احبيني أن تجرأتِ

بارت 5

#احبيني أن تجرأتِ

#البارت الخامس

، ، ، ، ، ، ، ، ، ، ، ، ، ، ، ، ، ، ، ،

تسودنت هسه شسوي ركضت لغرفتي ذبيت مي ع وجهي من البطل ولبست شال وطلعت اركض .. لزمت امي من اكتافهة ..

ليار :- شصاار ماما ، شكووو ابوي ليش دياخذونه الشرطه

حجت من بين دموعهة وحسرته .. عمج النذل اشتكه علينه انو كاعدين ببيته ومنطلع
شفت السياره تحركت ومشت .. شسوي كلهذا دمعه مطاحت مني دائما اقوي بروحي واكول اني اقوى من هلشي هما يردون يذلونه ويشوفون دموعنه بس يخسون والله ..

غمضت عيوني بقوة وفتحتهم رحت لتلفون ابوي فتحته دخلت لجهات الأتصال .. باوعت لأسمه .. ياربي اتصل لو لاا ماعندي غيره دست ع الرقم واتصلت .. مايجاوب مرة الثانية جاوب اجاني صوته ..

:- هلا ؟

حجيت واني اتصنع القوة .. عمو ايهاب

ايهاب :- خير ليار ؟

ليار :- بابا اخذوه الشرطه

ايهاب :- اهدي وهدي امج لحضات واوصللكم ..

سديت التلفون .. اسكت بأمي ..

ليار :- ماما كافي بجي لتبجين تكوليلي لتبجين وتالي تبجين انتي

منار :- محد عدنه لاا عم لاا خوال شسوي بهاي الحاله

ليار :- اتصلت ع عمو ايهاب ودنشوف شيصير

شوي واندك الباب رحت افتحهة فتحته شفته ضليت صافنه شهلجمال الشعر مرفوع وحاط ايده بجيبه والقاط منطيه جمال الستره لونها زيتوني والقميص اسود ۿوَ والبنطرون .. باوعتله صفن بعيوني رفع تك حاجب وكال .. اضل واكف ؟

ليار :- لاا ادخل

دخل واني وراه رحت للمغسله غسلت ، راح كعد ع القنفه يم امي ضلت تحجيله .. رحت وكفت ع صفحه يمهم ۿوَ كال ..

ايهاب :- يعني شنو يريد يشيلكم منا

ليار :- اي عمو مصر يشيلنه

ايهاب :- سهله خلص بقت يمي

كام طلع رحت وراه .. شنو عمو وابوي

ايهاب :- بليل يمكم انشاءلله اذا كدرت ، صيري قويه بابا وضلي يم امج

هزيت راسي بـ أي .. كال .

ايهاب :- وماهر بعده يريدج ؟

ليار :- اي يريدني
عض شفته هز راسه وكال ..

ايهاب :- خوش زلمه خل يتقرب ونشوف

طلع ضليت صافنه شبي ليش تعصب ، رحت يم امي ..

ليار :- عمو ايهاب راح يطلعه لاا تخافين

منار :- ربج مايعوفنه دزلنه هلرجال

يالله ليش ماطيقه .. شديصيير بيه احس خبيثه وناكرة الجميل بس شسوي ماحبيته ولاا كدرت ابلعه ..
........................

ريام .. كعدت من صباح الله واسمع صوت عالي انصدمت رحت ركض شفت فاروق وامي يتعاركون...

فاروق :- واذا مرتي وابيتها شتردون منهة

ام ايهاب :- اي عادي تلبسلك بالغرفه مو اله يمنه كبال اخوك وتعرف ابو علي مايتفاهم

زهراء :- شدعوه عمه قابل شلابسه اني

ام ايهاب :- اسكتيييي سوس البله انتي
فاروق :- وين تردون توصلون اطلع بيت لوحدي يلاا تفكونيييي ، منا شغلي منا عرايكم تعبت ترة

زهراء :- حبيبي والله ممسويه شي هاي ريام اجتي تصييح جان كالت حبي غيري الي لابستهم بس اجتني بصيغه أمر

ريام :- صباح الخير ، شسالفتكم من صباح الله صياح

اجه فاروق عتني من ايدي ضربني راشدي ودفعني ..

فاروق :- شوفي انتي ۿنا يوم يومين وتولين لاا تضليين تتأمرين وتغلطين عييب عليج جهالج بطولج وناشبه ويه مرتيي

ام ايهاب :- طركاعه لفتك يلمفلوك ، تعااااال احمد جيبلي تلفوني اتصل ع ابو علي يجي يربي هلحيوان صاير يتماده عَليه وع اخته الماعدها غيرنه

كعد بلأرض ولزم راسه بأثنين اديه ..

