احبيني أن تجرأتِ

بارت 31

#احبيني أن تجرأتِ

#الكاتبة رسل

#البارت الواحد والثلاثون

، ، ، ، ، ، ، ، ، ، ، ، ، ، ، ، ، ، ، ،

تمسكت بزنده..
- تمام احولها ألك بس أشوف علي

- عفيية بنيتي

سحبني حضني شكد تقززت ولعبت روحي منه بس أتحمل لخاطر أبني حتى اشوفه واحضنه، صار الصبح كعدت هوه مو يمي نزلت جوة ريام مسوية ريوك ومهى كاعدة يمهم وصافنة كعدت يمها اكلنة انفتح الباب دخل أيهاب وبيده أبني فتحت عيوني وكمت مشيت مديت اديه كال..

- امشي فوك

ام ايهاب :- وين ماااخذة يمة خلي نشوفه

- بعدين حجية

سحبني من أيدي ليفوك اباوع لأبني نايم والكبوس نازل على عيونة دفعني للغرفة كال..
- أحرمج منة شهر
- شهرررر كامل وازيييد الشهر اخلييه سنة اذا لعبتي بذيلج، فااااااهمة

- تمام أيهاب تمام

- أي فـ دربالج

- اوك

احاجيه وعيوني على أبني مديت اديه اخذه بعده وكال..
- تردينه؟.

هزيت راسي بعدة مرات كال بأبتسامة..
- وابوه مترديه؟

رديت أسايره..
- لا شلون أريده واريدك

عض شفته لزم علي بيد وبيد الثانية عصر زندي..
- أول اني يلا هوة، فااااهمة

- تمام أريدك أيهاب وأريده

- عفية بنيتي

تقرب يمي باسني بخدي كال..
- خلننطيه لريام وشوي أشبع بيج
غمضت عيوني باوعت للسكف أريد ألزم دموعي..
- بس ابوسة حباب

- أي ملحكة عليه خل نشبع هسة

طلع يم الباب واني اعض بشفتي وأحاول مينزلن دموعي واعصر بطرف ثوبي من القهر أحس راح يروح كل صبري الصبرته هلأيام وانفجر ويكتلني ويحرمني من أبني بس صبرت والصبر من رب العالمين دخل للغرفة قفل الباب يمشي بأتجاهي ويفتح بدكم قميصه..

- مشتااااق يحلوض

رفعت عيوني للسكف سحبني من خصري وحضني حط راسه بركبتي..
- أحبج

- أيهاب بعدني نفسه

درت وجهي للصفحة الثانية رفع راسه دار وجهي اله وباسني، دفعني للجربايه لزمت بزنده كلتله برجاء..

- بعدني متأذية والقراءن

لزمني من أيدي السليمة ودارني على بطني حركت رجليه كال..
- لطلعين أخبالي والله ارجعة وماخليه عندج
وكفت عن الحركة، كمل قذارته وكام دارني على ضهري باسني بكصتي همس بثكل والعرك مبين على كصته..
- خلي نسبح

رفعت عيوني للسكف نزلوا دموعي..
- أيهاب جاي اتأذه

غمض عيونه بقلة صبر وكام..
- أخذت روحج؟ تصيحين وتبجين وسااااكت، مو لعبتها لنفسي دكاااافيييج تحوسيييين كاااافي مااااتعلمتيييي راح نقبط سنة وحضرتتتتج ماتردييين

- بيدي؟ تأذيني تأذيني تخلي جسمي يرجف تخليني اتشنج

- صدك تحجين؟ بلعباس عيااارة

أشر براسه للحمام..
- يلاا طبي

كمت سحبت دشداشتي خليتها على جسمي ودخلت للحمام سبحت كباله وهوه يياوعلي طلعت كعدت على القنفة صاح..
- ماتطلعين لحد ما أكمل سباحة

صبرت واتحملت بس احضن ابني واضمه بأحضاني ناار ومشتعلة بكلبي اريده ابوسه واكله اني ااااامك من جبته صارلي اربع أيام ليهسة ما حاضنته الله اكبر..
طلع بدل ملابسه باوعلي راح فتح الباب وأشرلي أطلع أبتسمت واخيراً حشوفه جاي اعبر لزمني من زندي..
- هوب يحلو

باوعتله..
- هاا أيهاب

راح للميز سحب اوراق كال..
- يلا امشي

نزلنة وعلي عند ريام ابتسمتلي كالت..
- عييونه خضر على ابوه من جان صغير عيونه خضر يلصفن

جاي امشي لزمني من أيدي..
- وقعي الورقة أشوف

عكدت حواجبي بتسأول..
- شبيها الورقة؟.

