احبيني أن تجرأتِ

بارت 23

#احبيني أن تجرأتِ

#الكاتبة رسل

#البارت الثالث والعشرين

، ، ، ، ، ، ، ، ، ، ، ، ، ، ، ، ، ، ، ،

أنصدمت ضل كلبي يروح شمال وجنوب..
صارت بية رجفة همس..

- ليارة نسيني السالفة ولج طلعيهة من بالي اااااااخ ياربي.

رجع كال بقهر...
- مهموم ﭑني، تعبان، عبالهم ماتعب عبالهم مانقهر لييش اني مو أنسان؟.
لييش خانتني مو حبيته!.
ليارة احجييلي ولج خففي حملي احس الموت واكف عني شعراية.

تذكرت من حركني بفخذي وكلت جا اني مو أنسان، انقهرت عليه رفعت ايدي اريد احطهه على ضهره واحضنه بس رجعت أديه من تذكرت عذابه ألي، هوه تسرع وحضني وحط راسه بركبتي ..

- ليارة بنيتي!.

بلعت ريكي كال ..
- دمرولي گلبي خِلوني ماعُرف الرحمة.

تذكرته من قتل الولد..
- والله ليارة مو مثل متعرفين انتي
ماقتل بس جبروني، عبالج ماكاره روحي؟
ولج كاره روحي وماحبهاا بس شي بداخلي يخليني اوجعج.

جريت نفس رفع راسة باسني بكصتي ..
- يروحولج فدوة بنِيتي أنتي، عسة أيدي تنكسر.

رفع جسمة عني نزع سترته وحضني نامُ..
احس من يحضني اضييع ليكلك بحفرة طايحة ضخم واضيع بين اديه اچتافه عاليات وضخام..

تحركت كَال..
- اريدج تحبيني، بس ماراح تشوفين الحب بينة وـلا راح ترجع حياتي طبيعية اتدمرت ﭑني اتدمرت مابقولي گلب يعرف الرحمة وحك الكعبة.

باوعتله حجيت ..
- ـلاا تحجي ۿِيج ليش تخلص عمرك بالقهر؟ هية خانتك الله يحاسبها وراحت لدار حقها ميصير علميت غير الرحمة، عيش حياتك وانسه الماضي لا تدمرني علمود ماضييي شي راح وانتهى.
حمحم وكال بخشونة..
- هاي شكعدچ؟.

سكتت رجع كال..
- هية ميته بس الطرف الثاني عايش ويشم الهوى ماااكدر اعوفة ينفذ بعملته والله ليارة والله

- زيين اني شذنبي؟.

- ذنبج الوحيد بنتهُ.

- خلصني من العذاب تعبت.

- موتي وترتاحين.

- اگتل روحي؟.

- كتليهة.

- حرام والله اخاف من الله.

- سلاحي بالكنتور وگت ضوجتج حرگان كلبج سحبي الزناد براسج وتخلصين ماطولين دقيقة.

-أعصي ربي واگتل روحي وأخسر دنيتي وأخرتي على شنو علمودك؟.
- چا ابقي وتحملي.

- وشلون اكدر؟.

- تكدرين.

- ماكدر اني تعبت.

- لتعبين صيري قوية

- أذيتني وأذيِتك طيحتني على وجهي

باسني بخدي همس..
- نامي كلبي

- وخر اختنكت

- ياريت موتي

- اگتلني هلكد تحب موتي؟.

- أي احبة اتعذب يوم يومين وانسة

غمضت عيوني كال ..
- قبل لتنامين نزعيني بنطروني مابية حيل
مد روحة شغل التييلام أشرلي انزعة ..
- أديك موجودات ممكطعات!.

- مابييية يلاا

كعدت باوعت لبنطرونة استغفرلله شكد حقير وميستحي سوالفة القذرة تقربت افتح الحزام كال..

- شبيج ترچفين؟، شني وحش

- أي شهلتصرفاااات

- شنو شبيج

- متشوف شلون

باوعت لبنطرونة دنكت راسي استحيت همس ..
- ديلا فتحي ألحزام قابل ماشايفتني.

فتحت الحزام وهوه حاط اديه على عيونة باوعت لشفايفة حمر وخشمه احمر من البرد لأن چان برة، اجيت اسحب البنطرون عض شفته كال..

- وخري

- شبيكَ؟.

كام باوع بعيوني قرب راسه درت وجهي دفعني وراح للحمام تمددت طلع سابح لبس بجامة رصاصية وفانيلة داخلية اجه نام على الجربايه باوعلي ونزع فانيلته..
- المن لبسته والمن نزعته

- وانتي شدخلج؟.

باوعتله عوجت حلكي ..
- ننننن فوكاتها.

- ولا تكعد هويام فوكاتها شمسويتلي؟.

- عااد هويام تلحكني.

ضحك ..
- الله متلحكج انتي وين وهية ويين، فرق بين السمة والأرض.

