روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
لبسـت حذائي وضليت انتظـرها تقريباً خمس دقايق ورن تلفـوني شفته ريم غلقت الاتصـال ونزلت بوسـت أمي وطلـعت
فتحت الباب شفت سيارتها لوحتلي بأيدها ورديتها سديت الباب وتوجهت للسيارة صعدت وكالت :- تعاااالي حضنة
- اوي حبيـبي
- مشتاقتلـج مشتاقتلـج گُلش
- أني الأكثـر صدكيني
- فدوة الـچ
انطلقنة مر الوقت الى ان وصلنة لبيتهم دخلت السيارة مالتها باوعت على الطارمة كبيرة گُلش سمعت صوتها من :- يله نزلي
نزلنـة ودخلت لكيت أمها كاعـدة على التلفزيون سلمـت عليها طلعن خواتها صغار سلمن علـيه وكعدنة ضلينة نـسولف مر الوقت :- يله نكوم نطلع راح يروح الوكـت
- يله حبيبي
طلعنة صعـدنة بالسيـارة شغلت أغُنيـة على الراديو رسًا تذكـرت حيادر باوعت على ريـم :- شلونه حـيادر هُناك ؟
- شلونة يعني زين
- امممم
- تستاهليـن الأحسن أنتَ ريـتاج لا ترجعيـلة أبدًا ولا تفكريـن لو يريدج صدُك جان حـاول وياج
صفنت وكالت :- فكري بيها حُبي
مُجرد مـا افكر راسي يضل يأذيـني تجاهلت التفكيـر وانتبهت علـيه وكالت :- شلـونج على العلاچ داتشـوفين اكو تحسُن
- شوي
- شوي ؟
- اي
اباوعـتلي بنظرة وكالت :- أكو عـلاج إذا استمريتي علـيه راح تشوفين نتيجة وأصلًا بعد ما تحتاجـين علاج ثـاني
- هههههه وشنو هذه العلاج العجيب ؟
- بالجنـطة مالتي وره الكشن دكـتور مصري شـاطر وصفتلـة حالتج وانطاني عـلاج الچ
- أشوفة ؟
- وراج بالجنطة مالتي علبتة بيضة
كالـت هيج ورحت خـذت الجنطة فتحتها وطلعـت العلاج :- هـذه ؟
- اي كبسولة الصبُح وكبسولة باليل
- بس ؟
- اي نعم نفس القديم بالضبط
باوعـت عليه يشبة عـلاجي القديم : مو يشبـة علاجي القديم ؟
- اي غلاف العلبة بس هذه جرعة اقوة
- ما يأثر على گلبي ؟
- لا يمعـودة شنو السالفـة قابل انطيـج شي مُضر
- لا مو هيچ قصدي بس عبالي بي سلبيات
- لا وبس علبة وحدة وتخلصيها وهاهية
سكتـت بعدها خمس دقائـق صفت السيارة ونزلـنة نتمشى شويه :- تعالي نصور علـمود نوثق هاي اللحظـة وعلمود هم اخليـهن ستوري
- يله اذا خلصتي دزيهن الي
- دللي
كملـنة صور ومـر اليوم ورجعـت للبيت ودخلت للبيـت لاكتني أمي باوعت عليه :- تأخـرتي ؟
- لا وين
- شوفي الساعة بيش
- بالسبعـة
- ثلاث ساعات صارلج
- هاهية ما اعيدها بعد
باوعتلي بنظـرة ما مفهومـة - اي ان شاء الله
انتبهت للبيت هدوء وكلتلها :- حُسين وأبوي وين ؟
- طلعـو قبل شويه
- اوكـي
كلت هيج وصعدت فوك بدلت ملابسي ونزلت سمعت أذان المُغرب رحت اتوضى وصعدت اصلي كملت وقريت بطريقي جزئين قرآن
....
كال هيـج جريت أيده الثانـية عضيتها بكُل قـوتي الى ان طبكت سن على سن صااح باعلى صـوتة وكال :- شبييييچ نچلبتي ؟؟
آيريم : اطلع منا لا اكلب الدنيا عليك هسه والم شكو ناس بهاي المنطقة واخليك تحلم تطلع بالشارع بعد
- أنتِ گُلشي ما يفـيد وياج
راد يطلع وكتله :- شكد خواف أنتَ أكبر خواف على وجه هاي الارض
- لاتتجـاوزيين !