- حتى تحولين الحصة ألي

غمضت عيوني..
- أيهاب ليش ۿِيج تسوي؟.

- توقعين لو أصيح لزياد ياخذ الطفل
بلعت ريكي سحبت الورقة والقلم من أيده وقعتهم وشمرتهم بالأرض مشيت لزمني من شعري ورجعني لصدره همس..
- شيليهم حطيهم بيدي

غمضت عيوني بقلة صبر دنكت وسحبت الورقة الصارت يم رجله والقلم وانطيتهم أله كال لريام..
- انطيها الطفل وعينج عليها

انطتني أبني سحبته ضميته بحضني بسته بخدة وأباوعله واضحك وهوه صافن عليه وحواجبه ممبينات مدري شگر مأدري بس ابداً مينطيني شبه يشبه أيهاب اصلاً احس بعدة ممبينة معانيه..

كعدت على القنفة باوعت لريام..
- ريمة هذا أبني ابني

- أي خية أبنج شوفيه شلون حلو

ام ايهاب :- يمة بس لا يطلع شعرة كصير على امه

ريام :- يمة غير ولد

ام ايهاب :- حگة صدك شو نسيت

ريام :- ليورة حبيبتي أيهاب جايبله ملابس وكلهن بغرفة أمي بقة الكاروك زياد يجيبه
- جا أني مو أمه ماجيبله؟

- بعد تعرفين ابو علي

ضليت ساكتة كالت ريومة..
- الله يخليه الج بجاه الأمام الحسين

بسته براسه كلت..
- اسمه علاوي على أمامي

- يخبل أسمه والله

ضلينة ساكتين نزل أيهاب مبدل وريحة عطره ملت البيت وشعره المرفوع الأشكراني أبتسم وكال..

- ليارة تعاي يمي انطي علي لريام

- لا اخاف يبجي أيهاب

خزرني حطيته بحضن ريام ورحت يمه سحبني من خصري باسني بركبتي كالت ام ايهاب..

- دخذهاا لغرفتك مو ۿنا كاعد تحب وتتحبحب

باوع لأمه ضلت ساكته همس بذاني..
- دربالج على روحج بنيتي
هزيت راسي بـ أي..
- شتردين أجيبلج

- ماريد

باسني بخدي وكال..
- الأسود الي لابسته تذبي اليوم

- غير على أمي لابسته

- شكلت؟.

- تمام أيهاب

باوع لصدري عض شفته..
- هم أجي ومنعيني اله أدفرج

سكتت كلتله..
- ومهى سويت السالفة سكتة

- اذا أختج ماتحجي ولا تكول شسوي

كلتله بصوت ناصي..
- أيهااااب أني ادري فاروق فاروق هوه السوه بيها هلشكل

غمض عيونه كال بحدة..
- اسمه لا تنطقيه اعرف منو واتأكد يلا تحجين
- يعنييي منو غيييره انتة وياه بالبيت بس

- حيوانة أني أحط عيني على طفلة؟ صدر ماعدهااا قندررة اذا تحجين بهذا الموضوع ألزمج حدج

- شبيييك شبيييك غيير داكلك

- رجعي لأبنج وعوفي هلسوالف

- هاي سالفة أختي مو بكيفك تسدهة تمام، حقهااا أخذه من السوه بيها هيج، لتخليني اروح للمركز وأشتكي واخليهم يحولوها للمستشفه يفحصوها

ضحك..
- اتعدي الباب وأبنج احرمه منج سنوات اعييشج برعب مو أوديج للبيوت المسكونة لا اوديج للمكبرة وشوفي شلون اسودنج

دفعني وطلع رحت أخذت ابني حضنته وريام صاحت ..

