᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
-اغصان يتيمة-
الكاتبة وَرْد حيدر
قبل كلشي لتنسون التصويت + التعليق بين الفقرات + متابعة الحساب
᪥᪥᪥᪥᪥ ࿇ ᪥᪥᪥᪥᪥ ࿇ ᪥᪥᪥᪥᪥
الغصن :- ١٨
رجفت شفايفي عيوني فاتحتهن على وسعهن احاول استوعب كلامها بلعت ريگي دموعي لامست جفني عصرت قميصي عيوني تجاها تباوعلي بخبث تزين وجهه ابتسامة مشاكسة ملامحها تحمل الضغينة تحجي بصوت مسموع وتكرر
::- بَس ياقوتة انتِ مو جنتي تشتغلين بگوفي؟!
عيوني عليها مجنت بحال يگدر يرد ولا مستعدة اجاوب ؏ السؤالات الراح تنسئل شرگت بانفاسي نداريت ، عيون عمتي صارت بوجهي نضرتلها متأسفة دنگت وطلعت روحي ممرودة حالي متبعثر تعبت اللهي تعبت
مشيت احمل كم هائل مـَـِن التعب الحزن الأرق بداخلي گلبي يدك أيدي اليمنى علية اتنفس بلدقيقة الف خطواتي تتعثر اشوف الشارع مليان زلم غمضت حيل ودفرت الباب اريدة ينفتح
بقيت واكفة وعلى هلحال ادفر بلباب ودموعي تنزل
حسيت صوت خطوات صار خلفي نداريت شفتة بارود راد يحجي قاطعتة مفرفح وأردف بنبرة سريعة والوح بيدي تجاه الباب
::- افتحح.. اافتتححلي المهجوومم افتحهه
عقد حواجبة متسائل وتگنبص گدامي
::- شكو صاير شي؟
تكتفت عاصره أدية عيوني نحلانة ذبلانه تعبانه
::- اسئل اخوك هوه ايفهمك أني ماعندي شي احجي
رمش بعيونه مرتين هز راسة متسائل وهوة ينضرلي
::- منو تقصدين جاسر؟ شمسوي يمي جان
أردفت بصوت مخنوك وعيوني مليانة دموع
::- بارود افتحلي الباب راح اوكع مـَـِن طولي
فرك وجهه وتقرب رفع رجله حطها ؏ حافت الباب راد يرفع نفسة ماكدر تذكرت ضهرة يأذي شفتة قبض أصابعة وأشرلي بحركة الصبر تمشة گدامي دقايق ورجع عبرلي طفل فتحلي الباب بدون لاحجي شي حتة ماشكرتة طبگت الباب وصرت وراة مفجورة أبجي
عاصرة جنطتي اعض بلسير مالها وهز براسي وردد
نذللل ماجان لازم اررووححح لاا ماجاان انفضححت! درت راسي بهسترية وووعمتي ويينها ليش لهسة ما أجت ذبيت الجنطة گبالي رافعة ايدي امسح دموعي بباطنها نداريت فتحت الباب شفتها أجت وملامحها متتفسر صفنت بوجهي وعضت على شفتها السفلية بأسف وتعدتني تدخل جوة
طبگت الباب وعيوني عليها دخلت شفتها تغطي بآصف وهوة يحجي وياها وميل راسة مغنت
::- ليش مايحبون لولو
عدلت غطوتة تدفي بية وتردد بحس فاتر متعوب
::- نام ماكو شي
نزل عيونة متكتف ومقوس شفايفة ويهز براسة
::- ماريد اروحلهم بَعد
سكت ثواني ورد مختنگ بحس مقهور
::- ماحبهم ليش بچو لولو
شفت عيون عمتي بعيني تباوعلي وتخنزر بيه مسحت وجهي وأجيت بصف آصف حطيت رأسي بصفة عيوني بعينة حاضنتة مدمعة وهمس
::- مابيه شي آصوفي مديت ايدي اگرص بخدودة ممازحة وابوس براسة
شفت عمتي ترضع بلطفلة نومتها تباوعلي وتهز براسها بأسف دنگت شفت آصف نام سحبت نفسي ؏ كيف وكمت للغرفة الثانية افرك بيدي شفتها أجت
حجت وعيونها كلها دموع
::- مشتغلة بكوفي ! ، رفعت أصبعها السبابة تلوح بية بتهديد جاحضة عيونها بوجهي ، تكعدين تحجيلي كككللششيي
عتت متني سحبتني طلعت رأسها تباوع محد كعد ، تربعت عاتة أيدي گعدت گبالها ارجف عيني خافضتها نترت بية بديت احجيلها برتباك
::- نو.. نورسس..
عصرت چف ايدي عينها بعيني
::- شبيها نورس
::- كله بسببها هيه الجابتلي هلطرگاعة وحطتها براسي كلتلها بنت خالتج شصخم شتشغل گالت مادري جان المفروض افتهم جان المفرض الگطها طلعت السالفة هدد وبنت خالتها مادري حتة يمكن ماتقربها سالفة كلها ورطني بيها إني مالي شغل عفت الشغل وتركتة وبنفس الييوم
ردت وحسيتها يطلع من وجهه دخان متعصبه
::- باچر رايحة احاجي اهلها
غثيان براسي عميق حسيتة ضرب ؏ عيوني وغورگن يردن يطلعن حجيت بحس هزيل
::- مابيه أحجي شي بَعد أريد بـَس أنام.. بـَس ارتاح
بقت مركزة عيونها عليه عفتها وكمت تمددت جريت الغطة رفعتة دخلتة جوه رأسي
صار صوت تبينلي طفت الضوة ، بعده يتردد براسي موقف رجاء تذكرت مـَـِن كالتلي جنت أحجيّ ويه دهار وردت نطقت بـَس.. مبين هوة حجالها فضحني شوة سمعتي بدون ميفهم أي شي
تذكرت شلون مخلة اخواتة يختلطن بية مـَـِن عزمونة الافكار ضلت تتراطم بداخلي عضيت حافت البطانية اكتم شهكاتي الصارت تتعالى بطريقة همجية
وره صراع ونكث داخلي نعدمت عندي الرؤية
أيد جانت تحرك بية فتحت بخمول هَاي عمتي لابسة عبايتها رمشت اربع مرات واني افرك عيوني
::- وين رايحه
سحبت چف ايدي تريد تگومني
::- كومي وياي البيت نورس بسرعة قبل لايفز آصف ماريدة يسمع شي البارحة نمرد يله نام
بقيت متمددة بمكاني متبندة ابحلج بيها بهدوء قامت
نترت بية صاگة ؏ سنونها
::- أني شحجي
::- نورس محجت شي عوفيها اهلها راح يحوسونها واخوها عدها مينحمل مأذيها
بلعت ريگها اصابع ايدها ترجف كتفت ايدها مگنبصة بمكانها بثبات أردفت بحس ناصي عينها ؏ آصف
::- إذا مو نورس حاجية جا شلون عرفت رجاء فهميني
غمضت حيل عاصرة عيوني غطيت رأسي ساكتة وعمتي فوك راسي تعت بلبطانية شوية وستسلمت عافتني وخرت البطانية باوعت تنزع بلعباية رادت تندار رفعت البطانية غطيت وجهي
..
واكفة بلمطبخ اساعد أمي شفت رجاء اجت جلبنة بيها البارحة ازهر كوة طلعها منيدنة ماخلانة نفتهم
روزة :- تعاي شنو احجي ترة الحد الان بعدنه مسطورين
رادت تحجي شافت ازهر دخل فاتح الثلاجة ومندار نص راسة يخنزر بيها سوت روحها تساعدنة شالت الصيني وسبقتنة للهول
تمنة :- وينج يمة روزة ندهيلي ليزة خل تنزل تتريك وراها دوام
هزيت راسي وصعدت
مديت ايدي بصفي بارود متمدد ماخذ الهول طول وعرض القميص مالة صاعد الراسة ندهتة صاح
::- تمن عمبر دخيل الله خل اكمل هلنومة الگشره
گرصت خشمة گش وگام يغسل شفت دلام اجة عبالي يتريك ويانة طلع عندة كعدة عشائرية اجة بارود مغسل متربع وجهه ميتفسر مـَـِن يكعد الصبح خشمة هلكبرة منفوخ وعيونة مطمسات
نزلت ليزة ليكول سكران يتطوطح تتبسم فاتحة حلكها نفسيتها مـَـِن تكعد الصبح عكسهم تكعد فرحانة
لتمينة كلنة عيوني ؏ الدرج بستغراب
تمنة :- دهار مافز بعدة؟ نداريت نص راسي كومي غصون شوفي شبي ماوراه دوام
أشرت بيدها مبتسمة
غصون :- ها اجة ياصباح الخيغ
أبتسملها وعمزلها بخشمة راح تمدد غاد بيدة التلفون
نداريت علية :- يمة دويهر لگمة شلون كباب عروك يخبل يلوك الهل حلك
هز راسة نافي عينة بلتلفون يكتب شوية ورجاء جان تگول
::- أي روزة گلتيلي ؏ سالف ياقوتة
كلها احتضنتها بلانضار عدا جاسر جان مشغول بلتلفون ولامبالي للموضوع بكبرة
تمنة :- أي فهمينة شني تشتغل بكوفي؟
تجمدت ايد جاسر عينة صارت علينة
گلبت عيونها ليفوك مبتسمة
رجاء :- أم كوفي طلعت بحجة الدوام تروح للكوفيات
خزرها ازهر هزتلة راسها تباوعلة وتحرك بجتفها
::- شنو مجذبة؟ روح خنزرلها الها بلگت تخاف منك مو بت عمك هيه؟ أي روح شوف وين گاضية النهار
شفت جاسر كعد على حيلة عينة بعينها منتضر نهايت الحديث
حجة بارود كوة مصحصح
::- دقيقة أنتِ اصلاً شلون عرفتي
::- نورس حجتلي شفتهن بلباب صوتهن عالي سئلتها ماحجت عاد جلبت بنورس وحجتلي
::- مـَـِن نورس؟ لبارحة شفتها تدفر بلباب وتبجي العالم كلها ضلت تدحج بيها سئلتها شبيج تگلي اسئل اخوك هوة يفهمك
تمنة:- هيه هَاي بنت عمك الفالحة كلشي الصار ذبتة بياخت اخوك
عقدت حواجبي نافي
::- دهار اكو شي؟
بادلتة بنضرة هاز راسي ملوح بيدي
::- مثليش؟
::- هيه تكول مـَـِن ورة اخوك
::- شعلي إني !
