᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
-اغصان يتيمة-
الكاتبة وَرْد حيدر
قبل كلشي لتنسون التصويت + التعليق بين الفقرات + متابعة الحساب
᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
الغصن :- ١٩
زادت طرقات الباب مرة.. مرتين.. ثلاثة ! وإني ؏ نفس وضعي انضرلة وعلى وجهي كل ملامح اكتراثي للخوف بقة يبحلج بوجهي مد أيدة رجع التلفون الجيبه زفر بخفوت بـ اششش وتقرب بخطوات حذرة مـَـِن امامي خوفاً لا يلامس جلدة جسمي
حط أذنة ؏ الباب عاقد حاجبة بذهول وگال : منو
أجانة صوت روزة مهبوطة وتحجي بحس خايف
::- جاسر ياا.. ييااقووتة... ياقوتة مم. مماكو !
أندار بعيونة تجاهي ورجع گال وهوة يتقمص نبرة الصدمة
::- ويينها؟ دورتي جوة بلحمام !
حجت بحس مستوعب وصوتها صار خافت
::- لا !
::- نزلي شوفي الحمام ؏ ماغير ملابسي وانزل
صارت هرولة سريعة اندار بسرعة يلبس بلكفوف مد أيدة لزم كفي الجان يرعش سحبة وفتح الباب ؏ كيف مطلع بـَس راسة تأكد مـَـِن الوضع ندار فاتح باب السطح لفحني هوة بارد ثلج أشر بعينة ليفوك وهمس
::- صعدي فوك بسرعة
عفست وجهي شادة ؏ شفتي السفلية بغيض ردت احجي دفعني وسد الباب وصارت هرولة سريعة كأنة ينزل جوه فركت أيدي الجو بارد حيل نفخت بيناتهن وتكتفت أصعد فوك
رجلي جمدت الكاع جانت أشبة بلجليد المتجمد بقيت متكتفة وساندة ضهري ؏ حافة الحايط اباوع ؏ البيوت الكدامي
شوية وحسيت اكو صوت ثبتت عيوني شفتة ضلع الحايط وياه روزة مقدم اصبعة السبابة يأشر تجاهي
::- هاج اشگتلج؟
تقربت لازمتني تباوعلي بستغراب
::- شسوين فوك
باوعت ؏ ضلع الحايط الجان متگنبص بثبات وينضرلي درت عيوني عنة وأردفت
::- شوية أختنگت ومجايني نوم صعدت اتأمل النجوم
شفت وجهه أحتقن كاتمة الضحكة وردت
::- شنو ياقوتة أثر عليج المسلسل التركي
رجعت شعري ورة أذاني مدنگة ، رجعت أردفت بحس خافت وهية تتلمس منطقة گلبها بيمينها وتذب نفس
هبطتيني والله..
مديت ايدي لازمتها مـَـِن متنها بخفة ومكملة كلامي
كعدت ريگي يابس ميتة مـَـِن العطش والغرفة هندس صايرة كوة شغلت الضوه وباوع مكانج فارغ ولحافج واگع ببعثرة ؏ الكاع ماعرفت شتصرف ملگيت نفسي غير مكعدة دهار ..
نداريت عيوني ؏ دهار الجان يكافح البرد القارص
اسفة دهورري عبالي ياقوتة شردت
اباوعلة عدل وكفتة عيونة تتلاقط بيني وبين روزة حجة والأبتسامة مرسومة ؏ ثغرة
::- لا نخطفت
حس ؏ روزة فتحت عيونها وكانها تحاول تتيقن كلامة رد گال
::- هذا الاتوقعتة
رجعت أبتسمت حركاتها طفولية مقدمة اصبعاها السبابة ليگدام وتأشر وهية تهمس نابع مـَـِن فمها دخان أبيض ناتجة البرد بكل كلمة تنطقها يتبعثر
::- وين اكو خطف بلبيت
غمزلها بخشمة بحركة لا ابالاه ؏ اثر البرد والرعدة الصارت الخرعتني نزلنة رحت تمددت وروزة بقت تگول مجايني نوم بقت كاعدة شفتة راح للمطبخ نداريت همست
::- روزة
باوعتلي وگامت صارت بصفي غامزة بعيونها
::- عبالج صدگت؟
رمشت بعيوني وكعدت ؏ حيلي رافعت جتافي مسوية حركة بحلكي
::- شنو !
گامت صارت بصفي ضربتني بجتفها غامزة
::- اعترفي
خزرتها
::- سالمين شعترف
رفعت عيونها كلبتهن ليفوك ورجعت تباوعلي وتهمس
::- ها ها ، عليينه ، حجيت بصوت يعيب ، اموت مـَـِن اخوج عفية اويي ماريد يوصلني للدوام شكد اكررها بي حالة نفسية ايععع
فتحت عيوني : هَاي مـنو حاجيلج؟ ليزة مو !
سدت حلكها جافصة رجعت ناغزتني بمتني
::- أعترفي ياقوتة لتغيرين الموضوع يَله
جحضت عيوني بوجهه
::- شحجيلج
ضحكت تراگص بحواجبها ورافعة اصبعها تأشر فوك
::- يله يله بسساععع
غمضت بتقرف
::- لحضة عبالج عندي شي ويه اخوج !
