روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
أمي :- ايييييي نروح ايييي نـضل مكتفين الايادي وأنتِ شـعراية ويه المـوت ؟؟؟
ريتاج :- شنوو ؟؟
أمي :- اي شنـو شنوو
أبوي :- كومي بويه كوي رجعي بدلي
ريتاج :- ما اروح
أمي :- ريتاجه لاتشلعين گلبي على الاقل نفتهم علمود نرفع دعوة صخام اليصخمني
أبوي :- هدوء هـدوء خلي نفتـهم
ابوي گُلش هادئ بهيج مشاكل او سوالف بالبيت أبدًا مو اعصاب عكس أمي ودائمًا يتصرف بهدوء وبشطارة باوع عليه :- ليش ما تردين نروح ؟
ريتاج :- بابا أني اعرفها ريم ماتسوي شي يضُرني حتى من انـطتني العلاج كالت مو مُضر أني دكتـورة وأعرف شـنو الضار وشنو المـو ضار
حُسين :- وانتِ كُل عقلج وصدكتيها ؟
أبوي :- حُسين بس اسـكت أبني خلي نفـتهم
حُسين :- مدا تشوفها داترفع الضغط
أبوي :- اسكـت يعُيوني ، وأنتِ صـعدي بدلي بدون كلام زايـد يله بنتي يله حبيبتي
ريتاج :- ما اروح تردون تفشلوني وي صديقتي وتهدون ؟؟
أمي :- ما نهد بس نفتـهم بالغلط منطيتة الچ بالصـح مُتعمدة لا
حسيت راسي بدأ يأذيني سكتت :- داكلكم ماتسوي شي الي أني اعرفهااا
حُسين :- لاتصيحيـن !
ريتاج :- مامصييحة .
أبوي : - هاهيه بابا روحي صـعدي نامي ودزي موقع البيـت مالتهم لحُسين واحنه نـروح الهم
ريتاج :- شنو تكلولهم ؟!
أبوي :- معليـج بنتي سوي الكتـلج عليه
ريتاج :- تمام
رحت صـعدت فوك دزيت الموقع لحُسين صـاح من جوه :- ووووصل
ريتاج :- ماااااشي
ربع سـاعة على ما كملو طلعـو نزلت قفلت الباب وصـعدت شربت مهدئات ونمت
....
كاعد ومكابل الابتوب دخل آسر باوع عليه :- شلونه العشك ؟
- زيـن
- الله يـهدي الك
- آمين
- اكلك
- كـول ؟
- شنو سويـت من خذت المفاتيـح مال البيت مني ؟
- جانت شغلة ببالي بس ما صارت
- يعني ما رحتلة ؟
- اي
- ههههه تـدري أني اجت ببالي شغلـة
- شنو هيَ ؟
- حسبالي راح تاخذ العشك مالتك بي
- ليش اخذه ؟
- نيتي خايسـة معليك هههههه
- ايا خايس كوووم مني ولي عن خلفتي خلي أقره
- رايح ههههههههه رايح ومحمد
كام يضحك وأني رجعت فتحت التلفون ودزيت ڤويز لحواء :- " حواء خيتي ضلي راسلي فُستق بالي يمها حتى لو تكُلج ما بيه شي لا بيها بس اصري عليها وخلي تكُلج ورجعي كُليلي علمود استفسر كم استفسار هُنا "
- ميخـالف خويه من عُيوني
- فـدوات لعُيونج
قفلت التلفون والتهيت أدرُس للامتحانات
....
كعـدت على آذان المُغرب بـاوعت على الساعة لكيته مـاره ساعة وهمَ بعدهم ما جايين فتحت الاتصـالات لكيت اتصال من حـواء غلست عليه ورحت اتصـلت على رقم أمي رفضـتة شويه ودزتلي مسج :- جايين
شفته ورحت اتصلت على حواء رسًا جاوبت سلمت وكملت وكالت :- شلون صحتج رحتي للدكتور لو بعدج ؟
أريد اكُللها بس عقلي يكول لا لإن راح تـوصل لحيادر وأني أعـرف هوَ دايدزها الها علمـود يطمئن عليه وخاف بعد مـا يخليني التقي بريم بـس هوَ شعليك بيه مو منفصلـين احنه بعد شكو ؟
- زينة
- رحتي للدكتور ؟
- اي
- سولفيلي شنو كال ؟
خذت شـهيق وزفير وبدت اسولف الها مـن الالف للياء :- أخُت مُتيم صـديق حيـدر الي رحتولهم مـسوية هذه كُله وبعد مقتنعـة أنُ هيَ ماتسوي شي مُضـر ؟
- اي
- شنو تحـس هاي وشنو غايتـها من هـيج داتسـوي ؟
- ليش كُلكم هيج ضد لبنية غير أني صديقتها واعرفها گُلش زين
- رتوووج شنو هـذه البروووود دخيل ربـج ؟؟؟
- شنو شبيج ؟!!