- واكسر راسك يله يله اطلع منااااااه اطلع فك عني ياخة كااافي لحيت هواي بشر ما عبرك بشر ما مهتملك تحبه ليش انعل أبو هيج حُب مثلك خايس
بس كمـلت دار وجه وطـلع رحت قفلت باب الطـارمة ودخلت قفل كُل البيبان وصعدت لغُرفتـي قفلتها وكعـدت مر الوقت صـار المغرب بدا الاذان صـليت وكمـلت
سمعت الباب دايندك رحت فتحت باب الاستقبال وطلعت بالطارمة صحت :- منووو ؟
أبوي :- أنـي فتـحي
سمعتة صوت أبوي فتحت الباب وكال :- السلام عليكم
- وعليـگم السلام
سلم ودخل رحت دخلت للمطبخ جان جايب عشة وياه سويتة وتعشينة كملنة ورحت صعدت فوك مر الوقت ونمت
....
صـار العشة تعشينة وكملنة رحـت كعدت يمهم صـارت الساعه بالعشرة وقت العـلاج كمت صعدت لغُرفتي طلعـت العلاجات خذت ثـلاث الكبسولات تذكرت كبـسول ريم رحت خذت منه وحـدة ونزلت فتحت الثلاجـة طلعت مي شربت الكبسـولات وصعدت فـوك
تمددت ضليت اكلب باليوتيوب مرت تقريبًا ساعة حسيت نغزة بگلبي گُلش قوية ضغطت على گلبي قوي حسيت نبضات گلبي صارت سريعة جربت طريقة حيادر بقياس النبض كملت وحسبتهن طلعت ١٣٠ نبضة ؟؟
ما أعـرف شنو أسوي رحت غسـلت وجهي على السـريع ضليت اتنفس على السريع أريـد هوة فتحت شباك الغُرفة طلعـت راسي أريد هوة يمـلي ريتي ماكو مرت تقريبًا نـصف ساعة على هذه الوضـع بعدين تمددت ردت انزل اكول لأمي هيـج وهيج صار بس غـلست وسكتت
رحت للمچر طلعت الهيدفون ورجعت تمددت صارت الساعة بالوحدة ونص شغلت الأغُنية وبراسي الافكار تجمعت بس بشخص واحد الي مقرره انساه وبس داسمع الأغُنية ارجع لنُقطة الصفر
احـس فراغ بداخلي گُلش جبـير أريد اقرر انساه ما اكـدر أغنيتة ذكرياتك هداياتة شلـووون راح انساه هيج ؟؟؟؟
أريد انسان يعلمني شلون انساه شخص جان جزء گُلش جبير بحياتي مرن شهر ونص وشويه ولحد الان داحاول انساه ما اكدر قبل لا انام رحت طلعت السنسال ولبستة بركبتي رحت تمددت غمضت عيني ونمت كعدت الصبح الساعة بالتسعة
نـزلت جوه لكيت أمـي كاعدة باوعت عليه :- صـباح الخير ، روحي غسلي وتعالي تـريكي
- صباح النور
رحـت غسلت ورجعت وكـالت :- اليوم تجي عمـتي وبنتها
- ام حيدر ؟
- اي
- همم بيـش الساعـة ؟
- الظهر العصر هيج وقت كالن
- ها اوكي
رحـت تريكـت كملت ريوك وصعدت فـوك رحت للكنتور عزلت ملابسي شويه واسمع تلفـوني يرن كمت اله لكيتة اتصال من رقم غريـب انطيتة رفض ورجعـت وره خمس دقائق رجع اتصـل أجه ببالي حيـادر بس لا حيادر مو رقم عراقي لازم رقـم الدولي مالتة
رجعت انطيتة رفض أول ما رفضت ثواني ورجع اتصل باوعت على الرقم وكلت خلي ارد فتحته وأجاني صوت ولد سكتت شويه وكال :- الو ؟
- الو منـو وياي ؟
- أشهم .
