لكاتبه الــريم
"عيش وحدك"
موت فارغ لا تحط للناس هم
الناس ماتهوة النده ولون الفراش
الناس تهوه بكل شبر مزروع دم
"عريان السيد خلف"
<><><><>
التصويت على البارت
التعليق بين الفقرات 🫶🏿
<><><><><><><>
في مــكـــان اخر حيث
"نــور"
صوت الأذان يدندن مسامعي راحة بشكل
واكفه اتوضى وسمعت صوت نحيب دورت على مصدر الصوت صادر من غرفه إمي وأبوي!
صوت بعيد بس اسمع منه
- شلون انساها شلون واني كل ما اطلع اتفحص الوجوه عسى ولعل موجوده بينهم
رد عليها ابويه
- مرت 12 سنه وبعدج تنوحين راحت ماتت متعرفين كل الجانو موجودين ماتو اكتفي بأبنج شرار وبنتج نور
- محمددد انقهر من اشوف كل البنات عدها خوات اله نور تكسر خاطري بوحدهااا جانت متعلقه بيها
الغَصة تمكلتني .. ابتعدت وإني اتذكر الموقف بيوم
"2006 بأيام سقوط بغداد"
وسط هوسة الناس وكُل شخص يحاول الهروب من المكان بأسرع وقت
وسط هوسة وبكاء الناس من الخوف والبرد!
اللتفت بخوف وأختي التؤام صح مجنة نتشابه بالشكل بس بالعُمر
ضحكت وهي تكول كُل عام وانتِ بخير
اليوم أصبح عمري وعمرها 11 سنه وبدات المعاناة عندما اصبح عمري يتكون من رقمين!
صارت هوسه وامي تصيح اصعدن بمثل اللوري صارت هوسه وناس تدافع بعض علمود يصعدون
رادت تحرك اللوري اتحركت بسرعه واحاول اصعد وامي مستمره تصيح حاولت اصعد واندفعت ليبره بقسوه ...
انمدت اللي ايد وسحبتي ... بس سحبت اختي وياي !!!!
اتحركت اللوري واني واهلي نباوع بالوجوه اختي كل ظني الايد الساعدتني ساعدت اختي؟
بعد فتره ايقنا اللوري الاجينه بي مموجود بي اختي والسيارات الجبيره البقيه راحت لأماكن مو نفسها الرحنا
اتشتت عقلي وتساؤلات هواي تدور بالي
- وين راحت ... معقوله متسأل علينا
- شنو هسه ظروفها معقوله هم تشتاقلي لو نستني
حالنا صار للاسوء منه فقدان اختي والاوضاع السيئه
حاولنا ندور بأكثر من مره بس سائت للفشل
اتيقن ابويه انها ماتت وامي مستمره كُل ليل تبجي على فقدانها ومتبرد نارها ..بشنو تطفي اشتياقها لو ميته .. جثتها ، قبرها
رجعت لعالمي .. واني بعدني ممصليه مرت اكثر من ساعه على الأذان!
رجعت لغرفتي وكأنه اليوم انفقدت وانهاريت على فقدانها
كملت صلاتي وادعي الصبر والرحمه الها
وجعني كلبي واني ادعي بالرحمه الها ممتقبلها فكرتها ميته شعور صعب مَر ومُر عليه .....
فزيت على صوت المُنبة الساعة سبعة انتبهت النفسي نايمة على السجادة بست التربة وكمت وصفنت شلبس اخذتلي ربع ساعة صافنة بالملابس حايرة شلبس لحد ما اختاريت وسبحت وبدلت وشفتها صارت بالـ ثمانية وعشرة ، نزلت جوه ماحبيت اتريك ف شربت مي وكعدت بالهول ماعندي شي ف كعدت اكتب شعر واكلب بالتلفون لحد مصارت بالتسعة اله ربع .... شفت امي كعدت
نور : صباح الخير ماما
مريم : صباح النور حبيبتي
- ماما فد ربع ساعة هيج اطلع
- وين ترحين يمه ؟
- للمتنبي
- خوش ، اكلتي شي ؟
- لا معاجبني اكُل شي
- خوش
- صدُك يُمه بابا شوكت يطلع ؟
- هسه بس ياكُل ويطلع لشغلة
- ها خوش لعد اخلي ياخذني بطريقة
كعد أبوية اكل وامي لحت علية أكُل وماكلت ماحب اكُل الصبح كمل ابوية وطلعنا ...