فاروق :- جيبي القراءن زهرررراء

زهراء :- المن شكوو

فاروق :- جيبيه جاي اكول

راحت تمشي وتمييل بجسمهة جابت القراءن حطته يمه وهي تتشمت ..
فاروق :- كووومي ولج احلفي ع القراءن انو ﭑنتي ممعامله زوجتي بهييج أمر

نصدمت نزلو دموعي .. انيي ابو حسن انيي هيييج تكلي اختك منك وبيك تجذبني

كامت امي وهي اجتي كومتني خطيه مابيها حييل خلتني وره ضهرها كلتله وهي تتوعدله ..

ام ايهاب :- ان حلفت ياا فاروق بعد وجهي ماتشوفه

فاروق :- لاا تكبرون الموضوع خلي تجي تحلف

زهراء :- ليش خايفه ام احمد حلفي

ام ايهاب :- اسكتييي انتي ياا نذله اذا ماخليج يم باب البيت تتوسلين مايييطلع اسمي ام ايهاب

اخذت التفلون من ايد احمد وانطته الي...

ام ايهاب :- خابري ابو علي ريييام

طلعت رقمه وانطيته لأمي دكت عَليه ..

ام ايهاب :- الووو يمه
ايهاب :- الو حجية شلونج

ام ايهاب :- لاا تسده وكف ، تعااال للبيت بسرعه الحك

ايهاب :- هاا خير شصايرر

ام ايهاب :- فاروق تهجم ع اختك وضربها

ايهاب :- فاروقنه ؟ اجييت حجية خلي يضل بلبيت لا يشرد

سد التفلون ..

وكف كبال المرايه وهو نص عاري .. والمنشفه مشدوده ع خصره .. شافها كامت وهي تلف الروب ع جسمهة .. كعدت ع طرف الجربايه حطت رجل ع رجل ..

:- حبيبي وين تروح ؟

تجاهلهة طلع قميصه المعلك المكوي .. ابيض لبسه بدون فانيله داخليه .. ولبس بنطرونه الأسود .. ۿيَ كامت فتحت المجر طلعت جواريبه وحزامه باوعت للحزام المشمور أثار البارحه والملابس الي مطشره كلتله بضحكه ..

:- هه حبي تلبس القديم لو هذا الي بأيدي ؟

ايهاب :- اي واحد يلاا خلصيني
ديمشط شعره حطت الحزام بالبنطرون وهي تبوسه بكتفه ..

:- لا تتأخر عليه مثل كل مرة

ندار عليها رفع تك حاجب .. حسب شغلي

عبر من يمها لزمته من ايده وكالتله بدلع .. وهم مرات يصيير شغلك بنات

ضحك .. الطمج ع حلكج بس تعبرين حدودج

لبس جواريبه بسرعه .. ندار عليها ..

:- ناقصج شي دكي عليه ـلاا تدكين ع الحرس اشك حلكج

هزتله راسها .. ياريتك زوجي مو بلمتعه

راد يطلع حضنته من وره وتشد ع حضنتها .. لا تتأخر عفيه اخاف لوحدي وامل من الأنتظار عفيه داكول

ندار عليها باسهة براسهة باوع بعيونها كلالها .. احاول

هزتله راسها وهو مشه .. كعدت ع الكرسي كبال مرايتها .. تناضر لشعرها الأشكر الطويل لحد ركبها .. وعيونها الزرك وحواجبها من كد جمالها وشكارها حواجبها شگر ورموشها بيهن لمعه من الشگار .. رجليها بيض ثلج والروب الأبيض الي لابسته مطلع نص جمالها .. شالت شعرها ووكفت ،
ماناقصني شي ووعيت ع هلدنيا وع زواج المتعه بيده ماجنت اعرف .. كلي محد يطخج غيري اله اطلكج وبكيفج بعد وفعلاً نحبست ببيته الفخم والحراس حوليه حتلو متعه بس يغار عَليه لأن محسوبه مرته واني فرحانه محبوسه بهيج بيت ولا بيت اهلي .