حجيت بنتر
تمنة :- سدو الموضوع يله تريگووو مالنة دخل
انداريت براسي
وإنتَ كوم سويلك شي تاكلة
وگفت مرجع التلفون الجيبي
جاسر :- ماريد طالع
تعدانة طالع صارت عيني بعين بارود
::- شتريد مـَـِنه بنت عمك بلتة بلوة
رفع أجتافة وعفس حلكة بطريقة ممهتمة شوية وگال وهوة حاط عينة بعين رجاء
::- وإنتِ ماسامعة مـَـِن ستر مسلم سترة اللّٰه بلدنية والآخره؟
رفعت حواجبها تباوعلة بطريقة استهزاء
::- هَاي فوك متشكروني كاعدين تفتون براسي
رمقتها ليزة بطرف عينها وحجت بحس ناتر تلوح بيدها ناترة بحركات بعثرية
::- نشكرج عليمن إنتِ شخليتي للبنية ؟ خليتيها هلگدوتها تصير ! زين وطلعت مابقت ، فايقة وراها گلبت الدنية اشكال الحجي حجت هَاي لو لازمتها وطايحة بيدها شسوي ؟ ذكرت حَته الموضوع القديم وتهمتها بحدة تصرفج غلط رجاء واكبر غلط جنتي تگدرين تگليلها بصوت ناصي حَتـه إذا غلطت ننصحها مو تسويها فرچة الأمة محمد !
أحتقن وجه ازهر وكف ينتر بيهه "صعدي فوك" وهَيه هم ماصدكت ذبت كلشي منيدها وصعدت لأن شافت الكل ضدها ممأيدها نهائياً
..
ليال:
بقيت عاصره المفتاح بيدي أيدي ترجف مديتة بلجرارة نفتحت صارت گدامي الاشرطة مال التسجيل والاوراق وكم صور هائل اتفاجأت مراواني هلگد هذيج المرة حسيت صارت طگطگة اخذت التسجيلات الصوتية طگيتها قفلة وطلعت بحركة سريعة حطيتهن بلجنطة والمفتاح بيناتهن
شفتة طلع لابس بجامة وقميص سابح نزلت عيوني للجنطة سديت السحاب وبقيت ساكتة مطايقة اباوع بخلقتة شفتة تمدد ايدة ؏ مثانتة عينة ؏ الساعة
عراد : زعرورة راح انام شوية وكعديني اوصلج ..
غمضت وفتحت بمعنى اي اخذت نفس زفرتة حيييل صارت عينة بعيني غمز
::- شبيك اصبيح
گلبت عيوني عنه واني احط ايدي ؏ خدي
::- مالي خلكك مو ردت تنطمر؟
راد يحجي ندك الباب فتحت عيوني اباوعلة گام صاح منو
ذنب : أني حيوانن افتتح
وگفت ازلغ بخدودي اجة علية جر أيدي لغرفتة أشرلي
::- ذبي زروك سريع چوة الچرباية ؏ ماشوف شلون اطفرة
ضربتة بلكوع مال ايدي ؏ متنة ضحك وطلع بسرعة دنگت دخلت وتذكرت الجنطة ضلت ؏ الگرويتة سمعت صوت واحد دخل ويصيح
ذنب: لك صاحبنة هذا اليوم عابس جايبلة كباب
::- صار زنتري مال كباب گله
كعد باريحية ؏ القنفة
::- هههههههه وعلي سوالف عليه
طلعت جگارة حطيتها بين شفايفي جريت نفس زفرتة تناثر الدخان ببعثرية
::- ذنب تعبان أني حييل
::- شبيك؟
عدلت گعدتي متمدد رأسي ؏ القنفة ادخن
::- الحصوة دمرتني
::- ناخذك للگصاب
::- ههههههه لا كبد
::- خاف بيك بواسير
::- هههههاي طاح حضك حصوة ادري شلقضية وين اكو حصوة تصير بلدشبول
::- هههههههه باوعت للبيت رافع تك حاجب ومنضف عمي طااك خل اشوف الثلاجة شبيها مابيها
گام يريد يشوفة صاح طااح حضضك تصوصي
رفعت رجلي خليتها فوك القنفة ورجل منزلها
::- كبد اترسها إنتَ
راد يحجي ضيگ عيونة وعگد حاجبة نداريت اباوعلة ضحك حيل وصاحح وهوة يغمزلي وبيدة لازم الجنطة
::- هَاي مالمن ها هاا ههههااي ويكول ماداني الحرام
ليال: ضربت گصتي حيل صامة حلگي عيوني يردن يطلعن
ذبيت الجكارة گمت دستها برجلي متقدم ناحيتة خازرة
::- ذنب لا اذنب بيك ناوشني منيدك
رجعها وره ضهرة يركص بحواجبة يضحك
::- مالمن هَاي
قدمت ايدي
::- مال عابس ناوشني
يتقدم علية واني ارجع ليورة دخلتها بلقميص بضهري وصحت
::- عابس يلبس جنط نسائية
جريتة من خوانيگة مديت ايدي اجر بلقميص وهوة يتلاوة وياية ذب الجنطة وطاح فوكها مجلب بيها نمت فوگه
::- جيب وحرررش
خليتها بين رجلي وكبست عليها سيقاني كفختة
::- وعلي مانطيها وخررررر.. خرررب ررااااسسسيي ابن الزماال
لزمت اذاناتة عات راسة
::- ناوشني اگلك
رفستة بين رجلية تبنج بلگاع يتگلب ويفشر هيج منك وهيج مـَـِن الجابك ، لزمت الجنطة جريت السحاب
::- لحليوة بلگي ناسية التلفون نشوف وجهه
حطيت ايدي علگاع محاولة نهوض
::- كايم ارخيلك جتافك سربلوتي
شافني گمت جر السحاب مد ايدة ببعثرة سحب شي عشوائي بسحبت أيدة تطشرت التسجيلات الصوتية والمفتاح صوتة رن بذاني
ندار عليها سوة حركة بحلكة ورفع اجتافة
::- مصاحبلك خماطة؟ ذن مو مالاتك
لزمتة مـَـِن متنة رافع ايدة ليفوك جريت الجنطة ذبيتها ؏ صفحة طلعتة برة وطبگت الباب اخذت خطواتي للغرفة تگنبصت بصف الباب منحني بيميني متكتف
::- ويينج ستت
طلعت راسي اباوعلة مبوز حلكة ليگدام شلون ليريد يبوس ويهز براسة أشر بيدة خلفة
::- شسوين بيهن شو احجيلي
وگفت اباوعلة گلبت عيوني عنة عاط سويت روحي ممهتمة شفتة تقرب صار گدامي جر حنچي رگزت بعينة وگلت كلمة كلمة
::- ايدك.. وخرها.. مـَـِن.. وجهي
ضغط بيدة اگثر حسيت حنچي راد يطك حجة گاز ؏ سنونة يحجي والشرار احسة يطلع مـَـِن عينة
::- لتلعبين بلنار
باوعت بعينة وبقيت مركزة بكل شموخ وگلت
::- لازم تتعاقب إنتَ مجرم كاتل ومغتصب اختك وحارگها
بهت وجهه عينة الجانت قوية ولشرار يطلع منهه دمعت ذب نفس يصيح : متعاااقبببب إني متعاقببب
شفتة هدني وراح النفس الجرارة يطشر بيها طلع علاگة حبوب فارغ طشرة بلگاع تقرب يأشرلي
- تشوفيين هلتتبن كلة بطني
أردفت بصوت ناصي عيوني مذهولة عين علية وعين ؏ كمية الحبوب الشاربة حجيت ولخوف متملگني
- عراد شنو هذا؟
جر متني عيونة ذبلن وجهه صار نار حجة وعينة بعيني قريب مـَـِن وجهي
::- هذا ألي مصبرني أعيش بهلزلك
بلعت ريگي شفايفي ترجف رجلي نملت دفعتة مهضومة
::- تتعاطة !
