احبيني أن تجرأتِ

بارت 2

لتنسون التصويت والتعليقات بين الفقرات

#احبيني أن تجرأتِ

#البارت الثاني

، ، ، ، ، ، ، ، ، ، ، ، ، ، ، ، ، ، ، ،

حسيت بدي الزمهه واموته بأيدي .. ضليت واكفة ماطلعت ، ندار عَليه كال وهو يكعد ع الكرسي ..

ايهاب :- تفضلي بره

:- بس افهمك

ايهاب :- شتفهميني ؟

ليار :- والله هيه ضلت تحجي عنك اشياء محلوه كلتله كلشي... اي وكالت يتزوج ع طريقته كل يوميه ..

ابتسم كال ..

ايهاب :- تجذبين عليه ؟

ليار :- لاا عمو والله هاي رهف اسألها
ايهاب :رهف عادل
ليار :- ماعرف بس هسه منتضره بالباب
فتحت الباب ماكو وين رهف ماهيه انصدمت .. شفته يضحك ..

ايهاب :- بابا انتي مفصولة لتعبيني وياج

نزلو دموعي حطيت ايديه ع وجهي .. حجيت بين دموعي والبحة الصارت بصوتي اول مرة ابجي كبال غريب ..

ليار :- ممسويه شي والله ليش متصدكني عمو والله ممسويه اسأل رهف

كام من كرسيه اخذ بطل مي من ع الطاولة تقرب يمي انطانياه ..

:- كعدي وشربي مي

كعدت ع الكرسي ومستمرة بالبجي .. سحب البطل من ايدي فتحه ورجع انطانياه ..

شربت مي وخرته كال بصوت ناصي ..

ايهاب :- صيري عاقله وعيني حتكون عليج

عصرت اصابعي :- يعني ماتفصلني

ايهاب :- لا ، بس مرة الثانيه اصلا مافكر وكبل فصل

:- واني شمسويه ليكلك مجرمه

كلت مجرمه رفع راسه خزرني ..

ايهاب :- يلا رجعي لقاعتج
هزيت راسي وطلعت الله ياخذه يصدكها وميصدكني مدري شمسويه الخايسه اعلمها اعلمها... كملت يومي وهو ما اجانه ولاا محاضره خلصت طلعت شفت بابا متانيني صعدت بالسياره...

:- هلااو بابا

امير :- هلاا ليار بابا شلون يومج

ليار :- يييييخبل بابا تمنيته ميخلص
كلت بكلبي من امداه أي والله ..

:- الحمدلله تردين اخذلج منا اكلة مشتهيتها

ليار :- يبووي وتشوفني امي غير متطببني للبيت

امير :- ههههههه اي وتكلج تاكلين من غيرر اكلي شيفكج مني

ليار :- ايي حافضها بعد انته هههههه

وصلنه للبيت نزلت شفت ماما متمدده ع القنفه رحت بستها .. شلونج ماما

:- هلاا عصعوصتي شلونه يومج

:- يجنن يجنن ياريت ماخلص هههههه

:- يافدوه عساها هلضحكه دوم
رحت للغرفه ذبيت روحي ع الجربايه يمه واجه بالي شكد حلو وهيبة وشخصيه بس ماينحمل الله يساعد لتزوجه ، خربو يومي الأول بالجامعه هف خيولون ،

بدلت وكلت لأمي ماريد اتغده ذبيت روحي نمت ماحسيت اله ضربه اجتي ع صماخي .. كعدت وطافره الدنيا من عيني...

:- خيررر خيررر يمه ۿوه ۿِيج اليكعد

باوعتلي صفح .. كومي لج الساعه بـ 8 المغرب ابوج بيت عمج وكال خل تكعد عمها يريدهاا...

:- خير شرايد حن عَليه

منار :- شكله شكله سكتت انلصمت كتله تبدل وتجيك حيجيج ماهر ياخذج

كمت ع حيلي واني الف شعري الكصير بعصبيه وعليه أثار النعاس ..