نزلو دموعي واني اشوفه من الشباك يصعد سيارته بكل فخامه وهيبه ويسوقها .. شكد ﭑحبه ويدري بيه الليل مانام اله ع ايده .. اله ع ريحته يعوفني كل ليله لوحدي ابجي واناشع ميجيلي

ﭑدريي بي حابني كجمال كجسد ولكن ماحبني من داخلي مَاعرُف ليش مع أنو نضيفه واول شخص لمسني ۿوَ وكان يدري بهلشي .. واهلي الجبروني ازوج زواج المتعة وهو اول شخص يتقربلي ..

تحولت انضاري لركبتي ولزنودي مشوهات بسببه .. ابتسمت احبه .. ياريت يحبني ياريت ميدزني لأهلي بعد شهرين ..

مشه مسافه بلطريق وخابرته ليار .. انصدم مَاعرُف شيسوي منا اخته منا ليار .. اختار يروحلها لأن يدري ما الهم غيره واخته بيت اهلهة قابل طارديهة ، يروح يشوفها الها وتالي يروح لأخته ..

..................
ريام... بعد ساعه ونص دخل من الباب ايهاب بكل برود باوعلي رفع تك حاجب عض طرف شفته الجوه هز راسه يتوعد لفاروق كعد ع الكرسي كال بهدوء ..

:- اي بويه ريومه تعاي يمي اشو

مشيت خطوات صاح فاروق...

فاروق :- خويه هلمره احكم بعدل

صاح بي كلنه سكتنه وعم الهدوء بينه ..

ايهاب :- اششششش صوت ماسمع

اشرلي بأيده اروحله .. رحت يمه كام وكف باوع لشفايفي كال ..

ايهاب :- ااه والله فاروق ترفع ايدك ع اختك

فاروق :- خويه بداعت ابوي خل افهمك ، شبيك متنطي صبر

ايهاب :- لوو كاتله لو مدري شمسويه ايدك مترفعها اكسرها الك

مشه واشر براسه عليه بمعنى الحكني ..

ايهاب :- وراي فاروق
مشه فاروق وهو يخزرني .. رحت يم امي واباوع لزهراء تعدل بشالهة وتطك بعلجها .. صعدو فوك بمكتب ابو علي ..

مادري شحجو بس دوم ايهاب ميحاسب فاروق كبالنه لأن جهال ومرته موجوده ميريد ينزل من قيمته كبالنه .. سمعنه صياح بس صوت ايهاب .. هيج نص ساعه ونزلو .. مشيت للمطبخ جبت مي الهم داصب مي لفاروق سحبني من ايدي قربني اله باسني براسي ..

فاروق :- ام احمد عذريني خويه ، غلطه ومتنعاد

ابتسمتله .. لاا خويه عاديه

ايهاب :- زهراء ولا مرة حاجي وياج او منطي وماخذ وياج .. ف سمعي هلكلام مني وامشي عليه لاا قسم بالله اخلي خلاكينچ يم الباب وماكول تعرفنه ونعرفها ، بطلي السانج ولبسج لأن روحي بزعت اطب للبيت اشوف امي احترمي وجودي وامشي ع هذا الأساس ولبسي مستور ، من اطلع اخذي راحتج وليزعجج كليلي وتشوفين شسوي بي

زهراء :- ريام متحترم ابو علي

ايهاب :- اياني واياج تجيبين سيرة ام احمد بلموزين ، الي بلبيت هذا كله عاجنكم وخابزكم واعرف اليحترم والمايحترم ، هلمرة حذرتج المرة الجايه تنصدمين من تصرفي
زهراء :- ابو علي ريام

رادت تكمل .. صاح فاروق..

فاروق :- فوووووك يلا

صعدت فوك وتخزرني .. كعدت امي ع الكرسي وطلعو هما .. كمت سويت ريوك الي ولأمي ولجهال .. تريكنه غسلت المواعين وقلمت الباميه ونكعتها رحت يم امي كعدت...

ام ايهاب :- لو بس اعرفن البنت اليحبهة ابو علي

ريام :- منو كللج يمه

ام ايهاب :- ۿوَ كلي جني وكعت بحب طفله تصغرني بسنوات ، والله وطاح بعشك جاهله

ريام :- هههههههههه يمه كولي غيرها نوب ابو علي يحب طفله

ام ايهاب :- ايي والله يا يمه شني اجذب ۿوَ كلي بعضمة السانه

ريام :- اوييييهي ، يعني يحب يحب

ام ايهاب :- ايي والله واكع بلحب ومندري بي هلمفلوك

ريام :- غير نعرف منو ونروح نخطب ؟ ومنهي الماتقبل بي واصل مستوى وجمال واخلاق شيريدن بعد

