احبيني أن تجرأتِ

بارت 9

يلا نبلش ..

#احبيني أن تجرأتِ

#الكاتبة رسل

#البارت التاسع

، ، ، ، ، ، ، ، ، ، ، ، ، ، ، ، ، ، ، ،

ضميت راسي وره جتفه .. وصلنه لكراج السيارات باوعلي ..

- عوفي سيارتج ۿنا اني اجيبهة الج

هزيت راسي بـ أي .. صعدت بلسياره مالته وهو هم .. مشه بلسياره وصلنه لبيت قديم مهدم .. باوعلي بنضره خله كلبي يصير طبل ..

- ليار بابا ۿنا راح نعقد خوش !
باوعتله متردده ..

ليار - وبابا ؟ اهلي خاف يعرفون والله خايفه

- خلهم يعرفون مدام اني يمج محد يتگربلج

حسيت لهجته تتغير من نطلع من الجامعه احس غير ايهاب الأعرفه بلقاعه ليطردني ناضرت لركبته تفاحه ادم مبينه ، قهقه ع كيف ..

- ها بابا شني صفنتي بركبتي

ليار :- لاا بس دافكر

- شني هسه بويه شرأيج ، ماسوي هيج بدون رضاج

ليار :- نعقد يعني اصير مرتك

ضحك .. لعد مرت منو

ليار :- وتطلكني

ايهاب :- اي جا شايفتني ؟

ليار :- خاف تغير رأيك

ايهاب :- لا ارتاحي من ناحيتي
دنكت راسي تلفونه دك باوعتله .. باوعلي كال ..

- ابوجِ

ليار :- رد

رد عليه كلاله .. هلا
ابو ليار لا تخاف راح اعقد عليهة واجيبهة
تمام خويه الله وياك

باوعتله متسائله .. شنو عمو شكلك

- كال أمن بيك وعندي ثقة الكاملة بيك

دار وجهة يمسح ع شورابه كاتم ضحكته ..
مادري شبي !!
جنت خايفه واريد بس افك روحي

ليار :- يعني موافق

- أي موافق

ليار :- اني ماريد خلي نرجع ونكللهم عقدنة

ايهاب :- لج لطلعيني عن طوري شني تطلعيني مو كد كلمتي گبال ابوج

ليار :- عمو بس

ايهاب :- بويه اخرتيني تره ، نزلي اشوف

نزلنة ..  خايفه حيل ردت ادخل للبيت جان مفتوح اشرلي براسة انتضرة اجه يمي شبك ايده بأيدي ابتعدت كلتله بصوت ناصي ..

ليار :- لاا عمو لتلزمني

ابتعد عني ..
- براحتج بابا

مشه كبالي واني وراه دخل للبيت رجال جبير كاعد ع زوليه ويمه زلم ثلاثه ويمه گتب .. وسبح .. باوعتله دنكت راسي كال لأيهاب ..

:- ياهلا بوليفي

راحله ايهاب باسه براسه ..
- هلا بيك شيخي

كعد يمه اشرلي اكعد يمه .. كعدت واني الزم جنطتي حييل .. وجعتني بطني والمغص الصار عندي مو طبيعي صرت ارچف ..

- ماريد نطول شيخنه ، اعقدلنه علسريع ورانه طريق

باوعتله بتسأول .. همست يم أذنه برجفه ..

- وين تاخذني

خزرني ماحجي ..
باوعلي السيد كال ..
- انتي موافقة بنتي خو ماجابرج هلوكح
هزيت راسي بـ لاا ..

بده يقره سور وادعيه .. وسألني وسأله وعقدنه وخله الزلم شهود .. باوعلي كال بأبتسامه سخريه ..

:- مبروك علينه

دنكت راسي لزمت جنطتي وفلتت للسياره ، صعدت بيهة ضليت ابجي والخوف الصار عندي ماوصفه بگم كلمة .. اجه هوه صعد باوعلي تقرب لزم راسي بثنين اديه صارو عيوني بعيونة نضراته غضب مع أنو هوه الي أصر نتزوج خله شفايفه وباس كصتي ولحيته تبزبز خشمي .. ابتعد كال بأبتسامه ..

- مبروك باباتيَ

صرت رچفة بأديه حضن اديه بأديه ..

