" မိုးဝေရီဆိုတာဘယ်လိုလူမျိုးလဲ အန်တီစိမ့်စမ်းညို "
တိတ်ဆိတ်နေတဲ့စကားဝိုင်းထဲမှာနွေဦးမောင်ကစကားပြန်စလေသည်။
" လူရောစိတ်ထားရောလှပတဲ့မိန်းကလေး လူတိုင်းအပေါ်မှာစိတ်သဘောထားသိပ်ပြည့်ဝတဲ့သူအန်တီ့ကိုလွှဲလို့ပေါ့ ဆရာဝန်တစ်ယောက်ဆိုတဲ့အတိုင်းပါပဲအမြဲပြုံးနေတတ်တယ်သူ့မြင်ရင်ကိုရောဂါတစ်ဝက်ကသက်သာပြီးသားပါပဲ "
ကိုယ်ချစ်တဲ့တစ်စုံတစ်ယောက်ကသူချစ်တဲ့တစ်စုံတစ်ယောက်အကြောင်းပြောပြတာခံရဖူးလား။အဲ့ဒီခံစားချက်ကြီးကဘယ်လောက်တောင်မှရင်နင့်ဖွယ်ကောင်းပြီးခံပြင်းစရာကောင်းသလဲ။ခုလည်းမိုးဝေရီအကြောင်းပြောနေတဲ့စိမ့်စမ်းညိုတစ်ယောက်မှာမျက်လုံးတွေမှာကြည်နူးခြင်းအရောင်တွေတောက်ပနေခဲ့တယ်။နှလုံးသားမှာအချစ်ပန်းတွေပွင့်နေတယ်။
" အန်တီစိမ့်စမ်းညိုရဲ့နှလုံးသားအစုံကိုသိမ်းပိုက်ထားနိုင်ခဲ့တဲ့ဒေါက်တာမိုးဝေရီဆိုတဲ့မိန်းမလှလေးနဲ့တွေ့ဖူးချင်လိုက်တာ "
" စိတ်မကောင်းဖြစ်သွားလား "
" မေးရက်လိုက်တာ "
ရင်ထဲကတိုးတိုးတိတ်တိတ်လေးဖြေခဲ့ပါတယ်။သူမရဲ့မျက်ဝန်းညိုလေးကိုစိုက်ကြည့်ရင်းနဲ့ပေါ့။
" sry ပါ အန်တီမရည်ရွယ်ပါဘူး "
" ရပါတယ် "
အချိန်တွေပုံမှန်လည်ပတ်ရင်းနဲ့ရှမ်းပြည်ခရီးကိုအတူတူချီကြလေပြီ။
" စိမ့် "
" မမ "
" လွမ်းလိုက်တာကွယ် ရှင်လေးကို "
ဒေါက်တာမြကြာဖြူ-ရှမ်းပြည်မြောက်ပိုင်းနမ့်လန်မြို့သေးသေးလေးရဲ့မေတ္တာစံအိမ်ဆေးတိုက်ရဲ့ပဲ့ကိုင်ရှင်မောက်ဝိုင်ဝမ်းရဲ့ချစ်ရသောဇနီးအမျိုးသမီးလေး...( အချစ်ရှိရာဤမောရှမ်းမြေထဲက ဒေါက်တာမြကြာဖြူနဲ့မောက်ဝိုင်ဝမ်းတို့ပါ )
စိမ့်စမ်းညိုနဲ့ဒေါက်တာမြကြာဖြူတို့ကအသိမိတ်ဆွေတွေထက်ပိုတဲ့ friship တစ်ခု
" ying ရေ "
" ဟုတ် ဒေါက်တာ "
" တီစိမ့်တို့ရောက်ပြီ "
" အာ တီစိမ့် "
စိမ့်စမ်းညိုကိုသူမနှုတ်ဆက်ပွေ့ဖက်လိုက်သည်။
" အော် ဒီကလေးကရွှေရဲ့သမီးလေး နွေဦးမောင်တဲ့ "
" နွေဦးမောင် "