غمض حيل وعافني بقيت أرجف شفتة اجة بيدة لسويج تگنبص جارني يردد
::- أمشي
مصتگة يسحبني رجلي تنسحل بلگاع باوعلي
::- ليال نهضي
باوعتلة والصدمة جانت اكبر شاف كل علامات الخيبة والبوئس مرسومة ؏ وجهي
تقرب كعد ركبة ونص تقرب جر أيدي ضام وجهه بين چفوف أدية
::- لياالل تتعببتتتت
حجيت بنبرة حاده هادئه اسحب بأيدي وهوة مجلب ضام وجهه بينهن
::- عراد وخر
حسيت ؏ شهگتة وحرارة صارت بچف أيدي
بلعت العبرة التجمعت ابلعومي حجيت بحس مستغرب
::- تبچي؟
ندستة برجلي عراد باوعلي ، چاي تبچي؟
شهك حييل لازم أيدي يبچي داخلهن شكد اكرها بـَس حيل نمرد گلبي عليه حجيت بصوت خافت
- منـو وياك
جر شهگة ::- هوه
::- ابوك؟
هز راسة حاولت استغل الموقف واستدرجة حَته يحجيلي
::- شبي
حط راسة ؏ فخذي رفعت أيدي الجانت ترجف حطيتها فوك راسة لزمها حضنها
::- دمرني..
::- شسوه
لاحضت دمعتة نزلت مـَـِن عينة لافت ؏ خشمة مغمض
::- أني مقيد ليال ممقيد
مديت أيدي الثانية لزمت أيدة : احجيلي عراد
::- أتمنى
::- ليش تتمنى أحجي اسمعك
عصر چف أيدي وهمس
::- خليج بعيدة عَـن النار متستاهلين تحتركين بنار مالج ذنب بيها
حطيت راسي فوك راسة غمض عاصر أيدي همست بأذنة : بـَس راح أشتگي عليك
أبتسم يباوع لعيوني كملت أهمس بجوف أذنة : لازم تتعاقب إنتَ ملازم تعيش بيناتنة
جريت عيوني للحبوب المطشر ورجعت باوعت بعينة المركزها بعيني : يامتعاطي
ضحك ينطيني اسماء گبسلة مافتهمت شي بـَس لطشت ؏ ابو الحبوب اسهلي ماكدرت احفض الاسماء
شفتة حس ؏ نفسة كام عني راح غسل ورجع صار گدامي يلم بأشرطة الحبوب الفارغة التارسة الغرفة
باوعتلة وأردفت بصوت ناصي وإني مگرفصة بثبات
::- عراد
::- قلبة
::- قلبالة تقلبلك وتقلبل قلبك گول ها
أبتسم وهوة يگول : هاا
::- وعلاااه
باوعلي ورجع ندار للجرارة يرجع بلعلاگة مال الاشرطة رجع راح للغرفة أجة بيدة التسجيلات الصوتية رفع أيده ذبلي جنطتي فارغة بيها بـَس التلفون
حطهن بلجرارة وطكهن قفل ندار يباوعلي سند ضهرة ؏ الجرارة وضيگ عيونة
::- انگول اخذتيهن وصارن عندج..
قوست حلگي وزفرت : جان ملگيت نفسك متمدد هنا
هز راسة وتقرب صار گدامي گعد رگبة وكسر وحجه بصوت مرتجل صارم
::- زعرورة لأخر مره أحذرج هَلقضية موت احمر ابتعدي عنها
رفعت حواجبي للاعلى بتعيوب : تحجي هيجِ حَته تخوفني واعوفك بحالك؟
ابتسم تك خد ببتسامة باردة
::- أگدر اخوفج بغير طرق بـَس إني ادور مصلحتج
دفعتة : دور مصلحتك إنتَ أحسن
بقه ساگت متألم مثانتة ماردتة گام راح للحمام ورجع راد يتمدد شاف الساعة رفع ايدة أشرلي
::- يله
لبست جنطتي وسبقتة بخطواتي فتح الباب طلعت ندار يقفل بلشقة خطواتنا تجاه السيارة داس البصمة فتحت الباب صعدت بلصدر مو علمودة لا بـَس حته ابحوش بهاي التصير ليگدام
وكف السياره گدام اسواق نزل دقايق ورجع بيدة علاگة بفضول لزمتها باردة فتحتها قواطي غريبة رفعتها مرسوم عليها شعير
::- هَاي البيرة تسكر لو لا؟
رفع حواجبة وسوه صوت بحلكة معناه لاء
::- چؤؤ كبد هَاي متسكر اسلامية
مديت أيدي طگيتلة قوطية قدمتها بيدي أريده يلزمها تفاجأت مـَـِن قرب حلگه يريدني اشربة
رفعتها زايد طشت ؏ قميصة ضحگت رفع أيده ينشف بشواربة تنقطن مـَـِن البيرة عين يباوع ؏ الآمراية يمسح وعين عالطريق
::- كفوشة مال هسه اهرشج بطل ويسكي اخليج شهر ماتدرين الله وين حاطج
ميلت جسمي تجاها مديت رجلي دفرتة واحجي واحرك بيدي
::- مللهة شعدددنا يييمه ابو الحبوب عراد كبسلة
ضل يضحك على كلامي اجتافة تهتز بطريقة ملفتة ؏ ضحكتة صرت اضحك
وصلني ؏ بعد مسافة مـَـِن بيتنة نزلت وقبل لانزل صاح
::- كفوشة بليل خابريني
::- طير حَتـه اخوي يهلسني ويهلس ابوك
ضحكت ومشيت مكملة طريقي دگيت الباب شفتة بعده دخلت صارت بوجهي مهيرة حاطة تنور وتخبز وبثينة تفتح القبق طبگت الباب وگفيت ارداني
::- ها لمعدلااات اساعددجن لاااعع
صاحت بيه مهيرة : أي وينج تعاي طلعي الخبز
بهت وجهي اباوعلها مخنزرة
::- تردين يداااي الرقييقتااان الجميلتاان اموعهن
ضحگت بثينة تهز بيدها : عاد هيه شلون ايد تبجيلها بـَس ؏ دهن مشك
صرت بصفها متخوصرة وصيح
::- هايَ عليممننن
ومهيرة تريد تعدلها تگلها ايدها جنها خديدات بريعصي بيها دوائر خلني اتخبل ردت ادفر التنور بـَس گلت إذا ادفرة وطلع الشقاوة لبداخلي اشبع نعل فَـہ اصعد ابرگلي توني دخلت شفت عفراء ليكول مطي مسحونة روحة حاطة الملقط بخشمها تسلت شعر
صعدت لليل خابر باوعت للتلفون متبقنة هذا هوة بـَس شفتة مهند عدلت گعدتي فتحت خط اجاني صوتة
::- ها ليال ابشرج خنجر طلع بـَس حالتة حالة منومينة مستشفى
حجيت متنهدة بقهر
::- خطية ! إنتَ وينك يمه غير بلمستشفى ؟
::- أي
::- أي عفيه لتعوفة ضل وياه خطية
::- صار
::- اختة شلون صارت خوما اخذتوها وهوة بهل حالة للمستشفى ؟
::- لا يمعودة بلبيت بـَس طمناها عرفت بيه طلع
باوعت للتلفون عراد يتصل تجاهلت اتصالة وگلت
::- الف الحمد لله
::- صدك ليال شخبار ياقوتة؟
::- مجاي نتخابر صالنة كم يوم مشتاقتلها الگة مگالمات منها اتصل متشيلة تطلع مشغولة وإني نفس الحال ومشتولين ؏ هلحالة هسه راح اخابرها بلگي موجودة
::- تمام سلميلي عليها بدربج
::- يوصل
نزلت التلفون غلقت الخط وبوجهي دخلت ؏ الماسنجر اتصل بياقوتة مترد ذبيت نفس روحي اختنگت شمرتة بصفي عيوني ؏ السكف أفكر بعراد يوم عَـن يوم كاعد انصدم بيه بكل مره احاول اتقرب مـَـِن ماضية يصدمني بشي يخليني اتجمد بمكاني رفعت ايدي مركزة عيوني بباطنهن عصرتهن خليتهن جوة راسي احاول انام
صار صوت الباب ينوص مدري شمالة بليل هيجِ يطلع صوت ليكول طاگة بلاعيمة باوعت تجاها هَاي مهيرة عدلت گعدتي مسويتلها مكان شفتها أجت بصفي بحلكها گلام
باوعتلها بعيون واهنة
::- مهيرة بيج شي؟ خوما هذا الخيخه مازن عايل بيج
صفنت بوجهي دنگت دموع بعينها تزلغ بضافرها
::- مختنگة..
بدون متحجي شي خلت راسها ؏ صدري مديت ايدي ارفع برجلي غطيتها لفيت ايدي حول راسها
قطع الهدوء حسها حاضنتني وتحجي بفتور خافت
::- مشتاقة الأمي ليلي
العبرة تجمعت ببلعومي گمت ابلع بريگي مغمضة فتحت اباوعلها تبجي
::- ليال أريد اموت واروحلها..
