" မမ "
" မိုး မိုးစားဖို့ဆန်ပြုတ်လုပ်ထားတယ် နဲနဲဝင်အောင်စားပါဦးလား "
" မမမအိပ်တာဘယ်နှညရှိနေပြီလဲ မျက်တွင်းတွေကတော်တော်လေးချိုင့်သွားတယ် "
" နှစ်ညတည်းပါ "
" မမိုးနေမကောင်းကတည်းက ခုဆိုရင် ညကောင်းကောင်းမအိပ်တာ တစ်ပတ်လောက်ရှိပါပြီ "
အသံတွေခပ်ထန်နေလား သိမ်ဝင်နေလား မသိတတ်တော့တဲ့နွေဦးမောင်တစ်ယောက်သူမတို့နဲ့ခပ်လှမ်းလှမ်းတစ်နေရာမှာရပ်ရင်းပြောနေသည်။
" မမ "
ဝိုင်းလဲ့ရွှန်းနေသောမျက်လုံးတွေနဲ့စိမ့်စမ်းညိုကိုသူမကြင်နာစွာကြည့်နေမိသည်။
" နွေဦးမောင် "
ရာသီဥတုသာယာနေခဲ့တယ် အေးချမ်းတဲ့ဥတုကလေး သို့ပေမယ့် တစ်စုံတစ်ယောက်ရဲ့ရင်ထဲမှာတော့ပူလောင်ခဲ့ရပြီ။
" အန်တီစိမ့်စမ်းညို "
" အန်တီတောင်းပန်ပါတယ် "
" အန်တီစိမ့်စမ်းညို ဘာကိုတောင်းပန်တာလဲ "
" အန်တီ့ရဲ့လုပ်ရပ်အတွက် "
" မလိုပါဘူး လူတိုင်းကကိုယ်ချစ်တဲ့သူကိုရွေးချယ်ကြမှာပဲလေ ဥပမာ အန်တီစိမ့်စမ်းညိုကမမိုးကိုရွေးတယ် ပြီးတော့နွေဦးလည်းနွေဦးချစ်တဲ့အန်တီစိမ့်စမ်းညိုကိုရွေးချယ်တယ် "
" အို..."
" ဟုတ်တယ် အန်တီစိမ့်စမ်းညို အန်တီစိမ့်စမ်းညိုကိုသမီးချစ်နေခဲ့တာပါ လေလိုင်းတွေထဲကစခဲ့တဲ့အချစ်တစ်ခုကခုထိမပြောင်းလဲပဲတည်ရှိနေခဲ့တာပါ "
" နွေဦးမောင် သမီးကိုအန်တီဆက်ဆံပုံတွေကမျှော်လင့်ချက်ပေးသလိုမျိုးဖြစ်နေခဲ့ပြီလားမသိပါဘူး ဒါပေမယ့် အန်တီဆုံးဖြတ်ပြီးသွားပါပြီ သမီးကိုယ့်လမ်းကိုလျှောက်ပါ တခြားတစ်စုံတစ်ယောက်ကိုချစ်ပစ်လိုက်ပါတော့ "
" ဟင့်အင်း မချစ်နိုင်ပါဘူး အန်တီစိမ့်စမ်းညို သမီးဘယ်သူ့ကိုမှမချစ်နိုင်ပါဘူး အန်တီစိမ့်စမ်းညိုအပေါ်ကိုလည်းဘာမှမျှော်လင့်ချက်မထားခဲ့ပါဘူး ဒီတိုင်းပဲချစ်နေခဲ့တာပါ ထပ်ပြီးတော့လည်းဒီတိုင်းချစ်နေမှာပါ "
" သမီးနာကျင်ရလိမ့်မယ် "
" အန်တီစိမ့်စမ်းညို နောက်ဆန်မတင်းပါနဲ့ စိတ်ထဲလည်းမထားပါနဲ့ အန်တီစိမ့်စမ်းညိုလည်းအန်တီစိမ့်စမ်းညိုချစ်စရာရှိတဲ့လူကိုချစ်ပါ သမီးလည်းသမီးချစ်တဲ့အန်တီစိမ့်စမ်းညိုကိုသမီးချစ်နေမှာပါ "
" အန်တီတောင်းပန်ပါတယ် "
" မလိုပါဘူး အန်တီစိမ့်စမ်းညို အရာရာခွင့်လွတ်ပေးပြီးထာဝရချစ်နေမှာပါ "
နွေဦးမောင်သည်စိမ့်စမ်းညိုကိုတင်းကြပ်စွာပွေ့ဖက်ထားမိလေသည်။
" ဒါကပထမဆုံးပွေ့ဖက်ခြင်းနဲ့နောက်ဆုံးပွေ့ဖက်ခြင်းပါ "
နှစ်ယောက်လုံးမျက်ရည်တွေကျခဲ့တယ်။အဘယ်ကြောင့်များလဲ။အချစ်ဟာ လောကဟာ သိပ်မတရားဘူးလို့ခံစားလိုက်ရတဲ့အခိုက်အတန့်တွေ...