ဒေါက်တာမြကြာဖြူကသူ့ကိုသေချာလေးကြည့်နေမိတယ်ထင်ရဲ့။အင်းပေါ့ မိုးဝေရီဆိုတဲ့ဒေါက်တာကိုလည်းသူမတို့သိမှာပေါ့။သူနဲ့တူလို့ပဲဒီလိုတွေအကဲခတ်ကြည့်နေကြတယ်ပဲထင်ပါတယ်။
" အေးဆေးနားလိုက်ဦး မမညစာပြင်လိုက်ဦးမယ် "
" စိမ့်တို့လည်းကူမယ်လေ "
" နေပါ ခရီးပန်းလာတာကို သွား သွား သွားနားချေ "
သူတို့အတွက်ကြိုပြင်ဆင်ထားတဲ့အခန်းထဲကိုအိမ်အကူမိန်းကလေးတစ်ယောက်ကအထုပ်တွေကူသယ်ပေးပြီးသူနဲ့အတူခေါ်သွားလေသည်။
" မမမိုးနဲ့သိပ်တူတာပဲနော် ဒေါက်တာ "
" အွန်း ဆန်းကြယ်လိုက်တာ လောကကြီးဆိုသည်မှာလည်း "
" မမမိုးဒီမှာရှိတာ တီစိမ့်သိလားဟင် "
" မသိသေးဘူး ying ရဲ့ "
" ညကျရင်တော့ တွေ့ကြရတော့မှာ ဘယ်လိုလုပ်မလဲ "
" တချို့သောအရာတွေကရှောင်လွှဲလေပိုဆိုးလာလေပဲ အဲ့တော့ရင်ဆိုင်ရမှာပေါ့ "
ပြောသလိုပဲမိုးဝေရီရောက်လာပါပြီ။
Dinner စားရာဝိုင်းနဲ့မလှမ်းမကမ်းမှာပင်ရပ်တန့်သွားသောခြေအစုံ မျက်လုံးတွေထဲကပြာယာခတ်သွားတဲ့ပုံရိပ်တချို့ ရင်တွေကတဒိန်းဒိန်းခုန်လာတာ အချစ်ကြောင့်လား ဒါမှမဟုတ်တခြားတုန်လှုပ်မှုတစ်ခုကြောင့်လား။
5 yrs ago...
" မိုး မတို့ကျော်ဖြတ်နိုင်ပါ ဒီတစ်ခါထပ်ပြီး ဒီတစ်ခါနောက်ဆုံးပဲဖြစ်မှာပါ မိုးရှေ့မှာမရှိပါတယ် "
" တော်ပြီ မ ဒီမှာပဲရပ်လိုက်ကြရအောင် "
" မိုးကိုမဘယ်လောက်ထိချစ်လဲ မိုးအသိဆုံးလေဟာ ဒီတိုင်းလွယ်လွယ်ကူကူနဲ့မမိုးကိုဘယ်လိုလက်လွတ်နိုင်မှာလဲ မိုးရာ "
" အဲ့ဒါမကိစ္စပါ "
" ပြောရက်လိုက်တာ မိုး ဒီအခြေအနေထိရောက်အောင် မကမိုးဘေးနားမှာရှိနေပေးခဲ့တာ မ မရှိရင်မိုးတကယ်အဆင်ပြေမလား "
" ပြေတယ်ဆိုတာထက်ကိုပိုပါတယ် မ မရှိရင်မိုးပိုအဆင်ပြေမှာပါ အိမ်ကမိဘတွေလည်းအကုန်သိသွားပြီ အဲ့တော့မနဲ့ဘယ်လိုမှရှေ့မဆက်နိုင်တော့ဘူး "
" မရင်ဆိုင်မယ် မိုးမိဘတွေကိုမရင်ဆိုင်မယ် "
" တော်ပါတော့လို့ မကိုမချစ်တော့တာ မချစ်ချင်တော့တာ ဟုတ်ပြီလား "
