مساء الخير..
لاتنسون التصويت/متابعه الحساب/تعليق بين الفقرات
#احلام_محطمه_بقيود_الزواج
#بارت14
ـــــــــــــــــــــــ
انته الوحيد الگلبي اجبره على نسيانه
داويته جرحك يلعفتني جروحي بردانه
مرات منريد البعد بس الجرح يجبرنه
نشتاك لاكن للاسف الوجع اكبر منه
اسف بعد كلشي انتهى
ومابقى شي يجمعنه
وهاي النهايه توثقت
ونتهت قصه حبنه
ـــــــــــــــــــــــ
شذر: لكككك انييي اليي ماريدككك ولا اطيقككك طلكنييي بسام اذا انتههه رجااااال طلكنيي
بسام: اييي اطلكجج حتى انيي ماريدجح تبقين على ذمتيي ماريدجج
شذر: خوشش اليوممم خميسس الاحد الكاك بلمحكمه اطلكني وماريد اشوف شاكلتك واولادي الي ماتاخذهم لو تموت
بسام: خوشش الاحد الكاجج بلمحكممه
سد الجهاز بوجهي واني افور من العصبيه لو يمي ماخلي بي شي صاحي على هاي اعصابي
كعدت بلغرفه واني اغلي نيران وبراكين بداخلي ماتطفى نزلن دموعي على خدي احسهن يحركن خدي من كد ماحارات احس الشهكه بصدري بس ماكدر اشهكها تعبت والله تعبت ليش هيج صار ويانه واحنه جنه عائله ينضرب بيها المثل هسه صرنه مانفضه من المشاكل
بقيت بلغرفه افكر اوي كل ذكره تنزل دموعي اكثر
تقريب الساعه ومسحت دموعي كمت وكفت اخذت نفس اهدء نفسي وعلمود الشهكه ماتبين بصوتي
تنهدت وطلعت من الغرفه
اهلي البنات كاعدات الي تدرس والي تسولف امهاتي بلمطبخ الخارجي يطبخن والجهال كل عاده يلعبون ويه ولد خالهم
تقدمت وكعدت يمهن كالن
_ صح النوم
هزيت راسي وسكتت عبالهن جنت نايمه بس اني اعرفهن اخواتي يعرفني كلش زين جنت ابجي بس ماجني علمود ارتاح
كلت
شذر: براء ليش راحت
رحاب: زوجها مايقبل تضل اكثر واجه اخذها
شذر: خطيه والله
رحاب: هوه بكل مره هيج مايخليها تضل هواي
شذر: اي هيه حتى من تجي عليه ماتبقى هواي
رحاب: اي لا وبنيتها هم لو مريضه لو شو شبيها
شذر: اي الجهال وين؟؟
رحاب: يلعبون ويه الجهال
شذر: هسه يكتلوهم
رحاب: لا ماعليهم جاي يلعبون
هزيت راسي وسكتت كالت رحاب وهيه ترفع راسها من الكتاب
رحاب: خابرتي؟؟
هزيت راسي وكلت
شذر: اي
رحاب: وشكالج
شذر: الاحد نطلك
جان كل كلامنه بهمس البنات ملتهيات وحده تسولف ويه الثانيه واني كاعده يم رحاب ونسولف بهمس كالت
رحاب: شنو شبيج شذر تخبلتي تطلكين وانتي عندج 2جهال منه علمود سالفه تافهه بس سويله كرصه اذن
شذر: لا لا رحاب تعبني والله قابل انتي ماتعرفين ابمشاكلنه شو كلشي تدرين بيه انتي
رحاب: اعرف والله بس شذر لا تضيعين جهالج انتضري اصبري بلكي يستعدل ويرجع بسام القديم صبري علمود جهالج محد يفيدج
هزيت راسي وسكتت
مر اليوم عادي والبعده هم عادي لمن اجه يوم الاحد
ماكو خبر ولا سمعت شي مو عساس اليوم نطلك
اني ماريد اطلك جذب بس اريده يحس على نفسه انو هوه بهاي سوالفه راح يشتتنه ويدمر عائلته بسام مو بس زوجي بسام كلشي بحياتي فتحت عيوني عليه تعلمت شنو معنى الحب ويا بس هسه راح يدمرنه
كل ماطك روحي واريد اتعرك ويا
اروح ادك عليه مرات يجاوب ومرات يغلس مايرد اني من يغلس اشتعل نار اصير ادزله رسائل وهم مرات يفتحن ومايرد ومرات اصلا مايفتحهن
طكت مرارتي نجنيت ليش لسه ماجه رجعني ليش لسه ماراضاني معناها مكيف لان اني مموجوده وماخذ راحته
دزيتله رساله شويه وفتحه وطلع جاري الكتابه لو اني متت شوكت اشوف رده وشلون حركت اعصابه جنت كاتبتله
شذر: انشالله متونس ويه كح....