نزلت قريب على المتنبي ونزلت اتمشى ورحت ضليت اتمشى لحد ما وصلت للتمثال وكفت اباع على جمالة بين ما اني واكفة جذبني حديث تلاث رجال واحد منهم جان مو كلش جبير بالعمر يطلع عمرة بالـ 40 والبقية الإثنين شباب تقريبًا أعمارهم مابين الـ 20-25
حجة احد الشباب : احجيلنا عمي شتعرف عن أبو طيب المتنبي ؟
حجة الرجال الجبير : أبو طيب المتنبي ولِد في عام .... اوكفوا نسيت يا عام الله يطيح حظكم
حجيت اني
- عام 915 ميلادي
باوعولي وحجة الحجي
-اي عفية بنيتي اشكرج ، أي ولِد ف عهد الدولة العباسية وأطلق عليَّ في عام 1932 خلال عهد الملك فيصل الأول اسم الشاعر الشهير " أبو طيب المتنبي "
حجة واحد من الشباب
- زين شوكت توفى ؟ وشنو جان أول شعر اله ؟ انطينا بعد معلومات انريد ؟
حجه الحجي
- ابن القندرة مو قبل لانطلع بحثت عليَّ وطلعنا شدراني بعد بس هذا عرفتة .... سكت وانوب باوع عليَّ وكال يبنية اذا متصير زحمة تكدرين تجاوبي ؟
كلتله
- لا عمو مابيها زحمة ، توفى في عام 965 ، وأول شعر اله " بأبي مَنْ وددتُه افترقنا ... وقضى الله بعد ذلك اجتماعًا
فافترقنا حولا فلمّا التقينا ... كان تسليمُه عليّ وداعًا " هذا اول شعر و يعتبر أبو طيب المتنبي افضل شاعر في العصر العباسي وهوَّ انولد في الكوفة بالعراق لكن تنقل بين عدة بلاد خلال حياته و تقريبًا عدد قصائده 326 قصيدة .
كالي الحجي
- اشكرج بنيتي ، انتِ كاتبة ؟
- أي اكتب اشعار وهيج
- ها بالتوفيق بنيتي اخذي راحتج
- شكرًا عمو
عفتهم ورحت اشتريت بطل مي و اتوجهت للمحكمة اخذ أوراق القضية البارحة نسيتهم هناك اني وبالطريق اتصلت عليَّ امي
وكالتلي
- ها يمه شوكت ترجعين ؟
- هاي بس امر للمحكمة اخذ أوراق القضية واجي
- خوش يُمه .
أخذت الاوراق ورجعت للبيت جانت الساعة 11 ونص ، غسلت وبدلت وكفتت يم امي اساعدها بالغدة لحد ما يأذن علمود أصلي وانتظر ابوية يجي ونتغدة واصعد انام ..... لحد ما اذن صليت واجه ابوية وكعدنا نتغدى
صبينا اكل وكعدنا داناكُل
قاطعت الصمت احاول افتح اي سالفه اقطع هل صمت... اني شلون افتح مواضيع تخبل
نور : عاشت ايدج ماما يخبل الاكل عبالك مو انتِ طابخته كد ما طيب
ردت وهي بالهة مو يمي
مريم : بالعافيه نور ، صدك محمد
محمد : نَعم حبيبتي ؟
مريم : شرار شوكت ينزل من الواجب اليوم لو باجر ؟
رد بنبره جافه
محمد : اليوم ، العصر يجي
اكتفت بقول كلمه وحده بسبب نبرته
مريم : تمام
غادر كُل منا السفره
افأفت بملل و غسلت مواعين
نور : يُمممممه
مريم : ها نور
چنت مقررة افاتحه بموضوع
نور : ماما راح انام وقبل لايجي شرار كعديني خوش ؟
مريم : خوش
اللقيت نظرة سريعه على المطبخ والتصميم والتركيز باللالوان
ضحكت بهدوء... واني اتذكر تركيز شرار وابداعه بالتصاميم ما انكر جان فنان بمجالة السابق!
كملت طريقي للغرفه
فتحت الباب الغرفه تسوي واهس للنوم لو اني نعسانه
استلقيت على الچربايه واني مادري شلون نمتتت
بوسط نومتي واحلامي التشبه وجهي ...حسيت على ايادي دافيه تحاوط وجهي
فتحت تگ عين واني ادعي فارس احلامي... فارس احلامي!
