لاتنسون التصويت وتعليقاتكم بين الفقرات 🦦💙
__________
هلمره احس مشتاقلك
فد مره..
وبغيبتك عايش فراغ شكبره
حتى الاغاني استغربتني بلياك..
كالتلي وينه!
وكلت كاعد انتظره.
______________
فزينه على فتحة الباب
حجت بتوتر ، رزان : احم أسفه اعذروني
بسرعة طلعت وسدت الباب وراها ، درت وجهي عليه وخزرته
- شبيك متستحي
جهاد : اخخ بوية مو شفايف حلغوممم ويذوب بلحلگ
- قليل تربية
جهاد : حلالي يُبا
باوعتله بطرف عيني وسكتت ، حاولت اعدل گعدتي طلع أنين مني بألم
اجه جهاد يمي بسرعة : يولل ليش تتحركين مو هستوج طالعة من الموت
- اخخ بوية موت الياخذ بأن كول إنشاء اللَّه ؟
حجه بابتسامة : حرام تدعين على الناس بلموت
- بس يمي تصير شريف
جهاد : ليش يابة شگالولج عليه گوا**؟
- اخخ بوية گلبي
جهاد : ابوس گلبج
- استغفرالله أطلع من يمي
جهاد : چؤؤ انا رجلج لازم ابقه يمج
- خابب شو ذالني رجلج ورجلج لو ما انتَ خليتني اوقع بدون مادري
جهاد : حبيبي هدي اعصابك موزين عليك
- انتَ بس أطلع واعصابي تهدء ، صيحلي ريم بطريقك
جهاد : خوش يابة
عافني وطلع ، شوية ودخلت ام دميعه
ريم : وهــــمّ
- ها ولج
تقريت يمي وحضنتي ، عطت بألم
ريم : ياا والله مادري اذيتج
- لا عادي بس انتبهي المرة الجاية ارفسج
ريم : هههه ميخالف
- سولفيلي الصار الفضول كتلني
ريم : ياا دطيبي وبعدين نسولف
- لعد المن جايبتج يمي قابل على سواد عيونج يمه ؟
ريم : يبووو ماعقلتيي
- تره سويت عملية لگلبي وجتفي مو گصو الساني فرقي بنتي فرقيي
ريم : لتصيحين ولج لاينفتح لخياط
- اي مو الخيط ابو التفله هوه دحجي رحمه لدينج
گعدت تسولفلي الصار كله ، وينه مُمتاز ؟
ريم : ماعرف من زمان طالع بقت بس مرته
- مرته دكتورة الكسور ؟
ريم : امم إسمها رزان فدد ورده
- شحجينه ؟ لتحكمين على الشخص من موقف واحد غلط بنتي وأبسط مثال بأن
ريم : هم صح بس احسها لطيفه
- بأن هم حسيناها لطيفة !!