نزلت راسها عيونها بعيني وتنزل براسها وتغمز
::- رجعنة لليييععع ااكرها ، لكفتكم اش ياقوتة احجي سرج بير أصلا عرفت جاسر ميحجي وياي ولباب مسدود وإني اكلة ياقوتة ماكو وهوة يحجي بكل برود مبينة مبييينه يلمخطووفة
اباوعلها تبسمر بية تگلي المخطوفة عود لأن ضلع الحايط حجاها جريت نفس روحي اختنگت زفرتة حيل اباوع بوجهه نبرتي جدية
::- روزة صدگيني أني واخوج ماعدنة أي شي هية صارت صدفة بعدين تكولين مفاتحلج الباب يجوز ملابس ملابس يستحي يفتحلج شعرفج هوة غير بغرفتة؟ بعدين اخوج بي وسواس قهري هلمور ميتة عندة ههههه لتروحين زايد بتوقعاتج
غمزت تتبسم : شعرفج ميتة عندة؟ ها ها هههههه
::- مبين ياعيني طفل ميلزم تردين يترومس وياية
ضحكت حيل تضرب بمتني : قنعتيني
::- واللّٰه عبالها ذابين الميانة وشلم بلم
اختنگت مـَـِن الضحك رجعت تلتقط أنفاسها وتمسح الدموع النزلن
::- شكد فرحت كلت نفكت الجبسة
::- لا مانفكت بعدها مجبوسة عگدتة
أنتبهنة ؏ وجودة نغزتها بكوعي سكتنة حجة بأستفهام
::- روزة مخلصة الكهوة؟
::- منزماانن
ذب نفس كعد
::- ازهر بارود وين؟ ليش البيت هيجِ مخلي فارغ
جاوبتة وصوتها احسة صار واهن
::- ازهر متعارك وطلع زعلان عايف لبيت صالة فتره
عقد حواجبة يحرك باصابعة بحركة بعثرية فوك فخذة
::- ويامن متعارك
تكتفت تگرص بيدها تنهدت بحس وَقَار
::- رجاء تعيب ؏ كلام غصون تصيحلها الرتلة رحنة شكينالة لأن تعبت نفسيتها بـَس تبجي اشو لزمها وكتلها سحلها سحل ابوي طيح حضة غسلة غسل واحنة نفس الشي شِنـوٰ ماعدها اصل فصل يسحلها هية راحت زعلانة وهوة نفس الشي طلع يگول توزني وتختلفن عليه لوتياات براسي صايرات وهيج مـَـِن البيت وهيج مـَـِن اليبقة بيه گلبها گلاب
وَهَل ينضرلها برُسُوخ مبُهِتَ
::- يعني تقنعيني هل أستبداد لهل سبب فقط؟
ريح ضهرة بإِسْتِرْخاء وكمل حَدِيث بإِقَامَة
هذا حقد وبغض قدِيم داخلة طلعة بستبدادة وضربة وتوبيخة لزوجتة
::- أي جاسر حتة ذكر ذيج السالفة وعفنة موضوع غصون وكمنة ندافعلك سواها لخة علينه
بوز حلكة ليگدام عبالك يريد يبوس متكتف يحرك برجلة
::- اعتيادي
همست بنبرة مليانة بؤس وكرب عيونها مدمعة
::- أمنيتي ترجعون مثل قبل...
لتقط عيونة بيني وبينها وكأنة ينبها تسكت لأن إني موجودة حست ؏ نفسها سكتت وگامت درت رأسي عنهم متمدده اسمع همس صار بحس خافت مكدرت افهم شي غمضت رد گال
::- وبارود وينَ مايجي شيسوي هناك
::- ويه أمي باقي يگول تحتاج شي زايدة ناقصة أسمي موجود
::- وهنا منو العينة عليجن إذا ابوي بغير محافضة وكلها طافرة
::- عمتي حنينة جانت يمنة تدير بالها علينة ليوم مـَـِن راحت بقت يمنة ياقوتة
::- ونبعة شِنـوٰ تحل تربط المفروض اكو چبير بلبيت
بقو يحجون وإني جوه البطانية ؏ نفس وضعي أنتضر يجي الصبح وتجي عمتي واروح
أنعدمت عندي الرؤية أخذتني نومة عميقة فزيت ؏ أثر تَلأْلُؤ اشعه الشمس بعيني غمضت بنزعاج وكعدت شفت آصف جان كاعد أول مشافاني گام صار گدامي أيدة ؏ بطنة يهمس
::- لولو جوعان
أنرسمت أبتسامة مزينة ثغري رفعت أيدي گارصة خدة بلطف
::- جوعان يحلو.. دتعالل انطيني بوسة.. يموووي شهلخديدداات الحلوة
أبوس بية وهوة يضحك بحس ناصي لأن الكل نايم أخذتة ؏ كيف صرت بلمطبخ فتحت الثلاجة مدري شاخذ حرت أسوي بـَس إلي والآصف لو للبنات ويانه؟ ماعرف يتريگن الصبح لو ميگعدن بهيج وقت وإني هم اتعاجز طلعت گلاص گيمر واكو علبة مربة واكو جدرية بلاستيك مسفوطة فوك الثلاجة نزلتها لگيت بداخلها صمون التقطتة وسويت لفة إلي والآصف رجعتها فوك الثلاجة وطلعت أيدي بيده ردت اطلع بلحوش ضلع الحايط مقفل البيبان رجعت إني وياه گاعدين
حجه وهوة يقضم مـَـِن الفه عيونة علية
::- لولو أمنيتي يصير عدنه مثل هذا البيت
عفست شفتي هازة راسي
::- بيتنه أحلله
::- بـَس هناك بارده حيل
::- إني اغطيك ويايه
حجة بنبرة طفولية يهز براسة بنفي والفة بيده
::- لا لولو اخاف إنتِ تبردين
مديت يساري مقربتة من صدري دنگت طبعت بوسه ؏ ذُرْوَة وإني اشم بشعره
::- مابرد نتغطه سوه أتفقنة
هز راسة مبتسم يكمل بلفتة اباوعله حيل جوعان تلاقطت أنضاري تجاه الساعة صارت ١١ كلها نايمة ودوام جان ماكو نهاية أسبوع
بقينه ؏ هلحال الحد مصارت الساعة ١ نزل ضلع الحايط تراكسوده نفسه وعلى كتفة خاولي راح يغسل وجهه رمقته بنضره سريعه يتمشه وينشف بوجهه رجع خله الخاولي خلف رگبتة وراح للمطبخ
أجه وبيدة گوب چاي وماعون گعد شفتة بسكت أشر الآصف استحة ختل وراية راد ينطي بسكت جاوبتة
::- متريك ميريد
همهم وكمل ياكل
::- إنتَ مـٰؤ تستنضف حضرتك؟
::- Why do you ask?
