روح في بحر الظلام

الحلقة الثامنة عشر

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق على الفقرات+اضافة الحساب لطفا🥺💙

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

كنتُ أنا الشمعَ الذي حافظ على نورك للملإ

وكنتِ أنتِ النار التي أحرقتني

أنتِ من دوني لا نور لك وأنا من دونك لا شيئ..

#عمراني_عبد_العزيز

_-_-_-_-_-_-_-_-_-_-_-

ســــــرى

من سمعت حجايتة ششهكت برعب

:عززااا العزززاااني بابا شددتحجي فدووة

:بوية والله ماقصدي صوويحبي هذا رفيجي بس القدر وهذا يومة بس مصيبتي منيتة صارت على ايدي

بعدهه انا اغبر مدري حضي مدري الله يعاقبني على جريمتي.. من الخوف والرعب والحيرة راح عن بالي مهيدي الس.... جان يصور

ضل يفتر وراي ويوسوس براسي مثل الشيطان.

مهدي:ولك اسسمع منيي لاا تكول انااا لا توودي ل اهلهه اشمره وخلي احد يندلة لا تبهذل مرررتك وعوويلك

بوكتهه جنت ابجي واصرخ مثل المرة كتلت صاحبي جان وحيد اهلة شاب بعدة ماشاف شي من دنياه هو اصغر مني بس صويحبي اكلنة وشربنة سوة ششلوون ششسوي محتار بزماني

علي:انت خبلل تسسودنت عليه موو صاحبك هذاا شمالك شلون تريد اذبة الله لا يبارك بوجهك يا شيطان

:هسسسة اناا كلت مو صاحبي ولك خلة على كتر وانخلي واحد يندلة علييي عاااين علية ترى بركبتك عاايلتين لا تتسوودن، اختي يمنة بس البغدادية ياهو الهه لو انسجنت

هنا صرت مثل لشة وتعلگت من گراعها، طفرت علي سحلته سحل توليته على وجهه

:ششششدددراااك وووين تدررري مراااقبني يگ.... ياا....... ششمدريك اناا مو گايلك لا تگرب صوووبي مههييييددي

عفتة وجهةة مورم ورديت گعدت بصف حسين على ركبي ابجي واصيح هيييمة محد يمنة الدرب مكطوع

:ششسووي حسسين رد علي راح امووت شسووي اكتل روحي وراك واخلص امسح بالدم ويرجع ينزل

مهدي:انا ما اخلي سمعة ابوي الشيخ واختي تتشوه علمود...... مثلك شگلك نسيبهم كاتل وخريج سجون، وروح حسين اذا ماسويت الاكلك علي بتك ومرتك اقرة عليهن السلام اعيشهن ايام ما مرت على احد

انا سمعت التهديد طالجن وانا جن صرت شيطان توليته على حلكة كودت سنونة الكدام بحلكة

بس هو جان ضعيف جنة حية ام سليمان يتلوة لحد ما اخذ المسدس وصوبني برجلي، ووجه المسدس علية

:اذاااا گربت تلحك حسسسين ديير باالك تفكر ماعندي شي اخسسرة اهنااا اخليكم واطلع لا من شاف ولا من درة وبوجهي ل اخت ابو رجلين مكطمة

ضليت كاعد اتوسل وانا اشوفة يسحل بحسين سحل صعدة بالسيارة وحرك 

ادور على تلفوني ماكو بايكة ورايح النزف اخذني وانا محتار ضليت اسحل بروحي ماكدرت من شدة النزف عجزت وفقدت كعدت على صوت حميد ومهدي يسحلون بيه

حمييد:حيييل تسستاااهل من احد يكلك هذا الدرب اتبعة ولا تعاند هييج احسسلك

مهدي:يطبة مرض هالجحش اكلة تييي يكلي بييي
اكلة يكضونك يكلي اعترف

بعد مادريت وعيت على روحي بالبيت حتى للمستشفى ما خذوني خاف احد يشك بالموضوع وسالفة حسين رتبهه مهدي الشيطان وحميد عود لاگينة وادم غربة مكتول ع الشارع ومسلب

