روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
ريم :- نكدر نكون اصـدقاء أني وياك ونطـوي صفحة الغرباء ؟
حيدر :- عفوًا بس أني ما أدخُل اي جنـس انثى لحيـاتي
ريم :- اكو سبب ؟
حيدر :- طبعًا وبقـت يمج شلون ماتفتهميـها فهميها
سكتت وره شويه كالت :- أعتذر
حيدر :- ماكـو داعي .
اضطريت احجي هيج حتى لاتدخل بعد سكتت وبس حبيت اوضح الها أنُ اكو إنسانه بحياتي يعجز لساني عن وصفها بس بطريقة غير مباشرة
ساعة ونص وهبطت الطيارة بمطار بغداد نزلت من الطيارة وكعدت بالمطار دزيت مسج لفُستق :- " هُيامي وصلت أني حاليًا بالمطار "
دزيت الها ورحت اشتريت بطل مي ورجعت كعدت ضليت ربع ساعة وشفت ريم جايه بأتجاهي وكالت :- عادي اكعُد
حركـت رأسي وكعدت وكـالت :- أعـتذر كعدت يمـك بس دانتظر أخوي شويه ويوصـل
حيدر :- لا عادي هوَ مطار مو مُكان احد
ريم :- Thanks
حركت راسي بمعنى ولو مرت نصف ساعة وكامت أتجهت لرجال أجوي أثنينهم بأتجاهي وكالتله :- أعرفك على دكتور حيدر طاب طب عام مرحلة اولى
مد أيده الرجـال يسلم وكال :- اهلاً تشرفت دكتـور وياك المهندس تُميم مهندس كيميائي
حيدر :- تشرفت حبيبي
تُميم :- الي الشـرف من بغـداد صح ؟
حيدر :- اي نعم
تُميم :- على راسـي كبد نـترخص احنه
حيدر :- مرخوصين بويه
أبتسمو وراحـو طلعت من المـطار واتوجهت للبيت
....
حُسين :- انطيني تلفونج ريتاجه
ريتاج :- فوك
حُسين :- جيبي
صعـدت فوك سويت الدرج بايتين دخلـت للغُرفة خذت التلفون وسجلت على رقم حيدر حواء بالانكليـزي ومسحت الواتساب ونزلت
انطيته اله وراح للصالة التهيت أسوي ريوك شويه وكعدت أمي وكالت :- صباح الخير
- صـباح النور
ربع ساعة وأجه حُسين انطاه الي وكالت أمي :- شعجب ممداوم ؟
حُسين :- مالي خلك تعبان
ضلو يسولفون سكتو وكتله :- شسويت بالتلفون ؟
حُسين :- ماسـويت شي نقلت منه
ريتاج :- ماشي
تريكت ونظفـت ورحت صعدت فـوك اتصـلت عليه حواء جاوبت عليه وكالت :- بدون سلام مسـتعجلة اجه محـسوبلج اليوم الفـجر ، راح اتصل على أمج علمود يجيبوج يمنه تبقين كم يوم
- نطيني مجال
- مستعجلة هيَ مال مجـال تجين مو ؟
- شلون ما اجي يا حواء اجي اجي عود خابريها وضلي قنعي بيها إذا ما قتنعت بسرعة طاك گلبي والله العظيم
- أدري بيكم واحـد طاك على الثاني
- يله روحي راح انزل جوه اسوي نفسي ما ادري وأنتِ اتصلي عليها
- صار يله بـاي داده
راحت وأني نزلت يمهم ضليت كاعدة يم أمي ويم حُسين ربع ساعة واتصلت على أمي حواء اخر شي كالت أمي :- ميخالف عمه
بكلبي طرت من الفرح بس بقيت كاعدة وساكتة كملت الاتصال وكالت :- ترحين الظهر يم عمتي ويم حواء
