بسم الله الرحمن الرحيم 12
صباح/مساء ..الورد
عسى اوقاتكم كلها ذكر بذكر
وعسى ربي يحقق كل امانيناا
تشرف كثير بالضيوف الغالين ارحبو ي فديتكم
شكرا كبير بحجم السكاء لكل من وضع حروفه المتالقه بين صفحاتي المتواضعه
اسعدنتني ردودكم كثير
لبى تعليقاتكم ولبى حماسكم
،
لكل من سافر اهله وغاليه للحج عسى ربي يرجعهم لكم بالسلامه
ويحقق ربنا غايتهم ومطالبهم
،
لاخوي يزن واهل اليمن بشكل عام ..الله يعينكم على اللي صاير عندكم
وباذن الله ربي يكتب لكم الفرج وراحة البال في اقرب من لمح البصر
،
واخير ..اتمنى ينال البارت اعجابكم مثل ماسبق
،
البارت الثاني عشر
عندي كثير أشيــاء يقبل بهَا : السوم
تبدأ ؛ بها الاحلآم لا زادها : الطيــش
يصعب علي أسّلم أحلامي فْــيوم
لكنهـــا : ماتلتفت ترفض / العيــش
دثرتها : عن نظرة الناس بهدوم
وكبرتها لين آتــضح فوقهآ / ريش !
يَا :شاري الاحلام عندي لك علوم
جهّز لي المنديل وأترك لي الـ : لي
هي : أطول الاحلام وأنحلهٌم عزوم
وأن شحّ عزمي , ما تؤكلني : العيش
أشره على أقفال المقادير : والـــــوم
وأشوفها تفتح لــي الباب : بشويش
وأنا لَك : احكي زفّ لي حلمي اللوم
خلاص بس عّطنا من : الصبر بقشيش
مابين : ثورة كلام وقسوة أعذارك
تعزمّ : أبليس فينا وأنتهت [ عشره ]
ومن بعد قولة بأني : أجمل أقدارك
أشوف عينك : تدور حجة [ الهجره ] !
خلآص : أبعد لآ تشرح سبة : أصرارك
ماعاد : فيــها حمــول أخطائنا بُكره !
وأنا أيضا أبعد , وأحرم [ عورة أسرارك ]
ماعاد فيها : مجال صدورنــا / حكـره
،،،،،
رفعت اعيونها للسقف تداري دموعها لا تطيح وتفضح مكنونها..
رجعت تناظر الحظور بتركيز في محاوله لتشتيت انتباهها عن اللي شاغلها..
ماطافها عيونهم المنبهره بجمالها،
،ولاهمساتهم اللي تثني على كل فخامة بشكلها الاسطوري،،
ولاشي قاعد يرفع معنوياته،،
ويهدي خوفها وقلقها من المجهول
التفتت على امه شبيهته بالطبع ،،غرور كبير يسكن ملامحها
كبره وغطرسه كريهه بوقفتها المستقيمه
قفلت عيونها برجفه اكثر ،،،
الطقاقه تعلن عن دخله العريس وعائله ال خالد
رعشة أيدها واضحه للأغلبية ،،
كل القوه والعنفوان تبخرة بثوانيها
شدة فكها بتوتر،،
مو اول مره تتزوجين،،
ارفعي راسك،
،لاتكونين يتيمه حقيقه بعيون الكل
ارفعت راسها ببطى
عيونها الفاتنه بعيونه الواسعة الغامضة،،
قرب منها وصوت تصفيق الكل وتصفيرهم يرج بالمكان،،
وقف قدامها وعيونه على حركه صدرها السريعة الدال على توترها،،
باس جبينها وأنحنى قريب من أذنها،،:مبروك عليك عزام ال خالد
ابتعد بهدوء يوقف بجنبهااا،،
وقفت الغصه ببلعومها تدور بعيونها على الموجودين
ي ليتكم معي ي المرحومين ي ليت،،
الم كبير يعصف بصدرها ويحرقه
اي مجازفه قبلت فيها ؟؟
طاحت عيونها بخالد اللي جالس يشوفها بحنان بالغ
يبي يحسسها بالامان متيقنه بهالشي
كل دور مفقود بحياتها بيمثله بكل مافيه
رفعت نظراتها على اللي واقف بجنبها
يفتح علبه فخمه وهو معقد حواجبه
أرخت راسها بتعب وهو يقرب منها للمره ثانيه
يحاول يلبسها العقد،،
قرب منها باليه متقنه،،
انحنى عليهاا بصعوبة ،
،
يفتح العقد،،
،أرخى راسه على كتفها وانفسه تلفح عنقها،،
كتمه انفاسها بقووه
،
،
تذكرها ،،،
تذكرها
بلع ريقه بصعوبه متناهيه
رجفت ايدينه بعنف
وعدها تكون اول وآخر زوجه بحياته،،وعاهد نفسه اكثر لما ولدت بنته
يحسسها بحنان الأب الحقيقي
شات الاقدار رغم عنه وراحو من حياته مثل مادخلو
فيها،
،ضغط على زندها بقوه بدون لايهتم بالمها
الحاله بترجع له من جديد قاعد يحس باعرضها الكريهه
مستحيل يشوفون ضعفه ويشفقوون عليه
سحب نفسه بصعوبه يرجع يوقف بجنبها
يدعي ان الليله تمشي على خير
الكل قاعد يصفق بحراره ومعجب بتصرفه الرقيق بنضرهم ،،،،
،
مصدومه من اللي صار،،
جامده بمكانها وكان الوقت منع عقلها يتحكم
ويحركها
،،تنفست بعمق اول مابعد عنها،،
هي الوحيدة اللي فاهمه ان تصرفه ماكان
رومنسي أبدا ،،
،حراره انفاسه وقوه مسكته لوهله تدل انه كان بيذبحها بالتأكيد
طالعته برعب ،
ذهنها غايب عن ابوها الكبير وعمها وهم يسلمون ويباركون لهاا،،
