لمحت بين الشفايف لغز واسرار اثر المصايب تسكن ثغرها

البارت الثامن

البــــارت الثأأمـــــ8ــن
.

نعم أنـــا أؤمن :

بأن الانتقآم آولى مظاهر الضعف

ولكني آيضاً أؤمن بأن آلبعض

بـ حآجه إلى التأديب ...

قست نظراته..
جالسه ترادد بقوه وغرور..
طالع بجده ..يطالعه بغضب كبير..
ابتسم بسخريه اكبر..
واقف بصفها ماكانها طولت لسانها عليه وتمردت
رجع عيونه عليها وبخشونه..:اطلعي براء قبل
ماسوي لك شي تندمين عليه.
رفعت عيونها بضعف..تلاقت بعيون جدها ..طمنها
بكفه اللي شدت على زندها..
رفع عصاته بقهر بان على ملامحه المجعده.:تخسي
ي العاق تطرد بنتي من بيتي..لاانت ولا غيرك يرفع
صوته عليها وانا حي..
فتح عيونه بصدمه..
ماهو قدامهاا يصارخ عليه..
الا هي مايبيها تسمع شي يقهره
يكفي اللي فات ماقدر ينساه..
قبض كفه بغضب كبير يجتاح نفسه..
حرك راسه بالايجاب وهو يتحرك بغضب..وبحده
ارعبتها..:زي مادبتها بالاول بادبها في الاخر..
لايغرها وجودك ..تعرف زين كيف بنتشلها من
ارضها واندمها اعنادها..
بلعت ريقهاا بخـــوف..رجفة ارجولها رافضه تصلب
طولها..
طالعت الجد بذهن غايب
الجد بصوت عالي..:لاتمرضني ي عزام روح عن
وجهي قبل اسوي شي تكرهه..
وقفت بخوف..جدها عاجز مايقدر يوقف يسوي
شي..وعزام متهور مايهمه مين من كــان
شدت لثمتها بتوتر..قربت منه وبهمس..:يبه
تكفى اقصر السالفه..وبلعثمه..بكره بمر اشوفك
رفع حاجب..تهمس بصوت مايسمعه..
متشبثه بالجلال الكبير اللي اعطاه الجـــد
ضحك بسخريه..اول مالاحظ خطواته للباب..:
هه اش هالمســـرحيه الماسخه ؟؟
واصلت خطواتها متجاهله كلامه وصوت العود
اللي يسبه بقهر واضح
تنرفــز اكــثر..احقرته وطلعت قبل لاترد..
يدري زين انها خافت من تهديداته اللي قول وفعل
فك ازارير ثوبه العلويه..
يحس بكتمه تخنقــه..
ماراح تجيه الحاله مرتين بالشهر
يكفــــي جاته قبل كم يوم
طالع بجده..يسبه ويشتمه من قلــب ضايق
جر خطواته لغرفته بسرعه..حبوبه هي الوسيله
الوحيده اللي بتريح اعصابه من الشــد..
زاد كرهه لها من عنادها..
محد يستصغره غيرها..
بيادبها بيرجع يعلمها تحترمه من جديد..
يدري فيها ضعيفه بسبب خاينه فهد واهو الوحيد
اللي بيستغل هالضعـف لصالحـه..

..
في المستشفى..