- تدريـن هسه إذا دره حيدر شنو يـسوي بهاي ريم واخـوها صديقة لحيدر تدرين شنو يسـوي لو ماتـدرين ؟
- نسيتي لو شنو حواء شعليه بحيدر أني ؟
- أوف ربي نسيت نسيـت كملي شوكت يجـون اهلج ؟
- مادري
- نرفـزتيني على برودج هاي شـنو مسويه بيج ما أريد احـجي عليج خاف يهيج راسي لو گلبـج ونوب من وراي اروح احـسن الي
- سلميلنة
- على منـو ؟
- على عمتي وأسماء على منو يعني
- بـس ؟
- اي بس
- يـوصل
كالت هيچ وطفيت التلفون نزلت توضيت وصعدت اصلي
....
سـديت التلفون من رتوج رحت خـابرت على حيدر أول ما اتـصلت جـاوب :- هلا حواء
- هلا خويه
- خابرتي فُستق ؟
- اي خابرتها قبل شويه
- رايحـة للدكتور لا شلونـها صحتها شلونها العلاج سـولفي الي گُلشي حـواء
خذت نفس وكلت بگلبي :- " هسه شلون زاح اكُلة هيج وهيج نوب صدمة وره صدمة ريم وصديقه مُتيم ورتوج وعلاجها وصخام ليصخمني ويعزيني يا يُمة "
بديت احجي اله من البداية للنهاية وهوَ بس يسمعني كلمة ما نطق ولا شي خلصت كُل السوالف السولفتهن الي رتوج :- شنو ووو هذه كُله شوكت
صار ليش اني اخر من يعلم وشلونها هيَ هسه ؟؟
- مثل ما كـال دكتـورها حيـدر
- حواء شلون اضمها بگلبي هاي لبنية شنو اسوي كُليلي وفهميني لا أني للسما ولا أني للكاع من صفحة أني مسافر وبالغربة والدنيا طالعة من عيني ومن صفحة ريتاجة وضيمها وزعلها عليه شنو أسوي حوواء عندج حل تعبان أني تعبان راحتي يمها راحتي بصوتها راحتي بسولفها صدكيني خذت راحتي من راحت
والمصيبة الثانية هاي المره ريم الي ما أعرف منين الله طلعها الي ضيم ثالث لو شنو شنو أسوي حووواء شنووو ؟؟
كال هيـج وسد التلفون بوجـهي مالكت شي لإن حـقه گُلشي يسوي اووف يا رتوج اوووف لو بـأيدي الزمج من اذاناتج واكُلـج رجعي لاخـويه الي تعبان من دونج وهوَ راحتـج يمج بس صاير راسها يابـس گُلشي
استغفرت وكمت لأمي سولف الها وتعجبت وكالت :- كم يوم ونروح يمهم
- اي والله گُلش مـشتاقتلهم أني وصـار هواي ما رايـحين
- ميـخالف يا يُمه سهلة
....