عصرتها بحضني حيل حجيت بحس ناتر يجمع القهر المكموت داخلي
::- شبيييج كافي والله امووتج هسه لاعبالج ابقه حاضنتج ووموتج اخليهم يكتبون عليج الميت المحضون وشسوين سوي
شفتها أبتسمت مديت أيدي ابحوش انتبهتلي
::- شدورين؟
غمزتلها
::- تلفونج
هزت راسها مرجعة راسها لحضني
::- يم بثينة بلغرفة
گمت باوعتلي جمعت اصابعي وسويتلها حركة بيدي تعني اصبري طفرت ؏ كيف امشي ؏ اطراف اصابعي خمطتة ورجعت متمددة بصفها وهية تباوعلي بحيرة
دخلت ؏ المراسلات مالتها هية ومازن نزلت التلفون بيدها عيونها تلالي بيهن الدموع
::- لتقرين لخاطري
سويتلها صوت بحلگي يعني لاء ودخلت اقرة
مازن: ضعفي نفسج جسمج نشاز
مهيرة: جسمي إني الاحكم علية
»- شي مايخصني باچر اتزوجج وتخلفين شكبرج تصيرين گطعي الاكل معاجبني جسمج
»- اضعف نفسي علمودك؟
»- كلامي واضح ميحتاج اسئلة زايدة شي ثاني بلخطوبة جنت منحرج منج
»- ؏ شنو منحرج هوه غير وزني
»- تهمني نضرة الناس وبخطوبتنة حجو عليج وعلى وزنج فَـہ نزلي وزن
»- شعلي بلناس إني
»- إنتِ شعليج إني يهمني فوك متتصورين
»- شخصيتك بعد هَاي
»- شخصيتي وقراري وكلامي وخليني ازيدج بفَد معلومة تنفعج وتفيدج كلامي ماحب اتجادل بيه شگلج كولي أي لأن بلحالتين إنتِ مضطره تسوينه فَـہ لترفضين لأن راح تعبين بلحجي
»- مازن تعالج إنتَ مريض الزواج مشاركة مو تحكم ولا سيطره
»- أتعالج؟
»- أي تتعالج حجيك مـو طبيعي
»- شوفي إني شكد اتعب ودور مصلحتج والحجي الناس الحجتة عليج استحيتلج ماريد احجي الج وكلج كالو عليج هايشة وغيره وغيره مـَـِن الكلام طلعت مريض ولازم اتعالج لأن ادور مصلحتج تمام
كاتب تمام وبصفة لايك باوعت للنشط مطفي النت باوعت المهيرة وگلت
- لج مهرة هذا نرجسي مـَـِن صفاة النرجسي أبد ميتقبل نقد وابد ميحب تواجهينة بحقيقتة ودائماً يلعب دور الضحية ويطلعج إنتِ المذنبة نصيحة فصخي الخطوبة ميفيدج
لأن هيجِ شخصية تتعبج بحياتج عمرج مراح تگدرين تتفقين وياه يمشي ؏ استراتيجية امشي وتركضين وراي
شفتة وكفت مگنبصه نفسها بثبات تام وتعاين بهدوء مخصرة الدشداشة بيدها مـَـِن جهت خصرها
::- إني صدك سمينة؟
هزيت راسي بنفي رجعت تمددت بصفي
::- لازم احاجي حسام
باوعتلها بعيون تحمل الدعشة والفرحة
::- حَته تفصخين الخطوبة مووو؟!
هزت راسها وإني جلبت بيها ردت اهلهل سدت حلگي تضحك
::- لجججج أي يشوف روحة جنة اريل مسجل وجهه ليكول سمج بايت ويعيب ابو الذگن
كعدنة نضحك ماخلينة بيه شي ماصنفنة عليه
..
وگفت ارجع التلفون بجيبي ماد ايدي اطفي بلجگارة
عابس: يلة ذنب إني رايح للشقة يم عراد ضايج شوية تسهر ويانة لو عندك كعدات خاصة؟
أبتسمت غامزلة ضاربة بجتفي
::- هايَ إذا لگيناه لوحده
عگدت حاجبي متكتف ابحلج بوجهه
::- ليش منو يمه؟
::- أم الجنطة..
راد يحجي وگفت تكسي بوجهنة للشقة نزلت قبل عابس حتة هوة يدفع الگروة نزل يسد بلمحفضة قبضت ايدي ادك بلباب دقايق ونفتح الباب وعراد منضرة يوحي الحالة حيل سيئة لازم مثانتة فتح الباب وندار كوة يمشي شمر نفسة ؏ الكرويتة متمدد فاتح ايدية بصفة قوطيتين بيرة فارغات
دخل عابس مركز علية لزم البيرة تأگد منها تقرب صار بصفة يرفع بلتشيرت مالتة يتلمس مثانتة
::- گوم اخذك يابسة حجار صايره
زفر مغمض منزل التشيرت
::- ماكو شي كبد شويه وتلين
ذنب: عمي أم الجنطة مو سهلة خلت الرجال سكراب
عضيت الساني مديت رجلي شوتة بجلاق ندار وجهه محتقن يضحك
::- والله عابس لگيت عنده جنطة نسائية ذباها براسك يگول الك
صفن عابس ثواني گال
::- أي ألي يمعود شذبها براسي غير عايده ألي
احتقن وجهي اباوعلة يجذب ويباوع عليه يريد يطلعني مـَـِن السان ذنب يدري بي إذا يلطش يلطش
حجة ذنب وهوه يلاعب بعيونة ويحرك بأيدة
::- والجنطة النسائية شسوي عندك ملازم عابس؟
حمحم رفع ايدة يحك گصتة يباوعلي شوية وگال
::- هيَ بلمنطق شي ميخصك بـَس راح اشبع فضولك واجاوبك
::- ديلاا لاتطول الحجي حتة تفكر بجذبة ترة مطكطكهن هذن لسويلفات
مديت رجلي رجعت رفستة عت چف رجلي صفح جرة تمزلگت مـَـِن الكرويتة شبعتة رفسات خطية ياخذه لواهس يريد ينفش ريشاتة تجي رفسة
عابس الوجهه صار دم احتقن من الضحك يمطمط بلسالفة يريد يلكالة عذر يحطة بحلكة ويچفه شرره
راد يحجي رفستة جر القوطية شمرها علية
::- دگافي وجهه الطرگه
::- ذنب دشبولك واو
جر القوطية رافعها فوك مـَـِن وجهي يريد يضربني عود مديت أيدي دغدغتة من بطنة طاح جرة عابس رفع رجلي يدغدغ برجلي واني ستلمتة ادغدغة مـَـِن اباطة الخايس
::- كاافيييي ههههههه برووح الحسسسين عابس هههه خررب اببووك عرراااااد ههههههههه
سوحل الكاع يضحك مدري شلون فلت مـَـِن ادينة ورجع مجلب بعابس ؏ سالفت الجنطة
عابس : شمل تعرفة أبن زئبقة ألي متكفل برعايتهم؟
هز راسة ومبين ممقتنع كمل كلامة عابس
- أي گال بابا أريد جنطة الأمي كتلة صار وجبتها وضلت يم عراد راحت مـَـِن بالي
ضيك عيونة : ولجنطة شسوي بيها التسجيلات الصوتية مال عراد
رفستة طفر فوگي يصيح بلكعبة اليوم اطلع الحصوة من ـــــــــــــــ جلبت بخوانيگة نتماطل أجة عابس عتة
::- مريض اررعن لايصيرلنة قدر
ذنب: دوخر زئبقة
قربت أصبعي السبابة مـَـِن شفايفي زفرت
عابس: اشش كوم عمرلي نرگيلة
اباوع عراد خرطها ضحكة مستهترة باوعتلة اسويلة حركة باصبعي
::- لاتطفر حصوتك
ضحك عابس وگام للمطبخ يحمي الفحمات لازم الفنجان ينثر بلمعسل مد راسة صاح
::- البيرة باردة غيرر
عراد : أي كبد
فتح الثلاجة لزم القواطي : وين عراد دافية هَاي هسه خالها؟
::- موجود ثلج جايب تلگة بلفريز
كام ذنب علگ احبك وستحي من آهلك عله الصوت حيل اجة عابس شمر القواطي علينة وستلم النرگيلة
::- العب يعني الونسة الزينة يعني الميز المعدل واحلا ملهاا وللصبببححح
مد أيده بجيبة عود يگيت ذب الفين وربع خمطت الربع دنگ يلگط بيهن ندار : وين الربع عراد اخذتة؟ جيبة مشكول الذمة بلعباس دجييب اخذهن ورجع ابو اباط الخايس يتمجع بقوطيتي
رن تلفون عابس ندار ذنب نصة صوت الاغنية وصار بصفة فتح خط
::- كلشي تمام؟.. شبي.. جاي جاي
رجع التلفون الجيبة بستعجال گام صحت بية وين أندار
- ملاذي مشتاقلي
غير مرة مامقسومة عرااد وينك خابرني عندي حجي وياك
راد يطلع صاح بية ذنب رووح الزئبقة ضحك بلا مبالاه وراح
..
عابس:
وصلت اتمشه صرت گدام الباب رفعت أيدي طرقته ثواني معدودة أنفتح صارت بوجهي ملابسة حجاب دنگت أيدي بجيبي
السلام عليكم خيتي..
أبتسمت وسوتلي مجال دخلت شفتة يلعب مگعبات شافني هد كلشي بيدة ويصيح اجة بابا اجة بابا انحنيت حوطت ايدي ورة ضهرة رفعتة اهمس
يروح بابا بسته مشتاقلك ملاذي يروح بابا إني
حضني يريدني العب وياه بملاعيبة الجديدة تربعت شفتة طلع جيس مال مكعبات ثاني رفعة گدام انضاري وحجة بطفولية
شمل: بابا خليت ماما تشتريلك إنتَ هم
أخذت مـَـِن أيدة الجيس لزمني مـَـِن وجهي
- بابا إنتَ مو تكول لازم نكول شڪراً لماما؟
هزيت راسي اباوعلى
- يله بابا كول شڪراً الماما
أبتسمت رفعت أيدي وگلت شڪراً رجعت عيوني علية شطور ملاذذي يله تعال خلسويلك بيت
گعدت العب وياه شفتة غفة گمت اجاني صوتة بنعاس
- بابا لاتروح..
