الكاتبه: LARAN❤️
گضت عازة صوّرَك
بعد ما مُرهة
جگارة گبال ابوي
وواجب اشمرها.
(ليالي الجحيم12:00)
(part 54الـ)
مهم: لاتنسون التصويت والتعليق بين الفقرات 🔴
يمه يااهلااا عصرن روحجن لخاطري
مابقى شي وتخلص 6 بارتات تحملني بعد مابقى شي 6 بارتات وتخلص هل قصه ومتنتضرن بعد 😔
يلااا دفرن الباب زگطن نعولتج
وسون طيارررري البارت هذا طويل
تقرن وميخلص يعني حبشگلات
ويابه مودتييي 😂🌹
.......................
.
.
.
.
مو شفه تمر برحي من اضوگنها يطگ بستان بيه🖤🌿
جنت ڪاعده ؏ الطاوله واريد اسوي فطاير اجه يمي اشهـم لازم سجينه مزغرفه وقديمه تصميم حلوو حلوه مو سجينه عاديه
ڪعد يمي وصار يسوي بيها ويمسحها واني اباوع عليه ، اشهـم شنو هاي
::- هاي ذگرى من امي سجينه ام الياي يسموها
:- بقيت اباوعله غطيت العجين وصرت اباوعله رحت سويت الحشو وهوه راح يسوي اوراق ماعرف شنو
ڪملت العشه وحضرت الببسي وگعدنه ناڪل وهوه عينه عليه ويباوع حتىَ استغربت بي شي
بس اخذت وضع السڪوت خلصنه عشه
دخلت للغرفه حسبَالي يجي وراي
بس دخلت للغرفه ونقفل الباب عليه رڪضت للباب وضربت عليه واني اصيح بأشهـم يفتح الباب
::- ابقي بنياتي شوي وافتحه
:- صرت ابجي خايفه من تصرفه سمعت اصوات هوايه ودبجه ؏ الأرض اڪثر من صوت بقيت واڪفه وابجي
ماعرف شديصير
اخير شي سالت دم من جوه رجليه شهڪت ورجعت ليوره وسمعت طبه ؏ الڪاع بلعت ريڪي والدم صارر يجري للغرفه
انفزعت احس رجليه صارت ترجف رجعت ؏ الجربايه ووگعت عليها ارجف
اريد شي يخطر ببالي شي يحضرني
حتى اطلع واشوووف لساني نربط ماڪدر احجي بعد اجتلي الحاله ماعرف شلون عصرت دماغي عصر
وتذڪرت اڪو مفتاح احتياطي للغرفه رڪضت ادور بين المجرات وارجف وڪلساع اوڪع واڪوم
ماڪو اي صوت اختفى لڪيته ورڪضت للباب اريد اتقيئ من دست ؏ الدم فتحت الباب واني ارجف
وجان اشوف 4 زلم لابسين اسود ملثمين وواحد واڪع للڪاع ولازم جرحه ويتلوه بدون صوت
واشهم فوك راسه واڪف ولازم سلاح شافتي فتحت الباب توسعت عيونه واني
من خوفي والمنضر الي شفته وڪعت من طولي واخر ڪلمه سمعتها منه بس بنياتي
بعد فتره ✺..
حسيت اصوات يمي وايد لازمتني حاره وتمسح بأيدي فتحت عيوني شفت نفسي بالغرفه وامي يمي وانوار وبابا واشهـم لازم ايدي
باوعتله واني مصفره من الخوف وخرت ايدي منه حيل باوعلي وهوه يعض شفايفه ويرفع بحاجبه حتىَ مااحجي انتبهتلي ماما وانوار واجني
- ها ماما شصابج ليش هيج واگعه من أمس لليوم
:- مادري ماما تعبت هيج فجأه نطت انوارر للنص وسگتت
- عمه هاي خاااف من ال...
:- من الشنوو انوارر شنوو ، صار يباوعلنه اشهـم صغر عيونه ولا يفوته شي ابددد
::- من الـ شنو انوارر
- من المرض غير !!
:- هز راسه ممقتنع ولا عاجبه الحجي سحبت نفس وغمضت عيوني وهمه يحجون وياي احس شفايفي يبست
بللتها واني اعصر بأيدي رجع المنضر بعيوني والدم والولد الي متمدد الي لابس مثلهم واشهم واگف يباوع !!!
فتحت عيوني اجت بعينه يباوعلي بترجي خزرته واحس حقدت عليه حييل
هاي هيه سهل يقتل روح لو يـضرب ويشوفه يتلوى گباله عجيب هل انسان !! بس طلع ؏ حقيقة والله
بلعت ريڪي واني قررت اروح ويه اهلي سحبت نفس طويل ووجهت انضاري لماما وابويه
:- ماما اريد اروح وياڪم ارتاح حسيت ايده نمدت بضهري وڪرصني حيل اجيت اشهك وعضيت ؏ شفايفي وابتسمت بوجه ماما
- اي ماما تعاي بس شوفي رجلج اذا يقبل
:- اجيت احجي واشهم لگاله فرصه وسبقني
::- لا عمه خليها ڪبال عيني يصيرلها شي تلفون موجود وتجوونه وعيني عليها افتهم بوضعها انا
:- خله اهلي يسگتون ويقنعون ماما ڪالت اذا احتاجها تبقى يمي او انوار بس رفضت
خليني بضيمي ووين توصل توصل عسما اموت وحدي اني ڪله من ايدي شلون هيج نغلبت بي احس گلبي صار يوجعني
ترخصو اهلي وراحو وانوار اصرت اتصل عليها عرفت اڪو شي صاير والله دمرني يطيرني بالسما ويوگعني للڪاع وگعه تڪسر الضهر
طلع وراهم واني بقيت متمدده ودموعي تنزل بشهگه درت وجهي من سمعت صوت الباب نطبك
عصرت الفراش واني ڪارهته وڪارهه صوته وشوفته انسد باب الغرفه وصوته تقربه عليه واضح يوترني
حسيت بي رجع ڪعد بالمڪان الجان ڪاعد بي لزم راسي نزيت ونفرته مني
::- زين ؏ الاقل سمعيني والي تردين تسوينه سوي!
مايصير بس شفتي انتِ حڪمتي حتىَ بدون متسمعين مني يا بابا
:- درت وجهي عليه بعصبيه وخزره ، شسمممع الشفته جان ڪافي يوضحلي شڪد انت قذذذر وسافل وتقتل الارواح بسسسهوله
شفته عصر ايده بعصبيه وعض شفايفه وهز راسه يهدي من نفسه
::- لزمي لسانج أيڤ لان لشويه وبعد ماعرف شلون اضمن نفسي وياج
:- شتسوي تقتل تضرب مو هاي شغلتك !!
::- اييييڤ وروح الغاليه عليه اطيح حضج بطلي طياح حظ احسلج واسمعي وبعدين مضرطي براحتج بابا
:- ردت احجي حط ايده فوك حلڪي
::- اشش اشش خليني احجي واسمعي
:- وخرت ايده وعدلت ڪعدتي تفضل احجي
::- اول شي هذول جماعتي ماتعرفينهم ثاني شي هذا الزمال الي وياهم الي شفتي دمه هذا متصاوب
واني ضربته ؏ الجرح لأن غلط بشغله ونزف دم هذا مافي الأمر والسالفه
:- وتريدني اصدك !!!