منا بدا مهيدي يهدد ويبتز اسلمة فلوس وارد ليورة انا ذنبي ما اعترفت جا اخذت حكم قتل غير متعمد بس انا ثبتت على روحي قاتل من سكتت

والشيطان فبرك الفيديو وكص منه خلة بس جزء القتل

هو السبب بعدي عنكم اذا توصل ابهذلك وابهذلهم ردت اطلك بس امج هادة حيلي يبوية والله عاشگهه انا وضالة روحي معلگة اطلع منهه وانا قاهرهه جني بلايه روح

وعيشتي مناك خراب ونضراتج ونضرات امج والعتب بعيونجن اليهد حيلي
والله من موتت حسين ماعرفت الراحة.. انا ماجنت خايف بس هم ورطوني بعد استحيت اوجه اهله وخفت عليج انتي وامج اكثر من كل الناس عبن ادري مالجن احد مو مثل ربيبة

هسة انا رحت احل السالفة وياه بلكي يفك عني ياخه طول الفترة انا وياكم هو يهدد بيهه بس گلت وين ماتوصل خل توصل وضليت يم امج لحد ما خابروني گالو واحد مبلغ عليك ومسلمهم دلائل انت كاتل واهل حسين طالبين دمك والحكومة طالبة دمك

فترة وامج زادت الهم علية جابتج واجت وخلت هذيج تحشد اهلهه علية خربت كل خططي جنت ناوي اخذ التصوير من مهدي واسفركم  حييرتني من اجت ومهدي تحذر وضل يشتغلني ع البارد

وهسة هاي الفترة كلهه انا شارد بس حتى ما اتأذون بس من باچر انا راح اروح اسلم روحي واعترف وگبلهه اروح لمهدي اصفي حسابي وياه

............ طول مابابا يحجي انا ابجي واباوع بعينة هااي شصااير شلوون بيج يا سرى شضاملج الزمن بعد

علي:بوية سراوي اسمعيني رجلج تجلبين بي لا تهدينه لا توصلين ل اهلي ترة ماينجرعون لاترحيلهم وخصوصا حميد اياني واياج يقشمرج لا تخلين دمارج يصير على ايده انا والله لو بيدي اشرد بيج بس اميمتج ياهو الهه وانا عليه دعوة تثبتت يعني بكل الاحوال لازميني

صوت بكائي صار بصراخ على حجم الخوف والمصيبة سحبني وحضني ضلينة اثنينة نبجي... دقايق وتركني من سمع صوت الموبايل

:الووو، اي، ياااهو الكالك.. منين درو... يلا يلا طالع

طفر وگف على حيلة لثم وجهه بالغترة كال اهل حسين لاحكيني يلا الله وياج حضني وباس ادية وانا متمسكة بي بقوة فلت روحة مني وراح يهرول ويتلفت علية

بقيت گاعدة والطم بمكاني على وجهي حيل الى ان حسيت حضن طوق اديه من همساتة وعطرة عرفتة مرتضى

ضليت حاضني واصرخ بكل عجز.... ليييششش ليييششش اني ليييشششش على شنو دا اتعااقب لييششش انيييي.. مااااماااا الحييكني رااح مووت قههررر والله راح اموت

شدد حضنته اكثر وحط ايدة على حلكي وهمس بأذني بتوسل

:فددوة اروحلج كافي عييب الناس نايمة هاي مستشفى  ارووحلج فدوة كافي اني وياج والله ما اتركج اصيرلج حييل والله بس هدي روحج

سكتت وبقيت ابجي بصوت ناصي وخالة يمي وهو هات گام جاب مي وشربني ميتة قهر على حال اهلي