الوقت تأخر شفتة كرر العبارة صرت بصفة حاضنة انتضرة ينام حته اروح ماگدر ابات بلبيت
سمعت صوت هامس التفتت
زئبقة: اسويلك عشة؟
همست : لاخيتي متعشي
رجعت حاضنة احاول اخلية يدخل عمق النوم حته اتركة
دقايق مـَـِن الهدوء شفتة نام حطيت شفتي ؏ كصتة غمضت ابوسة فتحت حاضنة همست بأذنة
بيباي ملاذي..
گمت اغطي بية نداريت صارت بوجهي مديت ايدي بجيبي طلعت المحفضة نطيتها مصرف أبتسمت هامسة
- متقصر.
بادلتها ببتسامة : تدللين خيتي أي شي تحتاجينة خابريني
طلعت ونبهت تقفل الباب نداريت الجو بارد حيل تكسيات ماكو لازم اطلع ؏ الشارع مديت ايدي طلعت باكيت الجكاير طلعتلي جكارة حطيتها بين شفايفي رجعت ادور ؏ الجداحة ماكو بقيت اخذ نفس بيها بدون دخان
..
أجة يوم الجمعة عرس بندقة وستار العصر
حنينة: وينج ياقة
اجيتها بيدي ملابس الآصف
::- إني العصر طالعة للعرس عيب عزمتني الحجة شروق اروح ائدي الواجب ورجع إنتِ ضلي بلبيت الوضعية تعبانة عمتج فايقة موجودة وماريد تذبلج كلام
هزيت راسي اباوع تجاه آصف
::- خوش لعد بقي يمي آصف حته ادير بالي عليه
::- لا دادده اخذه ويايه
حجة آصف مغنتب ومتخوصر يباوع العمتي
آصف : ماروح ماحبهم بچو لولو
أبتسمنة ؏ عصبيتة الطفولية شفت عمتي مصرة تريد تاخذة تغيرلة جو اجيت گرصت خدودة وگلت
::- آصوفي
مد ايدة يلعب بگذلتي بصابعة الناعمة
::- ها لولو
گرصت خدودة
::- روح لخاطري
شفتة لم شفتة لداخل فمة بطفولية فتح أيدي يحضني
حضنتة ، وعمتي گامت تبدل للطفلة أخذت آصف سبحتة وبدلتلة ومشطتة صار كيكة
شفت عمتي لبست عبايتها باوعت للساعة تركض ركض شافتني مسبحة آصف گامت ترزل بية شلون تسبحي المي بارد هسة يتمررض
وآصف يأشر ؏ نفسه ويگول أني زيينن
لتمو يردون يرحون وآصف يبوس بية كلساع انحني ابووسة وصلو للباب ندارت عمتي بتنبيدة وتحذير
::- ياقوتة الباب ينقفل مو تطلعين ضلي ساعة زمان وأجيج
هزيت راسي شفتها راحت تمشي ايد لازمة بيها آصف وأيد شايلة بيها الطفلة كملت طريقها لبيت الحجة شروق طبگت الباب وبقيت گاعدة روحي حيل تعبانة
گمت گعدت بصف الباب الجو بي نسمت برد اجتني الشبكة مال الجيران لگيت مگالمة مـَـِن ليال خابرتها بسرعة شالتة
»- يياقوووتتتتةةة ووججج مششتااققتلج رعنة
ضحگت : شحجيلج ليال راسي ماگدر امشطة
»- يعني كاتلج الوصخ هسه
»- أي وداعت فرسدق
خرطنة الضحكة وكعدت اسولفلها الصار وياية
»- أني بدالج وهيج مفضوحة الزمها امطلها بلكاع افوخ گلبي
»- هيه شعليها إذا ابو الوسواس القهري هو حاجيلها
»- شلون حاجيلها وشلون ذيج لمرة تگليلي كتوم
»- كتوم بـَس راد يفضحني يگلي نازلة مـَـِن عيني هواي يلجنتي راية تتوقعين اليحجي هلحجي مينتقم
»- قصدة متوقعج شي وطلعتي شي حشاج
ضحكت ؏ طريقة كلامها وهية هم كعدت تسولفلي ؏ عراد
»- ليال مناقصج بلاوي يگلج ابتعدي عوفي شعليج
»- لج مغتصب اختة وحاركها ويتعاطة شتردين اسكت هذا مجرم ياقة لازم ييتحاسب إذا هوة خنجر لزمة سجنة شبعة كتل نومة مستشفى والله لأن حضرتة نركع بلسيارة ينطبق عليه المثل مال الجلب ميشوف ذيلة بـَس يشوف ذيول غيرة
»- هم صدك بـَس ليال إنتِ شمدريج محاجيلج شي هوه !
»- محاجيلي بـَس سمعني تسجيلات صوتية وكلام رسايل لج ياقة هذا قذر أني راح ابقة وراه الحد ميحجيلي
»- شسوين؟
»- اعاملة بحنية واخذ منه الحجي صبريلي إذا ماخلي يكتلي الحجي كت
»- وإذا ماحجة
»- يحجي
»- ليال گلبي ينغزني عوفيها هلسالفة إنتِ متورطة ترة ؏ ساعة يقبضون علييج
»- اعرف بـَس ماگدر اشوف هيجِ حثاله مسوي كل هلمحرمات وابقة مجتفة واصفگلة
ذبيت نفس ساگتة رجعت گالت
عفينة مـَـِن هلتيل المصخم تعاايي مكتلج مهيرة راح تفصخ خطوبتها
حجيت بفرحة
»- حلفي
»- والله البارحة قريت الرسايل يبووو لج نرجسي اغم ابن اغم يكلها ضعفي يعيب عليها يشوف روحة زرزور ولازمها يعيب عليها ويلعب بمشاعرها
»- يروحلها فدوة مشايفتها بـَس هم يروحلها فدوة تسوة راسة ههههههه
اسمع صوتها تضحك وصوت شربات گانها تضرب بفخذها شوية وگالت
»- لج ياقة إنتِ متدرين بعابس شكد إنسان مثقف ومتفهم وكل الامور الزينة بيه حنين گلبة طيب ساعدنة وكف ويانة هواايي ممتتوقعين شكد ، جريت نفس روحي اختنگت ، عابس معجب بيها حجالها شعر هذا مال احبك وليحب بلوة سدت التلفون بوجهه ومن ذاك اليوم هوة ساكت ميفتح هلسالفة
»- والله إني منها اختارة وكسر خشم عفراء
ضحكت : لجج أي إني هم هيجِ افكرررر
»- والله اسمة حباب ويحبني صدك تعاي عابس يعرف بمهيرة اغتصبوها نسيت؟
»- أي يعرف
»- زين الشعر حجاه الها ورة الحادثة مال الغتصاب لو قبلها؟
»- وراها
»- يعني رايدها اامدداج إذا ماتسعين بيها ضالة تفترين ورة عراد عوفي شوية وجمعيهم ترة الج اجر هاا
»- ادري شسوي تگول اختنگ
»- لتگليلها يحبج ويريد يحجي وياج گليلها ك صديق ابقي احجي وياه
»- مادري اشوف بلگت الله
شوفي........
