احلام محطمه بقيود الزواج

البارت الثاني عشر

مساء الخير شذراتي 🧿📿

اسفه على تأخير البارت بس الي متابعين قصتي الثانيه يعرفون ليش تاخرت

وحبايبي لاتنسون التصويت

واخيرا بارت بعد فتره طويله😂

مقصره وياكم لان انتو مامتفاعلين على القصه هلمانزل لو اشوف اكو تفاعل والله انزل يوميه بس ماجاي تتفاعلون💔

ــــــــــــــــــــــــ

خذوك الجانو يحلمون بيك💔

ــــــــــــــــــــــــــــ

شذر:

بعد ماراح بسام لشغله وطلايب قاسم كل مايكبر تزيد وتكبر

يوميه سامر ساحله ويخابر بسام عليه وبسام يتحلفله ويكول والله بس ارجع اله اسوي جنازه

وهوه مختفي يروح يسوي المشاكل ويختفي تجي الناس تشكي منه

رجع بسام وروحه رايحه
وطول الايام الي اجه بيهن هوه يدور عليه وماكو

اندكت الباب وفتحها بسام ومن شاف الواكف بلباب عيد وجابه العباس

؛:سلام عليكم

بسام: وعليكم السلام
هاذا شيسوي وياك وين لكيته تعال لك وين جنت

:؛ اوكف سيد خل احجي وياك

بسام وهوه يخزر بقاسم: تفضل

:؛ شوف سيد زوجتي كاعده الصبح تريد تعجن حتى تخبز ورايحه تاخذ من الجياس البلتانكي طحين وهوه التانكي جبير وعريض ومن فاتحته لاكيه ابنكم نايم بيه واجت صاحتني ومن رحت ولزمته كالي انو انتو تضربو وتعذبو وشوفني اثار الضرب سيد حرام الي جاي تسو وهوه طفل

بسام: انته تعرف هوه شيسوي حتى انضربه

:؛ لا

بسام:؛ جا لاتحجي من كيفك،  واني ممنونلك لان جبته النه

:؛ سيد هاذا ابنكم بس امانه لاتسووله شي خطيه

بسام: هاي الخاطرك وله اني اموته والله

:؛ الله يسلمك سيد اني اترخص

بسام: غالي وماترخص

بسام سحل قاسم من ايده ودخله للطارمه وهوه يكول

بسام: يابه بلحسين جنت ضاملك ضمه محد يدري بيها بختك انطيت كلمه للرجال لو مامنطي كلمه جان هسه انته لو بلنجف لو بقسم الكسور

سامر: يلا امشي ولي ابو المشاكل

قاسم: هسه ماتكلولي اني شمسوي

بسام:؛ لا يابوي كلشي مامسوي توخر من وجهي لا وروحه الجدي اهنانه ادفنك بلكوه لازم اعصابي عليك امشي ولي

قاسم باوع عليهم صفحا ودخل جوه للبيت
وبسام اذا تكليله بززز ينفجر من الاعصاب انوب هاذا الرجال يكله لكينا بتانكي الطحين يالله عليه سوالف وافكار مو طبيعيه ساعه تانكي مال مي ساعه تانكي مال طحين الله اليستر من الجاي