ريم : يبوو هاي هية عميي
- شغلي الجوهرة لبراسج رجاءً
ريم : انتِ گلتيها جوهرة ! والجوهرة جماد
- خاب اخخ گوموهاا من يميي
ريم : جوعانة ؟
- كلشش
ريم : رايحه اسئل الدكتور يقبل او لا
- تمام
عافتني وطلعت تسئل الدكتور يقبل أكل لا تهي بهي والله بطرانينن هذول
شوية واجت ، ريم : گالو لا وره ساعتين يله تگدرين تأكلين
- شنوو تره جوعانه
ريم : اتحملي
- صيحيلي زوجي
ريم : دطيبي وتلحگين على رجلج
- والله صاير تربيتج صفر صيحيلياا
أبتسمت بمكر ، ريم : انصيحه ليش لا شفايتلي واصير خالة
بقيت أتلفت أدور على شي اضربه بيها بس ماكو شي، عافتني وطلعت
شوية ودخل جهاد ، اجه يمي مبتسم
- شبيك تتمضحك تشمت مو ؟
جهاد : لايول بس فرحان صدت خوش صيده
- مو جديدة همه هذوله الزلم
جهاد : امم ، أكو شي يوجعج حته ابوسه ويطيب
- هم صح المن خليتهم يسولي عملية جان بست مكان الإصابة ويطيب بماُ انُ شفتك بيها مسكن وتخدير
جهاد : گلتلهم وماصدگومي بس شفتي بـ بوسة خليتج اصحى مني ومنهم
- هه گلهم خليعزلون شفة جوجة موجودة
جهاد : چؤؤ، انا زلمه ماخون مرتي بس انتِ ابوسج
- دخيلك بوسهم وعوفني بحالي
جهاد : يول
- ها
جهاد : اريد بعد بوسة ماشبعت
-لذكرنيي ايععع ، روح گللهم خلينطوني أكل جعتت تره
اجه تقرب يمي ، خزرته : شكوو ارجع
جهاد : وليابة عليمن ايع ؟
- عليك
جهاد : ها ايع يعني
بقيت اباوعله بتركيز شيريد يسوي ، تقرب يمي ولزم اديه بيد وحدة على كيف
- يول لتستغل مرضي وخرر
جهاد : بوياههه ماترضى ماترضى
ابتسمت من اذكرت الموقف ، فزيتت من صفنتي على سحبه شفتي السفلية بشفته
بقه على هلحال دقايق ، دفعته من حسيت اختنگت
بقه يباوعلي وعيونه صارن ناعسات زادن جماليتهن
- تره انتِ بس عيونك حلوة
جهاد : يُبا وريتي گلبي ور
- ليش
مارد وكذلك رجع يبوس بيه بس بهدوء جنت شبه قابله للوضع وأهم نقطه مو حرام ، بقه يحرك ايده على ضهري حسيت كزبر جسمي من الحركه
دفعته من حسيت الوضع زاد ،
جهاد : اخ بوية جرعة طاقه
- امم، جيبيلي أكل يول جعت
حهاد : شني من يول بحلكك حبيبي
- ترهه جعتتت
جهاد : وليابة خلينه مستمتعين بسُندس لترجعين اطلعيلنه جعفر لبداخلج
- استغفرالله المن مگابلني صحتلگ علمود الأكل تره
جهاد : وكلتج اكله من الطبقة المُخمليةهايي
- يبو بس لاتريد اتذلني تره انتَ لبستني
حهاد : اريد بعد يول
- ملطلط لتصير خوش
جهاد : ملطلط شني ولج هاي عليمن
- عليك قابل أكو احد بلغرفة غيرك
حهاد : وليابةة ابوس لسانك الصلف
- هسه شنو
جهاد : اجيبلك أكل واجي حبيب ضلوعي انتَ
ابتسمت على التشبيهه ، عافني وطلع دخلت ريم بسرعة وراه
ريم : هاا ولج
- شبيج ؟
ماردت وبقت تبتسم ، خزرتها وحجيت : شبيجج ؟؟
ريم: وين سويتي الفلر خوش نافخين شفايفج
- سوالف مزوجين عيب بنتييي عيب
ريم : امممم ، مُمتاز يريد يدخل يشوفج
- عزهه شفتي مبين كلش ؟
