روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
ماجاوبتها ودخـلت للمسج كلام طـويل قريت أول بداية :- " ريتاج أني أحبچ ثقي بيه من يوم الشفتچ بي وصورتج مجاي تروح من بالي حبيتج من اليوم الشفتچ بي وأنتِ بعقلي وأني رايدج على سنة الله ورسولة صدكيني اتمنى تبادليني الشعور صدكيني راح املك الدنيا كُلها شوفي مسجي ولاتجاوبين أريد جاوبج أسمعه من الولدة في امان الله
تفاجـئت منو هذه الي يدز هيـج رسالة سمعت صوت حواء وهيَ تكول :- الووو يعمـودة منو ؟
- مادري مسج أعتراف هاي
- شنوووو أعتراف ؟؟
- اي والله شبـيج
- منيـن ؟
- من رقم مجهول
- شو اقري الي المسج
قريتـة وكملتـة وكالت :- دزيلـي الرقـم
- ليش ؟
- عوفي الليش دزي بسرعة
دزيـته الها گبل سدت التلفون بوجـهي وراحت سمعت صيـحت أمي من جوه عفت التلفون فـوك ونزلت لكتهم صابين العـشة كعدت على الميز تعشينة وكملنة غسلت الاماعـين ونظفت المطبخ وصعدت فوك لكيـت مسج من حواء ومسج من حيادر
فتحت مسج حيادر جان داز :- " بوويه شگد مشتاقلج "
- حيـاتي أنتَ أني الاكـثر وداعتك
رحت لحواء جانت دازه ڤويز :- " لچ لووو تعرفين هذه منو عزا العزاج وصخام الصخمج حواء لچ أبن الشييييخ هذه أشهم "
- صدُك تحجييين ؟
- وداعتج ولچ لچ ما مصدكة
- هذه شـنو هسه تذكر وثـاني شي منين جـاب رقمي ؟
- شوف الفاهية يا ربي غير انطيتة لأُخته أني
- ولچ دقيـقة ادري شنو عرفة انتِ انطـيتي لأُخته غير لازم هوَ وأُختة داليا متفـقين علينه
- اي هوَ هيچ لازم اكو اتفاق بالسالفة
- صخام الصخـمني هسه لازم اكُل لحـيادر لو لا ؟
- علمود يروح هدادة وتصير كض عمك كض خالك
- لعد شـلون ؟
- عوفي لاتكُليله
- حواء بله سمـع منا منا اني ما أريـد يسمع من غيري
- ما يسمع شبيج منو يكُله قابل أشهم لو داليا
- يبوو هسه يسـمعهم جايين خطـابة
- شبيج رتوج وإذا سمع على كُلاً أنتوا ما تنطون
أجه مسـج من حيادر لتلفوني شفتـه وكتلها :- الله كريم ، يله اروح اجـاوبة دز مسج
- روحي داده روحي
سديته منها ورحت جان داز :- " فُستق "
- عُيون الفستق
- شلون صرتي حبيبتي ؟
- زينه يا عيـني
- علاجج على الوقت المضبوط أبدًا لا تأخرينة ولا تقدمينة
- صار حيـادر بس ليش صـاير شي ؟
- لا فُستق ماكو شي بس داريد اطمئن على صحتج
- خوفتنـي حيادر
- لا يا روحي ماكو شي شنو أول مره اطمئن عليچ أني
- لا
- لعد خلاص
- حيادر مُشتاقة لوجهك
- وجهي هم مُشتاقلج
أبتسمت وكتله :- تره والله جد
- اي هاي بـروفة قبل لا اسـافر
- شلون راح اتحمل ثلاث سنين كُل هذه البعد ؟
- تتـحملين ريتاجي واذكرج بهـذه الكلام صدكيني
- ان شاء الله حبيبي
سلم عليه وراح نام ونزلت طفت الاضوية وصعدت مريت من يم غُرفة حسين سمعته دايكول :- " ما يحتاج تتطمئنين عليه بخير والحمدُلله أني وبصحة جيدة وعدت سلامات ويجي يوم وانساج حاولي تنسيني على ذمه رجال أنتِ حرام الي داتسوينة عيني ثقي بالله ، مو مُشكلة اليوم ماكدر انساج الايام الجاية هواي في أمان الله ماعندي أي كلام أني "