- اي عادي كُلش مشتاقة الهن والله ، ليش أنتِ ماتجين ؟
- لا اضل هنا يم أبوج وحُسين ما بيه حيل اروح
سكتنة شويه وكالت :- كومي حضري ملابسج الظهر ياخذج حُسين ويرجع
- مـاشي
أذن أذان الظهر وكمت توضيت وصعدت اصلي كملت وكمت احضر ملابسي ما أعرف شكد احضر نزلت لأمي وكتلها :- شكد راح ابقى ؟
- ثلاث أربع ايام
- شعـجب ؟
- حواء خبصتني علمودج
- ماشي
طرت من الفرح صـعدت حضرت ملابسي بجنطـة وكم غرض مرت ساعة وكملت ونزلت الجـنطة خليتها بسـيارة حُسين وصـعدت ابدل صعدت سبحت وطلعت وكمـلت وطلعت بالطـو أحمر جواه تشـيرت أسود وبنطلون جلد وحذاء أسـود لبستهن شسورت شعـري وكملت
خليت شي خفيف لوجهي طلعت الساعه مال حيادر وسنسال الفُستق لبستهن وصبغت اظافيري وكملت رشيت عطر ونزلت تلكتني أمي على الدرج جانت كاعدة بالمطبخ
شافتني وكالت :- دواج لا تنـسي
- ماشي
رحت خـذت تلفوني ودخـل حُسين :- يله خيتي
- جايه
رحت صعـدت السيارة وانطلـقنة
....
كعدت من النوم بعد نوم عميق باوعت على الساعة بالخمسة العصر كمت دخلت غسلت وطلعت رحت لغُرفتي طلعت فلوس لبست على السريع وطلعت بره قفلت الباب ورحت لمطعم خذت اكُل ورجعت للبيت تغديت وكملت رحت شلت تلفوني باعو عليه مكالمتين فائتة من آسر
اتصلت علـيه ورد وكال :- هلأ والف هلأ بشـري اكو شي جديـد ؟
- لا آسر بس شلون راح اخلصها هُنا ؟
- بس لا جاي تفكرين ترجعين ؟
- الصـراحة اي
- ديري بالج
- شنو ما اكدرلها تره أني آيريم أُخت آسر والله
- اعرفج سباعية
- الله كريم ، شـلونك أنتَ ؟
- الحمدُلله داومج لاتنـسي
- ما أريد اشوف هذه وجه الفكر بالجامعة
- داومي معليج بي
- الله كريم يـله رايحة أقره خاف بـاجر اداوم
- الله وياج
سلمت عليه ورحت فتحت الجنطة وطلعت ملزمة وبديت أقره
....
وصـلت للبيت ونزلنة دخلنة للبيت جـانت عمتي بره كاعدة بالحـديقة شافتنة وكامت وكاـلت :- هلأ يبعد روحي شلون صرتو ؟
حُسين :- الحمدُلله عمه
دانسـلم وأجه صوت حواء عـاطت وكالت :- لچ هلأ يبـعد عيني رتوج مشتاقتلج يولي شلـون صرتي شلون صار گلبج ؟
ريتاج :- الحمدُلله حبيبتي
حُسين دخل سـلم على الولد ورجـع وأني دخلنة للصـالة مرت ساعة نسولف بيها أني وحـواء وعمه دخل حيادر من بـاب الصالة بقه جامد وصافن عليه
وأني كُل همي لا تلاحظ عمه حواء حست عليه وكالت :- هلأ بالكفو شوف منو جاينة
حيدر :- السلام عليكم يابه
ريتاج :- وعليكم السلام
ابتسـملي رديت الابتسامـة وكال : حـواء تعالي وراي
حواء :- جايه