بكت بخوف اول ماحست بخالد يحضنها ويبارك لها،،
خالد ابتسم بحنيه..:،،وله ي روحي أهدي ،،ليش خايفه ؟؟وبهمس دافئ،،
عزام مره طيب صدقيني
،هزت راسها
بالإيجاب
،،من كثر تعبها
سحب روحها من بين ايدينه ببرود مميت
وين يفهمها ويشوف اللي جالسه تشوفه
مسحت دموعها باطراف اصابعها البارده
رجع باس جبينها وهو يطالع عزام يذكره... يحافظ عليها زي ماوصاه للالف،،
،
،
بعيد عن الكل مانتبهو للعيون اللي مركزه على خالد
واقف بشموخ يذبح ،،وبهيبته الملفته
للكل،،،
ارفعه أيدها على فمها تمنع شهقاتها ،،
رجعت على وراء بعثره،،
الحين بس تقدر تشوفه أوضح
كل مره تشوفه ،،تتأكد انه تغير حيييييييل عن زمان،،
وسيم بجنون
هيبته ورزه
تدل على رجولته القويه،،
واضح انه كبر عن قبل،،
مسحت دموعها بهدوء،، حاسه انو جواته
شي متعبه،،
الملامحه اللي تعشقها هي اللي تقول
من دون لاتحس رجعت دموعها تنزل من جديد،،
ي ليته لها،،ماكانت بتخليه يتعب ويضيق ،
ي ليته ماتهور وتركها وذبح روحها بيده
مسحت دموعها
بقوه وعيونها معلقه عليه،،
كل شي فات ليش قاعده تحاسب سنين ماتت ماترد،،
الجد الكبر والعم عبد الله طلعو،
،وقبل يطلع خالد رفض عزام يجلس
خالد بعتب ..:عزام وبعدين بزر افهمك انا
عدل شماغه بثقه..:ي خي انت تدري جو الحريم هذا مادانيه
طالع بوله ..:قول انك تبي تجلس مع العروس لحالكم
رفع حاجب بعد كلمه خالد الاخيره وبسخريه مبطنه..:واخيرا فهمتنا ي عقيد خالد
اشر لشهد اللي فهمت عليه وزفتهم
خالد يسولف مع اخته أم قصي ويضحك براحه،،
رولا ..: عندنا عروس من يبي يتقدم لهاا،،
ضحك بخفه ..:نزوجك اول وعقب زوجيني
رفعت ايدها ...:من فمك لباب السماء ي خويلد
ام قصي ..:ماتبيني اخطب لك بنيه اعجبتني اليوم
اشر على طفله صغيره تلعب أسنانها مكسره،،وبضحكه،:،خلاص ي أم قصي اخطبي لي هذيك
ضحكو على تعليقه بعد ماصدقو انه جد اختار
وانفكت عقدتها،
رفع راسه بشموخ يعدل عقاله اللي تحرك من مكانه
وبدون سابق انذار ،،طاحت عيونه بعيونها،،
وقفت حركة ايده غصب عنه
،،اتسعت اعيونه بصدمه،
،معقولة هي!!!!!!
فتح فمه وبسرعه اغلقه ،
بعد ماستوعب هو فين.
.. شتت نظراته بضياع ،،مايبي احد ينتبه عليه
من الحضور ،
مستحيل تكون هي،
زوجها مسافر
،،قفل عيونه لثواني
هي معه اكيد ،،
ليش يسافر ويخليها اكيد بيشيلها معه بدون شك،،
فتح اعيونه ،،طالع المسيره تقريبا صارت فاضيه بعد مانزل منها عزام ووله
يبي يتأكد ،،بس كيف؟؟؟،،
قلبه يدق بقووه،،
ي الله كيف نظرااتها قلبت كيانه واعفسته
مشى ببطى مناقض اللي جواته،،
رفع ايده على رقبته بتوتر رجع اعيونه عليها بسرعه،،
لساتها اطالعه،،
نفس العيون،،
نفس النظره،،
نفس العشق اللي عرفه بعيونها،،
حس نفسه يختنق،،
اسرع بخطواته ،،
ماهي هي،
،لاتجلس توهم عمرك،
،وتخليها تلعب فيك من جديد
ماتدري عن هواء داارك ،
،عيش وتزوج مالك امل فيها
روحها طلعت لما طلع من القصر بخطوات سريعه
،،للحين ماهي مصدقه انو عيونهم تقابلت
هي متأكده انه عرفها ولا مارجع يطالعها مره ثانيه،،
جلست باليه ،،،ارجولها ماهي قادره تحملها،
،حرام تعشقه وهو مايبيها ولاسال عنها
ضغطت على شفايفها برجفه تمنع صوت شهقاتها تطلع،،
شوفته هدت حيلها وموتتها اكثر،
ليتها ماجات ولاشافته ،،
عضت على شفايفها بندم ،،،تدري ان سبب حظورها اليوم،، هو،
تدري بيدخل،،
قلبها ماطاوعها تفوت فرصه شوفته ،،
تمنت قلبها بيدها عشان تذبحه ولا
يحب اكثر شخص جرحها وعذبها،،
سحبت جوالها بتعب
دقت على السواق يجئ ياخذها قبل لاينتبه لها احد،،
،،،،،
في السفاره
شد على شعره بعجز،،،
شلون يصير هالخطاء بعد ماقضى أسبوعين وهو يكمل كل أوراقه
للحظه حس دموعه بتنزل من قوه إلياس اللي يحسه،،
واثق من هالسفره،
ماتوقع ينصدم بهالحجم،،
جلس ببطى على الكرسي القريب منه ،،
ريقه نااشف من الارهاق النفسي
نفخ بتعب بعد مانتبه
الموظف يختم على اوراقه،،
شلون صار هالخطى شلوووووووون؟؟؟؟
ضغط راسه بعجز
،،بس لو ترجع له ذاكرته بشكل كلي كان قدر يحل المساله
عيونه على الأوراق بشتات
،،كيف بيانات ميلاده وايقامته مختلفة عن الكمبيوتر ،،،
تنفس بعمق،
،مين يصدق فيهم ،.