حاولت اسمع ماگدرت باوعت للشبگة راحت صرت بصف الحايط ماكو نت رجعت للغرفة احاول اشغل نفسي بشي عزلت الافراشات صفطتهم يم الحايط الدنية ضلت تمطر نداريت اباوع بلمراية الصغيرة حالي مخربط طلعتلي ملابس ودخلت للحمام البوري ثلج سبحت وطلعت مجرشة سن يطك بسن جريت البطانية ولفيت نفسي بيهه جريت التلفون وكعدت متربعة العب لعبة ماين كرافت إبني بيوت احاول اگضي الوقت
اسمع الباب يندك بطريقة شبه سريعة ذبيت التلفون ؏ صفحة وگمت اخطي خطواتي تجاه الباب مديت ايدي فتحتة ساحبتة تجاهي شفت روزة وغصون
عيون روزة تجاهي قدمت خصون وحجت وحسيتها تتوسل
::- ياقوتة مَحـد بلبيت كلها بلعرس وغصون ممرتاحة بسبب بنات فايقة يذبلها حجي مطول إنتِ بلبيت عادي تبقيها يمج؟
هزيت رأسي شفتها ندارت مستعجلة تتمشي تجاه بيت الحجة شروق
دخلت غصون تباوع ؏ البيت بقت واكفة تنتضرني ادخل حتة تدخل طبگت الباب ومديت أيدي بحس خافت
::- أتفضلي
دنگت تنزع البرجلها ودخلت جوة تقربت سديت الباب جريت بيميني مخدة حطيتها ورة ضهرها رجعت لزمت البطانية لفيت نفسي بيها بيدي التلفون سادتة اباوعلها
شفتها ترجف گمت جريت بطانية غطيتها تمددت راسها ؏ المخدة تباوعلي
::- شكغاً (شكراً)
هزيت راسي مبتسمة
حجت بحس هامس
::- متغدين تغوحين للعغس بسبب غجاء الحية؟
جريت نفس روحي اختنكت عدلت كعدتي هازة راسي بنفي
::- لا بـَس صراحة ماحب هيجِ اجواء
بقت تباوعلي گعدت ؏ حيلها عيونها بعيني
::- ياقوتة اغيد اسئلج سؤال
جريت نفس روحي اختنك اعرف السؤال التريد تسئلة همهمت بحس خافت هازة راسي ردت گالت
::- إنتِ مغايحة للكوفي صح؟
بقيت ساكتة ماعندي جواب للحضة احس رجعلي النبض وره مندگ الباب گمت بسرعة أريد افتحة
مديت ايدي فتحتة شفتة جاسر ردت اطبك الباب ندفع صرت ورة الباب دخل ناتر
جاسر: غصون وييننج
طلعت تباوعلة وتردف
::- ها جاسغ
مد أيدة حطها بيدها رافع أيدة الثانية بتهديد يحرك بأصبعة السبابة بحركات بعثرية امام انضارها
::- طبة للبيت هذا ماريد
عفست وجهه ومالت شفتها
::- ماغيد اغوح هناك بنات فايقة ماغتاحلهن
::- وإني مارتاح ابقيج هنا دقيقة
أخذ بيدها وإني ؏ نفس وضعيتي متبسمرة ورة الباب خطواتهم صارت برة البيت رفعت أيدي بخفتها دفعت الباب شفت نفسي أبجي رفعت قميصي امسح بدموعي صار يتردد براسي قول تعالى
{فَأَمَّا الْيَتِيمَ فَلَا تَقْهَرْ}
نشفت وجهي ودخلت لداخل الغرفة متمددة وشهگاتي مينعدن جنت أمنيتي بهل موقف اطلع مـَـِن خارج الباب وأشرلة وگول اخذ اختك وطلع برة
مجنت اگدر أحجيّ هلكلام ليش؟ لأن البيت ألي راح انسبة ألي هوه بلأساس يعتبر إلى هوه الكاعد يدفع الايجيار مصالى قبل كم يوم مـَـِن دفع مال هل شهر جان مبلوع الساني لهل سبب فقططط
اريد اشتغل بـَس ششتغل؟ بـعد هلفضيحة ماعتقد عمتي ترضى اشتغل
صراع براسي والم بسبب البچي نهى الحديث بيني وبين نفسي بنوم عميـق ودموع ؏ خدي
صوت طرقات قوية حسيتها ترطم براسي فتحت مخبوصة اركض للباب فتحتة شفتها عمتي مغسولة مـَـِن المطر دخلت تصيح بردو راح يتمرضون انهبط گلبي عبالي بيج شي
جابوبتها وإني اخد منها العباية
::- اخذتني نومة
دخلت افرش العباية ؏ باب الحمام نداريت شفتها طلعت اوراق وتأشرلي
::- بساع ياقة نطيهن لابن عمج راح يجي
لزمتنهن : ماليش ذن؟
حجت بستعجال
::- ولج يالله يمگن اجة المطر قوي
اخذتهن وجريت شال لبستة ودخلتهن بيدي مغطيتهن بلشال طلعت راسي شفتة بارود تگنبص رافع ايدة بعلامة السلام
::- ها بنت العم شلونج
ابتسمت وإني أردف بحس خافت
::- الحمد لله زينة ، مديت ايدي مقدمة الاوراق وإني اتمعن قطرات المطر الناكث عليهن شلون يتنقط
اخذهن وراح طبكت الباب ودخلت مبتسمة
::- راح تسجلينها بأسم ابوي؟
بادلتني ببتسامة دافية
::- أي حاجيتهم همة راح يمشولي بلمعاملة مال كلشي حَته جنسية راح يطلعولها عدهم واسطة قوية
كعدت كدامها عيوني ؏ اصف الغافي وحاضن المخدة
::- شنسميها؟
لميتها لحضني مميتها بحلكها صفنت بعيونها ورفعت عيوني الياقوتة المندهشة ونطقت
::- هاجر
بردت ابتسامتها وهزت راسها اخذت تلفونها وراحت گعدت بصف الباب عدلت غطوت آصف وإني كاعدة رجعت تمدتت يم آصف بيناتنة هاجر
ياقوتة: لازمة تلفوني أريد نت شفتَ اجة بـَس الاشارة حيل ضعيفة بقيت ابحوش بلفيس ادور فرصة عمل ماتبت بعدني أريد اشتغل دورت هواي وكلهن قديمات تاريخ قديم ومبين الشغل اخذو رجعت تلفوني دخلت متمددة
مر يوم السبت وماكو أي شي جديد متمددة ونايمة
للصبح كعدت شفت عمتي نايمة جريت البنطرون والكوت الاسود دگمتة لفيت شالي لابسة البوت مالي المشكوك مـَـِن جوه حيل أذاني ارجع رجلي كلها طين ومرات حصو يدخل يضل يبز بية بلمشي
تقربت حركتها شافتني مبدلة رادت تحجي گلت
::- طالعة للگلية
شفتها ندارت اكو جزدان صغير عدها تضم بية فلوس خردة مفاتيح فتحتة لگت اثنين ونص حطتهن بيدي
::- ديربالج على نفسج أمي
غمضت وفتحت بأطمئنان اطبطب ؏ ايدها العاصرة ايدي نداريت مشتاحة خطواتي خارج الغرفة طلعت أسد بلباب مال الحوش بطابوكة نداريت شفت ليزة وضلع الحايط يريد يوصلها مبدل مال الشغل ومبين مستعجل سويت روحي مشفتهم كملت طريقي ؏ الرصيف
اسمع صوت سيارة وراي وليزة تصيح ياقووتتة درت راسي اشوفها مطلعة راسها مـَـِن الجامة باوعتلها عيني تتغاضه النضر الاخوها
ليزة: يله صعدي مضل وگت
جريت نفس روحي اختنگت زفرتة
::- مرايحة للگلية
جنگلت حواجبها غامزتلي بتك عين
::- لعد وين؟
حجيت مبتسمة وإني اكمل طريقي
::- للكوفي غير
گلتها وحرك السيارة بسرعة خيالية لدرجة احس صارت هَاي الشخطة زفرت موكفة عبرية صعدت
العبرية تذبني ؏ مكان امشي مسافة شبة بعيدة حتة اوصل للگلية ، قطعت هَاي المسافة متأخره
حضرت كامل المحاضرات الدوام خلص ردت اطلع شفت اياد
::- ها ياقووتة
ابتسمتلة بطريقة المجاملة
::- اهلاً اياد
::- امشي اوصلج ماعندي شي
::- لا لتعب نفسك
::- ماكو كل تعب صعدي
صعدت هوة يندل العنوان الزادن ضميتهن أريد اشتري بطريقي حلويات الآصف
::- شو ماكو ماشوفج؟ شنو متداومين
::- لا اداوم بـَس يمكن مصارت فرصة نلتقي
::- يله المهم اليوم التقينة
ابتسمت دايرة راسي ؏ الجامة صار گدام البيت نزلت اتشكره صارت عيوني ؏ رجاء الجانت بلباب تبصبص ؏ السيارة وعلي
::- تدللين يله التقي بيج باجر الصبح
حرك السيارة باوعتلها ودرت راسي دافعة الباب دخلت طابگتة شفت عمتي ماكو حيل نهبط گلبي عبالي آصف صاير بيه شي وراحت ركضت بيه
صارت ؏ بالي بيت الحجة شروق طلعت بسرعة اركض كلعادة بابها مفتوح دخلت شفتها كاعدة زفرت حيل لازمة گلبي
تلگتني الحجة شروق شكد طيبة هلنسانة سلمت عليها وگعدت
فتحت موضوعي مال الكوفي عمتي فهمتها نقطت التجمع الحجة شروق يَعني عَـن طريقها راح الكل يعرف شغلتي تختلف عَـن إلي متصورينة
حجينة وهاجر تنحست گامت تبجي ترخصنة منهه ورجعنة للبيت شفت عمتي وياها جدر سألتها گالت الحجة شروق گالت هذا غداكم فتحتة جان مقلوبة ودجاج تغدينة وللعصر رحت أني رجعت الجدرين القديم وهذا
برجعتي شفت عباس وحالتة حالة سلمت علية
::- شلونك عباس
هز راسة عيونة رايحة خاطات ذب حسرة زرفت گلبه
::- الحمد لله.. إنتِ شلونج اخبارج
::- والله بخير
::- مريلنة مَحـد بلبيت هوة بـَس أني وأمي
::- إن شاء الله
درت رأسي مكملة طريقي وكفت يم اسواق شتريت حلويات الآصف بلفوس الزادن ورجعت شفتة نايم ضميتهن ؏ مايگعد
..