- يمة خل نعزم عمامي ونسوي مولد بمناسبة ولادة ابن ابو علي

- عزمي يمة بس خاف أيهاب مايرضة

- يرضة يمة ليار تقنعه
ليار :- يااا ريومة واذا شافو أيدي مكسورة شكللهم

- طحتي نكللهم قابل مانكول كسرها ايهاب

لليل علاوي بحضني ينام ويكعد كعد يبجي ريام كعدت كبالي..

- خية أبنج مايريد الممة

- هااا أشربه بقصبه؟.

صاحت الحجية..
- يااااا ريام أخذي منهااا لاا تكتله

مدت ريام تاخذه واني فزيت كل قوتي وحضنته لصدري..
- ـلااَ ريييييام أبني هذاا

ضلت صافنة بوجهي..
- تمام يروحي ماناخذه لتخافين

كعدت شاورت أمها ضليت حاضنة أبني لصدري بأيدي السليمة هية باوعتلي اجت..
- ليورة طلعي صدرج ورضعي

بلعت ريكي..
- خاف أيهاب يدري
ابتسمت حجت وهيه تسحب علي من بين أيدي بخفة..
- حبيبتي عادي واذا درة؟، غير أمه وترضعيه؟

- خوش

هية اجت يمي سحبت شالها كالت..
- طلعي صدرج ورضعي الطفل وحطي الشال لا يدخل أيهاب ويشوفج

ابتسمت..
- خوش

درت وجهي كملت حطيت الشال على صدري الطالع اجت يمي حطت علي بحضني وساعدتني ضليت أرضعه وهوه يدغدغ بيه ويعض بس ميأذي لأن ماعنده أسنان، ضليت أباوع لشعره الأشكر هوه صاح وطكها بجية ضليت مصفنة اجت ريام سحبته مني وتسكت بي..

- يمة ريام خلي يمج على ماتتعود ليورة

- ـلااا عمة حبابة خليه يمي اخاف يأخذوه مني

- أسم الله الرحمن منهو ياخذه

- أيهاااب عمة أيهاااب خلوه بحضني حبابين هوه أبني طلعته من بطني
ريام ضلت مصفنة بوجهي..
- خايبة لياااار شنو شبيج شهالتصرفات حبيبتي عدلي أسلوبج ندري طلعتيه من بطنج بس احجي عدل ليسمعج يضحك عليج تمام.

- ريااام ماااريد انطيني أبنييي تقبلين يأخذون جهالج منج

- وعيونج ما ماخذته بس اسكته متشوفين خنكتيه فرفحت روحه

ضلت تسكت بي واني اكل بأضافري، حطته  بحضني شلته بأيدي وفلتت فوك حطيته على الجرباية كعدت أباوعله..

- علاوي حباب من هسة حبني أكثر من أيهاب، لتحبه وتصير مثله حبني وصير مثلي وأحميني

جريت الكبوس من راسه شعره أشكر خفيف بسته بخدة ضل يبجي صفنت عَليۿ..

- جا شبيك تبجي هم حضي وياك ماكعد

ضليت أباوعله كلت بهمس..
- شلون أخلي أيهاب يرحمني شلون أخليه ميبعدك عني

طبت زهراء..
- لياار تعاي أختج حتموت بجي
- شبيهاا

- ماادري من وحدها تصيح

شلت علي ونزلت حطيته عند ريام ومهى كاعدة وتبجي جريتها لحضني..
- شبيج مهاوييي حبيبتي

أشرتلي تريد أيهاب..
- عوفي خل يولي كليلي شبيج

أشرت على بطنها..
- توجعج بطنج؟

هزت راسها باوعتلها سدت عيونها وتمددت بحضني نزلوا دموعي واني أعصر بزندهاا قهر قهر تشوفيييين المأذيها كبال عييينج ومتسوين شي..