- هسة شتريد

- كـ*

- أييييع شهلسوالف

- چااا انخمدي

درت وجهي سحبني حضني كال بهمس..
- كلشي احجيه ۿِيج لتاخذيه بجدية بنيتيَ، ما ﭑريد نومة ولا شي، ﭑلمُهم ترتاحين
باوعتله..
- لتغتصبني بعد

- دللي

- متتقريلي غصب؟

- لتعصبني من أجي اريدج تفاعلي مو تدفعين ترة تحز بنفسي هم أني رجال وأريد من اروح للملاهي تكليلي قذر متخاف الله لعد وين اروح احطه

استحيت ضليت ارمش بعيوني
سكتت احاول ميخليه يضربني بعد..

باسني بركبتي رجفت ابتعد كال..
- تحبين بعدي عنج؟.

هزيتلها راسي بـ أي..
عض شفته الجوه كال بضحكة..
- راح أبعد عنج، لأ اتقرب ولا شي

- وتروح للملاهي

- ك* أخت الملاهي، منو كلج اروحلهن؟.

- معقولة تضل بدون بوس

سحبني من ركبتي باس خدودي..
- ونزل أيديه يدغدغ بطني، ضليت صنم باوعلي ضحك..

- خرب عشيرتچ، دضحكييييي

- ما أرييد

- تردين

باسني بخدودي ..
- أريد هذني الكيكات

- ما أريد

- شبيج حبيبتي

- مابيه

تقربلي عضني بخدي..
- هذاا أليييييييي

- ما ماا

حاول يقلدني..
- ما ما ألي

- عاااد لاا تقلد
- خوش

باسني بخدي حضني ونام..

عدت أيام وأشهر وخلصت السنة الدراسية وكلبي يحوم وأيهاب ـلا يتقربلي وـلا يمسني ايده متطخ جسمي أشهر ومرتاحة گلش، كاضيها كلة سفرات شغل وحتى مرات ميبات بلبيت ودوم يشدد بالحراسة وميخلينة نطلع وحتى ريام شگت بوضع أخوها..

كعدت الصبح مموجود حضرته رحت غسلت ونزلت شفت زهراء تبجي وام عدي تصبر بيهة وفاروق گاعد كبال امه وريام حاطه ايدها على راسها رحت يمهم ..

- صباحُ الخير.

ام ايهاب :- صباح النور يمة

كعدت يمها كال فاروق..
- حجية والله ماعوفها

- صغيييرة يمة شجابك على الفرخة.

- دخلت كلبي شسوي؟.

باوعت لـَ زهراء تدك وتلطم..
- الله ياخذذذني ولا چنت مصورتك تطلع هلكد خاااااين.

فاروق :- خالة دخليها جوة لااا تطلع خبالاتي عليهة.
ام ايهاب :- حگهااا يمة حگهااا ماكو مراة تقبل رجلها يتزوج عليها.

ليار :- أنَي اقبل

ريام :- ولچ اسكتيييي

ام ايهاب :- اسكتي انتيي جايتلي من زمن السلاطين.

ليار :- والله عمة خليتزوج شعليه بي.

زهراء :- فارووووق والله اخذ ابنيييي

فاروق :- طبج ستين مرض ، يمة تخطبيهة لو اتصرف من يمي

ام ايهاب :- ولك يمة طفلة شتاخذ منه

فاروق :- شوفي حجية لاا دورت جسم ولا جمال اريدهة

ام ايهاب :- جنبيتك ماااادورت جماااااااال بس عيونهااا زرك

فاروق :- - وااااذا زرك تتحول عبدة هم اخذها

- روح روح هسة لشغلك يجي ابو علي ونشوف

تقربت يم ريام ..
- ريام منو يريد يخطب

- نايمة ورجليج بالسمة ،اختتتج اختتتج مهى
- اااااه فلك شياااااخذ

باوعتله هديت بي ..
- ماااتاخذهة موووو شفت محد ورانة كمتو تتسلون بينة

فاروق :- خوية والعباس ابو فاضل رايده شتسله بطفله؟

زهراء :- بنفسسسك كلتهه طفله شحبيت بيهة

كام جر نفس صاح ..
- كللللشيييي حبييييت ضحكته عيونهه شعرها كلشي حبيت ارتاحييييتو يمة تخطبيهه لو لاا

ام ايهاب :- يجي ابو علي يلا نتصرف

كام جر سويج السيارة من الأرض وكال ..
- يصير خير اودعناكم

طلع وزهراء تنحب وتدك وتخزر بيه ، ضليت اباوعلها واني افگر ياالله شسوي!
وكعن دموعي شكد حقراء وديستغلونة ..
باوعت للحجية أشرتلي اروحلها رحت يمها كالت ..

- خايبة عليمن هلدموع ، شعبالج ابو علي يقبل

- ولييش مايقبل؟
- طفلة شيقبل

- واني خذاني وهوه اكبر مني بشكد؟

- انتي دخلتي جامعة وشحلاتج بس شعرج يمة گصير

باوعتلهة احنا بيا حال وركضت على شعري كمت من يمها رحت للمطبخ اجت وراي زهراء باوعت للسچينة جرتها اجت يمي ..