- عفوًا ! منيـن جبت رقـمي ؟
- مو مُهم منين جبت رقمج المُهم جبتة
- خويه محـتاج شـي ؟
- تكُليلي خويه بعد كُل هذه اعترافي الچ جيتي علمودج وجيت من الباب ريتاج رايدج وشاريج بحلال الله
- العفـو مضطرة اسد الاتصـال أني وأعتذر گُلش عن التـصرف .
كلت هيج وسديتة بوجهة أعرف تفشلت بس شنو اسوي لازم اخليلك حد أبوي مو رفض بعد المن جاي يعترف ويدور حبجيات بس لا خطية الولد راد بالحلال
ذبيت تنـهيدة وكملت الملابس على الـسريع ونزلت مر الوقـت صار العصر ندك الباب ورحت طلـعت وفتحتة دخلن حواء وامـها وحليم سلمت عليهم ودخلو سديت البـاب ودخلت وراهـم
دخلت للمطبخ وقدمتلهم مي ورجعت صعدت فوك طلعت ملابس دخلت اسبح كملت وطلعت لكيت حواء بغرفتي باوعت عليه :- نعيمًا داده
- الله ينـعم عليج
- شلونج شخـبارج
- زينـة الحمدُلله
باوعت على ركبتي وكالت :- اي واضح
سكتت ورحـت طلعت المشط وبـديت امشط شعري خلصت :- اشـسورة الچ ؟
- لا عليمن ما يحتاج
- براحتج
رفعت تلفـونها واتصلت :- هلأ حـيدرنا خويه شخـبارك مشتاقيلك گُلش گُلش
عرفتها متقصدة سويت نفسي مشغولة بالمجرات ارتبهن وهيَ تحجي :- اي يم بيت عمه ام حُسين ، لا مابيهم شي الحمدُلله كُلهم بخير
كملت مُكالمة وسدتـة وكتلها :- زعلانـة عليه ؟
- لا ليش حتى ازعل !
- من اخر اتصال ما حجيتي وياي ؟
- لا صح ضجت بوقتها منج بس هسه لا .
- ليش ؟
- رتـوج هاي حياتج أنتِ مو حيـاتي أني مالي حق اتدخـل بيج ولا بالطرف الثاني إنتوا كـبار وفاهمين وواعين وتعرفـون شنو داتسوون ما يـحتاج اعلمكم أني صـح أكبر منكم اثنينيكم بس هم ما يحـتاج أسوي شي لا من طرفـج ولا طرفة مو صـح لو أني غلـطانة ؟
- لا صح كلامج
- شوفي
مر اليوم صار الليل جنة فوك سولفنة شويه وتذكرت العلاج ما شربتة لا الصبُح ولا هسه كمت طلعت العلاجات من المجر خذت أربع كبسولات ونزلت شربتهم وصعدت
مـرت نص ساعة راسي صار يأذينـي بس خفيف ما اهتـميت ضليت اسولف وي حواء ما أعرف شـكد مر من الوقت أجتـني نغزات قوية بگلبـي لزمت گلبي
أنتبهت عليه حواء وكالت :- شبيج ؟
- مـادري نغزات قويـة بگلبي
- شنووو راجعتلـج النغـزات القـوية ؟
- اي
- من شـوكت ؟ وليـش ما تكوليـن لأمج لأبوج !
- ما أريد اكول الهم يضـلون بقلق تعرفيـهم أنتِ
- داتأذين نفسـج هيج ملاحظة هذه الـشي ؟
ما جاوبتها وره شويه كالت :- راح اخابر الچ حيدرنا ؟
- لا حـواء ما يحتاج
- هوَ شنو بكيفـج أنتِ !
شالت تلفونها رادت تخابر وكلت الها :- حواء ما يحتاج كُل هذه صدكيني .