گمت گعدت اباب العناية وهم يمي بقينة الى ان تنفس الصبح وبدا خيط الضوء يشق الظلام، طلعت الممرضة كالت

:منو وي المريضة جميلة

كمنا دخلتنا جوة للدكتور طلع من غرفتهه هو ومجموعة اطباء كال كلمات شقت اذني اخترقت خلايا عقلي مثل وكانه صب حميم البركان على عقلي وذوب كلشي بيه الخبر كان صاعقة هدت روحي وحجرت قلبي حسيت النبض توقف ضاعت الكلمات مني مابقى غير كلمة لاا انطقهه بتكرار بصوت شبه مسموع

الدكتور:للأسف فقدنا المريضة البقاء لله الله يصبركم

راحو وركضت اني عليهه كانت متورمة  وحاطين قطن على عيونهه وشادينة وقطن بأذنهه وخشمهه

مرتضى وخالة يبجون واني لاء بس صافنة فاتحة عيوني على وسعهم
ردت احضنهه بس خفت أئذيهه جان منضرهه واضح شكد متألمة بقيت احضنهه بلمسات خفيفة المس وجهه المس اصابعهه المس شفايفهه شميتهه ريحتهه دم مو ريحة امي الطيبة

:ماما ريحتج ليش هيج ماما تسمعيني حتى اذا ميته حاولي تحسسيني دا تسمعيني ماما فدوة بداعتي انتي مو صاحبتيني ليش متردين... احجي بهمس بأذنهه

من شفت ماكو رد فقت اخر ذرة صبر صرخت بكل ماعندي قوووة صرخة فاقد ام صرخة معذورة صرخة مباحة مهما على الصوت صرخة الفقد والوداع

مرتضى سد حلكي وسحبني ليبرى لان هنا كلهم مرضى اغلبهم بأخر لحضاتهم شنو ذنبهم يعيشون الرعب

طلعني برا ضليت اضرب على وجهي بحرقة واخمش وجهي لدرجة اضافري امتلئت دم.. شوية وعبرت من يمي بالسدية جانو ماخذيهه لثلاجة الاموات حتى يكملون اجراءات شهادة الوفاة

توسلت بيهم بطلوع الروح وافقو يوخرن الغطاء عن وجهه امشي وياهه واحجي... لتخافين ماما وياج اني ما اتركج هياتني وياج

الى ان وصلت دخلوهه للثلاجة وبقيت برة بحسرتي جسدي على الارض وروحي يم امي

مرتضى جان يتصل بأصدقاءة وقرايبهم واني اتكأت ع الحايط بدون اي قوة وام مرتضى ساندتني

لفت انتباهي ممرضة اجت همست بأذن مصطفى بخوف ثواني وهو ووسع عيونة بصدمة وطفر يركض وهي مجلبة بي

______________________

رانيا

جان زياد حاضن استفانوس بقوة ويعاتبة بقهر.. واستفان عيونة مدمعة اثنينهم مقهورين ملتهين ابعضهم ماشافوني صرت ورى الباب واسمع كلامهم الحزين زياد اول صديق ل استفانوس لما انتقل لبغداد حيل يحبه بس بعد ما خطبني علاقتهم انتهت تقريبا تفاجأت من شفتهم

زياد:بذات انت يول ماكلت صاحبي اشوفه ولا مريت عليه ولا كأنك عرفتني

استفانوس:انااا انا ماقلتو صاحبي يول انا امر من بابك ترقعو بوجهي ماتستحي انت ولا عندك احساس

:لك ااااخخخخخ لا تضرب هيج وثووول

:اشبينو الترف صايغ مايتحمل

:متتششوفني مكسر تكسر شتحمل

:انت قتحب هذا الحب ومصايبو اتحمل

انا ورى الباب واسمع حسرتة اباوع من ثقب صغير صاير على جهة فززني صوت همس بصوت واضح

مشمش:عبالك كيكة

طفرت وحطيت ايدي على كلبي... حمااارة ششدسووين

:دا اباوع كالتهه ورجعت للفتحة

عززاا سحلتهه من شعرهه فوتتهه اضحك ناصبة علية الحيوانة عفتهم برا اسمعهم يتعاتبون بصوت عالي واحد يكول للثاني بذات وماتستحي