" နွေဦးကိုသနားပါတယ် "
" တစ်ယောက်ကသစ္စာကြီးတာကိုပြခဲ့တယ် နောက်တစ်ယောက်ကလည်း ဖြူစင်ပြီးမျှော်လင့်ချက်ကင်းတဲ့ချစ်ခြင်းကိုပြသွားခဲ့တယ် လောကကြီးက တရားပါတယ်လေ "
အဖြစ်အပျက်အလုံးစုံကိုရပ်ကြည့်နေခဲ့သူတို့မှာမြကြာဖြူနဲ့မောက်ဝိုင်ဝမ်းတို့ပင်ဖြစ်သည်။
" ဟယ်လို မာမီ "
" သမီးငယ် ပြောလေ သမီး "
" အမ် ဘာမှမဟုတ်ပါဘူး ဒီတိုင်းနေကောင်းလားလှမ်းမေးတာပါ "
" သမီး ငိုနေတာလား "
ရှိုက်သံတစ်ချက်ထွက်သွားဟန်နဲ့တူပါတယ်။
" မာမီ "
ရှိုက်ကြီးတငင်ငိုလိုက်မိပါပြီ။ဝမ်းနဲခြင်းအလုံးစုံကိုဖောက်ထုတ်ပြီးမိခင်ဖြစ်သူနဲ့ဖုန်းပြောရင်းငိုနေခဲ့တာပါ။
" သမီးငယ် "
" မာမီ သမီးချစ်တဲ့သူကိုသူချစ်တဲ့လူနဲ့တွေ့ရတော့အရမ်းပျော်ပါတယ်မာမီ "
ငိုနေတဲ့မျက်လုံးတွေကြားထဲက နှုတ်ခမ်းကလေးအနည်းငယ်တွန့်သွားလျက်သူမဆိုလေသည်။
" မာမီ သမီးကိုဘာလုပ်ပေးရမလဲတောင်မာမီမသိတော့ဘူးကွယ် "
" မာမီလည်းဒယ်ဒီနဲ့အတူတူပြန်တွေ့ပေးပါ တခြားဘာမှမလိုပါဘူး တကယ်ချစ်ကြတဲ့သူတွေကအချိန်ဘယ်လောက်ပဲကြာကြာပြန်ချစ်နိုင်ကြတာပဲမလား "
ရွှေခင်စောမှာငြင်းလည်းမငြင်းဝံ့ ဘာစကားလုံးနဲ့မှပြန်လည်မချေပဝံ့ သို့ပေမယ့်သူ့နှလုံးသားတစ်နေရာမှာတော့အဖြေတစ်စုံတစ်ရာထုတ်ကောင်းထုတ်နေလိမ့်မည်။