::- اسئلك لأن أريد اصدمك هذا البسكت تدري شكم أيد لازمتها ولايصة بيه حته علماشي بصبعهم يضوگونة ويرجعون بنفس الاصبع يخلطون
رفع حواجبة وسوه صوت بحلكة معناه لاء
::- چؤؤ ، كله مكاين صناعية و إذا جان فعلاً اكو تدخل أيد فَـہ تكون مغلفة بكف
حجاها وركص حواجبة
هزيت أيدي عافسة حلگي
::- إنتَ شعرفك هوه غير حَتـه سابحين بيه
::- همم نبعة قديمة هلسوالف سووها بيــه قبل صارت متجيب نتيجة باحث وشايف محسب أحساب لكلشي
بقى ياگل ركزت ؏ أيده جان قميصة مرفوع بارزه العضة الغرزتها بلحمة شافني مركزه نزل انضاره يحدق بيها ثواني مد أيدة يغطيها وعيونه علي وعلى آصف الخاتل وراي
كمل وكام للمطبخ ثواني وأجة مغسل ينشف بلخاولي مالة شفتة راح ؏ الباب فتح القفل سحبة دخلت أشعة الشمس الممزوجة ببرودة
طلع واشوية وجان اسمع أصوات بقيت متثبتة بمگاني أيدي بيد آصف عيوني تجاه الباب لامح الارض خيال طفيف بده يوضح إلى إن دخلو رفعت عيوني تجاهم جانت تمنة وعمتي حنينة وبارود وجاسر
أول مشفتهم مشغولين يحجون بموضوع الحجة شروق استغفلتهم مبدلة ملابسي حته نرجع
لبست الكوت دگمتة فوك التراكسود وشالي طلعت وصرت لازگة بصف عمتي وهمس وسحب بيدها
::- يله عممه
ندارت بعيونها جاحضتهن تجاهي وتشد ؏ شفتها السفلية بخزرة وتنضرلهم بمعنى سكتي
بقيت متحملة هلوضع وإني مادري شلون گضيت هليلة الكسيفة هواي أشياء براسي ناوية أسويها أريد اشتغل تصير عندي فلوس بـَس مجاي اگدر مجاي اعرف شلون وشسوي ولا متوقعة القبول مـَـِن طرف عمتي تجاه هلموضوع مـَـِن بعد الصار آخر مره
بـَس بعدني مصره أريد اشتغل لازم أجمع فلوس لعمليت آصف عمري مراح أمحي الأيام إلي نوشمت بذاكرتي مراح اگدر احذف أوجاع آصف ودموعة وشوغتة الحد الآن أتذكر مـَـِن گلبة ضل ينغزة بليل نزعتة التشيرت أباوع للنبض شلون بارز منفوك عبالك گلبة يريد يطلع
بهلحضة جانت رعب حقيقي إلي وإله والعمتي ورعب عارم ترسخ براسنة رجعنة للبيت وإني بعدني أفكر بهلموضوع حاجيت عمتي گلتلها أريد أشتغل ردت عليه بلمتوقع
::- دادده كل شغل ماكو ستري عليه الدنية تخوف
ضليت كل مافتح وياها هلموضوع تسده بكلام قطعي أستسلمت بلخارج لكن داخلياً بعدها هلفكرة براسي متمسكة بيها وانتضر الفرصة حته التهمها
وبيومها الحجة شروق رجعوها مـَـِن المستشفى للبيت گالو أتحسنت والكل متجمع يمها عمتي لحت أروح وياها مارضيت بسبب آخر موقف صار وياية والخجل الاحراج السببتة أم عباس إليه
وبعد أصرار وجدال طويل أقتنعت گمت بدلت شلون ماجان وطلعت وياها أيدي بيد آصف وهيه حاملة هجورة وترزل بيه لأن وجهي مغنته
دخلنة بيت الحجة شروق وأنصدم العشيرة گلها گاعده حرت وين أكعد شفت ليزة أجت بسرعة بصفي أستأذنت مـَـِن عمتي وأخذتني تسويلي مگان گعدت بصفها وهية تأشرلي
ليزة: تشوفين ذاك الراسة مقبق؟
::- أي منـو هذا؟
::- هذا العطل خلدون
صفنت مبحلجه مثبت عيونة عليه
::- هذا الخسيس الصب الزيت ؏ ضهر جاسر؟
هزت راسها بنعم
::- أي هذا هوه شوفي ياقوتة گتلج احنه كل حجي ماعدنه وياهم گاطعين العلاقه بـَس جايين علمود الحجة شروق
::- هيجِ شكول مال گطيعة دنية وآخره وهم مايفوخ گلبي
::- تدرين الچلب شسوة
::- شسوه؟
::- همه مـٰؤ كلهم گاعدين سوه ومنو يدخل مـَـِن عمامي يوگف يفرهم سلام يد داير مداير
::- أي
::- راسة المقبقة وصل الابوية وعبرة استحقاراً ولفت انتباه للكل
::- هوه السلام لله شهلضغينة العدهم فوك حگة دگة ! فوك ملاعبين لعب وسحورة وتعذيب ومطلگين المرة تالي هَسه چايين مراضين وهمة اهل الزعيله
هزت أيدها : أندرري.. هَاي فوك مخلو ضهر جاسر كتاب أجرامي وسواس قهري حاد ، لو بارود الشكلت عندة فوبية الضلام بليل بـَس تطفة الكهرباء يضل يصرخ هَاي كلها بسببن؟ بسببهم جانو يلمونة گلنة بلمخزن ويطفون علينه الضوه ويطگون الباب سرگي هلحجي للصبح سندنة جاسر حاضنينة حاير بينه ساعة يگول تخيلو انتم بملاعيب وساعة يگول تخيلو احنه بحديقة وكدامها بحر ونصيد سمج
بقيت ناصتة بمسامعي لكلماتها الَموْلوعَة وأنا انكرث
أردفت بصوت مخنوك وعيوني مليانة دموع رأفعة اصبعي أشر
::- ياقوتة تشوفين هذيج
باوعت تجاها وهزيت راسي ردت كملت وهيَ تنضرلي وگانها ترجع بلزمن
::- هَاي أسمهان الخرط الجانت تگطع بشعرنة
بقيت ساكتة وإني انضرلهم أتذكرت قول تعالى
{سِيمَاهُم فِي وُجُوهِهِم} فعلاً سيماهم الخبيثة جانت تزين وجهه منضرهم كان يوحي مـٰؤ زين مـَـِن أول نضره
رفعت أصبعي وإني أشر تجاه وحدة طويلة گاعدة بصف خلدون
::- وهايَ الطويلة بتول بنت خلدون مـٰؤ؟
::- أي ؏ گولت جاسر الزرافة هَاي الجانت بسببها جاسر ماگل طن كتل
بقيت مثبتة عيوني تجاهم وتحسب بداخلي هيجِ ناس واللّٰه حرام تعيش شِنـوٰ مـَـِن گلوب شايلين شِنـوٰ مـَـِن طيينة !