واشوف عبسي المدوحس يم راسي
اهوووو هذا شجابه
بطيف ابتسامه شريره
شرار : ولج كافي نوم ماتكومين تسلمين على اخوج ؟ أدب سز
جاوبت واني احس عنده شي موراحة
نور : هم انتَ ، وعفتة كاعد على الجرباية رحت غسلت وجهي ونشفتة بساع ورجعتله
انقهرت هاي ليش هلكد قاسيه ويا؟
شبكتة وكلت
نور : هلاوو شرارر شلونك ؟ مشتاقتلك كُلش هواية
ضحك وكال
شرار : هلا بيج زين انه الحمدلله وانتِ شلونج ؟ وترى انه هم مشتاقلكم كلش
بملل
نور : تعبت هلكد ماكول الحمدلله ، صدك ساعة ابيش ؟
شرار : بالـ سبعة ونص
نور : يا عزة العزاني ممصلية
شرار : دكومي صلي ونزلي يلة
نور : تمام يلة
ماكمت بسهولة حسيت بشي اتعوذت من الشيطان وكمت
توضيت وبديت اصلي اول ما گلت الله اكبر اشتد صوت صياح!
فحيح شرار البكُل مشكله يصبح اسم على مسمى نار وشرار
وكفت على الدرج وأحجي بيني وبين نفسي
مشاكل متخلص من بدايه اجبار شرار على شغلة الجديد... حقه ممتقبلة لكن صفنت بتعجب شنو سبب اصلا دخلوله لهل مجال وهو مطايقه
من بين الصياح استنتجت حوار دار بينهم مكدرت افهم منه الة
بعصبيه
شرار : شني تورطني اذا ما اخضع الك ...تخلص هل فتره واطلع ك*اد اذا بقى بهل وظيفه انه ماريد هل شيي
لَم قبضة ايده محمد وّرَد
محمد : انجبببب سگط غصبًا ما عليك تبقى بيهااا مو هو بكيفك بس مجرد تفكر تعوفها، بكل سهوله بحُكم وظيفتي اتهمگ ب
توتر ومسح عرق جبينه
- هذا هو سيادة المُحامي المُبجل سوي التريده بس ها لتنسى الل شسمه هههههههه
صدمني صوت ضَرب كف حسيت اتغير ديكور وجه بهل گف
صوت الگف انتشر بأرجاء البيت!
<><><><><><><><><><><>
في مــكـــان اخر حيث
"باريا"
حسيتهة لحظاتي الاخيره
اتنفست بصعوبه واحس الكلمات اتخربطت مني
رديت واني مادري شنو اكو رديت بمتمته
وبخوف
- خالو اكتشفت شي اكلون الناس
رد بقلق مُصطنع
- شنووو ياكلون خر* لو شنو!
غيرت تعابير وجهي للضحك وكأنما الجملة السوف اطلقها مُضحك
-Bien sûr que non, seulement qu'ils mangent la chair des innocents et les tuent, y compris mon père
-بالطبع لا فقط انهم يأكلون لحم الابرياء ويقتلهم من ضمنهم ابي-
بعدم صمت لثواني واني استمريت اقهقة
ابتعد ابويه وهو نظرات الشكوك تعلو تعابير وجهة وهذا شي من صالحي ميفهم اللغة الفرنسية
رد بنبرة جامدة وخالية من المشاعر
-Savez-vous à quel point vos propos sont dangereux ?
-هل تعلمين مدى خطورة كلامك هذا
بصوت اشبه بالهمس واني اتاكد اذا موجود احد وكلت
- ترجع خالو بالسلامه وافهمك كلشي
- اني راجع اليوم قبل كلشي تفهميني كلشي بالتفصيل
فززني من صفنتِ على ايد تنمد على متني
رفعت عيني واشوف خالي حيدر گدامي
ابتسم بتعب وهو ينكت ملابسه المُتربه وأردف
- تعاي كومي سويلي الحاسبه مادري شبيها
قاطع كلامنا وفاتن تحجي بشك، عجيب هاي شبيها اللُخ
- لا عيني ابو احمد ارتاح وعود الله كريم للحاسبة
اتجاهلها وجه نظره علية
- يله گومي باريا
گاد ايدي وهو يمشي لغرفه ننا الجانت فارغة وبده حديثه... بعد ما سد الباب وتأكد محد موجود الكُل ملتهي بشي شاغله
- شنو الكلام الگلتي اليوم، تدرين مسطور سطر بسبب هاي الشغلة حتى كلت خاف متوهم مو هيج قصدچ
أخذت نفس
- لا لا نفسه باخر، فتره وانت تدري بالقوات المجهولة الدخلت وبدت المأساة... ابوي اتغير انصدمت بيه حتى صلاته اختلفت!