سكـت وبعد ما حجه شي رحـت لغُرفتي تمدد وفكرت راسـيل شنو عندها خابرتة وهيَ على ذمـه رجال ثاني شلون فكرت ولو تفـكير تتصل بي وتسئلة عن حالة ومنين سمعـت أكيد من ليلى الحية أستغفـرك ربي كوه يحجون الواحد ضليت أستغفـر ونمت
مر أسبوع نفس الروتيـن جنت كاعدة العـصرية بره بالحديقة جـان التلفون بأيدي يرن رفعتة وشفـتة اتصال من حيادر رديت وكلت :- هممم شنو داتسوي ؟
- داحضر جنط السفر حبيبتي
- أي سـاعة طيارتـك ؟
- بثلاثة الفجر
- باجـر مو ؟
- اي يا عيني مو اليوم باجر
- يا مرحلـة تفكر ترجـع ؟
- بالرابعة
- راح ترجـع بالرابعة وراح تـكبر كم سنة وأنتَ مو يـمي وراح ترجع كبران
- لعد هسه أني صغير يا فُستق ؟
- لا ما داقصـد هيج الي داقصـدة أنُ يتغير شُكلك وتكبر أكثر بعـد ثلاث سنوات أكيد يتغير الشكل شوي تتغير المـلامح
ضحك وكال :- اي يا بعد عيني
- لاتنسـاني عود تره أنـي فُستقتك
- انساج ؟ لچ أني روحي وياج شنساج
- اروحـلك فدوة بس راح اشـتاقلك تعرف ؟
- أشتاقلج أضعاف أضعاف
- انطيـتي مجال اتغزل كُل ما اتـغزل طك سمطـتني بغزل ثاني
- أحبچ
- ههههه أحبك أضـعاف أضعاف
- يبعد اليدك باليسرة أنتِ ريتاجي ، يله بويه اروح اكمل أني وراي روحه أروح اشتري لابتوب
- تمام يا عـيني أنتَ
سلمت وسد التصال وراح تصفحت بالتلفون لكيت ريم دازتلي مسج :- " Hallo حبيبتي "
- هلاً حـياتي
شويه واتصلت سلمت ودخلت بالموضوع وكالت :- تطلعين باجر ؟
- همم افكر وارجعـلج جواب
- ههههه لا حـياتي لا ماكو تفكير تطلعـين
- ان شاء الله انطي خبـر لأمي
- هاهية ميـخالف
ضحكنة وسدت الاتصال وكمت دخلت جوه وكفت يم أمي :- عادي اطلع باجر وي ريم ؟
- لا بنـيتي
- شنو ليـش ؟
- أنتِ مريضـة ما يصير
- لا زينة فدوة يُم لاتكسرين بخاطري والله ضوجة بالبيت وحدي
سحـبت نفس وكالت :- والله خايفـة عليج يُمه
- ليش يا عُيوني قابل صغيرة أني
- اخـاف عليج من گُلشي صدكيني مـا عندي غيرج أنتِ وحُسين روحي تروح من أسمـع بيكم شي لا سامح الله
- فدوة الچ مايصيرلي شي والله أني ادير بالي على نفسي صدكيني هيَ ساعة زمان ونرجع قابل شگد نضل يا يُمه يا عيني أنتِ
- ما مرتاحـلة الها هاي ريم يُمه وداعـتج
بأستغراب :- دكتورة لطيفة شبيها ؟
- الله كـريم يا حبيبتي
- يعنـي أروح هسه ، مو منتظرة مني خبر ؟
حركت راسها بمعنى اي ورحت الها حضنتها وبستها :- أحبچ يا احلى أمي بهاي الدنيا كُلها اروحلج فدوة هم اضوج إذا ابقى هُنا وحدي وداعت عُيونج
- ميخـالف بنتـي هـاهية
كالت هيج حسيتها مو كُل كلبها بس شنو أسوي شويه وسمعت أذان المُغرب توضيت وصعدت صليت وكملت واتصلت على ريم جاوبت وكالت :- هلاً حُب تطلعين لا ؟
- اي عـادي
- اهلهل لو ما يحتـاج
- ههههه لا ما يحتـاج
- هههه حياتي المُهـم طلعتنة الساعـة بالـ٢ الظهر