تمنة:
ملتمين نتعشى دويهر رجع بوگت يسويلة اكل شوية وأجة شفتة مسوي خبز بدهن راشة شگر حاط بصفه استگان چاي وياكل
بارود: شلع مرارتي عباس مو حالة هاي والله ياخي فك ياخة عنها تزوجت طلاببة خماا طلابة
جاسر: شبي؟
::- مخابرني شايفني ماراد دازلي رسالة مختنگ مامصدك تزوجت
::- حاجي يمرلي
::- عوفة خل يطيب جرحة كلش يستوي يالله
جاي ناگل طفر عمر أبن أزهر ؏ جاسر مد ايدة كلها طماطة ؏ الاگل مالة
قدمت الماعون انگت بملابسي
::- هاك حبيبي اخذه
حجيت بنبرة ناترة عيوني ع رجاء
تمنة: مرة ثانية ابنج حطي بحضنج هذا كلشي ياكل ذاك الا من ايدة
صاح مـَـِن مكانة ازهر
::- ديلة هَسـه قابل شخذ صينيه المندي الممدودة
لزمتة حاطتة بحضني
رجاء: اكعد ماما اكعدد
گام جاسر يغسل رجع تمدد بيدة التلفون
صار هدوء استقطعة صوت رجاء
::- يااا صددددك نسيييتت
ندارينة نباوعلها ونردف : شكو؟
::- هَاي ياقوتة اليوم شفتها ويه واحد بسيارة موصلها
حجة بنبرة مستغربة هاز ايده بعدم أستفهام
بارود: ويامن؟
::- شعرفني اروح اجلب بيه
عفس شفتة ورفع حواجبة
::- عجيب طراگيع ياقوتة بـَس إنتِ التشوفينها شاهد عيان المفروض ينزل بيج
باوعتلة بطرف عينها
::- شنو مجذذبة قابل حطو عيونكم عليها وتشوفون الاشوفة
..
ياقوتة:
طلعت بسرعة مبدلة فتحت الباب دنگت احط الطابوگة صار صوت وراي انداريت شفتة اياد صافط السيارة شافني قدمها صار يم الباب نزل الجامة
::- صباح الخير
ابتسمت بطرف شفتي عيوني ؏ الباب اخاف احد يطلع حجيت بحس مستغرب
::- صباح النور ، ليش أجيت ؟
انرسمت أبتسامة على ثغرة
::- گتلج البارحة التقي بيج الصبح
::- عبالي تقصد القاء بلجامعة ، بادلتة ببتسامة مرحة ، شكراً متقصر
شفت الباب نفتح طلع جاسر وليزة بيدة البصمة داسها صار صوت بلسيارة انتبهو ؏ وجودي بقة جاسر متگنبص عيونة بعيني باوعت اياد ينتضرني اصعد فتحت الباب الورة وصعدت تحركت السيارة مجنت معيرة اهتمام للصورة الراح ياخذها عني ببساطة تشوهت بما فية الكفايية
وصلت للجامعة نزلت وهوة كمل طريقة يمشي وياية دخلت اخذ محاضرات
بعد تعب مشقة خلص الدوام طلعت شفت ليزة بوجهي
::- ياقوتة هذا مـٰؤ نفسة ألي انطاج الرقم؟
عفست وجهي متگنبصة اباوعلها
::- منو؟
::- الاخذج اليوم
رفعت حواجبي بتيقن
::- هاا ايييياد !
بقت تباوع بوجهي مستغربة رديت مكملة
البارحة عرض يوصلني خجلت ارفض صعدت وياه واليوم اجة ياخذني
::- هذاا نفسسة !! لج رجاء شايفتج البارحة
::- أي شفتها شتكول ختكول الولد اتصال ممتصلة بيه مجرد صديق لا اكثر
::- اعرف ياقوتة بـَس دتفتر عليج تدرين بنفسج
::- ماطول ممسوية شي غلط هاهيه
بقت صافنة تباوع بوجهي ماگالت شي عفتها وكملت طريقي اخذت عبرية ذبتني مسافة وصلت للبيت
شفت البيت فارغ كـ العادة عمتي يم الحجة شروق
غيرت ملابسي تمددت عندي امتحان اقرة
شوية وندك الباب گمت عبالي عمتي فتحتة شفتة عباس
رجعت راسي خلف الباب وگلت
::- ها عباس گول
حجة وهوة يفرك ايدة مـَـِن البرد وينفخ بيناتهن ونبرتة خافتة
::- ياقوتة بدلي وتعاي البيت الحجة شروق
حجيت مضيگة عيوني
::- اكو شي؟
::- ماكو شي تريدج عمتج تكول راح اتأخر بالها يمج
التقطت انفاسي هزيت راسي
::- تمام جاية
هزيت راسي طبگت الباب وگبل فوك التراكسود لبست الكوت الاسود مالي ولفيت الشال وطلعت ايدي بجيوبي الجو حيل باررد
دخلت شفت عمتي وبارود وعباس وام عباس كاعدين سلمت وتگرفصت بصف عمتي اجة اصف صار بصفي حضنتة ابعثر بشعرة بمزح
گملو موضوعهم القاطعتهم بيه
بارود : نخيتة يابو الغيرة عدل بدل رگب عقل انتحر والزمة دگ بوكسات ينتحر ابو الگلك
جان يباوع ؏ عباس وعباس ساكت بـَس يخنزر بيه
شوية وبارود گال
::- نسيت اكلك دويهر يريددك
::- بليل امرلة
ندار يباوع ؏ الحجة شروق
::- فايقة شنو رجعت البغداد؟
الحجة شروق: لا داادة مجلبة بغطيوت فليح صار بينة كخة حلالها الجو هنااك
بين مجانو يحجون ام عباس جانت صافنة بوجهي حيل وترتني كلش اقلق مـَـِن بشر يركز بوجهي شوية وگامت وكعدت بصفي ومبتسمة عيونة بعيون عمتي وگالت
::- حليوة ماتنطونها العبيس
بهت وجهي ونداريت اباوع ؏ عمتي جاوبتها عمتي تعصر بچف ايدي
::- والله تدرس مامفكرين بلزوج هسه
باوعت تتبسم بوجهي ردت گالت
::- بـَس خطبة وإني شعدي عايشة بلبيت بـَس إني وعباس خل تدرس محد يعترض لبيت كلة الها
صفنت اباوع عليها جريت نفس روحي اختنكت عمتي جانت رافضة رفض قطعي
شوية وام عباس ندارت تحجي وية الحجة شروق وتباوع العباس
::- وينج حجة شروق لكيت لعبيس مرره
وجهي احتقن حيل استحيت وعباس يباوع ؏ كلام امة صار بنص اهدومة وبارود ساكت مركز ويانة عاف سالفتة
شكد مجان الموقف يخجل استأذنت مـَـِن عمتي اروح واثناء ما إني گمت تصيح
::- خجلت فدووه لله
غمضت حيل وطلعت الحرارة تطلع مـَـِن أذاني فتحت الباب ودخلت أنتضر عمتي تجي
سمعت الباب تندگ فتحتة شفتها عمتي دخلت طبگت الباب وأجيت وراها
::- مانطييج گتلها ونهيتها وياها إنتِ جاي تدرسين وفهمتها ابنها يحب واليحب ماينسة وخلصص انخصمت
حسيت گلبي ثلج لا ارادياً أبتسمت
..
كاعد إني وعباس برة جاسر رجع مـَـِن دوامة دخل يسبح ننتضره يخلص عباس ساكت وإني نفس الشي شوية وصار ضل بلگاع رفعت عيوني شفتة جاسر لابس تراكسود انتجة بضهرة ؏ السيارة يباوعلنة
جاسر : شهل خنسة هايَ
جاوبتة منثول اباوع ؏ عباس ميحجي صافن
بارود : اليوم جنة يم الحجة شروق ملتمين ويانة عمتي حنينة وياقوتة وام عباس وإني وعبيسس
::- همم
::- اجيك بلزبدة أم عباس خلتنة بموقف مايتسولف وين اكو واحد يريد يخطب ابنية لواحد يحب مگطع نفسة زين عوفك مـَـِن هَاي شلون تحجي گبالهم
ذب نفس مبوز حلگه يبحلج بعيون حادة حمحم ورد كال
::- تريد تخطب منـو؟
طگيت فخذي وگلت
::- ياقوتة عجل منو الحجة شروق
::- همم.. وهوه شنو رأيه
::- شنو رأيه طبعاً ميرضى الولد يحب
::- وليحبها اتزوجت ! صار لازم نعرف رأيه مو ؟
گام عباس فرك وجهه وگال
::- تعبان اترخص.
راح بقيت إني وجاسر
::- والله ياقوتة خوش ياقوتة بـَس الطريقة والوقت والموقف مو مناسب
::- هيه راضية؟
::- الابنية صارت بنص اهدومها استحت گامت عافت كلشي وطلعت
رفعت حواجبي مبتسم تك خد مستهزء
::- هه صددك
..