بعد ساعة رجع زياد يتذمر الاكل بارد..  اكل شوية واخذ مسكن تمدد نص ساعة وطلع الورم زايد برجلة وايديناتة

زياد:سديهه للباب ممنوع تفتحيهه لاحد ولا تطلعوون

رانيا:وووين رايح زياد عفية كافي مشاكل والله عليت كلوبنه شجاك متكلي.. حجيت بتوسل

: رانيا وخري مني مالي خلگ نعاويج  رايح ل ماما للمستشفى...... يحجي وهو يغلق ازرار القميص

رن الموبايل باوع عليه وحجة ديطلع مستعجل.... هذا دريد يلا رايح اني ديرو بالكم على نفسكم

راح اني كعدت بمكاني ساندة راسي ابين ادية احتار افكر بمنو اهلي اخوي اختي نفسي سرى اللي صار ايام ما اعرف اخبارهه

جنا كل يوم تنطيني حتى اصغر تفاصيل يومهه واني كذالك بس صار ايام بسبب زياد ما اتجرء اخذ موبايل ماما واصلا اني تعبانة ما اكدر اسمعهه

بس هسة كلبي معصور احس صاير شي وياهاا رحت اخذت موبايل ماما فتحته مجان بي رصيد

:مشمشي اريد رصيد خطية سرى هسة تزعل مني متعرف بماما مريضة

:ترى اني مو ابو الاسواق

:ام لسان عوفي سوالفج وحاجيني شلون اريد رصيد اطمئن على ماما وسرى

:عزة رانيا شبيج صايرة غبية يعني تردين رصيد تشترين رصيد ميرادلهه شي

: خزرتهه لج لتجاوزين... مو سمعتي زياد لو لااا مو كال لتطلعون؟؟

:لعد شبييدي شسووي

صفكت ادية وغميتهه اخذتلي صفنة وفزيت سحبتهه اسحل بيهه

:لج رررااااانيييياااا ششبيج وربي بس تطلع ماما كل اكوللهه كل سووالفج

:بستهه وصعدتهه على برميل حاطي بالطرمة مرات تصعد علي تحجي ويه صديقتهه بالختلة

:صيحي لتكج الثاني خل تجي تجيبلي رصيد راح اتخبل من التفكير احير بمنوو ومنوو

:تككككجج يعني اني نعاالاات رررااااانيييياااا

:خلصيني يلااا

صعدت طلبت من صديقتهه اطيتهه مصروفي المجمعتة كلة جابت الرصيد اتصلت على بابا

:الوو هاا بابا شخبارهه ماما..... يعني اليوم يمكن متطلع..... زياد اجاا وراكم قبل شوية طلع..... بابا كتلة بس ماقبل شبيدي اني... تمام... مع السلامة

اتصلت بسرى... يرن ومحد يرد... مرة ثانية وثالثة... الرابعة ردت علية بنية عرفتهه مروة اسمع صرراخ ونحيب من بين الاصوات ميزت صوت سرى تبجي وتصررخ

لزمت كلبي بأيدي لان رجف بقوة:شكوو مروة شبيهه سرى

حجت ببكاء وشهكات بالكوة فهمت منهم انو امهه ماتت... دتحجي وياي وسمعتهم يصيحوون

اسم الله اسم الله فقدت يمكن نزل ضغطهه من بين دموعي وعاضة على ايدي واصرخ ششصاار مرروووة ششصار محد رد عليه سديت الموبايل منهه

اجتني مشمش تسأل بخوف شصار كلتلهه خالة جميلة ماتت كابلتني وضلينة نبجي عليهه بحرقه وقهر