زهراء :- والله اگتلج بيهة

ليار :- شبيج تسودنتي

زهراء :- رچلي حب اختج شلكة بيهة غيييير بسببج

ليار :- وانييي شعلية قابل كلتله حبهة

زهراء :- بنااااات أمير مو غرييييبة عليجن

ليار :- وخريييي من وجهي احسلج

- ان ماخليتها ماتندل طريقها بس خل تجي

تقربت يمهة عصرت ايدها الي لازمة بيهة السجنية ..
- شوفي لج اني سكتتلج عن نفسي بس اذا مسيتي اختي بالموزين والله ثم والله ماضمنلج تصرفاتي ويمكن أكتلج بيدي

طب ريام سحبت زهراء صاحت ..
- زهراء روحي لأبنج كافي
هية شمرت السجين وطلعت باوعت لريام كالت وهيه تغمني ..
- من امدة حضج وحض اختج

راحت تكصكص ثوم كتلهة ..
- ابوي يسويهة معقول ريومة؟

- خية والعباس ابوج بس عمج قاسم طمطم السالفة ومانفضحتو والفضيحة صارت النة ونزل راسنة

ضليت صافنة كالت ..
- خية ماكلة لحم مطاية ومصفنة

كمت من يمها كالت ..
- دتعاي تريكي

- شتريك هوه ضل نفس.

طلعت باوعت لـ زهراء تبجي النعالة قهرتني وابنها بحضنها يبجي رحت يمها..
- اخذ حسن عنج؟.

مسحت دموعها..
- أخذيِه

اخذته رحت كعدت يم الحجية كالت..
- هم تردين تحبلين!.
- ـلاا يمة.

- وغمة

- ـلا حچية ان شاء لله اتطلك وارتاحِ.

- ـلاا خايبة چا منهو اسولف وياهُ؟.

- اچيج والله.

- وانتي تفرفرين بالشوارعِ.

- أريد أصِير محامية ما أفرفر بس أجي اشوفج غير.

- هلا بيچ.

ضحكت كالت..
- شبيج ﭑنتِي وابو علي؟.

- فار وبزون، بس نتشاوف نتضارب.

- نوب يتضاربون گولي هوه يگفخني.

- شحدهِ أكسر ايده.

- چا ماكسرتيههِ هههههههههههه
كمت صعدت فوك وحسوني بحضني صفنت على الأرض مَاعرُف شسوي!.

صبو الغدة محد اتغده بس الجهال اجو من المدرسة، وحسن بحضني ـلا يبجي وـلا شي..

للضهر كمت غسلت المواعين وريام تلف گبة وشادة راسها مطنكرة متحاجيني، والحجية طفت كلوبات الهول ونامت ام عدي راحت لبيتهة، نفتح الباب دخل أيهاب باوعلي حط سويجة على الميز كال..

- راسي مسطور سطر أخذي أبن فاروق ووديه لأمه.

- خطية أمه تعبانة

- شبيهه الطركاعة.

- اخوك يريد يتزوج.

- أي الله حلل للحمير لو للزلم؟.

- المصيييبة يريد أختي.

طكها ضحكة نزع سترته كال..
- دريت بي النغل.
- أي وشنسوي

- خل ياخذهة ويطلع برة مارييد اشوفها هم أنتي وهيية ـلاا هاي هية تگمل السبحة

- وشبينة؟.

- كل الخيِر، الجن الفخر بنات أمير

- أكول كافي وشبي أمير

كال وهوه يكعد على القنفة..
- ااااااافا هذا الجبل، هذا المعصوم، من يشرب المايي يسويلهُ فحص يلا يشربه عباله عركَ.

- كل معلوماتك غلط وابوي ممسوي شي، ساامع ممسوي شي

- أي صحيح بنيتي ممسوي شي بس منـ*

- عييييييب شبيك انتة؟.

- وجعة ابوي بت الگحـ* 

- عيييييب

- بـكـ* أمج.

- صدك تحجي؟.
- ـلاا جاي أكركر

- أي عييييب

صاح بصوت كمزني خلة حسن يبجي..
- صووووووتج حييييوانة!.

باوعتله كال..
- ودي الفرخ لأمه، لو طكتج المحنة بت أمير

- حنينة من كاعي

- كاعج حار بارد

ضل يقهقه ويدخن حِيل ويباوعلي ..
يسحب من الجكارة ويطلع بالدخان ويباوعلي بنضراتهُ، همس..

- لچ ودي الفرخ
- مو هذاك شعلتييه

تلبكت من نضراته كمت دامشي كال..
- القمارة دبل اكسن

بلعت ريگي وطلعت رحت لغرفة زهراء لكيتها تبجي كعدت على طرف الچربايه..

- جايه تتشمتين؟.
كتلها..
- ـلا، خاب وأذا تزوج؟.

- أحبه.

- حبج برص خيولي

دارتلي..
سحبت حسن وأشرت براسها على الباب..
- طلعِي چلبة

جريت روحي جر اميل بجسمي كلت بدلع..
- أي خل اروح زوجي منتظرني.

- أي أي روحي تحبين كفخاته

طلعت وعفتها الحقيرة، دخلت للغرفة شفته نايم على راس القنفة وبعدة بملابسه تقربت ندسته بصدره، كال وهوه مغمض..