ليار :- لوو يموتون كلهم ماروح وشيصير خل يصيرر

منار :- يمه يمكن موضوع بي خير ليش نحكم بسرعه علبشر

ليار :- بشر !! هذولي بشر حشه ابوي
منار :- بله هلحجي بدلي وانتضري ماهر

:- ماروح اصلا المن رايحه يدرون بيه عنوديه وماسمع الكلام ف علشنو يتعبون روحهم وقاسم يكعد ينطيني محاضرات عن الدين

ضحكت وكالت .. الياخذج يرجعج عليه ثاني يوم

ليار :- يمه ماروح لاا تحاولين

منار :- خوش راح اكول لأبوج مريضه راسها

ليار :- لاا مريضه ولا بطيخ صل مابيه شي كليلهم متريد تشوف جهرتهم

طلعت واني رحت للحمام غسلت ورحت للمطبخ طلعت فواكة كمت اكل اجت امي معصبه ..

منار :- ابوج يكول كلام ماسمعلها يجي ماهر ياخذها

ردت احجي خزرتني سكتت ماكدر اعاند امي ولا ابوي .. رحت شفت الكاب لبسته ولبست حجاب قطرة مكياج محطيت .. طلعت انتضر المهلس .. ندك الباب بست امي ورحت ..

فتحت الباب طلع بوجهي رافع حاجبه عود متعصب حصرتني الضحكه ونبي ..

ماهر :- امشي يلا
مشيت كباله اجه يمي يمشي ..

:- احم احم ، اتمنه اشوف شعرج

باوعتله صفح وعوجت حلكي .. عباله طويل هوه مهلس وكصير ..

ليار :- لااا اكيد انته مو صاحيي

ماهر :- يلاا اشوفه بالخطوبه

ليار :- بحلمك وحتى حلم هواي عليك وع اهلك

لزمني من ايدي قوي وجرني عَليه ..

ماهر :- دربالج اكسر راسج بس تذكرين اهلي بالموزين

دفعته هم مهلس وهم صايرلي زلمه ..

ليار :- احمد الله ابوي عمك جان هسه غطيتك
بالأرض

دفعني ومشه ..

ماهر :- اكسرلج عينج بس احط الحلقه بصبعج

ليار :- اكطعه لصبعي ولاا احط حلقتك
مشيت كباله كالل بصوت عالي ..

ماهر :- امشي يمي لاا اطيحلج حض

ليار :- دكافي مو جاي اقصف بيك وانته حتى ماتعرف ترد ويكلولي قبلي بي مكمل دراسه شلفايده

رفع ايده راد يضربني بس تراجع مشه كبالي واني وراه وصلنه لبيتهم دك الباب فتحوله ودخل ضليت واكفه سحبني من ايدي ودفعني جوه وكعت ع الزرع رفعت راسي عضيت شفتي حييل وكمتله ...

ليار :- حيييييوان شلون تدفعني والله لأكول لأبوي

مشيت اركض والدمعه بعيوني ايدي توجعني رحت ركض للديوانيه اسمعه يصيح اوكفي رجال غريب وكفت رحت جوه يم البنات ..

سمر :- هلاا بت امير شو معصبه

كعدت ع الكرسي كلت بنفاذ صبر ..

ليار :- ولي من يمي

سمر تصير بت خالتهم ..

غيداء :- شبيج لولي منو مزعل هلعيون الحلوات

ليار :- جديده عليكم ؟ اخوج المهلس
سمر :- عزززززا هذا ماهر الحليوو والطول والجسم وتكولين مهلس

ليار :- عاجبج تزوجيه المن حاشكيني بي

سمر :- خابصنه يريدج لو يريدني عادي اخذه

ليار :- انتي نفسج ۿِيج ياهو ليجي تركضيله اني غيرر عنج نفسي عزيزه ماركض وره منو الچان ماعرف الخيسه من النضيف

سمر :- احترمي طايحة الحظ من مساع ساكتتلج اكول معصبه بس طز انتي ونعالييي

ليار :- ااااااه هاي عَليه والله اليوم حتى ابوي ميخلصج مني

ردت اكوم كعدتني غيداء...

:- اكعدددي خيه شيكولون عليج حتصير محامية وهيج تصرفاتها

لزمت روحي جابلتلي كلاص مي ماكعد راحه هييج متت دمي يفور لزمت الكلاص وذبيته بوجهه سمر فكت حلكها شبرين ونص وعيونها ضلت ترمش وتصيح...

دخل ماهر .. شبيجن من انشاءلله سم وزقنبوت عفيه بنات خيسه

غيداء :- ميكعدن اتعاركن

ۿوَ كالت ۿِيج وهو تخبل اجه لزمني من ايدي ويعت بيه منا ومنا احس لو طفله جان نمتنت...

