احبيني أن تجرأتِ

بارت 43

هلو مشتاغيييين ولكم
شخباركم🥺♥️♥️♥️.

#احبيني أن تجرأتِ

#الكاتبة رسل

#البارت الـ 43..

، ، ، ، ، ، ، ، ، ، ، ، ، ، ، ، ، ، ، ،

مشيت، أسمع صوت زياد وهوه يكعد بأيهاب، شعره گلش صاير خفيف لأن وكع نصه، درت وجهي ومشيت علاوي وزهور على كتفي نايمة، وكفتلي تكسي كلتله على بيت عمي..

وصلت لاكاني مرتضى بالباب..
- ليار فلوسج ماريدهم ولا ذهبج واخذته من أمي حتئ ارجعه الج

- مرتضى خلي الذهب عندك ورحم الله والديك

اخذت المفتاح من أيده صعدت بسيارته وداني لبيتي، بيت ڪُلش صغير وعلى كدنة وجان مرتضى مجهزه من مطبخ من أثاث، دخلت هوه حط رجله بين حافة الباب والبيت..
- شعجب ما أدخل؟.
- تفضل

فتحت الباب شال علي باسه..
- نروح نشتري بابا

هوه جر نفسه من حضنه اجه يمي ضل يسحب بعباتي..
- ابااا ااين

- بعدين نروحله حبيبي

- اباااا ابااا

مرتضى :- تعااال ولك أني ابوك

- اكخ تة

- عييب ماما عييب

خليت زهور على القنفة ومهى كعدت يمها، شفت الغرفة بيها كنتور صغير خليت ملابسي بي وملابس الجهال والله ينطي مرتضى هوه لازملي زهور وعلي ويلعب وياه..

لليل كملت كل شغلي..
- ليار رايح اجيب عشة ومسواك الج

- بس أنتضر

- عيوني كولي
رحت للغرفة فتحت جنطتي طلعت خمسة وعشرين ورحتله..
- هذن فلوس أتسوك مسواك

- ليار صدك جذب ياعيني، قابل غريب احسبيني ابو الجهال

- تسلم مرتضى بس مايصير أخذ مني

كام دنك لعلي باسه وطلع ماخذ الفلوس، اخذت زهور بدلتلها وهي تناغي، خشمها خشم أيهاب وعيونها بحر من أصفن بوجهه احمد الله واشكره انطاني ثنين ورود بحياتي ومهاوي وردتهم الجبيرة..

بستها بخدها وسويتلها ممة، اجه بالي أيهاب حرام عليه طاح وحالته حالة وعفته حرام عليه شنـٰو من كلب علية شلون صرت هيج قاسيه وماحس..

مرت ساعتين، ندك الباب فتحتة طب مرتضى بايده علاليك..
- حسبت حسابي وياكم جبت كص

- ماقصرت

اخذت المسواك رتبته بالثلاجة، واخذت العشة تعشينة ومرتضى ضل للـ ١٢ نومت الجهالي وهوه بعده سوه الدش مال التلفزيون وضل كاعد..

طلعتله شفته مغمض..
- مرتضى خوية روح لبيتك أرتاح
فتح عيونة باوعلي..
- لا ماعوفج لوحدج شني بوية

- مرتضى روح ميصير

كام بسرعة ضل يمشي بأتجاهي..
- شنـٰو المايصير ليار؟.

- مرتضى اني راح أنام

درت وجهي ودخلت، يمة هذا شبي قفلت باب الغرفة نومت جهالي ومهى يمي بس ما أجالي نوم، مع أنو تعودت عليه ببيت عمي بس هسة لأن لوحدنة ونضراته مو طبيعية هذا شبي الأغم لا خطية واكفلي ويجيبلي مسواك..

صار الصبح فتحت الباب طلعت شفته نايم على القنفه كام غسل وطلع، كعدوا الجهال زهور سويتلها ممة وعلاوي وكلته فواكه ميريد لفة..