الاوراق ولا الجهاز
،،ومين يكون بالضبط،،
ذاكرته مو جالسه تساعده بالشكل المطلوب،،،
رمى راسه على ظهر الكرسي يحاول يتذكر شي من ماضيه،،،
بحر
امواج قويه
مجموعه أشخاص حوله
،،اكثر شي يتردد اسمه وهو يتكرر
من صوت حرمه كبيره يجهلها،،
وليد ،،،
وليد
وليد
وليد
فز بذهن غايب
الموظف..:انتهة فتره الدوام اكمل ماتبقى لك من اجراءات وعاودنا في وقت اخر،،
حرك ارجوله بثقل وهو حاس بغربه وفراغ كبير جوااااته،،،
،،،،،،
في الفندق،،،
تاففت من ثقل فستانها وكبره،،
تنفست براحه ،،
عزام انشغل مع الرسبشن
سبة الشنط ،،،
طالعت الجناح حيل فخم وباين عليه الاهتمام بتصميمه ،،
رفعت عيونها جهة الباب بتفكير
كيف تتعامل معاه،،،
كيف بيكون وياها،،
مالتقت فيه ،
ماصارت الفرصه
يعرفون بعض زين
تجهل كثير اشياء تخصه وتخصها
عدلت جلستها بعد ما سمعت قفل الباب يتحرك،،
طاحت عيونه عليها اول مافتح الباب،،،
تأملها لثواني،،
لو غيره كان بينهبل على جمالها الحاد
،،حالها حال أي بنت مرت عليه
ماحركت شي داخله،،
انحنى بجمود مدروس
سحب الشنط لداخل
وقف قريب منها يراقب رجفة ايدينها،،،
ابتسم بسخريه،،
اش هالخجل الماسخ
ماهي اول مره تتزوج
ممثله بارعه ،!!
جلس قبالها وبغموض يغلفه:،،ليش وافقني ع ها لزواج
رفعت راسها بصدمه،
صاحي يفتح يومهم بسوال تافه يعرف جوابه زين
،،آخر شي تتوقعه سؤاله الغريب،،
معقولة هذا اول شي بتسمعه منه،
بيسوي نفسه بريى من كل شي صار فيها!!!!
،،قدر يقراء تعابير اعيونها وبتلقاىيه رفع حاجب
جواته قاعد تشب ناااار،
،ليش جالسه ماتجاوبه،،،
ليش مستحليه الصمت،،
بسرعه عقله حلل الموضوع،،،مريض وتبي منك ولد وعقب ترميك في النفسيه
مثل اللي صار فيه قبل
زي ماسوو قبل وتملك ماوراك وقدامك،،
وتعرف اللي مخبيه وتظهره وماعاد تحسب لاحد حساب
ضغط على الكنبه وبفحيح ،،:قاعد أسالك ما تسمعين ،،
عيونها متعلقه بعيونه وبصدمه بيانه بملامحها :،،سمعت
ركز عيونه في عيونها اكثر وبهدوء مخيف :ليش؟؟؟
حاولت تتماسك اكثر.. وبصدق،،:استخرت
طالعها لجزء من الثواني
ضحك بقوه
اي ممثله جالسه تنسج خيالتها عليه
خدودها غزاها الحمر ...الغضب يملها،،
تثق بنفسها ،،،بس تصرفاته تشكك
فتحت فمها بضياع ،،،محتار وش تقول،،
خليه في حاله ،،،ماييقصد،،لاتظلميه
مايعرف يعبر عدل
رفعت عيونها له
رجع يسكت
ماضحك ماتمصخر وواصل اضحوكته الكريهه
مد ارجوله باريحيه و بجمود،،،:بس انا ماستخرت ،،،!!!!
رمشت بخفه
كلمته لها كم معنى '
وش يقصد بالضبط،،
الغصه ببلعومها تعورها حيل
حاولت تقوي روحها اكثر
شلون يعني ماستخار؟؟؟؟؟؟؟؟
يعني مايبيني
مساله حض تكون ؟؟؟
ولا
ولا
ماقدر يعرف اللي تفكر فيه غير ان عيونها ضايعه بعد كلمته الاخير
طالعها بغموض وببرود :،انت آخر حلم اتمناه
ابتسمت ...الحين بس فهمت قصده،،
مستحيل تتبين ضعفها وتزيد قوته،،
حاولت تتحكم برجفتتها وقوه اعصابها وبهمس وصله،،:وانت آخر شخص أتمنى أعيش معه
فتح عيونه بصدمه،،،
ماتوقع ردها،
،،وبسرعه مد ايده وعصر كفها بكفه الكبيره
وبغضب يشع من عيونه،،:مستعد ادفنك بارضك ومحد بيسال عنك،،فالافضل اقضبي
السانك واشتري سلامتك هالليله،،،
نفض ايده من ايدها بجلافه اللي ظربت بحافه الكرسي
سمعها تتاوه من الظربه وهو تنحني بألم تشوفها،،،
وقف بجمود وهو يسحب الشنطه الصغيره اللي بقيت ،،،،
وقف بتعب اول مادخل الغرفه وهو يغطي على عيونه ،،،كان ناوي يذبحها وينتقم
على روحتها مع فهد ،
،على مرضه،
،،على عصيانها ،
،على طوالة السانها قدام جدها
كثير أشياء بينتقم منها
،يبي اليوم يمشي زي ماخطط له وبس يسافر بيسوي
كل شي ناوي عليه،،،
،،،،،،،
شهد،،
التفتت على خالتها وببتسامه :غانم ينتظرنا براء
أم غانم وهو توقف:،،شوفي شوق معك لاتتاخر
حركت راسها بالايجاب..:ان شاء الله يمه ..انت روحي الحين وانا بشوفها ونلحقك
دورتها سالت عنها البنات
من وقت الزفه ماشافوها،،
عقدت حواجبها
وين راحت؟؟؟؟؟؟
وين اختفت؟؟
طالعت بحيره اللي رد يتصل واحتارت وش تقوله