ايهاب :- على شنو الخوف ، فتره وننهي كلشي ، اشوف مسحي هلأدموع

مسحت دموعي كلتله برچفه ..
- وين حتاخذني

:- نروح لبيتكم بعد وين

رجع كال بحده وهو مركز بالطريق ..
- بطلييييي اسئلتج الغبيييه هااااي
كمزت سكتت شبي عصب
والله مكلت شي حجيت بهدوء ..

- جا مو كلت للسيد ورانه طريق

:- غييير يستعجل بلعقد

سكتت نداريت للباب نلزكت بي قفل السياره وكف كلبي باوعتله بخوف .. باوعلي دار وجهة بعصبيه باوعلي احسه يهدي بروحه ..

- لچ وحك علي ماتقربلج ليش هلخوف ، هاي هيه شوفي ابتعد عنج كل البعد بس ـلاا تخافين ، قفلت بابج حتى لاا سامح الله ينفتح وتطيحين

اتطمنت بس اباوعله احسه يچذب وغير الموضوع .. رجعت كعدت عدل ۿوَه مشه بلسيارة وصلنة لبيت اهلي باوعلي بنضرات حااده ..

:- حلكج ماينفتح خلي السالفه عَليه

نزل اجه لبابي فتح الباب ردت انزل حط ادية ع خصري شالني نزلني تقززت من حركته ابتعدت كلتله ..

:- ليش تلزمني انته ؟

مدلي ايده ..
- يلا اشوف امشي
لزمت ايده مجبوره دخلنة لبيتنه جان الباب مردود كاعد ابوي بلأرض بالحديقه وعمي لازم سلاحه وماهر هم .. وامي تبجي ..

عمي باوعلي كال بصيحه ..
- وينج ك* ماعرفو يربوج بعدج بكد النعال تلعبين بذيلج ياويلج من غضبي

ايهاب صاح بعلو صوته ..

ايهاب :- الزم السانك لا هسه اخليك تعرف التربيه زين وتربيهة للمخنث اليمك

قاسم :- خليك بمكانك محد مدخلك بلنص ، اني وبت اخوي لا تعذب نفسك بأمورنه

- اليمس مرتي يمسني ، ساااامع مرتي
اكرر لو ميحتاج ؟

ماهر هجم ع ايهاب وايهاب ماقصر ضربه وكعه بلأرض ..

ماهر :- مو شايف عندك شركات واستاذ ونافخ ريشك ، نطيرك بساعته لتتفاخر

ضحك ايهاب كلاله ..
- اعلى مابخيلك اركبه حبيبي

قاسم :- لييييار شجاي يحجي استاذج ؟ شنو مرتي شنووو صخام بوجهج ياا عار
ايهاب :- حدك حدك ابو محمد لهسه لازم الساني عنك ، اي مرتي مثل ما سامع عندك كلام تكوله ؟ كوله ! ماعندك ، الباب يوسع جمل

قاسم :- بويه لا تحجون خرطي مرطي ، دتعاي اشووف

سحنبي من ايدي وضربني راشدي باوعت لأبوي لازم كلبه وامي تدك وتبجي ، سحبني ايهاب من زندي خلاني وره ضهره وزنك عمي من ياخة دشداشته .. حجه بحده وهو يضغط ع سلاح عمي الي لازمه ..

ايهاب :- جاي احذرك ابو محمد ، بس اثاري ميفيد ايدي بلكوه لازمه عنك خليني محترمك كبالهم

دفع ايهاب وكلاله بصياح ..

قاسم :- معليك ياخي بت اخوي عار يرادله تربيه

ايهاب :- التربيه تحتاج لأبنك السرسري الحاط عينه ع بت عمه ، دشرفنه بطلعتك

ماهر :- لياررر تعاااي يمي يلاا ، تره والله انهي عليج

ايهاب :- ههههههههههههه صدك تحجي ؟ انهي بابا انهي بعد ماصارت مرتي كدام الله وشرعه

من عمي وايهاب تحاجو اني صرت بعيده عنهم باوعلي ايهاب وسحبني اله وخلاني وره ضهره كال بحده ..
ايهاب :- زلمه يتقربلهة ييلا اشوووف

عمي نزل راسه رفعه كال بقهر ..
- والله يا ليار اذبحج يجي يوم افرغ الشاچور براسج ، خافي مني بعد

طلعو وهما شايطيين ابوي باوعلي وكف على حيله بحركه سريعة ضربني راشدي وكعت على حديدة الماطور سحبني ايهاب وكال لأبوي ..

