البارت الخامس عشر
دخلت قسم ثلاجات الموتى
كانت ماودها انها تفتح وتشوف وجه امها وخواتها كانت ودها انها تصحى ويكون كل شي كابوس مرعب
قربت بهدو وهي ترجف من فتحت الشرشف عن وجه امها حست انها فقدت الدنيا.....
لفت لعقاب وقالت بنبرة بكى : ياعقاب ياعقاب انكسر ظهري من الفقد فقدت اهلي ويلك من ربك حرمتني من اهلي ويلك من ربك باعقاب
كان عقاب هادي عكس الي داخله كان طفل يبكي بكى مفجوع من الي صار.....
ماكان متوقع انه السيف ابدا لان زي ما ماصار انه حادث وماتو كلهم......
باسة راس امها بقوه وكانت تتمتم بكلام ملخبط عجز عقاب يفهم اش الكلام الي تقوله
كانت نجد تبكي وبقوه من شافت بوجه امها جروح وشبه متشوه ومعدوم....
قالت نجد : لا لا يايمه لاتتركني الحالي انا ابيتس معي ليه ترحون كلكم انا الحين ما بقى عندي غير فارس وياسر فارس بغيبووبه وياسر مين الي راح يقويه؟! انا؟!
انا ابي احد يقويني ابي احد اشد ظهري فيه ابي احد اسند نفسي عليه من بعدكم!! مافي احد يقويني مافي احد اسند نفسي عليه
حضنة امها وبقوه حضن ودائعي ما كانت تتحمل فراق اهلها لكن قدر الله وما شاء فعل.....
كان عقاب ياطالع نجد بحزن طاحت دمعته من كلامها الي يكسر الخاطر ويفت الصخر فت...
على طول مسح دمعته عشان نجد ما تشوفه وتضعف زياده وهو يبيها ماتضعف من تشوف دمعته.....
شدت نفسها من حضن امها جت تبي تغطي وجه امها ونزلت راسها على جبين امها وباستها وقالت : استودعتس الله الذي لا تضيع ودائعه واعرفي اني بكون قويه ادري اني مارح اكون قويه بدونكم لكن بحاول ......
غطت على راس امها وبكامل الحزن والهم والغم والشوق الي بدا عليها من بدا عمرها بدا بعمر الزهور الي مفروض تشوف الحياه مابين احضان أهلها لكن الموت مايرحم.......
اتجهت للثلاجه الي بعدها وماكانت تشوف شي فكت الغطا عن راس ابوها
حطت يدها على فمها تكتم شهقاتها..
حطت يدها على راس ابوها وقالت : لا ياسندي لا يظهري لا يعزوتي لا عمري لا ياربييييي لاتخليني لحالي انا ابيك معي لاتخليني بدون امان تكفون
نزلت نفسها بحضن ابوها وبكت بقوه وكانت تشاهق شهقات تقطع القلب والروح، باست راس ابوها وقالت بشهاق : استودعتك الله الذي لا تضيع ودائعه يا حمودي استودعتك الله ان شاء الله لنا لقاء بالجنه يارب العالمين
غظت على راس ابوها بكل يأس مع الحياة....
اتجهت للثلاجة الي بعدها فتحتها وشالت الغطاء عن وجه ترف بكت نجد اكثر على اختها : لا ياترف لا يروح اختس لا يعيوني انتي والله العظيم اني احبتس بكل مافيتس ليه تركتوني كلكم ليه خليتوني اواجه الدنيا لحالي لا يتروفه تكفين لاتروحين ياقلب قلبي انتي
كان عقاب ضام نوره الي تبكي على كلام نجد لانها دوبها جت وسمعت كلام نجد......
حنت نجد نفسها وضمت اختها بكل قوتها وكانت تبكي وبعدت عنها وقالت : استودعتس الله الذي لا تضيع ودائعه يا قلبي لنا لقاء ان شاءالله بالجنهه يارب العالمين جنة الفردوس الأعلى
راحت لأخر ثلاجه والي هي كانت ماكان فخر
تقدمت بشويش وخوف ماكانت تتوقع ان الموت ياخذ اختها فخر يوم من الايام فكت الشرشف من وجه اختها الصغيره اللي تبلغ من العمر ثلاث سنوات صغيره على الموت لكن الموت ما يعرف لا صغير ولا كبير
قالت نجد وهي قاعده ترتفع شهقاتها : لا لا فوفو لا تتركيني لا يانظر عيني انتي لاتروحين لا ياشريان اختس لا يقلب نجد لا ينظر عين نجد لاتتركني الحالي شوفي انا جبت لتس حلاوه وعصير وكل شي تحبينه جبته لتس يالله قومي لاتخليني لحالي انا ابيتس معي طول العمر ليش ياربي ليش انا والله راضيه بقضائك ياربييييي...
