးကပ်ကပ်ဆက်ဆံပြီးနောက် ရုန်ယီသည်မော့ယွီဖေး၏ လော့ဂျစ်များကထူးဆန်းနေမှန်းနားလည်လာသည်။ ချန်းခယ့်ယောင်က သူ့ကိုစွန့်ပစ်ခဲ့သည်ဟုစောဒကတက်သည်။အစပိုင်းတွင် ရုန်ယီကနောက်နေခြင်းဖြစ်မည်ဟုတွေးခဲ့သော်ငြား သူတကယ်ယုံကြည်ခဲ့မိသယောင်ပင်။ ရုန်ယီသည်အဝေးမှပရိသတ်တစ်ယောက်ဖြစ်နေလျှင်ပင် ပရိသတ်များအကြားကျယ်ကျယ်ပြန့်ပြန့်ပြောဆိုရလောက်သည်အထိ တမူထူးခြားသည်ကိုသူသိခဲ့သည်။ သူ၏ကို့ရို့ကားယားနိုင်သည့်လောဂျစ်များက ချစ်စရာကောင်းသည်ဟုသူ၏ပရိသတ်များကယူဆထားသည်။ သို့သော် လူအကောင်လိုက်နှင့်တကယ်တမ်းဆက်ဆံကြည့်သည်တွင် မော့ယွီဖေး၏လော့ဂျစ်များကသူ့ကိုမကြာခဏ ပြောစရာစကားများပျောက်ဆုံးစေခဲ့မှန်းသိလိုက်ရသည်။
ချစ်သူမဟုတ်သည့်အခြားလူတစ်ယောက်နှင့် လိင်ကိစ္စပျော်ပါးခြင်းကကိစ္စကြီးမဟုတ်ဟုသူယူခဲ့သည်မှာ မှန်ကောင်းမှန်နိုင်သည်။ အနည်းဆုံး သူသည်သူ၏ချစ်သူနှင့်သူ့အတွက် ဆုံးဖြတ်ရမည့်မူများချမှတ်ထားခဲ့သည်။ ထို့ကြောင့် သူ၏အချစ်ပြိုင်ဘက်ဟုယူဆထားသည့် ရုန်ယီနှင့်တွေ့သည့်အခါ ရန်လိုနေသည့်ပုံစံကိုပင်မပြခဲ့ပေ။
ရုန်ယီမှာ ထိုအချက်ကမှန်လား၊ မှားလားမပြောနိုင်သော်ငြား မည်သို့ပင်ဖြစ်စေ သူနှင့်ချန်းခယ့်ယောင်ကတစ်ယောက်နှင့်တစ်ယောက်အတိအကျကိုမသင့်လျော်ကြပေ။
ထိုသို့ဆိုလျှင် ချန်းခယ့်ယောင်အတွက်မည်သို့သောလူမျိုးကသင့်လျော်ပါသနည်း။
ရုန်ယီ ခေါင်းငုံ့ကာသူ့မေးစေ့ကိုလက်ချောင်းများနှင့်ပွတ်သပ်နေသည်။သေချာသည်မှာ သစ္စာရှိခြင်းကိုယုံကြည်ပြီးအခြားသူတစ်ယောက်ကိုအချစ်များခွဲဝေမပေးနိုင်သည့်သူကိုယ်တိုင်ဖြစ်လိမ့်မည်။
"မင်းကဘာတွေပျော်နေတာလဲ"
ချန်းခယ့်ယောင်ကမျက်မှောင်ကြုတ်ကာမေးလေ၏။
သူသည်အတိတ်မှဖြစ်ရပ်များကို ပြန်လည်စုစည်းလိုက်ရသောကြောင့်လေးလံတင်းကျပ်သည့်ခံစားချက်ဝင်နေသည်။ ရုန်ယီသည်သူနှင့်အတူဝေမျှခံစားသင့်ပြီး သူ့ကိုချက်ချင်းနှစ်သိမ့်ပေးသင့်မည့်အစား ခေါင်းငုံ့ကာပြက်ရယ်ပြုနေသည်။ ၎င်းကတကယ်ကိုတရားလွန်သည်။
ရုန်ယီသည် သူ့အားအမှန်အတိုင်းပြောပြရန်ရှက်ရွံ့နေသည်။