راحـت حواء وره عشر دقائق رجعـت وكالت لعمه :- يُمه راح نطلع فد شوي تنغـدة ونجيب غدة
عمتي :- عادي يُمه بعد احسن
حواء :- اي والله أني مابيه حيل أسوي شي وأسمـاء وحليم مو هُنا واريد التهي وي رتـوج هذن الكم يوم
كملت والتفتف عليه وكالت :- ترحين ويانة رتوج ؟
ريتاج :- اي عـادي
حواء :- يله راح ابدل وانزل أنتِ همزين مبدلة ومخلصة
ريتاج :- ماشي
رحت للمطبخ شربت مي مرت نص ساعة كملت ونزلت وأجت سحبت أيدي وصعدتني فوك شفت حيدر واكف سمعت صوت حواء وكالت :- الكم خمس دقائق املو اشتياقكم بي وتنزلون نطلع
نزلـت باوعت لحيـادر وكال :- عُيونج فستقي
- شبيهن يا عيني
- مشتاقلهن هواي
- بس لعُيوني ؟
ذب تنهيدة وكال :- الچ كُلج
- أحبك
- هايم بيچ يا بـويه
سكت وره ثواني كال :- شلون صرتي أني هُناك بس بالي يمچ طمنيني طمني گلبي كُليلي بخير أنتِ
- من شفتك صـرت بأحسن حال يا روحي
- عسى دوم يمچ أني وأنتِ بأحـسن حال
شويه وكال :- يله ننزل نطلع بالسيارة نكمل
- يله يا بعد روحي
- ستري علينه
- هههههه
نزلنة صعدنة السيارة أول ما صعدنة شغل مجنوني ومشينة وكالت حواء :- أول ماسمعت هاي لغُنية بسيارتك كتلي لا مجرد أغُنية طلع وراها عاشك ومعشوك
ريتاج :- هههههه ها حيادر هاااا
حيدر :- مابيها شي جنت دائمًا اشغلها لإن تذكرني بيچ
حواء :- ما كلت بيهـا شي يا عيني بس كُلت ليـش دائمًا جنت تشغلها ماكتلي جنت عاشك أني
حيدر :- عاشك وهايم وگُلشي يا خويه
حواء :- ان شاء الله تنجمـعون سوه
ريتاج :- آمييين
حواء :- ها رتـوج
ريتاج :- حواء اسُكتي البيه مكفيني فَ مشتاقتلة عذريني
التفتت على حيدر وكتله :- عيني دكتورنه كم يوم تضل وترجع ؟
حيدر :- عيناه لهذه الدكـتور عشريـن يوم
ريتاج :- لااا خاف قليل شنو عشرين يوم
حيدر :- عندي امتحـانات وداعتج
ريتاج :- والامتحانات اهم مني
حيدر :- ما عرفتـج شو صايرة تنكديـن ؟
ريتاج :- أعذرني
ضحكت حـواء وكتله :- اي جاوب ؟
حيدر :- طبعاً الطب كُله يروحلج فدوة يا شُغاف كلبي
ابتسمت وغطيـت وجهي بأثنين أيديه وكـالت حواء :- لا مو هيج حيدرنا سيـطر على مشـاعرك خجلت لبنية
ريتاج :- لا عوفي خلي يتغزل كم يوم ورايح أريد اشبع كلمات غزلية
ضحكنة كُلنة ونزلـنة كبال مطعم دخلنة تغدينـة وجبنة غدة وكملنة وطلعنة وكالت حواء :- دخلنة مول أريد اشتري شي
حيدر :- صار خيتي
دخلنة مول مـلابس وضلينة نتمشى ونشتـري وسئلت حيدر وكتله :- اي سولفلي شـلونه الخارج ؟
حيدر :- مبدئيًا مو حلو بدونج
ريتاج :- هاي منـتهين منها حيادر قصدي مو هيـج لا غير شي ماكو مـنا منا
حيدر :- هوَ صار شي بس بعدني ممتأكد منه إذا اتأكد اكُلج عليه