စိမ့်စမ်းညိုရဲ့ရင်ဘတ်ကိုချွန်ထက်လှတဲ့ဓားတစ်လက်နဲ့ထိုးစိုက်ထားသလိုနှင့်နေအောင်နာကျင်ရတယ်ဆိုတာသူမကလွှဲရင်ဘယ်သူသိတတ်နားလည်မလဲ။
ထွက်ခွာသွားခဲ့သူရဲ့ကျောပြင်လေးကိုငေးရင်းရပ်ကျန်နေခဲ့ရုံကလွှဲရင်သူမဘာမှမတတ်နိုင်ခဲ့ပါဘူး။
သတ္တိကြောင်သူတစ်ယောက်ကတော့သူ့ကိုချစ်တဲ့လူကိုဆုံးရှုံးသွားလိုက်ရမှန်းထိုအချိန်ကသိခဲ့ဟန်မတူဘူး။
" မိုး ရောက်ပြီလား လာလေ "
စိမ့်စမ်းညိုကနားမလည်တဲ့မျက်လုံးတွေနဲ့မြကြာဖြူကိုတစ်ချက်ကြည့်မိသည်။သူမတစ်ယောက်တည်းမဟုတ်ပါဘူး နွေဦးမောင်ကပါ ကြည့်နေခဲ့ပါတယ်။
" မိုးက မမရဲ့ဆေးတိုက်မှာ duty ဝင်ပေးနေတာ တစ်နှစ်ကျော်လောက်ရှိပြီ "
စိမ့်စမ်းညိုရဲ့ရင်ထဲမှာဘယ်လိုစကားလုံးတွေဆိုနေမလဲ သူမကိုမပြောရကောင်းလားဆိုပြီးမြကြာဖြူကိုစိတ်ခုနေမလား ဒါမှမဟုတ် တွေ့ခ္င့်ပေးလို့ဝမ်းသာနေမလား ။တိတ်တိတ်လေးအကဲခတ်နေသူမှာတော့ နွေဦးမောင်ပါ။သူမရဲ့မျက်ဝန်းညိုလေးရဲ့ရင်တွင်းစကားတွေကိုသူအတော်ပင်သိချင်ခဲ့ပုံပင်။
" ပိန်သွားတယ်နော် "
တိတ်ဆိတ်လှတဲ့ရပ်ဝန်းထဲကထွက်လာတဲ့စကားသံ စိမ့်စမ်းညိုကစနှုတ်ဆက်လိုက်တာပါ။
" အော် ဟုတ် "
အသံတွေတိမ်ဝင်သွားတယ်ထင်ရဲ့။စိမ့်စမ်းညိုကိုသူမရဲရဲပင်မော့မကြည့်ခဲ့။
ဒီလူနှစ်ယောက်မှာပြောစရာတွေတစ်ပုံတစ်ပင်ပါ။ဒါပေမယ့်ပြောမထွက်ခဲ့ကြဘူးထင်ရဲ့။
မြကြာဖြူနဲ့မောက်ဝိုင်ဝမ်းတို့မှာလည်းနေရခက်ရှာတယ်ထင်ရဲ့။စကားဝိုင်းတွေကငြိမ်သက်ဆဲ။အသက်မဝင်လှတဲ့ညစာကိုအမြန်သာပြီးဆုံးအောင်ကိုယ်စီကြိတ်နေကြသည်။
" အန်တီစိမ့်စမ်းညို "
လေးလံနေတဲ့အတွေးတစ်ခုကိုဆောင်သယ်ထားတဲ့မျက်နှာကလေးက လေညင်းခံနေတယ်။
" သမီး မအိပ်သေးဘူးလား "
" ဟုတ် အိပ်မပျော်လို့ "
" အွန်း "
" မမိုးဝေရီကတော်တော်လှတယ်နော် "
" ဟုတ်လား "
အသံကတိုးသထက်တိုးပါတယ် ပြီးတော့မချိတင်ကဲနဲ့တစ်ချက်ရယ်ပါသေးတယ်။