سكتتها هدت نامت باوعت لعلي ريام تبوس بي كالت الحجية..
- هسة وجهه يحبب

- يمة شلقضية

- عوفي الجاهل وكومي سويلي شوية شوربة جعت
- انشاءلله يمة

اجه احمد وريام ضلو يلاعبون علي وهوه يم الحجية كومت مهى من زندها واخذتها فوك نومتها ع الجربايه غطيتها ونزلت..

رحت لريام بالمطبخ جرتني من أيدي..
- عزه ليااار

- شبييج

- لج أبوج مشتكي على أيهاب

- حيييل بعد أيدي

- خية ـلاا بشرفج

- والله حيييل وابو زايد

طلعت اخذت أبني وكعدت على القنفة كالت الحجية..
- اكلج ايدج ما تشتمين خيسة بيهة

- لييش

- غير مجصصة

- ـلا مابيها ريحة أيهاب

ضل صافنة افتهمت..
- هههههههههههههههه يمة فلك طرج هم صدك حكة ضايجة منه وهيج تحجين عليه
- أي وكارهتة ابو العفن

- يمة لو يسمعني هيج اسندج بكلامج

- يغتصبج عمة

- ياااا مصيبة فلك أسود عيب يمة أني أمه

- واذا أمة هوه هذيج المرة من تمرضتي راد يغتصب المرض

ضلت تضحك كالت..
- يمة شكد أحبنج

- هم أني احبج عمة

- ولطمة تلطمج كولي يمة

- خوش يمة

اجت زهراء الحجية فزت..
- لا بارك الله بوجهج ام الفالت

- عمة ميصير ۿِيج شبيج علية

- صيري حبابة مثل خيارة واحبج

ضليت مصفنة..
- منو خيارة
- جا انتي شنهو أسمج

ابتسمت..
- ليار عمة ليار، ايهاب يصيحلي ليارة انتي خيارة مدري شنو

- جا وشفايتلج اصيحلج خيارة، شمحلاتها خضره طويلة

زهراء ماتت ضحك كعدت كالت..
- يمة عززززه شطح البال

ضليت ساكتة..

ام ايهاب :- وانتي جنج بتيتة خايسة مخيسة

زهراء :- ياااااا عمة صدك جذب والله كرهتوني بروحي

- علساس نريدج تحبيها

هيه ضاجت وصعدت فوك وريام جابت الشوربه للحجية، أنفتح الباب دخل أيهاب باوعلي ..

- ليارة

فركت عيني خليت علي يم الحجية كمت يمه باسني بخدي ابتسم بعيوني وماحس غير انركع بلأرض وقفلن عيونه ضلييت جامدة واباوعله صاحت ريام..
- يمة أخويييييي شبييي

ركضو عليه اني انسحبت من بينهم شلت أبني بأيدي كعدت على القنفة هوه طاح ووجهة أصفر شفايفه يابسات وشعره نزل على وجه طب زياد شالوه حطوه على القنفة وعيوني تباوعله رشوا مي على وجهه كعد لزم راسه،

- خوية شبيك طحت فجأة

هوه كبل فز كعد ..
- لياااار وين

- هاي خوية هاي

باوعلي أبتسملي أشر بأيده أروحله نزلت ࢪاسي وغلست كالت ريام..

- كومي ليورة يريدج

- أبني بحضني

عض شفته باوع لأعلي كال لريام..
- صيحي زياد ياخذه

حضنت علي لصدري هوه كام على حيله ولا جنة توه طاح السلبوحي، تقرب يمي وعت علي مني كمت وكفت..

- أنطينييي أبني
- تهمليييني علمودة؟.