ريتاج :- هااا هاا مـاشي
وكفنة كبال محل هدايا دخلنة وكال حيدر :- اي شي توكع عينج عليه كُليلي
ريتاج :- مناسبـة شنو ؟
حيدر :- اختاري وأني اكُلج
ريتاج : ثـواني
رحت على قسم المجوهرات وكعت عيني على محبس نازك وحلو ذهب اشرت عليه وكتله :- تشتريلي ذهب
حيدر :- وعـود شنو غالي وحتى لو غـالي ما يغلى شي عليچ بويه
تعامل وي المحل خذاه وأجت حواء شافتة وكالت :- يجنن بس شنو المناسبة ؟
حيدر :- كبـرت سنة
حواء :- كُل عام وأنتِ بخيييييير رتوج
ريتاج :- وأنتِ بخـير حبيبتي
التفت عليه وكال :- كُل عام وأنتِ بخير وكُل عام وأنتِ تامور گلبي أحبچ هاي السنة وكُل السنين الفاتت والي راح تجي
تفاجئت أصلًا أني ناسيـة عيد ميلادي رديـت وكتله :- وأنتَ بالف خير يا عُمري أنتَ بس شـوكت عيد ميلادي
حيدر :- عرفتج ناسية عيد ميلادج من سئلتج صارن مناسبتين بالشهر الفات وأنتِ كُلتي مناسبه شنو
ريتاج :- لحظـة لحظة قصدك هاي ، زيـن الثانية مناسبة شنو ؟
حيدر : - اي ، عيدي أني
حواء :- يعني رتـوج هم بشهر ١٢ ؟
حيدر :- اي
ريتاج :- صدُك ؟
حيدر :- وداعتج
ريتاج :- كُل عـام وأنتَ حبيبي
حيدر :- إذا مو احلى عيد أني معتب
ريتاج :- هههههه
حواء :- يله أمشونة عيني
اشترت ملابس حـواء وطلعنة من الـمول نزلنـة للسيارة خلينه الغراض بالصنـدوق وكلـت لحيادر :- حيييادر اطلب طلب ؟
حيدر :- عُيوني الچ هُيامي
ريتاج :- خلي أسوق شـوي
حواء :- شننننننووو ؟
ريتاج :- اي أعـرف والله يله حـيادر اقبل
حيدر :- متأكدة تعرفين ؟
ريتاج :- اي جـان حُسين يعلمني قبل كم سـنة أول ما اشتـرة السيارة يعني أعرف شوي
حيدر :- تؤ
ريتاج :- حيـادر لا تخليها بنـفسي
حواء :- تكلبيها بينة يمعودة لا حيدرنا لا اخاف على نفسي أني
ريتاج :- لا والله أعـرف
حيدر :- عادي بويه
تفاجئت وكال :- بس خمـس دقائق وصفي السياـرة على الرصـيف
ريتاج :- ميخالف صار يله اصعدو
صعدو ووحواء بگلبها الخـوف اما حيادر لا عـادي انتبة حيادر على حواء :- حواء تنفسـي هنالج إذا تموتين على أيد فُستق
حواء :- يمعودين سمو بالرحمن أريد اعيش ماريد اموت عليكم الله
شغل السيـارة حيدر وكال :- يله بـويه انطلقي
حواء :- أشهد ان لا اله الا الله و أشهد ان محمد رسول الله
طكينها ضحكة قويـة وكتلها :- حواء صـوريني من تلفوني بالجنطة
حواء :- لحـظة يله اسكتـو خلي اصور
طلعتة وبدت تصورني وأني مشيت وضلت تصور وتدندن وي الأُغنية الشارع فارغ شوي يعني عادي ولازمه لستيرن بأثنين أيديه
حيدر :- فستقه اتشاهـد لو لا ؟
ريتاج :- لا يا روحي ميحتاج