::- زين بابا سمعتي صوت سلاح طلقه ؟
:- والسلاح الي لازمه ؟
::- لج يولي غير ضربته بي افهمييييي
:- شنووو من شغل هذا وشلابسين وليش تدخلهم لبيتنه هيج متخاف عليه و؏ روحك ها ؟؟؟
::- انتِ غببببيه يابابا شلووون طلعتي شلون فهميني
:- باوعتله بتردد ، وليشش ماطلع
::- ماردت احد يشوفج خاف يغدرون بيه ويوصلون گلام وحده وياي بالبيت اخخخخخخ ياعلتي انتِ
شحطلج وطيبين
:- ابتعدددد عن المافيات لأن راح ترجع تبدل الحب بگره الك فاااهم
::- غصبا ماعليج تحبيني شنو تشوفين تحبيني وماتدخليييين عسما اگتل بالبيت ماتدخلين
مدام مامأذيج ومفرلج راحتج وحاطج تاج فوك النسوان ومفضلج تسڪتين وماتحجييييين ابددددد فاااهمه
:- بقى يعيط بهستيريه احسسس بلعت العافيه وحقدت عليه الحقييررر لباله حبيته راح اسڪت عن ڪُلشي اشوفه بس بعده ميعرفني ،
اطلع انتقامي وحرتي بي حتىَ لو ؏ حساب اذيتي بسيطه اشهـم
::- يلا ڪومي شربي علاج وشوربه سويتلج
:- باوعت للساعه ب 9 ونص الصبح وخرت الغطى بنفرزه واجتني الدوخه
::- امشي عدل ادبسزز
:- درت وجهي خزرته وصلت للحمام غميته وسبيته رڪض بتجاهي بس دخلت للحمام سريع وقفلت الباب واسمعه يتوعدلي وينتضرني اطلع
::- تطلعين لو لا يولي اله اعلگج بالبنڪه ياادبسزز
:- عادي ابقى بالحمام لحد مااتخربط
::- ياويلج تسوينها اشڪج شك بالنص
:- وليييي مني المجرم عوفني وحدي
::- هينه
:- دفر الباب واني دخلت جوه الدوش اسبح وافڪر بمصيري ويا هسه شنو اني شلون عايشه مثل البشر
وهوه حتىَ عن اهله باعدني بس وهج وتين ورفل باقيه وياهن ؏ اتصال رغم اهله يدروني بي هوه باعدني عنهم ماعرف ليش
وباعدني عن اهلي مبقينه بس اله وهذا وضعه المخفي وذيج الغرفه المسدوده لازم اعرف شنو بيها ليش ابقى ؏ عمى عيوني ويا احس حياتي مخربطه ڪلما اريد اعدلها ترجع تتخربط
الايام والاسابيع والاشهر مرت وصار سنه ووضعي مامتغير بي شي ادخل بتعب واطلع من تعب
ماعرف شنو عيشتي ويا اڪعد اڪل انضف وادخل بخوف ودوامه بسببه وبسبب شغله
ولازم انتضر بعد لحتىَ ارجع لدراستي واحس حياتي راح تصير عدم وبخوف اذا بقيت هيج ويا خلصت سبح وطلعت
بدلت ومشفته بالغرفه والغرفه نضيفه ريحة ديتول اڪيد منضفها من أمس احس روحي گلبت
لزمت نفس حتىَ ليشك بيه طلعت شفته يحضر الطاوله شافني وخزرني هزيت ايدي واخذت نفس اصبر بروحي شفت الزيتون والاجبان والعسل والشوربه طاوله تفتح النفس ڪعدنه وصب جاي وانطاني
::- اگلي لتصيرين فاهيه
:- خزرته ووشتت عيوني عنه رجعت اڪل وبالي طاير مني ماعرف بشنو افڪر دوخني ودخلني بدوامه ويا ماتنتهي ولا اتخيل تنتهي وحتى لو انتهت فـ بضرر مثل مسمعت من الوحش
خلصنه ريوك وخطر ببالي نروح لأهله ليش ميخليني اروح وباقين بس اتصال خليت عيوني بعيونه وحجيت
:- اشهـم اريد اروح لبيت عمتي اشوف خواتك رفع حاجبه من طريقه گلامي اخذ نفس وزفره ورد
::- لبيه يابه ؏ هل خشم تردين شي بعد ؟
:- واروح يم اهلي ارتاح فتره
::- طلعه من هذا البيت وتنامين بغير حضني انسيها گطنه وشيليها من بالج
:- ردت احجي بس هوه نهى النقاش وڪام بدون مايستمع الي حيل تنرفزت من تصرفه وماعرف شلون صبرت نفسي
خلصت ريوك واحس معدتي صارت توجعني وتگلب حاولت بأي طريقه اصبر روحي واوخر اللعبان نفس بس مڪدرت رڪضت للحمام واستفرغت
احس روحي صارت تطلع مو متحمله
حسيت ايد دافيه نمدت وراي بضهري ولزم ايدي
::- شبيج بابا شنو يوجعج ليش هيج
:- دفعت ايده وردت ادفعه اطلعه
::- يولي شلون تتخيلين تلعب نفسي منج ولج !
:- اطلع هسه اغسل واطلع وراك
::- اشش خليني اغسلج
:- رجعت نفسي تلعب تقيأت ورت اوڪع للگاع حتى اتربع بعد ماڪدر سندني ويمسح بوجهي غسل وجهي وغسل الحمام وطلعنه
::- شبيج حبيبي ليش تقيأتي ؟
:- لعبت نفسي اڪلت هواي ، صار يباوعلي بقلق بس سڪت لأن اقتنع بگلامي
::- حدري ارتاحي هساع انضف البيت انا واروح للشغل
:- لا لاا روح لشغلك محاجه
::- بنياتي تمددي ؏ التخم
:- تمدتت وغمضت عيوني وايدي ؏ بطني خايفه ؏ طفلي واحس من هسه بديت اتعب
صار ينضف وگنس البيت ومسحه وعطره بمعطر وشغل التبريد ؏ الخفيف وريحة البروده والبخور صار يملي البيت
راح للغرفه بدل وطلع والعطر يهف وراه اجه يمي ڪنبص وڪعد لزم ايدي
::- گليبي مايطاوعني اعوفج واروح بس مجبوره عندي عمليه لطفل ساعه بـ 1
:- روح ليضل بالك دنك عليه باس راسي وبقى مدنك شفايفه حاره ؏ ڪصتي عصرت ايده وهوه مد ايده لخصري
حضني دنك لعيوني باسهم لشفتي دنك لرگبتي شماها وباسها وبقى دافن راسه برڪبتي وساڪت
وخر راسه وابتسم وعيونه حمرر ونعسانه
::- لا تتأذين بنياتي انا اتأذه ؏ اذيتج
:- ابتسمت اخذ ايدي ولماهن وباسهن قوي وراح بقيت اباوع وره اثره وغمضت عيوني ربع ساعه ورن تلفوني
جبته وشفت المتصل انوار رجعت تمددتت وفتحت اتصال وياها سلمت عليه وماما سملت وطمنتهم
وبقينه اني وانوار
- صوتج مو زين ولا ؏ بعضج ليش حبيبتي
:- غمضت عيوني والدموع تجمعت ماعرف شحجي ولا جاي تتڪون الصوره ببالي حتىَ اعرف احجي
- ليش سڪتي ايڤ ، شبيج ومتخربطه من أمس لليوم
:- مادري حسيت بتعب وأرهاق
- واشهم عرف ؟؟
:- ولبالج اذا عرف راح يخليني بحالي ومينزل الطفل ؟
- شبيج أيڤ ليش صوتج بي غصه حبيبتي فهميني حتىَ نسولف سوه ندور حل اذا سالفه جبيره
:- رجعت غمضت عيوني وهيه بس ڪالت هيج صرت ابجي
- اسم الله عليج ليش الدموع بس ابجي براحتج عسى ولعل ترتاحين شوي ابجي
:- بقيت ابجي واني اتذڪر المنضر گبال عيني وشلون نربط بعد لساني اريد اطلع حرف ماڪدرت وحسيت روحي عاجز
وحتى هسه من گعدت ڪلامي قليل و؏ ڪيف احجي مو سريع بصوره مرتبه
- خلصتي بجي ؟
:- اي
- شبيج شنو صاير وياج ؟
:- ماصاير
- ويعني هاي الدموع هيج من عبث ؟
:- ماعرف بس نفسيتي تعبانه اعتقد هرمونات الحمل
- هرمونات شنو هاي الي تخليج تبجين بعدج ببدايه الحمل
:- بقيت ساڪته وافڪر اذا احجيلها او لا
- اذا ممرتاحه تحجين أيڤي عادي حبيبي بس اهم شي لتبقين وحدج ولتبقين تفڪري خلي الاتصال مفتوح حتى ترتاحين
:- همهمت الها وبقيت ساڪته وهيه تسولف وفتحت ڪام وهيه تشتغل ويه ماما احس افتقدت هل لمه
حياتي ويه اشهـم شبهه عدم ممفتهمه ليلي من نهاري بقت ماما تحجي وياي واني ابتسم شڪت ليش ماحجي شي وهيج ساڪته تقربت يم الڪامره وگالت بقلق
- شبيج ماما ليش مجاي تحجي
:- هزيت راسي وبلعت ريڪي عصرت روحي عصر وحجيت لا ماما مابيه شي شوي تعبانه وتمددت اريد انام بين ميجي اشهـم
- متأڪده حبيبتي ؟ يوجعج شي بطنج شنو تحسين
:- ماحس بشي بس شوي نفسي تگلب
- اشربي عصاير طبيعيه ماشي وعلاجج موتنسي
:- هزيت راسي وسديت الاتصال هستوني ردت اغمض رن تلفوني شفته رقم اشهـم نخمش گلبي من وحده
بس هديت روحي فتحت الخط وجان صوته راهي وبي غموض وصلني احساسه وصوته وانفاسه من الاتصال
::- اممممم أيڤ
:- احس گلبي وڪع بيدي ، هاا اشهـم
::- شبيج تعبانه علاج تشربينو لو لا وانوار اشنو جان رايده ؟
:- شنوو ؟
::- منو جان متصل عليج مو أنوار !