أنتبهت ؏ جاسر مجان موجود ردت اتسائل فاجأني دخولة الكف جان بأيده سلم سلام جماعي وحط أيده ؏ صدرة مع امالة الرأس قليلاً احتراماً
بقة متگنبص يم الباب دخل أزهر باوسهم وعبر خلدون وكمل السلام وبارود نفس الشي
فايقة وبناتها حسيت منيمي تفشلت كلساع وصاحت بناتي مـٰؤ هيجِ اجوائهن شصار بيهن غير تخبلنن يگولون ماما البارحة جانت مبيها شي نحجي وياها اليوم شِنـوٰ شتغير
تحجي وتأشر تجاهن الأنضار حاضنتهن منيمي ستحين كلساع ومسويتلهن اعلان موقفهن يخزي نوب يتبسمن ويدنگن وياگلن بشفتهن خاابب يبوو مال الزم راسي وركعة بلصووبة ترسس
عمي دلام طلع وطلعو وياه عمامي عدا خلدون واسمهان گامو بعد فترة النص ساعة مشو مـَـِن جاسر الجانت عيونة عليهم بستحقار وهمة يعدون مـَـِن امامة
صار مكان تقرب كعد ازهر وبارود وبصفهم عباس وعلى يمينهم جان كاعد جاسر
اباوع ؏ فخرية أم عباس تتهامس ويه الموجودات ويباوعلي ويتبسمن شوية وگامت صارت بصف عمتي حنينة وحجت بحس مسموع لازمة چف عمتي
فخرية: حنينة إني بَعد نويت ازوج عباس والدنية يادادده مواكفة هوه هم يريد يستقر يخلف اشوف عويلاتة ماتنطونة ياقوتة؟
نشخط جاسر مد أيده بارود ضرب ضهرة دفعة مشحوط عيونة طلعت ليبرة يقربون منه الدولگة مال المي مايشرب عود لأن مـٰؤ بطل ومسلفن شوية وگام صار بصف الباب مكور أيده ويضرب ؏ صدرة وتركيزة وياها
::- هوة خريج ومفكرين نطلعلة واسطة أبن عمة جاسر يرتبها إلى ويتعين وإني عجبتني خوش بنية
ندار بعيونه جاسر تجاها يحجب وهوه يضغط ؏ مخارج الحروف
::- وآن عجبتج رأية هووه شنو؟ مو علساس يحب ومگطع روحة وصاير روميو وجوليت الانبار؟ لو إني غلطان
::- وإذا حب هيــه مـٰؤ شافت حياتها وراحت؟ وإبني هم يريد يشوف حياته قابل الدنية واكفه ياعيني تمشي الدنية ماتوكف على احد
زفر يباوع ؏ عباس حجه وياه بنبرة صلبة
::- إنتَ شبيك طرطور ماعندك السان؟ مـٰؤ ردت تنتحر وگلبت الدنية
باوعلة وحجة بثقة ايده تلعب بلسبحة
::- لا ماردت أنتحر غلطان
::- بلي ردت تنتحر وبندقة طامسة براسك شِنـوٰ نضحك واحد ؏ الثاني؟
::- جانت ! حالياً هيَ مره متزوجة وعلى ذمت رجال
رفع أيده الصدرة متكتف ساند جسمه ؏ ضهرة يبحلج بيه
::- أي بمعنى شِنـوٰ ؟
::- أي بمعنى ياقوتة خوش بنية
::- أفهم مـَـِن كلامك مقتنع
::- ليش ماقتنع الابنية خوش بنية
::- همم لطيف
حجت عمتي بين مجانو همه يتناگرون وعبالك واحد عوزة ياكل الثاني
حنينة: گتلج دادده الابنية ممفكريلها بلزواج حالياً چاي تدرس وعباس خوش ولد بـَس مناوين هَسه
::- بـَس خطوبة نحجزها ممستعجلين
نزتني ليزة بين مجنت إني ابحلج وأكل بروحي وافرك بيدي همس
::- ديربالج ياقوتة حجي دويهر صح عباس يموت عليها والحب الاول مينسي
::- شسوي.. هَاي ثاني مره تفتح هلموضوع
::- ممجبوره گولي ماريد بحلكج عضم
عمتي جانت رافضة وفخرية حيل جانت سابقة الاحداث وكلساع وصاحت جنتنة واللّٰه احطج بعيوني إني شعندي بـَس اوحيد والبيت كله الج وإني متوكلة
جمعت قوتي باوعت بعيونها متكتفة اگرص بمتني
ياقوتة: خالة العمر الطويل مقدماً وعباس مشفت منه شي خوش ولد ومؤدب بـَس إني مرايده اتزوج لا اليوم ولا باچر عندي عمتي وآصف افكر اتعين واعيشهم ممفقرة بلزواج بتاتاً
::- إني شعدي راتبج إذا تعينتي الج وعمتج واخوج منا لهنا
بقيت ساكتة بحيرة الحجة شروق جانت غارگة بنومها بسبب الادوية التتناولها جان بيها نسبة نوام
تماشت هليومين جنت بره هستوني راجعه مـَـِن الدوام وعباس صار بوجهي
::- ياقوتة شلونج
باوعت بوجهه بذهول حسيت ؏ نفسي وبتسمت أبتسامة باردة
::- الحمد لله.
::- اعذريني أمي محترك گلبها عليه وتدورلي مره وإني ماحبيت احرجج بينت إني قابل وفعلاً إنتِ خوش ابنية ممجذب إني
حسيت النفس رجعلي أبتسمت
::- إني اتفاجأت لأن إني معتبرتك شي بعيد عَـن الزواج فلموضوع ربگنية شويه
::- إني وياج بـَس بَعد شسوي گلب والده هذا
::- اللّٰه يحفضها الك
::- يرحم والديج
ردت أمشي رفع أيده مستوقفني نداريت نص جسمي اباوعلة
::- صدك ياقووتة
::- ها.
