البارت الثامن عشر
وصلت اسماء مع تكسي ونزلت من السياره
شافها عقاب وكانت عيونه تطلع منها شرار كيف تعصي امره وهو محذرها انها متركب ابدا مع سواقين في شي اسمه جوال دقي علي اجيتس!؟
تقدم عقاب وقال بحده وعصبيه : خير من وين جايه وليه جايه مع تكسي والا مو مالي عينتس!
قالت اسماء بدلع يغث : انا مره اسفه وانت تراك مخليني ما اشوف انت مو مالي عيني انت مخليني ما اشوف ياقلبي انت...
كان عقاب يكره دلع البنات اللي كذا الدلع الماصخ الي يدبل الكبد وكل شي
شافها عقاب حاطه مكياج مو مكياج عادي لا فل ميك اب قال عقاب بحده : اظن انتس رايحه عزا ناس ماتو حاطه لي مكياج ماتراعين انتي مو راضيه تفهمين عنز والاتيس ماتفهمين؟!....
تنرفزت اسماء وقالت : اهو تراك ياخي غثيتني بالله تبيني اجي وامثل اني ابكي على ناس كنت اتمنا موتهم ؟
مسك عقاب ذراع اسماء وقال وهو راص على اسنانه : انتبهي لكلامتس مو انا عقاب الي تقدعدين تصارخين بوجهي واسكت سامعه ماكان في رد من أسماء قال بصوت عالي سمعتييي؟!
قالت اسماء وهي زاقه معها : والله سمعت خلاص انا اسف وحقك علي راسي في شي ناقص ياسيد؟!
زفر بغضب وقال بتهديد : والله ان شفتتس مع التكسي اقسم بالله ان مايصير لتس خير يالله اذلفي جوا
حاولت قد ماتقدر انها ماتعصب ولا تسوي شي تبي تسكت لان في بالها خطه مخططتها هي وامها
دخلت اسماء ونزلت عبايتها كانت لابسه فستان بالون الأبيض ومخطط بالاسود وتحت الركبه بشوي...
عدلت شعرها ودخلت على الناس ماكان في غير آل قاضي بس ابتسمت ام قاسم من شافت اسماء مسويه الي تبيه.....
رفعت نجد راسها وشافت اسماء متكشخه وميكب فل مااحترمت العزاء ولا اهلها وناسها ولا راعت الناس الميته!!
قالت انهار بأستغراب : خير مضيعه قاعه والا شي؟
هزت راسها ب النفي وقالت : لا بس شفت ان العزا خلص وقلت اتكشخ واجي
زفرت نوره تحت انفاس الغضب : العن راسها المربع ذا اه لو اقوم واتوطى بطنها يع
قامت نجد وقالت بحده؛ تكرهيني قلت بطقاق تغثيني قلت اسفهيها قلت لسانها طويل قلت طنشيها اما تجين وانتي متكشخه ولابسه فستان وفل ميكب لا الى هنا ستوب انتي منعطية وجه حبيبتي انتي رايحه عزاء عزاء انتي قد جربتي فقدان ابوتس وشفتي كيف وقفنا معتس لكن ما اقول الا الحمدلله الي ابوتس مات وماشاف بنته كذا....قاطعها الكف الي جاها من أسماء
شهقت نوره وتقدمت نجد وسحبت شعرها من ورا وشدت عليها وقالت بحده وبصوت عالي : كسرًا يكسر يدتس ياقليلت الادب انا ما احد تجرأ انه يمد يده علي تجين انتي يالي مني قايله تمدينها كسر ان شاءالله ماينجبر
قالت اسماء بصوت اعلى : لا ياحبيبتي انتي ابوي ماتجيبين طاريه سامعه ولا لا عاد الله وها الاهل الي بتموتين بكي عليهم واظن ان اليوم انتهاء العزا والا انا غلطانه صح ولا مو صح؟ وبعدين انتي عارفه اني ما ادانيتس كذا خلقه اقول ابعدي عني يالبزر
قالت نجد بضحكة قهر : ها اشوفتس زعلتي عشان جبت طاري ابوتس بس ان شاءالله تجربين شعوي واخيس من شعوري بعد الله لا يوفقتس دنيا ولا آخره
صرخت ام قاسم بنجد وقالت : وجع لا تدعين على بنتي وخير ياطير بتموتين اذا كشخت والا انتي ميته قهر انها احلى منتس واجمل
قالت نجد بصوت عالي جدا : وعوه بالله اغار من وش لا جمال ولا اخلاق ولا تعامل ولاهم يحزنون وبعدين وش رايتس تسدين حلقتس يالشيبه...