:- شبيك هيو شبيك ، ايدك لتمدهة عليهة

باوعتله بخزره كلتله ..
- عمو لا تتدخل

ۿوَ همس بذاني ..

ايهاب :- مال لا تتدخل احاسبج عليهة بس مو هسه ، راح اطلع اني وانتي احجي وياهم وفهميهم ، واعتبري روحج لاا متزوجه ولا شي لأن بعد شهر ينتهي كلشي

مشه طلع .. ابوي باوعلي ..

امير :- ليار انتي تسوين ۿِيج انتي بابا ﭑنتي

بجيت ..

ليار :- بابا والله علمود يسجل البيت بأسمك والله
امير :- منار اخذيهة ودخلو خلوني هنا

سحبتني امي حيل دخلتني للغرفه تربعت كبالي ضلت تبجي وتعاتبني ..

- ليش َ ماما ليش سويتي ۿِيج خليتي ابوج منزل راسه مايعرف شيحجي ، تسوين هلشي من وره ضهرنه ليش امي انتي ليش

حضنته .. لا تصيرين ضدي ماما والله انجبرت غير اطلع بابا من السجن

ابتسمت بخيبة امل ..

:- تصرفج غلط غللللط ، كعدتي الشياطين الي بداخلهم بعد مايرحموج

نزعت شالي .. طلعت بره رحت لأبوي كعدت جوه رجليه وهو ع الكرسي ..

- بابا اعتذر ماعيدهة والله بابا لتصيرون ضدي اوكفو وياي ، حبوبي بابا اوكفو وياي شعندي غيركم لا تخذلوني

- شنخذلج ليار ؟ انتي خذلتينه انتي حطيتينه بموقف ڪُلش صعب مامنه طلعه ، كسرتيني بويه كسرتيني

بست رجله .. اعتذر لاا تقسه عليه والله ماتنعاد انجبرت علمودكم والله

مسح ع راسي .. الأستاذ فتره ويطلكج ماريده بعد يدخل بيتنه ولو يقبلون انقلج من جامعتج
هزيت راسي بـ أي .. بس خل يفكوني عمامي واني انهي كلشي لتخاف ماتزوجه

كمت بست ايده سندته ودخلنه جوه .. كعد ع القنفه رحت بدلت وحطيت ࢪاسي ع المخده شعملت شسويت الله ياخذني جاهله .

كمت افتر بلغرفه واسب بروحي .. باوعت لمهى كاعده وحاطه اللعابه بحضنهه رحت يمه بسته ..

:- كبرتي ممنوع اللعابات بعد

ضحكتليَ .. ايي ايي ليش تضحكين عبالج اتشاقه نو ماتشاقه صدك داحجي كبرتي عيب ههههه

حضنتني .. كمت تمددت اجتي امي ..

- كومي اكلي ست ليار

باوعتله .. ماريد

- كافي دلال كومي فوك عمات عينج

ليار : - ماريد ماما

دارت وجهة ومشت راحت مهى وياهة .. دك تلفوني باوعت ايهاب .. ما جاوبت
دك مرة الثانيه زينب جاوبته ..
- نعم زينب

:- نعال عليج متعرفين السلام

ليار :- دحجي يلا

زينب :- باجر تعاي لعيد ميلادي حدزلج الموقع

ليار :- حبي يمكن ما اجي

زينب :- لاا بشرفج ونبي متحمسه اشوفج أڪثر من العيد ميلاد

ليار :- اشوف اذا فرغت

زينب :- دولي ليكلك عدها اجتماعات

ليار :- لدوخيني افرغ يلا اجي

سديت التلفون خليته صامت وسرحت بلنوم ..

...............

ريام ..

فزيت واني اسمع الصريخ والبجي .. باوعت لمكان امي ماهيه وكف كلبي ركضت حييل بره الغرفه للهول باوعت زهراء بلأرض وابنهة بلأرض طالعه اديه من الكماط ويبجي .. وفاروق كاعد ع الكرسي ويحجي ..
باوعت لأمي كاعده ع الدرج .. ركضتله ..