انتضرته يرد رد كاتبه
بسام: اي مالج علاقه متونس ويه كح.. مزوج مالج علاقه
شذر: اي هوه انته هاذا الي يفيدك والي تموت عليه الكح.. هنه هذني الي من مستواك
بسام: ولججج شذرر والخلق الكعبه لو يمي اذا ماشركج ثنين اطلع ابن كوا..
شذر: الي بيدك سوي ماتخوفني ولا تهز شعره مني
بسام: لجج منين جايبه هايي الصلافه ولجج ماكو كحب.. وصلفه غيرج انتي
شذر: بسامم هاييي عليهه كح.. لعدد الي عندك شنووو شريفاتت
بسام: اشرف منج
تخبلت احس عيوني صارن دم من كلامه دكيت عليه رد كلت واني اعيط
شذر: منووو الي اشرف منيي بساامم منووو ندى لوو هدوشش لوو غيرهاا الاشرف منيي كلي الي على الويجات لو الي على الانستا اشرف منيي انتهه لان كواد عندك اياهن شريفاتت واني ماريدك ولا اريد شوف وجهك طلكنيي اني موو مو شريفه وكحابك اشرفف منيي طلكنيي شسويي مخليني على ذمتك لحد هسه
بسام: اقسممم بالله ياشذرر لوو مو اولادي مجان خليتج لحضه على ذمتي
شذر: طززز بيك وباولادك طلكني ماريدك لا انته ولا خلفتك اخذهم وروح خلصني منك تعبتتت تعبتتت
بسام: دزييي الجهال يلا دزيهم بيد لؤي واني اطلكج
شذر: اي هسه وماريد اشوفك غير بلمحكمه
سده بوجهي واني انفث اعصاب ميته شلون يكلي اشرف منج طلعت ندى وهدوش اشرف مني مو سهله سهله بسام
هاي هم قبل فتره تعاركنه علمود هدوش متعرف عليها عن طريق الويجات ويراسلها وكل مشاكلنه بسببها
تعبت هم خيانه وهم ذل وهم ضرب والله تعبت
الجهال مادزيتهم اله ولاهوه خابر وكال دزيهم
ضل الوضع هيج مثل ماهوه لمن الاوضاع هدئت بس مابطلت اراسله لو ادك عليه ونتعارك
بيوم بليل ندكت الباب راخو اخوتي فتحوها
شويه ودخل اخوي كال هشام اوبسام بلمضيف
ضليت اكل بضافري اني ماكدر ارد عمو هشام لان هوه يحترمني ويعزني واني هم فاذا مالي ارجعي وتراضو مستحيل اكدر ارفض
سوينه الجايات واخذوهن يقدموهن كاعدين همه بلمضيف واني بلصاله انتضر شي صير شويه واحه اخوي كال يصيحوج بلمضيف
رحت ركض البست حجابي ورحت للمضيف دكيت الباب ودخلت
لكيتهم كاعدين يسولفون سلمت عليهم وعمو هشام اكلني بلسلام وبسام بس رد السلام واصلا ماباوعت الوجهه كعدت بجهه وحدي كال عمو هشام
هشام: ها بويه شلونج
شذر: بخير عمو انته شلونك الاهل شلونهم
هشام: الحمدلله بويه يسلمون عليج
شذر: الله يسلمهم
هشام: الله بلخير ياجماعه
&الله بلخير والعافيه
هشام: شوفو يابه اني جاي طباب خير اني اجاني بسام وكال عمي صارت مشكله بيني وبين شذر وكبرت واني مجان قصدي اضربها بس مدري شلون وضربته وخاص بعد ماطولت السان وياي فقدت اعصابي وماحسيت على نفسي واني اضربها كدامهم وطبعا اني مارضيت على اىشي الي مسوي بسام لان هاذا عيب وغلط ومو من مقاب شذر تنضرب هيج وكدام الي يسوه والي مايسوه واني اليوم اجيت نصلح الصار ونرجع الكلوب ونصفيها وهسه بسام يعتذر مت شذر كدامك ويبوس راسها ويكول بعد ماعيدها ها بويه شكلتو