ماهر :- ترببة ماكو بنات عمي دايحات جامعه روحة وجية وشباب حلوين تخبلتي حيووووانه

ليار :- ابوي مربيني احسن منك وخررر عنيي طايح الحظ لتجيسني

بعدني ممكمله .. دفعني ع زوايه الطاوله يصير بيها بوز وهي كزاز دخلت بكصتي ضليت اطفر من الألم ، لزمتها بأيدي كلها دم كبل غيداء ركضت مدري المن...

احس بدوخة باوعتله واكف وحاط راسه بين اديه وخايف .. اجت مرت عمي تسد بحلكي حتى لا يسمع ابوي..

:- فضحتينه عدنه رجال وللج اسكتتتتتي

غيداء :- يمه حرام عليكم خل ناخذها للمستشفى شوفوو الدم

سمر :- اسكتييي ملاك الرحمة محد نعل يومنه غيرج

يحجون وخايفيين واني احس بألم مو طبيعي وعيوني دتغوش ..
غيداء ببجي .. والله خطيه شسويتها بيهاا

كالت مرت عمي وهي تصك ع سنونها ..

:- خره اسكتي ، ماهررر صعدها ليفوك لحد يحس تره ابوها ميسكتت وعدنه هلرجال لو شافها جان خرب الشراكة

اريد اصيح بأسم بابا .. بس سادين حلكي واني منا مماكله نسدن عيوني اسمع ماهر يضرب ع خدي ،

ماهر :- اسف اسف اكعدي لياررر والله مادريي ايدي چرت عليج

سمر :- عوفها ختولي صعدها وطبها مرض

غيداء :- الله اكبر اسكتييي من الله ياخذج

كعدت واني احس راسي ثكيل شفت روحي بغرفة ماهر تسودنت يمه يمه .. بعدني مكايلة شيہ نحطت ايدي ع حلكي وكال وهو يباوع لعيوني ..

ماهر :- واخيراً نمتي ع فراشي ، ليار حبيبتي لتخافين اني يمج وخليت امي تعقم جرحج

احاول ادفعه مايندفع .. كال ..

:- لتخافين شعبالج اخذج ؟ يصير هلشي بس مو هسه لما تصيرين بأسمي كدام الله وشرعه
دفعت ايده كمت راسي ثكيل كلتله .. اريد ابوي

ماهر :- عمي خابرني وكال وينها بتي ههه تذكرج توه أي كلتله ماقبلت تجي

دفعته :- حاسب نفسك رجال ؟ بهاي سوالفك

راد يلمسني صرخت...

ليار :- امووووووتك والقراءن لتجيسني

مشيت اريد اطلع الباب مقفول ..

ليار :- بطل سوالف المسلسلات وافتحلي الباب

ماهر :- افتحلج حتى تكولين لأبوج ضربني !!

ليار :- راسي يوجعني واحس حطيح افتحلي الباب اريد اطلع ماريد اتواجد وياك بنفس المكان افتح القندره

ماهر :- اني اطلع وانتي ابقي اهدي وارتاحي براحتج ع مايروح ابوج والرجال

ليار :- اها وابوي يروح يشوفني مموجوده ويسئل امي شراح يكون موقفك ۿنا ؟

ماهر :- ههه سهله اكله لحكتني
ليار :- خيالك وااااسع ڪُلش افتح الباب داكول

ماهر :- شنو الشي لمتحبيه بيه حتى ابطله وتتقبليني

ليار :- كلشي لتغير اخذ التقبل بيك ع صفاتك وسوالفك لتتغير

ماهر :- ننخطب وتعودي عَليه واذا شفتي روحج بعدج مرايدتني الج الحق الكامل بأنو تعوفيني وتفسخين الخطوبه

ليار :- مادامني اشم الهوى اسمي مراح يكون بضهر اسمك وخلاص نقطه عوفني رجاءاً

خليت ايدي ع يدة الباب لزم ايدي وكال برجاء ..

ماهر :- اخليج تكملين دراسة ، وفترة ونطلع بيت لوحدنة ونسافر ونترك اهالينه وشلي يعجبج اسويه بس شوي شوي

ليار :- اوك افكر بس افتحلي الباب حوكع

لزمني من ايدي يريد يسندني عطت .. لاا تلمسني كلت لااا تلمس

حط اديه بتجاهي وهو يبتعد .. خلاص والله ما اجيسچ

فتح الباب دفعته وركضت اصيييح وهو يصيح وراي ..