،،المشكلة ماترد على جوالها،،
تاففت بتعب وين راحت
،،حدها متوتره ماتبي تسمع كلمه تجرحها،،
ماصدقت الأمور تهداء
بينهم
أشرت للخدامه تشيل وتين اللي صارت نايمه من وقت،،
عضت على شفايفها وهي تسمع
الجوال يدق من الجديد ،،
تمشي وتتلفت ،،
يمكن تلاقيهاا جالسه مع احد،،
رفعت جوالها واتصلت فيه بعد ماتاكدت انها دورت بكل مكان بالقصر،،
سمعت الخط انفتح وبعجله،،غانم مالقيييت شش
قاطعها بحده وغضب،:،شايفتني سواقك قاعده تسولفين وانا هنا بالطاقاق احترق
بردت اطرفها من قوة صوته الغاضب
فرحتها بهالزواج تبخر بجمله منها
،،تنهدت بصوت عالي،:،كنت قاعده أدور شوق
لأني مالقيتها
رفع حاجب :،،أي مسخره قاعده تتكلم عنها
،شلون مالقتها ،،شد على اسنانه بغضب،:
ماشاء الله ممتاز وطبعا ماتعرفين تردين،، فألحه بس تعطيني مشغول،،وبنزر،،اطلعي بسرعه
قفل الجوال بغضب
كيف مالقيتها ،،؟؟؟
،مشى بصعوبه جهة السياره،،
ليش ماترد؟؟؟؟
التفت على باسل اللي كان قاعد بالسيارة ينتظر:،،اتصل على السواق أساله رد
شوق البيت ؟؟
باسل اتصل على السواق واشر لغانم اللي واقف براء السياره بايه ،،
تنفس بعمق
مقهور من اخته ومن هالادميه اللي يشوفها متوجهه للسياره تركب
بعد ماتاكد أنها صارت بالسياره ركب مكانه بجنب باسل ،،
لساته للحين مايقدر يسوق
السياره وأهو بالهوضع،،
لو انها ردت ماكان تكلم عليها وزعلها،،
ندم على كلامه ،،
ماكان المفروض يكلمها بهذيك الطريقه،،
يدري انها زعلانه وشايله بقلبها
،،مد رجله بتعب يكتم ألمه وعيونه مثبته على الجبس،،
ماكان جو السياره ساكن بصمتهم،،
باسل يعلق وأمه تضحك وتتقوله عن الزواج وحركات وتين ورقصها
ماكانو حاسين بالجوء المكهرب عند الثنائي اللي وياهم
سحب شماغه ،،
بعثر شعره بطريقه عشوائية يبعد افكاره المشوشه بأي حال،،
وصلو البيت بدون لا يحس بالطريق
،،قفل عيونه بغضب من طريقه قفلتها للباب
واضح انها واصله حدها ومتضايقه،،
تافف بصوت مسموع وهو يأخذ عصاته ويرفع شماغه من حضنه،
، باسل ..:
بروح انام ببيت عمي نكمل السهرة ،،
ماعلق وبالاصح ماله نفس يتكلم،،
ماقدر يدخل الفله ،،
خنقه قويه جواته،،
من اول اليوم وهو متضايق،،يمكن لان اليوم
كان زواج عزام اللي الين الحين ماتصافت القلوب رغم صداقتهم السابقة ،،
وكملها اللي صار معها،،
جر خطواته بدون هدف
غايته يلهي نفسه بأي شي
طاحت عيونه على المقص الخاص بالشجر،،
شمر ثوبه وربطه على خصره وبحركه
سريعة شمر اكمامه الين قبل الكوع وبدى يعدل بالشجر اللي كان زينه بالحديقة،،،
من قبل وهو يحب هالشغله ويسوييها بس بعد ماجات ،،نسى أشياء كثيره ،،
مسح على جبينه بظهر ايده وهو متجاهل الم ايده ورجله
طالع ساعته ،،،،اووف له
ساعه الا ربع ماحس بالوقت،،
رمى المقص مكانه الاولي وهو ينفض ايده من التراب
جرته خطواته لداخل الفله،،
وقف للحظات وهو عاقد حواجبه
وتين على الكنبه نايمه
وعليها لحاف،،
ليش وين امهاااا عنها ،
،قرب يحاول ما يرجع يسيطر عليه الغضب من
جديد،
،اتضح له صوتها في المطبخ،
،واضح ان فيه نقاش مهم بينها وبين شوق
،،لساته يحس بغضب منها ،
،ليش تتروح للبيت ما تخبر احد ،،
رجع خطوه بعد ماكان
ناوي يشوف سبب نقاشهم وطلعتها بدون لاتعطيعم خبر،
،طالع ملابسه كلها تراب ومويه
بيتسبح ،،ويلبس ويرد يشوف اللي صاير
،
شوق وعيونها على الغلايه اللي واقفه قبالها تنتظر تسخن المويه،،:حسيت أني مرهقه ما قدرت
أخرب عليكم وارجعكم معي
شهد بتعجب :،،لو ماعرفك كان صدقت اللي تقولينه
رفعت كتفها بلا مبالاة :مواصله من امس نظامي مره ملخبط
شهد سكتت ،،معقولة ارهارق بسيط سبب تروح بدون لاتخبرهم،،
راقبت حركة شوق وهو تحظر
الكابتشينو بكاسين
،،رجفت ايدينها واضحه رغم مسكتها القويه للملعقه،،،
معقولة أحد قالها شي خلها تروح وتترك الكل يدور عليها؟؟؟
وقفت قدامها ،،وبحنيه،،:،عفيه شوق لاتخوفيني عليك واحكي لي وش صار ،،مين ضايقك؟؟
مدت لها الكأس واخذت الكأس الثاني وهي تشتت نظراتها وببرود ظاهر،:،مافيه شي
ماصار شي ..