مر الوقت الى ان رجعو دعيت أنُ ماكو شي طلعت بره جانو دايدخلون السيارة ونزلو دخلو وسلمو ودخلت وراهم كُل واحد راح بصفحة والعصبية ماتنعرف منين تتطافر بس فكيت حلكي وكلت :- ها خير شنو صار شبيگم ؟
أمي :- خير ليـصيبج
ريتاج :- شنو شكو ؟
أبوي :- كلاص مي يـابه
بعدني ما فكيت حلگي وكال حُسين :- أني هم أريد مي جيبي وتعالي كعدي كبالنة
رحت جبـت الهم مي وردت انطي مـي لأمي وكالت :- ما أريد سـم رجعي وتعالي كعدي
رحت رحجعتة ورجعت كعدت يمهم :- احجو شي ؟
أبوي :- ريتاجة أنتِ كايـله للبنية أريد عـلاج قوي لإن تعـبت من هاي العلاجات أريد جـواب مُقنع ؟
تفاجئت من كلام أبوي :- أني كايله هيج شي شنو السالفة ماكلت منو كلكم هذه الكلام ؟
أمي :- أمـها
ريتاج :- أمها ! وريم وين لعد ؟
أبوي :- على اسـاس مريضـة ونـايمة
ريتاج :- بس بابا أني ما كايلة الها أريد علاج قوي هيَ من أول لقاء ما أعرف الثاني أول شي كالت عندي دكتور زين إذا رحتي اله ينطيج علاج يفيد لگلبج كتلها ان شاء الله وثاني مره من رجعت من السفر جايبة هذه العلاج وانطتة الي كالت جرعتةراقوه من علاجج وراح يفيدج
أبوي :- مصـدكج أني
أمي :- أني ما مخبلني غير أنتِ بس أريد أعرف شلون تاخذي الصخام وماتكولين النه زين شلون ثقيتي بطالبه جامعية مو دكتورة يالكائنات
باوعت على حُسين وكالت :- زين حُسيـن شلون إذا نريد نرفـع دعوة ؟
حُسين :- لا دليل لا شي شلون ترفعون دعوة غير لازم شي يثبت أنُ ريم مطيه العلاج الريتاجة بأيدها
أمي :- أريد أخُذ حق بـنتي والي مرضها هيـج ووصلها لهـاي الحالة ما ارتاح والله اله اخذ حقـها من هاي الخايسـة وأمها
ما مقتنعه أبدًا انو ريم مطيتني علاج علمود تخرب حالتي مُستحيل أني اثق بيها وهيَ هم والبنية حبابة سكتو وكتلهم :- يجوز بالغلط ما متعمدة البنية ؟
أمي :- ريتاجة بربـج بنيـتي حبيبتي شـوفي
بعدها مامكمله وكلت :- ما اعتقد عندها غاية ليش تأذيني لبنية شنو مسويتلها وشنو تستفاد من اذيتي ؟
أمي :- والله هـاي المفروض أنتِ تـعرفيها مو احنه احـنه الي نعرفة منطيتج العلاج ونـاوية تخرب صحتج شي ثـاني ماكو مية بالمـية منطيتج العلاج علمود تخرب صحتـج صح لو غلط حُسين ؟؟
حُسين :- صح ، ولازم تضل تتواصل ويه هاي صديقتها علمود نلزم الها دليل شي
أبوي :- بله اذتـها اكثر ؟
حُسين :- متأذي نوصي ريتاجة تكون حذرة
أمي : شـوفي تصيرين حـذرة او هم تتفهين مـن الفهاوة ؟
ريتاج :- لا هاهية ماشي
كلت هيـج وبداخلي بعدني أني مامقـتنعة من سالفة ريم شويه وكـتلهم :- أريد اصـعد انام
أمي :- تعشي وشربي العلاج ونامي
ريتاج :- ما أريد اتعـشة نعسـانة
أبوي :- كافي بويه البينة مكفينة لاتعاندين كلتلج أمج تعشي ونامي هاهيه على شنو هذه العناد ماله داعي يا بنتي
حُسين :- أني راح اطـلع اجيب عـشه
أمي :- اي والله بعد احسن يُمه تسوي فضل
حُسين :- لا شـنو السـالفة ، وأنتِ ريتاجة تجـين وياي ؟
ريتاج :- ما مبدلة
حُسين :- ميـخالف تبقين بالسـيارة ما تنزلين
ريتاج :- ماشي
حُسين : روحي صـعدي بالسـيارة هسه اجي