ريم : مو قصة مبينه بس واضحه
-عزهه ليدخل عيب ليشوفنيي
ريم : جان گرصتيها خلصتيها رجلي وينك يارجلي
- والله وكت
ريم : ايي شفتي منو لتريد رجل فعلاً من السكوتي موتي
- يبووووو دخيلك ربيي
ريم : هههههههههههه
ألتفت على دگه الباب ،
- تفضل
نفتح ودخل نفسه الهربنهه أبتسمت اله
مُمتاز : الحمدلله على السلامه خوية
- الله يسلمك
رزان : الحمدلله على السلامه حبيبتي
- الله يسلمج
مُمتاز : نترخص احنه غير وكت نزوركم
- غاليين
ابتسموا وطلعوا ، شوية وفات حميد
حميد : الحمدلله على السلامه يابة
- الله يسلمك
أشر الريم براسه وطلعوا ، شنوو شوگدامي ياخذهاا بس لا هذا انوب مزوجهااا بس هوه خاطب يعني يحب خطيبته اكيد ، عضيت إصبعي على كيف
اهخ ان غاب القط ألعب يلفار خلگوم واصبرولي، بعد مدة ودخل جهاد
- وينك عبالك وديتك للعراق
أبتسم وحجه : اعذريني يابة بس ازدحام
سكتت ، اجه يمي حط الأكل وبده يسوي لفات اصغار ، بقيت اباوعله وعاگده الحواجب ، معقولة كل هطول ولگمته هلگد
جهاد : افتحي حلگج
- ليش
جهاد : تا ابوسه غير اوكلج ياعيني
- عندي أدين
جهاد : بس مكسرات
خزرته: لتتشمت ليگلبها الله بيك
جهاد : اهه ولكم تخاف عليه
سكتت عنه وبقه يسويلي لفات ويوكلني ليش اجذب جنت متونسه على السالفة ،
جهاد : سولفيلي الصار
- مابيه حيل
حسيت على گرصه بخاصرتي درت وجهي عليه وخزرته
- ليش تگرص هاا
مارد تقرب وباس مكان الگرصه ، أبتسمت بداخلي ولاتصيرله چارة هلجوجة
- وخر لتجلب ولك
جهاد : صح قبل لتسولفن گ....
- گلت مابية حيل ماگلت اسولف
جهاد : اي حبيبي أعرفك شريف وماراح تنقص بحرف واحد
تنهدت بملل منه ، رجع حجه
جهاد : اول ماطلعين منا تعيشين بشقتيي بعد
درت وجهي عليه بسرعة : شنو شنو ؟ دطيررر
جهاد : ابوسه لجعفوري ليطلعلنه كل شوية
- ماعيش وياك لو تموت
جهاد: شني بوية بينه جرب
- أكثر
جهاد : سولفيلي الصار !
حجاها بحزم هلمرة ، تنهدت وبقيت اسولفله الصار
- اگلك منو هذا السفاح ؟
تقرب يمي ، جهاد : تردين تشوفي ؟
- اممم
طبع بوسه قريبة على أذني وحجه على كيف، جهاد : انا
فتحت عيوني بصدمة
- عزه كول ومُحمد
مارد بقه ساكت
- كنسل على سالفة اعيش يمك
جهاد : خوش
عافني وطلع ، ياا هذا بس لازعل شنو طفل ويتمزعل ، شوية ودخلت ريم
ريم : سولفلي جهاد متريدين تعيشين وياه نفس الشقة ليش؟
- شنو ليش واضحه
ريم : شلون توصلين للـ تريدي غير من انتِ وياه نفس الشقه !
صفنت صح شلون راحت من بالي ، درت وجهي عليها بسرعة
- ولجج گايمه تفكرين
ريم : احم احم اعجبج يابة ، ها هسه شنو رئيج ؟
- اعيش وي رجلي ستري وغطاي طبعاً
ريم : شكد اختلافية ههههههه
بقينه نسولف سوالف عامه، لحد ماگلت : تعرفين منو السفاح
ريم : منو !؟
- جهاد نفسه !
ريم : عززز وهمّ لجج مو كلتي بلدوله هذا !!!
- زواجي منه انقذنه وميگدر يسجنه !