- شكّو يمه شصاير

ام ايهاب :- تعاركو من صباحية الله

فاروق :- بعد ماريدهة والله ماريدهة جزعت روحي بويه

ام ايهاب :- شوفيي يزهيييره من وره عمايلج ، انگلب السحر ع الساحر

ريام :- اشش يمه بسج عااد

ركضت لزهراء ﭑريَد اكومهة دفعتني ..

- شفتتتتج شفتتتج ليله البارحه كاعدين سوه انتي وياه اكيد وازته عليه شكايلتله حرام عليييج وانتي هم متزوجه وعندج جهااال متخافين الله

مسح ع شورابه فاروق وصاااح ..

:- بوييييييه اخذوهااا من جهرتي والله العظيم اذبحهة اخذوهااااا

ام ايهاب :- انلصميي ولج انلصمي احسن يفلش وجهج ويفشلج كبالنه

زهراء :- موتي انتي موتي بلفتنه الله ياخذكم

ۿوَ كام حط اديه وره ضهره .. ريااااام كومي جيبي الخيزرانه

رحتله .. لاا خويه هدي ما مستاهله خطيه ام ابنك

- كتلج جيبي الخيزرانه ، هلحيوانه مايفيد وياها غير الضرب والذل لهسه ماماد ايدي عليهة

هيه كامت شكت دشداشتهة طلعن ملابسهة الداخليه صرخت ..

زهراء :- وللللللك تريد تضربنييي تعااال يلاا تعااااال تطلع مو زلمه اذا متضربني

ۿوَ هجم عليهة واني صرت بلنص .. عفيه خويه ابوس ايدك عوفهة متعرف شتحجي

حسن صار بنصهم نداس بينهم يصرخ شلته وصحت ..

- الله اگبر عليج متخافين ع ابنج طركاعه لفتج ام لسان

كومت امي ودخلت للغرفه مال امي اسگت بحسن .. فتحت الكماط اخذته غسلتله انطيته لأمي رجعت للهول وهي بعدهة تصرخ وتبجي وهو واكف فوك راسهة يريد يضربهة بس واكف ..

كلتله .. عوفها خويه لتضربهة

فاروق :- خابرت اهلهة يجون ياخذوها وزلمه ليطخ ابني

زهراء :- على جثتيييييي تاخذ حسن مني ، تروح بليل للملاهي هاا ، تجيني ريحتك ريحة نسوان وهسه مسوي روحك انته المظلوم واني الساحرتك ، حوبتي متتعداكم ان شاء لله
راد يضربهة رحت ترجيته .. خويه تولي هسه يجون ياخذوه

بس ولا مرة شايفه فاروق شارب لو جاي من الملاهي الله اعلم ..

راح لغرفة امي اخذ حسن وصعد فوك ..

باوعتلهة .. يختي كومي والله راح تهدمين بيتج بنفسج كومي وخلي النفس طيبه عليج

- مالي ردة لهنا ، همممج انتو همممج منو عاقل واروح اشكيله ، اروح لأبو علي يذب الصوج بيه

باوعتلهة ..

ريام :- منصدك بيج لأن جاي نلكه سحوره بلغرفه وبلمخده مال فاروق وكل هذا ساكتين نكول خليهة بلكي تتوب بس لهنا حدج كافيج

ضل وجهة ينطي الوان ..

زهراء :- سحوره ؟ يعنيي تذوبها براسيي الله ليسامحكم ، اني الأسوي اكلكم تتوقعون اسويلكم سحر لو ردت جان سممتكم

ريام :- ۿوَ متشوفين أصر انو اني اسوي الأكل لأن كمنه نخاف من سوالفج ، اهدي وكومي احتضني ابنج ، تعرفيين اهلج مو كد اخواني وياخذون ابنج منج وتضلين وحيده يم اهلج
عفتهة ورحت لأمي ..

ام ايهاب :- يمه كلبي يوجعني جيبيلي شوية ماي

ركضت جبتله مي .. يمه خل اسويلج ريوك حتى تاخذين علاججِ

ام ايهاب :- يلا يمه

ركضت للمطبخ سويتلهة ريوك وصحت للجهال ياكلون وياها .. كملو كمت سويت غده شوي واندك الباب حطيت الشال ع راسي فتحته واني صايره وره الباب .. كلت ..