شغلتلهم التلفزيون على كرتون علي أنتهة واني أطبخ اسمع ضحكته وزهور كلساع اروح اشوفها تناغي لوحدها مهى كاعدة وياهم تباوع للكرتون وتضحك..

مشة اليوم عادي ثاني يوم مرتضى بليل طبك سيارته نزل دك الباب فتحتله عيونه ذبلانه همس..
- ليار

- مرتضى شعندك جاي خوية الساعة بـ ١

- جهالج ويِن

- نايمين

- ليار يصير أدخل

- مايصير

ردت اسد الباب خله أيده..
- ليار رحمي حالي خل أدخل

دفع الباب ودخل سديت الباب سحبني من أيدي للقنفة نام فوكي ثبتني همس..

- خل يطلكج، اخذج والله

- طيح الله حظك كبر لفك

دفعته هوه كام مسح وجهه بثنين أديه..
- ليار أعتذر

- أطلع برة وأياني وأياك تدخل بعد او أسمع صوتك

- ليار
- سم ليسمك ااااطلع

- مادري بروحي

- تطلع لو أصييييح والم الناس عليك يا قليل الأدب

- راح يموت خل يطلكج قبل لا تصيرين أرملة

- أصير أرملة ولا أصير مرتك

- لييييش ولج، مقصر وياااج واكفلج بكلشي

- وحاط عينك علية واني عبالي معتبرني نفس أختك، يبقى أيهاب رجلي ومأنطي بي فااااهم

- ماتنطين حقج ماتنطين أحنة مو مثلة ولا نكح فلوس مثلة ماعدنة سيارات مثل سيارته حقج

ركع الباب وطلع، قفلته تندمت ثقيت بي، مشت الأيام وأني اخبز وأبيع انطي الخبز لجارتي تبيعه الي اني ماطلع ولا شي..

شلت الجامعة من ࢪاسي لأن شفت نفسي ماكدر أدرس وجهالي منا وزهور صغيرة يعني وضعي تعباان وعلاوي كلساع يمرض، يرادلهم عناية ومهى هم ..

اندك الباب فزيت صحت..
- منو
- ام علي هذا أني زياد

لبست شالي وطلعتله..
- خير زياد؟

- أريد الجهال اخذهم لأبو علي

- يمتة ترجعهم

- بليل

- تمام ثواني ابدللهم

بدلتلهم وخليت جنطة الهم، انطيته زهور شالها باسها..
- ازوجها لابني خل تكبر شوي

- منو كال انطيها؟

- الأذن يم ابو علي

- شلون صار

- أحسن

- يسأل عني؟.

- يدري كلشي عنج بس عايفج براحتج، اتجه لله وعاف سوالف الحرام ورادج من صدك بس عفتيه وهاي أسوء ايامه بس حسااافة
- كملت؟، جهالي بليل ترجعهم

دار وجهة وعلي سوالي بيده بيباي متعلم على زياد، سديت الباب شفت تلفوني يدك، رقم غريب جاوبته..

- الو؟

- ليار

احس كلبي وكف ورجفة سرت بجسمي، صوت أيهاب ضليت ساكتة..

- نعم!

- لياري

- شلونك

- لياري أريد اشوفج

- أيهاب

- أضمج بروحي

- ايهاب

- أكلج شكد موجوع والدنيا أذتني، اكلج شكد مكسور كلبي أمي عافتني أنتي عفتيني
- الجهال راح يجوك، بليل اريدهم

- جهالج يمج لا تخافين ما أخذهم

- الله وياك

- صبر ليار

سديته كلبي يدك سريع، أحس مو نفس قبل بديت أفكر بي، ضليت اكل بأضافري لليل جهالي ماكو أخابر ميرد، الساعة بـ ١ متت قلق خوف، ومهاوي خطية حايرة وياي..

سمعت صوت سيارة فزيت فتحت الباب شفته يسوق نزل من السيارة شال زهور بيده فتحت الباب صاروا عيونه بعيوني ضل صافن..
- لياري

سحبت زهور منه نايمة..
- نوميها بفراشها خل أجيب علي

اخذت زهور للغرفة غطيتها هوه اجه وراي حط علي ع الجرباية غطيته وطلعنه بالهول مهى شافتني اشرتلها تروح تنام راحت، ضل صافن بوجهي مد أديه لخصري حضني خله راسه بركبتي..