حيدر :- لو هيج الردود لو بلاها
ريتاج :- ههههه فدوة الك
حيدر :- ديري بالج لا يشـرد لستيرن
حواء :- يُمه غير للنجف
حيدر :- لا يا بويـه
شويه وكال :- فُستق ديري بالج لاتزيدين سرعة
ريتاج :- صـار
حيدر :- يله صفي السيارة تعرفين
ريتاج :- اي حـبيبي
حيدر :- يله عيناه
صفيت السيـارة رجع دايسوق حيدر وأني كـعدت ليكدام وبديت اخذ صور للمحبس الجـديد بأيدي باوع عليه حيادر وكال :- هنيالة هالمحبس
ريتاج :- لان بأيدي ؟
حيدر :- أكيد أيدج محليتة للمحبس مو هوَ
ريتاج :- خجلتني
حيدر :- أحبچ حيل
أبتسمت وضحك وشويه ووصلنه للبيت .صعدت لغُرفة حواء وحواء راحت انطت الغدة لامها شويه ودخلت للغُرفة وكالت :- شگد احبكم شگد احبكم خاصًا من واحد يتغزل بالثاني يماي أموت أموت عليكم
ريتاج :- هههههه واحنه هم نحبج
بدلت وكملت وطلعت لغُرفة حيادر همزين لا حليم هُنا ولا مرتك دخلت وكتله :- اي حيادر شداسوي
حيدر :- داراسـل آسر
ريتاج :- عوف آسر تعال سولفلي شصار مصار هُناك
خلة التلفون على صفحة وباوع بعُيوني وكال :- شگد احبهن
ريتاج :- ياهنَ ؟
حيدر :- عُيونج بويه عُيونج جالي ماخذات الحيل بنظرة وحدة منج
ريتاج : مو بچمال عُيونك
حيدر :- الچ وحدج هُيامي
ريتاج :- هنيالي
حيدر :- يبعد عيني صـايرة تعرفين تتغزلين ؟
ريتاج :- افا شكالولك عليه
ضحك وكال :- تعٰالي أشوفج تـصوير آسر الي بالعرض التقديمي
ريتاج :- شنو عرض تقديمي ؟
حيدر :- هسه اشرحلج شوفي أول شي
اخذ تلفونة ودخل للاستديو طلع الفيديو وكال :- شوفي
شفت الفيديـو جان دايختم اعتقد سئلتة وكلت :- داتختم ؟
- اي هاي بالنهاية بالبداية مصورني بس صادق
- يا صـادق ؟
- صديقنة المصري
- هههههه عندكم صديـق مصري ؟
- اي لعد ليش
- احجي مصـري شويه بله
- مامتعلم گُلش شي قليل
- الي تعرفلة
- دانتِ اجمل بنية شُفتها عنيا أيه الجمال داه أنتِ بتاكلي عسل كُل نهار ولا أيه ؟
- ههههه شگد حلوووو
- لا مو حلو
- لا يجنن
باوعلي بنظرة صح كاعد يمي احسه يريد بس يحضني ويضمني بروحة علمود يملي اشتياقة باوعتله وكتله :- واضح اشتياقك
- شلون عـرفتي ؟
- من نظراتك حيادر
- الله يا بويه كمتي تفهمين نظراتي ؟
- اي
- الحـمدُلله
صاحتلي حواء وكتله :- يله رايحة
طلعت من الغُرفة ورحـت لغُرفة حواء دخلت وكتلهـا :- دعوفيني يمه
- شو مستهترة صايرة ؟
- لعد ابقه هيج يا عيني الفقير ميعيش
- هههههه عفيه عليج والله
ضحكنة وكالت :- المحبس إذا سئلتج أمج شنو تكليلها ؟
- اكللها محبس عادي خذته من حواء
- عفيه
- شعبالج عيني
- هههههه
ضحكنة ومر الوقـت وصار اللـيل
....