" အပြင်မှာတွေ့ရတော့လည်းနွေဦးနဲ့အရမ်းကြီးလည်းတူမနေပါဘူး နှာတံမှာမှဲ့နေရာချင်းတူလို့သာလူချင်းဆင်တယ်ထင်ရတာပါ တကယ်လည်းအဲ့လောက်ကြီးမဆင်ပါဘူး "
" သမီးကသမီးပါ တခြားသူနဲ့မယှဥ်ပါနဲ့ "
နဖူးပေါ်ကဆံစတွေကိုသပ်ရင်းသူမဆိုသည်။
နွေဦးမောင်မှာသူမကိုနားမလည်နိုင်တဲ့မျက်လုံးတွေနဲ့ကြည့်နေခဲ့မိသည်။
" အန်တီ့ကိုအဲ့လိုနားလည်ရခက်တဲ့မျက်လုံးတွေနဲ့မကြည့်စမ်းပါနဲ့ "
" အန်တီစိမ့်စမ်းညိုက နွေဦးကိုနားလည်ရခက်အောင်လုပ်နေတာကို "
" မြင်အောင်ကြည့်ရင်နားလည်ရမခက်ပါဘူး နွေဦးမောင်ရဲ့ "
" မမိုးဝေရီမြင်အောင်တမင်ဒီလိုတွေလုပ်နေတာလား "
" ထင်ချင်သလိုထင်ကွာ နွေဦးမောင် "
ကောင်းကင်ပေါ်ကိုသူမော့ကြည့်လိုက်သည်။မျက်နှာမှာတစ်စုံတစ်ရာကိုပြတ်သားဖို့ဆုံးဖြတ်နေသလိုလို အရာနှစ်ခုတည်းကတစ်ခုကိုရွေးရမယ့်အချိန်အခါမျိုးကမျက်နှာဘေးမျက်နှာထားလေး ။
" အန်တီစိမ့်စမ်းညိုတွေဝေနေလား "
" တွေဝေနေရအောင်အန်တီကဆယ်ကျော်သက်အရွယ်မှမဟုတ်တော့တာအန်တီလည်းအန်တီပြတ်သားဖို့အချိန်ရောက်ခဲ့ပြီထင်တယ် "
" နွေဦးကူညီပေးရမလား မမိုးကိုအန်တီ့ဆီပြန်ခေါ်ပေးမယ် "
မျက်အိမ်ထဲမျက်ရည်တွေဝိုင်းနေခဲ့တယ်ထင်ရဲ့။
" အန်တီ့ကိုသီချင်းဆိုပြပါလား ဟိုမှာ ဂစ်တာ "
ချစ်ရသူရဲ့အဖြေမရခဲ့ပေမယ့်ချစ်ရသူရဲ့တောင်းဆိုချက်အတိုင်းပဲဘာမှပြန်မမေးတော့ပဲဂစ်တာလေးကိုခြေလှမ်းဖွဖွလေးနဲ့ပြေးယူလေကာချစ်ရသူနားစင်ဖို့သီချင်းသံစဥ်တွေစတင်တီးခတ်တော့သည်။
" ဒီညကြယ်တွေစုံတယ် ကောင်းကင်ကြီးလည်းလှတယ် အချစ်ညရင်ခုန်သံတီးပေးပါ "
"""နေမင်းကွယ်ညိုးရင် မိုးညမှောင်အရိပ်ဝယ်...အိုမေရယ် အနမ်းလေးဝေဖြာမယ်...ကြယ်လေးတွေကိုရှက်ရင် ထွေးပိုက်လို့ထားမယ်...ကြောက်စိတ်တွေဖယ်ထားကွယ်...ရင်ခွင်မှာနွှဲ့ကာ အားကိုးတဲ့သူရယ် ရူးရူးမူးမူးရင်ခုန်တယ်...မှေးစက်ကွယ်အသည်းဝယ်မောပန်းလို့နွမ်းရင် မောင်လေချော့ကာသိပ်ပါ့မယ်...အေ့ အေ့ အို အို မေရယ်အိပ်တော့ကွယ်""""
" မောင် "
ဆက်ရန်...
NLY🤎