عبرت باب الصالة واسمع حُسين يكُللهم :- لاتضغطون عليها ولا توتروها خلي تمر هاي الفترة بسلام لاتروح توكع النه وين ننطي وجهنه ؟
ما حـجو شي رحت صعـدت بالسيارة شويه واجه حـرك السيارة وطلعنة شويه ووكفت كدام مـطعم ونزل قفل السـيارة وراح دخل للمـطعم ربع ساعة وأجه فتح السيـارة ودخل حرك ورجعنـة للبيت تعشينة وكملنة وشـربت علاج وصعدت لغُرفتي
أول ما صـعدت رفت تلفوني شفت مـسج من حيادر حسيت گلـبي راح يطلع من مُكانة من قوه النبضـات أريد اجاوب وما أريد اجـاوب اخر شي فتحت المـسج
جان مسج ڤويز مُدتة ثلاث دقائق ونص فتحتة :- فُستق حبيبتي حياتي عُمري أني قابل بيچ حتى إذا لا سامح الله ما تكدرين تجيبين أني قابل أنتِ معليج صدكيني قابل ومحمد قابل بس صبري وياي كم سنه وراجع للعراق وشهادتي بأيدي ما رايد من عندج شي بس صبر ووقت والله بس
ارجع اتقدملج على سنه الله ورسوله سمعيني ما جابرج أني فكري وقرري أنتِ من كيفج أني روحي يمج والله تعبان ثقي بالله تعبان بغيابج تكولين ما اتحمل اصبر ثلاث سنين او أربعة اكُلج أني وياج راح اكون كُل ساعة وكُل دقيقة وين ما ترحين مُجرد اتصال واحد اكون يم
ما داكُلج رجعيلي داكُلج فكري راح انتظر جواب منج جواب واحد مسج واحد بس بعدها ثقي بالله ثقي بالله يا ريتاجة مهما كان جوابج راح اصير وياه مهما كان يا ريتاج استودعتج الله في امان الله وحفظة
سمـعت المسج الصـوتي ودموعي كامت داتنـزل مشتاقتلة ما انكر هذه الشي وگُلش احس حياتي فرغـت من دونك وأريد أرجـع اله اليـوم قبل باجـر بس ما اكدر ماكدر
مرن يومين بعد هاي الرسالة اتصلت عليه حواء :- شلون صرتي وهاي الثانية الضامة راسها رفعتو دعوة عليها لا ؟؟
- الحمدُلله حـبيبتي اهلي دايكلـوني اتقربي منها علمود اخـذ دليل شي منها وبعـدنة
- خاف ترجـع تأذيج رتـوج ما بينه حيل
- شنو السالفة هيج ثولة أني
- لا حشـاج داده ، يله حيدر دايتـصل اروح أني
- الله وياج عيني
راحـت ورجعت افكر بحيـادر وأريد أرجع اله بس مـا أعرف شنو الي دايمنعني صحـتي دايكول اتحمل گُلشي لخـاطرج بعيد عني دايـكول اتصل عليج كُل دقـيقة علمـود اطمنج ليش أني ضده ليش ما داحـس بتعبة
ليش أني صايره أنانية هيييج ليششش لزمت راسي بدا الوجع من جه وحدة لزمت راسي وقبضت أيدي صرت ادك على راسي بكُل قوة عندي أريد الوجع يروح ماكو مرت دقائق وكمت رحت للمچر طلعت العلبة مال العلاج
ونزلـت سريع للمطبخ خـذت كلاص مي وبلعت الكبـسولة وصعدت فوك لميت رجلية لصـدري وافكر بحيادر وحـياتي المُستقبلية ما حـسيت اله أني نايمة كعـدت على آذان الفجر رحت صلـيت ورجعت نمت
كعدت الصبح على مسج فتحته جان رسالة من ريم :- " هلو حياتي ، عذريني ذيج الفترة جنت مريضة أسفه خاف سببتلة مُشكلة بس ما جنت أعرف هذه العلاج هيج جُرعة قوية صح كالولي قوية بس ماتوقعتها هيج أبدًا اتمنى تعذريني وأمي مفتهمه غلط وكالتلهم إنتوا أنتِ طالبتة مني جدًا أسفه "
عرفت والله عرفت هيَ منطيتة الي بالغلط كتبت الها :- " هلأ حبيبتي عادي ولا يهمج شنو السالفة غلط وغلطتي وغلطة وصارت بعد "