- ها بابا؟.

- گوم بدل

- صايرة تهتمين

- ـلا بس ريحة بيك

- اشتميتيني؟.
- أي

- أها بس مشتميتيني عدل!.

افتريت اريَد امشي سحبني من معصم أيدي وجرني أله شالني من خصري وگعدني على افخاذه، همس وهوه يحط راسه بركبتي..

- قربتج أكثر أشتمي براحتج.

درت وجهي ردت أكرم دفعني على القنفة ونام فوكي غمضت عيوني حط رگبته بوجهي والعطر دخل بريتي وريحة الجكاير باوعت لركبته سمره وتفاحة أدم تصعد وتنزل همس..
- اشتميتي ريحة؟.

حطيت أديه على صدره..
- ـلاا ييلا وخر

ابتعد وكال..
- ولي يلا

كمت واني اهز أيدي..
- على يوم أكسرها ألج

- خوش

- والله أكوم
- أي خوش

- ـلاا تراددين

سكت حطيت راسي ردت انام صاح..
- بوييية مكسور ضهري

باوعتله غلست، صاح..
- كومي نزعيني

- والله حلوة هاي معندك أدين؟.

- من أكول كلمة تسويهة وانتي ساكتة لا تضلييين تراددين بت الزمال.

- هاي شبيك كلة غلط؟.

أشرلي أكوم
كمت واني أفأف تقربت درت وجهي حطيت اديه على دكم قميصه دانزعه..
فتحت الدكم طلع صدرة المعضل گبالي والوشم غمضت عيوني كال بقهقه..

- شنو مشايفة صدري؟.

نزلت اديه على بنطرونه فتحت الحزام واني مستحية خايفة مرتبكة..
ثبت أديه..
- باوعيلي
- فتحي عيونج

فتحت عيوني باوعتله كال وهوه يباوع لـ *..
- شوفي أديج وين!.

ضليت أرمش بعيوني شفت أديه سحبتهم بسرعة ورحت تمددت غطيت روحي حتى راسي وأني ارچف..

- بت الچلب كمزت ديـ*

اسمعه وهوه يكفر هوه زين وصابر مجاي يغتصبني الحمدلله اجه يمي تمدد ونام..
ضليت على حركتي ماتحركت باوعت لتلفونه كمت اخذته فتحته دخلت لجهات الأتصال شفت اسمه - ماهر اسيا -

اخذته ورحت للحمام اتصلت جاوب..
- هاا ليار اعرفج هاي انتي.

- ماهر حباب اخذني!.

- وين

- اني حشرد وانته اخذني ماكدر اضل أكثر تعبت نفسيتي

- وأذا المخبل درة؟.

- مادري خل يگتلني بس خل احاول واشرد
- خوش يمتة؟.

- باجر الفجر شتكول!.

- أي تمام نطلع لبغداد؟.

- ـلا اخذني لكربلاء.

- لج شتسوين هناك ماعدنه بيت ـلا شي

- مادري بس اخذني هناك يم الائمة.

- تمام.

- حباب ـلا تكول لأبوك والله يلكونيث

- ليار ويامن تورطتي هذا بلأحزاب، عرفت من ابوي.

- شنوووو؟ ماهر صدك تحجي!.

- والله العظيم بلأحزاب ويسوي گلشي بكيفه متشوفين حرس يحرسون كصتة.

- ـلا يربي ويامن عاييشة.

- رجعي التلفون يلا وحذفي رقمي خاف يكول متصلة بيه ورجعي نامي باجر الفجر الساعة بـ ٣ راح اطبك السيارة وره البيت اريدج تطلعين بهدوء لمي ملابسج وتعاي
- خوش.

- يلا رجعي التلفون

- الله وياك ماهر.

- بأمان الله ليار

سداه واني صفنت علأرض ياربي يعني هذا صدك بلأحزاب شسوي هسة اني؟.
وين ذبيت روحي؟.
نوبببب أستاذ ياربي أستاذ..
حرام الشهادة الشايلها.

مسحت رقمه والسجل ورجعت التلفون على الميز ضليت أكرض بأضافري وأباوعله..
زين لييش؟
ليش خلة الناس تكره؟
محد يكره بس اني وأهلي
اما اهله والحرس يحمدون بي يمكن لأن لكمة عيشتهم منه..

طردت الأفكار من راسي حاولت انخمد بس ماكو نوم ميجي..

للعصر كعد باوعلي كال..
- مانمتي؟
- نمت

- ولييش كاعدة

- كعدت

- خمدي

- صار العصر ماريد

سحب تلفونه خابر..
- زياد غسلت السيارة؟.
- لك ابن الخرة عندي طلعة
- هسة أنزل واكلكَ.
- يابة يردوني بأجر بأربيل.
- أي اني اروح وفاروق يَضل.

الأبتسامة شگت حلكي من الطول لـ طول..
سداه منه كال..

- ستوه چان بي رصيد شخلصه؟.