:- تفاجأت ونخمش گلبي وڪلت هاي هيه انتهيت
اي بس شمدريك ؟
::- طلع عندي الرقم اشنو حجيتو بالله ؟
:- شش شنو شنو شلون شلون طلع الرقم
::- اششش بابا معليج اشنو حجيتو
:- حاولت اهدي من نفسي حتىَ اعرف احجي وما اتوتر مم ماحجينه شي جانت تطمن عليه وسمعت صوتي شوي تعبان فـ قلقت عليه وماما صارت توصيني اشرب عصاير طبيعي وعلاجي التزم بي ،
هذا الحجي ڪُله احجي وبطيئ لأن احس تعبانه وحلڪي خدران بيه خمول
::- عجل يباا انتبهي لنفسج ساعتين بالزايد وارجع
:- تمام سديت الاتصال منه واني مصدومه شوصله وعرف همزين ميجسس ؏ المگالمه جان اني هسه بخبرر گان
صرت ادوري شي بالجهاز اريد اعرف منين عرفت بس باتت محاولاتي بالفشل ومعرفت اي شي تعبت ورجعت تمدتت ونمت
لهناك وحسييت طڪطڪه وانفاس دافيه يمي فتحت عيوني وبقيت صافنه اباوع شفته اشهـم تعبان ويباوعلي بقيت ساڪته واباوعله وهاديه
صرت اباوع لتفاصيل وجهه وافرزنهن لعيونه النعسانه والرموش الي طاخه بالحاجب وعڪدة حاجبه وخشمه الجاي مثل السيف صغير وملموم
نزلت عيوني لشواربه سوود وصايرات ثخان اباوع لشفايفه بيها حمار وجان عاض عليها حسيت نفسي اگلته اڪل وهوه مبقيني ؏ راحتي وهادئ متحرك
::- شڪد احبج ! شڪد اموت بيج واشم ڪل شبر منج يولي انتِ دوهنتيني لعبتي بأحوالي گلبتي الطاوله ڪلها عليه
:- لهل درجة تحبني ؟
::- اوووو قليل هاي نقطه ببحر من حبي ماشفتي ڪامل ابد ماشفتي ڪامل اخاف اطلعلج بعد حبي وأذيج بي وتطغين بي عليه وتڪسريني لأن احبج
:- خايف بعدك ومفگر اڪسرك ؟
::- مليييون بالميه متأڪد راح يجي يوم وتڪسريني ساعتها ماعرف شراح يصير بيه وبيج
:- تنهدت وهوه سحب نفس وباس راسي
::- روحي غادي وانا سابگج اغير هدومي
:- هزيت راسي وهوه دخل للغرفه ڪمت رتبت طاولة الاڪل وجبت اللبن والمي وتمر وجايب مندي
انتضرته يطلع ماعرف ليش اجت عيني ؏ ذيج الغرفه بس فزيت من صوت شمرة باڪيت الجگاير
::- حدري بابا يلااا
:- هزيت راسي وهوه شاف عيني وين رحنه ڪعدنه ناڪل بهدوء وهوه مو عادته هيج ياڪل ويتصرف
بقيت ساڪته وناگل بهدوء
خلصنه لميت المواعين وغسلتهم وسويت اله جاي ووديته لگيته يشتغل ؏ اوراق ومفاتيح يمه ومسدس
شويه واجا اتصال طلع بره وهوه هم بالعاده ميطلع بره يتصل يبقى يمي ڪاعد لو شما ڪان الموضوع لعب گلبي ومارتاحيت
تسحبت ؏ ڪيف وطلعت وراه بدون ميحس لگيته بالجهة الثانيه للحديقه بقيت امشي ؏ اصابعي وصلت وصرت استمع اله
::- يولي بربوك اشنو تذبين سوالفج والبلاوي تبعج عليه
سوالفج ودروبج مطگطڪهن جواتي
يول انا ابليس يتعشى وينام وياي
تردين تجين تڪليلي حامل منك انتِ خلك ناقصه وگح** وصارلي سنه ماواصل شوڪت حبلتي من الحايط دوريلج غير حچه بنتي
:- انسد الاتصال واحس گلبي نخمش وصار يأذيني راح ناحيه الغرفه فتحها ودخل وصرت اسمع صوت الي بالمخزن يتأذه واشهـم يصرخ بوجع عليه
::- ول ياحيوان ماقهرتك دموووعهاااااا وهيه تتوسل بيك وتگلك لا عمووو فدوه اخاف اهلي ينتضروني ياگلب ياابن الگلب تصنتتت الي تصنننت فاهم تصنتتت شراح احجي
:- نصه صوته ومصرت اسمع احس گلبي صار يخفق خفق رجعت دخلت جوه واني صافنه بالفراغ
بعد ماعندي شي احجي او افگر بي وصلت للنهايه ويا شنو حامل شنو سنه مواصل شنو هذا الي بالمخزن وهذا الي بالغرفه فرڪت راسي وتمددت ؏ الگرويته
غمضت عيوني نغزات بگلبي صارت تروح وتجي وره ربع ساعه انفتح الباب ودخل
::- ها بابا نمتي
:- امممم لا بس تمددتت
::- شوڪت تردين نروح
:- العصر وره الصلاة گالت رفل نجي لأن بيبيتك تريد تشوفك هههه الي ؏ اساس امك شمر سلاحه والجگاير والمفاتيح واجه ناحيتي
::- شو هيج الحجي صايرر ؟
:- گنبص ڪبالي صغرر عيونه وهوه يدخن ، شنو هيج داحجي طبيعي واڪلك رفل شڪالت
::- عجل شنو بيبيتك الي هيه امك وهل حجي الجديد
:- درت وجهي وانطيته ضهري ماحس غيرر گرصني حيل من وره
::- بوڪت الي احجي معاج تصنتيلي مفهووم !!