ضمت فخر وكانت تشهاق وتقول كلام مو مفهوم ومع كل كلمه كل مالها يزيد شهقاتها
بعدت عن فخر وباسة راسها بقوه وقالت وعيونها حمرا من كثر مابكت : استودعتس الله الذي لا تضيع ودائعه يا عمري ياطير من طيور الجنة
قامت وهي ترتجف من كثر مابكت كانت قاعده تشوف حالها كيف قاعده تودع اهلها كيف بتعيش بدونهم كيف بتقول لفارس وياسر كيف تبي تقويهم وهي ضعيفه كيف بتعيش بدون ماتجاكر ترف وكيف بتعيش بدون اختها الي تفضفض لها كيف تبي تعيش بدون ابوها وامها وخواتها!!!..........
لفت لعقاب وشافت نوره بحضنه تبكي
مسحت دموعها وقالت بحده ممزوجه بصوتها الباكي : شفت كيف اختك بحضنك!! ترضى احد يجي ياخذ اختك من حضنك!! طبعاً لا ماتقدر؟
كانت تأشر على نفسها وتقول : انا اخذتني من احضان اهلي راحو كلهم راحو بطرفت عين راحو قدام عيوني ولا سويت شي لهم انت منعتني اروح اطلعهم اروح انقذهم عشان ما افقد اهلي وش صار!؟ فقدتهم كلهم بالحظه وحده
زادت شهقات نجد من سحبها عقاب من كتفها وضمها لصدره ماكان متحمل عتابها له كان قلبه يتقطع عليها كان يلوم نفسه لانه اخذها من بين احضان اهلها
انا استهال!
انا اخذت ذنبها!
انا الي اتهمت شرفها!
انا الي اخدتها من احضان اهلها!
كانت نجد تضربه عشان تبعد عنه لكن لاحياة لمن تنادي قالت بحة صوتها لانه راح من الصياح :تكفى بعد عني والله ما ابغى شي ثاني غير انك تبعد عني
هز راسه ب لا وقال : مارح ابعد عنتس الحين لا بعدين ولاتفكرين أصلاً
قالت نجد بترجي : تكفى ابي اروح اشوف ياسر وفارس تكفى لاتحرمني من اخواني!.....
قال عقاب : لا تقولين تكفى ترا تكفى تهز الجبال مو بس الرجاجيل......
عدلت نقابها وطلعت مع عقاب ونوره
كانت تحس نفسها ماتشوف شي غير ظباب دموعها تغطي عيونها......
سمعت صراخ واحد تعرف زين وتعرف بحة صوته!!
منهو ذا الي انا اعرف حتى صراخه منهو ذا الي قلبي فز له!!
لا يكون ياسر!؟
الا والله ياسر...
ركضت لاتجاه الغرفه الي طالع منها الصوت دخلتها ولقت ياسر حاضن عبدالله يصرخ ويقول : تكفى يا عبدالله قل انك تكذب علي قل لي انه مقلب تكفوونن لا محد مات
كان عبدالله حاضن ياسر وبقوه وقال : وحد الله ياخوك هاذي هي الدنيا كلنا راح نروح لربنا اهدا يا ياسر
كانت نجد واقف ورا ياسر وحاطه يدها على فمها تحاول تكتم شهقاتها
قال عبدالله بهدو : ياسر اذكر ربك، انت تتوقع اذا شافتك نجد كذا بتقويها؟! طبعاً لا لان نجد تبيك تقويها خلك قوي يا ياسر واعرف انه اهلك راحو للي ارحم مني ومنك وانا اخوك.....
طلعت نجد من الغرفه لانها ما كانت متحمله تشوف اخوها ينهار قدامها وهي ماتقدر تسوي شي له ....
جلست على الكرسي حطت يدينها على وجهها وبدت بالبكي من جديد وبقوه كانت تبكي....
حست بأحد جنبها يضمها بقوه رفعة راسها وشافته ياسر ضامها بقوه سمع ياسر بكى نجد من الغرفه وطلع لها وشد عليها بحظنه وقال : لا لا ياريحة اهلي لا لا تبكين ياعيني انتي لا لا وانا اخوتس لا تبكين على امر الله لا تعترضين لامر ربي
بكت نجد على كلام اخوها، كانت هي الي تحتاج لاحد يقويها كانت تبغى احد يقولها لاتعترضين لامر الله........
رفع ياسر راسه لفوق عشان يكتم بكيته مابي نجد تشوف دمعته ماكان يتخيل يوم من الايام انه راح يفقد اهله كلهم ماكان يتوقع انه ما راح يعيش مع اهله ماكان متوقع انه راح يصير يتيم، انكسر ظهره با اهله ما كان متذكر شي من الحادث كان كل شي يمر زي الحلم عليه.........
كانو عقاب ونوره وعبدالله يطالعونهم بحزن ماكانو متخيلين انهم راح يفقدون بعض يوم من الايام..
~ عند أسماء ~.
كانت اسماء قاعده تدق على عقاب ولا يرد زفرت بغضب وقالت : جهنم انت ويها ان شاءالله
طلعت جوالها من جيبها ودقت على ثامر
رد ثامر وقال بتمثيل : سمي ياروحي
ابتسمت وقالت : سم الله عدوك ياقلبي انت والله
قال ثامر : ها كيف الوضع عندكِ!