باوعلي رفع تك حاجب..
- ليارة ـلا تلعبين بذيلج ونور محمد هلمرة مو سماح

- شمسوية؟.
- مانايمة ها؟

- شبيك نمت وفزيت!، وبعدين مو كل متنام لازم تحبسني وياك شنو هاي

- النهار كلة مو يمج بس الليل وهم تطلعينة من خشمي فـ أبقيج يمي الضهر!

- لتبقيني

- تبقييين

- مارييد

- مو بكيفج!.

كام طلع ملابسة كال..
- ملابسي عليج عوفي ريام ترتاح

- معلية

- المن مخليج چاا

- أسأل نفسك؟.

- لج حيوانة
- شتريد

- سدي كـ* السانج طولان

- أييييي

- وجعيي بربو*

بدل وكمل طلع، طبت ريام كالت..
- خية كومي وياي

- شنو؟.

- امي تريدج

- ماشي

نزلنة اني وياها جوه الحجية متمدده على الفراش وفاتحة عيـﯠڼها كعدت يمها..
- ها عمة

سحبت ايدي كالت برچفة..
- يمة شو احس بردت مو من عوايدي

- الجو بارد، خل اطلعلج ملابس

- لابسة يمة والهيتر كبالي بس باردة

- شتحسين مريضة؟.
- ـلا مابيه

زهراء :- چا عمة مو احنه يمج المن تصيحين لـ هاي تشوفج هلكد حبيتيه

ام ايهاب :- ريااام سدي حلك هاي الهايشة

ريام :- انتي متشوفيين امي تعبانة؟.

زهراء :- وشكلت؟.

ريام :- فقيرة ماكلتي

لليل الحجيه ترجف واحنه مكابليها وكاعدين، صارت الساعة بـالتسعة بليل الحجيه كامت تضرب على صدرها، ريام تخبلت كابلتها وتصيح..

- ييييمة شبيج بَعد كلبي يمة

- راح اموت يمة راح اموت صيحيلي ابو علي

ليار :- شهلحجي عمة مابيج شي بحق الأمام

مَاعرُف شسوي صاحت ريام على رتاج تجيبلها تلفونها ركضت جابت تلفونها خابرت أيهاب سدته بسرعة لزمت ايد امها..

- يمة راح يجي بس خل ناخذج للمستشفه فدوة اروحلج متشوفين حالتج جاي تزيد
- خليني بـ بيتي ماريد المستشفه وخيستهة

ضلت تلوب وتاخذ النفس كوة واني اكرض بأضفري وزهراء تبجي وريام واحمد يدك بلباب ويبجي زياد مايفتحة لأن بوقتها انتخابات وصوت الطلق وأوضاع تعبانة..
راحت ريام للباب فلشته فتحة كلتله بصياح..

-أدخلللل

نزل راسه دخل كمنة احنة واجه يم الحجيةلزم ايدها..

- شبيج يمة صدك ۿِيج حالتج تعبانة

- يمة ـلا تاخذوني خاف اموت بلمستشفه

- حجية خل ناخذج فدوة

- ـلاا وليدي خليني

ضل منزل راسه كال..
- الوضع مو تمام كلش وكلت لأبو علي خل ندز واحد من الحرس ويام ماقبل..

- أريد ابو علي صيحوه والله اخافن اموت وماشوفه

- يمة والله خابرته گال جاي
- تأخر وليدي تأخر

صفنت، زين أيهاب شنو شغله؟.
معقوله بس شرگات وأستاذ ـلاا اصلاً حتى مداشوفه يروح للجامعة..
الغموض البي مموجود عند شخص

بعد ساعة كاملة والحجيه تبجي ومخنوكة وزياد واكف يم الباب وريام كلساع وكالت كرت عين امك تجيب واحد مثلك وتعصر بأديها لأن مافتح الباب من البداية، ضاجت منه وهوه خطيه مدنك راسه ويستمع يرفع راسه يباوع لعيونها نضراته حزينة..

زياد :- ام احمد بس شوي اريدج

- أبو علي مايقبل اطلع وسد الباب

- بس دقيقة

راحت رتاج تجيب عباية امها لبستها وطلعت.

ريام..
خذاني للحديقة الورة البيت محد بيها نزل راسه وكال..

- ريام

- تفضل خوية؟
- ـلا تكولين خوية بداعت احمد

- شتريد اكلك عفواً.

- متشوفين شصاير بحالي؟.

- شبيك خوية شهلحجي!.

- والعباس نيتي صافية والله يعلم شكد

راد يكمل حطت ايدها على حلكها..
- أش خوية عفية لو يسمع ابو علي يكتلك ويكتلني، أني مراة متزوجة وعندي جهال

- احطج بعيوني والله، جهالج جهالي وحك الله

- يمة صخام، اسكت خوية عيب الله يخليك

- شوفي ونور محمد ـلا مفكر بيج بلموزين ولا ألعب نيتي واضحة اريدج على سنة الله ورسوله تصيرين اميرتي وملكتي أم بيتي وأم جهالي مارايد غير تكولين موافقة حتى اتقدم خطوة واطلبج.