- اااااااه
- لياري
- أيهاب وخر شوي

- بسَہ حضنيني ليارة

سحبت نفس، ماحسيت غير دفعني على القنفة نام فوكي حط راسه بركبتي سمعت يبجي..
- تعبت
- والله متأذي
- روحي تطلع من الألم ليار

أنكسر خاطري نزلو دموعي حضنته همس..
- ليار حبيبتي خل اخذج لبيتي
- الألم يخليني ماحس تعبت
- مو مرض شل حالي خل

- أيهاب خلاص كوم روح

- ليار وداعتج ماشايف راحة

- الله يساعدك

- بداعت جهالج

- أيهاااااب خلص كوم

- لا ليار لا لتبعديني عنج

دفعته من أيده عكد حواجبه بألم شفته أيده مزوركة من الكانونات كعدت عدل سحبت أيده بستها همست..
- توجعك؟.
هز راسه بـ أي..
- أحطلها مي حار بلكي تصير أحسن؟

- لا، بس ضلي يمي.

- أيهاب روح لا يتأخر الوقت.

كام أباوع لجسمه ضعفان شعره خفيف، سد كلوبات الهول حسيت بتنفسه العالي يمي ضل يمشي أيده على جسمي همست..
- أيهاب

رفع دشداشتي من جهة الفخذ ضل يبوس بگتفي دفعني للأرض نام فوكي همس..
- رأيدتني وتكابرين

- لا ماريدك

- أشش نضراتج مو نفس قبل.

شالني من خصري كعدني على بطنه..
- سوي الي يعجبج أني كبالج
- يلا لياري

حاوطني همس بركبتي..
- حلالج وأنتي حلالي
- أيهاب

- عيونه لأيهاب

- كافي

- مو كافي ليار، مشتاقلج
- أريد أغفى بحضنج

رفع اديه نزعني الدشداشه تمسكت بأكتافه همست..
- أيهاب

- عمره

- مو مريض؟.

- لياري أحبج

باسني تجاوبت وياه، كبل دفعته وكمت ضل صافن جرني من زندي..
- شعندج؟

- وخرر شبيك

- ليش كمتي فجأة

- ماريد
- ليش تردين بس تبعدين روحج
- تحبييين هذا ابن عمج هااا

- أيهاااب وخر شبيك وخرر وجعتني

دفعني نام فوكي، قيدني بأديه..
- اكلج تعبااان مريض ماتجيني
- شكد كلبج قاااسي

- وخر أيهاب حباااب وخرر، راح يكعدون الجهاال

- احجيييي شصارر بينكم

- مااصار شبيك والله مااصار

- لياااار

- شريفة وروح أبوي مامخلية أحد يتقربلي غيرك

- مرتي واعرفج

- وخر أذيتني

خله أيده عل حلكي وعيونه بعيوني..
- ليااار مشتاقلج
- انطي برضااااتج

ضليت اهز ࢪاسي بـ لا نزلوا دموعي ابتعد عني لبس ملابسه..
- خليج براحتج خليج
سد حزام بنطرونه رفع شعره بأيده..
- تعبت والخلقني تعبت واكلج تعبان ماچني احاجيج

- اطلع برااا

- طالع ليار

طلع وطبك الباب حيل
لبست ملابسي قفلت الباب ورحت يم جهالي، كعدت الصبح وخرت البردة عن الشباك شفته بسيارته كاعد وصافن، رفع عيونه للشباك سديته بالبرده ورحت غسلت سويت ريوك لجهالي ولمهاوي ريگتهم...

مشة اليوم عادي وأيهاب لليل يلا راح، صار الصبح اجه غباشي يدك الباب فتحتله..
- صباح الخير

- شرايد ايهاب؟.