ဒီလိုညတွေမျိုးကိုဘယ်လိုကျော်ဖြတ်ကြမလဲ။နွေဦးမောင်ရင်ထဲမှာဘယ်လောက်တောင်ကြေမွသွားခဲ့ပြီလဲ။စိမ့်စမ်းညိုရဲ့နှလုံးသားထဲမှာရောဘယ်သူတစ်စုံတစ်ယောက်ကတကယ်ပဲနေရာယူခဲ့သလဲ။ဖြစ်ပျက်ခဲ့ပြီးပြီပဲ။ဒီလူတွေကကိုယ်ရေးကိုယ်တာနဲ့အလုပ်ကိုယ်စီခွဲကြတဲ့လူတွေပီပီ နေ့သစ်တစ်ခုရောက်လာတာနဲ့မနေ့တနေ့ကဘာမှမဖြစ်ခဲ့သလိုမျိုးအပြုံးကိုယ်စီနဲ့နှုတ်ဆက်ပြောဆိုဆက်ဆံနိုင်ကြသေးတယ်။
" ဒီနေ့ စလုပ်မယ့် project ပါအန်တီစိမ့်စမ်းညို "
" အော် ကျေးဇူးပါသမီး "
" ပစ္စည်းတွေလည်းအဆင်သင့်ဖြစ်ပြီမို့မနက်စာစားပြီးတာနဲ့စထွက်လို့ပါပြီ "
" ဟုတ်ပါပြီ "
" မမ မိုးလိုက်လို့ရမလားဟင် "
" ခုမှနလန်ပြန်ထူနိုင်တာကိုအေးဆေးနားပါဦး "
" မမနဲ့အတူတူလိုက်ချင်လို့ပါ မမဓာတ်ပုံရိုက်တာမမြင်ရတာတော်တော်ကြာသွားပြီ "
ရှမ်းပြည်ကိုလာရတဲ့အကြောင်းက ရှမ်းပြည်ရဲ့ဓလေ့ထုံးတမ်းနဲ့အစဥ်အလာတွေလေ့လာမှတ်တမ်းတင်ဖို့ပါပဲ။
" သဘောပါရှင် အဲ့ဆိုလည်းလိုက်ခဲ့ "
" ying "
" ဟုတ် ဒေါက်တာ "
" တီစိမ့်တို့ကိုသေချာခေါ်သွားလိုက်နော် ဒေါက်တာကတော့လိုက်ဖြစ်မှာမဟုတ်တော့ဘူး ဒီနေ့ OT case ရှိလို့သွားရဦးမယ် "
" အော် ဟုတ်ကဲ့ပါ "
" အားလုံးပဲ အေးဆေးစားကြဦး တို့တော့ထနှင့်တော့မယ် သွားပြီနော် ဘေဘီ "
မနက်စာဝိုင်းမှထအသွား မောက်ဝိုင်ဝမ်းကိုမြကြာဖြူကနဖူးလေးအား kiss ပေးသွားလေသည်။
ကျန်တဲ့သူတို့သုံးယောက်ကတော့ပြုံးပြုံးကြီးကြည့်ပြီးကျန်နေခဲ့တယ်။
ရှမ်းပြည်ရဲ့ဆောင်းဦးလေးကသိပ်လှပရက်လွန်းပါတယ်။သူတို့ပြင်ဆင်ပြီးနောက်ကျမှထွက်ခဲ့ပေမယ့် မြူပင်တော်တော်လေးဆိုင်းနေသေးသည်။အေးခဲလှသည့်အချိန်တော့မဟုတ်သေး အေးချမ်းလှသည့်အချိန်မှာ...