- ماهملتك انطيني أبنييي

- أموتج والله، امشي فوك

- أوك بس أنطيني أبني فدوة

انطاه ألي بسته بخده وصعدت فوك جسمي يرجف الحقير يخوفني بي، فتحت كماطة على كيف طلعن أديناته صغيرونات يخبلن بستهم اجت ريام هية بدلتله وعلمتني، نزلت دخل أيهاب بدل ملابسه فتح الشباك وكعد على القنفة يدخن حط راسه بين أديه وضل يجر نفس بقوة، مديت جسمي حضنت علي واني أباوع لوجهة، طفة الكلوبات واجه يمي صار بس ضوى القمر والهوى يدخل الغرفة،

صار فوكي حط رجله بين رجليه تحركت كال بهمس..
- أشش لياااري

سكتت درت وجهي للصفحة الثانية، حط أيده على صدري وحط راسه بركبتي وأنفاسه حارة رجفت كال..
- ليش دوم بالقوة؟
- ليش لياري ليش
- خلينة بهدوء
ضليت سأكتة همس..
- السكوت علامة الرضى
- راح أسوي ليارة

خليت أيدي على بطنه أبعده كال وهوه يسحب أيدي السليمة وينزلها جوه بطنة..
- متشوفين أبنج بعد!.

- ـلا أيهااب لتبعده عني

دخل رجله أقوى كال..
- برضاتج؟

هزيت راسي سحبني من خصري صار بمكاني كعدني على بطنة باوعت لوجهة نزلو دموعي..
- ليش تسوي هيج

عض شفته نزلت راسي لوجهة بسته على كيف وخرت كال بهمس..
- مو ۿِيج سوي مثلي

جرني حيل وباسني ويعض دفعته كال..
- رجلج أني ليش عبالك غريييب

خليت أيدي على عيوني أفركهم وأبجي، كعد وعيونه بعيوني صرت كاعدة على أفخاذة باسني بركبتي وهمس..
- نامي
شالني خلاني بمكاني سحب الغطة غطانة أني وعلي بأسني براسي وباس علي وراح كعد على القنفة ضليت أباوعله، واني أباوعله عيوني قفلن بديت أنام، فتحت عيوني نص الليل شفته يدخن ويمسح بدموعة أنصدمت صدمة عمري ضليت أباوع لحركاتة يرفع شعره هيج محتار ودموعة يمسحهم ..

سويت روحي نايمة كال..
- يا ربي محتار، شسوي
- الدنيا ألتمت علية.

ضليت أباوعلة كام على حيلة نزل جوه، كمت وخرت علي من أيدي شفته من الشباك منتجي على السيارة وحاط أديه بجيوبة وصدره مرفوع زياد واكف يمة ويحجون..

رفع عيونة للشباك باوعلي، كبل رجعت لفلفت روحي وسويت روحي نايمة دخل كال..

- كعدي ليار

رمشت بعيوني..
- كعدي بابا كعدي

كعدت باوعتله اجه يمي كال..
- أني تعبان

- وشسوي؟.
- أحس أذيتج هواي

- زين منك وحسيت

- ليار، والله ماجنت هيج أني

- شسويلك مثلاً

- لج الحقد دمرني خلاني أصير شخص غيييير.

- راح تتعاقب ولا تنتضر أسامحك

- ماكايلج سامحيني بس تعبت
- لياار أحبج
- حتى هديل ماحبيتها بكدج

- تحبني تضربني؟، تحبني تأذيني، تحبني تحبلني حتى تهددني بطفلي؟، مو ۿِيج الحب أيهاب، الحب تحترم التحبه ومتأذيه

- أكلك اخوك اغتصب اختي تكلي سكتي، تدري زين فاروق سوة ۿِيج بس جاي تستر على الموضوع.

- لياااااار

- شذنبها طفلة واغتصبها

خزرني وكام سد حلكي..
- ليااار أكتلج
وخر أيده عن حلكي..
- كتلج اعرف الصدك يلا تحجين

اتجاهلته درت وجهي حضني لصدره وباس راسي..
- حبيبة گلبي لياري

مد روحة وسحب علي خلاه بمكانة وحاوط الطرف بمخدات وهوه نام بلنص همست..
- أيهاب علي ليوكع

- مايطيح حضنيني

حضني كلتله..
- خلي أصير بنصكم

صااح..
- لياااااااااار

- شكوو شبيك تصييح

- أنخمدي متنامين يم علي

سكتت هوه نام بنص الليل علي بجة كمت على كيف اخذته كعدت على القنفة دارضعه أيهاب فز كعد..
- لياااار ويييينج
باوعتله ابتسملي نزل عيونة لأعلي أختفت ابتسامته اجه شال علي حطاه على الجرباية غطة صدره وصاح..
- شنيييييييييي شنيييييييي ترضعيييينة؟