- أشوف جهالي

- تمام أدخل

دخل كعد على القنفه رحت غسلت وعلي طلع من الغرفه ركض لأيهاب كعد بحضنه..
- ابا اتة أين
- أني يمك حبيبي

- عدي تنين ابو

- شنوو؟

كبل باوعلي..
- شيقصد؟

- مايقصد، تعاال علاوي ماما أبدلك

لزم علي من ايده رجعه بحضنه همس بعصبيه..
- ليااار احجي شيقصد

- انتة شعليك؟.

- بعدج على ذمتي لا تتغابين

- شفت الجهال روح

دفع علي وكام لزمني من أيدي صاح بوجهي..
- ونور محمد أكتلج بمكانج، أن سويتي العار

- أيهاب شبيك تفتهم خطأ، عبالك كلها مثل مرتك الماتت

- لتجيبن روحج وياها

- انتة تقصدني
- مو ۿِيج، بسَہ مرتي حتئ كلام ماتحجي ويه غريب

- هوه مرتضى الساعدني وصارلي سند

- لياااار

- ماتت انشاءلله شتريد منهاا، اطلع وخلصني والله تعبت منك

- خلاص ارتاحي

سحب سترته وطلع، ضليت مصفنة، مشت الأيام ايهاب ميجيلي، اندك الباب فتحته شفت زياد..

- السلام عليكم

- هلا خوية تفضل

- ام علي

- نعم؟

- أبو علي يريدج أنتي والجهال

- شرايد؟

- يشوفكم

- - هوه كل يوم يجي يشوفنه مايجي هلمرة؟.

- لأن هلمرة تعبان ويِن يكدر يجيج يابعد أخوج

- تمام تفضل خل أبدل للجهال

- لا خوية منتضرج بالسيارة، تكملين بوجهج تصعدين

هزيت راسي بـ أي، سد الباب، اخذت الجهال بدلتلهم، علاوي لبسته قمصلته وكبوسه وزهور گمطتها ولفيتها بـ بطانية، ومهى هم ..بدلت اخذت جنطه لجهالي خاف يتلعوسون، طلعت كبل زياد نزل اجه مد اديه..

- أنطيني زهور

- أخذ علي خوية

شال علي حطاه بالصدر يمه واخذ الجنطة مني خلاها بالصندوك، مشينة بالسيارة، باوعلي زياد..

- خوية أني تعبت

- خير ان شاءلله؟.

- ريام

- شبيها

- تعبتني، عبالهاا كارهة بسبب سوالف ابو علي وماطيقها ولذلك بعدت نفسها، وابو علي شاف وضعي هيج راح خطب
- عوفها هية ماتريد تتزوج

- ماكدر أعوفها، احبها

- شلون يَعني تغصبها؟

- ماغصبها، بس أنتي هم حاجيها والله تعبت رايدها الي تعبت، شبيها الناس وياي

- مادري اخطبها من ابو علي بلكت ترهم السالفه

- خوية أنتي احجي وياها وشوفيها بله، يرحم والديج

- ان شاءلله أحجي وياها

وصلنه من بعيد شفت شيوخ معگلين والحرس يمهم وجدوره گبار يطبخون، نزل زياد أشرلي براسه..

- دخلي خوية وأني اجيب علي والجنطه

- تمام

حضنت زهور لصدري والدنيا بارده ومهى ورايه تمشي، دخلت للبيت تفاجئت بأهل ايهاب وزوجات عمامه،

اجت ريام بوستني وزهراء، فتت للديوانيه شفت بنصهم كاعد ويضحك، أنصدمت وعباتي أنجرت من جهة مهى، صرخت بصوتي..
- شجااااابك

بـ برود، اجه يمي سحب زهور مني باسها..
- هلو عمو حبيبتي

سحبته منها خزرته..
- شجااابك انته

- ليش تحرميني من بيت أهلي؟.

- فارررروق

- الماضي ماضي

صاحت مرت عمه..
- عمة بعينج، هذا العزيز ابن العزيزه ام ايهاب الف رحمة على روحها، أنتي منو وتطردينه؟.