ريم : وهمّ نكمل لخططناله ونرجع للعراق
- طبعاً
نفتح الباب ودخل جهاد ، باوعتله بطرف عيني
جهاد : زعلان الاسمر مايگليي مرحبا
- شوكت اطلع
جهاد : بعد يومين او ثلاثه
- هفف ماتحمل ابقه هيج ضوجة
جهاد : افااا تضوجين وانا موحوده اونسج بطريقتي
حجاها وغمز ، ريم شافت الوضع مايساعد طفرت بسرعة بره
خزرته وگلت : موعيب تحجي هيج
جهاد : عادي يابة خالة الجهال مو غريبة
- استغفرالله
جهاد : كثري استغفار بلكي يغفرلج
- ليش يمه بايگه ناهبه ؟
جهاد : ياريتت
- ياا شبيك شمسوية قابل؟
جهاد : حارمتني من حقوقي
- ماعندك حقوق يمي أخي المُحترم
جهاد : اشتعلو عشيرتج بقيتي بيها اخي انتِ
- رجاءً لاتحرگ بلوادم بكيفك خليهم عايشين حياتهم
جهاد : بوياههه ماترضى ماترضى
كل ميكولها اضحك ، بقه يباوعلي وعيونه مبتسمات
جهاد : مو ضحكه جنها صلاة الفجر .
عكدت حواجبي باستغراب : شنو يعني ؟
جهاد : شايفة صلاة الفجر شكثر مريحه وبيها كم أجر وأجر ضحكتج مثلها
- بله حلوة ومريحة فهمناها بس ألاجر شلون ؟
جهاد : خليتي عبد من عباد الله فرحان أبتسم بـ وجهه اخيك صدقة
- اييي واخيراً اعترفت اخي المُحترم
جهاد : دنجبي مو صوجج
ابتسمت ، شوية ورجعت حجيت : شوف جهاد قابله نعيش بنفس الشقة بس بدون مادور حقوق يمي !
جهاد : سهلة إذا على هاي
باوعتله صفح ، گام وحجه : رايح انا عندي شغل
- حاول تخليهم اليوم يطلعونيي
جهاد : خوش يابة
عافني وراح بقيت أفكر بلسويته ، عين العقل ماسويت بس الصح وانشاء اللة اكمل الباقي سهل علية حملي ياربي
___حميد ____
جنت راجع بطريقي للبيت ، رن الموبايل رفعته شفت المتصل جهاد
حميد : الو هايابة
جهاد : وينك يول ؟
حميد : بطريقي للبيت ليش؟
جهاد : غير طريقك وتعال للمُستودع
حميد : تمام
سديت الخط منه وغيرت اتجاه السيارة ، وصلت للمُستودع نزلا بسرعة من شفت جهاد واكف منتظرني
جهاد : وين صرت فضني
حميد : طيارة خُما طيارة ؟
جهاد : دمشي أمشي
دخلنا داخل المُستودع حجه وي عامل : وينهم ؟
-: كلهم محبوسين
جهاد : جيبهم هنا
دار وجهه على واحد : جيبلي مي ثلج وسوط و گيبل
هز رأسه وراح ،
حميد : شراح تسوي ؟
جهاد : اضربهن مثل ماضربوها وهية مرأة گوا*** گدرتهم على مرأة لاحول ولاقوة !
حميد : وبأن ؟
جهاد : ههه الها الحصه الأكبر
حميد : شراح تسويلها ؟
جهاد : لتدخل زايد يول
بقيت ساكت ، ثواني وكل المشتركين بلصار بوهمّ تصفطوا گدامه
أشر لواحد برأسه وگال : علگهم
-: دخيلك السماح بس هالمرة مانعيدهاا والله
جهاد : بس هالمرة شني ! طالع من ضهر زلمه اذا تجيب اسمها افنيك وعلي
علگهم كلهم ، شال سطل المي الثلج وشمره عليهم واحد واحد ماجان يقصر بواحد بيهم
جهاد : تعال ابني كل واحد 20 ضربة گيبل و20 سوط
فتحوا عيونهم بصدمةة وخوف
-: بـ بترجاك معلم اتركنا هلمرة
جهاد : ليش خفت مو انتَ لو غيرك الضربتها وهية لاحول ولاقوة ؟ اريدك هذا تضربه اضعافهم مفهوم ؟
-: مفهوم .