اتصلت بزياد كتلة اذا متجي اروح وحدي والله دقايق ورجع كال بس وصلت رجعت على مودج حتى مشفت ماما رعبتيني
ّ
رحنة نمشي بسرعتنة وصلت واششوف العالم ملتمة وصراخ سرى واصل للشارع شافتني ام مرتضى خطية حيل مقهورة كالت

:همزين اجيتي خالة راح يجيبون المرحومة ومحتارة بابو مرتضى وسرى....اشرتلي ع غرفة خالة ركضت فتحت الباب صارت عينهه بعيني ووجهه كله خراميش ينزف دم شعرهه مكفش مبين متهسترة ومتخبلة

ركضت حضنتهه حضنتني بقووة تمسكت بيهه بكل قووتهه

وعلى نفس الكلماات تكررهم

:مااااتتت مااااتت ماااماا ماتت تخلت عنيييي تركتني  ووووين ارروووح ياااربيي اخذني فدوووة ياربي ارررحمنييي

شعرهن متملخ اريد اهديهه رحت تخبلت وياهه منضرهه مرعب لازمتني من اديه بقوة ضاع الكلام ضاعت المواساة بقيت اصرخ وياهه واحضنهه والعالم دخلت تبجي ويه بجينه

شويه وجابو التابوت لبيتهم هنا ماكو حروف توصف حالة سرى.. جنون لا يضاهيه جنون انتهت صراخ وبكاء الى ان اجا مرتضى قيدهه وسحبهه وطلب منهم يشيلون التابوت دخلو للغرفة دقايق وطلعهه لافة شال ولابسة عباية بدون اي قوة تمشي وهو ساندهه ركضر البنات ساعدوهه وراحت ويه والدتهه للدفن

اني بعد صعب ابقى ما اعرف احد هناك خابرت على زياد يجي ياخذني ومن يجون ارجعلهم

طلعنة من بيتهم واشوف السيارة برا سيارة الحيوان وكفت على صفحة

:زييياااد شايف لو تموتني هنا ما اصعد بهاي السيارة

:تتأدبين وتمشين نولي اريد اروح للمستشفى لا افلش وجهج والنبي محمد

بجيت وباوعتلة بقهر:زياد فدوة ما اريد اصعد وياكم هياتة بيتنه خطوتين ليش متفقين تقهروني

:لج لييش هيج تفشليني ولد صديقي لا تعرفينة ولا يعرفج ششكو هالحركات موو عييب

:ماا اريد هية كوة مااا اريد فدوة لتجبرني

دنحجي واجا صوتة

دريد:شكو زياد صاير شي

مشمش:لا عمو ماكو شي بس نريد نتمشى مختنكين منريد سيارة

رانيا:يلا زياد واكفين اباب العالم فاتحة منا امشي خل نروح مشي

خزرني والتفت على دريد وضحك بفشلة كالة خل اوصلهم  خطية يردون مشي توكل انت مشكور على تعبك واعتذر اخرتك

:عادي يمعود مابينه هاي السوالف يلا اترخص اني

:غالي گلبي

باوعت لدريد قلص عيونة وهز راسة يهدد.. عابت هالشكولات لو اروح مشي لعرعر ولا اصعد وي شكولاتك

مشينة شوية بنص الشارع بوست مشامش وهي مدمعة بعدهه البجية بيهه عصرت ايدهه وحجيت
:الله لا يحرمني منج يگلبي بدونج اني كلشي ما افيد

انفجرت تبجي تأثرت ومنا مقهورة وكفنة نسكتهه اني وزياد

:بربكم لا تتخبلون عليه امشو بالبيت وانصبو عزاا فشلتووني اني وجهي مفلش وانتو تبجون صرنة فرجة للعالم صدك تحجون