::- أمي شويه تعبانه وإني تدرين بـَس ولد عدها إذا متصير عليج زحمة تمرين بـَس تغدينها وإني ماضل طالع يَعني بـَس إنتِ وياها بلبيت
رفعت أيدي حكيت گصتي هزيت راسي عاصرة الجنطة
::- ماشي احاجي عمتي وأجي
::- مشكوره ولو اتعبج
::- للا عادي
عفتة مكملة خطواتي شفت جاسر الجان يتقدم تجاهي صار گدامي
::- مطوره العلاقه
امشي يمين يجي يسار معارض طريقي
::- وخر شويه
::- شجان يحجي وياج؟
أبتسمت بطرف شفتي هازه أيدي
::- شي مايخصك
تعديته وهوه وراي واجبه ليلي دخلت شفت عمتي تلعب بآصف مگعدة بحضنة هجورة يضحكون تقربت ابوسهم گاعده بصفهم لزك
حنينة: بشريني شلونه الدوام موياج
::- زين ماكو أي شي جديد
::- الحمد لله.. احم اليوم أجت أم عباس للبيت ورجعت النفس الموضوع گتلها تدرس كافي تحرجيني
صار غثيان براسي عميق ؏ أثره صرت بصعوبة التقط أنفاسي ممستوعبة الكاعد تحجي عمتي
::- أجتج اليوم؟
::- أي قبل اربع ساعات جانت هنا
::- مريضة حالتها الصحيه شلونها؟
::- مابيها شي زينه ليش جانت مريضة؟
حجيت بحس مستغرب وروحي تتراطم سَهْو مكْتَسَحَ روحي
::- عباس ستوه حاجاني يگلي أمي مريضة ياريت تجين للبيت تسويلها غده گتله احاجي عمتي واشوف ، وهسه نملت أطرافي بلزايد نمردت شجاي يصير !
صفنت بوجهي رادت تگوم كتلها رايحة واذا تاخرت تعاي وراي أصرت أخذ ويايه آصف لزمتة مـَـِن أيده ولفرحة بعدها بگلبي تدك كبر آصوفي وصار يحميني هلموثف بعدة يون بأذني ونن
طلعت شافني ضلع الحايط باوعلي مـَـِن جوه حاجبه عيونه تلحگني وصلت للباب طرقتة رمقته بنضرة بعده مثبت عينه بوجهي فزيت بَعد منفتح الباب شفتها فخرية دخلت متنهدة
::- عباس گال مريضة شمحتاجة أسويلج.
شفتها لوت أيدها اليسار خلف ضهرها وحجت متوجعة
::- موتني أضهيري يا أمي
نداريت گعدت آصف هامسه بأذنة ميتحرك يگعد عاقل رجعت متقربه تجاها رفعت أيدي ساندتها وبخطوات بطيئه وصلت لفراشها مددتها وگمت للمطبخ سويتلها تمن عدس لگيت سطل روبة صبيتلها
خليته بصفها گعدت تاگل بقيت وياها الحد مندك الباب فتحته شفته عباس دخل أشرتله
::- بلجدر بقيتلك
هز راسه حملت نفسي أيدي بيد آصف فتحت الباب وطلعت لليل واحنه ؏ هلحال البيت حيل بارد بشكل قارص مرعب
وبيومها جان المطر غزير بيتنه فاض گله المي ترس الغرف الكهرباء طگت گامت الوايرات علحايط تتحرك ويطلع صوت يَعني اليلزم الحايط يودع
شوية وهدت الوضعية مال الكهرباء طفت مـَـِن المي بـَس الاسلاك بعدهن ؏ الحايط حاولت بِشْت الطرق إفتح الباب حته نطلع لأن آصف ملابسه كلهن تنگعن خفت لايوگع فلاونزة امشي بلحوش وعمتي تصيح رجعي تخليني التفت ورجع اكمل آخر شي ردت الزم الباب كامت تصرخ راح تموتين ولج راح تنتلين عفت كلشي ورجعت بصفها أحجيّ وسنوني تطكطك
::- مانتل مـٰؤ هلگدامج بنص الحضيض واكفه جا مالگفتني
بقت مجلبه بيه بيدها هجورة وتحضن بيه شفت آصف يعاطس عفت كلشي ورحت علية حاضنته رافعته مـَـِن المي
شويه واسمع صوت بره خليت آصف يم عمتي وكمت اصيح أجاني صوت جاسر يصيح شكو
::- جاسر ويينكك البيت ينتل اايياكك تلزمم شي
بلعت ريگي المطر يزخ مست وجهي وصحت بصوت حته يسمعني صوت المطر جان اعصار مايگدر يفهمني بوضوح
الباببب مقفول ماكدر الللزززمة ينتتلل البيت غررككك
::- وخري بساع عَـن الباب
::- لتلزمة اببدد
::- مالزمه وخري
::- والحيطان هم تنتل ديربالككك
أسمعه صاح
::- نبعة وخررتي؟
رجعت ليورة وصحت
::- أي وخررررت
صارت دفرات قويه ؏ الباب گانه يرفسه شويه والباب بده يختل ؏ اثر الدفرات نفتح دفرة حيل وكع بلگاع طفر المي حيل ترس ملابسه رفع أيده أشرلنه طلعت عمتي وهجورة وآصف وإني بقيت الم بلغراض النترسن مي شاخذ وششيل كلشي تبعثر وتسين سيان
صاح بيه عطت بيه طلعت حرگة البرد كلها بيه
::- أصبرررررر اخذ مهجوووم أتجفن بيه
لميت غراضي ببعثرة شالي فوك رأسي مليان مي ينگط شافني لازمتهن وامشي ركض صاح وهوه يشد ؏ كف أيده
::- لاتزلگييين
طلعت صار بوجهي عباس يصيح شكو شصاير؟ شاف حالنة چلب يريدنه نروح يمهم وجاسر واگف بلوسط جتافة ناگعة لازك التشيرت ؏ جسمة يلزمة مـَـِن گدام يسحبه ببعثرة محاولة تنشيف
::- عمة تعاي يمنه مَحـد موجود البيت فارغة
التفت عليه جاسر وعيونه ناطه يمسح بوجهه وشواربة ويحجي بنبره مستفزه
::- تسرسح مَحـد يجي
باوعله رافع حواجبة بطريقة تعيوب : مـٰؤ بكيفك تعاي شو عمة
مد ايده يريد ياخذ عمتي حجيت بحس مبگي
ياقوتة: يله فضوها آصف حالته تعبانه
مد أيده جاسر لزمني مـَـِن متني جان ملابس چف بـَس ضامن اكو ملابس سحبني عينه ؏ عباس حجة مـَـِن بين سنونه
::- أمشي
رفع حواجبه عباس وهز راسه وگال
::- جاسر مـَـِن تخلص عندي حجي وياك خوش
::- مفارغ بلبل
حجاها وتقدم ساحبني عمتي سبقتنه دخلت للبيت لأن آصف انتهى أعت بيدي ماگو شافني ردت الزمة وخر
::- ايددج
::- إذا ايددج شَـكوو لازمني
رجع حط أيده ؏ متني وضغط قبضته هلمره احسها طگت صحت بيه وإني ادوس برحلي ؏ قدمة
::- دوخر شو وخرر لافلش وجهك
شفته أبتسم ؏ اثرها برزت أسنانة سحبت نفسي منه ومشيت وهوه وراي يضحك وجتافه تنهز بطريقه ملفته هزيت أيدي ودخلت
صوبة مستعره أمامي غرفة تحمل دفئ بمحيط اركانها ضوء خافت دفئ نوم عميق كان اخر اليل...