سلمان: اول شي يا ابو علي الشي الي سوا بسام غلط اني مامنطي بنتي فصليه حتى تنذل وتنضرب وتنهان على كولتك كدام الي يسوه والي مايسوه اني اريد رد اعتبار البنتي وماريد هاذا الشي ينعاد اما ترجع ويا هاذا القرار الها مو النه
هشام: لا اكيد مو فصليه ونعم منها شذر معدله وبت اصول ونعم ماربيت سيد والصوج اكيد بابنه هوه ماعرف يصرف ويحلها بهدوء وياهن وهسه يابويه شنو رئيج
تنهدت وكلت
شذر: شوف عمي انته على عيني وراسي بس اني مستحيل ارجع ويه بسام بعد كلشي سوا
هشام: بويه اني اجيتج من طريق طويل ترديني واني مفشل وسفه والله وثاني شي الي سواء بسام مايرادله هلكد يعني جنتي تكدرين ابيتج وتحليها ويا
شذر: عمي والله اعزك واحترمك وجيتك على راسي بس شلون تريدني ارجع ويه رجال يكلي الكح...* اشرف منج وعذرني على كلمتي هاي كدامكم بس عمي بسام يشوف الكح*** اشرف مني شلون يامن يخلي كح** ابيته
هشام: شنو شنو هاذا الحجي بسام؟؟
تنهد وكال
بسام: عمي والله جان بحاله عصبيه لان هيه ستفزتني وشوف الرسائل اذا تريد وهيه ام بيتي واولادي شلون اكول عنعا هيج بس والله بحاله عصبيه هسه اذا تريد اعتذر منها وابوس راسها بس خل ترجع البيتها هيه واولادها
شذر: خوش ارجع بس انته بصفحه واني بصفحه ونضل سوه بس علمود جهالنه لان مالهم ذتب بلي جاي يصير ويانه
بسام: هاي هيه ارجعي ومالي علاقه بيج نهائي
شذر: خوش
هشام: كوم بوس راسها وعتذر يلا واخذ مريتك وردو البيتكم
كام تقدم باس راسي وعتذر ماحجيت شي ولا باوعتله باوعت لابوي كال
سلمان: كومي بويه جيبي غراضج ورجعي الدارج
هزيت راسي ورحت دخلت للبيت جمعت ملابسي ولبست عباتي وجهالي مكيفين راح نرجع البيتنه
سلمنه عليهم وركبنه السياره ومشينه واني احس الضوجه واصله الف عندي
وصلنه للبيت اباوع للبيت صاير عباره عن تراب مبين ماجان يكعد بيه اي لان زينب تكول اكثر شي يجي يمنه غداء وعشاء
ذبيت غراضي ونضفت الاماكن الي ينامون بيها فرشت البسام وعمو هشام سوه بلغرفه الثانيه وبدلت للجهال ونيمتهم وكمت انضف بلبيت اسمع سوالف بسام وعمو هشام
طولت هواي يلا خلصت تنضيف احس حيلي نهد
دخلت سبحت ورحت للغرفه انام بعد ماهدء صوت حجيهم ونامو للصبح كعدت وبسام كعد مانحجي سوه طلع جاب ريوك واجه كعدو الجهال واني داسوي ريوك بلمطبخ اسمع الجهال يكلون العمو هشام
حوراء: جدو تريد تدخل للحمام الداخلي
هشام: اي جدو
مهدي: لعد جدو ماما ماتقبل ندخل الهاذا الحمام بس نسوي بوله انته هم سوي بس بوله لان ماما ماتقبل نسوي ****
اسمع ضحكت عمو هشام ملت البيت واني غطيت بهدومي لان فعلا اني معلمتهم بس يسون بوله بهاذا الحمام غير شي يطلعون للحمام الخارجي اسمعه يكلهم
هشام: اي جدو اعرف هوه بس بوله
مهدي: عفيه يلا ادخل
اسمعه ميت ضحك شويه ودخلو الجال للمطبخ كلت
شذر: ولكم شنو هاذا الكلام
حوراء: شنو
شذر: مو عيب هيج تكلون الجدو