قـبل لا ادزها قريتها كم مره واجـت ببالي أشوف الرسـالة لأمي قبل لا ادزها نزلت جوه لكيت أمي كاعـدة داتتريك باوعـت عليه شافتني :- صباح الخير تعالي تريكي يُمه ماطـول الچاي حار
- صباح النور ، بس أكُلج شغلة
- شنو ؟
رحـت قدمت التلفون الها قـرت الرسالة وكالت :- غلط ! ريتـاجة بعدج أنتِ تكوليـن كُل هذه غلط
- اي
- وتـالي وي هاي فطـاريتج كالتلج هيج وأنتِ بهاي الـسرعة صدكتيها ، يُمه هاي لبنـية راح تخبلني
سكتت شويه وكالت :- دزي الرسالة
- يا رسـالة ؟
- الي كاتبتـها أنتِ
- ليش مو صارلج سـاعة ترزلين بيه
- دزيها علمود تلتقن وتاخذين من عدها دليل صخام
- متأكـدة ؟
- اي
- هاهيـة الي تشوفي
دزيتها ورحت تريكت وكملت صعدت خذت العلاج ونزلت شربت مي وصعدت شفت التلفون دايرن رفعته شفتها ريم ردت سلمت وكملت وكالت :- اليوم ما رحت للجامعة علمودج
- ليـش
- كلت نطلع علمود نغير جو شويه
- مريضـة والله ما بيه گُلشي أسـوي
- يا روحي ما بيج غير العافية ان شاء الله بس أني اطيب من هاي الفلونزا اجيكم أني وأمي
- هلا بيـكم
سديت الاتصال ونزلت لأمي لكيتها تخابر خلصت وكلت الها هيج وهيج ريم وكالت :- بس الگف شي على هاي المسمومة وأني اراويهم منو ام حُسين بالعباس أبو فاضل اله اخليهن بالمحاكم يفترن
- أهدي أهدي على كيـفج يُم على كيفـج يا عُيوني
- كـومي عني
- كـايمة
سمعت آذان الظهر رحت توضيت وصليت وكملت رحت كعدت وراسلت حواء نقلت الها الإخبار وره تقريبًا ساعة راسلتني :- أريد أفتح اتصال جماعي
- ويا منـو ؟
- وي حيـدر
- ليش هوَ كلـج ؟
- لا أني أريـد أفتح
- ما يقـبل
- هممم بكيفـج
سولفنة شويه وراحت وأني ورحت نمت
....
مرن ايـام وأني منتظر الجواب جـواب واحد مهما جان هذه الجـواب راح اصير وياها إذا جان اعـوفها اعوفها وإذا جان ابقى ويـاها ابقى وياها لحد اخر نفـس بعمـري مهما جـان
كاعدين دانقره للامتحانات الأخيرة للمرحلة الاولى رن تلفوني اتصال من الواتساب فتحته جان اتصال من صادق جاوبته وفتحت مُكبر الصوت :- اهلين وسهلين يعم أيه الأخبار ؟
حيدر :- حبيـبي اهلا بيك والله شـويه الوضع متكهرب يمنـة
صادق :- و آسر ازاي حالو ؟
بعدني ما مجـاوب جاوب آسر من مُكانة :- ازاي حـالي ازاي يعني ابچي بواچي وحـق الحُسين الشهيد
صادق :- هاتو لعلمو
آسر :- ها بعـدچبدي
صادق :- لك عامل أيه ليه مزفت ؟
آسر :- الطب صـعب حبيبي
صادق :- مابيصعبش عليك صاحبي
آسر :- لا بربـك لاتنطيني طـاقة إيجابية بربك على يا سـاعة ابچي أني مو مال وجه طـاقة إيجابية
صادق :- ههههه يا آسر صدكني دلوقتي أنتَ كدها وكدود وحتعبر بأذن الله وحذكرك بذا الكلام النهاردة عايز منك قوه وشجاعة لتعبر
آسر :- شـويه بعد وابـچي
صادق :- لا ليه الامتحان الي بعدو يمي حفهمكيا بأذن الله دلوقتي عدي الامتحان داه والباقي عليا
آسر :- كفو من شـاربك شكلي راح اتطلك من أبو الـحيادر واتزوجـك
صادق :- أعوذ بالله
ضـحك وسلم وسد الاتصال وانطـاني التلفون عفـتة والتهيـت أدرس
....