صحيت مـَـِن هليله ؏ الم قوي ببطني وضهري مجنت اگدر اتحرك لازمتني رعشة والم قوي دخلت ليزه شافتني كاعده أجت بصفي
::- شبيج؟
تقربت شاورتها لطمت خدها جاحضة عيونها
هذا موعدها؟ متأكده!!
هزيت راسي شافتني أرجف گامت قربت الصوبة خلتها بصفي تباوع ؏ الرعشة مراحت مني عاصرة بطني لامة سيقاني الصدري
هايَ شلون تضلين هيجِ؟ راح اجيبلج كيس مَي حراري تحطي ؏ بطنج يخفف الالم
شفتها گامت وإني ؏ نفس حالتي دقايق وأجت بيدها مغلاية تفور وكيس حراري دخلت وراها روزة
روزة: شجاي تسويت؟
شاورتها جرت مـَـِن ايدها المغلاية
الكيس الحراري ميصير ينحط بي المَي وهوه يفور بهلشكل إنتِ شايفة إذا انشك ؏ البطن يسبب كوارث وحروق مرعبة!
جاوبتها متخوصره : لعد شلون احطه بارد؟
::- ينحط حار لكن مـٰؤ لدرجة الغليان حته لاسامح اللّٰـه إذا ماع أو نشك مايسبب شي كارثي
بقت تنتضر المغلاية تدفي المي وراها حطته بلكيس الحراري وإني اتگلب ، شكد اكره هلسالفة بسبب هلألم والتعب ألي اتحملة فعلاً الانثى عضيمة
تقربت حطت الكيس ؏ بطني ونزلت التشيرت حرارة قوية حسيت بوجع المَي الحار لكن بدون تلامس
؏ هَاي نومتي بقيت متبنده بدون حركة عمتي تطمنت علي وگالت راح اروح للحجة شروق وبرجعتي اجيبلج حبوب شي يخفف الألم
::- لا شوية وأصير زينة روحي لشيلين همي
::- لا بنيتي إذا ماشيل همج؟ هم منو اشيلة!
شالت هجورة دارت بيدها آصف حجيت بحس مخنوگ
::- عمة ديربالج ؏ آصف
هزت راسها وكملت طريقها جريت الحاف صعدتة الرگبتي بعدني ؏ نفس رعشتي
بيتنه فايض الكهرباء مالتة موت احمر اسمعهم يسولفون يكولون البيت كله ينتل
صار الضهر صبو الغدى وهذا ضلع الحايط ماعافني بحالي عود مسوي روحة كريم كلساع وصاح
::- يله نبعة تعاي تغدي
وليزة تمتمت متعرف شتگلة آخر شي گالتلة
::- دهار مريضة دعوفها ترتاح البارحة مـٰؤ طلعتهم مـَـِن نص الفيضان ههههههه
ضحك وندار ورجع ماد بـَس راسة يباوعلي صارت عينة بعيني لاف راسة بغرور شكد وَضِيع هل إنسان
روحي حيل تعبانة مالي خلك الكلشي غمضت ابحث عَـن بصيص الامل اليبعدني عَـن واقعي الاعيشة صارت طبة قوية وصوت عمتي تصيح الحگووووولي
..
ليال:
گاعده گدام مهيرة الجان مسلوب قرارها الحد الآن اذكر مـَـِن حاجت حسام وگلتلة ماريد مازن شلون ابوي گلب البيت وكتلها ويگلها تردين تخزيني كدام العالم ! ماعرف شوكت راح يجي اليوم والاهل تصير تفكر بمصلحة أبناها اكثر مـَـِن العالم وعيب العالم ونضره العالم وكلام العالم
هواي اشوف اهل تمنع بناتهم مـَـِن فَـد لبس معين مـٰؤ لأن حرام ! لا بل لأن عيب مـَـِن العالم والناس شتكول علينه ! شوكت نتكلم مع أبنائنا بلحلال والحرام ونمحي فكرة عيب مـَـِن العالم !
شوكت نبتعد عَـن مقارنا أبنائنا بناس اكثر نجاح منهم ونحطمهم ونكسر معنوياتهم ونطفي بصيص الامل الجان عدهم؟
ليش حارمينهم مـَـِن رأيهم؟ وتعبيرهم عَـن إلي يحبونة وإلي يكرهونة وشنو الحجو صحتو العااللممم شتكول عليينه !
هيجِ تربية أكبر غلط تولد طفل عاجز ضعيف مكتأب قلق متوتر سريع البگاء دائماً ينضر النفسة إن هوه فاشل دائماً يشوف نفسه هوه مراح ينجح هوه مـٰؤ حلو هوه فلان افضل منه هوه مابي فايده هلاسباب كلها سببها شنو؟ البناء إلي بنيتو بيه شخصيتة أي نعم إني اشوف الاهل اساس ببناء شخصية وتقوية إبنائهم
المسؤلية صعبة ولازم نكون كد المسؤلية هذولة الهم بر عليكم مثل ما انتم الكم بر عليهم
اكو بعض الاهل يضحكون ويمرحون فقط إذا اتاهم احد الضيوف وبمجرد هلضيف يروح يرجع كلشي الوضعة العبوس !
واكو بعض الاهل تميز وتفرق بين اولادها وهيَ ماتعرف كمية الالم إلي ممكن يتعرضلة هل إنسان ، بمجرد يشوفونة كبر خلاص راح الدلال حبو الاصغر
اكو عايشين بين اهلهم وهمه غرباء مابيناتهم لا كلام ولا سوالف عباره عَـن حياه استهلاكية للعمر
لو كان الامر بيدنة جان كلنة اختارينة الاهل المثاليين النه لكن لازم نتذكر هذا كلة ابتلاء مـَـِن رب العالمين واعضم ابتلاء هوه ابتلاء الاهل يختبرك ربك بيهم يشوف صبرك وتحملك
وتذكرو قول تعالى في سوره البقره
يَاأَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ إِنَّ اللَّهَ مَعَ الصَّابِرِينَ ﴾
نصبر وننتضر رحمه اللّٰـه مطول اللّٰـه مع الصابرين راح ننال الخير .