مشمش:زياد وجهك بعد ميفيد بدلة

:ههههههه غير عمج الشرريف امشي يلا ماينعرفج صدكج من كذبج

:بالي يم سرى شوكت تتوقع يرجعون

:يتأخرون هم والليل.. يلا دخلي وخلصي شغلج حتى من يجون تروحين يمهه خطية

:سلم على ماما فدوة ومن اتصل ردو عليه

هز راسه أي

وصلنة وهو راح للمستشفى

بدلت ع السريع نضفت البيت وجهزت العشا والكأبة مو طبيعية كلبي مخنوك ايام صعبة وعسيرة منين ما التفت هموم

رحت اصلي واقرأ قرآن بلكي تهدأ روحي.. طبعا الدراسة ابد ما مكلبة الكتب ولا اعرف شكولاتهم

كعدت اقرا ومشمش تحوس فوك راسي طابة طالعة بالغرفة والمطبخ

قريت شوية واجا اتصال.. ماما راح تطلع ركض ركض بفرحة جهزنا مكانهه وفرشنالهه فراش حلو وكعدنه ننتضرهه بحماس

مشمش:مو تكوليلهه مادرست ترة همات افتن عليج

باوعتلهه صفح ورديت... شتفتنين بلا ليش شعندي

:لاا ماعندج بس فدوة  كوليلهه كلة تدرس

:اممممم.. امتحاناتج عكب باجر نجحي وخلصي

:باع منو ينصح هههههه

:تضحكين عليه ام عيون لج امي بعد شهر يلا نبدي معليج مني ادرسي. ترة ماما تزرف عيونج

:اتعيب ام الشامات وجهه عبالك كليچة طاشين بي حبة حلوة

غميتهه وحجيت... عود ترد الفصمة امداااج اي والله

بعد ساعتين من الانتضار فزينه نركض على صوت دكة الباب

استقبلناهه سانديهه بابا وزياد ايدهه بيهه كانيولا ركضنة حضناههه ضلينة نبجي وهي تبوسنة وتحجي بصوت ناصي

:بنياتي الحنينات اروحلجن فدوة

كعدناهه على فراشهه وكعدنة يمهه خرطنة الاكو والماكو وهي مريضة وانقهرت على خالة مباشرة انطوهه علاجهه ونامت وبابا مگابلهه وكاعد  بس يخزر بينه
هو جان يتحمحم بس احنا ما اخذنا بالنا ميريدنة نگوللهة من نامت اشر لزياد علينة عاد الخبيث ماقصر

سحبنة زياد من ياخات التيشرتات شمرنة بالطرمة

:بالقران فلا عاقلات هسسة هاي شاخطة انتي الجبيرة شبيج مرة مجلوطة تزفيلهه هيج خبر باول ساعة تدخل بيهه للبيت

:خاااب اااووي ملخت شششعري

باوع بوجهه وحجة رافع طرف شفتة باستهزاء : اكلج خوية انتي بيج رعص؟

:اسمهه صرع موو رررعص

:لا يالغبرة الرعص يصير منج انتي تسوي يعني انتي تتقصدين تحرجين نفسج وتسوين نفسج تخززين مو مرض

:اي يلا بكيفي معليك

كالتهه وشردت جوة باوعلي وهز ايدة يضحك

رانيا:زياد شوكت نروح ل سرى عفية اريد اروح قبل لتوصل

هز راسة.. خل اروح اضحي بنفسي وافاتح بابا بالموضوع هو منا يحبني هلايام ومنا اكثر طلبات يااا سلاااام

ضحكت وركضت بست كتفة... اووف زييود همزين رجعت وربي احتاريت بروحي بلااك

تنهد ودنك:انا مارجعت انا اخذو حبيبتي مني ورجعوني غصبا عني... بس بسيطة تشوفين شراح يصير والايام بينه