- ويييين ايهااااب، كلامي وياه مو وياااكم

فاروق :- ام علي

- وسم اليسمك، لا تلفظ أسم ابني بألسانك يا قذر

- خل أحاجيج

- شتحاجييييني؟.
- لا عملتك تنغفر ولا اسامحك
- والحسين متندم

ماحسيت غير انجريت من ايدي ونضربت بصدره ردت أحجي خزرني بعيونه وايده ضغطت على حلكي..

- ريااام اخذي زهور

باوعت لـ مهى تبجي، سحبتها زهراء تسكت بيها، وريام اخذت زهور الفرفحت بچي.. انجريت ليفوك وايده على حلكي، دفعني للجربايه رفع شعره بأيده..

- شبيج ليااار شبيج بابا

- أيهاب لتسوي ۿِيج

- شمسوي عمري أنتي شمسوي؟.

- ليش جبت فاروق ۿنا

- بابا وين يروح؟.

- أيهاااب هذااا خطر

ابتسم..
- بنيتي والله تاب اعرفه زين

- أيهاااب حباب شبيك مو زين اختي متحبه
- ليار، شوفي رجع لمرته خلاص نسد الموضوع، لا تذكرينه ولا تذكريه لـ أختج..

سكتت وعيوني تباوعله، لابس دشداشه زيتونيه وساعته بأيده همست..

- أيهاب ليش مي وجهك راد؟.

- لأن تعالجت

ابتسمت..
- والله ايهاااب؟.

هز راسه كمت بسرعة وكفت عل اطراف اصابعي ولفيت ايديه على ركبته حضنته لجسمي همست..
- والله فرحتت

لف اديه لخصري شالني من أرضي همس..
- يابعد بيتي

عافني نزلت..
- جا أيهاب المن الطبخ

- لأن طبت سولي عزيمة

أنفتح الباب طب علي يركض لأيهاب شاله حضنه..

- ابا ابا
- يبعد أبوك وشواربه، شلونك

ضل يحجي وياه، نزلو ثنينهم اني ذبيت عباتي ونزلت اخذت زهور من ريام وكعدت يمها، كتلها على زياد..

- ليار والله مالي خلك

- خطية لا تكسرين كلبه

- ليار كل واحد يروح بطريقة، ماتت أمي منو يحظر عرسي

- ريام لا تفكرين ۿِيج!، فكري بجاهلج وفكري بروحج، أيهاب ما دايملج

- ﭑدري لياار ﭑدري

- أبني حياتج من جديد وأرتاحي..

- خل تمر سنوية أمي وان شاءلله خير

- ان شاءلله

مشة اليوم عادي لليل ريام فرشتلي فراش بغرفة الحجية الله يرحمها وجهالي ومهى يمي، فزيت على لمسات تلزم رجليه وايد نحطت على حلكي..

فتحت عيوني أشتميت ريحته اتطمنت، شالني من أرضي مغمضة عيوني واني ﭑدري بي ماخذني لحضنه..
همس..
- لتخافين بابا

فتحت عيوني، صارو بعيونه، رجعت غمضتهم بسرعة، اخذني للغرفة حطني على الجربايه وشبابيك الغرفة مفتوحة والأضويه مطفيات، سد الباب اجه يمي رچفت مد ايده لأفخاذي..

- لياري

ضليت ساكتة واني حاضنه أيد بأيدي وانگث، همس..
- خل أسمع صوتج

مشت أيدي لأيده الي تتجول على أفخاذي لزمتها كبل ثبت أيديه وره ضهري همس..
- اشش لياري

- أيهاب

- عيونه
- روحه

- أيدي وجعتني

- أتحملي حبيبي

- أيهااب
- بس شوي صبر

غمضت عيوني، هوه حس بيه ضجت من حركاته المسيطرة، ميخليني حتى الف اديه على ركبته..

طلعت اديه من جوه ضهري، مد اديه نزعني الدشداشه رجفت همست..
- بارده أيهاب

- دقائق يروحي

كام كبالي سد الشبابيك، بقى ضوى القمر يدخلنله، وكف كدامي نزع غمضت عيوني سحبت الغطى تغطيت اجه يمي..