- شبيك جوعاااان

- ماااااكو أنجبي، مو جبتله حلييب

- ميحبه ماعرف ليش بس يرضع

- ماااااكو لياااار تنجبين ماترضعية

- تخبللللت أنتة؟ دشوفه يبجيييي

- خلية يبجي

- حرااام عليك أيهاب شبيك

شاله وطلع ضليت مصفنة قفل الباب من بره عضيت أيدي نزلو دموعي يالله شسوي حموتتتت.. 

أنفتح الباب دخل..
- وين خذيييته أيهاب

- يم ريام تشربه ممة أحسن
جريت نفس همست..
- مريض أنتة أيهاب

مسح على شواربه..
- أي مريض بحبج

ضليت اتحرمص سحبني من معصم أيدي نام نومني على أيده همس..
- باجر حيصير مولد وراح يجون من الناصرية علمود يباركولي

- واني أطلع مو صحيح؟.

- أي غير ام أبني

- ليلى هم تجي؟.

- انعل أبوها ماتجي

- ليش متحبها

- الحب من الله واني ماحبهاا

ضليت صافنة ميعرف بسوالفها الخايسة الله ياخذ حقي سكتت مثل المخبلة ضليت كاعدة للصبح واني بحضنه وريحته ملتني وكلساع ومد أيده لجسمي، كعد هوه باوعلي سكت راح للحمام غسل رجع شمر الخاولي علية..
- مانايمة؟.

- ـلاا منايمة

- ليلج كلة بحضني ألمن كاعدة؟.

- أبني مو يمي شلون أنام

- ايبااااااااااااا هوه البارحة يلا شفتيه أنتي

- واذا أبني لو مو أبني؟

- نامي

- أريد أبني

- ليااااار طكت براسي اليوم كلة ماتشوفيه نامي عيونج ورمن

- جيبه يمي أحضنه وأنام

- ولج مو جنتي ناييييمة بحضنييييي بعد شكووو اله تحضنيه

- حباااب أيهاااااب ليش متحس؟.

- أي ماحس غمضي عيونج نامي

- ما أريد انام
- العصر مولد انخمدي وكعدي شوفيه

مديت جسمي غمضت عيوني بدل وشسور وحط لروحة عطر طلع وقفل الباب من بره الله ياخذك أيهاب الحقيييير كرررهت روحييي اني زوجتة لو سجينتة؟.

العصر فتح الباب دخل بيده علاليك درت وجهي عنه..
- أيهاب أريد أبني

تقرب يمي وخر شعري عن وجهي همس..
- ماتردين أكل، تفكرييين بعلي وبس

- حباب والله أبني كلبي راح يطك

حضني لصدره همس..
- مانمتي؟

- ميجيلي نوم والله العظيم

- فتحي العلاليك لبسي وعدلي ونزلي أكليلج لكمة

- وأبني؟

- أبنج عند الحجية

- خل اشوفه
- تشوفيه بابا تشوفيه بس بدلي يلا

فتحت العلاليك جايبلي فساتين ثنين طوال مرتبات وتراكسود وحفايات كال..

- يلا لبسي الحفايات لتمشين حافية
- وحجابج مضبوط أريده مو يتسرسح

- تمام أيهاب

اخذت الفستان ردت اروح للحمام سحبني من زندي..
- ۿنا بدلي

كعد على القنفة سحب جكارة وشغلها بجكارته الذهبيه مد أيده على راس القنفة والأيد الثانية لازم بيها الجكاره جريت نفس كلتله..

- خل أصيح لريومة تنزعني

- واني ۿنا شنو؟

- مو جاي تدخن

- وبعدين جم اكلج محد يشوف جسمج غيري

- أي متشوف أيدي مجصصة شلون بله؟
- تعاي يمي..