:بعد عمري انتا كلهم يرحولك فدوة لاتزعل فدوة

باوعلي :عوورتج جريت تشريتج حيل

:هههههههه لا بس طشرت كبريائي

:مو مثل ذيج زنكتهه زنك هههههه

:خطية زياد صدك تحجي ليش هيج وياها

:لج ملامحهه تضحك صارت عبالك قنفذ

فات يحجي وي بابا وگبت العيطة بابا مقابل اروح وزياد يفهم بي ان سرى وحيدة وهاي صديقتهه ومحتاجتهه وخطية.. بعد ساعة من التوسل طلع بابا صاح

:ووويننجج وولج

:هااا بابا

:اذا عدت ساااعتين ومالكيتج هنااا بووجهج للنجف انتي واخوتج اهنااك اطمكم واااخلص عببن ملللليييت للعبت روحي

:اي بابا ابد ما اتاخر

مشمش سابقتي وراحت بدلت واجت تركض وراي حيل تحب سرى دموعهه تزل وياهاا ابد مو تمثيل.. بس هي طفلة مخبلة بسرعة تنسى... طلعنا واجا زياد يوصلنا بالكوة يمشي على عكاز وايدة جوة ضلعة ويصنف على بابا

:صايرلي ابوجهل... ادفن واطمطم ششمسسوين.. بس انت منو اخوك ومنو ابووك... رفع راسة للسما وكال... ممسسسلمكم بيد الله

مشمش:خاب كمزتنة ششبيك، ضحكو اثنينهم

رانيا:صصدك تحجون هسة وكت ضحك مو رايحين لعزاا عيب والله

باوعولي صفح وكملنة الطريق سكتة وصلنة اجوي البنات استقبلونة وفوتونة جوة يدرون بينه نستحي ومانعرف احد كعدنة بغرفة سرى نص ساعة

وشفنة الناس طلعو يستقبلوهم گالو اجو اللي يدفنون

مرتضى شايلهه ويصيح وووخخخرررووو طريق ططريق

بلا حجاب ولا عباية لابسة فستان متملخ وجهه مخمشش وكلهه تراب وحالتهه مثلهه تعبان وشايلهه يلهث دخلهه الغرفتهه مددهه على السرير وغطاهه وگعد بالكاع يم راسهه، ولازم ايدهه ويبجي احنا واكفين بالباب واخواته وامة يمهه جانت وياهم

مرتضى:هدت حيلي والله هدت حيلي دمرتني صوتهه راح كل شوية تفقد وترجع عبالهه حلم

مروة:لا تخاف الله يصبرهه وينسيهه هاي حرة صواب بعدة الجرح جديد

:فدوة ديرو بالكم عليهه حيل لا تخلوهه تملخ روحهه ترى كلش مابيهه حيل عافية ماضلت بيهه وحق الله

:روح يمه احنة يمهه روح ل ابوك خطية واكع وهسة جايبينه

كام يريد يطلع انتبهلنة حاجاني وهو مدنك

:بعد اخوج عينج عليهه صبريهه مو تبجين وياهه مريضة والله

بلعت الغصة وهزيت راسي ِ.. هو راح واني دخلت مختنگة بقهري وبس دموعي تنزل

كعدت يمهه بست راسهه وايدهه وهي بس تون وتهذي حرارتهه مرتفعة مشتعله ناار

:فتحت عيونهه باوعتلي بدموع:هذا حلم موو ماما بالمستشفى مابيهه شي؟

:امر الله يروحي.. كافي بجي خطية عوفيهه ترتاح هواي تعذبت بهالمرض... ادعيلهه خطية وي منحجي دخل خالهه خطية جابو يدفعون بي بالكرسي المتحرك شكله تعبان عيونه حمر الارهاق والحزن مرسوم على ملامحة بوضوح

:ووينهه وينهه بنيتي الحلوة

نهضت من فراشهه بسرعة وگعدت على ركباتهه يم رجلي تجهش بالبكاء ملامحهه لوحة قهر وحزن لزم راسهه بثنين ادي وباس جبينهه