ماحسيت غير انسحبت من زندي ودارني على بطني، حركت رجلي كعد عليهن، باسني بضهري همست..

- أيهاب دتأذيني

مد أيده لوجهي سد حلكي، تأذيت تعصبت منه ضليت أحرك بجسمي، وهوه جان ملتهي، كمل سحب أيده من حلكي ضليت ارفع براسي أريد اتنفس، ضغط بأيده علئ راسي للمخده..

انكطع الهوى عني وتخربطت أحوالي، كمل، بحركة سريعة نسحبت من زندي نداريت على ضهري نام فوكي حضني همس..

- أحبج
- أيهاب، خل أشوف جهالي

- هسة حبيبي

كام عني سحب دشداشتي تحركت ضليت أتوجع بقيت كاعدة عل الجربايه، كعد كبالي..
- شبيج؟.

- تأذيت

مجرد كلت هلكلمة كام طفر سحبني شالني للحمام، شغل مي دافي وسبحنه سوى، كملنة طلعت بدلت ونزلت لجهالي، شفت زهور حاضنتها ريام وعلي يم مهى..

سحبت فراشي نمت عليه، الصبح كعدت البنات نضفن البيت واهل ايهاب راحو..

لليل دنتعشة ايهاب باوع لـ ريام..
- ريام عندي حجي وياج

- ها خوية..

- كملي عشاج ولحكيني للمكتب

هزت راسها، شلنة المواعين اني وزهراء غسلتهم شوي ونزلت ريام..

- ليااار لحكيني
- هااا خية شكو

انجمعنة بغرفة الحجية أني وريام وزهراء..

- ولجن زياد خطبني

- جذاابه

- ونبي طلع فاصخ خطوبته من بت خاله

زهراء :- عزززه هذاا الكيك راح ياخذج

ليار :- اصلاً ريومة احلى منه بقاطات

- ولج خية حموتت متوترة

زهراء :- ياا دهر هوه أنتي مف* منينہ تخافين

- يا كبر كبرج عيب

كعدت زهور سحبتها، رضعتها نامت، كالت ريام..
- عكبة العقد كال ابو علي اذا وافقت

زهراء :- بلاا عيارة ووافقي شلعتي كلب الولد

ليار :- ماتسوون خطوبة

- لا اني بس عقد اذا يريد هوه خل يسوي ويعزم اهله وجماعته

- بكيفكم بَعد
مشت الأيام وريام تتدلع ضلت اسبوع يلا ردت الخبر لأيهاب، جانت ايام مالها طعم من دون الحجية فعلاً اشتاقتيلها وكل ماتذكرها اصلي الها ركعتين ولأهلي..

بيوم عقد ريام، عقدوا وزياد جان صدك فرحان ونضراته الها مبين صدك يحبها وهاويها من صدك، جانوا جهالها يبجون عبالها حتروح وتعوفهم..

ريام..
أباوع لعيونه وانزل براسي..
مَاعرف
خجل، مستحة، متوترة، أفكر بجهالي مادري..
انسحبت أيدي باوعتله تقرب همس بأذني..

- لك عمي هلكيك منين شمروه علية

بلعت ريگي..
- أم حمودي اشو رفعيلي راسج

دنكت أكثر، ايده مشت لحنجي رفع ࢪاسي ابتسم بوجهي..
- اتحديت الأهل والضروف وأخذتح، وصرتي مرتي وجهالج جهالي

جانت حفلة بينه وملابسي فستان اسود مستور شعري مفتوح ومكياج بس كحلة حمرة خفيفة، وامه اجت بس تهلهل وصافنه عليه ممصدكة أخذتني لابنها..
مشة الوقت دخل أيهاب ووراه فاروق..
ابتسم بوجهي باسني بكصتي..