قلص عينه
- شنو؟ شبيج باريا
- صدگني وحتى شغله تركه ويجي بين فتره وفتره طويله ويرجع مختلف كثرت اتصالاته وبده يسأل ويحقق وياي على شغلي بعد مجان هامل هل شي واسالته زادت غرابه
- مثل شنو يسألج؟
نزلت عيني بالارض واني اتذكر احد الايام
رجعت من دوامي.. صدمني استقبال ابويه اكثر من ما هو فرحني وهو موجود بالصالة بده يسأل عني وعن امي وهو يمثل الاهتمام بأتجاهنا
گال
- ام باريا گومي سويلي چاي
داكوم اروح لغرفتي... استوقفني صوته وهو يكول
- اذا انطلب منج بيوم من الايام مساعده دين الله الصحيح؟ وتساعديهم بوظيفتج راح تساعدينهم
رديت وعلامات الاستغراب تعلو وچهي
- اكيد اشتغل اني علشنو ادرس علمود اساعد الناس والفلوس واذا اتوفر هل مطلبين اسوي
ضحك وكانه ضمن جانب مني
- جيد، اني هيج ربيتج عفيه
مهتميت لهل سؤال ومشيت
رفعت عيني على خالي حيدر وهو مندمج بالحديث وياي .... خالو حتى اتفه الاسباب اذا احلف بأهل البيت يشد وياي ويشدد بهل ناحيه وبعدها كأنه جان فاقد اعصابه يكول علمود مصلحتچ ويروح
- شنو جان الموقف سولفيلي ياه
- جان يمي ماعون سلطه... اكلت خاشوكه منه
واتلذذ بيها
مو سلطة اله تموت وحق العباس
انتفض ابويه وهو يخزرني
- شنو والعباس كفرتي شرك بالله هذا كفر
استغربت
- شنو يا كفر كفر موبايل؟ هو انت هذاكه اليوم تحلف بسيد حمدالله
- چنت جاهل ومغفلللل عن الحولللل غلط بغلط كلشي جنت اسوي
شفت خالو !
- مو شي يثبت التهمة عليه واحنا بفتره بعدها ممنتشر هل شي ،صدك باريا من يكللكم مسافر وهو عايف شغله وين يروح؟
- ميذكر امأكن مرات يكول صاحبي يروح يتعالج بالخارج وماعنده احد وغيرها من الحجج ،وحتى من يسافر ميتواصل ويانا
قليللل
- انتِ كملي هل كم شهر حتى تتخرجين وبهل فتره اخذج ويايه ادربج على شغله ، الحذر واجب
وكلي انتِ متدربه على اغلب الامور لكن البيانات اعيد بيها قوتج بيها
بعدها بفتره كأنه اتذكر شي
اتقرب مني بهمس وهو ينطني شي جان غريب عليه بوقتها
وهمس بأذني وكانه ميريد احد يسمع
- تخلينه يمج راح يساعدج ب
انفتح الباب بهمجية.... وهي تفتح عينها على قوتهن
صاحت بصوت رچ البيت رچ
- هاي شنو جنت تسويلها؟
اشتد صياحاها .. باوع عليها خالي حيدر وهو يصيح يريدها تسكت
بهاي الاثناء اللتم البيت كله من ضمنهم امي! طبت تصيح شكو عبالها بيَ شي
فاتن صاحت وهي تزلغ بخدودها
- لكيتهم بوضع مخلللللل سويه وساده الباب عليهم
صحت ونار وجت بصدري
- جذابه جذابه ابويه حيدر ابويه شلون تحجيننننن هيج
اتفاجئت بتصرف امي وهي تحاول توصلي وتريد تضربني!!!!!!
اخذني خالي وره ظهره وخالو مسلم وكف كدامي وهو يصيح
- شنو شبيج تشكين بأخوج وبتج؟معقوله سناء هاي تاليتهاااااا
خالي يأشرلي اطلع من البيت طلعت واشوف نظرات الاستحقار من نسوان خوالي معقوله هل حدث هيج يشكون؟ احتقرت ذاتي بشكل فضيع مو مشكلتي هي عقلها رديء
عبرت خطوه لكن استوقفني صوت ماما وهي تكول اخابر ابوها ديجي واخلي يشولفي حل وياهاااااااا شنو تجذب فاتنننن وهي من قبل تنبهني عليها واني اكول لا لا اخر شي هيج تسويييها
حيدر بفحيح
- سناء خويه والله مو هيج اني احجي وياي لتخابرين ابوهاااا عوفييي لتدخليه سناء
فاتن ترد
- يمةةةة على ساعه الله يكلبها بينا وتريد تتقرب من حيدرررر
اصبح صوت حطام وكأنه شي انكسر!