:- بقيت ساڪته خزرته والدموع تجمعت بعيني من وره الگررصه
::- مفهوووووم ايڤ
:- وخررر عني ياخااين ياحقير وسافل دفعت ايده وگمت للغرفه وهوه لحڪني ردت اسد الباب بس دفعه سداه وقفله واجاني لزمني من معصم ايدي وهوه مفور من العصبيه
::- شبييج شنو هذا الحجي الجديد ولج واللسان
:- وخر عني اني مو حيوانه لو جاريه حتى تدوس عليه واسگتلك لا غلطان هذا زمان من جنت اخاف هسه بعد ماعندي شي اخااااااف منه لو اخاااااف اخسر
وخاف ابالك تهددني بأهلي عادي اقتلهم والله لأخليييييك بلوعتي وحسرررررتيي ويوميه يم گبري وترررررابي وتجي وراي وتموت من قهررررررك
والله يااااشهم ياحقيررررر عاف ايدي وذب الجگاره بالڪاع وداسها وهوه فاتح عيونه عليه متفاجئ من ردة فعلي
بس هذا ڪله واحسسس مطلعت الي جوايه من قهر وأذيه وفوك ڪل هذا الي سمعته ماعرف شلون قاومت ومصارلي شي
لعد شڪد گلبي صلف صار يباوعلي بهدوء واني گلبي يصعد وينزل محترڪه نار وصايره بگلبي ودموعي ماريدها تنزل
::- صار هيج الحجي مو ؟
:- اي هيج هيج شتريد سوي ضربته ؏ صدره اني تراجعت وهوه بقى ثابت بمڪانه دنك راسه حگاه ورفعه صار يباوعلي ماعرف شنو صار يفڪر
::- هيين انتضريني هين
:- فتح الغرفه وطلع 10 دقايق رجع وماعرف شنو جايب ويا شي بوزز حديد مدبب وبي واير نصدمت وتراجعت ليوره
مگدرت اميز شنو هل شي لأن ساده ؏ ايده قفل الباب وصار يباوعلي وهوه يرجف وعيونه حمر
::- نزعي
:- باوعتله بتفاجئ وخوف ماعرف شنو يريد تراجعت ليوره واني الرجفه اخذتني ، شش شنو شتگول
::- نزعييييي بابا لاتطلعيني من طوري
:- شتررريد شش شتريد اشهـم تخبلت شبيك فرك ڪصته بعصبيه
::- نزعي
:- شنو انزع باوعتله بخووف واريد افهم شبي
::- قميصج
:- سحبت نفس واحس حيلي بعد نهد من الخوف واني ماعرف شنو يريد وشنو ناوي يسوي ، شنو تريد اشهم بس فهمني شبيك
::- ووووولج يابابا نززززعييي هسه تعرفين
:- نزيت ويه صوته ونزعت قميص التراك وصرت عاريه گباله بس بالداخلي احس گلبي راح يوڪف
طفى الڪلوب وخله هادي بس يبين شمرني ؏ الجربايه وڪعد فوڪي واني صرخت بهستيريه:- ششبيك اشهم عفييييه تخبلت شنو بيدك شتريد تسوي
عض شفته بقهر ووجع وهز راسه متأذي
::- اطبع اسمي بيج حتى بالگبر يبقى وياج وللموت ولج يوليييييي تا بس تتذگريني وتحبييني
ماتضحڪين عليه وتوهميني تحبينيييييي
ليش بنياتي شسويتلج حتىَ تحجين هيج ها فهميني شسويتلج اشنو ردتي وقصرت بي عليييييج !!!!
جاي تصيحين بوجهيييييي وتهددين وتحرميني منج وج يولي محد ياخذج مني غير الخلقج محد يخلصج مني غير الي جابج بيا عققققل هيييج حجيتي
:- صرت ابجي بخووف وهوه يصيح عليه صرت ادفع بي واصيح وخرررر علي وخرررر تخبلت انت رسسسمي شنو توشم اسمي يامرريض وسايڪو اڪرررررهك
::- اششش ماريد صوت وابقي ثابته لاتتحرڪين
:- صرت اتراوغ ويا مراوغ اخير شي جسمي تعب من المقاومه ويمڪن هيج جانت نيته يخليني اتعب
حتىَ يسوي اسمه دنك باس گصتي ورڪبتي واني بقيت ساڪته
::- ليش تأذيني بالحجي يولي ولج انا بنملايه ما أذيج
:- فرش ايدي ؏ الجربايه حتى مااعيق شغله رفع الداخليه مالتي وشغل مالت الوشم وانطاني ايده الثانيه
::- عضيها بين ماگمل مراح تتأذين بس شوي
:- اخذت نفس وباوعتله بگره خله ايده واني عضيتها صار يوشم اسمه يم صدري متأذيت هواي بس اول مره
اخير شي خدر المگان خلص باس المڪان ورگبتي واني هادئه اريد اعرف وين يوصل
::- دوري
:- شتررريد هنوب
::- نامي ؏ بطنج
:- احس خفت وشگيت بي عرف بحملي ويريد يختبرني ڪام من فوگي ونمت ؏ بطني ووانطاني ايده
::- عضيها اذا توجعتي
:- هزيت راسي واني ساڪته صار يوشم بضهري ناحيت جتفي نص ساعه وخلصنه
::- ڪومي شوفي
:- رحت للمرايه اشوف اسمه مخطوط بخط حييييل حيل حلو ومرتب ويمها فراشه سوده
درت لضهري هم اسمه بس صقر صغير يمها مادري اضحك مدري ابجي مدري اضوج لبست ملابسي وطلعت عفته بالغرفه والمڪان صار شوي يلبگني
صفنت اني شمتزوجه واحد مخبل !!
موصاحي ابد وره الشي الي سوووواه بقيت صافنه وهوه مطلع من الغرفه ابد ولاطلع صوت رحت للغرفه شفته مدنك ويدخن جگايره ويبجي
صرت اباوعله من بعيد لو بس اعرف شبي وين يريد يوصل شنو يريد شنو يريد يسوي شنو الي يريح باله ماعرف ماعرف
صعبه دموعه تنزل وهوه جبل قوي وميهزك ياريح الناس تشوفه صلب بس هسه دموعه غدرته
گلبي حقير ماطاوعني عليه دخلت هوه شافني مسح دموعه والجگاره بيده
تربعت وڪعدت يمه لزمت جتوفه وتنهدت:- شنوو تريد وين تريد توصل شنو ببالك الي يريحك شنو شوگت تطلع من الي انت بي رفع راسه وعيونه بعيوني حمرررر سحب نفس وزفره
::- تأذيتي
:- عضيت ؏ شفايفي احجيلي شبيك
::- مابيه بس تعلعلت بيج وانتِ ماترديني
:- بقيت ساڪته وهوه طفه الجگاره ماحسيت غير مدني بالڪاع وصار فوڪي يبوس بوجهي
فتح رجليه برجليه ودخل بين رجليه رفع ايدي خلاهم ؏ راسه يريدني اتفاعل ويا صار يبوس بيه بهستيريه ماعرف بعصبيه
لزمت من شعره وجريته صار يقسى عليه اخير شي توقف وذب روحه فوڪي وراسه برگبتي وبقى ساڪت واني ماحجي شي
لميت ايدي ؏ حضنه لازم احتوي شوي بهل اوقات ماعندي شي اتصرف بي بعد رفع راسه وگال
::- ساعتين ونروح لأهلي حدري نامي بحضيني
:- سحبني وسد الباب شمر روحه ؏ الجربايه وفتحلي حضنه
::- حدري يمي حدري بنياتي
:- فتحت شعري ورحت يمه حضني ويشم بشعري
::- لاتعوفيني ولا تسوين شي وتفگرين بشي ايڤ
:- سڪتت مجاوبته حضني ونمنه
بعد فتره ✺..