- أستـغفرُ الله
رجعت التلفون والوجع دايزيد ما ينقص سئلتني :- شبيج ؟
- ماكو شي صـرت زينه أريـد انام
- روحـي ارتـاحي
- تصبـحين على خـير
- وأنتِ من اهـلهُ
نمت كوه كعدت على مُنبه اذان الفچر نزلت بيه ما بيه توضيت وصعدت صليت ونمت حتى حواء ما كعدتها صار الصبُح وكعدت الساعة بالتسعة نزلت جوه محد كاعد غسلت وحضرت الريوك كملت وكعدو تريكنة وكملنة
وصـعدت فوك رحـت لتلفوني جايني مسـچ من ريم :- شلونـج گلبي ، تطلعين اليـوم ؟
- لا والله ما اطلع مريضة ومابيه كُل حيل
- شبيج ؟
- ما بيه حبيبتي لا يضل بالج
- دكولي شبيج يمعودة
لحـت عليه الى كتلهـا بمسچ صوتي :- احـس راسي يأذيني بس خفـيف وگلبي
- شبي گلبج ؟
- نغزات
- عاديـة هاي النغزات لاتخافـين غير عندج تسلُخ طبـيعي تصير عندج نـغزات بالگلب
قريت كلامها اطمئنيت سولفنه شويه الى ان سلمت وراحت شفت تلفون حواء دايرُن وهوَ على الشحن رحت اله قريت الاسم :- " حيدر أخوي "
شي بداخـلي يكُلي ردي بس شنو اكُله إذا رديـت أكيد ما يعذرني او يـسامحني بس لا ما اجـاوب شعلية أني عفت التلفـون يرُن ونـزلت جوه صحت لحـواء :- حوووواء
- هااا
- تلفونج دايرُن
- منو
- ما أعرف
كامـت صعدت وأني نـزلت جـوه
....
رجع من الدوام وبطريقي دكيت على حواء اسئلها :- هلأ حيدرنا
- هلأ خيتي شـلون صـارت ؟
- لا زينة بخير
- ضُلي على اتـصال وياها أبدًا لتـعوفيها خاف تحتاجـج واي شي يصير الها تعالي كُليلـي مـاشي ؟
- هاهية صار من عيوني
سـديتة منها واتجهت للبحر كعـدت على البحر دخـنت چگارتين ردت اكوم باوعت على الرمـل ورحت ادور خـشبة او عودة صـغيرة
لكيتها وجيت كتبت على البحر :- " قُره عيني "
وبصـفها حرف راء بالانكلـيزي خلصت خذت الهـن صورة خليتهن خلفية تلفوني وشخـبطت الرمل وكـمت رجعت للـشقة أول ما دخلت
اجاني صوت اسر وصاح :- لك هااااااا شو تأخرت ؟
- لا
ضحك وكال :- وين شايفلك دكتور مريض ؟
- ربـك وحد !
- دكـتور مريييض ؟؟؟
- استر علينه يمعود بعدك امتحانات المرحلة الاولى النهائية بعد كم يوم وتبدي
- هههههههه اويلـي راح نصير مرحـلة ثانيه تعال شنـو يخلصك مني
- دكوم كوم لا اهجم مصر هسه
- الله تهجمها وينتهي الطب
- انعـل أبو الطـب اي والله
- اتفـق وياك لابو شكو ادمي هُنا بمصـر اشويهم شوي
- ههههه دكوم سوي العشة لا اشويك أنتَ
- كايم بعدچبدي
....