သူယခု မော့ယွီဖေးနှင့်ပတ်သတ်ပြီးအလွန်အမင်းရှုပ်ထွေးသည့်ခံစားချက်များရှိနေသည်။ သူသည်အနှီသူ၏ ပရိသတ်တစ်ယောက်မဟုတ်တော့၊ သို့သော်ငြား သူ့ကိုမနှစ်သက်တော့ခြင်းလည်းမဟုတ်ပေ။ ထိုသူက ချန်းခယ့်ယောင်ကိုနာကျင်ဖွယ်မှတ်ဉာဏ်များယူဆောင်လာခဲ့သည့်တိုင် အနှီသူ၏ဟောင်းလောင်းပေါက်ဦးနှောက်ကိုကျေးဇူးတင်ရမည်၊ ရုန်ယီတွင် ချန်းခယ့်ယောင်၏ရတနာလေးအားကောက်ရန်အခွင့်အရေးရခဲ့သည်။
သည့်အပြင် မနေ့ကကဲ့သို့သောအဖြစ်မျိုးမရှိခဲ့ပါက ရုန်ယီသည်ချန်းခယ့်ယောင်ကို အဆောတလျင်နမ်းခဲ့ရမည်မဟုတ်။
ထိုအနမ်းကသူ့ကိုယုံကြည်ချက်များပေးခဲ့သည်။
နှုတ်ခမ်းများကိုဖြတ်သန်းပြီး ချန်းခယ့်ယောင်၏နွေးထွေးမှုတင်မက စိတ်ဆန္ဒပြင်းပြမှုများနှင့် ပရိုမုန်း၊ ပြောမပြနိုင်သည့်စကားလုံးပေါင်းမြောက်များစွာကိုပင်ရခဲ့သည်။
အားလုံးက ယနေ့သူပိုရဲရင့်လာသည့်သက်သေများပင်။
အဓိကအချက်အရ သူမော့ယွီဖေးကိုကျေးဇူးတင်သင့်သည်။ သူ၏မရည်ရွယ်သည့်လှုပ်ရှားမှုက သူနှင့်ချန်းခယ့်ယောင်၏ဦးတည်ရာကိုအပြန်အလှန်နားလည်လာစေသည်။
သို့တစေ ၎င်းစကားများကထုတ်ပြောရန်အနည်းငယ်ရှက်စရာကောင်းနေ၍ အချိန်တိုအတွင်းရုန်ယီသည်အခြားခေါင်းစဉ်တစ်ခုကိုပြောင်းလိုက်သည်။
"အဲဒါဆို... အိုမီဂါတွေကိုမကြိုက်တာမျိုးကမင်းနဲ့မဆိုင်ဘူးမဟုတ်လား"
"အဲဒါကမကြိုက်တာမျိုးမဟုတ်ဘူး"
ချန်းခယ့်ယောင်ကငြင်းဆန်လာသည်။
"ကိုယ်မင်းကြောင့်အန်တာမဟုတ်ဘူး၊ မင်းအထင်လွဲနေပြီ"
၎င်းကသာမန်အတိုင်းစကားလုံးရွေးချယ်ပြောခြင်းဖြစ်သည့်တိုင် ချန်းခယ့်ယောင်က အတည်တွေးနေ၍ ရုန်ယီအပျင်းပြေသွားသည်။
"အဲဒါဆိုမင်းရဲ့ရောဂါဘာလဲ"
"ရှင်းပါတယ်၊ မင်းကိုယ့်မိဘတွေအကြောင်းလည်းသိပါတယ်"
ချန်းခယ့်ယောင်ကပြောလာသည်။
"ကိုယ်ငယ်ငယ်တည်းကသူတို့ရဲ့လိင်ပိုင်းဗီဇတွေအလွှမ်းမိုးထိန်းချုပ်မခံရတဲ့ဘီတာမျိုး ပြီးတော့ သူတို့ချစ်ရတဲ့သူတစ်ယောက်တည်းပဲဖြစ်ချင်ခဲ့တယ်"
"ဟုတ်ပါပြီ...မင်းကအခုထိမင်းသဘောကျတဲ့လူနဲ့လွတ်လွတ်လပ်လပ်ရှိနေတုန်းပဲလေ"
ရုန်ယီ တိုးလျလွန်းသည့်အသံဖြင့်ပြောလိုက်သည်။
ချန်းခယ့်ယောင်ကသူ့ကိုကြည့်ကာပြုံးသည်။
"ရှင်းရှင်းပြောရရင်အခြားအကြောင်းတွေလည်းရှိသေးတယ်"
ရုန်ယီကသူ့ကိုကြည့်ကာ ရှေ့ဆက်ပြောစေသည်။
"တကယ်တော့ ကိုယ်လိင်ခွဲခြားတာနောက်ကျတယ်၊ မင်းအလယ်တန်းတုန်းကကိုယ်ခန္ဓာပိုင်းစမ်းသပ်စစ်ဆေးတာတွေလုပ်ခဲ့ဖူးလား၊ နမူနာပရိုမုန်းအနံ့တွေရှူခိုင်းပြီး ဒုတိယလိင်အမျိုးအစားကိုကြိုတင်ခန့်မှန်းတာလေ"