نفخ بملل.
نفس العادده من كــم يوم
دخل ايده في جيبه يبحث عن سيجاره جديد تريحه
واقف في زاويه بعيده عن الكل ويتكلم بهمس..:شهد
خلاص عاد كم مره بجلس احلف لك انه بخير
شهد بغصه..:اخاف جالس تلعب علي بكلامك
طاالع في الموجودين وبتعب..:صدقيني ماخبيت عنك
شي
شهد بتردد اكثر..:هي معــه يعني عشانه تعبان؟
خالد بجديه..:اكيد زوجته بتكون وياه
نزلت دموعها بحرقه وبدون شعور..:وانــاا؟؟
رحم حالها ونفسيتها اللي صارت منتهيه ..لو كانت
الظروف غير.كان عتب كثير على اهتمامها
المرفوض ..
رفع عيونه على باسل اللي يرحب بزوار
جدد لغانــم..
وبجديه اكثر..:انت طليقته ي شهد اصحــي
بكت بصوت عالي وبصوت ميت..:بس انا موافقه
ارجع له صدقني راضيه
عدل وقفته مبتعد عن التجمع القريب منه.
وبستفهام.:وزوجتــه.انت راضيه بس مافكرتي بشي؟؟
حركت راسها بالنفي وكانه جالس يشوف قوة
اصرارها:ماتهمني ..انا بعيش معاه ..هي بطرف وانا بطــرف..
تملل من كثر مانفتحت السالفه بدون حلول..
ضغط على راسه وبتشتت..:بس تهدى الامور بنتفاهم
والحين لازم اسكر عشان ادخل اتطمن عليه وارجع
للمركــز..
قفل منها تايــه مشــوش ..
دخل جواله بجيبه..
كاره روحه..
غلط يجاريها بجنونها وعواطفهاا..
ماقدر يطنش اتصالاتها ..ويبين الشده والحزم
ابتسم بارهاق للطفل للي قاعد يطالعه ببتسامه بريئه
سبحان الله ..كيف يخلق للبشر اشباه ..
مد ايدينه .شاله بخفه لصغرحجمه..باسه بحنان وهو
يتذكر وعوده لغانم.. انوعياله..بيكونون
احلى من خلفة غانم وشهد
دخل برزانته المعتاده ..هيبته تفرض احترامه على الكـــل..
قرب من صاحب عمره .سلم عليه براحة انو ربي لطف فيه وكتب له عمر اطول..
غانم انصدم بوجود خالد بين زملائه..ماتوقعه للحين موجود .
فرحته بوجوده واضحه بملامحه..
يسولف وعيونه على خالد اللي ملتهي ويا فارس
وكأنه يتهرب من وجوده وياهم
مايبي يشاركه الكلام..يكفيه نعمه انه رجع غانم للحياه
مره ثانيه..
لاحظ الغرفه ..باقي واحد جالس معاهم .والباقين
استاذنو وطلعو
وقف بهدو وببتسامه مصطنعه وعيونه عليه..:
ماتشوف شر ابو فارس..وان شاءالله بمر عليك بكرا
غانم بتعب واضح..: خلك لاتروح الحيـن
محمد (زميل غانم) حس انو فيه شي خاص بينهم
وقف بسرعه وببتسامه..:سلامتك ي ابو فارس
..استاذنكــم ي جماعه
غانم..خالد..:بحفظ الله
رجع جلس مكانه الاولــي
وعيونه على ارجول المكسره غانم وايده اليمن
اللي ماسلمت من الكسر.وبتساؤل يقطع الهدوء
اللي بينهم..:يقول الدكتور ما تحتاج الجبس
كثــير..شهر بالكثير ويفكونه.
عبدالله ببتسامة تعب وباله مع هذاك اليوم اللي قهر
فيه شهد وبكاها ..كان ناوي يشيل الوتين لولا ان
الله قدر الحادث.وبغموض.:يمكن دعوه صابتني.. .....استاهل..
اكتفى بجملته المبهمه لخالد ..
.رجع بينهم الصمت
كل واحد يفكر باللحظه اللي جمعتهم من جديد.
سبحان الله كيف الاقدار بعيده عن توقعات البشر.
رفع عيونه لسقف متجاهل وخزات الالم
اللي بجروح وجهه..:انصدمت لما
دخلت من شوي .....سكت لفتره..وبصوت غريب
..توقعتك كرهتني بالمره..علمتني اني صغير قدامك
ي خالد ..رغم اللي انا فيه بس قلت اكيد بتطمن وتروح ماراح تطـول.