- ـلاا لاا خوية شجاي تحجي حرام اني متزوجة اسكت عفية والله ابو علي مايرحمك

ردت امشي لزم ايدي خزرته بسرعة ابتعد نزل راسه..
- أعتذر خوية ماتنعاد، بس سمعيني
- راح يجي ابو علي اش

مشيت كال..
- أحببببج رياميييي

درت عليه..

- حبك برصين ان شاء لله اسكت

ابتسم ورفع شعرة..
- نكول مبروك؟.

- ـلااااا شنو شبيك متزوجة اني

- تتطلكين

- ـلاا ابو جهالي هذا

- طول هلسنة واني حاط جهالج بعيوني، واخاف عليهم من نفسي صرتلهم ابو واحمد يسميني بابا زياد ليش تبعديني عنهم حبيتهم دخيل الكعبة وافقي

- بداعت امك ـلا تحجي كافي والله ماكدر.

مشيت كال..
- لو اعرف اخطبج مية مرة هم اسويها واخذج رييييام ماعوفج مااااعوفج.

مشيت وعفته ادبسزز طبيت للبيت دخل أيهاب وجهة أصفر وعيونه حمر ويلزم بلباب راح لأمي ..
ليار..
طب أيهاب حالته تعبانه والدنيا ثلج وهوه لابس قميص مفتوحة دكماته وسترة شتوية..

كعد يم امه دنك عليها حضنها ويبوس براسها أشرلنه نروح ريام سحبتنه طبينه بغرفة الحجية ..

زهراء :- خطية ابو علي تعبان

ريام :- ليورة شوفيه شيحتاج خطيه

مديت راسي شفته حاضن أمة ويبجي انقهرت سمعته يكللها..
- تعبت حجية تعبت، ـلا تعوفيني وترحين والحسين اتسودن مو بكد فراكج أني، بحضنج أرجع أيهاب ابو الأربع سنوات أيهاب الماجانت ضحكته تفاركة، والله تعبان اني شسوي حاير مَاعرُف الأنتقام عامي عيييوني يمة

امه سحبته لصدرها..
- وليدي، ماعوفنك بس الأعمار بيد ربك بعد أمك، وعوف الآنتقام وحب مرتك هاي واترسلنه البيت جهال ترة خلصت عمرك وانته تخطط

- ميخالف يمة ميخالف ابقي وياي، كلشي سويته وبنيته لعيونج

- خاف اموت يايمة وكلبي ما مرتاح وانته تضلم بهلبت

- عوفيهة على صفحة يمة، كلشي يهون واسويه لخاطر عيونج بس ـلا تموتين ابقي وياي ابقي
عصرت أيده سحبته حطت راسها على فخذه ونامت ضليت صافنة عليهم نزلو دموعي صدك الأم متتعوض شكد اشتاقيت لأمي يأربي...

بعد ساعات نامت الحجية صعد فوك هوه رحت وراه مالكيته طب للحمام طبيت وراه شفته نازع ودم يصب من ضهره خليت أيدي على حلكي أشرلي ..

- أش ليارررة

- عمو عمو هايي شنو دم

تقربت يمة سحبني حضني كال..
- أش لتخافين ماكو شي بنيتي

- لعد الدم منين

- شخطتني طلقة

- عزززه يمة مارحت للمستشفه

- شسالفة ماكو شي

- وجهك أصفر

- خل اتمدد وعقمي الجرح ولفيه، خوش؟

- حباب عمو ـلاا روح للمستشفه
حط ايده على خدي يطمني..
- وحگ عيونج مابيه شي
- باباتي انتي، جرح بسيط

طلع من الحمام كعد على القنفه أشرلي اروح اطلع علبة الأسعاف طلعتها واجيت يمة جرح صغير بس دم فضاعة عقمتله الجرح وطبطت بالكطن عليه صاح..

- بهداوة بنيتي مو تطلعين قهر ذنيج الأيام هسة

- ـلاا والله على كيفي

- هلكد خايفة عليه

- طبعاً اني أرحم بلحال قابل انتة حيوان واعاملك بقسوة؟

- أدري جاي تطكين بسامير

سكتت سحب أيدي باسها كال..
- اروح فدوة لعيونج واروح فدوة لخدودج لخشمج لجبهتج لكلشي بيج اروحله فدوة

سكتت سحبت ايدي كال..
- تعاي لحضني

- ها ليش؟.

- ميصير أحضن مريتي؟.
- ـلاا

- ليش؟.

- لأن ماريد

- تردين والله

سحبني كلتله..
- انتة تشتغل ويامن؟.

جر نفس..
- هه اشتغلت ويه النغولة، ميفكوني أله يوجعون كلبي ويكتلون واحد من هلي

صفنت..
- يمة شجاي تحجي صخام عزة العزاني يعني حنموت؟.