تقربت يمةحط الجكاره بحلكة ورفع أيدي ونزعني الدشداشه شفت الجكارة بعدها بحلكة ماختنك، كلتله..
- جا شبيك ماتختنك

حطها بيده وطلع الدخان بوجهي ضليت أكح دك تلفونة جاوب..
- ها زياد؟.
- خلهم بالديوانية يدخلون
- نازل ابن النعل
- هههههههههههههه ك* عرضك

سداه سحب الفستان لبسني أياه وهوه عينه بعيوني، باسني بكصتي..
- يلا أجوو كملي ونزلي

- خوش

طلع لبست حجابي ولا حطيت عطر ولا مكياج نزلت أدور بعيوني على علي شفت نسوان كلهن لابسات عبي تقربت يم الحجية..
- يمة وين علي

- عيب يمة سلمي، هاااي مرت أبو علي

باوعولي وحده ورة الثانية بوستني ومبتسمات، اجت ريام شايله علي مشيت اخذته منها وحضنته ضلو يباوعولي كعدت يم الحجية، اجت الملاية صار المولد واني حاطة مهى يمي وعلي بحضني ودموعي على خدي ماحترم وفاة امي كبل سوة مولد..

ريام شاورتني..
- تعاي بالمطبخ

كمت ومهى مجلبة بأيدي رحنة للمطبخ كالت..
- فاروق يريد علي عمامي يردون يشوفونة

- حبابة خل يرجعونة

- أي يرجعونة حبي بس عيب سكتي يلا خل نرجع

رجعتني ومهى وراي كعدت يم الحجية اباوعلهن كلهن عيونهن علية طبت حجية جانت يم الزلم همست ام ايهاب بأذني..
- هاي جدة أيهاب ام ابوه

صفنت مراة كلش جببرة اجت كعدت رحت بستها ابتسمت بوجهي..
- ۿيَ انتي ام علي
- أي اني

- الله يحفضج بعدج صغيرونة على هويب

- هويب منو؟

- رجلج يمة

سكتت كالت بصوت عالي..
- صلاوات جنج العافية كايمة على حيلج جا نفس نسوانة عشر أيام مايحركن الورة

اشرتلي ريام اروحلها كمت ومهى وراي كلتلي..
- خية لسة ماجابوا علي

- ويين أبني

- اخذ فاروق ابو علي كله

مسحت وجهي بثنين أديه وركضت للباب دكيته فتحلي زياد..
- زياااد وين أبني

سحب نفس..
- اخذه ابو علي
- ويين أخذة

- مادري خوية طبي

نزلو دموعي سد الباب تخبلت ضليت صافنة ودموعي على خدي رحت للحجية ..
- يمة اتصلي على أيهاب يرجعه الي

- شقضيتك خياارة هسة يرجعة

- يمة أدريييي بيي يريد يحرك كلبي مايرجعة حبابة يمة حبابة

جابت التلفون دكت خلته على ذاني أجاني صوته..
- أيهاب وييينك

- ها بابا؟

- وين أخذت أبني

- شوي وأجي

- لتأذيني ۿِيج حبااااب

- كتللللك شوي وأجي يمي ناااااس

سواني زلمة، عصرتني البجية ضليت انشغ وأبجي كبل ريام جرتني..
- امشي فووك
- عوفييييييني رياااااام

كالت وحدة مبينة بنهاية الثلاثين..
- يااااااا والله وماتت المستحة

ضلت تسحب بية ريام واني ابجي وانشغ واصيح كبل الحجية صاحت ..
- عييييب يمة اخذنهااا ليفوووك

- يمة فدوة بعد ميجيبة الي ليش مصدكوني

كامن نسوان ثنين سحبني وفوك صعدوني واني أصرخ وابجي دفعوني بالغرفة وقفلو الباب علية ضليت ادك على أفخاذي واشهك..

- يا ماتخااااااافون الله حوبتي ماتتعداكم ولكممممممم تحرمونييييي من أبنييييييي
أيهاااااااااااب رجعلييييي أبني والله ممسوية شيييييي أعتذررر اذا سويت شييييي حباب رجعه

يتبع..