ام ايهاب :- مايقبل يمه ، شسويله احط السيف ع ركبته
ريام :- لو عدنه جان حطيتي السيف بس ماعدنه

ام ايهاب :- خلتنزل العرمه وتسوي هيه الغده خووش يلا صيحيها

ريام :- لاا يمه اني اسوي عوفيهة ، لاا تصيير مشكله وتطييح براسي تعرفين حضي بعد

ام ايهاب :- نفس حض امج ، امداج وامده الجابتج اي والله فكر دكومي مني كومي

ريام :- ياا يمه شبيج وليتيني غلط ، كايمه اسوي اكل ولتصيحين عليهة ختولي

ام ايهاب :- ام عدي شني ماكملت فاتحة ابنهة ؟

ريام :- لاا خطيه وين ، ۿيَ ترجعلنه بكيفه خليهة

ام ايهاب :- اي ترجع شوكت ماتريد

...............

ليار ..
صار الليل وامي ع كعدتها كلشي ماتحجي ضل بالي كبل خابرت ع ايهاب ..

ليار :- الوو عمو

ايهاب :- اني بلمركز وابوج يرادله وقت حتى يطلع

ليار :- خو مابي شييي عموو

سداه بوجهي .. تف عليك حقيير ميحس ويكول خايفيين شي نذل .. رحت سويت اكل لأمي شوربه .. كملتهة صبيتهة الهة ماقبلت تاكل ..

ليار :- والله ماما حيطلع عمو ايهاب كلالي !!

منار :- اكلي انتي حتى اكل

صحت لمهى تاكل .. ضليت اكل وامي قنعتهه واكلت ..

كمت الوب وانتضر ياربي اباوع لأمي كاعده منتجيه ع ايدها وغافيه حقها من الصبح ع هاي كعدتهة .. ضليت اطكطك بأصابعي .. واباوع للباب يارب يندك مابقه صبر ..

دك التلفون .. الأستاذ ايهاب .. جاوبت وكلي لهفه وتوتر ..

ليار :- الوو عمو هاا شصار فدوه احجيي

ايهاب :- ليار سمعيني

ليار :- احجي داسمعك

ايهاب :- امج وين ؟
ليار :- غافيه

ايهاب :- شوفي بابا راح اكلج شي وسويه

ليار :- احجي

ايهاب :- مايفيد علتلفون ، راح اجي الكم

سداه .. ضليت صافنه شيريد مني .. باوعت لماما كلبي نغزني ماتتحرك .. رحت يمهة ضليت صافنه ع رئتها شفتها تتنفس سحبت ايدهة بستهة ونمت ع رجلهة كلت بصوت ناصي ..

ليار :- ماما لا تعوفيني خايفه تعوفوني واضل لوحدي ، وياخذوني

باوعتلهة نايمه .. عدلت جسمهة جبت بطانيه غطيتيها وكعدت بلأرض وحطيت ايدهة جوه راسي وضلييت ابجي .. لوحدي ابجي واطلع حركة كلبي بس مو كبالهم

حضني احد من وره باوعت مهى تبجي وتشد بحضنتها .. درت عليها .. شكد ناعمه ..

ليار :- هاا حبيبتي اشش لاا تبجين ، راح يطلع بابا اشش

هزتلي راسها بـ اي كتلهة بصوت ناصي .. روحي نامي ع الجربايه واني شوي يجي عمو احجي وياه واجيكم ..

راحت بدون متسوي شي رحت سحبت الجبة لبستهة وحطيت الشال شلون مجان .. دك التفلون جاوبت ..
ليار :- هاا

ايهاب :- طلعيلي يم الباب

ليار :- ادخل خل ادخلك بلديوانيه واحجي

ايهاب :- كلامي ماعيده

سداه .. اااخ حقييير باوعت لأمي طلعت ماسمعلك اله صيحه امي جفلت بمكاني ..