- نعم ؟

- خويه هذولي نسايب سيد فاروق

ريام :- دخلهم

راح فتح باب الحديقه الهم .. صعدت فوك لفاروق لكيتهه بلغرفه يشرب حسن ممه صحتله ..

ريام :- فاروق انزل اجو اهل زهراء

كام انطاني حسن كلي بحده ..

:- لتنزلين خلي الطفل يمج
هزيتله راسي ۿوَ نزل ..

واسمع الصيياح وهي صوتهة يلعلع فضحتنه تريد ابنهة .. صار هدوء عرفت راحو مشيت للشباك باوعت جاي يصعدون بسيارتهم وزهراء ساندته اخته نوره .. الجانت حاطه عينه ع ابو علي

نزلت وبيدي حسن باوعت لفاروق كاعد علقنفه يدخن ..

فاروق :- الطفل يمج بقيه ، وباجر اجيبلكم ام عدي كافي طولت

- ع امركِ خويه

راد يطلع كلتله .. الحراس ليش موجودين طول الوقت .. شغلكم بلشركات واخوي بلجامعه علشنو الحراس ؟

رفع تك حاجب .. وانتي شدخلج ريومه ؟ شغل زلم

ريام :- يحرسكم الرحمن

مشيت ..
خليت حسن عند امي ورحت اطبخ وفاروق راح للشركه ..

مشه اليوم عادي محد اجه منهم
صار الليل نومت حسن بحضني وجهالي هم يمي ماقبلو ينامون فوك يخافون لا زهراء موجوده ولا فاروق خليتهم يمي ..
........................

ليار ..

كعدت بليل الكلوب مطفيات ومهى نايمه ع جربايته سحبت تلفوني شفت الساعه بـ 3 ونص الفجر صدكك تحجيي امي ماكعدتني ادرس ، اصلا مالي خلك اداوم رجعت راسي تمددت فززني تلفوني يدك .. سحبته ماهر يتصل ..

جاوبته .. صوته ثكييل ..

ليار :- خير

- ليار كاعده !

ليار :- لاا لدتحجي وياك خيالهة شرايييد نص الليالي تدكك ؟

ماهر :- ليار

ليار :- ماتت ، شتررريييد ، فك ياخك عني عاااد

سديته .. صفنت هذا خبللل خبللل
رجعت سرحت بلنوم شجاني ماعرف ..

.......................

مياده ..

الليل طوييل واشتياقي وحبي اله يزيد اناضرله من الشباك يضحك ويسولف ويه الحراس ، ضحكته تخليني احبه اكثر تخليني اطمن ، اباوع لوجهه لشعره لجسمه لهيبته لو لملابسه المزيدته جمال لابس قميص اسود مفتوحه دكمه الثلاثه وطالع صدره وبنطرونه الأسود والستره لازمهه ع كتفه .. والجكاره بيده وضحكته .. ابتسمت ياربي شوكت يصعد ،
يمهم يضحك ويمي مبوز ياخذ حاجته وميعرف الله وين حاطني بعد .. دخل للييت رحت كعدت ع القنفه دخل للغرفه باوعلي كال ..
- ماتملين خرب

نزلت راسي .. لاا انتضرك لحد ماتغمض عيني

خله سترته ع الجربايه ديفتح حزام بنطرونه كال ..

- واني اتسائل شوگت تغمض

وكفت رحت خليت اديه ع صدره افتح دكم قميصه كلتله بقهر ..

مياده :- تتمنالي الموت يعني

وخر اديه نزع قميصه سحب حزامه طبكه طبكتين شمره ع الجربايه كال وهو يمشي للحمام ..

:- اطلع الكه الجربايه نضيفه اريد انام

مياده :- متريد اكل ؟

ايهاب :- ومن شوكت انتي تسويلي اكل ؟

دخل للحمام سد الباب .. نضفت الجربايه طلع باوعلي .. كال بتسأول ..

- جاي تشربين الحبوب ؟

مياده :- راح تأثر عليه شبيك
عض شفته رفع تك حاجب ..