عافهم وراح رحت طلعت وراه حجيت بملل : هسه جبتني مناك لهنا بس اباوع عليك لو شنو؟
جهاد : أنجب ابني ، اريدك تجيبلي كل معلومة عن*****
حته شوكت يأكل ويشرب ويسبح ويبول كلشي كلشي حته لون الباسة
ضحكت وگلت ، حميد : منو هذا ؟
أبتسم وحجه : اليريدني من بأن گلت اروحله برجليه
حميد : شرايد منك يول هذا ؟
جهاد : ماعرف بس أكيد راح اعرف ، يله روح ومن بأجر دورلي علي
حميد : خوش يابة
عفته وطلعت رگبت السيارة ونطلقت گبل للبيت احس جسمي مكسر من التعب ،
____ وهمّ______
نمت وگعدت ومحد موجود ، ملل فضيع ومن الألم حسيت راح ابجي وماعرف السبب ليش ، يمكن سبب تراكمات الأشياء
بقيت صافنة على الفراغ ودموعي تنزل بهدوء تام ، رفعت راسي من انفتح الباب شفته جهاد رجعت نظري على الفراغ
اجه بسرعة حجه بخوف ، جهاد : شبيج يول ليش تبجين يوجعج شي دحگيلي يُباا
- چؤ
جهاد : عجل شبيج ؟
- دموع زايدة
ضحك ومسح وجهه ، جهاد : هرمونات الحمل حبيبي هاي
- اكلك مسويلي شي ؟؟ دائماً تگلي حمل وابو لبطنج شمسوي اعترف ؟
حجه بخبث ، جهاد : اكو وحده ماتعرف نفسها؟
- رب لخليتني أوقع على أوراق زواج متخليني حامل بدون مادري
جهاد : ولايهمج هسه افحصج انا
- بطل تصير سرسري
جهاد : وليابة ماكو افقر مني
- من هانييي
جهاد : جؤؤ گولي من طـ*** أحله
خزرته : شبيك ها شبيك متستحيي
جهاد : اويلييي ماترضى بوية ماترضى
- شعندك جايني ووين ريم ؟
جهاد : خالة الجهال رجعناها للشقه وبقت يمها ارزينه وانا اجيت اطلعج
- ديله فضني لعد مليتت
جهاد : اونسج انا
- استغفرالله
جهاد : رايح اسجل خروج واجيج لتتحركين انا ابدلج
باوعلته صفح ، اول ماطلع گمت على كيف حته أبدل بس باتت المحاولة بلفشلل بسبب عجز أيدي عن الحركه ومنا عملية گلبي
رفعت رأسي من حسيت الباب نفتح ، زفرت النفس بضوجة من شفته جهاد
حجه بابتسامة ، جهاد : وليابة مو كتلج انا ابدلج
- الله ليعوزنهه
جهاد : الواضح عايزج وبقوة
تقرب يمي ، فزيت ولزمت مكان العملية، عقجت وجهي بألم
عض إصبعه، جهاد : اخخخ تعاندد تعاند مو كتلج انا ابدلج ماراح أشوف التضاريس والقارات عود غطي نفسج
خزرته ورجعت گعدت ، رفعت البطانيه وغطيت جسمي ، اتقرب يمي جاب الملابس وبقه ينزع بصعوبة بسبب العمليات خاف يأذيني
جهاد : اخ بوية بهداييي
- أحترم نفسك خوش وكمل بسرعة لتلزگ
مارد وبقه يلبس بيه ، لهناك وكمل
جهاد : يله تعالي ، تمشين لو أشيلج ؟
- ما مكسحه رجلية تره
جهاد : اخ من لسانج اخ
مارديت وگمت حسيت بألم بمكان گلبي ماهتميت وكملت مشي
حسيت ايده تحاوط خصري والأيد الثانية على جتفي ، طلعني من المُستشفى بقينه نمشي شوية حته نوصل للسيارة