كبتو انهار ونور ضحكهم من شافو وجه ام قاسم تقلب الوان
قالت ام سعود عشان تهدي الوضع : بس انتي وياه اسماء روحي عن وجهي
قالت اسماء وهي تدارك الوضع : والله احلى شيبه على الاقل عندي ام عندي سند الا انتي وش عندك لاسند ولا هم يحزنون
بعدت نجد ورفعت يدها بتهديد وهي ماسكه دمعتها : والله يا اسماء والله والي رفع سبع وانزل سبع ان شفتس قدامي والله ماحد يفكتس مني لو مدري مين سامعه؟
جت نجد بتطلع يوم قربت من الباب ويدخل عقاب لانه سمع صراخ من الداخل
انصدم عقاب من شاف اسماء لابسه فستان
تقدم عقاب وهو الشيطاني كلها فوق رسها صفق اسماء كف ومسكها مع فكها بقوه
شهقت اسماء بخوف وهي تسمع صراخ امها وخالتها بذهول من شافو عقاب يمد يده على أسماء......
قال بصراخ بوجه اسماء : انا وش قلت هاا اجل هاذا لبس تروحين لعزا بفستان؟! والله ان ماخليتتس تندمين ما اكون انا عقاب.....
طلع عقاب يلحق نجد برا شافها جالسه بالحوش على الأرض تبكي بصمت ماتبي احد يسمعها يكفيها الي جاها وزود
كان عقاب يراقبها من ورا لفت نجد من حست باحد وراها قامت ومسحت دموعها تعدت من جنب عقاب
مسك عقاب ذراعها وسحبها قدامه مباشره وجهها قدام صدره قال عقاب بهدو : بتضعفين بحضوري واجد!
قالت نجد بضعف : ابي اروح لاخواني تكفى!
عض شفته السفليه بقهر على حالها وقال : يالله مشينا ليلاً طويل
كان عقاب ناوي انه ياخذها مكان بعيد عن كل شي حتى الناس كان يبي يبعدها عنهم.....
بداخل عند الحريم
كانت اسماء تبكي وامها فوق راسها وتهديها وتدعي على نجد قالت ام قاسم : الله يفكنا منها يارب زي ما اخذت اهلها خذها وفكنا منها انا قلت لكم لا تاخذون نجد لعقاب بس ماتفهمون
قالت نوره : خير ياخاله وش ذا الكلام احترمي نفستس لاتدعين على نجد اوك قلنا انتس زعلانه بس على وش ياحظي تزعلين انتي وبنتس الغلطانين وفوق الشين وقوات عين بنتس ترا بنتس الغلطانه لانها متكشخه باخر يوم عزا ما اقول الا الحمدلله وشكر
قامت نوره هي وانهار ودخلو الغرفه ولا سمعت رد خالتها ابدا ....
اتجهو نجد وعقاب للمستشفى
بسياره قال عقاب : نجد بغيتي شي؟
هزت راسها ب لا وقالت : لا والله ما ابي شي بس ابي اروح لا اخواني!
قال عقاب بهدو : نجد اسماء وش قالت لتس؟!
قالت نجد وهي ماسكه نفسها ماتبي تبكي : انا اول مره بحياتي اشوف احد قاسي كذا ما تخاف من ربها جايه ومتكشخه ومكياج فل ورايحة عزا ولا فوف ذالك تضرب الله يكسر يدها كسرً ما ينجبر ام شوشه
عصب عقاب وقال بذهول : ضربتس؟!
هزت راسها ب اي وقالت : بس ما خليتها مسكتها مع شوشتها وجريتها تقل عنز
كان هاذا اخر نقاش ومن بعدها سكتو وكملو بطريق متجهين للمستشفى.......