رجـعت حواء بعدها مرت الايام مـرت شهرين ونص وصـار على زعلي وي حيادر أربع أشـهر وبعدني ما ناسـيتة اجذب على نفسي إذا اكـول ناسيتة
داحس ريم داتتغير عليه اخر مُكالمة قبل شهر وبس مسجات بينة لا طلعة ولا اي شي ومن اتصل عليها ترفضك وتكُلي مشغولة عذرتها طالبة طب وراح تدخل بالمرحلة الثالثة
العصـرية جنت كاعدة بره على المرجـوحة كمت جـبت تلفوني ورجعت واتصلت على ريـم رفضتة واتصـلت عليه على النت :- هلو ريـتاج
- هلأ حياتي شلونج شلونج صحتج
- بخير عيني وأنتِ
- الحمدُلله والله داسئل عليج
- فدوة الچ
سـولفنة شويه وكالت :- يله اروح أنـي عندي فايـنل
- اخذي راحتج عيوني
راحـت بعد كمت دخلت جوه لكيـت أمي واكفة يم الطبـاح داتطبخ باوعت :-قرب موعدج مال الدكـتور
- شوكت ؟
- بعد يومين
- ها اوكي
مر الوقت وصار وقت العشة تعشينة وغسل الاماعين وكمت توجهت للغُرفة فتت مو يم غُرفة حُسين سمعت صوت ضحكة
أستغربت وتسنطت جان يكول :- آسر الغالي أنتَ بالله الكريم
عفـتة دايحجي وي حيـدر وآسر عفتهم ودخـلت لغُرفتي رحت راسلت ريم :-شكو ماكو داتحسيـن اكو تحـسن بالعلاج لو لا
- لا زدت ما نقصت من داشرب العلاجات داتجيني خنكة على نغزة قوية بالگلب وبعد يومين اروح للدكتور وأشوف شكو وكطعت العلاج الي انطيتيناه انتِ
- ليش كطـعتي شلون يصير ؟؟
- مو بـس هوَ واحد وياه هم كـطعتة
- شنو السـبب ؟
- ما أعرف أني هيج كاطعتهم من اروح للدكتور أشوف إذا يغيرهم الي او ينطيني نفسهم
- لا لاترحـين ريـتاج
- ليش ؟
- مو اريـد اطلع ويـاج
- عادي نأجل الطلعة غير وقت
- لا يمعودة
- ما ادري عود أشوف أمي
- رجعـيلي جواب ولاتـنسين
- ميـخالف
نهينه المُحادثه ونزلت جوه لكيت أمي داتطفي الاضوية شافتني :- شربتي علاجج ؟
- هسه راح اشـربه بس اريد اكُلـج شي ؟
- كـولي !
- هممم اريد اطلع وي ريم بعد يومين
- وموعد الصُخام ؟
- أجـلي !
- ما يتـأجل ريتاچه روحـي نامي بنـتي
- ليش يُم ؟
- بله كلام زايد فدوة اروحلج
كالت هيـج وراحت للغُرفة وسـيدت الباب رحت خذت كلاص مي وصعدت فـوك لغُرفتي خـابرت ريم وكتـلها ما اجي ضاجت وسـدتة بوجهي أستغربت من تصـرفها گُلش
بس كُلت يله بعدين تجي تعتذر رحت خذت ثلاث كبسولات وشربتهم ضليت كاعدة شويه واجاني مسج على تلفوني فتحتة قريت الاسم جان من حيادر ؟
أستغربـت أني ما فاتحة الحـضر شلون انفتـح وحدة تذكرت أني مـا داخلة للمُحادثـة من زمان تقريبًا ثـلاث اشهر هيج تـذكرت من اجتـي حواء يمنة ضلت تكلـب بتلفوني معقولة هيَ فتـحت الحضر اكيد هيَ يعني إذا مو هيَ منـو أني طبعًا لا
قريـت المكـتوب :- " السلام عليكم بويه ، أعتذر على مراسلتج بهيج وقت بس حبيت اطمئن عليج لإن حلمت بيج حلم مو زين لا سامح الله بس طمنيني وبعدها ما تشوفيني "
عـدت المسح مره ومـرتين وثلاثة الى ان اسـتوعبت انُ دايحـجي وياي برسمية دمعـت عيوني الي جـان يتغزل بيه ويـحتويني باهتمامة هيج دايـحجي وياي