- ميخالف بس وين راح نروح ؟
- ليعجبج
- لا شنو السالفة بكيفچ أنتِ
- مول هيج شي ؟
- ولو اضـوج من الهوسة بس يلـه عادي
- ليش من الصـداع النصفي لو غير شي ؟
- اي من الصـداع النصفي
- داتشـربين عـلاجة ؟
- ما اله علاج فقط مهدئات وتخفيف الالم
- هوَ داقصد المهدئات المُهم وگلبج
- مستمرة على العلاجات والله كريم
- هممم أعرف دكتور معروف إذا رحتيله ينطيج علاج كُلش زين
- ان شـاء الله
- يله حبيبتـي اروح أني باجـر نطلع ونشبع سوالف
- الله وياج
سديته ونزلت لأمي لكيت حُسين يمها كاعد دايشرب علاج باوعلي :- شبيج خيتي وجهج ما يبشر بخير خير منو مات ؟
جيـت اكُله راح نطلع للمول وخاف هُناك راسـي يأذيني بس جانت أمي كاعدة يمه خاف تمـنعني فَ كتله :- لا مـاكو شي هيج جتني دوخة
- من شنو ونغزاتج بعدهن بكثرة ؟
- لا قلن
- الحمدُلله
كتـلة هيج علمود لا يضُل بقلق مر الوقت صـار العشة خلصنه ورحت نمت كعدت الفجر على نغزات بگلبي تجاهلتهن ونمت كعدت ثاني يوم على أذان الظهر نزلت جوه غسـلت وتوضيت وصعدت صـليت وخذت تلفوني ونزلت جـوه
لكيت أمي بالمطبخ شافتني وكالت :- ليش كاعدة متأخرة بيج شي ؟
- لا گُلشي ما بيه
- ديله تريكي زين وراج طلعة
اجه مسج على تلفوني ردت افتحه كالت أمي :- تريكي عوفي الموبايل
- بس أشـوف منو
- تريكي داكول ؟
عفت التلفون وحضرت الريوك شغلت الصوبة وكعدت اتريك كملت وكمت نظفنه البيت سويه غسلت الاماعين باوعت على الساعة بالوحدة ونص باوعت على أمي وكلت :- يُمه شوفي الساعة بالوحدة ونص
- روحي صـعدي حضـري روحج
كالت هيج ورحت بستها وحـضنتها وصعدت فوك فتحت تلفوني شفت مسج من داليا كاتبـة :- " السلام عليكم حبيبتي شلونج الاهل شلونهم ان شاء الله بخير "
سلمت عليها ودزت :- ان شاء الله على الجمعة احنه نجي
- هلاً بيـكم
دزيتلها هيج ورحت حضرت ملابس الطلعة اليوم أثنين يعني الجمعة يجون بعد هواي لبست ملابس الطلعة كملت شسورت شعري على السريع واتصلت على حيادر :- هلا عيني طالع أني رايدة شي ؟
- شنو تسوي ؟
- بشـغلة
- ماشي حيـاتي على كُلاً أني راح اطلع وي ريم
- شنو سالفه ريم ؟
- ليش شبيـها غير صديقتي ؟
- ما بيها ما بيهـا يله أرجع للبيت واتصـل عليج
- تمـام يا عُيوني
سديتة منه واتصلت على ريم جاوبت :- ها حياتي كملتي ؟
- اي
- مسـافة الطـريق وأني يمج
سديتة منها ونزلت لبست الحذاء جوه تقريبًا عشر دقايق واتصلت عليه وكالت :- أني بالباب
- جـايه
سديتة ورحت كُلت لأمي :- راح اطلع
- الله وياج ديري بـالج على نفسج
- من عـيني
- ماخذة وياج فلوس ؟
- ها لا ليـش ؟
- لعد كُله على الأبنية مايصـير
راحت للغُرفة ورجعت بأيدها فلوس خلتهن بالجنطة وكالت :- يله بنتي طلعي
- يله مع السـلامة أحبچ
كلت هيج وطلعت لكيتها سيارتها بالباب شافتني دكت هورن ولوحتلي بأيدها رحت من الجه الثانية فتحت الباب ودخلت أول ما دخلت كالت :- مشتاقتلج
- أني الأكـثر