حضني..
- أش يابه شسالفة شعبالج يتقربولكم واني موجود؟

- حباب اخذني لأهلي

- حبيبتي هلأيام الأوضاع مو تمام، ان شاء لله على غير يوم

صفنت هذا أيهاب لو غيرة؟.
كمت لزم أيدي كال..
- ليش احس بضعف كبالج؟.
- يا ضعف هوهُ انتة كلساع وكافخني

قهقه على كيف..
- رومانسية زايعتها انتي من زمن جدي

- أي زايعتها

ردت امشي لزمني حيل ندسته بصدره كال بدلع يقلد..
- لج أوي داتوجع ااااه

- أييييع بيك هرمونات أنثوية

- أي غير طالع على البابا مالتج

كال..
- جاي اتأذة!، ينطيج كلبج تعوفيني واني مشعول ابو ابوي؟.

- أي ينطيني مثل ما انطاك كلبك تنومني على الأرض مصلخة وبردانه ينطيني كلبي مثل مدخلتني جوة الدوش ومي ثلج ينطيني كلبي مثل ماسقطت ابني من الضرب مثل ماخنكتني بلمي مثل ما نومتني ليلي واني اصرخ من ألامي ووجعي والحروك أثارهم بجسمي تريد أطلعهم؟.

- سكتي ليار

- ليش؟.

- أي سكتي خلص
- اني مالي أي ذنب حتى تذب انتقامك وخرابيطك بية اني مالي أي علاقة حتى تحرمني من تحقيق أحلامي وتحبسني بلبيت تعبت كافي لو تشوفلي حل لو أشرد.

مد جسمه على راس القنفه كال ببرود..
- انخمدي

- عساني ـلا اكعد ولا اشوف وجهك، وابو زايد بيك من شخطتك طلقة شمدريك ميكون تحذير من رب العالمين حتى تستغفر عن ذنوبك وتعوفني وماتعذب بية

- على شنو أستغفر؟، الشي الوحيد ألي لازم اندم علية فـ ۿوَ تقصيري بحق رب العالمين ودخلتي للملاهي أما ماكو شي استغفر عنه!.

- راجع نفسك وراح تلكة روحك من راسك لرجلك كلك أخطاء

- شايفة لو غيرج يحجي وياي هذا الكلام شسوي وياه؟.

- تغتصبه؟.

- بت الچلب شغتصبه؟.

- بس بنات تغتصب عبالي حتى ذكور وحيوانات

- اللهم صبرج ياروح والله الدنيا طافرة من عيني وضهري متروس حمل سكتي
- اخذ راحتكَ

طلعت من الغرفة ارجف، الحَمدلله حجيت وارتاحيت عاد يهتم؟، ولا يهتم بس شسوي!.
نزلت جوه شفت ريام يم امها غافية وزهراء نايمة ويمها حسن.

انفتح الباب دخل فاروق عبر من يمي..
- السلام عليكم

ما جاوبته كال..
- خايبة السلام لله

تقرب باس حسن وراح ميدري بلحجية تخربطت كعدت يم الحجية وهوه صعد بستها بكصتها فزت..
- يمة أيهاب وينك يمة وين رحت

- ها عمة اني يمج أيهاب فوك نايم

- أخذيني اله يمة

- شلون أشيلج حمال باشي؟.

غمضت عيونها كالت..
- ماي انطيني ماي

صبيت من الجكة للكلاص مي وانطيته الها..
كالت بهمس..
- اشوفن بأحلامي رجال وجهة ضاوي احس بي الأمام علي

ابتسمت..
- يتراوالج عمة نامي

- ـلاا يمة والله شفته بعيني

- مو تكولين وجهه ضاوي؟.

- أي بس الكلب يحس حسيت بي

- ان شاء لله يشفعلج عند رب العالمين

رفعت اديها..
- يا ربي ـلا تحرمني من فرحة تعلم بيها ياربي خلني اشوف جهال ايهاب واموتن ياربي خلني اشوف ضحكته يضحكها من كل كلبه واخذني ليك

اخذت ايدها حطيتها بأيدي كالت..
- وهاي الفرخة هم انطيها الصحة والعافية وفرح كلبها بجاه كلمن عنده جاه ياربي

رجعت دارت وجها باوعت لـ ريام..
- وطلك هاي العوبة من رجلها العركچي

اجتلي ضحكة ستوها تدعي وشحلاتها هسة انكلبت، باوعت لزهراء كالت..
- وهاي الهايشة خلها تكف سحورتها عنه مو خلتنه نتراكص بليل أظلم
ضحكت كالت..
- وغمة شبيج بنص دعائي تضحكين

- عمة دعائج مرجوع

- ياا خايبة لييش

- وليتي الناس غلط عيب وحرام

- دروحي عني روحي تعلمني الغلط

- ستوج مخنوكة يا عمة شبيج

- رجعتلي عافيتي بس حلمت بأبو الأيتام

صفنت كتلها..
- زين هم الأمام علي يحبني ويشفعلي؟.

- وليش مايحبج؟.

- لأن مو شيعية!.

- وأذا يابعد روحي يحبج ويشفعلج بحق السيدة زينب

- أريد اروح هناك بين الضريحين وأشكي علئ الأذاني

- هلأيام نروح ان شاء لله اكولن لأبو علي

ويه كلامنة عصرتني البجية، نزلو دموعي كالت..
- ـلاا تبجين يمة ربي ياخذج حگج من كل واحد ضلمج
- حتى لو اخذ حقي هم أرجع مثل قبل ويه اهلي وادرس؟.