:- ڪعدت ؏ صوته وهوه يصيحني
::- اييڤ فوفه ايڤي بابا يلاا راح يأذن مازين عليج
:- اممم
::- ڪعدي لا اخليج تسبحين هساع مرتين
:- ڪمزت من الفراش واماڪن الوشم شوي يوجعني
::- هساع فد شوي وانطيج عصاره الهن
:- هزيت راسي وهوه بقى يباوعلي بندم ماعرف شنو نضراته غريبه شديت شعري وطلعت رشيت الحديقه وتوضيت وصليت
وهوه يباوعلي واني گاعده ؏ التربه واسبح وسئلته ، اشهم ليش متصلي ؟
::- بيا عين اقابل ربج
:- رب العالمين رحيم غفور فاتح باب التوبه بأي وقت بقى صافن وساڪت ، توضى اذا تعرف وتعال نصلي
::- هاا
:- يلا حبيبي انتضرك ، شفته ابتسم وعيونه دمعت اجه باس راسي وراح للمطبخ توضى واجه جاب تربه ومصلايه وفرشها شوي گدامي وردت اعلمه بس استوقفتي
::- اعرف حبيبتي اعرف لاتڪملين
:- عفته ؏ راحته يصلي وصوته جان بي خشوووع وحنيه موطبيعيه خلص صلاه واني وراه صافنه عليه
صاره يقرا دعاء المناجات وحافظه حفظ صوته جان حنين ودافي دموعي صارت لا أرادي تنزل ويا خلص وسلم واندرلي ابتسم:- تقبل الله
::- منا ومنج بنياتي يلا جهزي روحج تا نروح
:- هزيت راسي ولميت السجاده ودخلت للغرفه بدلت وهوه لبس دشداشه سوده وجراويته والساعه
واخذ السلاح خليت عطر لزم ايدي وقفلنه الغرفه وطلعنه ورحنه لبيت عمي فتره قليله ووصلنه واول مادخله جان ريحة البخور طالعه
دخلنه وجانت البنات منتضرينه بالباب رفل وهج وتين راضي واشهب الگل موجود سلمنه عليهم واخير شي اشهب اجه تسالم ويه اشهـم بس شنو مو سلام حسيته گسر عضااام
گعدنه وبيبيت اشهم الي هيه ؏ اساس امه تعتب عليه وعليه لأن منجي وهوه وضحلها الاسباب بعدين ترخصت وڪمت وره البنات للمطبخ
وڪعدنه نسوولف سوالف مال اشهر صارن يحضرن العشه والحلويات محضراتهن صار العشه ومدينه السفره وتعشينه واشهب جان عين بأشهـم وعين بيه حتى استغربت هاي نضراته والله العظيم مدري شبي
شلنه السفر وغسلن المواعين وصبن الحلويات والجاي وڪعدنه نسولف وسالفه تجر سالفه
جان تحجي بيبيت اشهـم
- ها يبيبي ماڪو شي بالطريق
:- لا بيبي ماڪدر احمل هسه لمن اسوي العمليه هزت راسها وابتسمت ورفعت ايدها تدعي يرزقني الولد الصالح متدري اني حامل وضامه عنهم
ولحد هل لحضه مجاي اتخيل شگل وردة فعل اشهـم اذا عرف مامتوقعه شراح يصير ابدد
ترخصت اروح للتواليت هستوني اريد ادخل واسمع صوت ورايه الي هوه اشهب استغربت هذا شطلعه انوب لتصيرلي سالفه نفس هذيج المره
- بس انتضري خويه
:- رحنه لنص الحديقه ووڪف يسولف وياي
- اشهم جاب احد للبيت وللمخزن ؟
:- تفاجأت هذا شمدري بقيت ساڪته مجاوبته
- اعرف عرفتي بعد شغل اشهـم والاوراق صارت واضحه وانا سبب خطفج للبتاوين بس اريد اساعدج واساعد اخوي مااگف هيج وانا ادحك لأخوي راح يتدمر
:- شصاير ؟
- هذا الشخص الي بالمخزن لأزم يطلع لأن تابع للدوله والناس والشرطه والاستخبارات تدور ؏ الي خاطفه وعليه واذا عرفو يم اشهم ينتهي خلاص
:- بقيت ساڪته ماعرف شحجي
- حاولي تخلينه يهرب ايڤ خويه لاتصيرين سبب هلاك ودمار اخوي ساعدي لاتترگينه واڪو واحد بالبيت هم قنعي اشهـم يطلعه
:- انصدمت صدمه فوك صدمه ونربط لساني راح دخل هوه واني بقيت واڪفه حسيت الدنيه صارت تفتر بيه من الاخبار الي سمعتها ماحسيت بعد بس بطنين وغواش اسود ؏ عيوني ..
::- اييڤ ايڤ بابا تسمعيني
:- حسيت صوت اشهـم يمي بس بعيد بعيد صرت افتح عيوني شوي شوي وضرب الڪلوب بوجهي
اباوع احنه بغرفتنه شوصلنه شجابنه صرت اباوع لأشهـم بفراغ وهوه يريد يتطمن عليه
::- بيج شي تسمعيني بابا ؟
:- اممم
::- شصار وهيج تخربطتي
:- ماعرف شفت بزونه خفت وتخربطت
::- متأڪده ؟
:- اي اي ، بس صارلنه شگد من رجعنه
::- ساعه
:- انتبهت للوقت 11:30 بليل ڪمت غيرت ملابسي ولبست تراك اسود قصير حيل مال نوم بس اني محتره
سبحت يالله لبسته طلعت بره افتر بالبيت وبالي صار يم ذيج الغرفه ويم مفتاح الي يم اشهم
صرت اراقبه لحد ماضم المفاتيح ودخل يسبح
احس صار گلبي يدك بساع بساع دخلت للغرفه اخذت المفاتيح ورحت للغرفه فتحتها واني گلبي يدك
دخلت وماهمني شنو لابسه او شنو راح يصير المهم اشوف
شفت ضووه قليل حيل والغرفه نضيفه وريحتها حلوه وبيها گيس ملاڪمه وشخص متمدد بالڪاع واڪل يمه احس يبس الدم بيه وصرت ارجف
اريد اطلع من الغرفه ارتبگت واتلوهت بالزيد من رفع راسه وخنزر عليه احس بلعت العافيه
طلعت من الغرفه ارگض قفلتها ورجعت المفاتيح
واني اشوف جسمي شلون صار اصفر من الرجفه والخوف شلون هيج صرت قويه !!
شويه وطلع اشهم من الحمام واني احس خفت ؏ نفسي منه ومحد يحس بأحساسي لأن الي جاي احسه صعب ثنين زلم بالبيت وواحد بالغرفه اني شلون عايشه هيج وياا
حاولت اهدي من روحي وابين طبيعيه ويا حتى ليشك بيه نشف شعره وصاحني اروح يمه
::- مشتاقلج
:- ابتسمت واخذت نفس مادري ليش حسيت هاي اخر مره يحضني هيج مادري مادري احساس بشع ومو حلو راودني حاولت اتخلص منه ماگدرت ابد
باس رگبتي اخذني للجربايه وتمدد يمي جان يطلع اغنيه
" اسمك ڪتبته بالگلب "
وأسمك بعد ماينمحي
تنتهي الدنيا للبشر وحبي ألك ماينتهي..
مو أنته لي عيوني ضواه وأتنفسك مثلل الهواى
أتنازل وافديك العمر بس ألمهم أنته تبقى ألي
كل ما يدك هذا القلب أسمك يكولة بدكَته
كل مايحن الشوفتك بتخدوده تنزل دمعتة
لو غبت عني صدكَني يوكَف مايدكَ
لك أنسى روحي حبك صعب ماينسي
ما يعيش حياته بدونك دمه توكَف حياتي بغيبتك
لحظات اذا ما نلتقي أشتاكَ وأحضن صورتك
أني عليك أتعودت تمشي أنته ويا دمي صرت..