"အင်း"
ရုန်ယီ ခေါင်းညိတ်လိုက်သည်။
စစ်ဆေးရာတွင်အသုံးပြုသည့်ပရိုမုန်းများက အရည်အသွေးနိမ့်ပြီးမည်သို့သောရုပ်ပိုင်းဆိုင်ရာတုံ့ပြန်မှုမျိုးကိုမှမဖြစ်စေပေ။ သို့သော် ခွဲခြားခံလူငယ်များအတွက်မူ အနာဂတ်၏ဒုတိယလိင်အမျိုးအစားကိုသူတို့၏အပြင်ပန်းအသွင်အပြင်အရ ကြမ်းတမ်းစွာခွဲခြားရသည်။ တိကျသေချာမှုက ကိုးဆယ်ရာခိုင်နှုန်းထက်ပိုသည်။
ရုန်ယီသည် ထိုအချိန်ကအသားအရေခပ်လတ်လတ်နှင့်ချစ်စရာကောင်းသည့်ဝတုတ်လေးဖြစ်ပြီး အံ့ဩစရာမရှိသည့်အိုမီဂါဖြစ်လာမည့်စမ်းသပ်ချက်အဖြေကိုရခဲ့သည်။
"ကိုယ်အဲဒီ့အချိန်ကဘာအနံ့မှခံလို့မရခဲ့ဘူး၊ စမ်းသပ်ချက်အဖြေကဘီတာတဲ့"
ချန်းခယ့်ယောင်ကဆိုသည်။
"ကိုယ်အဲဒီအချိန်ကအရမ်းပျော်ခဲ့ရတာ"
"......"
"ကိုယ်နောက်ဆုံး အယ်လ်ဖာအဖြစ်လိင်မခွဲခြားခင်အထိတကယ်မခံစားခဲ့ရဘူး၊ ဘာလို့လဲဆိုတော့ ကိုယ်လက်တွေ့ဘဝမှာ အိုမီဂါအနံ့ကိုအနံ့ခံဖို့ခက်တယ်၊ ကိုယ်တစ်ခါတုန်းကဆိုဘယ်သူ့ပရိုမုန်းကိုမှမတုံ့ပြန်လို့ ဒီလိုစမ်းသပ်ချက်ရလဒ်မျိုးထွက်လာတာလို့ထင်ခဲ့တယ်"
"ဒါဆို...စကားလမ်းကြောင်းလွှဲပါရစေ"
ရုန်ယီ သတိထားပြောလိုက်သည်။
"မင်းမော့ယွီဖေးကိုမနာလိုဖြစ်နေလား"
ချန်းခယ့်ယောင်အံ့ဩသွားသည်။ ထို့နောက် သူပြုံးကာခေါင်းညိတ်လိုက်၏။
"အင်း၊ အဲဒီတုန်းကကိုယ်သူ့ကိုစံပြပုဂ္ဂိုလ်လို့တောင်တွေးခဲ့တာ"
ရုန်ယီကခေါင်းသာညိတ်ပြီး စကားမပြောပေ။
ရုတ်တရက် ချန်းခယ့်ယောင်ကသူ့ကိုဖျတ်ကနဲကြည့်ကာလက်ကိုလှမ်းဆွဲသည်။
"စံပြပုဂ္ဂိုလ်ကအချိန်နဲ့အမျှပြောင်းနေတာပဲ"
သူသည်ရုန်ယီ၏မျက်လုံးများကိုစိတ်လှုပ်ရှားမှုအပြည့်ဖြင့်ကြည့်လိုက်သည်။
ရုန်ယီ မတုံ့ပြန်ခဲ့ပေ။
စက္ကန့်အနည်းငယ်ကြာပြီးနောက် သူဗြုန်းကနဲတစ်စုံတစ်ခုကိုသတိရသွားသည်။
သူ၏နှစ်ဦးနှစ်ဖက်အားပေးနေကျ အွန်လိုင်းမိတ်ဆွေကသူ၏အနှစ်သက်ဆုံးအိုမီဂါကိုဖော်ပြရာတွင် 'ချစ်စရာကောင်းခြင်း' အပြင် 'ဒေါသအိုး' 'အပြောင်းအလဲမြန်သူ' ၊ 'အလွယ်တကူစိတ်တိုတတ်ခြင်း' များလည်းပါတတ်သည်။
ရုန်ယီသည် ဆန်းကြယ်အားပြင်းစွာဘေးကျပ်နံကျပ်ဖြစ်နေသောချန်းခယ့်ယောင်ကိုကြည့်ကာ သူ၏ခန့်မှန်းချက်အချို့ကိုပိုပြီးအတည်ပြုပေးလိုက်သလိုခံစားရသည်။
မည်သို့ပင်ဖြစ်စေ သူနဂိုအတိုင်းစိတ်မတိုသော်ငြား၎င်းကိုနားလည်သွားပြီးမှ ရုတ်တရက်အနည်းငယ်စိတ်အနှောင့်အယှက်ဖြစ်လာသည်။