جنت مشتـاقتلة قريت المـسج زاد اشتياقي اله حـسيت حنيت ورجـعت لايامنة أريد اجاوبة اطمنـك ما اكدر احس اكو شـي دايمنعني بعد تفـكير ربع ساعة :- " وعليكم السلام ، الحمدُلله "
بس دزيتها رسًا طفيت التلفون ونمت كعدت الصبُح شلت تلفوني لكيت مسجين منه عفتهن وطفيت النت وكمت راح يصير بيه انفصام بالشخصية عندي من هاي التصرفات والامراض ما أعرف عقلي شنو يريد گلبي شنو يريد تصرفاتي صايرة اوڤر ومن گُلشي داضوج شنو السبب مادري
مرن يوميـن الى ان اجه موعـد الدكتور كعـدت الصبُح الساعة بالسبعة گُبل نـزلت اتريك تريكنة أني وأمي وحُسين وصـعدت ابدل كمل ونـزلت لكيتهم كاملين گُبل طلعنـة أني وأمي وحُسين مـسافة الطريق وصـلنة للمُستشفى ونزلنـة توجهنـة للدكتور گُبل
ضل حُسين بره يننتظرنة دخلنة أني وأمي للدكتور أول مادخلنك لكيتة الدكتور ودكتورتين يمه سلمنة وكعدنة على الكراسي خلصنة سلام وبدت أمي تشرح اله عن حلاتي والتغيرات الصارت بيه
الدكتور :- خـلي ناخـذ الها تحليـل ونشوف
سجل التحليلات وكال :- تندلون غُرفة التحليلات ؟
أمي :- اي
دكتور :- جيد
طلعـنة من الغُرفة ورحنة للتحـليلات خذنة تحليل وضـلينة منتضرينة كالو يطول ساعتـين هيج طلعنة بره المُستـشفى شفنة حُسيـن كاعد ضلينة نسولف الى ان مرت سـاعتين وكمنة دخلنـة المُستشفى رحـنة للتحليـلات لكيناهن طالعات خـذناهن ورحنـة للدكتور
قراهن وكمل باوع عليه وكال :- مستمرة على العلاج ريتاج كريم ؟
ريتاج :- اي !
دكتور :- وينهن العلاجات جايبتهن ؟
ريتاج :- اي
دكتور :- اشوفهن
انطيتهـن اله شافهن وتـفحصهن رفع العلاج الي مطيتـناه ريم :- منو منطيج هذه العـلاج يا دكتور ما اعـتقد منطـي الگم أني ؟
ريتاج :- دكتورة ليش ؟
الدكتور :- بس هذه جـرعة عالية گُلش وممـوجود هُنا يا دكتـورة انطتة الچ ؟
ريتاج :- لا دكتورة صديقتي
الدكتور :- دكتـورة تنطيج هذه العـلاج وأنتِ عنـدج تسلُخ مُستحـيل
أمي :- شنو دكتور بيها شي ؟
الدكتور :- للاسـف راجعـة لنُقطة الصفر
ريتاج :- شنووو ليش ؟
سكـت باوعـت عـليه أمي همست :- منو منـطي الچ ؟
ريتاج :- ريم ليش ؟
أمي :- صدُك تحجـين ؟؟؟؟
الدكتور :- مُمكن اتواصل وي الدكتورة ريم ؟
أمي :- طالبه جاميـعة مرحلة ثانية طـب عام
الدكتور :- طالبة جامعية وتنطي علاج من كيفها ؟
أمي :- بالله ما أعـرف بيها من مطيتـها الها أصلًا هيَ ما كايلتلـي من منطيها العـلاج هذه
الدكتور :- وأنتِ ريتاج فاهمة وواعيه شلون تاخذين علاج من غير شخص غير دكتورج الثابتة عليه لا ومن طالبة جامعية المفروض ترفعون دعوة بخصوص هذه الشي ؟
تفاجئت من كلامـة گُلش وكتله :- لا هاي صـديقتي مُستحيل شنو دعـوة يجوز غلطانة شـلون صديقتي تنطـيني شي ضار ؟
دكتور :- گُلشي يصير مع الاسف يعني لازم اتواصل او أشوف صديقتج ونفتهم منها كَ اطباء ونعرف شنو السبب
العلاج الي منطيتة الچ بي سلبيات شعجب ما تألمتي او صار شي الچ أني متأكد صار وساكتة صح لو لا ريتاج كريم ؟
ريتاج :- صـح
الدكتور :- شوفي ، هذه اهمالج