ايهاب :- اذا صار طفل بلموضوع انهيييج قسم بالله

مياده :- ايهاب شنو ذنبي اني

ايهاب :- كايلج طفل ماريد ؟ ووافقتي كتلج ماراح تملكين كلبي ووافقتي ، بعد عياره ماريد خل يخلصن هلشهرين وتوكلي

كمت لفيت اديه ع خصره حضنته ..

مياده :- واروح وتناسني ها ؟

ايهاب :- مثل مانسيت غيرج انساج بسهوله

بسته بركبته .. ماعوفك حتلو طلكتني باب بيتي مفتوح الك

ايهاب :- افديهم لأهلج ع التربيه ، طلعو معدل بيج

مياده :- هه توك تدري حبيبي ؟

وكفت ع اطراف اصابعي والف اديه ع ركبته بسته .. بعدني عنه كال بثگل ..

:- شربي الحبوب

مشيت فتحت المجر طلعت الحبوب شربت وحده باوعلي بنضره هيمني ..
سحبني من ايدي للجربايه .. دفعني نام فوك احس عيونه بلكوه يفتحن اول مره ۿِيج يصير بيه وتنفسه ثكل حط راسه بركبتي صدمني من كال اسسسمهة ؟!

- ليار

تسودنت عقل مضل براسي انسحبت منه نزلو دموعي كلت برچفة ..

- ليار منو ؟؟ احجييي

فتح عيونه ع كبرهن .. اكص السانج اسمهة لجيبيهه ع لسانج

راد يطلع كلتله .. كح* هاااا متعلق بـ كح*

ضربني راشدي صفنت درت وجهي عليه كلتله ..

مياده :- اتحداهة تحبك مثلي والله اتحداهة

بسته واني ابجي .. كلبي يوجعني محد يحتويني مثله وخرت عنه اباوعله وجهه يخبل  ..

دفعني تمدد علجربايه ونام .. اجيت نام كال ..

- نامي علقنفه

ماحجيت شي رحت نمت علقنفه .. خلاني اشرب حبوب ۿِيج امده حضي .
..............

ليار ..

كعدت من صباحِ الله .. باوعت لتلفوني ساعه بـ 8 رحت غسلت وسويت ريوك كعدت ابوي وامي مهى بقت نايمه .. مشه اليوم لحد الضهر خابرتني زينب .

- هاا ولج

زينب :- نعاله يلاا وينج

- شسالفه هسه يعني ؟

زينب :- لعد يمته تجين

ليار :- المغرب

زينب :- كلتي لأهلج ؟

ليار :- لاا هسه اكول لأمي

سديته منه رحت لأمي كتلهه ..

- وانتي والله الج خلگ ترحيين بعد سوالفج

ليار :- يمه حبابه شبيج
منار :- روحي

ليار :- وبابا ؟

منار :- اني اكله

رحت بدلت لبست فستان ماروني قصير وفوكه بشت وكعب اسود والجنطه سوده ومكيجت مكياج يجنن ، وشال حطيته ع شعري حطيتله دنبوس من النص ثبته وشمرته منا ومنا .. داطلع ابوي لزمني من ايدي ..

امير :- انطيتج كامل الحريه صح لو مو صح ..

هزيتله راسي .. اي بابا

- اخاف بويه يغروج بسوالف وتسويهة ، لا تنزلين راسي خلي الثقه موجوده

ليار :- بابا ع جثتي اسوي شي ينزل راسك ، والله احسب حساب لكل خطوه اخطيهة

باسني براسي .. حبيبتي اعرف بيج واعرف تربيتي ، رجعي من وقت ، انتضرج

ليار :- اذا تريد ماروح بابا

امير :- لاا بويه روحي شسالفه

بست ايده حط بأيدي فلوس ضميتهم بالجنطه وطلعت واني اعلن عن فتح السياره بلسويج ..
صعدت بيهة .. خابرت زينب ..

- زينب ماندلل وسم

زينب :- روحي يم بيتنه جيبي اخوي الصغير بقه يم ابوي جيبيه خل يدليج

ليار :- اوكِ

نزلت دكيت الباب طلع ولد صغير مبين بعمر الـ ١٧ كلتله ۿِيج وهيج واجه وياي .. وكفت ع محل جبتلهة كيكه هم لعد شجيبلها لاا طلعت للسوك ولا شي .