قالت اسماء وهي تدخل الغرفه : والله جو وسوو انفجار بالبكاء فضخو راسي!!
ضحك ثامر وقال : هذا المطلوب
~ بالمستشفى ~
كانو نجد وياسر واقفين ورا الشباك يطالعون فارس الي كانو لافين راسه بشاش
كانت نجد منهار على اخوها لان كانت قاعده تشوف ياسر يحاول يكتم دمعته وهي تشوف سندها واخوها وعضيدها قاعد ينهار.....
قال عقاب عشان مايبي يشوفهم منهارين : يالله يانجد يالله ياياسر مشينا للبيت
قالت نجد بضعف : طيب اخوي واهلي!؟
قال عقاب بهدو : يانجد اهلتس راحو للي ارحم مني ومنتس واذا على فارس، الحين فارس محتاج دعائكم وجودكم ماراح يسوي شي.......
قال عبدالله : والله وعد مني لتس يانجد اني اخلي عقاب يوديتس بعد ايام العزاء يالله خلونا نمشي الحين ليل وبنصبح خلونا نمشي
قام ياسر وقال : يالله يانجدي امشي ......
قامت نجد ماكانت مقتنعه انها تمشي لانها تبي تجلس عند اهلها واخوها........
ركبت نجد مع عقاب، ونوره وعبدالله مع بعض
وصلو نجد وعقاب للبيت ونزلو كانو تقريبا الكل بالبيت ينتظرون نجد بيت عمها.....
كان عقاب يبي ينزلها بيت ابوه لكن سرعان ماقالت نجد : مابي بيت عمي ابي بيت ابوي .....
ماكان وده ابد انها تروح بيت ابوها لكن ماحب يكسر خاطرها ابدا.....
وقف قدام بيت عمه ونزلو
جت نجد بتفتح الباب وسرعان ما انتبه عقاب من شاف يد نجد طاحت على فخذها من جت بتفتح الباب....
مسك يدها وفك الباب وهو يدها بيده....
دخلو البيت
اتجهت نجد لفوق وجلس عقاب على الكنب وحط يده على راسه وقال : يارب أسألك الثبات ياربي
سمع عقاب بكاء نجد وشهاقها...
فز بسرعه وراح ركض للغرفه الي سمع منها صوت قزاز ينكسر منها....
دخل الغرفه وشاف نجد تبكي بشكل هستيري وشاف قزاز صوره لهم كلهم العايله
قالت نجد وهي مو قادره تتنفس من البيكي : ما.. بقى ليي... احد
صرخت نجد بقوه وقالت : مااابقىى ليي احددددد راحوووو كلهممم انا اليوم شفت الضعف بعينننن ياسرررر ماهو قادررر يابكي يبي يقويني.........
ضمها عقاب وقال بهدو : لا يانجد لاتبكين لا لا تغربقين عيونتس الثنتين.......
كانت نجد تضربه مع صدره عشان تبعد عنه صرخت بقوه وقالت : بعددد عنيييييي الله ياخذك اللله يحرممككك من حنانن اهلككك زي ماحرمتنييي من حنان اهليييي الله يجعل قلبككك يتقطع عليهم وانت ماتقدررر تسوي شي الله........
قاطعها وهو يحط يده على فمها، ماتحمل دعاويها عليه ماكان متحمل احد يدعي على اهله هو دينه ودين الي يدعي على اهله ادعي علي عادي لكن اهلي ما يمسه شي.......
قال عقاب : ادعي علي بس اهلي لاا والف لاا سامعه!
قالت نجد بهدو وبصوت مهزوز : ليش لا رضيت على اهلي بس اهلك لا؟!
صد عقاب عن نجد وطلع برا الغرفه تارك نجد لحالها تصارع موت اهلها.....
طلع عقاب ودق على عبدالله لانه كان محتاجه محتاج يبكي بحضن اخوه
رد عبدالله وقال : الوو عقاب
قال عقاب وهو يمسح على صدره: متاجك يالعضيد
فز عبدالله وقال : ابشر تعال للمكان الي انت خابره
قال عقاب : يالله شوي وانا عندك....
قام عقاب ودخل على نجد الغرفه بشويش وشافها متغطيه بالحاف تبي تنام....
تنهد بضيق وطلع وقفل الباب وراه.......
طلع برا البيت وراح للمكان الي دايماً يجتمعون فيه هو وفارس ماكان يعرف ذا المكان الا عبدالله.....
كان هذا المكان فوق جبل بعيد عن الناس كلها كان بمكان زي الطعوس اختارو ذا المكان لانه بعيد عن كل الناس.....
ارحبووو ادري ان هاذا البارت قصير بس عشان تنفتح نفسكم لدوام كلنا بكره يبدا الكرف لكن عادي
المهم تفاعلو واعطوني رايكم بالبارت 💗
اشوفكم على خير 🌼