منار :- وييين موليه ولجج ليييار

درت عليها .. ماما استاذ ايهاب اجه يريد يكلي كلام

منار :- مايعرف يدخلل الأستاذ

:- مادري بس كال كلام مهم

منار :- وين راح تحجون

:- بلباب هوه كال ماتأخر

منار :- يلاا روحي واحسبلج الدقائق دقيقه دقيقه اخذي تلفونج هم .. وعوفي تلفون ابوج
ليار :- راح اخذ تلفون بابا احسن بي رقم الأستاذ وانتي اذا ينشغل بالج رمشي عليه من تلفونج لتلفون بابا

منار :- ييلا لاا تتأخرين ولزمي جبتج من كدام لاا تطير ويطلع تراكج ، عدلي شالج يلاا

عدلت شالي طلعت واني اعصر بتلفون بابا .. محد ضلمه عتمه .. باوعت مناك طابك السياره ومشغل الايتات .. رحت وكفت كبال السياره اباوعله مركز عليه ويدخن .. اشرلي براسه اصعد .. فتحت باب السياره لزمتني الرجفة سديته ورحت للوره ﭑريد افتح الباب سداه بلسويج .. اشرلي براسه بأنو اكعد كدام ..

صعدت كدام يمه اباوعله ضخم اكتافه اعله من الكشن .. ايد حاطها ع السكان وايد بيها الجكاره خفت حييل نضراته حاده ويباوعلي بجنون .. ضليت ارمش بعيوني وادورهم منا ومنا اباوع لقمارة السياره والعب بأديه ..

كمزني وهو يحرك السياره بهدوء وانضاره ع الطريق باوعتله حجيت بصوت وناصي .. وين عمو

ايهاب :- خلي نبتعد لاا يشوفونه ولو ماجيتيني بهذا لبسج جان كعدنه بمطعم وحجينه

حجيت واني ابتسم بسخريه ع كلامه مطعم وابوي بلسجن ؟!
ليار :- هههه مطعم شدتحجي ؟ ابوي بلسجن وتكلي مطعم ، اوكف اريد انزل

مديت اديه افتح باب السياره ماحسيت اله وهوه يوكف السياره .. وسحبني اله وجهي صار بوجهة باوعتله نزل عيونه لشفايفي تحركت شوي شد بقبضته ع اديه كال بهدوء وهو مركز ع شفايفي وعيوني ، عيونه تتجول بوجهي كله ..

ايهاب :- ليييار كافي بابا خليني احجي

درت وجهي مستحيه شلون هيج يخلي وجهة بوجهي كلتله بحده ...

ليار :- كلتلك لاا تتقربلي بهاي المسافه ابتعد

تقربلي اكثر مادري شبي غمض عيونه ، ضل ع حركته وابتعد بسرعه مسح وجهة نزل من السياره صار وراها ماخلاني اشوفه .. ۿِيج دقايق واجه

ايهاب :- العفو خابروني

يمته خابروه جذاااب ..

ليار :- بابا ليش ماطلع

ايهاب :- مشتكين عليه ماكدرت اسوي شي
انصدمت عمو ايهاب ميكدرر .. ؟
يكدر ومتأكده مية بلمية بس مادري ليش يكول ۿِيج !!

ليار :- ماكدرت ؟ تكدر بس ماسويته

ردت انزل كال وهو يأشر بصبعه على الكشن .. رجعي لمكانج لاا والله اخذج لمكان تحتارين ترجعين منه

سكتت كلتله .. ايي كليي لييش وهسه حيضل هاا ؟ ابوي حيضل بلسجن شكول لأمي ولأختي واني كتلهم عمو ايهاب راح يطلع بابا

ماكدرت الزم دموعي نزلو .. شكول لأمي والله يصيير بيهة شي بس اكله بقه بلسجن

ايهاب :- شوفي راح نتفق اني وياج اتفاق

ليار :- شنو ؟

ايهاب :- ترحيين لعمج وتكليله اتزوج ابنك بشرط تسحب الشكوة الي ع ابوي وتسجل البيت بأسمنه

ليار :- وبعدين ؟

ايهاب :- وبعدين !
سكت دار وجهة ع الجام رجع باوعلي رفع تك حاجب ..

ايهاب :- وبعدين اخطبج ، اخطبج فترة علمود يعوفوج وتالي كلمن يروح بحال سبيله ، وبهاي الحاله ابوج يطلع من السجن وتتخلصين من عمج وماهر والبيت يتسجل بأسمكم

ضليت صافنه .. مادري شصارلي ماجان هامني غير بس يطلع بابا من السجن ويعوفوني بس نغزني كلبي وعرفت هلشي سواهة متعمد وماعندي غير حل شسوي !! ..
خفت رچفت ..

كلتله برچفة ..
- تمَام موافقه عمو فترة وتعوفني

يتبع ..

، شخبار البارت حلوو لاا رأيكم بلأحداث ، تصويييت وتعليق يلاا شدو الهمه 🧡.
الجاي أحلى واحلى 💞.