عقدت حواجبه ،
مر ببالها خالد ،،شهقت بصوت عالي مما خلى شوق تلتفت عليها،،
طالعت شوق بتركيز يكون شوفته ضايقتها،،
معقولة ما قدرت تجلس وهو فيه،،
شوق خافت وبسرعه أبعدت اعيونها عن شهد وكأنها متهم خايف يصيدونه على جريمته
رفعة شعرها اللي انتثر على ملامحها الفاتنه وقبل تنطق شافته يدخل وعيونه عليها
صمت ،،
ما توقعت تشوفه هالحزه بالمره،
،على بألها نام من وقت،،
صدت بنظرااتها للكأس اللي تحضنه كفوفها
ماحست وش سوت فيه،،،
ماحست بقلبه اللي فز بقوه اول ماشافها بكامل زينتها،،
توقعها غيرت ،،،
ما يدري انها جات تتكلم مع شوق قبل تطلع،،الحين عرف سبب وجود وتين
تحت ،،
عيونه تنتقل على كل تقاسيمها بالتفصيل،،
نظره من سنين افتقدها،،،
ملاك بكل ماتعنيه الكلمة،،،
ي الله لو تسمع قلبه كيف يتحرك أش بتقول،،
مجنونه ماترحم حاله. ،،،
تمنى شوق ماكنت فيه ،،
تمنى بس المكان له ولهااا،،
رغبه كبيره يدخلها جوات صدره ،،ويشم ريحة شعرها اللي يعشقها بجنون
انتبه لحركه شوق وهي تحرك الكرسي ناويه تطلع
انحرجت من لاحظت لهفة أخوها ونظراته،،
حس باللي يدور ببالها،،حاول يضبط انفعالاته وهو ياشر لها بايده
تجلس ،،
قرب بهدوء
جلس بالكرسي اللي قدامها وهو يحاول مايطالع باللي واقفه قدامه ومشتته تركيزه،
طالع اخته بعتب وغضب ،:،،ليش طالعه من الزواج بدون لاتخبرين احد
بلعت ريقها ،،ماتضمن اعذارها اللي مشت على شهد ممكن تمشي عليه
ميلت راسها وبثقه اتصنعتها،،،:ادري غلطت بس كنت تعبانه ووو ماكنت ابي اقلق احد
طالع بعيونها شلون جالسه تتهرب،،
واضح عدم مصداقيتها في الكلام،،
عقد حواجبه وبستفسار اكثر،:،،صاير شي مضايقة منه ؟؟امممم احد زعلك لاتسكتين وبحنيه. يطمنها
اقدر اساعدك
شهد اللي في باله خالد وأكيد ان شوق تعبت بعد ماشافته وتبدل حالها جلست بالكرسي
الي قريب منه ،،وبدفاع،،وعيونها عليه،،:بطنها يعورها اممم يعني تعبت منه فجاءه
امممم ماكانت عارفه انه بيعورها هالكثر
غانم اللي ماكان يطالعها من جلست عشان مايبين تأثيرها عليه رجع عيونه على اخته
وبان له التعب بملامحها ،،،معقولة تعبانه من شي خاص منحرجه تقوله عليه،،
ابتسم يطمنها وهو نادم انه احرجها
مد كفه يضغط على كفها اللي متمسكه بالكاس اللي بيدها
وبحنان بالغ :،،سلامتك ومره ثانيه لاعاد تخوفينا عليك
شوق طالعته بفرحه
ماتوقعت يقبل عذرها
طالعه شهد تشكرها لانها تعرف غانم زين لو ماقتنع
ماكان بيقوم الين يعرف السبب الاساسي
تحركت بعجله وهي مرتاحه جزئيا ،:،،بسوي لك كبتشينو
حرك راسه بالنفي: ،،،لألا واللي يرحم والديك ماني ناقص يطير النوم
قاعد يعلي صوته عشان يبين انه طبعي
اللي موتره اكثر زعلها الي واضح بعيونها
خطرت على باله فكره وهو يشوف اخته ترجع تجلس ،،
عدل جلسته باريحيه اكثر،،وهو يطالع بكاس
شهد ،: ،،احم بس تصدقين اشتهيته
وقبل يستوعبون تغير رايه ،،
سحب الكاس اللي قدامها وبدئ يشرب منه بتلذذ
رفع عيونه يطالعهم،،،،شوق منحرجه حيييل،
،وشهد وجهها احمر وباين الاحراج على حركاتها المتوتره
وقفت شوق وبتصريفه،،:تصبحون على خير تأخرت على نومتي
يدري اخته انحرجت وحابه تتركهم
ماوقفها ورجعها تجلس،،
يبي عيونه
يبي فتنة الكون له بروحه
حب يكون معها لوحدهم وخاصه ان الزعل لها هالمره،،
رجع عيونه عليها ترجع خصله ازعجتها وراء أذنها
لاحظها كيف وقفت بسرعه بعد مالاحظت نظراته عليها
مرت من جنبه لانها مضطره تطلع من جهته،،،
مسك ايدها قبل تتركه لوحده،،
وقف وهو يحس بمقاومتها تبي تفلت ايدها من ايده،،وتطلع
وقف قدامها وعيونه على تنفسها السريع ونونتها المعقوده،،،
ابتسم بخفه وهو ي............
احمد،،
قفل من مديره بالشغل ومعها امتسحت ابتسامته المصطنعه،،
رجع راسه لوراء بعد ما رمى جواله بإهمال بجنبه،،
رفع ارجوله على الطاوله اللي قدامه
وعيونه للسقف،،،
امورهم كل مالها تتعقد،،
نفورها كاتم على انفاسه وقاهره
يبيها قريبه ليش ماهي قاعده تستوعبه
حس بخطواتها قريبه منه،،،
ليش جايه بمكان اهو فيه،،
حده متضايق من نفسه ومنها،،
وجه نظراته لها بعد مانتشرت ريحة عطرها وعبة المكان،،
عقد حواجبه،،بمين قاعده تتصل،،مين تبي تكلم؟؟؟
رد قفل عيونه وهو يرجع راسه لوراء وبجمود،،:بمين تتصلين؟؟
زم شفايفه بقهر بعد محس بتطنيشها اللي يذبح
عدل جلسته وهو يمسح على وجهه وبصوت حاد،،:قاعد اتكلم،،
طالعته بغضب وهي رافعه حاجب،:،جالسه اتصل ع روحي ،،اشوفني اذا فاضيه
رفع حاجب ،،ولو ماقهرته ،،كان بيضحك على كلامها وتصرفها الغبي
تصنع الجديه اكثر: ،،،جاوبني عدل،
طالعته بملل،،:قاعده اتصل بشقيقاتك وبهمس وصله حليلهم مايخرعون زيك
ماقدر يكتم ابتسامته وبستفهام:،،بعد شوي بمر عليهم،،تبين تروحين لهم؟؟
نطت بفرحه متناسيه حمالها:،،يب يب اكيد ابي ،،،وبتفكير ،،،ويشيل معي اهدومي
اختفت ابتسامته
وبعدين مع اشياىها اللي ما تبيها تكون ببيته،،
مايبي يفسر كلمتها غلط وييقهر عمره ،،.