:- الغنيه جانت توصف ڪلمات خياليه تخبل توصل لأعماق الگلب وتوصلني حضني ويبوس براسي
::- عزيزة ابوها انتِ
:- يعني انت ابويه ؟
::- ڪلشي اصيرلج يابابا بس ترتاحين
:- تسوي شي يأذيني
::- ابد والله "عزيزة عيوني " انتِ
:- صار يبوس بگل وجهي وجسمي احس تبنجت هاي هيه انتهيت وراح ياخذني ويا صار يبوس ڪل جزء بيه عيوني خدودي شفايفي رگبتي..
باس راسي ونڪلب ؏ صفحه لفيت الغطه عليه وهوه لبس ملابسه ويدخن ويباوع عليه ويبتسم
::- تدرين شڪد الساعه ؟
:- امم
::- 2 ونص بليل عجل شڪد تعبتيني واريدج بعد
:- ضربته بصدره وضميت وجهي تعبانه هستوه جاي يحجي ورن تلفونه صار يباوعلي ويباوع للأسم
اني شڪيت بيها نفسها واحس گلبي صار يوجعني راد يڪوم لزمته من ايده ، جاوب هنا
::- اتصال مهم بابا هسه اجيج
:- جاوب هنا وافتح سبيڪر حسيته قلق وصار يباوعلي بنضراات انو اغير گلامي بس اني اصريت ؏ هل شي فتح سبيڪر اجه صوتها وهيه تضحك
- شنو باشا بعد ماتجي گطعت بينه
:- سد الخط واحس الدموع تجمعت بعيني واني ؏ فراشنه هيج يصير ؟
ڪمت واني لافه الغطى عليه
لفيته وشعري تخربط ودموعي صارت تنزل ياحقيررررر اگرهك تخوووني موووو والله ماتستاهل ونذل من أمس ششڪيت
ڪمز خايف عليه ويريد يلزمني
::- بس اهدي والله هسه افهمج بنياتي ماتعرفين شي
:- اششش وخر عني لاتلزمني ابد
::- طالع طالع بس اهدي وبعدين نححي
:- ااااااطلع برررراا يلا اطلع صرت ادفع بي من ضهره قفلت الباب ورحت للحمام ڪعدت جوه الماي وابجي
ماعرف شسوي بروحي ووين اروح
امس سمعت وغلست ڪلت بغير وگت احجي بهل موضوع وهسه لاا لا بعد ماتحمل لا ڪافي لازم اخلي يطلڪني مسحت دموعي وعيوني صارت تحرڪني طلعت وبدلت شفته يدخن
تدري شغله؟..
جاوب بعدم امبالاه:- ڪولي
:- دنڪت راسي وگلبي يعتصر اڪرهك طلڪني
::- ول خالي يجرالج ، عوفيني
:- جاوبت والدمعه طفرت من عيني وعشرتي؟..
::- مو تردين تتحررين من سجني لبيه خالي تحرري
:- بلعت غصتي وشتت عيوني عنه .. انا سويتلك ڪول وشسويتَ اليه نطيتك گلبي والروح وانت تنطي بيه شفته ابتسم وهوا يرفع راسه ويزفر النفس
::- لج يولي گل عقلج اعوووفج واطلڪج
:- تخوني واحنه ؏ الفراش
::- والله ماخنتج لج يولي سويت المستحيل تا احصلج وتالي اخوفج ڪل عقلج انتِ اله مخبل
:- لعد شنو هااي
::- والله وداعت امي شغل لا اڪثر موصيها ؏ ناس يجون تسحبلي اخبار منهم
:- نذل
::- ميخالف بس احبج بيوم الي اخونج طلعيني من حياتج لو اموت ؏ تراب رجلج بيوم الي اخونج طلعيني من حياتج
:- سڪتت ورحت تمددت منشفت شعري اجه صار وراي واني دفعته
::- والله شغل يابا وداعتج وداعت امي ماعندي شي
:- عوفني
::- جوعاان
:- شتريد ؟؟
::- تشريب مال گعك وشبزي
:- نزيت وصرخت شنوووووو
::- خرب بيج نززتيني ماعاد اريد شي
:- احلف عليك مخبل
::- بيج غير !!
:- وخر خلي انام حضني قوي وسد حضنه عليه ونمت من النعاس ..
بعد فتره ✺..
ڪعدت الصبح وحدي مو اشهـم ڪعدني مشفته بالفراش بس صوته بره لميت شعري ومشطته گوه طاح
يالله طلعت شفته مسوي الريوك وباله مو وياي بس صبح عليه ڪعدنه نتريك وهوه اتصالات ترڪع
مر الوقت وتغدينه وهوه ماله نفس صار المغرب صليت وهوه يدخل ويطلع للمخزن اخير شي اني صافنه عليه
جان يدخل للغرفه ويفتح لباب لأول مره جان يطلع رجال منه جبير شاد عيونه وحلگه وايده يمشي بي
ردت احجي سڪتني
::- اششششش صوت ماسمع فاهمه
:- صرت ارجف من الخوف واني اشوف رجلي شيسوي وحابس ناس احس الخوف حاوطني وعقلي طار مني
بقيت بس اسمع صوت الصياح وطلقتين ناصي صوتهم
طلع ماشفت روحي غير رگضت للتلفون واتصلت ببابا واني ارجف واحجيله
بقى يصيح واني توترت وارجف طلعت ارڪض بره جان اشوف اشهـم معلگهم ويضرب بيهم قوي بأيده وبالاسلحه بس مضاربهم مسدس
صرت اصرخ شافني وعيونه صارت بگصته وايده تنزف دم ماعرف خفت عليه ماعرف خفت ؏ روحي
اجه باتجاهي وهوه ايده الاثنين متروساات دم لزم وجهي بثنين ايده وباس گصتي
::- معليج بيه وبسوالفي الله يخليج بابا بس لاتعوفيني جاي اصفي حسابي وياهم
:- صرت ارجف ولازمته وابجي لاترووح اشهـم والله راح ياخذوك مني لاتروووح اشهب گلالي لاتروح عفيه طلعهم من البيت راح تتورط ويجوك عفيه الله يخليك تعال
::- شجايييييييي تحجيييين انتِ
:- عفيه راح اتقيييييئ ريحت الدم خنڪتيييي تعاااال للبيييتتتت تعااااال عفيه سحبت ايده واني اريد الفها حتى يوگف النزيف
شفت ڪزازه داخله بأيده صرت ارجف وشفايفي يبسسستت احس راح اتخربط بس قويت روحي گوه عليه صرت اباوع بعيونه وابجي
:- خاف تتأذه اشهمي
::- يمج انسئ الاذيه بنياتي
:- تحمل لخاطري انت مو تڪول اموت بأذيتج واتعافه منج !!
::- طلعييهااااااا يلاااااا معليج
:- طلعت الگزازه وهوه صاااح لفيت ايده وواحنه فايضين دم وخدوودي بيها دم واني ارجف
لزم ايدي وعصرها قوي
::- أذيني بيج بروح امج انا اتعب بيج
:- الزم خصري
::- هذا موت ؏ البطيئ
:- سحبني من خصري وقربني عليه وعصره تأذيت بس سڪتت دنك راسه ؏ نحري وشماه غافلته دنڪت راسي وطلعت الگزازه الثانيه منه
ونششغ نشغه قويه احس نمرد گلبي عليه بس مابيدي شي اني راح اتخربط مو هوه
اششششهمممم اشهم اسمعني عفيييه فدوه ابوس ايدك طلعهم من البييييت عفيه راح ياخذوك مني بس يعرفون بيهممممم الله يخليك لك اني خبرت ابويه صفن بوجهي ودفعني عنه
::- شڪلتي ؟؟
:- اي اي طلعهم مناااااا ماريد ياخذوك مني صار يباوعلي تقدم عليه واني
واڪفه وعيني بعينه ولازم ايدي سحب الشماغ الي ؏ متونه لافه ؏ وجهه يريد يشرد من السطح عصر ايدي بندم وبخيبه حسيت بنفسي هنا صدك ڪسرته الڪسره الجبيره تقدم وشم راسي وباس ڪصتي
::- اول جريمه اتوب عليها ، تاليتج ڪِسرتيني طيره!!!