- لو ترحين لأخر الدنيا، ابقى اخوج وابوج وسندج، شوكت ماتردين تلكيني يمج

نزلوا دموعي، مادري بنفسي كبل حضنته همست..
- لو أمي موجودة

- أشش بوية، الله يرحمها
- يلا لزمي أيد رجلج وتوكلي

مسحت دموعي، لبست عباتي وجنطي محضرات باوعت لأحمد يبجي وزهراء تسكت بية رحت بسته..

- حبيبي والله بس هاي الليله باجر اجيبك يمي

- ماما روحي ويه زياد هذا خذاج

- اش عيب حبيبي والله بس اليوم

اجت رتاج بوستني..
- ماما روحي أني اسكت احمد

- انتبهي عليه حبيبتي

بوستني زهراء وليار..
طلعت من البيت واني أبجي، صعدت بالسيارة وزياد حطلي الجنط بالصندوك أجه صعد وعيوني على الجامه..

طول الطريق ساكت باوعتله وجهه أحمر واحس مستحي همس بصوت ناصي..

- ريامي

ضليت ساكتة..
- ام بيتي

- نعم زياد

- تردين نروح لـ بيتنة لو فندق

- للبيت

- تمام

ضل ساكت يباوعلي ويرجع يسوق، وصلنه للبيت نزلت واني فستاني كلش نازك وطوله على كد طولي والعبايه ساترتني اگثر..

نسحبت أيدي شفته لزمني، دخلنه للبيت كبل ضليت التفت، دخلت للغرفه هوه جايبها كلشي اختاره للبيت هوه وامه جهزوه اني ماتدخلت..
نزعت العباية ردت أشد شعري دخل باوع لـ ركبتي..

- گشطه مربى

ابتسمت، تقرب يمي باسني بكصتي نزلت اديه تتجول على جسمي، سحبني للجربايه همس بأذني..

- أن ماتردين احجي

ضليت ساكته باوع بعيوني..
- نور عيوني وضواي أنتي
- ماريد يعبر يومي من دونج
- حبيتج، ماكدرت اتخطى عيونج ولا كدرت انساج
- صرتي أميرتي أم بيتي
- تعلقت بجهالي وبيج..

غمضت عيوني ماحسيت غير التهم شفايفي، عصرت أيده..

ليار..

راحت ريام والبيت صار أضلم والله وحشة الحجية وريام، وزهراء هم ما طايقه فاروق ڪُلش بس علمود حسن..

فتحت الفستان من جهة الصدر ماحسيت غير انفتح الباب دخل أيهاب باوعتله..
- أيهاب جاي ابدل

- منو يمج الثولة

اخذ سويجه من على الميز وطلع، هزيت ايدي خبل والله..

بدلت وجهالي نومتهم شوي ودخل باوعلي شمر السويج للميز..

- لياااار

- هاا

- شوفي أني مامصدك بهذا الكلام بس ردت توضحيلي

- شنـٰو أيهاب؟.

- مرتضى

- أي

- من جان يجي لبيتج

- أي

مسح وجهة بثنين أديه كال..
- لياري ماتسويها أعرفج

- شنووو احجي أيهاااب

- هم لزمج ليااار احجيلي الصدك
- وروح أمي مأذيج واعوفج بحال سبيلج

- أيهاب صـَدك تحجي؟.

- مرت عمج كالتلي كلشي

- متصدك صحيح متصدك

- لياااااار تعبت
- تعبت
- تأذيت بحياتيييي كلشي شفت خياااانة قهرررر كلشييي شفت ماجاي اعرف ناسي ولااا جاي اميزهم

- أيهاب شبيك؟، تجمعني وياهم؟
- لا تجيبني ويه مرتك القديمة
- انسى المااااضي
- مثل مانسيت واجيت وياااك وبديت حياة جديدة سوي مثلييي وخلاااص تعبتني الله يخليك خلاااص لخاطر جهالك راح يكبرون ويشوفوك ۿِيج يصيرون مثلك.

- سمعي
- ليااار

- هاا أيهاب

- زهور
- شبيهاا

- زهور بتي لو لا؟.

يتبع..