اشغل عيونه على جواله اللي رد يشيله
وببرود،،:ليش تشيلينها؟؟
تخصرت وبثقه: ،،،عشان أنام عندهم
طالعها وهو مستغرب الثقة اللي تتكلم فيها ويتساءل يخفي غضبه من تقريرها
لحياتها بدون شوره::،،،ومين سمح لك
ركزت عيونها بعيونه وببراىه مصطنعة،،:انت
توسعت عيونه ،،وبصدمه من افتراها:،،ومتى قلت ي مدام وعد
حاولت تخفي ضحكتها على الحاله اللي وصلته فيها وبثقه اكبر ،،:وانت نايم امس
قلت بنام عندهم ..وبغمزه متهورا،،وأشياء كثيره
عرف انها قاعد تنسج خيوط خياليه من راسها.. وبمسايره،:،وش الأشياء الكثيره اللي
قلتها مهمه لدرجة تغمزين
انحرجت حيل من حركتها العفويه،،وبهبال يغطي احرجها،،:لألا ستر الله على خلقه
حشى مافضحك واطلع بلاوييك
تحركت بسرعه جهة الغرفه بعد ماشافت عيونه اتساعت من جوابها الغير متوقع
وبثقه،،:لاتروح اصبر الين أخذ لي ملابس وابدل،،
ثواني جالس يطالع مكان ماختفت
وماسرع مارجع يذكر انها تتكلم من راسها
كان المفروض يبتسم على تصرفاتها زي ماكان يعشقها
،،بس جواته كتمه تمنعه
من كل شي جهتها،،
وقف يدور على مفتاح سيارته ،،
ابتسم
انا عندي بلاوي ي البزر،،،وفضايح بعد،،انت البلاوي بعينها ي النتفه
،،،،،،،،
صباح يوم جديد ،،،عزام،،
فتح عيونه بثقل وهو يحس بتعب في كل مفاصله،،
وبسرعه أدرك وضعه الجديد،،
ابتسم بسخريه ،،متزوج بعد ماكان حالف مايعرف الزواج مره ثانيه
طالع بمكانها،،فاضي،،
ماكان المفروض يتوقع نومتها قربه
،،خاصه عقب البارحه،،
غمض عيونه و يتذكر،،
بعد ماتعشو أو بالأصح تظاهرو أنهم ياكلون انسحب للغرفه ،،ينام،،بدون حتى يخبرها
شي جواته قاعد يقول أي ذنب سوته عشان تتعاقب بهالحجم،،
بس ماكان حاب يجاوب ضميره اللي يانبه،،
تذكرها لابسه قميص ابيض دانتيل راسم جسمها وعليه روب ابيض كان أوسع بشوي
اكتست ملامحه البرود،،لازم يحذرها لا تلبس قدامه هالملابس،،يكرها فيها لذالك لا تتجرأ
تلبسهم،،،
تحرك ببطى ،،
باقي ساعه على الصلاه
،،يمديه يصلي
ويشوف وش جالسه تسوي،،،
واقفه قدام الحاجز الكبير المطل على براء ولانه حاجز زجاجي،،قدرت تشوف اللي براء
الحياه مستمره!!!! اللي رايح واللي راد واللي يمشي بعجل وغيرهم كثير
تتنقل عيونها بينهم
،،بالفعل الدنيا مثل شريط الفيديو
لما يسرد أحداث الفلم
على قوه المواقف اللي يعرضها يمشي الشريط
،،حتى لو كان احد يموت أو بالفعل كان
بقبره،،
حياتها فقدت معنى الحياه سواء كانت مع الخائن فهد أو حتى مع المريض عزام
ليه حظها عوج مع الرجال،،
حست فيه يدخل المكان اللي واقفه فيه،،،
ي ليتها تقدر تتنفس هواء نقي زي قبل ثواني قبل تمتلئ رىتها من ريحة عطره
الرجالي
وقف ورآها بالضبط وعينه لبراء مكان ماكانت تناظر ،،
ابتسم بسخريه،،:أش هالرمنسيه المفرطه
حست بسخريه من طريقه كلامه،،
رجع يناظر مكان ماتطالع
شوارع وسطها سيارات مو متزاحمة بسبب الوقت،،وغيرهم يمشون
على الرصيف،
،،الأجواء المغيمه من الشمس هي الشي اللي كان جذبها تتامل لوقت
طويل،،
تحركت بهدوء كارهه وقفته قريب منها
،،جلست بهدوء صار معطيها ظهره،،
قامته عريضه تناسبه حيل،،لابس ثوب ابيض وشماغ ابيض،،معطيه منظر عكس
اللي تعرفه عنه
،،شكله قاعد يضخ رجوله وهيبه،،
تشباكت اصباعهها وهي ناويه تبدأ معه بسؤال حيرها طول الليل ،،فتحت فمها وقبل
تنطق سبقها بالكلام،،ووبجديه:،،ليش للحين مانمتي،،
ضمت روحها بتعب وبارهاق بان بصوتها،،:،انت سالتني ليش وافقت اتزوجك،،
لاحظت ظهره
كيف تصلب ،،كملت،:،،الحين انا ابي اعرف ليش اخترتني انا بالذات،،
ضحك بسخريه،،الضحكه اللي كرهتها من وقت قصير،،
خايف انها عرفت
جواب سؤاله وجايته تبي تجاوب،،ماخاف من الجواب،،قد ماكان متأكد انها بتشوف الويل
لو ماعجبه جوابها
لحظات طويله يفكر بجواب سؤالها وو ببرود يخفي براكين
التفت جهتها عيونه بعيونها،:،،أي سبب حابه اذكر؟؟؟
قتحت عيونها بصدمة
،،،يعني عنده اسباب كثيره تجهلها ،
طول امس تفكر مالقت
سبب يقنعها بزواجه منها،
،بلعت ريقها من هاليوم المجهد بالنسبة لها وبهمس ضايع،،:كلها
التفت للباب اللي انطق،،
مشى بخطوات ثابته ،،وبعد ثواني
دخل وبيده الفطور ،،
قبل يتسبح طلب فطورهم ،،،متأكد انه محتاج يأكل وهي بعد
نزله على الطاوله
جلس مقابل لها،،عيونها عليه وهو يوزع الأكل ،،معقولة بيبقى سؤالها
عقييييييييم؟،
،عندها رغبه فضيعه تعرف هالاسباب ،،