ماهر :- خرب ** ضحكتيييي عليييييه لياررر تعالييييي

ركضت وهو وراي يركض عثرت بالدرج بس كمت اركض اقوى رغم الألم البيه وصلت للحديقه وتوچهت للديوان بعدني مداخله لزمني من ايدي فرني عَليه ضربني راشدي وكعني بالأرض اريد احجي ماكدر سد حلكي خنكني سحبني من شعري للحديقة البيها زرع دفعني ونام فوكي يخنك بيه ويصيح ..
ماهر :- الي انتي اليي اموووتج اذا مترضين

اريد ادفعه ماكو احس راح اموت وهاهيه يترحمون عَليه .. كال بنبرة بجي ..

ماهر :- كلشي قبلت حتى بس توافقين ع الخطوبة بس ميفيد راح اكرهج والله من هاي سوالفج

باوع لجسمي رفع عباتي واني تسودنت ضليت ادفع وخر ايده خلاني اتنفس ردت اصرخ حط ايده ع حلكي ويضغط .. عضيت ايده وخر تفلت عليه ۿوَ تخبل ضربني بوكس ع حلكي احس شفايفي نفجرن دم ..

دفعته بأديه وضليت الوب كل هذاا مانزلت دمعه مني احاول اقوي بروحي .. زحفت للديوانيه دكيت الباب هوو وراي يتوعدلي ...

ليار :- بااااااااباااااااا

فتح الباب ابن عمي الصغير عمره 14 فتح عيونه دار وجهة صاح...

:- عموو هاي ليار كلها دم عمووو

ابوي اجه يركض بس شفته كمت الزم بلباب ذبيت روحي عَليه فقدت بعد .. اسمعهم يحجون والرجال سامعه صوته ..اي سامعته
دخلوني للديوانيه كعدت يم ابوي ومنزله راسي افرك بكصتي المضروبه ..
امير :- اليوم ينتهي كلشي لا اعرفكم ولاا تعرفوني وبتي تنسوها وتنسون الخطوبه وكلشي تنسون

قاسم :- خويه نعتذر ، بس خلي يخلص الرجال كلامه واحجي لتريده

:- ممجبور اسمع هلكلام واني جاي علمود شغل متعني هلطريق ع اساس شغل شلي جاي اشوفه حالياً ؟ مهزله

امير :- انعل ابو الشغللللل بنتي مضروبه اجتي وتكلولي شغلللل لك قاسسسم ماهامك غير شغلك خلي يفيدك واني انسحب من الشراكة

قاسم :- خويه اعتبر كلشي تريده يصير باجر نلتقي بالمطعم ۿنا من وره هلتافه بت اخوي عطلناك

كام وكف رفعت راسي شفته الأستاذ اه ممصدكة وربي .. شهكت ۿوَ فر راسه باوعلي ..

ايهاب :- بالجامعه وكحة وهنا اوكح بعد

قاسم :- حتى بالجامعه مكاعده

سحبه ع صفحه كلاله ..

قاسم :- نريدها لوليدنه بس خبصتنه وع هلخبصه وكعت من الدرج
:- ابو عمار شعلي بيكم مشاكلكم حلوها لوحدكم

باوعلي وكمل كلامه... ليار بالجامعه اتدخل بيها لكن ۿنا انتم اهلها اقرب واحن بس رجولتكم زفت شنو هذا المسوينه بوجهة ؟

ليار :- بابا جذابين والله مطحت من الدرج ، ماهر ضربني وحاول

ردت اكمل سكتت .. حاول يعتدي عَليه والله العظيم

ماحس اله ضربة اجتي ع حلكي شفته عمي سحبه عمو ايهاب وكلاله ..

ايهاب :- هاي رجولتك تمد ايدك ع طفله

قاسم :- خويه ماتحترم تشوفها تتبله ع ابني !!

ابوي تسودن مضل يشوف راح ركض لميز الديوانيه سحب الرشاشه وركض طلع بره مسمعنه غير طلقه خليت اديه ع ذاناتي وصرختتت يمه بابا يمه ..

ارد اطلع ماكو تجمدت ركضو كلهم اله الأستاذ طلع باكيت الجكاير ودخن .. باوعتله شنو من كلب شاييل .. كعد ع التخم وصاح ..
ايهاب :- يمته تخلصوني دخيل الكعبه

ركضت بره شفت ماكو شي ماهر كاعد بلأرض ويبوس برجلين ابوي ..