مهدي: ماما غير انتي معلمتنه مانسوي بس بوله بهاذا الحمام لان اذا سوينه غير البوله تصير ريحه مو طيبه بلبيت اي اني كتله هيج حتى خاف يسوي شي غير البوله
ضربت على جبيني وكلت
شذر: اي ماما اي،، يلا روحو كلمن يكعد بمكانه على مايجهز الريوك
هزو روسهم وراحو يم الطاوله كلمن كعد على كرسيه ويسولفون لو مهدي مكسر اقلام حوراء ويتعاركون لو هيه ماسحه لعبته المفضله من جهاز ابو ويتعاركون
دخل عمو هشام للمطبخ ينشف بديه كال
هشام: عمو عاشت ايدج على تربيت جهالج ذوله متربين مرتين
شذر: عمو الله لا يثردلك وياهم فد وكحين مشيبيني والله
هشام: عوفيهم عمو همه المحلين البيت
شذر: هوه هيج
هشام: لعد وين بسام؟
شذر: طلع يجيب خبز ويرجع
هز راسه وراح كعد يم الجهال يسولف وياهم
شويه واجه بسام جهز الريوك جهزته وقدمته الهم وكعدنه ناكل
كملنه ريوك شويه وكال عمو هشام يريد يروح صدك سلم علينه وراح
مرت اكثر من 3ايام واحنه مانحجي سوه اذا يريد شي يدز واحد من الجهال واني كذالك
جنت دافرش للجهال حتى ينامون مخليه الجهال بيني وبينه فرشت وكملت تمددت بفراشي وهوه هم شويه واجه نام بفراشه
حضنت مهدي ونمت وهوه حاضن حوراء
نمت واني ماحاسه على نفسي تقريبا واني غاطه بنومي حسيت ايد نمت وحضنتني من بطني
فتحت عيوني بنعس بعد ماحسيت على ثكل وراي
التفتت اباوع ضليت صافنه عليه وهوه مخلي راسه بركبتي وحاضني من بطني عليه رفع راسه من حس بيه التفتت ضليت اباوع بعيونه احس عيوني دمعن صار شكد مامركزه بهل عيون باوعلي وكال
بسام: اسف اسف شذر اسف على الي صار والله مجان بقصدي اضربج ولا جان بقصدي اكلج هنه اشرف منج وحتى من خليتج يم اهلج بس ردتج ترتاحين ونحجي بهدوء والله شذر اسف اخر مره سامحيني
كلت بصوت كوه يطلع من حلكي والكلمات احسهن يتعثرن بحلكي قبل لا يطلعن كلت
شذر: تعبتني بسام والله تعبتني عليمن تريدني اسامحك على ياهي منهن ها هنه هواي ولك ردتك سند الي ماتكسرني بس كسرتني وهواي هم مو شويه بحيث ماكدر ارمم نفسي من جديد بسام انته خليتني مثل قطع الكزاز من اذا نكسر مستحيل يرجع يتصلح واني هيج مثلها قطعه كزاز وكلمة اسف ماتصلح الي نكسر بيه ماترجع كرامتي
بسام: ماتنعاد بعد بس سامحيني
شذر: مسامحتك بس مانساها هاي لان نحفرت بكلبي
بسام: اني انسيجياها
مارديت عليه وهوه باسني براسي ورجع خله راسه بركبتي
مرت الايام وعلاقتنه زينه بعض الشي
بيوم صار عمو قائد يتخربط ويوكع اخذو المستشفى وبسام صرت ماشوفه لان يضل يم ابو بس يجي يبدل ويرجع بقى ايام بلمستشفى بعدين طلعو للبيت لان عساس تحسن
مرت كم يوم بيها جانت الدنيه تمطر
دك تلفون بسام مصطفى كاله ابوي مات بسام تخبل مالحك حتى يلبس ملابسه اخذ فلوس وطلع كال خل اخوتج يجيبوج بدلت للجهال وبدلت الروحي ونتضرت يجون ياخذوني...
يتبععععع
بلكوه خلصت البارت راسي ماشوف من الصداع البي وعلي
حبايب لاتنسون التصويت /متابعه الحساب /تعليق بين الفقرات
رئيكم يهمني
توقعاتكم
فاطمه الموسوي