عافتي وراح فتح السيارة ماعرف شسوة وخله الكرسي يرجع ليورة ، رجعلي وبألف ياعلي يله صعدت
صعد هوه بسرعة وساق ،
جهاد : اشغلك أغنية حبيبي ؟
- استغفرالله كلشي ماريد بس أسكت
جهاد : تدلل ضلعي
بعد مرور وقت وصلنه لمكان العمارة طفه السيارة ونزل قبلي ، فتحت الباب وتلگاني جهاد
لزم أيدي والايد الثانيه على خصري حته يثبتني ، نزلني وبقينه نمشي
- اكلك ليش مابقه يم ريم ومن اطيب اجي يمك ؟
جهاد : جؤ ، ريم عدها دوام لتنسين وانا راح ابقه يمج ماراح يأثر على الشركة حميد يأخذ مكاني
هزيت رأسي بتفهم ، صعدنه للطابق الثالث شفت ريم واکفه بباب الشقة ويمها رزان
من شافتني اجت طايره حضنتني ، وخرت مني
فتح جهاد شقته ودخلنا كلنه بيها جانت نفس تصميم شقتنه لكن الأثاث غير وراقي كُلش ,
گعدنه بلستقبال وهوه ماعرف وين راح
ريم : ليش طلعتي من وكت لو باقيه مو گالولج يومين يله
- ولج مللل فضيعع لانوب يصير بيه توحد
رزان : شلونها ايدج ؟
- احسن
رزان : تنفسج زين لو تحسين بتعب؟
- چؤؤ عادي مثل قبل
رزان : كلش زين
بقينه نسولف ، شوية واجه جهاد جايب كيك وعصير
جوجة معدلة ، قدملنه وعاط ، جهاد : رجلج وين ؟
رزان : ياشبيك
جهاد : شفتي عينه شلون بلمكان ؟
رزان : ياا ماقبل
جهاد : خيولي ازوجج غيره
رزان : لاعينيي هذا سـ ، احم ممتازيي
جهاد : خرا بعقله اي والله
رزان : ليش ولك
جهاد : شو بعدج مسترجله شني ولك
رزان : ياا ولك حته المُمتاز اكله ولك
جهاد : جان يتنمر على كل واحد يزوج شوف الله شلون شور بي
رزان : يااا شبيه اشو اخبل
جهاد : حبيبي يوجعك شي ؟
- جؤؤ
جهاد : اعذريني اعرفج دختي بس ناس لا احساس ولاضمير لازگيننن
ضحكت عليه من يحجي ويباوع لرزان ، وهية تخز بي
حجت ريم : يالله اترخص أني
جهاد : يول تره اشاقه ماقصدج
ريم : لا والله عندي ملفات ماكاملات ولازم أروح
جهاد : ماشي الله وياج خوية
عافتنه وطلعت بقيت خايفة عليها شلون تبقه وحدها بلشقه خاف تخاف انوب ، فزيت على عيطه جهاد
جهاد : مايحسونن مايحسونن
رزان : لذلني تره منتظره رجلي
جهاد : شني ولج بس لاتريدين ادخلينه لشقتي
رزان : لاعيني مو مستواه ويدلخللها
ضحكنا عليها شلون ادفعله ، ورة مده اندگت الشقة
جهاد : اهوو اجه
رزان : گوم افتحله الباب ولك
جهاد : گايم بس اسكتي
دخل ممتاز وحجه : يله مرتي حبيبتي امشينا هذا مو مستوانه ونبقه بي
رزان : اي موميي اني هم گلت هيج
مُمتاز : اشتعلوو
جهاد : مومي اطلع وفضنه نريد ناخذ راحتنه
مُمتاز : صار جوجة طالع
ضحكت بصوت عالي طلع حته هذا يسمي جوجة
دار جهاد وجهه عليه وباوعلي بعتب ،
- ياا قابل اني كايلتله هوه هم طلع يدلعك هيج ههههههههههه
مُمتاز. : والله خوية من يمج عرفته سبع فدوات للخلالج بنج