التفت على صوت خالي علي وهو يصيح
بدون ميخلي عينه بعيني
- اطلعي منا بسرعه
التفتت عليه والدموع متجمعة بعيني
-خالو مصدكها؟
دار ظهرة وراح بدون ميسمع مني
طلعت من البيت والدنيا ليل وقليل اشخاص بالشارع بيتنا بعيد عن هذا المكان
بس عجيب مر كل هل وقت واني كامشه هل جهاز وماعرف شنو تمسكي العجيب بهاي الادات؟
بس معقولة الها نيه سيئة فاتن بدخولها بهل وقت بالتحديد؟وشمعنى هل نقطه مخلتني اسمعها ، هي تتميز بالفضول حشريه وفضولة للنعال
شنو جانت تتسمع علينا !
اخخخخ انقهرت روحي على روحي
فزيت على صوت احد يصيح بصوت عالي وهو يكولل باريااااااااااااااااا
انصدمت شهل سرعه الاجه بيها؟
راح اروح بيها راح اموتتتت
سرعت خطواتي واني اعرف لو يجني مراح يرحمني
ضميت الجهاز بملابسي حسيته راح يفيدني
واركض مادري وين ماعرف
مرت بس اقل من ثواني
وانجريت بعنف من مؤخرة راسي
اخر كلمه كلتها
يا فاطمه يا زهراء اغيثيني .....
<><><><><><><>
ذكري بأحد الكلام عن سيد حمدالله ليس استخفاف بِه
.
خل اسولفلكم سالفه عن سيد حمد الله
_الأمريكان يم سيد حمد الله_
سيد حمد الله هو الرجل المبارك صاحب المقام المعروف في الرصافة الذي توفى سنه 1939
اتيت على ذكره يرحمه الله، لمقولة صرح بها قريب عجوز لنا تقييما منه لمشروع صدام حسين في الدفاع عن العراق ضد الامريكيين، بالقول ان المنازلة ستستمر، وبعد ايام ذهب كل شيء، فقال اعجوز
- چا موش گال امريكا ما تدخل، اشو صبحوا يم سيد حمدالله؟!.
نفس القصة تتكرر مع كل تصريح رسمي عن السيادة، و كلها مجزومة ب” لن” اخرها بيان يقول ان العراق لن يكون ساحة صراع، ولا ادري من اين او من يشير على الجماعة بتصريحات لا تساوي سنتات الانترنت المستخدم لنشرها…
العراق لا يجب ان يكون ساحة صراع، جملة مقنعة للامنيات ان صدق مطلقوها، اما هذه ال”لن” و سينات الاستقبال فلا تنفع، و ليس كل من قال فعل.. وقرب سيد حمدالله جنسيات كثيرة تبرهن لكم انكم نائمون و ارجلكم على ارصدة العراق، وبالمناسبة توجد مستشفى للجملة العصبية قرب سيد حمدالله، ليتكم تعملون فيها فحوصا لطاقاتكم العقلية.
معلومات عن سيد حمد الله
ولادة السيد حمدالله البخاتي تقريبآ اواسط القرن التاسع عشر تقريبآ ووفاته عام 1939 م في بغداد
وفي نفس مكان المقام وغسل به ودفن قرب
مرقد جده الامام علي بن ابي طالب (عليه السلام)
في مقبرة السلام قرب بئرعليوي وله مرقد هناك ايضآ مبني من اربع دعائم مسقف من الاعلى
ويزوره الكثيرون من زوار المقبره اولاده هم السيد مهدي ابوكاظم والسيد هادي ابوعباس والسيد نوري
ابوضياء رحمهم الله وهم من خيرة الرجال ومن اصحاب الكرامات ولهم صيت ذائع بين الناس وحاليآ
احفاده هم القائمون بخدمة المقام وهم من الرجال الاخيار حفظهم الله ورعاهم .
انتهت فقره المعلومات
عن سيد حمد الله
<><><><><>
بداية توضيح الروايه
تعليقاتكم تفرحني ول فدوه اروح الكم
لليسأل على موعد التنزيل
فيكون بين يوم ويوم وتقريبا ب8
واذا اتاخرت فراح ابلغكم على المنصة بحسابي هذا
رأيكم عن الاحداث اتوضحت البطلات
وشنو تعتقدون السر وراء فاتن!
ومعقوله الهة ايد بشي معين بهل روايه وشنو حسيتوا بيها
ونور؟ وشنو السر وراء خوفها من موضوع مُعين يخص شرار؟
راح اكون متشوقة لقراءة أراكم
لنا لقاء اخر ... اعزائي
.
.
.
والماينحچن گالوهن بوجهي!