كعدت الصبُح لكيت آسر دازلي مسچ :- " داومي آيريم "
- هوَ اليـوم راح اداوم
دزيتها وكمت غسلت وبدلت وكملت وكلت اتريك بالجامعة خذت مصروف قليل وقفلت الباب وطلعت أجرت تكسي وتوجهت للجامعة بهاي الاثناء رن تلفوني باوعت على المُتصل رقم جاوبت وسمعت صوت أمي :- أبوچ كلب الدنيا عليچ
سديتـة بوجها ما أحُب أشتت مـزاجي من الصبح وصـلت للجامعة ونزلت دخلت أول ما دخـلت توجهت للسنتر كعـدت وطلبت عصـير وكيك كلتهن وخلصت وكمـت باوعت على الساهة دقائق وتـبدي المحاضرة الاولى رحت للقاعة ودخلـت
سئلتني كم صديقه ليش ما داومتي هذن الكم يوم واكتفيت بفقط :- عندي ظروف
أساسًا عـلاقتهن كُلهن سطـحية وماعندي وحده مُقربة بـدت المحاظرة وخلصـت وطلعت بره كعـدت على المسطبات ضـليت أقره بالملزمة شويه وسمعت صـوت فوك راسي باوعت عليـه وشفتة مؤمل أبن خالتي
آيريم :- شتريد ؟
مؤمل :- أريـدج أنتِ
آيريم :- ولي عن خلقتي إذا متصير زحمة
مؤمل :- ليش ماتقبـلين وترجعين لبيـت اهلج تره لمصلحتج داحجي ؟
آيريم :- شنو كلت لمصلحتي لا عيني لا مصلحتي محد أعرف بيها غيري وغير أخوي تمام ؟
مؤمل :- الي شرد للخـارج ؟
آيريم : يا غبي سافر علمود يدرس طب
باوع عليـه وأبتسم أبتسامة جانبية :- اصلاً أني لـيش داتعب نفسي بالحجي وياك
كمت وسمعتة كال :- ببيته مو ؟
ما جاوبـتة وكمت دخلت القـاعة شويه وبدت المحاضـرة كملتها وطلعت من الجامعة وكفت يم مطـعم خذت غدة وعشك ووجبة ثالثة ورجـعت للبيت
بدلت وتغديت وصليت ونمت كعدت المُغرب دزيت لآسر :- داومت اليوم وأجاني مؤمل حجة وياي شوي وعفتة
ربع ساعه وجاوب وكال :- شيريد منج ؟
- أرجع للبيت واقبل بي
- كُل عقلة هذه الخبل
- طبة مرض يولي عوفنة منه أنتَ شلونك
ذب تنهيده وكال :- بخـير الحمدُلله
- دومك ان شاء الله خويه ، يله راح أروح أقره أني
- الله وياج اي شي يصير كُليلي
- صار
سمعـت أذان المغرب عفت التلفـون وكمت توضيت وصـليت وكملت طلعت ملازمي وبديت أقره صـار الليل كمت داحضر العشـة على الميز وسمعت صوت بالباب الي بره عفـت العشة على الميز ورحت طلعت بره باوعت عليه وصحت :- أنتَ شنو جابك هُناااااا ؟
مؤمل :- الحُب وما يفعل
آيريم :- لا عليك الله ، خر* عليك وعلى رومانسيتك اخذه رومانسيتك ووشوفني عرض أجتافك يله
أبتسـم واتقدم جانت اكو عودة مال تنظـف على بآب المطبخ خذتها وكتله : شايف هاي العودة اكسـرها على راسك إذا سويت شي
مؤمل :- بس انطيني مجال شبيج هيج كارهتني ؟
آيريم :- كُل لاـمك هذه الحجـي ولأمي
مؤمل :- لا تخليني أستعمل القوة وياج آيريم
آيريم :- أمشي منا بابا أمشي
كلت هيچ وأجه سريع راد يسحب العودة ما كدر صارت ضربة العودة بكت تبعد ولزم كتفة متألم وبگلبي اكول ان شاء الله جذاب ومابي شي وكتله :- طبك طوب جرب تمد أيدك عليه اكسرها ولخلقك
مؤمل :- أنتِ منين جـايبة هاي الثقـة والقوة كُلها سـت آيريم ؟
آيريم : من تاج راسك يله منا
كلت هيـج أجه اخذ العودة مني بسـرعة وشمرها على صفحة وكال :- أني راح اطلع منا وثقي بالله المرة الجـاية راح اجيب أمي والسـيد وأمج ونعقد على سنه الله ورسوله و
قاطعتة وكلت :- شنو هاي الثقة لعندك ماريدك يابه شنو هاي الكرامة لعندك حرفيًا مقزز لو جايني من باب الاحترام جان افكر أنُ اقبل بيك بس أنتَ اجيتني هيج وكرامتك ممسوحة بالكاع أنتَ وبعدين منين جايب هاي الثقة واقبل بيك تحلم لو على كص ركبتي ما اقبل بواحد مثلك لو أمك تصير عمتي هاي مُستحيل كطنة وشيلها من أذانك
- تاج راسـج أمي
- هههه تـخسى والله
باوعلي بنظرة وطفر من الباب وطلع دخلت وقفلت باب المطبخ والصالة رجعت تعشيت وضليت أقره
....
