احبيني أن تجرأتِ

بارت 42

#احبيني أن تجرأتِ

#الكاتبة رسل

#البارت الـ 42..

، ، ، ، ، ، ، ، ، ، ، ، ، ، ، ، ، ، ، ،

نسحبت أيدي ونلزكت بلأرض رفعت راسي باوعتله أيهاب، الدم ينزل على ركبته وصدره ويتطوطح وماميت..

رجفت منه، سحبني لصدره حضني ذب جسمه عليه همس..

- لياري أسف

- وخررر

- ليار راسي

نركع بلأرض والدم يطلع من خشمه، دكم قميصه مفتوحات وحزامه مفتوح ضليت ارجف واباوعله برهبة، خفت واتندمت شكد صرت بدون كلب شلون ۿِيج أضربه ماخاف الله!!

اريد اكومه وادخله للبيت ماكدر مستحييل احد يجي بثكله ولا بضخامته، جريته جر متت انكطع نفسي دخلته للبيت ذبيته عل القنفه واني اباوع لركبته وللدم أنقهرت واني اشوف شفايفه زرك وايده واكعه للأرض..
نزلوا دموعي وجسمي ينكث ركضت للمطبخ جبت وصلة ومي وضليت امسح بدمه، جبت جنطة الأسعاف وعقمت جرحه وهوه يعكد حواجبه بألم، خلصته جبتله غطة غطيته وضليت أباوعله واتانيه يكعد..

عيونه أنفتحن ضل يباوعلي سحب أيدي على السريع همس..
- ما عفتيني ليار ما عفتيني

- أيهاب جرحك يوجعك

هز راسه بـ لا، كمت نضفت اديه..

ايهاب :- ويِنہ رايحة ليااار

- أيهاب اريد ارجع لبيت عمي

- رجعيلي والله أنتهيت

- أيهاب اخذ راحتك وهسة خابر مروة خل يجيبها زياد الك

سحبت عباتي وطلعت سمعته يصيح بأسمي عفته ومشيت احتاريت ويِن أروح مشيت لحد موصلت لأسواق دخلتلها ضليت مفهية كبل الرجال فز باوعلي..

- تفضلي

- عمو أكدر اخابر من تلفونك

ضل يباوعلي ويباوع للتلفون ومتردد..
- خاف بوية تجيبلي طركاعة
- والله كبالك أخابر ابن عمي تهت ومعندي تلفون

انطاني تلفونه دكيت رقم مرتضى، بسرعة جاوب..

- خيييييير

- مرتضى هاي أني ليار

- وييييينج ويِنہ رحتييييي

- مرتضى أني بـ**

- تمام چاي لا تتحركين وعينج للأرض

سديته منه ربع ساعة اجه مرتضى تشكرت من الرجال وطلعتله باوعلي من فوك ليجوه أشرلي اصعد بالسيارة..

صعدت هوه كبل عاط..
- الحييييوان يااااااخذج كبااالي

- اسكت مرتضى كاااافي

- شسوالج احجيلييييي

- معليييك رجاءاً لا تتدخل

- ما أتدخل؟.

- أي
- جا نزلي وتوكلي لبيته خل يلفيج

- ما تستحي ولا عندك ذرة غيرة

فتحت باب السيارة صاح..
- وللللللج تردين تخبليييني

- مو كلت نزليييي افتحلي الباب أنزل

- سديييي الباب لج

- افتحة

- ليااااار والعباس أعدمج

- كلكم نفس الشي أن جنت انته او هوه كلكم جنس أدم حقرااااء

وكف السيارة ردت أنزل جرني من أيدي..
- حجيتها ساعة عصبية

- وخررر أيدك

وخر أيده وابتعد عني ضلوا دموعي ينزلون وحسيت شيہ ينزل علية بس ماحجيت التزمت الصمت والرجفة تسري بجسمي، كبل وصلنة نزلت على كيفي باوعت للكشن مابي شي ركضت للحمام كبل شفت دم خفيف خفت مادري ليش ومنين، وصار عندي قلق كلش قوي..
غسلت وطلعت لزمتني مرت عمي..
- وسم الي يسمج ليار

- ها عمة خير

- الناس منتضرة على الباب عبالهم كل يوم نبيع خبز

- هسة عمه راح ابدي اخبز بس خل يروح مرتضى

- واذا ضل

- اصعد فوك

مرتضى كعد بالبيت ماراح واني كبل صعدت خبزت ونزلت محد اجه فـ بعناه العصر..