ياقوتة:
مر شهر تقريباً وجاسر ماكو حسب ماسمعت يكولون واجب وعلساس ينزل هليام فرحانة لأن هجورة كملو اوراقها وصارت اختي قانونياً بيت عمي دلام شبة فارغ الحجة شروق مريضة حالتها متأزمة نايمين بيها مستشفى وتمنة وياهم رجاء يم اهلها وبارود هم بلمستشفى وازهر متعارك وعايف البيت زعلان موصين عمتي تدير بالها ؏ البنات وهية ممقصرة
وراها كالو الحجة حيل مريضة عمتي خافت گالت راح اخلي عباس ياخذني ابات وياها بلمستشفى
اجة عباس اخذها وإني وصتني عمتي اروح ابات يم البنات ماضل بوحدي بلبيت اخذت وياها هجورة وبقت يمي آصف
غيرت ملابسي الجانن ينعدن ؏ الاصابع الف مرة شايفيني بيهن بـَس شسوي لبست الموجود تراكسود وفوكة الكوت الاسود دكمتة وشالي طبگت الباب وتمشيت عليهم ادك بلباب طلعتلي ليزة مبتسمة دخلنة وگعدنة نسولف ونضحك جانت كعدة حيل حلوة
فاتحين التلفزيون ؏ مسلسل تركي مسوين شامية وبصفها حاطين كاسات حب فاتحين الصوبة كلمن متلفلفة بلحاف مگرفصة نفسها وتباوع
آصف جان نعسان بسبب العلاج اليشربة بي نسبه نوام جنت منومتة ؏ الگرويتة ومغطيتة نايم مرتاح حبيب گلبي
واثناء هَاي الاجواء صار صوت خطوات داخل البيت اصفرت وجوهنة متجمدين بدت هلخطوات توضح اكثر
غصون رادت تبجي حاضنة روزة دافنة راسها بحضنها ومغمضة
بين هلضلام وضحت الجمرة مال الجگارة مالتة مد ايدة شغل الضوة
فتحت عيونها غصون وحجت تريد تبجي
::- جاسغ عبالي حغامي غيغ تحجي تسوي صوت
اخذ نفس مـَـِن الجكارة زفرة بعثر الدخان محيطة تمشة صار كدامها بيدة الچفوف گرص خدها
::- روح جاسر
أبتسمت حاضنة روزة وتباوعلة وگف ملتفت علية يلتقط انضارة بيني وبين آصف ولجگارة بطرف اصبعة
جاوبتة روزة عَـن علامات الاستفهام الصارت براسة هز راسة وصعد فوك
بقينة ؏ هلوضع كل وحدة نامت بمكانها إني عيوني ليكول فص ملح ونايم بيها مجايني نوم باقية كاعدة وبحلج بلمكان
لزمت تلفوني العب ماين كرافت شفتة نزل يقفل بلبيبان وندار يتلاقط انضارة بيناتنة شافني عيني بلتلفون طفة التلفزيون صار الجو اضلم البصيص الوحيد ضوه الشاشه النابع مـَـِن جهازي
حسيت ؏ انفاس قريبة مـَـِن إذني زفر بفحيح دافي
::- نبعة
بلعت ريگي مايلة راسي مغمضة داخلي صراع عارم
كرر نبرتة يهمس بأذني
::- يله
جريت نفس زفرتة شافني ردت اصرخ حط أيدة بطريقة همجية ؏ فمي كاتم أوتاري دخل أيدة مـَـِن تحت ضهري ضغطها رافعني يمشي وإني گدامة مجلبة بساعدة احاول اسحب أيده العاصر حلگي امشي بخطوات مدفوعة
دفع باب تيقنت هايَ غرفتة دخل وندار طابك الباب بضهرة حجة بنبرة من بين اسنانة هامس بصوت بس اني اسمعة وگال
::- صگي سنونج ورخي السانج عندي حجي وياج
غمضت بغيض وفتحت بمعنى افتهمة ازاح ايدة عَـن فمي وندار يدير المفتاح مرة مرتين وسحبة باوعلي وهوة يرجع المفتاح الجيبة ويزيح الچف المغطي كفة
بقيت أنضرلة وبعيوني حرب عدوها هوة بلعت ريگي وحجيت بحس قامت مُبْهَم نحوه
::- شتريد تحجي؟ حجي ماصخ ولزم وگض بحجت اختبرج ! ترره جزعنة ولسالفة عبرت فدمرة حدها ، رفعت أيدي ملوحة ، كل حجي ماعندي وياك أفتحلي الباب خليني انزل بهدوء رجاءً
أبتسم بتك خد صافن ندار بعيونة يباوعلي نزل عينة لوحمتي رجع حطها بعيوني ينضرلي بنضرات نعسانة
::- نبعة الكوفي؟ واليوصلج؟ شنو !
عيوني لالت بيها الدموع شديت ؏ شفتي السفلية وإني انضرلة بعدم مبالاه
::- يهممك؟ ليش منو إنتَ !
مد بوزة مقدم شفتة شلون ليريد يبوس يحرك براسة عينة بعيني مثبتها
::- منو إني؟ سؤال وجيه وحلو
تقدم خطوتين تفصلنة مسافة خطوة رفع اصبعة السبابة وگال
راح اجاوبج عنَ بَعد ماسمع جوابج لسؤالي
حجيت بحس مختنك عيوني بعينة مليانة ضغينة
::- ميحتاج ابرللك أي شي بعد السويتة !
ضيگ عيونة متكتف
::- شسويت؟
ابتسمت بستهزاء
::- متعرف؟ ممعقوله !
رمش بعيونة مرتين وتقدم خطوة اليفصلنة أنتهى حجة بحس مرتجل خافت
::- نبعة شمسوي..
غمضت حيل لامة شفتي بأسف رجعت باوعتلة وعيوني تحمل كل مشاعر النفور والغل تجاها
::- إذا إنتَ نسيت فَـہ أني مناسية الموقف الخليتني بيه بحنة بندقة والوقت الختاريتة لا تدري إنتَ عقلك صدك يستحق يدرس عاشت ايدك ماقصرت
حجة وانفاسة صارت تلفح وجهي دافية بكل كلمة تتبعثر نسمات دافية
::- نبعة إذا عبالج حاجي فَـہ إنتِ غلطانة ! واعذرج لأن متعرفيني بعدج
باوعتلة واهز براسي مستنكرة كلامة كمل كلامة
جنت اگدر افضحج بهواي اشياء إذا فعلا جانت ألي نيه خبث تجاهج بـَس مسويتها
رفعت عيوني انضرلة بستهزاء
::- مشايفني متلبسة وية واحد حَتـه تفضحني
أبتسم أبتسامة باردة برزت خطوط وجهه
::- جنت اكدر اكول خدامة على سبيل المثال !
::- شنو كاعد تبسمرني؟ إنتَ شنو مـَـِن طينة
رفع أصبعة السبابة قربة مـَـِن شفايفة همس بـ ااشش
::- گلت كمثال وصلتج الفكرة؟
زفرت قوي وعفست وجهي متنرفز
::- ليش وسالفة الكوفي مـنو حجاها؟ خالتي؟
رفع عيونه حرك جتافه وسوه حركة بحلكة
::- أحتمال لأن أني محاجي
شافني انضرلة بنفاذ صبر قرب وجهه مـَـِن وجهي وهمس
::- يله نبعة غردي
ثكل رمشي واحس جسمي دفه تمالگت نفسي وحجيت بثبات تام وإني انضر لعيونة
::- راح اجاوبك بـَس خلي بالك مجاي ابرللك ولا مجبور تصدك كلامي إنتَ ماخذ عليه فكرة وإني كذالك مراح تتغير هلفكرة
::- همم لطيف
أبتعدت مـَـِن گدامة وگعدت ؏ كرسي مصفوط عَـند الحايط
::- سالفة الكوفي بسبب نورس..
مال راسة ؏ يمينة متگتف عيونة تجاهي
::- نورس جيرانة؟
هزيت راسي مكملة كلامي
::- أي هيه جنت محتاجة شغل وحجيتلها حبت تساعدني گالت عندي بنت خالتي تحتاج عاملة ونطتني الرقم سئلتها عَـن الشغل جاوبتني متعرف أي شي اتذكر كلتلها اكو وحدة متعرف شِنـوٰ تشتغل بنت خالتها !
::- همم
وراها حجيت وية بنت خالتها گالت كوفي تقدمين نراگيل واكو بنات عوائل يشتغل هذا الشغل المهم قنعت عمتي ورحت وراها بنفس اليوم ألي اشتغلت بيه صار موقف وعفت الشغل ؏ اثر هلموقف جنطتي ضلت يمها
::- شنو هلموقف؟
غمضت افرك بيدي
::- تگلي اكو واحد يريدج ليلة وبساعتها تهسترت عفت كلشي بيدي وطلعت وراها رجعت علمود اخذ الجنطة منها لأن جان بيها تلفوني ومبلغ بسيط فلوس فَـہ ساومتني لو اشتغل وترجعها لو مالي كل جنطة يمها وبعد جدل طويل رضيت واخذت الجنطة اتأكد منها وراها ماعرف إنتَ شلون أجيت..
ندار ساحب كرسي كعد يردف بخفوت
::- همم وهذا اليوصلج؟
سكت ثواني وگال
هذا مـٰؤ نفسة ألي حضرتج اخذتي رقمة؟
أردفت بحس خافت
::- زميلي هذا
::- نفسة لو لا
::- شعليك؟
::- وصل الجواب
::- هذا يَعني أني خلصت الاستجواب وجاوبتك وهسه مضل شي احجي بي وياك
صفن بوجهي وگام ؏ حيلة
::- تدرين بروحج هندية؟
نزل عيونة ينضر الأيدي رفع يباوع الشعري وجهي
گلج سمارج عيونج هندية
حمحمت ساگتة شفتة يبحوش بتلفونة طلع ممثلة هندية قدمها مـَـِن وجهي وگال
::- نبعة هواي تشبهين كاجول
باوعتلة وحجيت بنبرة باردة
::- لأن سمرة متوهم ماكو شبه
::- نسخة نبعة نسسخة
زفرت متنهدة نداريت للباب منتضرتة يفتحة نزيت مـَـِن مكاني ؏ طرق الباب عيوني صارت بوجهه الساعة جانت ٣ بليل تبسمرت مرعوبة اباوعلة بحيره.
⁘✹⁘
يتبببع...
📌:- حسابي الانستا _lolo743_ انشر بية تغشوشات .
والى هنا نقفل البارت فلذات قلبي
-الكاتبة وَرْد حيدر-