- ترجعين ليش لا

ويه كلامنة نزل أيهاب كال..
- ماترجع

راح للحمام طلع بيدة بطل مي شربه وشمره بلأرض أشرلي أشيله..

باوعتلهم نايمين والحجية خطيه تعبانه كمت شلت البطل واصبر بروحي..

- أمشي وراي

- الحجية تعبانة ابقة يمها

- شكلت؟.

ام ايهاب :- روحي يمة مابيني شي راح ارجع أنامن

تقربت يمها بست كصتها ومشيت قبل فوك صار وراي يصعد الدرج دخلت للغرقة الگلوبات مطفية والشباك مفتوح والهوى بارد يدخل للغرفة دخل وسد الباب..

- أفتح الضوى؟.

- ـلاا
- زين ليش فاتح الشباك باردة

بس شعره مبين ضل يتقرب عليه واني ابتعد طخيت بالحايط يم الشباك حصرني حط راسه بركبتي كال..

- صايرة حنينة؟.

- شبيك

- ليش ماتحنين على رجلج؟.

- ليش هوه حن علية؟.

- ـلا تجاوبيني بسؤال

- شرايد!.

- رأيدج

- شنو؟

- متفهمين بالكلام أله بالفعل

مد ايده وره خصري سحبني أله وباسني دفعته من صدره صاح..

- لج حيوانة ضهري

- أي وخر وخررر
- مشتاقلج لياري

- بهذا الحال ومكاعد؟.

- الغرفة باردة خل أضمج بأحضاني

- ـلا شكراً أني أضم روحي بروحي

جاي اوخر سحبني نضرب راسي بالحايط توجعت هوه لزم راسي ضل يفرك بي..

- ماادري ماااردي حبيبتي

- ماااريدك وخررر

- شكلتي؟.

- ماااريدك وخرر وخررر عنييي

- انعل ابوج بث الكحـ*

ردت امشي لزمني من شعري وحط راسي على الشباك صار وجهي للأرض وعالي خفت..
كال بحدة

- شكلتيييي عيدي؟.

- شنووو
- كوليييي ترديني لو ـلاا

- ـلااا ـلااا

دفعني اگثر لزمت ايده..

- ترديني لو ـلاااا

- أي أي أريييدك

سحبني باسني بقوته دفعني للجربايه نام فوكي لزم أديه حيل خلاهم جوه ضهري وتقرب بأسني ويجردني من ملابسي ضلييت اصرخ..

- رييييييييام
- عممةةة

ضربني على حلكي..
ومد أيده يفرق رجليه حتى يبدي بنجاسته!.
عاندت وتحديت وماخليته يفتح رجليه..
هييج سادهم اجتي قوة، ..

- متااااخد الشي التريده ببساطة وتتركني ألوج من الألم وتريييييح روحك وتنااااام، أنييييي مو سلعة وـلااا بنت شوارع وتقبببل

- هسة نشوف صبري
عضني بصدري وضربني على بطني صرخت من الألم سمعت فاروق يدك بلباب..

- صدك تحجي أبو علي عوف البت ليش تضربها

- ولييييي منا ـلاا اطلع أنومك بدااااالها

- خطيييية خوية دسمع صوتها راح من الصريخ

- ابن الكللببببب ولييييي والعباس أطلعللك

- صلي على محمد وخر عنها شقضيتك مو اتفقنا تتساهل وياها ياخوية شبيك

- اللهم طولج ياروح، فاروق اطلع أنيـ*  فـ روح وامشي بكرامتك

- بداعت أمي عوفهاااا

راح صوته وأيهاب رجع ضغط علية..
- ـلاا تصرخين بت الچلاب فضحتينه

- ما ما وخرررررر عنييييييي لتتقربلي نااارييييد تلعب روحي أيييييييع يااا ربيييي

رفع دشداشتي وسيطر علية راد يكمل صرخت بأعلى صوتي…
- يأ أماميييييي يا علييييي دخيلك أنقذنيييي
- ولج شبييييج شبييييج شنيييي ماخذ روووووحج؟.

- مااارييييد أني مااااريييد

هزني من أجتافي صاح..
- لجج بااااباااا شبييييييج شمسوييييلج أرييييييدج ليييييييش ترفضييييين.

دفعت أيده هوهُ شصار بي، ضربني رأشدي ووكف عن حركته ضل صافن، مسح على وجه عكد حواجبه بألم باسني بكصتي بخفة راد يتقرب ويبوسني نزلو دموعي سديت أيدي وحركة بكلبي ضربته على جرحة كل قوتي،
مبين يريد يذلني مو رغبة وـلاا شي، أيدي صار بيها مثل المي دنيت روحي نزلت ملابسي وشغلت التيبلام باوعت أيدي كلها دم وهوه طاح ذب روحة على الجرباية، هزيته من جتفه.
- أيهااااب أيهااااب
ميرد ضليت مصفنة ورجفة سرت بجسمي، هسة شسويييت أني؟.

يتبع..