جنت اجمع الفلوس واظم، ومرت أيام وبطني بدت تبين لدرجة خفت من عمتي تتهمني غير شي بس مرتضى يدري..

وكلش متعجبة من أيهاب وبرودة ميجي عليه ولا يسئل ومدري شصارله او أي شيہ..

مشيت من يم الأستقبال سمعتهم يضحكون ويكولون..

محمد :- ههههههه ولك ويِنہ عايش على الأجهزه

مرتضى :- الله يرحمه

محمد :- شني بعده مامات
ضليت أنكث واسمع كلامهم..

ماهر :- يستاهل الي سواه مو قليل

مرتضى :- راح يرمل ليار ويعوف ابنه وراه الحيوان

محمد :- مو كتلت روحك عليها يلا أكلها واتزوجها اذا بيك خير

مرتضى :- احطها بعيوني خطية يتيمة وماعدها أحد

دخلت عليهم انصدموا..
- مرتضى

- ها عيني

- أخذني لأيهاب

- بالبيت عايش على الأجهزه يولي

- لا تحجي ۿِيج اخذني اله

- امشي

لبست عباتي واخذت مهى ويايه رحنة وصلنة للبيت دخلت شفت عكس الي حجوه تماماً جانت الحجية نايمة على فراش بالهول وكلهم ملتمين عليها ويصرخون وخاصة أيهاب جان منتهي وضعفان لدرجة ماعرفته والله العظيم ويصيح ويبجي..

كامت ريام تركع بروحها ركع اجيت يمها دفعتني..
- لياااااااااار أمييييييي ماتت
ضليت اباوعلها واباوع للحجية وجها نوراني ومبتسمة وأيهاب نايم على صدرها ويعصر بزنودها ويبجي..

من بعيد شفته أي شفت أبني يمشي ويبجي كبران وحليان هواية ضليت مصفنة على الوضع وعلى حالتهم وعلى حالة أيهاب، مشيت لعلي سحبته لحضني حضنته وبجيت..

خليته بلأرض ومشيت لأيهاب ندار عليه عيونه حمر وشعره على وجهه صرخ بوجهي..

- لياااااار أمي راحت من أديه راااااحت

حضنته ضل يون ويصيح..
- يمة يا بعد روحيييي يمة

- الله يرحمها

وخر عني..
- كلهم عاااافوني كلهم ليااار
- ما بقاااالي أحد
- تدمرتَ
- وأنتهيت
- وأيهاب تغير
- وتغير لدرجة المرض لعب بي لعب
- كافي أيهاب الله يرحمها لا تبجي

- خل اموت وراها المن باقي والمن عيشتي

من بعيد اجه علي حضن أيهاب وضل يبجي وياه ويكله..
- ابا حبك ابا

مشة الوقت والحجية اخذوها للمغيسل راحت ريام والبيت لزمناه اني وزهراء، ومروه ماموجودة..

جنة نطبخ كالت زهراء..
- مروة طلكها أيهاب

- ليش

- هوه يجي بليل ينام بغرفتج وهي تنزل تصيح وتبجي وبعد ملت من الوضع لمت غراضها وراحت، تكول لأهلها أيهاب ما اخذني

- انقهرت على أيهاب

- بغيابج ايهاب لا أكل لا نوم ويروح لدوامه ويوكع هناك ولو تشوفين كل يومية يجون جماعته وبيتنه يصير هوسة وكل يوم عزيمة يسووله.

- يستاهل واخيراً شفته مذلول

- بوية شهلگلب القاسي
- مو قاسي ومقهورة عليه بس السواه بيه هم مو قليل لعب بحالي لعب

- بس دفع ثمن السواه بيج

- الله يرحم الحجية البيت صار ضلمة بدونها

- جانت تريدج

صفنت ماحسيت غير ضليت ابجي واشهك..
- الله ياخذني ماجيت شفتها الأشهر الفاتن الله ياخذني

- ليار بغيابج ايهاب تصلح وصار زين بس تدمر نفسياً حتى جسمه تعب من الأبر والعلاج.