ماهر :- غلطة ماتنعاد والله عمي والله

ابوي باوع لعمي كال... كلمة ثاني اموته بأرضه وخره مني

سحبوه ابوي لزم ايدي وكال روحي للبيت لاحكج ..

ليار :- بابا اروح وياك اخاف يلحكني

سحبني من ايدي صاح عمي .. شابه ومدخلها يم رجال خلها يم النسوان

:- الثقة انعدمت والأمان ببيتكم ماكو اخليها يمي احسن اخاف المرة الثانية تحتارون شتسون لأبنكم .

دخلنه الأستاذ كال وهو يطلع الدخان من حلكه .. بله اني منتظر هنا شكو خير ؟ عندي دك شغل كملوها لسوالفكم بعد خلنسهر سوه خلنشوف من الكاتل والمكتول

قاسم :- يابه سوالف بايخه خلصناها ، خويه بس وقع وخلاص واذا متريد باجر بـ 7 الصبح اجيك لشركتك طياره
ايهاب :- الصبح بالجامعه ، فضوهة هسه

عمي انطاه اوراق كلاله وقعهن ..

اشوفه شلون يرفع بحاجبه اضخم واحد وارتب واحد بيهم هوه ، عمي هم مشيب بس مو نفسه ۿوَ مرتب شعره مزينه بترتيب وملابسه مرتبات جان لابس بنطرون اسود وقميص اسود ومفتوحة الدكم من فوك .. درت انضاري لأبوي كلتله بصوت ناصي ..

ليار :- بابا خلنروح

هزالي راسه .. هسه بابا بس نوقع ونروح وصبرج عَليه اله اخلي ماهر يعبدج عباده لتخافين بابا اني يمج ، تردين نامي ع رجلي ولتهتمين الهم ولاا لأستاذج

سكتت ماعرفت شنو ارد عليه استحي بس يبقه حبيبي الأول والوحيد والسند بابا ..

خليت راسي ع كتفه .. اباوع للأستاذ رفع عيونه باوعلي صفن لـ دقيقه ودار وجهة لعمي ..

ايهاب :- هاي هية اعتبرو الشراكة بينه ، غلطة منكم انهي كلشي خليها ابالكم

ابوي كام كال لعمي .. تعال شوي احاجيك
طلعو برة اباوعله ، رجع جسمه ع التخم حط رجل ع رجل ولزم الجكاره بيم اصابعه ويدخن ويرفع راسه ويطلع الدخان .. كال وهو ملتهي بجكارته...

ايهاب :- شسالفتج وياهم

عدلت كعدتي حمحمت وحجيت .. ماكو شي

هز راسه ع الخفيف وكام .. مسحي شفتج كلها دم

ضليت ساكتة ودرت وجهي اجه يمي وكف طلع من جيبه وصلة بيضه مداهها الي ..

:- تفضلي

اخذتها مسحت شفتي تألمت صحت ع كيف ..

ايهاب :- ماهر ضربج ؟

هزيت راسي بـ أي .. كال ببرود

ايهاب :- سهلة يجي يوم اشكه نصين واعلمة الرجولة مو ۿِيج

صفنت ؟ ۿوَ شعليه بس مبين ضاج لأن صدك شكلي يقهر ..

دخلو ۿوَ كعد وكال ..

ايهاب :- هه انبهرت من رجولتكم وغيرتكم ع بتكم

قاسم :- شنسويلها لسانها بطول
راد يكمل باوعلي وكال .. شلك بيها دختولي وكحة وعرمة

امير :- شني انته ماتبطل اله تخليني اسوي المايتسوه واطلع اخليك حاير وحك الله

سكتو كعدو ابوي باوعلي كال :- بابا اخذج لصيدلاني يعقم جروحج

هزيتله راسي بـ أي واني لازمة وصلة عمو وحييل عاصرتها .. بقو يحجون تالي كامو ۿوَ عبر من يمي دخلت ريحته لخشمي شكد حلوه كال...