حركت السيارة وسدت الجامات لان هوه بارد دايدخُل ربطت تلفونها عن طريق السيارة وشغلت أغُنية نصتها وكالت :- انطلقي سولفي حياتي
- شنو اسـولف ماعـندي مواضيع
- افتحـلج أني
سكتت شويه وكالت :- سولفيلي الحادث شلون صار
سـولفت الها مختصرات بس ماسـولفت الها عن راسيل أبدًا كملت وكالت :- ضربة گُلش قويه جايـة على گلبج
- اي أكيد
- عنـدج اضطرابات القـلب ؟
- اي عندي من الضربة القوية على گلبي صار عندي تسلُخ واضطرابات
- حسـب معرفتي يعني مو گُلش بس أعـرف كم موضوع تخص امراض القلب واضطراباتـة عندج هواي سلبيـات راح تأثر عليج مُستقبلًا
بأستغراب :- مثل شنو ؟
- أنتِ تعتبرين من مـرضى القلب والشريان سوه لإن أساسًا الشـريان الاورطي عنـدج تعبان المُهم اولها بالولادة جدًا راح تتعبـين لإن اضطرابات القلب وحدها بجفـة ثانية وخاصةً الإناث راح يأثر عليـهن مُستقبليًا
- يعني شنو ما اصير ام ؟
- لا تصـيرين بس داكُلج بالولادة خـطرة على حياتج وحـياه الجنين جدًا
- فهميني أكثر ريم ووضحي عوفي الفصحى ؟
- ما أعـرف لازم افهمج بالفصـحى المُهم شوفي الحمل يريد جـهد عالي من القلب گُلش كبـير واحتمال تزيد خـطورة الوفاة سواء أنتِ او الجـنين لإن راح تصـير عندج مُضاعـفات جدًا خطيرة طوال فتـرة الجمل راح تصيرلج مشاكل وتزيد واجبـات القلب
والإنـاث الحوامل الي مـصابات بالقلب الي مـثلج يصيرن مُتعبات بكشل گُلش كبير و اكو بيهن يـصير عدهن إجهاض بالمرحـلة المُبكرة من الحمل او يولد الجنين مُبكر واكو بيـهن يولدن بعيوب خلفية بالـطفل بعد الولادة وما مايطلعن من الخطر لمُده ستـة او سبع أشهر بعد الـولادة مو قبلها
بلعت ريگي وأني داسمع عليها رجعت كالت :- بالمُستقبل لازم تلكين دكتور او دكتورة جدًا جدًا شطار وإذا تسافرين بفترة حملج للخارج جيد جدًا
- الله كريـم ريم الي يريـدة الله يصير أني مـا بأيدي شي
- حياتي آمنتُ بالله
سكتـت وضليت افكر شنو راح يـصير بالمُستقبل وهم حيـادر راح يبقى وياي لو سمع بيه خطرة حـياتي بالمُستقبل هيج خطورتـها واصلة أكيد ما يضل بس لا هوَ يحبني مُستحيـل يتخلة عليه أني أعرفة
نفضت افكاري من وصلنة ووقفت السيارة وكلت بگلبي :- " الله كريم اكو الله الي يفرجها "
- يله نـزلي حُب
نزلنة دخلنة مول باوعت عليه وكالت :- اذا رأسج يأذيج كُليلي نرجع
- ههههه ميخالـف بس ان شاء الله ما يأذيـني
- ان شاء الله حبيبتي
افترينة واخر شي دخلنة مطعم تغدينة وطلعنة تمشينة شوي :- تعالي ناخذ صور
- يله
خذينه كم صورة خلصنة وطلعنة من المول رن تلفوني رفعتة شفته أمي داتتصل جاوبتها :- ريتاجه تأخرتي
- هسه يعُيوني نرجـع
- لاتطولين بنيتـي
- ميخـالف
سديتة وكالت :- أمج ؟
- اي
- ههههه تعـرفت على أمج بعـد تتعرفين على أمي
- اتشرف والله
- ان شاء الله من أرجع من السفر وانقل هُنا
- شوكت طـيارتج ؟
- وي دكتـور حيدر
- نفس الطيارة ؟؟؟
- اي !