بس هو بارد ما قام يحس بالنار
اللي جواتها
قرب العصير منها وبهمس وصل لها،،سمي بالله،،
طالعت الأكل باارهاق ،،من له نفس ياكل بعد نقاشهم المبهم؟؟؟انتبهت عليه وقف اكل
طالعها بجمود ،،،
الين متى بيتمون بهاللجوء ،،
مدت ايدها وبدت تأكل،،
الصمت هو سيد الموقف،،
ماغير صوت الملاعق والشوك المسموع
متامله يرجع يفتح الموضوع
قاعده تفكر كيف ترجع تطلبه يذكر
الأسباب ،،
تحطمت بقوه اول ماشافته يوقف بعجل وهو يسمع صوت الأذان ويطالع ساعته
،،،،،،،
في وقت مسبق،،،عبدالله،
لاحظها كيف وقفت بسرعه بعد مالاحظت نظراته عليها
مرت من جنبه لانها مضطره تطلع من جهته،،،
مسك ايدها قبل تتركه لوحده،،
وقف وهو يحس بمقاومتها،، تبي تفلت ايدها من ايده،،وتطلع
وقف قدامها وعيونه على تنفسها السريع ونونتها المعقوده،،،
ابتسم بخفه ،،
حاس بغضبها منه ومن جفاه معاها،،
رفع ايده وحرك اصبعه السبابه على المنطقة المتوسطه ب حواجبها،،وبحنيه:،،ماحب أشوفها
معقودة
طالعته بقهر اكثر تحاول تخفي غصتها وبجفاء،،:لو سمحت بعد ابي أنام حدي مرهقه
ركز عيونه بعيونها وتعمد الصمت كانه يختبر قوه صبرها،،
بان عليها الغضب اكثر وهي تشد شفايفها بقهر :،،،ليش الاحساس فاقده بالمره،أقولك هد
ايدي،،
لو ماكان عارف انه اللي جرحها هالمره بتأكيد ماكان بيعدي كلامها على خير
لف ذراعه حولينها وقربها بصوره مفاجىه لصدره،،
تجاهل صوت شهقتها من حركته المفاجىه
تنفس بعمق وهو يحس بعطرها احتوه وشتت كل تركيزه
،،حس برجفتها اللي كانت صادره
عن صوت بكاها المكبوت،،
تمنى ما جرحها ولاضيق خلقها لو بس عشان اليوم،،
شد عليها اكثر وهو ينحني جهة اذنها:،،شهدي انا أسف
ماحس فيه لما تصلبت بحضنه،،
ما توقعت يرجع يناديها نفس زمان
كل شي فقدت الثقة فيه يرد نفس قبل،،
ابتعد عنها بخفه ،،
وهي لازالت قريبه منه حيل،،
ابتسم بحب وهو يقرب يبوس خشمها الأحمر
حس بخجلها اللي تحاول تخفيه وهي تبعد عيونها عنه،
،رفعت عيونها له فجاءه
عيونها تناظره بانتصار،،وبثقه،،:احسسن
عقد حواجبه ،،
مافهم قصدها ولامعنى كلمتها المفاجىه،
،ركز بعيونها وبتكرار،،:أحسن!!!!
رفع حاجب وعيونه تحولت مكان ماعيونها مركزه،،
روجها الأحمر القاني مطبع على بجامته مكان ماكانت تبكي،،
الحين بس فهم قصدها،،وأنها عدمت له
بجامته،،
أفلت ضحكه عاليه على طفوليتها وانتقامها البرىي،،
رجع عيونه عليها بعد ماسكت ،وبهمس وصل بقلبها،،،:فداااك
ابتسمت له وكأنه قدر بالفعل يراضيها ويمتص غضبها،،
سحب ايدها يجرها معه للحديقه من الباب اللي بالمطبخ،،
جلس على الكرسي الكبير وجلسها قريبه حيل منه،،
التقت نظراتهم لثواني طويله
،كل واحد منهم قاعد يحكي حرمانه من الطرف الثاني
الكبرياء قاعده يمنعهم يتكلمون
حاسه بعيونه اللي تخفي عليها مشاعر كثير تجهلها
،للحين تحس بحرقه
جواتها
.....نزلت عيونها وبعتب واضح،:،،اكره أسلوبك وانت معصب،،
تصير تجرح بدون لاتفكر و
قاطعها وهو يحط على اصبعه على شفايفها وعيونه مركزه عليها،،اشششش ..........انا أسف
ادري غلطت
توترت من لمسته الدافىه وطريقته بالكلام اللي قاعده تشتت انتباهها،،ا
اعترفه بخطاها قاعد يرضيها كثير،،
رفعت خصل من شعرها على الجهه الثانيه من كتفها وهي تبتسم له بصفى
ارتاح جزئيا
يعرفها زعلول ماترضى بسرعه،،بس قاعده تحاول تكسبه بشكل غير
مباشر
انحرجت اول ماشافت عيونه تتفحص ادق تفاصيلها،،
احتارت كيف تتصرف
ولأنها يعشقها كان يدري كثير وش قاعده تفكر فيه،،،
فتح ذراعه يحثها تقرب منه وتحط راسها على صدره،،
ما قدرت تمنع نفسها بعد مالمحت حاجته لها والهفه اللي بعيونه،،
قربت منه بهدوء ،،
مالت براسها على صدره وأيده محاوطه خصرهاا،،
قفلت عيونها بألم،،،ي الله وش كثر فقدت الأمل أنهم يرجعون لببعض،،
تنهدت بصوت وصله بعد ماكان الصمت مأخذ تفكيرهم بالماضي،،
شد عليها اكثر وبعمق وعيونه على الحديقة:،،،تغيرتي كثير............ماعدتي الطفلة الصغيره
ارفعت راسها ' تشوف ملامحه من على طرف ،،وبتأكيد مجروح،،:مثل ما شفتك
....وبتردد ....وانصدمت بتغيرك
ماغير نضراته وكأنه يطالع شي مهم مايتفوت،،،
احتار ..كلامها تقرير واقع ولا جالسه تسأله
وتستفسر،،
زم شفايفه بتعب من الأفكار اللي بدت تهاجمه
يعرف ان اخرته بترجع له ذكريات من
سنين فاتت تذبحه كل ليلة