عيوني تجاها تفرك بجسمها تطبطب ؏ الكدمات الزرك البارزة فوك جلدها بين مجانت هيه مرعوبه جنت إني ارعب وافكر إذا ابوي طابگة براسه يزوجها الرضت أو حته مارضت شلون راح يتقبل الموقف ! شِنـوٰ راح يسوي إذا عرف مهيرة فاقده البكارة !
صراع داخلي أداء للأَنِين الداخلي
خابرت الملازم عابس وأيدي وكياني كله جان يرعش فتح خط وجان صوتة مشتت ساعة يصيح قضيتة محسومه هذا وساعة يكول الو كلشي تمام؟
::- سيدي شسوي تعبت واللّٰه
حسيت ؏ هرولة وگانة غير مكانه أجاني صوت وجان هلمره اوضح ومسموع
::- خيرج ليال صاير شي
گمت رمقت المكان بنضرة سريعة "مَحـد" مديت أيدي قفلت الباب وجريت خطواتي متگرفصة وأردف بحس مختنك
::- سيدي ماصدگت مهيرة تفصخ الخطوبة ابوي كتلها ميرضى يكلها تردين تخزيني كدام العالم تردين تشهريني
ذب نفس زفر دخلت أنفاسة جوف أذني حجة بخفوت
::- ليال ابوج شيتعاطة؟
::- كيك
اسمع صوت صار يضحك وصوت ضربات گانة يضرب فخذة
::- لا جد هيجِ موضوع مصيري المفروض ميتدخل بيه بلنهايا هَاي حياتها ميصير يجبرها
::- سيدي شتحجي ابوي إذا احجيلة حجيك يطيرني بزيج
::- ههههههه باعي
عدلت گعدتي ناصتة بمسامعي إلى
::- ها !
::- انطيني احاجيها
::- مهيرة؟
::- همم
::- جانت قبل شويه يمي
همهم ساكت شوية وگلت
::- هيه تعبت نفسيتها بسببة لهل مريض النفسي النرجسي
::- گلتيها نرجسي الامراض كلها براسة شتتوقعين
::- لو شايفة وجة الطرگة ويعيب ؏ وزنها و اللّٰه قريت المراسلات طگت روحي يگلها ضعفي نفسج الناس تگول عليج هايشة
::- مايفتهم وعلي ههههههه
::- هوه إنتَ لو تشوفة زيج ماتخسر عليه حشه خلقت اللّٰـه
::- أي هلعينات هَاي الهابطه هيجِ نضامها
::- زين شسوي سيدي تعبت واللّٰه
::- ليال بابا إنتِ ششوفين؟
::- تحجي وياها
::- گاعد ماعندي شي واجبي راح يخلص بَعد ساعه
ذبيت نفس نزلت التلفون سادته مشيت ؏ اطراف أصابعي فتحت الباب حيل حته خاف واحد يتسنط الگفة مايلحك يشرد شفت مَحـد نزلت املخ المكان بعيوني هاي وينها؟
فتحت باب غرفتهن لكيتها هيه وبثينة بلغرفة ودك سوالف ذبيت زروك بيناتهن هزيت حواجبي
::- ها خواتيين حبيب؟ عشيق؟ عاشك؟ معشوك؟
ضربتني بيدها بثينة كاتمة ضحكتها
::- ماتسكتين بيا حال احنه
باوعت ؏ مهيرة وگفت اسوي حركات علمدار فاتحة ايدية ؏ حيلهن ومشي محدبة مثل الزلم الخشنة
::- ماززن ولسماك ماززن اطلع خلتفل بگصتك احسلك
شفتها أبتسمت بـَس عيونها بعدهن بيهن حزن
::- اطلع ولااااك اطللعع بربووءءءءء
كامت بثينة تتطوطح تضحك بـَس متريد تبين عود احتراماً لمشاعر اختنه العزيزه
::- مماززن بلعباس ماكو اذا ماتطلع احني راسك *** وقد احذراا مـَـِن انذراا
شفتها نفجرت تضحك وجهه نگلب احمر نحقن تضحك بهسترية گعدنة نصنف على مازن الممتوازن الجنة قووننددرريينة
حت گوه تلتقط أنفاسها تضحك خشمها مگلوب احمر
مهيرة: وجج كافي يبعدها العيني گلبي راح يوكف
::- اسم اللّٰـه عساها بذاك الجنة اباط مستهترة
نكفخت مـَـِن بثينة تصييح لعبت نفسي وهاي تضحك مفجورة طبت علينه عفراء عيونها بلطول متخوصرة
::- إبني راح يكعد بس حقجن عوانس ماوراجن شي گاضياتها تمضحك
حطيت أيدي ؏ حلگي جريتها بزيج
ليال : تدهربي لجججج بلبوصة
فتحت عيونها رافعة أيدها تهز بيها وتحجي حلكها فاهي
::- هَاي لوياج بلگلية معلمينج الدايحة
::- دمشي لجج لافلش صماخج
لزمتني بثينة تگلي غلسي لبسيها شو تحمست صعدت عندي الزماط والعراكات واكض وعيط
::- طلعييييبرااااااااااااا
وجهه صوفر وهذن الضحك نزل عليهن مادري منين
بين سوالف وضحك ومازن جان هوة نعال سهرتنة اقصد بطل سهرتنة آخر شي حيل تعبنة بثينة ذبت روحها راحت بغير عالم نامت وإني استلمت مهيرة
::- دجيبي تلفووننج اشو وين ناوشيني
جابتها وحطتة بيدي تباوع عليه شوفني شسوي طلعت تلفوني شافتني اسجل برقم بتلفونها هزتني
::- منو هذا؟
حجيت ومسوية روحي مشغولة وعود روحي صايره بخشمي حته ماتضل تلحح
::- مهيررة سكتي خرررببب بااااع شسوويت ببااع شلطمتتت
بقت ساكته تباوع بوجهي ثبتت الرقم طلع الواتساب مالتة حاط صورتة كتبت بسرعه إني مهيرة
حطت عينها بلتلفون وجحضت عيونها تلطم ؏ خدها
::- صخام هَاي شكتبتي وخرري شوو
ذبيت التلفون بحضنها بَعد مكتب الملازم عابس له له تعااي تعاي
لزمت التلفون باوعتلي : هذا منو
رجعت شعري وره ضهري بغرور وكبرياء ونبرة ناعمة
::- هذا عابوووسس
بهت وجهه رجعت عينها تقرة باوعتلي
::- عيب ليال واللّٰـه عيب
::- شعلي إني الرجال ايريد يحجي وياج ؏ سالفت خطيبج العاوي
::- شكتب هَسه
غمزتلها : نفس متكتبين لذاك كتبي العابس عاد هذا يسوه واحد يحجي ويا
غمضت حيل ورجعت ضهرها متمدده رجعت باوعتلي
::- كاتب له له تعاي تعاي اتخيلة فاتح أيده يريد يلزمني ششكتب تعاي ماعرف شرد نسطرررت
رفعت عيوني حركت جتافي وسويت حركة بحلكي عفتها وگمت رحت الغرفتي
..