كاعـدين دانتعشة سوه رن تلـفون عمه عافتة وكالت :- عـوفي يرن من أكمل عشة أشوف
حواء :- يجـوز شي مُهم ؟
عمتي :- من نكمل عشة
خلصنة عشة وشلنـة الاماعين للمطبخ أجه حـيادر بصفي وكال :- تامـور گلبي
ريتاج :- كُول يا عيني
حيدر :- لاتغسليـن الاماعين مو زين عليج
ريتاج :- صار
ابتسملي وراح بالصـالة عزلت الاماعين ورحـت وراه لكيت عمتي داتسولف نزيت حواء وكتلـها :- منو ؟
حواء :- مره الشيخ
انتبهت على عمتي من كـالت :- لا والله ما ننـطيها هسه البنية بعدها زغيرة ، الثانية تصـير حفيدة أخوي
باوعت على حواء ضاجت باوعت على حيادر يمسح بجبينة أني أعرف اصير حفيدة أخوها يعني الحجي عليه والمقصد عليه انتبهت عليها مره ثانية وكالت :- اكُللهم وارجعلكم خبر ، صار يا عيني دللي
سدت الاتصـال فززني صوت حيادر وكال :- خـطاابة ؟
عمتي :- اي
حيدر :- لمـنو ؟
عمتي :- لحواء ولريتاجه
طكطك اصابيعة وكال :- ما ننـطي
عمتي :- ليش ؟
حيدر :- بـدون ليش يُمه
عمتي :- ليش خوش ناس ولد شيوخ وينحلف بيهم
حيدر :- صـح مابيهم شي الولد بس أنتِ تعرفيـن يا يُمه شي وأني أعرف شي ثـاني
عمتي :- شنو الي ما أعرفه كُلي ؟
ذب تنهـيدة وبگلبي اكول بس لا تـحس عليه سويت روحـي ما منتبة وداسولف وي حٰواء وكال :- گُلشي بوقته حلو
باوعتلي ونوب اندارت عليه وكالت :- الله كريم يحيدرة الله كريم
جمـد جسمي حسيت صـارت نغزات بگلبي أريد انـطق شي اخر شي كتلها :- عمه أني صغـيرة اهلي ماينطوني اله اعبر العشرين
عمتي :- شحلاتج هذه الطول كُله والعقل الرزن والكلام الي ينقاس يله تكولين وماينطوج إذا القسمة زينة ليش ماينطوج
- خجلتيني عمه
- والله
سدت السالفة حواء وكالت :- اماعيني بالمطبخ تعالي رتوج تغسلهن سوه
- جـايه
كمنة سوه ودخلنة المطبخ ضربت كصتي وكلت :- صخام الصخمج ريتاجه
- عزه العـزاج رتـوج
- لحكتي عليه بأخر اللحظـات
- كولي مو كفو
- لا والله كفو أُخت كفو بنت كفو
نززني صـوت حيدر من كال :- اهم شـي أني يا بويه
وسعت عُيوني ورحت للسنك سويت نفسي اغسل بالاماعين طكتها حواء بضحكة غمزلي ونوب ضحك وصعد فوك وأجت حواء غسلت الاماعين وأني كاعدة على الميز ودانسولف كملت وصعدنة فوك وكالت
- روحي اله
- بـدون متكولين
- خرب طالعة عينج ولچ
- ههههههه
ضحـكت ورحت دكيت بـاب الغُرفة واجاني صـوته وكال :- دخلي فُستقي
دخلت كاعد على الجرباية بس ملامحج جديه وأني كعدت على الكُرسي المتحرك وكتله :- شمدريك فستقتك ؟
أبتـسم وكال :- ليش أكو غيـر روح گلبي ؟
- أحبك حييادر
- وأني بعد يا عينه
ذب تنهيدة وكال :- فُستق شگد صعبة من اشوفج وما أكدر اسوي شي
- مثل شنو حيـادر ؟
- اريد احضنج أريد اشمج بس ما أكدر
أبتسمت وكال :- اي فستقي أريد الزم أيدج أريد اشمهن