حركـت راسي وصلنـة للسيارة صعدنـة وحركت ريم
....
كعدت الصبح الساعة بالسبعة على اتصال رفعتة جان آسر جاوبتة :- آسر خييير آسر
- خير يصيـبج طالع للجامعة وكلـت خلي أسئل عليهـا بطريقي
- ههههه شخبارك
- محـترك حرك بالامتحـانات والافنـدي راح يرجـع اليوم باليل
- يا افندي منهم ؟
سكت سـلم على واحد وكـال :- ازيك يعم ؟ برضوا بخير الحمدُلله
نوب كالي :- أبو الحيادر الضلع الي سولفتلج عليه
- ها هذه شعجـب راجع ؟
- عاشك ، يله راح أروح وصلت أني وانتِ هم كومي تريكي وطلعي
- يله مع السـلامة
- الله وياج
سديتـة وكمت شربت كـلاص مي وصعدت ابـدل بدلت وكملت ونزلت لكيت بوجهي أمي باوعـت عليه وكالت :- صباح الخير
- صباح النور
كلت هيـج وطلعت شويه وقت ووصـلت أول ما دخلت رحت لسـنتر تريكت بكيكة وعصير كمـت ردت اطلع صار بطـريقي مؤمل تجاهلتة ردت أمشي رجع وكفت بطريقي وكلـت :- أستغفرالله
- الواحد يكول صباح الخير الصبُح
- وجهـك مو مال صباح الخيـر اصلا أني اول ما أشوف وجهك لازم استغفر الله
تجاهلتة ومشيت خلصت المحاضرات وطلعت
....
صليـت ونزلت كعدت على الصـوبة جوه ومحد بالبيت رحـت لأمي شفتها داتصلي رجعت كعـدت واتصلت على حـيادر رفعة وجاوب وكتله :- أريد اشوفك أريد اودعك ما بقى على طيـارتك كم ساعة بس
ذب تنهيدة وكال :- عُيوني الچ شنو بأيدي قابل أني فُستقي هم أريد اودعج أني
- تعـال اليييوم فدوة
- ما اكـدر يا عيني
دمعت عيني مستحها وكتلة :- منو راح يروح وياك للمطار
- حليم وحُسين وحليـم يوصلوني ويرجعون
- حُسسسسين يجـي ؟؟
- اي ليـش ؟
- اجي ويـاه لعد
- ماكو شـلون تجين وياه
- أني ادبـرها حيـادر فدوة اقبل
ذب تنهيدة وكال :- شلون تدبريها ريتاجي بويه ماترهم يجي اخوج وتجين وياه علمودي
- ريم صديقـتي مو راح تجي ويـاك واكُله علمودها حيييادر
- أستغفرالله ، هاهية عيني ميخالف
سلمـت عليه وانتظرت حُسين شويه وانـدك الباب رحت فتحة عبالي حُسين شفته أبوي جاي من الشـغل :- الله يساعدك بابا
- ويساعدج يابه
دخل جوه ودخلت وراه انطيته كلاص مي شربه ودخل للغُرفة رحت صعدت فوك طلعت ملابس وسبحت نزلت جوه لكيت حُسين جاي كاعد بالمطبخ وأمي يمه داتطبخ
ريتاج :- حسووووني
حُسين :- بيها حسـوني يعني بيها مصلـحة كولي شنو رايـدة ؟
ريتاج :- هممم تطلع هسه ؟
حُسين :- لا ليـش !