:- بجيت بصوت عالي حيل واحس تربطت تجاهه
::- اشتڪيتي عليه ايڤي تردين ياخذوني؟
:- لاتروح عفيه
::- لج القوات راح يحاصرون المنطقه شسويتي يولي عبالج ترتاحين وتخلصين مني وتفترين بڪيفج!
:- خفت عفيه اشهـَـم لتخليهم ياخذوك شد اللثام ؏ عيونه قوي وحضني وبجه بڪتمه
::- " ڪسرتيني وانتِ اول فرحتي"
:- باس ايدي واني بقيت اشهك واصرخ بهستيريه راد يصعد الدرج وصوت الشرطه وسيارات هواي بره وڪفت توقف عن الحرڪه واني جمدت اطرافي ويبس حلڪي
::- اجو خالي!!؟
:- اضمكَ بروحي ولا ياخذوك
::- طيرتي
:- بقيت لازمته من جتفه وابجي وسمعنه صوت بالسماعه صاح
" سلام نفسكَ اشهـم صدام المڪان محاصر والبيت مطوق لا تخسر نفسك"
صار يباوعلي بحيره وعرف نفسه تحاصر سحبني عليه وڪعدني بالڪاع وبقى حاضني قوي وصدره نار جمره واني اشهك بحضنه
::- ليش طيرتي ليش يافرحت سنيني
:- والله ماعرف مواانييي والله ماسووويت شي
::- حاصرو المڪان باباتي
:- لزمت قميصه ودفنت راسي بصدره واشم بي واصرخ لاااا اشهـم عفيييه والله احبك والله صرت احبك لاتعوفني ابوس اييييدك والله احبك
::- يصيرلج تراب اشهـم
:- وخرني من حضنه ودموعه بخده وعيونه حمر لزم خدودي واخذ شفايفي حيل وعضاها عض واني ابجي
امشششي امشي نشرد اشهـم
::- ميفيد راحت ورقتي يمهم بعد
:- اندفر الباب واني وياا گمزنه دخلو ناس لابسين اسود هواي توزعو بالبيت وابويه وحسن وياهم السلاح صار براسي وراسه اشهـم بقيت
واڪِفه وضهري بصدر اشهـَــم سحبني والحجاب ؏ راسي وضامني وره ضهره والسلاح براسي وبراسه قريب واني مجلبه بقميصه واصرخ اريده يذب السلاح رأستنا بابا حجه وگأنو يعرف الموضوع
- لك بابا محد من عدنه اغتصبها ذبببب السلاح من ايدك
:- واڪِفه ارجف وهوا يأشر بالسلاح ؏ ڪِل واحد ولازمني وينهت حجه بحزن
::- عجل ڪِبال عيني عمي تهون عليه تبعدني منها
- ولك بابا ذب السلاح
::- خلي ينزلون اسلحتهمممممم لا افجر المڪِان
:- ابوي انطه نضره لواحد من الضباط والبقيه نزلو سلاحتهم غمض عيونه اشهـم سريع ووالضباط غافله سحب سلاحه وضرب اشهم طلقه صرخت واني احضنه
:- لااااااااااااااااااا اشهـَـــم لاااااااا
وڪِع بحضني ڪِدام انضارهم واجه عليه حسن وبابا طايرين يردون يلزموني وياخذونه مني واني لزمتت بصدره وهوا مايحجي بس فاتح عيونه ويتتفس سريع لزم خدي وصاح بخفه
::- طلع ضباطك عمي مرتي مڪِشفه عي** بيهم
:- لزمت خده ودموعي طاحت دنڪِت راسي وبسته بخده ، الله جازاك اشهـَـم مو اني والله مو اني اني صرت احبك والله اشهـم لتعوفني فدوه اريد اخبرك خبر حلو لزم خدي وهوا يلقط انفاسه الاخيره
::- أيڤيني
:- تروحلك فدوه ياعمر ايڤينتكَ بلل شفايفه وصار يغمض عيونه شوي شوي
::- احبچ
:- ضميته لصدري وصرخت بصوت عالي لاااااااااااااااااا لااا لااااا لتعووووووفني حبيبي انت لتعوووووفني
صرت اتنفضض واحس مي صار جواي واني لازمه ايده واصرخ واشوف شلون اشهـم مغمض عيونه والجفيه بيدي صارو يجتفونه وهوه مغمض..
.......................
- هم ترحين مني
:- حجاها بخوف وقلق سحبت نفس قوي وگتله هذا افضل حل علي انو ننفصل اني وياك ما نتوالم
- اله مخبل ميوسه ماعوفج روحي صارت بيج
:- سڪتت الله گريم هسه لمنو تروح خالتي حضني قوي هيج عوزه يدخلني بصدره مادري وغفيت
ڪعدت تالي الليله ؏ بوسات وعضات خفيفه
فتحت عيوني نعسانه شفت علي فوڪي صاير ويبوس بيه ويفتح بملابسي نزيت وهوه رجعني يهديني
- اششش بس ثبتي بسرعه تخلص
:- شدسوي علي
- مرتي اريد حقي
:- وخر وخر مو جاياتك السوادين بنص الليل ضحك خفيف ورجع يڪمل الي بده بي واني اتراوغ مراغ ويا صرت اخرمش بي واريد اطلع من جواه وهوه ساد حلڪي ومقيد
حرڪتي رفع ايدي ليفوك وعصر خصري وهوه سالبني من ملابسي واني گلبي شوي ويطلع ودموعي صارت تنزل من الخوف
- هدي نفسج اثبتي ..