သူဇာချဲ့လိုက်လျှင် သူသာကသိကအောက်ဖြစ်ရလိမ့်မည်ထင်သည်။
ရုန်ယီ အသက်ပြင်းပြင်းရှူကာပြုံးလိုက်သည်။
"အိုကေ၊ မင်းဆက်ပြော"
၎င်းကိုမြင်ရပြီး ချန်းခယ့်ယောင်သည်စိတ်သက်သာသွားသလိုသက်ပြင်းချကာ သူ့အားပြန်လည်ပြုံးပြလာသည်။ သူဆက်ပြောလိုက်သည်။
"အဲဒီတုန်းက ကိုယ်အိုမီဂါတွေကိုစိတ်မဝင်စားခဲ့ဘူး၊ ပြီးတော့ ကိုယ့်စိတ်ထဲမှာ ကိုယ်ကဘီတာလို့ပဲပုံသေမှတ်ထားခဲ့တယ်၊ အဲဒါကြောင့်အချို့နေရာတွေကို အာရုံစိုက်ခဲ့တယ်....ကိုယ့်မှာအတွေးနည်းနည်းပဲရှိပြီးသံသယတွေကိုဘယ်လိုရှောင်ရမလဲမသိတာလည်းဖြစ်နိုင်တယ်"
"တစ်ယောက်ယောက်ကအကြံဉာဏ်မှားတွေပေးတာကြောင့်လား"
"အမှန်ပဲ"
ချန်းခယ့်ယောင်ကပြောလာသည်။
"အဲဒီအချိန်ကကိုယ်နဲ့အဆင်ပြေနေတဲ့ကျောင်းသားတစ်ယောက်ရှိတယ်၊ တကယ်တော့ကိုယ်ကသူ့ကိုသူငယ်ချင်းကောင်းတစ်ယောက်လိုသေဘာထားခဲ့တာ ပြီးတော့ သူနဲ့ပတ်သတ်ပြီးအများကြီးလည်းမတွေးခဲ့ဘူး၊ အဲဒါကြောင့် ကိုယ်တို့နည်းနည်းနီးစပ်ခဲ့တယ်"
"ဘယ်လောက်အထိလဲ"
"တလွဲမတွေးနဲ့"
ချန်းခယ့်ယောင်ကအမြန်ပြောလိုက်သည်။
"ညီအကိုတွေလောက်ပါပဲ၊ ကိုယ်တို့မကြာခဏအတူကစားကြရုံပဲ"
"မကြာခဏဆိုတာဘယ်လောက်လဲ"
ချန်းခယ့်ယောင်မှာ တဒင်္ဂတုံ့ဆိုင်းသွားသည်။
"အင်း...ကိုယ်တို့ကျောင်းကိုအတူသွားပြီးအတူပြန်တယ်"
"သူလည်းအိုမီဂါပဲလား"
"အင်း"
ချန်းခယ့်ယောင်ကခေါင်းညိတ်သည်။
"နောက်ပိုင်း..သူအထင်လွဲသွားတယ်"
ရုန်ယီ စိတ်ထဲတွင်သာမျက်ဆံလှန်လိုက်သည်။
အဆိုပါအိုမီဂါသာ သူ့အစွမ်းအစ၏ဆယ်ပုံတွင်တစ်ပုံသာရှိလျှင် ကျောင်းပြီးသည်နှင့် မင်္ဂလာဆောင်ရန်ပြင်ဆင်ထားကြလောက်ပြီးပြီ။
စာရေးသူ၏မှတ်စုတို
"ဆရာချန်းကဒီလောက်အချိန်အကြာကြီးပြီးမှဘာလို့မကုသတာလဲ"ဆိုသည့်မေးခွန်းနှင့်ပတ်သတ်ပြီး
မင်းတို့ယုံမှာမဟုတ်ဘူး၊ ဒါပေမဲ့ အခန်း ၄၆ ကစပြီးသုံးရက်နဲ့နေ့တစ်ဝက်ရှိပြီ။ ဆရာချန်းကအကောင်းဆုံးလုပ်ခဲ့ပါတယ်။ အဲဒါကြောင့် ဒီနေ့သူတို့အကြာကြီး ဒီလိုမလုံလောက်တဲ့အကြောင်းအရာတွေဆက်ပြောနေပြီး နောက်တစ်ပိုင်းလည်းဆက်ပြောကြဦးမှာပဲ၊ ဘာလို့လဲဆိုတော့သူတို့အခုချစ်မိနေကြပြီလေ။ ငါတော့ စာအုပ်ခေါင်းစဉ်ကို 'အောင်ပွဲခံဖို့နေ့တစ်ဝက်' ဆိုပြီးပြောင်းဖို့ဆုံးဖြတ်လိုက်ပြီ။
Xxxxxx