" မိုး ချမ်းနေလား "
" နဲနဲပါ မမ "
" မမ သဘက်လေးလွှမ်းထားလိုက် "
နေမကောင်းဖြစ်ပြီးအနည်းငယ်ပိန်ကျသွားတဲ့မိုးဝေရီရဲ့ခန္ဓာကိုယ်ကလေးအားသဘက်ကလေးနဲ့လွှမ်းခြုံအုပ်မိုးပေးလိုက်သည်။
အော်...နွေးထွေးလှပေါ့ နွေဦးမောင်တစ်ယောက်ကတော့ အေးနေလား ပူနေလားတောင်သူမကိုသူမသိပုံမရဟန်တူပါသည်။
အပြင်ကမြူတွေငေးနေရင်းသာတိတ်တိတ်ကလေးလိုက်ပါသွားသည်။
" ဘုရားကြီးက သပ္ပာယ်လိုက်တာ "
ဦးစွာပထမခေါ်သွားတဲ့နေရာက ဗုဒ္ဓဘာသာထွန်းကားရာနယ်မြေပီပီ နမ့်လန်မြို့ငယ်လေးရဲ့အထင်ကရဘုရားကြီးတစ်ဆူကိုဖူးမြော်ရအောင်ခေါ်သွားလေသည်။
" ဟုတ်တယ် တီစိမ့် ဒါ ying တို့မြို့ရဲ့အကြီးဆုံးဘုရားတစ်ဆူပဲ "
" ဘုရားစေတီရဲ့သမိုင်းကြောင်းလေးပြောပြလို့ရမလား တီတို့ကို "
" အာ ရပါတယ် ying သေချာတော့မသိပေမယ့် သိသလောက်တော့ပြောပြပါ့မယ် သိပ်တော့တိကျမယ်မထင်ဘူး "
" ရပါတယ် အကြမ်းဖျင်းလောက်ပေါ့ "
" မှတ်မိတာမမှားဘူးဆို ဒီဘုရားကိုစတည်တာက 2019 နှောင်းပိုင်းကာလတွေမှာဖြစ်မယ်ထင်ပါတယ် 2023 မှာတော့ ဘုရားကိုယ်ထည်တည်ထားပြီးစီးတာ အမြင့်ပေတွေအကျယ်တွေကိုတော့ ying အသေအချာမသိပါဘူး "
" အချိန်တော်တော်ယူလိုက်ရပုံပဲနော် "
" ဟုတ်တယ် တီစိမ့် "
" တီတို့အပေါ်တက်လို့ရသလား "
" ရပါတယ် တီစိမ့် တက်ကြမယ်လေ "
ဘုရားရဲ့တည်ထားပုံက လေးထောင့်ပုံစံအထဲကမှဘုရားကအလယ်မှာ နှစ်ဖက်နှစ်လှံမှာကတက်စရာလှေကားထားထားသည်။ဘုရားရင်ပြင်ပေါ်ရောက်လျှင် မြင်ရတဲ့အောက်က ရှုခင်းတွေလည်းပန်းချီတစ်ချပ်လိုပင်တင်စားလို့ရသည်။နေသာသာနေ့တွေမှာတိမ်စိုင်တွေဝဲပျံလွှင့်စင်နေပုံကိုလည်းရင်သပ်ရှုမောဖွယ်ကြည့်ရှုနိုင်ပါသေးသည်။
" မြူတွေကင်းပြီး တိမ်တွေထွက်လာရင်ပိုလှနေမှာနော် view တွေက "
တစ်လျှောက်လုံးတိတ်ဆိတ်လာတဲ့နွေဦးမောင်ကတိုးတိုးကလေးဆိုမိလေသည်။ဘာကြောင့်မှန်းရယ်မသိပေမယ့် နွေဦးမောင်စကားကိုကြားတော့ စိမ့်စမ်းညိုမှာသူမကိုမသိမသာနဲ့တွေဝေသွားတဲ့မျက်လုံးတွေနဲ့ကြည့်နေခဲ့မိသည်။
သူမဆိုလိုချင်တာ ကောင်းကင်တစ်ခွင်ကမြူတွေလား ဒါမှမဟုတ် တစ်စုံတစ်ယောက်ရဲ့ရင်ထဲကမသေချာမရေရာတဲ့တွေဝေခြင်းမြူစိုင်တွေလား။
ဆက်ရန်....
NLY🤎