طول الطريق بقه يدليني وفوتي منا ومنا .. ووصلنه ۿوَ رجع تكسي لأن حفلة بنات .. دخلت للبيت وتلكتني زينب جنهة حوريه بوستني انطيته الكيكه وعايدته ..

- لجج ليياررر شهلجمال حقيييره كسرتي علينه

ليار :- اهوو سوتني انجلينا جولي

ضحكت .. يلاا فوتي فوتي

دخلت .. بنات يركصن وبنات كاعدات .. اني اكتفيت لوحدي حتى العرس مو هيج .. بدو يكصون الكيكه ..

بقينه لليل ضحك وسوالف .. ماحسيت غير الساعه بـ 11 ونص يمه شصار بكلبي عدلت شالي اخذت جنطتي ودعت زينب وطلعت اركض ..
ضلمه الدرابين بس بلشوارع الناس تمشي ..

رجعت والوقت متأخر توجهت انضاري لساعتي الساعه بـ 12 وربع بليل واني ابوي نبهني ووصاني ارجع من وقت لكن بعد سوالف زينب يروح كل الوقت شفت من بعيد فرعنه هواي بي سيارات تراجعت للفرع الثاني حتى اطبك بي سيارتي ،

طبكتها وره سيارة .. سحبت جنطتي وسحبت السويچ نزلت من السيارة واني ادوس دگم السويچ واعلن عن قفل السيارة... خلص قفلتها ونزلت امشي والكعب مالي يطلع صوت وشالي يروح منا ومنا من گد الهوى العالي .

صوت الگلاب وصوت بشيش اسمعه ويختفي لحضات عبرت من الفرع شفت بلدربونه خيال .. خفت ، وكفت كلت بكلبي ، اعوذ بالله من الشيطان الرجيم ، كملت مشيتي واني ﭑࢪيَد بس اوصل حتى ادخل للبيت واحس بلأمان...

مشيت لكن سمعت صوت رجال عالي ، صوت اعرفه صوت عابر عليه ... مستحيل ياربي ،

رجت خطوتين وشفت الدربونه بيها فوگ الـ خمس زلم وبنصهم واحد .. ضلمه ماشوف ابتعد البنصهم وحط اديه ثنينهم ع بنيد السيارة ومبين متعصب ، شفت واحد واكع بلأرض ويترجاهم...

لا لا لا لا اني شجابني شدخلني والله يكتلوني والله... من الخوف والغباء تسارعت رجليه بالمشي اني الحتصير محاميه اخاااف !!
مو بيدي مشهد يحبس الأنفاس مامتوقعه اشوف بواقعي ۿِيج ، امشي والتفت الي بنصهم سحب سلاحه من ورا سترته وضرب الولد .. وكف كلبي كلشي وكف وكعت جنطتي من ايدي وصحت بأقوى صوتي من الرعبة ،

التفتو عليه اشوف خيالهم وكلشي اشوف لكن وجوهم ما شفته ، صاح واحد ..

: سيدي شافونه .

ركضت حيييل بس حسيت بـ رجلين تركض وراي وگانت اسرع منيہَ وطول اطول مني وضخامته سدت خيالي ، نلفت ايد ع خصري وشالتني من أرضي الرجفة الصارت عندي مو طبيعية .. ايد چانت اشبه بالحديد أذتني .

انفاسه تضرب خدي ، عصر بطني تأذيت بس ماحجيت من الخوف نسيت شكول شحجي شلون اصييح ' همس بذاني بقوة كال ..

:- منو دازج

فتحت حلكي ارد اصرخ .. بحركة سريعه ومجنت متحضرتلها .
ايده نلفت ع حلگي نسد حلكي وخشمي عن التنفس ، صرت ماتنفس الهوى ميوصل لخشمي ، غمضت عيوني وگلت بگلبي خلاص قربت نهايتي خلاص ع هاي الگضة حموت .. اخ بعدني ممكمله جامعتي ولا محققة حلم بابا يمعود ابو الغيرة رحمو بحالي خرب شجابني .