اباوع على أمي صـايرة كُتلة من الاعصـاب باوع الدكـتور على أمي :- الانـبوب الي داخل الشـريان بي ضرر قليل بنتـج ريـتاج يحتاج الها راحة گُلش عالـية داتضـغط على نفسها بافكـار واشياء مو لازم تـفكر بيهن او تـشغل نفسـها تمام ؟
ثـاني شي العلاج الي ماخـذتة بدون وصفة طبيت مُختـص سبب الها مشاكل هواي ومرجعـها للبداية أرجع واكـول يحتاج الها راحـة كد ما تكدرون لاتضغطـون عـليها بأشياء تخليها تفكر وتتعب الصـداع النصفي هم دايأثر بنسبـة قليـلة عليها والشفاء العاجل راح اكتـب الكم علاج جـديد تجـيبو من بره
كتب العلاج بورقة وكمل وانطة الورقة الأمي وكال :- من رخصتح اريد احجي وي الوالدة شويه
ريتاج :- اطلـع ؟
الدكتور :- نعم
كـمت طلعت من الغُرفة وكـعدت على الكراسي عشـر دقايق وطلعـت أمي باوعـت عليه :- أمشي
ماحجيت شي ولا فكيت حلگي طلعنة بره المُستشفى تلكانة حُسين شافنة :- بشرو اغاتي حمامة غراب ؟
ما جاوبتـة أمي بـاوع عليـه وكتله : زينـة ما
بعدني ما مكمله كالت :- هسسس حلكج ماتفكينة
حُسين :- خـير يا طير شكو شبيكـم منو مزعلكـم ؟
أمي :- وين السيارة ؟
حُسين :- هُنـاك ، هسه غير يكـلولي شكو !
أمي :- امشي بدون كلام نرجع للبيت ونفتهم
رحنـ للسيارة وصـعدنة وأمي ساكتـة طول الطريق شـويه وكالت :- حُسين شوكت مـوعد صخامـك أنتَ ؟؟
حُسين :- الاسبوع الجاي الدكتور هذه الاسبوع ماكو
أمي :- اي خوووش
حُسين :- شكو بربكم والله الفضول كتلني " I want to know please "
أني بـيا حال وحُسين يريد يضحـكنة مسافة الطريق ووصـلنة للبيت دخل السيارة بالبيـت ونزلنة دخلنة گُبل صـعدت فوك بدلت ونـزلت جان أبوي كاعد
كلت بگلبي :- " لا هاهية اجاك الموت يا تارك الصلاة "
رحت للمطبـخ ضليت كاعدة على المـيز وهمَ بالصالة شويه وسـمعت صوت أبوي من صـاح :- لاااا صدُك ؟؟
حُسين :- لا بربج يُمه ؟
أمي :- اي ريتـاجه هاي الف مره كتلـها لا تطلعين وي هاي صـديقتج يُمه ما مرتاحـة الها لا الحجي يدخل منا ويـطلع منا ولا كأن حـجيت
ضلو يسولفون شويه وسمعت مناداه أبوي بأسمي :- ريتاااااجه
أمي :- عوفها لاتحـجي وياها لا نوب تگب علـينه ونرجع للمُستشفى هم ما بيه حـيل
أبوي :- أريد احجي وياها كلمة
حُسين :- ريتااااااجه تـعالي مو أبـوي دايصيحلج ؟
بلعت ريگي ودخلت للصالة أول ما دخلت كال أبوي :- ليش يا عيني ليش داتسوين بينه هيج ؟؟
ريتاج :- بابا والله ما ادري بي لإن يشـبة علاجي القـديم
ابوي :- أنتِ صغيرة ما اعتقد أنتِ صغيرة وتاخدين اي شي من الناس وشنو ما خذه علاج وأنتِ عندج گلب وصداع نصفي بنتي داتفتهمين عليه لو لا ؟؟
أمي :- بعد هذه التصـرف ثبتتلي ريتاجه هيَ صـغيرة وما براسها كُل عـقل
حُسين :- شنو هاي الفهاوة ؟
ثلاثتهم دايحـجون عليه وأني سـاكتة انتبه عليك وكال أبوي :- كومـي رجعي بدلي
ريتاج :- ليش ؟
أبوي :- كومي بويه كـومي ، تندلين بيت اهلـها صح ؟
ريتاج :- اي ، شنو نروح الهم ؟
أمي :- ايييييي نروح ايييي نـضل مكتفين الايادي وأنتِ شـعراية ويه المـوت ؟؟؟
....
يتبع ⬅️ - البارت الثامن والثلاثين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.