~ بيت ابو أوس ~
نزلت غزلان مع الدرج وهي تدنن شافت امها وابوها وناصر جالسين باصاله
جلست بعدما باسة راس امها وابوها قالت لناصر : ورع قم صب لي قهوه
مارد ناصر لانه كان قاعد يلعب بالبلستيشن رمت غزلان القاروره على ناصر لف لها ونزل السماعه وقال : وجع يملا الدقه ليه تضربين
قالت غزلان بسخريه : المثل يقول لك من حبك دبك وش ابي بك قم صب لي قهوه
قال ناصر بذهول : خير ماعندك يد ورجول قومي صبي لنفسك والا كبرتي وشيبتي!.
قالت ام اوس : قولي والله اقول قومي صبي لنفسك وانتهينا ليه الإزعاج انتي واخوك وانت انثبر على التلفزيون
قامت غزلان وقالت : اخدم نفسي بنفسي ابرك لي
ضحك ابو أوس عليهم
~ المستشفى ~
وصلو عقاب ونجد مسك عقاب يد نجد وقال بهدو وهمس : خلي يدتس بيدي عشان ماتضيعين وابتلش بتس.
قالت نجد بنفس الهمس : ليه بزر وانا مدري
طنشها عقاب وكملو ماشين لين ماوصلو للقسم العناية المشدده استغربت نجد انهم راحو للقسم العناية بس ماتكلمت على بالها انهم رايحين لفارس.....
مشو وصلو الممرضه عشان تدخلهم على ياسر ومن بعدها فارس قالت الممرضه : اسمعو ترا مارح تطولون عشان ما تزعجون المرضى وراح تلبسون ملابس خاصه عشان ماتنقلون الجراثيم معكم للغرفه امشو معاي عشان تلبسون الملابس
قال عقاب : طيب
كانت نجد هاديه وماقالتولا شي
لبسو الملابس ودخلت نجد وراها عقاب
انصعقت نجد من شافت ياسر بالغرفه هاذي لانها اخر مره شافته كان بتنويم وش صار ماتدري
لفت نجد على عقاب وقالت : وش فيه اخويي؟!
قال عقاب بهدو : ماصار له شي بس عشان ماتصير مشاكل معه ويكون تحت المراقبه...
ارتاحت نجد انها ماصار له شي خافت انها تفقده مثل امها وابوها وخواتها....
تقدمت نجد باسة راس اخوها وقالت : يالله ترا طولتو علي تراني اشتقت لكم محد يعرف كيف انا مهلوكه من بعدكم يالله قومو اسندوني شدوني معكم يالله...
طلعت نجد ماتقدر تشوف اخوها كذا ماتتحمل منظر اخوها كذا طلع عقاب وراها من عرف انها تذكرت منظر اهلها يوم الحادث وبالفعل لقا نجد جالسه تبكي بمت كان قاعد يشوف رجفت جسمها من كثر ماهي تبكي بصمت كانت كابته صوتها...
ضمها عقاب لصدره كانت تبكي بقوه ماكانت تقدر تتكلم بكاها هو الشي الوحيد اللي يوصل لها كسرها ومن توفو اهلها كانت بانيه انها ضعيفه وغبيه وهالشي قاعده تقلل من نفسها....
كان عقاب وده يبكي العالم كله ولا يسمعها تبكي من اخذها وهو لاهو العصبي الي يعرف نفسه ولاهو قاسي زي ماكان بس زادت ليونته وحنيته.....
بعدت نجد وقالت وهي تمسح دموعها بكف العبايه : وين فارس ابي اروح اشوفه
قال عقاب : ابشري تعالي معي
مشت جنب عقاب
ادخلو على فارس بعدما بالموت اقنعو الدكتور يدخلهم قال لهم الدكتور انعم مارح يطولون عند فارس
دخلت نجد وجنبها عقاب تحس عيونها انعمت بعد ما شافت حال اخوها الكبير شدت على يد عقاب بقوه
حس عقاب بكسرها وكسره من شاف حال اخوه صدق ان بينهم فرق بالعمر لكن العمر مجرد رقم.....
كانو لافين على راس فارس شاش ومجبرين يده ورافعين رجله عشانها مكسوره وكاشفين صدره عشان الاجهزه الي عليه كان منظر محزن جدا لانجد كل ما شافت اخوانها تذكرت منظرهم بالحادث وكيف كانت السياره معدومه وكيف كانو يطلعونهم من السياره......
