لمحت بين الشفايف لغز واسرار اثر المصايب تسكن ثغرها

البارت السابع

بسم الله الرحمن الرحيم
سلام عليكم ورحمه من الله وبركاته
مساكم الطيب وريح العود..
اتشرف بالضيوف الجدد اللي انضمو بين صفحات
لمحت بين الشفايف لغز واسرار×اثر المصايب تسكن ثغرها...
مراحب ي الغراميين..ي رب دوم تحوز كتاباتي على رضاكم..
خالص حبي لك مشجعين عزام والوله..ولـ رابطه احمد
وجميع ابطالكم الغاليــن..
بخصوص مواعيد البارتات.بحددها في نهايه كل بارت.
طبعا بتكون البارتات متقاربه بمانو لسى ماداومت
اذا بديت الدوام بخصص يوم معروف في الاسبوع للبارت..
باذن الله لو تيسرت معي راح انزل اكــثر××
اتمنــى يعجبكم البارت..

,,,البارت الـــــ7ســابع

الــــــعـــــالـــــــم المجهول "
وش دخلك فيه ...؟؟
ردي !!
ترى ماني للأشواق "" تمثال "" ..
دامني (بقايا انسان)
ليه اشتريتيه ؟؟!!
ودامني (طفل)
من علمك !!
"" عشق الأطفال ""

فزت بخوف اول ماجلست توزع الكوفي
لفت جهة الباب على صوته الغاضب الحاد.:
رغـــد تعالي بسرعه
ارتجفت بعنف ..مافيها تتحمل منه اكثر
خافت من نظراته اللي قاعدة تهددها بالويل
ماقدرت توقف وتمشى بثقتها المعتاده
قرب بخطوات سريعه جهتها متجاهل اخته اللي
تناظره بتعجب من تصرفاته الغريبه عليها
طالعت رغد اللي بسرعه وقفت قباله وصار قريب منها
مايفصلهم شي
عصر كفها وبصوت حاد متجاهل الطرف الثالث اللي
منحرجه من وجودها بينهم..:ممكن افهم اش معنى المفاجاه اللي مسويتها لي بغرفة النوم
انحرجت بقوه من جملته الغبيه . انحرجت اكثر من نوره اللي بتفسر كلامه ابعد من الواقع
ابتسمت باليه مصطنعه وبهمس..:بعدين نتفاهم مـ
قاطعها بغضب اكبر وهو يمسك ايدها ويجرها معه
لغرفة نومهم
مافيه ينتظرها اللين تحن عليه وتفهمه معنى تصرفاتها
الطايشه ..
وقفها قبال الشنطه الكبيره اللي تحضن اغلب ملابسها
فك ايدها بعنف وبصوت عالي..:ليش لامه ملابسك هنا
ممكن تفهميني معنى تصرفك؟؟
تنفست بعمق متناسيه الخوف منه وبثقه..:مانك مضطر
تتحمل وجودي على قولتك ..ولاني حابه افرض روحي
بحياه احد..
رفع حاجب وبقهر..:يعني هذا السبب اللي خلاك تلمين
اغراضك؟؟
وعد وعينها بعيونه وبقهر مماثل.:لا.. وكمان انا بعد
ماراح اتحملك يعني مابي اكون معك بنفس المكان
صرخ بصوت عالي يسكتها...
مقهووره لنخاع منــــهاا..
اخر شي يتوقعه انها ممكن تتركه وتروح.
شال شنطتها بقوته ورماها على الارض بغضب,
نثر كل حاجاتها بجنون.
ماتبيه ...بيقهرها وبيذلهــا
صدره يرتفع وينزل من كثر ماهو شايل عليها..
مالها حق تعلقه وتروح بدون سبب مقنع..
كل شي قدامه كسره بهمجيه ترعب
قربت منه برجفه وصوت بكاءها قاعد يستفزه اكثـر
طالعت بعيونه..:تكفى خلاص
طالعها بحده ارعبتها..كلامها جالس يرفع ضغطه اكثر ..
رفع ايده بتهديد..وبغضب..:انت اخر وحده تتكلم..
ضحك بمراره افزعتهاا..غلطانه يوم فكرتيني بطرد
وراك..معقوله ماتعرفين احمد الراسي للحــين.
غيرك الف تسواك وتمحي اثـــرك.
حركة راسها بالايجاب تسايره..:ايوه انا اصلا غلطانه.
انت اهدى الحـــين
مسحت دموعها برجفه ..:تعال نوره براء
اكيد مرعوبه ماتدري عن شي..
ضغط على راسه بعجز..هو فين وهي فيـــن..
طالعها بعيون يائسه منهاا..
مايهمها ..اهم شي قدر يفهمه من تصرفاتها..
استغفر بصوت عالي..تلمس مخباه بذهن ضايع..وين
ممكن يكون مفتاح سيارتة..نفخ بغضب
تلفت يمين.. يسار ..انحنى يشيله بخفه بعد مالمحه
طايح قريب من ارجوله,,
تحركت بفزع جهته بعد مافهمت نواياه,,
شدته من كفه قبل يطلع..:احـــمد لاتطلع وانت بهالحاله
نفض ايدها بحده متجاهلها..
لو جلس اكثـــر مايضمن عمره مايذبحها..
برودها. موته وانهى حيله..
بيترك لها الراي الاخير ..ان اختارت الفرقى باعها
مثل مارخصته