ريتاج :- شوكت عندك طلعة ؟
حُسين :- ماعنـدي منا للوحـدة
ريتاج : ليش ؟
حُسين :- أروح اودع حيـدره بالمـطار
ريتاج :- صديقتي هم نفس الوقت طيارتها خلي نطلع سوه فدوووة
حُسين :- وياي للمطـار ؟
أمي :- دكتور ريم تعرف حيدر ؟
ريتاج :- اي يُمه عن طريـق اخوها تعرفـة لإن هيَ هم داتدرس بالخارج بس راح تنقل هُنا نـوب ترجع
أمي :- ليش ؟
ريتاج :- والله ما أعـرف ، المُهم حُسيـن اي للمطار أريد اروح ويـاك حباب حباب
حُسين :- ميخالف خيتي عادي
كال هيج ورحـت طفرت عليه حضنتة :- أحـبك أخويه الغالي أنتَ
حُسين :- فدوه الچ عين الشمس
صعـد فوك رحت للصالة لكيت أبوي دايتـابع اخبار كعدت على الكـاع فتحت الواتساب دزيت لحيادر :- راح اجي حييييادر راح اجـي اودعك هاي المرة
دزيتها خلـيت التلفون على الشحن وكمت سـاعدت أمي بالعشة خلصنة وتعشينة وكملنـة خذت التلفون وصعدت فـوك أول ما صعدت فتحة جان جاي مسج من حيادر ومـن ريم
فتحت مسچ حيادر جان كاتب :- بس ما راح اكدر أسوي شي لا أحجي وياج ولا شي
- على الاقل نظـرات
- نظرات فُستق نظرات أنتِ تدرين هاي النظرات يحركني حرك
دمعت عُيوني وكتبت :- ليش تريـدني ما اجي حيـادر ؟
دز ڤويز :- " قُره عيني أنتِ روحي أنتِ مو ما أريدج تجين بس ما داتحمل بس نظرات وداعتج ليش أريد اخليها ثلاث سنين يله اجي بطران أني شنو داتفهمين عليه لو لا ؟ "
- هاهيـة خلاص لعـد ما اجي
- لا تعالي عيناي أنتِ خلي احترك أني مو مُهم گُلشي يجرالچ اهم شي أنتِ
نهيـنة المحادثة مسحت دموعي ورحـت لمحادثة ريم جانت دازه :- هلأ حيـاتي
- هلأ حبيبتي
- أريد اودعج
- راح أجي للمـطار وياكم حُسين يجـيبني
- ها أوكي إذا هيـج جيد
- عُمري يله باي نلتقي بالمطار
- باي حُب
نهيـنة المحادثة وكمت باوعت على الـساعه بـ١٢ اله ربع رحت لغُرفة حُسين دخلت جان دايكوي بمـلابسة باوع عليه :- كولي ريتاجه
- احضر وابدل لو بعد وكت ؟
-بعد وكت بـ١٢ ونص بدلي
- ماشي خويه
طلـعت من الغُرفة دخلت لغُرفتي طلـعت الهيدفون خليته بأذاني شغلت مجنوني عدتها الف مره وكُل شـويه أشوف الوقت مر الوقت الى ان صارت بـ١٢ ونص كمـت على السريع طلعت ملابس الطلـعة وحضرت
داحضر وانفتح الباب شافني حُسين ضحك وكال :- ههههه جيت اكُلج كومي حضري لكيتج داتحضرين
- هههه ضـوجة وين أروح كمت حـضرت
ضحك وطلع من الغُرفة رحت بدلت على السريع أجه حُسين فتح الباب مبدل ومكمل باوع عليه :- يله خيتي طيارة الولد بثلاثه الساعة بالوحدة هم ياله منا لطريق المطار
- كمـلت مـاعندي شي
حرك راسه وطلع سويت شعري على السريع ولبست كبوس أسود والحذاء على السريع دزيت لحيادر :- " راح اطلع "
دزيتـها ونزلت للمطـبخ شافني حُسين :- يييله ريتاجه