عكدت حواجبي باستغراب : ياا هوه غير بس مرة شفتك وتحمدتلي على السلامه بعد ماكلت شي ؟
مُمتاز : خطية متعرف بعدها ؟
- شماعرف لتخلوني اطررش بلزفة
رزان : اني ادز الفيديو الريم وهية ادزه الج
بقيت صافنة يافيديو ، ودعناهم وطلعوا ، اجه جهاد يهز جتف
- شبيك ؟
جهاد : فرغتلي الساحة
- لتنسه اتفاقنه
جهاد : اي عود خوش ، يله تعالي نامي موزين عليج السهر
- وين تنام انتَ
جهاد : على الجرباية
- لعد واني
جهاد. : هم على الجرباية
خزرته : لاوالله
جهاد : انا ماعوف مكاني ومتعود وانتِ مسويه عملية موزين عليج تنامين على التخم
- عود بلگاع انام
جهاد : مو زين عليج
- لتلح
جهاد. : وانجعل محمد نبي تنامين على الجرباية
- ليش حلفت ها ؟ واله انام بلگاع
جهاد. : نشوف
مارديت ودخلت للغرفة ، گعدت واخذت نفس
وره شوية دخل هوه وبيده صينيه الاكل ، حطها يمي وگعد ، باوعت جان مسوي تمن ودجاج
أبتسمت وگلت : شوكت لحگت تسوي ؟
جهاد : من طلعت من يمج من المستشفى
- معدلة جوجايتييي
جهاد. : اكل حبيبي وراك شغل دسم
خزرته : اهو تره ما أكل
مارد وبقه يسوي لفات ويوگلني ، شال الصينية وگام
رحت أمشي على كيف من عملية ، طلعت من الغرفه تلاگه وياي
جهاد : وين رايحه
- اغسل
جهاد : انا جنت اوكلج واذا على حلگج انا اغسله الج بطريقه جديده شگلتي؟
- استغفرالله جهاد وخر من طريقي
مارد واخذني من أيدي للحمام ، رحت غسلت وبقه واكف يمي
نشفت وجهي وانداريت اطلع ،
- ياا ماجبت ملابس
جهاد : انا وصيت ريم وجابتلج
باوعتله بضوجة ، رحت للغرفة وهوه لحگني
- وين خليتهن ؟
جهاد : بلكنتور حبيبي
عفته ورحت أطلع ملابس ، اخذت الي احتاجه جاي اطلع
واستوقفني صوت جهاد : يول بدل گدامي تره شفت كلشي اليوم
عفته وطلعت بسرعة اهفي على وجهي بفشله ، طبيت للحمام وبقيت انزع بصعوبة
وينن يله كملت فتحت الباب وصار بوجهي جهاد
جهاد : وين رحتي گلت صار عليج شي
- جؤؤ بس بصعوبة اگدر احرك جسمي
رحنه للغرفة رحت تمددت على جهه ، اجه جهاد راد ينام
عطت بي : وين وين
جهاد : انطمر وين قابل ؟
رفعت جسمي اريد انزل ، اجه وحجه بخزره. : تبقين وانتِ الممنونه لتنفتح خياطاتج
تنهدت ورجعت نمت راح هوه طفه الضوه واجه نام على الجهه الثانية
بس صوت أنفاسنه مسموعه ، بقيت صافنة على الفراغ
حسيته تحرك غمضت عيوني بسرعة
حسيت ايده صارت جوه رأسي بقيت اتنفس بصعوبة شيريد يسوي هذا بس لاصدك يدور حقوق
فزيت من صفنتي من حط رأسي على صدره ،
- دتزعجني هيج
جهاد : جذابة
- تره مسويه عملية لگلبي
جهاد : شهل عيارة بعيد گلبج من صدري
- اهو
مارد وبقه يمسح على راسي ويقره قران حسيت نفسي بديت اغفه ، حسيت طبع بوسه على شعري
ماعرف الصار وراها لان رحت بنوم عميقق.....يتبع