ايهاب :- بابا باجر مو ضروري تجين ارتاحي

ليار :- مابيه شي عمو انشاءلله اجي

ايهاب :- تشوفين روحج تمام تعاي حتى تستفادين من المحاضرات

هزيتله راسي راد يطلع باوع للوصله الي بأيدي ابتسم وطلع .. ضليت صافنة ليش ابتسم خير ؟ باوعت للوصلة يبوو شون لازمتها ابوي كومني ردنه نطلع باوعت لسلة الزباله ردت اذب الوصلة تذكرت انطانيها عيب ، طلعنه يم الباب باوع لأبوي كلاله ..
ايهاب :- تفضل ابو ليار اوصلك

امير :- لا نمشي عادي قريبة علينه الصيدله

باوعلي كال .. احجي علمودها مو عليك

صعد بسيارته شخط كل قوته وراح اباوع شكد حلوه سيارته انشاءلله اشتري منها .. مارسيدس حديثة .. بس شكد متكبر ،

مشينه اني وبابا دخلنه للصيدله عقم الجروح وكال كصتها اذا وجعتها و ورمت لازم ترحون تسون اشعة ، بابا كلة تمام وصلنه للبيت دخلت ماحجيت شي ابوي كال لأمي ۿِيج وهيج ۿيَ تخبلتت وضلت تصييح ولعبت طوبه اجتي نامت يمي ..

صار الصبح كعدت غسلت وحطيت لصقة ع الجرح الي بكصتي بدلت واخذت كتبي ..

وصلني بابا وي نزلتي شفته بكراج الجامعه واكف ومنتجي ع السياره ولابس قميص اسود وبنطرون اسود وسترة مارونيه تخبل وشعره مرفوع والنضارات الي لابسهم مزيدته جمال وشخصية لازم التلفون ع ذانه واشوف بس شفايفه يتحركون بهدوء صفنت عَليه ابوي صاحلي ..

:- اخذي مصرفج لوله

اخذته منه ورحت .. دامشي شفته باوعلي وماهتم .. دخلت للكلية وقبل لقاعتي لزمتني رهف ..
:- ۿِلو ليار ، هاي شصاير بكصتج

دفعتها :- وخري عني ولتحاجيني ابداً

رهف :- وربي بدت المحاضره وصاحولي البنات ولذلك رحت شبيج

كعدت ع الستيج ..

ليار :- جان كلتيلي شبيج

رهف :- يلا صارت اسفه

ليار :- تمام خلاص حبي

ضلينه نحجي وحاولت انسيها بخصوص الجرح الي ع كصتي .. بدت محاضرتنه واني اصفن من خلصت اجه العامل كلي يريدج الأستاذ ايهاب  .. باوعتلي رهف ..

رهف :- ها ها شعنده وياج

ليار :- مادري اشوفه واجيج

شفت هذني التعاركت وياهن كاعدات بـ الكفتريا مشيت وعفتهم وصلت لمكتب الأستاذ دكيته كال ..

:- دخلي
ليار :- نعم عمو

ايهاب :- نحجي ع الواكف ؟

ليار :- ها اي اي
كعدت ع الكرسي

راد يحجي دك تلفونه كام ونطه وجهة للشباك وحط ايده بجيبه يحجي بهدوء عن الشغل .. سد التلفون اجه كعد كال بأبتسامه ..

ايهاب :- وين وصلتي ماصدكتي اخذتيهة ههه

ليار :- لاا مو ۿِيج بس عبالي الي

ايهاب :- عجبتج اخذيهة بابا

صفنت ۿيَ وصلة شيعجبني بيهة .. رجع جسمه ع الكرسي .. باوعتله

:- عمو اطلع ؟

كال .. بكيفج

رفعت راسي باوعتله وكلت بأنزعاج .. لعد المن صحتني ؟

ايهاب :- حبيت اشوف خو ممتأذيه حتى مادزج لبيتچ
كلت بصوت ناصي .. ماشاءلله تحب راحة طلابك

رفع تك حاجب ابتسم طلعت غمازته .. نعم ؟

كمت وكفت ..

- بعد لدز عَليه اذا ماعندك موضوع مهم

كام حط اديه بجيوبه رفع تك حاجب تقرب عَليه طلع اديه من جيوبه ودنك خله اديه ثنينهم ع ادين الكرسي وتقرب ڪُلش كال ببرود ...

ايهاب :- السبب ؟

تفاجأت من حركته هاي وتقربه عليه ريحته دخلت خشمي اباوع اكتافاته العراض سدن الشاشه وصدره صار بوجهي والريحة تهف بوجهي ، احس توترت ومدري شصارلي كبل درت وجهي كلتله واني الزم اصابعي حييل ..

:- ااا ابتعد شوي عمو

كرر كلامه بحده .. السبب ؟

يتبع ..

همتكم بلتصوييييت + شلونه البارت
اتحمسسو البارتات الجايه احلى واحلى 💞.