تقدمت نجد وباست راس فارس وباست يده وجبينه كانت تبكي قالت بنبرة بكي : لا يافارس لا تطول الغيبه علينا تراني بدونك ولا شي انا ماقدر اصبر بدونكم شف كل اهلي راحو الا انت وياسر لاتخلوني لحالي انتم اخواني عادي راضيه انك تصحى ونقعد نتهاوش بس تكفى قم قم الله يخليك لي قم يالله تكفى خله يقوم
لفت لعقاب وقالت : والله مقدر بدونه ياعقاب قلبي يوجعني عليه والله
زفر عقاب بحزن على حال نجد وعلى حاله ماكان يقدر يبكي او يقول شي لانها مكسوره من الداخل ومايدري وش يقول دخلت عليهم الممرضه تبلغهم يطلعون لان الوقت انتها.....
طلعو من الغرفه كانت نجد تحاول تكتم شهقاتها بس ماتقدر كانت رجفة جسمها اقوى منها
كان عقاب ملاحظ رجفة جسمها وكبتها لبكها..
ركبو السياره قال عقاب وهو يربط حزامه : بنروح مكان بس قبل مانروح بنمر البيت خوذي الي تبينه بعدين نمشي على الوانيت
استغربت نجد وقالت بصوت به بحه : وين بنروح!
قال عقاب بهدو : مكان نحبه جميع!
قالت نجد بنفس الهدو وهي مالها خلق تتكلم او تقول شي حيلها مهدود وعقاب كان يكلم ذياب يتطمن عن كل شي...
(صح نسيت اقول لكم ان مشاعل حامل وبشهورها الاخيره)
~بيت قاسم~
قال قاسم بخوف : تكفين يامشاعل خلينا نروح للمستشفى والله اني خايف عليتس يصير لتس شي
قالت مشاعل بهدو لان بنتها كانت تتحرك كثير : لاتخاف بس بنتك تعبتني واجد تتحرك الله يجيبها بالسلامه يارب
ابتسم قاسم بهدو وقال : امين
ضحك نادر وقال وهو يصفق بيدينه : ادعس بتجيني اخت جديده..
قالت مشاعل بذهول : ماشاءالله بالله هاذا كلام ولد عمره ست سنين
ضحك قاسم وقال : ها تبينا نلعب مع بعض
قال نادر بحماس : اي تكفى العب معي
قام يلعب هو وولده مع بعض كانت مشاعل طالعهم وتدعي ان الله مايغير عليها الا للأفضل....
~ عند نجد وعقاب ~
قال عقاب وهو ينزل من السياره : اسمعيني انا بروح اجيب اغراض عشان نروح سوا وبعدين اجي اخذتس لا تفتحين الباب لا احد طيب؟
قالت نجد : تمام بس لا تطول
ابتسم عقاب وقال : ليه تخافين؟
طالعت نجد به بأستفزاز وقالت : بموت خوف مو بس اخاف اقول روح عني
طلع عقاب وراح يجيب اغراض عشان يطلعون مع بعض
دخلت نجد البيت وقفلت الباب وراها
اتجهت لغرفتها فصخت عبايتها وبدلت ملابسها وسوت شعرها وتعطرت جلست تدور لها شوز سبورت..
طلعت لها شوز ولبسته ولبست عبايتها
طلعت لعقاب من سمعت البوري من برا ركبت الوانيت قال عقاب : زين ماطولتي
قالت نجد : ليه أطول المهم وين رايحين
قال عقاب : بنكشت انا وانتي وباعلمتس على شي ودتس تتعلمينه
تحمست نجد وقالت : تكفى وش قلي؟
ضحك عقاب وقال : لا مو الحين اصبري شوي
ضربت يده الي على القير وقالت : اف سامج مره
ابتسم عقاب من ضو البدر كامل وخط ليل طويل اخذ يد نجد وحطها على القير وحط يده عليها لف على نجد وشافها رابطه نقابها
وقف شعر راس نجد من حست عقاب ينزع نقابها عن وجهها قال عقاب بهدو : مابه احد بطريق ليه كاتمه نفستس!
سكتت نجد ماكان منها اي رد من كثر ماهي منحرجه من يد عقاب الي على يدها...
ابتسم عقاب من عرف بخجلها شهقت نجد من مد عقاب يده ورا خصرها يقربها له قالت نجد وهي تحاول تبعد يده : خلا
قال عقاب : خلاص!
قالت نجد : بعد عني خلاص انا بجلس جنبك بس شيل بدك عني .