عابس:
خلص واجبي بطريقي خابرتني زئبقة فتحت خط
::- ها خيتي كلشي تمام؟
حجت وحسها مصحوب بنبرة خايفة وقلقة تمتمت بلكلمة
::- ش.. ششم.. شمل
ثبتت نفسي عقد حواحبي
::- شبي شمل؟
::- مريض..
حجتها وسدت الخط غمضت حيل وزفرت وكفت تكسي اخابر ماتفتح خط
أشىت الابو التكسي : يمك ضلعي
نزلت مطلع المحفضة دفعتلة ونداريت ادك بلباب دقايق معدوده نفتح جانت ماخذه راحتها بلبس دنگت
::- شبي شمل؟
تمشت گدامي أستغربت سرگت الباب وأتبعت خطواتها شفته نايم ! رفعت عيوني اباوعلها
::- خيتي صاير شي؟
زئبقة: ماعرف نام يتغصغص بـَس يتقيأ
زفرت حيل عيوني تجاها تقربت صرت بصفة : بابا حبيبي.. ملاذي ياروحي ياگلبي
::- عوفه نايم بلگت مبيه شي وللصبح صاحي
رفع حواجبة وسوه صوت بحلكة معناه لاء
::- چؤؤ شلقضية هسه اخذه بـَس شرحيلي حالتة بلضبط موكلتة شي مـَـِن بره؟
::- مماكل شي مـَـِن بره هوه بـَس اكل البيت
جريت نفس منزل عيني انضرله وأيدي تتلمس بطنة
::- نايم بطنة فارغة؟
::- أي
مديت أيدي مـَـِن تحت ضهره رفعتة أريد اخذه اجت وراي
::- ماكو مستشفى بليل عوفة إني اخذه اكو شريط حبوب جان عندي جنت انطي منه حباية يرتاح
التفت عيني دايرها عنها : شسمه إني اشترية
::- ماعرف اسمه بـَس اعرف شكله
سبقتها بخطواتي رجعتة للفراش حاضنة حيل نداريت شفتها واكفة تقدم تجاها ماد أيدي طلعت محفضتي انطيتها مصرف
::- مخلص الاشتراك مال نت غير؟
هزت راسها بنعم
::- طالع بطريقي ادفع خلي يلهي نفسة يلعب بلتلفون وإني جاي هليومين اطلعكم
::- خاف ازحم عليك..
::- ماكو كل زحمة خلي بالج إنتِ أخيتي وبلخدمة
أخذت خطواتي خارج البيت وصيتها تقفل الباب وطلعت اتمشى ابو النت جانت بلمنطقى قريب ولد صاحبي دفعتلة وگبل ؏ شقة عراد طلعت
خابرتة وإني أصعد الدرج فتح خط
عراد: عضيدي
ابتسمت : أفتح الباب ضلعي
::- يله هلو..
سد الخط شفتة فتح الباب يرگصلي بحواجبة مديت أيدي صفگت كفي بكفه حاضنة
دخلت متمدد افتح بلبدلة : خست وعلي حمضت
تمدد يشرب بيرة مشلبخ رجلية يأشرلي بعيونه
::- ذاك لحمام كبد بطبط روحك وتعال
::- يله باوع راح البس مـَـِن هدومك
::- اوكي
رحت طلعتلي تراكسود وبوجهي للحمام سبحت وغسلت البدلة فتحت الباب اباوعله لازم احزام رابطه ؏ مثانته ويسحب بيه حيل
::- هاي شجاي تسوي؟ شلقضية عرااد دخيل اللّٰـه مـٰؤ هيجِ... جييييب دجييب مـَـِن ايدددك
سحبت الاحزام مديت أيدي بعدها يابسة زفرت اضرب بيدي ؏ صدره
::- السالفة جزت گامت تگرط ملح هلسبوع أخذك اسويلك العملية وجهك مصوفر
مد أيده يضغطها برخاوة وجهه عرگان
::- لا كبد مـٰؤ هَسه العملية
صفنت بوجهه عيوني بعيونة
::- تخاف؟
سوة صوت بحلگة هاز راسه بنفي وجهه مبتسم
::- چؤؤ عابس مع الاسف إني اخاف؟
::- خاف ماعندك؟ باوع إني ممتوازي ؏ الشقة باچر اخذك حالتك تعبانة موات صاير
::- لا كبد عندي بحبحيات هههههه بـَس مناوي هَسه
جريت أذنة عتيتها بنتر مرح
::- ::- ادري هَيه زواج حته مناوي؟ صحتك هايَ لتتهاون بيها كلش
::- يمعود اللّٰـه كريم
أبتعدت عنه متمدد لزمت التلفون شفت اشعار دخلت بسرعة وره كل هلساعات كاتبة
»- أتفضل..
كتبت
»- مهيرة وياي؟
شفتها شافت الرسالة ورة دقايق كتبت
»- أي.
بين مجاي اراسل ، عيني صدت ؏ عراد واكف بطوله راح للحمام شويه وطلع صفن بوجهي يحاول يقاوم نفسة وكفتة مرچوچه يحاول يوزن نفسة شفته حيلة باد ذبيت التلفون صرت گبالة مجلب لازمة احاول أسنده . أيدي ؏ مثانتة صلبة حجر همس بخفوت وصوت واهن
::- عابس أدراري دم
حجاها وطاح مـَـِن طولة ؏ أثر الوگعة طك خشمه دم
⁘✹⁘
يتبببع...
📌:- حسابي الانستا _lolo743_ انشر بية تغشوشات .
والى هنا نقفل البارت فلذات قلبي
-الكاتبة وَرْد حيدر