- رجعت راح اعتني بي وشنو قاسمه الله يصير

- حتى لو ما تحبيه سوي هلشي لله

- أني احبه وافتقدته بالأيام الفاتت بس زهراء كل ماتذكر السواه بيه اكرهة وتجز نفسي منه

- انتي احتويه متشوفينه تعبان حرام عليج لو عفتيه بهاي الضروف ودرتي وجهج

- لا ما راح اعوفه، راح اوكف وياه لأخر نفس بي

- أي خطية احتويه
كملنة شغلنة وكملنه الفاتحة ٣ أيام وأيهاب مثل البي توحد مايحجي، أني اجيله بعد أشهر ما مهتم وبس عيونه حمر ومورمه ولابس دشداشه سودة وغترة شادها على راسه..

ويحطوله كانونة وعلاج واني يمه واعتني بي وبطني شكد جبيرة محد سئلني او كلي شبيج وريام حالتها متنحجي ومتسولف كلش تعبانة وحقها فقدوا أغلى بشر على كلبهم..

وعيونهم مابطلت بجي دوم يبجون على امهم، بليل دخلت للغرفة بدلت لعلاوي وخليته بكاروكة اجيت انام دخل أيهاب بدل واجه حط راسه بركبتي همس..

- ليار جاي أتأذه

- شبيك

- ليار والله متأذي

- شسويلك

- لج والله تعذبت واخذت عقابي كافي

- اجيت بس اقدملك معروف وتالي اعوفك

- يعني تعوفيني وكت ما اموت

- مو ۿِيج بس اني ماكدر اضل وياك

- بس اني احبج وتعذبت دونج، وفقدت احبابي ماريد افقدج واخسرج
- عذبتني عذاب والله مجاي تحسه اصلاً

- حسيته وردت ادزلج علي تشوفينه بس امي انطتج عمرها وبعد مالحكت

- الله يرحمها انظلم البيت من بعدها

سحب نفس لف ايده على خصري..
- تعبااااان وحك الله ما شايف النوم

- اخذت علاجك

- لعبت روحي من العلاج

- مارحت للصيدله علمود يحطولك الكانونه

- اليوم يولي العلاج تعبت انهد حيلي

- متروح للخارج

- مايفيد
- لو من الله اطيب لو اروح وره امي وارتاح

- اسم الله، الله يخليك لعلاوي

- ويخليج الي لياري

تقرب راد يبوسني درت وجهي..
- أيهاب ماكو حب بينه لا تتأمل
درت وجهي ونمت، حضني لصدره، صار ضهري يضرب بصدره، همس..

- بطنج كبرت
- وابني الثاني جواها

- مو عود مو انتة ابوه

- لياار والله..

- أيهاب شوف، نام خل انام

- حبيبتي
- مشتاقلج
- والحسين تبت
- وعفت الشغلات الموزينه
- ورجعتلج ورجعت لبيتنه
- واذا الله انطاني العمر راح اسفرج واشوفج الماشفتيه واحول حياتج لـ فرح سعادة ماكو حزن ماكو بجي ماكو دموع، دموعج ماشوفهن على خدج

- مانصلح أيهاب، مانصلح

- ليش لياري
- تعلمت اعيش من غيرك وراح اعيش

- ارجعج للجامعة واخليج تسوين الشي العاجبج بس رجعيلي

- أني يمك قابل طايرة

- حضنيني لياري

تقرب يمي ڪُلش باسني بركبتي ضلت ايده تمشي على جسمي، بحركة سريعة دارني صار وجهه بوجهي عصرني من خصري فتحت عيوني باوعتله شفت دموعه على خده حضني قوي همس..

- أمي راحت ليار راحت

لفيت اديه على خصره حضنته همست..
- الله يرحمها

- ليار كسروا كلبي
- حرموني من طفولتي
- ابوي يغتصبني
- هوه وجماعته
- دمرونيِ
- خلوني مَاعرف الرحمة لا اعرفج انتي لياري حبيبتي، أذيتج دمرتج

- أيهاب اني هم دمرتني انتة وخليتني اضربك وما اهتم خليتني اشوف دمك وادور وجهي نسيتني شي اسمه رحمة وعطف.
- ليار خل نبدي من جديد

- أيهاب بنيت حِياتي بدونك وراح اكمل دراستي لوحدي واحقق حلم ابوي وراح اخذ ابني واضمه بأحضاني صبرت واكيد الصبر ما راح يروح خالي بلاش.