تنهد بصمت وبجمود غير مزاجه،،:أشياء كثير لازم نتوقعها حتى لو كانت مستحيله،،
الضيق رجع لصدرها من جديد وكأنه يذكرها باللي حصل قبل كم سنه،،،
،،يكفي متجاهله النار اللي جواتها سبة زوجته اللي نايمه داخل
عدلت جلستها بحرص
ماراح تسمح للنكد يخرب جلستها وياه على طول
لساتها قريبه وبمرح مصطنع:،،لو ماكان صاحبك بيروح معك بعد بكره كنت
بروح معك
وبضحكه بعد ماشافت نظره الاستغراب اللي بعيونه ...بعتبره شهر عسل جديد
بعد كلمتها الأخير عرف انها تقصد سفرته اللي باقي لها يوم
سبت يشوف الاشعات على الكسور اللي بجسمه،،
ابتسم لها بذهن غايب لايامهم اللي يذكرها ومستحيل ينسى تفاصيلها،:،،ولايهمك بكره من
الصبح نروح المزرعة وببتسامه أوسع ....وان شاء الله السفره الجايه أشيلك معي
نطت بفرحه،،عشقها المزرعة واجوىها اللي تموت عليهاا ،،،،وبعفويه،،:اشتقت لها حييل،،
حتى اشتقت ارد اركب على الخيل نف
قاطعها بحده والغضب يملى صوته،،،:لو تبين أذبحك قربيها،،
انصدمت من صوته ومزاجه اللي تغير
،توها تنتبه أش قالت بعفويه مطلقه
،طالعته بسرعه،، عيونه تنطق شرار ووجهه مكتم بصوره
مخيفه،
،امتلت عيونها دموع بعد ماعرفت سبب تغيره فجاءه
قربت منه وهي تسحب كفه وتحضنها بكفوفها وبصوت ممتقطع،،:صدقني كنت طفله
كنت ابي اسوي اي شي بس تكون لي ،،ركبت الخيل واخذت الحبوب
عشان ماحد يشاركني ي غانم
نفض ايده من ايدها
جالسه تبرر له وعيونها على ملامحه اللي اكتستها السخرية
،لو كان يقدر يذبحها كان ذبحها من اول ماصدمته الدكتوره بالخبر
حس فيها تتقرب منه اكثر
لفت وجهه جهتها الي صاد جهة الحديقة وببكى نرفزه،،:ماكنت ابي احد
يشاركني فيك ......حتى طفلي اللي منك كنت أغار منه يأخذك وينسيك اهتمامك فيني ...
زاد صوتها بالبكى وهي تحاول توصل لها طريقه تفكيرها قبل......:كنت صغيره مايهمني شي
من لفت وجهه جهتها وعيونه بعيونها،،،عيونها كله صدق ،،بس قلبه قاعد يكذبها بصوره ماكده
نظرته لها قاعده تحطمها ،،،
ماكان همه شكلها ولابكاها
اللي بيفجر راسه.
،،ضحك
بسخريه اكثر بعد كل محاولاتها الفاشلة،، وبالم بان بصوته،،:
لدرجة تنزلين الحمال مرتين بدون علمي؟؟؟
زاد نحيبها اكثر وهي عاجزه توصل له إحساسه المجنون فيه
حس الألم يضخ بصوره أقوى في كل مكان بجسمه
،،حتى قلبه قاعد يعوره سبتها،،
بس هو قدر يحرقها وينتقم منها بزواجه من منى بعد طلاقهم بكم شهر
مسك بفكها وعيونه مثبته بعيونها وبانتقام من كل تصرف سوته:،،تغارين احد
يشاركك فيني .....طيب ومنى؟؟؟
عرف يخليها تثور وتنقلب بصوره عجيبه
،،،رفعت ايدها تضربه بقوه على صدره
نحيبها عالي يقطع القلب وبصوت ميت،،:اكرهك أصلا ما حبك اكرهك ي اناني
احكم بقبضته على ايدينها وبحده تذبحها اكثر،:،،علميني كيف بتتخلصين من منى دام عندك
مجازفه خطيره هالكثر...
ماقدر يرحم ضعفها وصوت نحيبها المفطور
،،اللي يسمعها يقول احد ذابح احب شخص بحياتها
ماقدرت حتى تسحب ايدينها من ايده،،
تحس بطعم الموت قبل حله،،
قاعد يغيضها ويحرقها بضرتها،،عرف زين كيف يعاقبها،،
جنونها عليه قبل ،،،غيب عقلها حتى عن حمالها اللي هو جزء منه
ماحست بيدينها اللي افلتها بعنف جارح ،،ولا حسيت بالهواء البارد اللي كل ماله تزيد برودته
ماتدري كم مر عليها جالسه قربه تبكي بدون حتى لايهديها الا من همسات غاضبه منه
،،بس خلاص
،،عورتي راسي،،
دموع مزيفه،،
بسش خلاص
وبعدين
هدت بعد ماحست ان دموعها جفت وروحها استسلمت للتعب
تحركت بثقل بدون لاتناظر ملامحه الجامدة وعيونه اللي سرحانه لبعييد،،
وقفت برجفه متمنيه لو ماشافته ولا التقت معه بالمره
ماحس بغيابها ولاهمه روحتها وجلسته بروحه
كل ما تذكر تصرفاتها الطايشه ،،كرها وكره دلعها الاولي،،
غمض عيونه بالم وأحداث ليله مولمه ترجع له بقسسسسوه؟؟؟؟؟؟
لاتغرك الضحكه ؟.......
اسفه على القصور
البارت مو ذاك الزود وربي مشغوله بس ماعرفت كيف اتصرف لاني واعدتكم
بعوضكم ببارت اجمل كله حماس واكشن
،
،
اوصيتكم في هالايام فهي من احب الايام الى الله
استغفرو كثير لتفتح لكم الاقفال
واكثرو من سوره الاخلاص فهي تعادل ثلث القران وبمثابه الختمه
اذكرو الله كثير يذكركم
،
واعلمو جيدا
ان الله يعطي الساىلين اكثر مما يعطي الذاكرين،،
سبحان الله وبحمده سبحان الله العظيم
اللهم صلي على محمد وعلى اله الطيبين الطاهرين