مرن ثلاث أيام الساعة بالوحدة باليل كاعدة بيني وبين نفسي دافكر بمصيري اهتمام حيادر كُله صار كدامي خوفة حنيتة كلامة اشتياقة صبرة من ناحيه گُلشي مُحاربتة علمودي هذه الانسان مُستحيل اوصفة بكلمات
من ناحـيتي أني مرض گلبي وتسـلُخة صداعي النصـفي منو يكول أني راح اكدر اعيشة بنفـس السعادة الي هوَ معيـشها الي منو يكول ما راح أمـوت واكسرة ومُستقبلي راح يبـقى وياي إذا ما صـار اب بيوم من الايام ؟ راح يتحملني يتـحمل مرضي ؟
هواي اسئله ببالي أريد ارجع اله الجواب الي منتظرة ان جان نكمل او لا ما أريد اخلي بدوامه ويفگر حسيت عُيوني بدت تغوش رسًا رحت للمچر طلعت العلاج وشربتة بدون مي
رجعـت تمددت طلعت التلـفون خليت الهـيدفون بأذاني وبديت أسـمع الأغُنية شلون اكمل حيـاتي بدونة أني مُستحيل انـساه وهوَ أعرفة يحـبني ما راح ينساني أبدًا ليـش داخلي يتعـذب أكثر ؟
وقفت تفكير من وره راسي طفيت الأغُنية وتمددت وكلت بداخلي :- " باجر أرجع اله الجواب "
....
الساعـة بالوحدة اله عشرة كـاعدين ومتجمعيـن بالصـالة باوعت عليه أمي :-آيريم
- ها ؟
- اتصلي على آسر
باوعت الها مسـتغربة وكلت : شنو تـردين منه ؟
- أريد اعتذر منه بلكت يسامحني مثل أنتِ سامحتيني الدنيا صغيرة أني ما ضامنة عُمري لباجر
نرعبـت من كلام أمي وكلت الها :- ليـش شنو يصير ؟
- ما يصير أريد اعتذر من الولد بلكت يسامحني
- وأحمد اقصـد وأبوي ؟
- ان شاء الله اخليه يتصالح وياه
- بس ما اعتقـد يصالحكـم ؟
- نحاول يُمه مو من مره ومرتين ، يله اتصلي
ما جاوبـت وره شويه كالت :- صـدكيني يا يُمه أريد ابدي صـفحة جديدة وياكم ونظيفـة ما أريد اثم او حمل يضـل على گلبي احاول وي اخـوج والي عليه أسوي واتقـدم تبقى يمه ويم ربج المُهم احـاول أني
كملت كلامها رفت التلفون اتصلت على آسر وجاوب :- هلأ خيتي
- هلا آسر ، عنـدي موضوع ويـاك
- كولي يا بعـد عيني
ترددت وأمي تباوع عليه وتريد بس رده فعل او اي شي اخر شي كتلة :- أمي تريد تحجي وياك
- دقيقة أمـج وتريد تحجـي وياي ! وشنو تريد مني ؟
- تتصالحون واصير طباب خير بينكم
- هههههههههه
ضـحك ما أعرف إذا جانت هـاي الضحكة من الي بگلـبج او شي ثاني :- خاف حلمانة خيتـي شو دقيقة من وقتج
راح ثواني ورجع:- الساعة بالوحدة وعشره روحي نامي ولا تحلم زايد
- آسـر !
- لا آسر ولا غيـره تصبحين على خير ماعنـدي كلام أني
- وأنتَ بخير
سداه وراح باوع عليها عُيونها مدمعة وكلت :- شفتي ؟
- اي يله ريحـة انام تصبحين على خيـر وأنتِ هم روحـي نامي
- وانتِ بخير
كالـت هيج واحت وأني رحـت صعدت ودخـلت للغُرفة ونمت
....
كعدت على مُنبة آذان الفچر كعدت طفيتك ونزلت توضيت وصعدت فرشت السجادة وبديت اصلي كملت صلاة الصبح وبديت اصلي صلاة الاستخارة كملتها ورفعت أيديه ودعيت دعاء الاستخارة خلصت ولميت السجادة
وكمـت رحت تمددت على فـراشي خذت تلفوني ورحـت دخلت على الواتساب وعلى رقـم حيادر جان مخلي صـورتة وهوَ على البـحر باوعت على ملامحـة وركزت بيـهن مبين ذاك التعـب وواضح عليه
دمعت عُيوني وأني اتامل صورته تذكرت كُل لحظة عشتها ويا وأني اضحك وهسه بدونه الله الي يعلم بحالي مرت ربع ساعة ورحت ضعطت على الاتصال ما توقعت راح يجاوب بهاي السرعة
ثواني واجاني صوته وكال :- ها يا وجع روحي ؟
للحظـات أريد اسد الاتصـال واقفل التلفون بـس
....
يتبع ⬅️ - البارت التاسع والثلاثين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.