سحبني وسحبني لحد موصلنه للفرع الچانو بي شمرني ع الأرض نضربت بالولد الي جان يترجاهم وكتله ، تبعدت بخوف حييل وبچيت وبس صوت شهگاتي يطلع ،

واكف بطوله وبشعره الـ مبين بالضلام واكف وايديه ع خصره ويدنك براسه ويرفعه..

: استلم صارو عدنه ثنين ، شغل لايتات السيارة خل اشوف طالبتي شبيها تفتر بنص الليالي ، تدور ع استاذها ..

شنو اني وين اني ويه منو طالبتي شنوو .. شديصير ربي شنو يعني استاذي ههذا لا لا مستحيل

رد عَليه واحد وهو يركض ..

، حاضر تأمر

اشتغلت الايتات صارو بعيوني غمضت عيوني واني اكول ببجي .. مدنكه راسي وغارسه اصابعي بالتراب ..

-: والله ماشفت شي والله

كال بسخريه ..

:- رفعيلي راسج يلصايرتلي لبوه

رفعت راسيي بقوه شفته استاذي الي البنات خابصتنه بي ويحبونه لا يالله .. هذا تاليها طلع يكتل !!
غمضت عيوني بقوه واني اسد ايدي حيل ،

تقربلي وهو يطلع سلاحه من ورا سترته ..

:- مع الأسف جنتي طالبه ڪلش مميزه عندي

:- عع عمو والله ماشفت شي والله خل اروح ابوي ابوي ينتضرني عفيه

دنك عَليه باوع بعيوني لحضات وندار للزلم لوياه كال ببرود وهو يباوع لساعته لبأيده .

:- الفجر اسمع بخبر وفاتها .

تخبلت ، خفت ، يعني خلص هاهيه حموت ،
ليش ، السبب ، شسويت ، كلهذا لأن شفت يگتل انسان اي المجرم حقه مايريد ينفضح ، صح لو ابقه عايشه ماراح اكعد عاقله وراح افضحه لأن طلع من جماعه المافيا .

غير ايهاب الأعرفه غييير ..

كلت واني ابجي ... ابوي ابوي يموت والله يموت لاا تكتلني

ابتسم ابتسامه جانبيه وكال ..

:- شجابچ وشفتيني !! تورطتي ويامن ﭑنتي

:- بعمر بنتك اني الله يخليك والله ماحچي مافگ حلكي
:- هه وينها اللبوه الي بالجامعة تخزرني وتتأخر ع المحاضرات حتى لشوفني صرتي ۿنا غزالة خايفه

رجع كال بضحكه وبصوت ناصي يم ذاني .. طالبتي جبانة طلعت عكس الچنت اتصورها

رفع ايده راد يحطها ع خدي اتبعدت بقوه وبخوف وكلي رچفة ، طخيت بلي كتلوه يمه يمه عيونه مفتوحه والدم مالي الأرض .

صحت ۿوَ حط ايده ورا ضهري وسحبني اله كال وهو يغمز ..

:- دربالج لتتوصخين بدمه النگس

كال وهو يكوم من أرضه ..

:- شوف اكتلها وخلي جثتها يم باب بيت اهلها وكلشي تخفون دلائل ايشي تخفوه ..

:- عفيه لااا عفييييه لااا ، ارييد اهلييي والله ماكول لأحد بس عوفني والله ماكول ليييش ماتصدك

باوعلي ، اباوعله هيبه هيبه بالجامعه لكن ۿنا كلش كرهتهه كلش

كال منهم واحد ..

:- سيدي ، كافي طولت وياها جاي يتصل عليك

راد يكمل كلاله .. اشش صوت ماسمعلك
:- سيدي ، كافي طولت وياها جاي يتصل عليك

راد يكمل كلاله .. اشش صوت ماسمعلك

:- ليش ماتخليها تعرف ۿي راح تموت

:- تحدد هلشي هيه لو تموت لو تضل عايشه وياي ..

هاا وياك شتقصددد وياااك انته !!

عض شفته ودار وجهه كال بنفاذ صبر ..

:- لو هسه اغتصبج بهلحضه واگتلج لو تزوجيني

نفس الواحد ضربني ع راسي شديخربط شديكول اتزوجه...

لاا لاا لااا مستحيييييييل هاي العايزه اتزوج قاتلللل !!!

يتبع ..