:يااابعد روحي وحيلي يابابا، باوعي عليه شاايفة بناتي والله راح ابديج عليهم اني راخ اصيرلج اب وام ابد لا تخافين تمام ياعيوني ومادام راسي يشم الهوى محد يوصل حدج

ماكانت ترد بس تبجي صوتهه مبحوح يادوب ينسمع

:يلا هسة كومي غسلي وبدلي ملابسج

:خاالو فدووة شلون اخاف تزعل اني شفتتهم بعيني يغطوهه بالتراب بس ماكدرت امنعهم والله اخذووهه من بين اديهه ودفنووهه دفنت رووحي ويااها والله هاي بس جسد اني رووحي يمهه يم حبيبتي يم امي

اثنينهم يبجون والعالم اللي حواليهم يبجون بهدوء بس هم يبجون بصوت عالي بعدين مسح دموعة بردن دشداشته وحجة

:لا تصصيرين أنانية هي هم خطية تعبت تأذت ماتكسر خاطرج ماترديلهه الراحة يعني عاجبج وضعهه حسرة عليهه تغفى يفززهه الالم

:خاالوو ماتت وهي متوجعة ماراح الالم اناا شلون راح انسى منضرهه ومنضر الدم والله دا اموت دا احتترك

:هذا المرض غسل عنهه ذنوبهه بأذن الله رب العالمين رادهه تجيله طاهرة باذن الله عوضهه يم رب الرحمه هسة هي مرتاحة يم ربهه بس لا تقهريهه عليج

:خالو والله اقبل حتى لو بعيدة عني بس اطمئن هي مرتاحة

:هسة انتي اخذيهه بعقلج انتي ذكية وتفتهمين، امج انسانة صايمة مصلية ساترة نفسهه قارية لكتاب الله متصدقة وربج بلاها بمرض خبيث قاتل، هل معقولة رب العالمين برحمتة الواسعة راح يأذيهه رغم اللي عانته اقصى مراحل الوجع اللي حستهه

لا يروحي رب العالمين مو هيج رب العالمين لطيف رحيم انشاء الله هسة مرتاحة خل تشوفج مرتاحهه لا تقهرينهة عليج 

هزت راسهه برفض وهي دموعهه تنزل بس كلام ابو مرتضى طمأنهه شوية وهدأئها:لا لا لا بعد ما اذي نفسي ابد

:يلا لعد غسلي وبدلي  واكعدي ادعيلهه واقريلهه قرآن ربي يريحج ويريحهه بحق محمد وال محمد طلع هو واني تقربت منهه حضنتهه اثنينه نبجي بس بهدوء گومناهه
اني ومشمش للحمام جهزتلهه ملابسهه وكلشي وهي كلما عينهه تجي بعين احد تنزل دموعهه طلعت مشطت شعرهه وگعدت يمهه

فاتت رقية بأيدهه صينية بيهه اكل وعصير

رقية:رانيا يكول مرتضى فدوة خليهه تاكل واهم شي تشرب العصير كلة علمود علاجهه لايصير الضغط عدهه مزمن

بالتواسيل شلعت كلبي يلا اكلت لكمتين بس العصير شربتهه غصب عنهه اخذت علاجهه. وكعدنة نقرأ قرآن خلصنة الورقة الاولى من سورة يس وباوعنة وحدة بوجه الثانية مستغربين على الصوت العالي الصار برة ثواني قليلة واندفر الباب علينة بقوة

___________________يتبع

✨انتظر تقييمكم وتعليقكم وتشجيعكم بفارغ الصبر🥺🫂✨

والباقيات الصالحات
بسم الله الرحمن الرحيم
لا حول ولا قوة الا بالله
سبحان الله وبحمده سبحان الله العظيم

تفاعلكم سبب استمرارية الرواية🌹

حسابي الانستغرام

احبكم بگد العراق💕