زفر عقاب بغضب وقال بينه وبين نفسه : بزر بزر ياعقاب
قالت نجد : طيب الحين المكان ليه بعيد؟
قال عقاب عشان يخوفها : بذبحتس ومحد يدري عنتس وافتك منتس
قمطت العافية وقالت : احسن اذبحني وفكني من الدنيا كلها قال عقاب بمجاكر : لا انا ما اقدر بدونتس
سكت نجد عشان ماتجيب العيد لانها تعرف نفسها اذا جت بتجاكر لازم تجيب العيد والا ماتقدر.....
وصلو للبر ونزلو اغراضهم فرشو الفرشه وشبو النار قالت نجد بتردد : عادي افصخ عبايتي؟
هزت عقاب راسه ب اي وهو جالس يشب النار عشان يسوي شاهي ومنها يبس يشوي لهم لحم
فصخت عبايته ابتسمت من شافت عقاب جالس يشب النار كانت نجد تحب شبات النار والجلسات الي كذا
َجت جنب عقاب وقالت : الله يالجو يجننن
ابتسم عقاب بهدو لانه كان يبي يغير جوها عشان ماتحزن او شي كذا
قام عقاب من شب النار وقال : الحين نشوي ونسوي شاهي ونتعشا بعدين اعلمتس على حاجه
قالت نجد :والله ماني مشتهية شي
قال عقاب : لا مو على كيفتس بتاكلين غصباً عنتس
سكتت نجد وهي عارفه لاو انها ماتدري وش تقول مارح يقتنع جلسو صب عقاب شاهي واعطا نجد كاسه وصب له كاسه وقعدو يشربونه
كان الهدوء سيد الموقف كان كلن منهم جالس يهوجس....
قام عقاب وقال : قومي خلينا نشوي
قامت نجد معاه وقالت : يالله قدام
قاوم وقعدو يشون
قطع عقاب لحمه من الشوايه وعطاها نجد كانت حاره مطلعها من النار وفرش قال عقاب : امسكي ذوقيها
جت نجد بتمسكها اخذتها من يد عقاب كانت حاره على طول طشتها على الارض وقالت : احيه حاره
ضحك عقاب وقال : اكيد انها حاره مطلعها من النار وش تبينها يعني
ماتدري ليه تجمعت دموعها لف عقاب وجهه لها وشاف لمعة عيونها قال بذهول : تبكين انتي!
هزت راسها ب لا وقالت : ما ابكي انا
قال عقاب بأستغراب : اجل!
قالت نجد : مافي شي يالله شوف اللحم لا يحترق وناكلها الحين ابتسم عقاب وشال اللحم من الشوايه وحطه بصحن
قال عقاب : يالله سمي بالله
سمو بالله وبدو ياكلون.
انتهو من الاكل وشالو الحوسه وجددو الشاهي وجلسو
قالت نجد : يالله الحين قل لي وش الي تعلمني عليه
قام عقاب وقال : تعالي معي
قالت نجد بأستغراب :طيب
فك باب الراكب وطلع من الدرج الي قدامه سلاح
شهقت نجد على بالها انها بيذبحها قالت نجد بدموع : لا لا تكفى لاتذبحني
لف عقاب لنجد بذهول وقال : وش الي لا وش قلت انا الحين بسم الله
قالت نجد بخوف : الحين انت تذبحني صح؟!
ضحك عقاب ضحكه رنانه عرف ان نجد خافت من السلاح الي بيده
قالت نجد بأستغراب : الحين وش الي يضحك؟!
قال عقاب بضحك : الحين انا ابي اعلمتس على الرمايه وتقولين بذبحتس والله لو انا مدري وش
ابتسمت نجد : وش يدريني عنك
قال عقاب : تعالي معي سريع
قالت نجد بخوف : تكفى والله اني خايفه بس فكني من السلاح صح ان نفسي اتعلم عليه بس والله اني خوافه
قال عقاب بهدو وهو قاعد يركب الرصاص : تعالي قدامي يالله بسرعه
تقدمت نجد بخوف مسك عقاب ذراعها وحطها قدامه
ارحبووو ادري اني تأخرت مره عليكم لكن عندنا مره ظغط بالمدرسه المهم ماعلينا من ذا كله اعطوني رايكم بالبارت ❤️
لاتنسون النجمة يانجماتي 💗🌼