احلام محطمه بقيود الزواج

البارت الخامس

مۡسَـ(🍀)ـاء الۣخـ(🌸)ـيۡݛ  حبايب گلبي 🤍🦋

لاتنسون التصويت +التعليق بين الفقرات+متابعه حسابي🤍

فاطمه الموسوي🦋

ــــــــــــــــــــــــــــــــــــــــــــــــــــــــــــ

وي غـيـري مـبـروك الـعشـك بـس لـا تـمـر بـحـلامـي 🥺💔

ــــــــــــــــــــــــــــ

-شذر:

مرت الاشهر وصار على خطوبتنه 9اشهر بلشنه نجهز الزواجنه من نيشان ومن الشغلات البقيه
ردنه نشتري النيشان وبسام بشغله يضل اشهر شهرين او شهر او اكثر مرات فلهاذا خله افلوس النيشان عند عمه رائد وعساس احنه نطلع نشتري النيشان

كعدنه الصبح وعساس نطلع نشتري الملابس شويه وندكت الباب فتحناها وطلعت عمتي زهراء وشايله وياها شلون البقجه دخلت سلمنه عليها وكعدنه جان تكول

زهراء: هاذا النيشان مالت شذر اشتريناه

ضلينه نتصفن شنو مشتريته هاي صدك تحجي مو عساس نطلع نشتري سوه كالتلها امي

حميده: شنو خيه مو عساس نطلع نشتري سوه شو جبتي حتى من دون ماندري

زهراء: هوه ماكو فرق اني اشتري او انتو اثنينه واحد شوفي هسه يعجبج

شذر: كامت امي فتحت البقجه والنيشان يخزي احس روحي شاطت من القهر اني اعرف عمتي بخيله وابد ماطلع الفلس من جيبها بس مو هيج بسام خله الفلوس عدهم حتى اشتري بيهن شو هاي حتى مايتعدن ال150الف الجايبتهن امي عترضت وكالتلها

حميده: خيه تحجين صدك شنو هاذا النيشان يخزي هسه التجي تريد تشوف نيشان البت شطلعلها تردين تخزينه

زهراء: لعد شتردن احنه ماعدنه ناس على كد حالنه شلون نجدي ونجيب

حميده: والله محد ضربكم على ايدكم وكاللكم اخطبو اذا ماعدكم شنو بنتي فصليه واني مادري

زهراء: اني اصلا ماردت اخطبها لبسام بس شكول عليك يارائد اله يخطب شذر البسام

امال: عمه تحجين صدك هيه عروس وتحتاج هواي شغلات شلون بس ذني جايبتهن الها

زهراء: شنوو يمه محتاجه شغلات درنفسيه حتى ذوقي مايعجبكم

حميده: احنه مالنه حجي وياج نحاجي بسام ونكله يرضى بهاذا الحجي لو لا وهسه اكل السلمان يحاجي رائد يقبل بهاذا الشي واحنه مامحتاجين الله لايعوزنه خيرنه يغطيكم بس هاي تعتبر اهانه النه شنو بنتي فصليه منطينها

زهراء: والله اني ماعليه انتو احجو وياهم يلا اني رايحه

شذر: راحت عمتي واني بقيت صافنه على الملابس الجايبتهن دشداشات ثنين يخزن وسيت واحد وملابس داخليه يخزن واصلا مو حجمي