:- صرت اتحرك قوي وابجي هستوه يريد يدخل عليه واندڪت باب غرفتتنه بفزعه هوه ڪمز من واني سحبت نفس ولفيت الغطى عليه اسمع صوت منال تڪول
- الحك علي ماما تخربطت
:- طلع وراها علي وهوه يسد بقميصه وملابسه اني استحيت من اخته وهلگواد ماستحه شڪول شڪول گبرررر بسيطه علي تغدرني واني نايمه اله اگطمه الك
ڪمت لبست وعدلت شعري شمرت الحجاب وطلعت شفت بس منال باقيه تروح وترجع بقلق وتبجي ،
ووووجع ولج عليمن تبجين شبيها خالتي ليش تفاولين عليها
- ماشفتيهااا ميوسه ماشفتيها تنگت وصايره صفره لحد مغمضت عيونه
:- صفنت بيها وبخوف سحبت نفس من گلبي اني هم جانت عندي ام بس اخذوها مني المايخافون من الله
- منو اخذها
:- رديت عليها بسرعه مم محد ماتت وحدها قصدي هزت راسها واني اصبر بيها واحجي وياها محروك دمي هم مگروده خالتي خلفت هالنقاص عليوي العار
- ياااا ميوووسه ليش تحجين عليه هذا اخوووي ورجلج
:- رجلييي ؟ ولج گولي صخامي لو تدرين شسوه
اخذت الموضوع هيه بضحك واني ارتاحيت
- ههههههه شسوه هنوب المگرود
:- مگروووود !!!!! عمي اني المگروده وبعدين ڪولي شما سوووه
- احجييي ولج شسوه خوفتيني
:- تخيلي هالناقص اخوج راد يغتصبني المامحترم
- شنووووو
:- العار يغتصبني ماحس هاي غير غصت من الضحك
- يااااااااا ربي رجال يغتصب مرته يييييمه بطني
:- وسسسسم حقج ماتصدگين لڪيته ينزع هدومي واني نايمه الخايس يجي لو مايجي اله اگطمه اله المتباهي بي
- لاااا لااااا ميوسه انتِ ابد موطبيعيه متأڪده صاحيه ؟
:- اي لعد شبيه بقت هيه تضحك وتهز براسها تصفن وترجع تضحك حقج ماتحسين بيه راد ينتهك برأتي الگواد ويعلمني ؏ سوالفه السوقيه
صرت اروح وارجع وافڪر شسويله بسيطه مروقت بحدود الساعتين وجابو خالتي ؏ عوجيتها
يمن فدوه لهل وجه النوراني مو وجه ابنج المفحم رحتلها وحضنتها ومناال اجتها
- مابيه شي يمه لاتخافن هاي انه گبالجن
:- اي والله خاله لو ماوجهج هذا الي اصبح بي جان اني هسه تلگيني بالفتحه السابعه من وره ابنج
صارو يضحڪون وعلي خزرني راحت خالتي لغرفتها واني جلبت بذيلها گأني فار هيه ضحڪت وافتهمت
- تعاي يمه اريدج بغرفتي بشغليه
:- ردت احجي جان ينط علي
- هااا حجيه اڪلج هسه انتِ تعبانه خليها لباجر
- روح وليدي اريد مياستنه يمي احجي وياها
:- حسيت مي بارد وطاح ؏ گلبي شفيت غليلي بي ولو شويه ورحت وره خالتي وهوه صار يحرك بروحه حرك
منال تباوعلي وميته ضحك حتىَ همه استغربو ضحڪتها بس اني افتهمتها دخلنه وهيه نزعت عبايتها ومنال شربتها دواها
السگر معلك وضغطها
جان راحت بيها وصار بيها جلطه تمدتت وصاحتني
- شبيج يمه عرفت وراج سالفه
:- مابيه خاله بس ابنج راد ينتهك برأتي
- شنهوو؟
:- برأتي برأتي منال متحملت تمدتت بالگاع من الضحك اريد اعرف ليش تضحك جان ارتاحيت
خالتي بقت تضحك ؏ ضحگتنه
- ولج منيله شگاعد تڪول هاي
- يمه تڪول رجلي يريد يغتصبني انتهك برأتي
- يااااع علي يغتصب مرته
:- مو اگلج خاله متصدڪيني ابنج سرسري ومتوحش هستوني ردت احجيلها المقتل انفتح الباب وعلي صاح بيه
- ولججججج ميوسه
:- ڪمزت لجربايه خالتي وصرت وراها بخوف وهوه يخزر بيه يريد بس ياگلني
- ها ها يمه سالمين شڪو تصيح عليها ؟؟
- خلي تجي اريد احجي وياها
- مو ڪاعد تشوفها يمي اسولف وياها شو ماتحترم
- لا حجيه مو هيج
- اطلع ولك اطلع بعدين حسابك
:- بقيت اضحك وهوه فول من العصبيه ولا گأنو جبير طلعته خالتي من الغرفه غصبا ماعليه
- تعاي ولج ڪابليني شتردين شبي عليوي ؟
:- مابي عمه هيج نتشاقه اني وياها الغالي هذا ابتسمت بوجها وڪمزت لمنال سديت حلڪها
بقينه ڪاعدين يمها شوي نتطمن عليها ومنال راحت وفرشتلي بالگاع ونمنه لوين احس روحي طايره بالهوئ اني مو بالڪاع
فتحت عيوني بنعسه شفته علي شايلني واني حسبالك ملك الموت ماخذني انتفضت بساع
- اشششش ماريد صوتج يطلع
:- ردت انزل بس هوه سرع بخطواته دخلنه للغرفه وقفل الباب ونزلني
- انتهك برأتج مو واغتصبج
:- اي والله ايا عار ؏ هل دگه ولك نايمه شلون تريد تغتصبني
- وين مغتصبج بربوك
:- ولك عار ابن العار تجي ؏ ميوووسه دتعال رگض عليه يريد يلزمني واني طفرت للجربايه
راد يلزمني نزلت رڪضت للباب سحب النعال راد يلزمني نومت روحي للڪاع ودهربت خليته يعثره وگمت ؏ السريع
وبالنعال ؏ ضهره وين ماتجي ايدي بالنعال يريد يدور تلوهته ماخليته يشوف دربه ابد
- ولج صبريلي ميوسه اذا ماني** صفح ماطلع علي
:- ايا ڪواد ؏ هل غلطه تعال ولك تعاال صعدت فوگه وهوه لزمني يريد يدورني وينزلني واني استلمته عض بجتفه برڪبته براسه بذانه
- اخخخخ ولج عوفيني موبنيه جلب
:- نزلت واني فحطانه والنعال خذاه بقه واگف يباوعلي ابتسم وهوه يمسح بضهره متأذي صار ينزع دڪم قميصه ويتقدم عليه
- وين ترحين مني بعد ياهو يحميج ؟؟
:- جنت منتضرته يجيني تقدم عليه لزمني واني رگنته بالمنطقه الخضرااء حييل نزل جسمه وعاف ايدي واني رڪضت للحمام
وقبل لاادخل ضحڪت وشمرتله بوسه بالهوئ ، حتى تعرف ميوسه منو حيااتشششيييي
قفلت الباب وهوه يتلوى
- الزمج لو مالزمج جايج ميووسه بت ال
:- راد يغلط وسڪت واني افرك بيدي تعورت بس والله خوش گتله حصل حييل بي يستاهل حتىَ مايتجرأه بعد يسويها بيها
ويحسب الف حساب
بقى يتوعد يريدني اطلع اخير شي تعب وسمعت صوت الباب نفتح بقيت بالحمام مطلعتَ اخاف يضحك عليه بعدين مسمعت ولا صوت مديت راسي مالڪيته والباب مسدود
رڪضت ؏ الباب قفلته ورحت للجربايه اضحك ذبيت رروحي عليها هستوني تغطيت ماحسيت غيرر احد لزمني من رجلي واني صرختتتتت وبقيت ارافس
- وين ترحين مني ولج
:- طرگاعه عليك حتى ملك الموت من يريد يقبض الارواح مايطلع منا ياناقص ؏ هل دگه طلع من جوه الجربايه وهوه يضحك
- وتالي وياج ميوسه هنتي حتى الشوارب الي عليه طول بعرض برتب بزلمه تالي اختلج جوه الجربايه
:- بقيت اضحك واني الهبطة مال اللزمه بيه اجه يمي حضني بدون ميسوي شي لو يعاقبني لأن ضربته ارتاحيت واخذت نفس الحمدلله نمنه ..
بعد فتره ✺..
ڪعدت ؏ صوته ينده بيه
- ڪعدي يالملاگمه ولا توقعتج هيج خطره
:- ضحڪت ومديت جسمي ، حتىَ تتحذر مني مره لخ
بقى يضحك وطلع واني لميت شعري ولبست حجابي وطلعت
ڪعدنه نتريك محضرين الريوك قبلنه صارو يسولفون ؏ عملية خالتي وعلاجها والرجعه للبصره وانسدت السيره
مرالوقت طبيعي وروتين عادي وعلي راح للشغل رادو ورجع صار المغرب وهستوه دخل علي شرب مي وڪعد جان يرن تلفونه ويطفر مفزوع
- لزمتووو ؟؟؟؟؟ جاي جاي الله وياك
:- طلع وسحب سلاحه يرگض واحنه نسئل بي
- رجل بت محمد ايڤ لزموو
:- حسيت گلبي عصرني وجان..
ييييييتبع
...........................
.
.
.
.
.
.
.
.
.
هم گولو قصير يابه ماقصرت وياگم ابددد ابدد بالله العظيم
ولاتنسون التصويت والمتابعه
حسابي انستا: La_ran0
حسابي تلي بي بطلات: la_ran0
مودتييييي يابه بقن 6 بارتات ونخلص
يلااا
في أمان الله وحفظه
الكاتبه: LARAN❤️