- جايه بس أشرب مي
راح صـعد بالسيارة شربت مي وطلعت وراه صعدت يمه فتح الجامات حرك السيارة وطلعنـة من البيت طلعت أمي سدت البـاب وانطلـقنة للمطار عشر دقائق واجه اتصـال على تلفون حُسين فتحه وجاوب وكال :- طلعت
حيدر :- منتظريك
حُسين :- مـسافة الطريق بس
سده شويه ووصلنه للمطار صف السيارة ونزلنة دخلنة المطار ورفع التلفون واتصل :- وين أنتَ ؟
حيدر :- بالصـالة
حُسين :- جايكم
رحـنه الهم حيادر وبصفة ريم وحليـم جانو واكفين همَ وجنطهم شافونة وتقدمو ضلو يسلمون عـرفت ريم على حُسين أجـت بصفي حضنتني وضـحكت وكال :- راح اشتاقلج ريتاج
ريتاج :- أني أكثر صدكيني
كعدنة وضلـينة نسولف أني وريم وحيـادر وحليم وحُسين يسولفون كُل شوي تجي نضـراتي على حـيادر احس أريد اروح احـضنة حضنة مال ثلاث سنين ليكدام بس ما اكـدر
أستغفرت الله ومر الوقت الى ان سمعنة رنة المطار والمناداة :- " الخطوط الجوية العراقية للطيران و المتوجة رحلتنا الى مصر القاهرة الرجاء محاضرات مسافرينة الكرام و التوجة الى الطائرة عبر البوابه رقم "
تجمعـت بعيني الدموع بس ما أريد ابـجي وافضح نفسي سلمو على حُسين بعدها سلمـت ريم عليه بعدها بـاوع عليه حيادر بنظرة نوب غير نظرتة وباوع على حُسين وكال :- مع السـلامة سلمنة على الاهل
حُسين :- اعتبرة وصل
حيدر :- في امـان الله
- الله وياك
باوع عليه حيادر بنظرة غمض عينه وابتسم واندار وياه ريم باوعت على ريم مبتسمة بداخلي كلت :- " شنو يصير لو هسه أني بمُكان صديقتي ريم ؟ "
اندارو عليه وهمَ صـاعدين لصالح الركاب وصـعدو طلعنة بره رحنة نباوع على الطائرات عُيوني غوشت لزمـت راسي فركت عُيوني عـلى كيف غمت وفتحت نفس الشي ضلـينة نباوع على الطائـرات الى ان طارت طيارة حيادر وانطلقت بالسمـاء شويه شويه واختفـت من الجو
راد يحجي حُسين باوعتله وكتله : أريد أروح اغسل وجهي
حُسين :- بيـج شي ريتاجه
ريتاج :- لا بس أريد اغسل
حرك رأسه ودخلـنة للمطار سئلنة على المغـاسل اندليتهن ورحت غسلت صار نـفسي سريع مسحت بالـمي على ركبتي أستـعدلت حالتي وعلى السريع طلعت صعدنة السيـارة وحليم صعد سيـارتهم وانطلقنة
طول الطريق أني مغوشات عُيوني واعرفتة ازدواجية الرؤية بدت ما أريد اكول لحُسين خاف يشك بشي أول ما وصلنة للبيت دخلت ركضت لغُرفتي غسلت وجهي مره ثانية رحت خذت العلاج أجاني مسج على تلفوني
رفعته وشفتـة من حيادر داز :- " بيج شي بويه فُستقي ما مطمئن على وضعج من طلعنة ؟ "
قريت المسج ومن دون وعي دزيتلة :- " انساني حيدر انساني أني
....
يتبع ⬅️ - البارت السادس والثلاثين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.