ضلت ألالام تجي لبطني بسَہ تحملت وماحجيت مثل ماتحملت من قبل راح أتحمل واصبر والله يجازيني على كد صبري وأملي وأيماني بي..

تمسكت بطرف ثوبي وأيهاب نام وهوه يهمس بكلمة يمة، طفيت التيبلام ونمت، كعدت الصبح سويتله ريوك وانطيته علاج..

مرت الأيام والأشهر واني اجمع فلس على فلس، تواصلت ويه مرتضى اشترالي البيت وانطيت ذهبي لامه وهية انطته اله واشترولي بيت..

جاي أصعد الدرج صرخت كل قوتي واني أشوف مي ينزل عليه بجيت تمسكت بيدة الدرج، ماحسيت غير انفتح الباب دخل أيهاب يركض اجه حضني..

- شبيج حبيبتي
- شبيج بابا

- أيهاااااب بطنييبي

- لتخافين بنيتي أشش انطيني صبر
ركض جابلي عباية خلاها على ࢪاسي واخذني للمستشفه وريام ويانة..
والي عرفته من ريام انو هية وزياد انفصلوا لأن هية صدته بعد وما رادته واختارت تعيش وهي جهالها لوحدها، وزياد خطب بنت خاله..

وصلنة للمستشفه وايهاب حاضني لصدره، ويتنفس سريع دخلت لغرفة الولادة، بَعد ساعات طلوك جبت بنية..

جان مبين شعرها اشكر، دارتها الدكتوره وضربتها وهية صرخت اخذوها رجعت راسي واني اهمس..

- ياربي الحمدلله

صاحت الدكتورة..
- خيطنهااا وودنها، يلاا شنيييي بله ننتظر مثل الأجانب على راسها من طبها طوب

ندارت وطلعت ضليت مصفنة شبيها هلناس يعني هااي ما طالكة ومشايفه الوجع حسبي الله على كل دكتورة ۿِيج تعامل المرضى..

خيطوني وبنتي ضلت بالخدج، ايهاب سماها زهور، ريام ضلت يمي وبعدين حولوني لغرفة وحدي دخل أيهاب متعوب مبين اجه يمي حضني همس بركبتي..

- يبعد عيوني
- أروح فدوة الج
- جبتيلي ثنين طيور يخبلون
- أيهاب اريد اشوف بنتي

- هسة تشوفيها، بس شوي تعبانة وحاطيها بالخدج

ضلت اباوع بعيونه همس..
- شتردين بابا
- جوعانة؟.

- متأذيه ايهاب

- حبيبتي ألالام عادية بعدين تروح

باسني براسي، وجابولي بنتي تخبل عيونها زرك على الحجية وريام تخبل..

مشت أيام وطلعت من المستشفه، جانوا فرحانين بزهور هواية، حتى ايهاب سوة عزيمة علمودها واجوا عمامه وشيوخ..

والعرفته فاروق طلع من السجن، لأن امه قبل لتموت كالت لايهاب يطلع اخوه ويكعده بعيد عنهم وهذا الي صار...

مرت أيام وايام ومهاوي كبرت وصديقة ريام خطبتها لابنها الجبير بس ماقبلت اني، واجه اليوم الي دفعت بي اقساط كليتي مرحلة ثانيه لأن ايهاب نجحني بالمرحلة الاولى..

لميت غراضنه وشلت زهور بحضني ومهى كايدة علي من ايده، طلعنه من البيت جان بوكتها ايهاب رايح يضرب كيمياوي..
اجه بسيارتة نزل باوعلي اجه بسرعة..
- ليااار ويِنہ رااايحة

- أيدك أيهاب، عيش وحدك بعد

- لا ليار لتسوين بيه مثل ماسوت أمي

- الله يرزفك ناس تحبك وتحبهم

مشيت ضل يصيح..
- عفتينييييي
- رااااح اموت
- بقالي أشهر وترتاحين منيييي
- ماكدرتي تنتضرني موتي واني بين اديج
- لياااااااار
- ماتحبييييني
- تعبتتتتت من الفراك تعبت منكم كلكم تخونون تعبتت تعبت

نداريت عليه شفته يباوعلي ودموعه على خده، ايهاب مايبجي شلون ماجان ودومه اله هيبتة وثكيل، بس وقت شفته هسة وهوه يبجي ويتحسر عليه، طاح بلأرض، جني ماشفته درت وجهي ومشيت..

يتبع..