- حيـادر كُلنه ننتظر سويه
- صـح ريتاجي
سكت وره شويه كال :- اتمنى أرجع للجامعة اليوم قبل باجر
- ليـش ؟
- ثقي بالله إذا رجعت يا فُستق سنتين ثلاثة يله أجي بعد
تفاجئت منه غـيرت معاني وجـهي وكتله :- صدُك داتحجي ؟
- اي هُيامي لاتضوجين مني بس الي داحجي حقي لا اكدر اتقدملج ونتزوج واسفرج وياي وتصيرين حلالي ولا أكدر انقل بجامعة هُنا وابقة صاير بين نارين وداعتج
- شوف حيـادر أنتَ حقك بس أني شنـو ذنبي إذا اهلي ما يـزوجوني هسه ؟
- ما الچ اي ذنب يا روحي
اجه يمي وكعد تربع بالكاع وأني على الكُرسي حركة من صفحتة وكال :- فُستقي يا تامور گلبي أنتِ مالج دخل أنتِ داحجي على حالي أني الي صاير بين نارين نار گلبي حاركتني حرك
دمعت وكتله :- حـيادر حتى لو أجت الـف خطابة أني ما اقبـل بغيرك صدكني
- وأثق بيچ أني
مسحـت دمعتي وكتله :- شگد راح تـبقى ؟
- ثلاث سنين وأجي
باوع على عُيوني وكال :- عُيونج لاتبحيهن بغيابي يحرگني حرك من اشوفهن هيج
خليـت أيديه على عُيوني مسحـت اي دمع نزل وكتله :- حيـادر أني وياك بكُل خطوة تخطيـها راح اتحمل لخاطـرك وراح اصـبر لخاطرك
- وره هذه الصبر صدكيني تفرچج ماتضيق اله وفرجت فرج من رب العالمين گُلش كُل ضيق نهايتة فرج وكُل ظلمة نهايتها ضوه وكُل شمس تاليها ليل ما راح نبقى على هذه الحال
يحجي وأني دموعي اوكفها وتنزل وكال :- صدكيني من نصير بالحلال راح اعوضج تعويض عن كُل هذه الصبر الي داتصبرين علمودي بي راح اعوضج عن كُل دمعة داتنزليها هسه على خدج صبري يا قُره عيني يحتاج الها وقت وصبر بس ويجي يوم واذكرج بهذه الكلام
مسحـت دموعي وكتله :- أني شنـو سويتة بحياتي حـتى الله دزك اليه
- وبعد وبعد يا فُستق راح اعوضج تعويض گُلش جبير
أبتسمـت وكال :- يله يا عـيني روحي يم حـواء باقية وحدها
- صار
كمـت وطلعت من الغُرفة ورحـت لحواء انتبهت على وجهي وكالت :- شبيهن عُيـونج
سولفت الها الصار وكالت :- يا ربي حقكم يله ان شاء الله بعد هذه التعب والصبر فرحة جبيرة
- آمين حبيبتي
ضلينة نسولف مر الوقت ونمنة
....
ساعـة بالتسعج ونص رفعـت التلفون على آسر واتـصلت عليه جاوبني وكـال :- شلونج خيتي
- الحمدُلله
سلمنة وخلصـنة وسولفتلة كُل الصار وكال :- أني اله لو بعـد عشر سنين ارجع اضمهـا اله ثقي بالله ما افوتها اله هـذه الخنيث اله انعنع ضلوعة تنعنع وديري بالج توافقـين بحجة اخلص وما أعرف شنو
- لا آسر ما أبدًا ماوافق عليه شبيه اله تخبلت
- عفيـه خليج هيج
- عفيه عليك
سلمـت عليه وراح كملت قراءه ونمـت كعدت الصبح مـتأخر الوقت رسًا غسلت وبـدلت وطلعت للجامعة توجـهت للسنتر كالعادة خذت عصـير وكيكة وكلهتن وأني بـطريقي للقاعة
مر الدوام وخلص ورجعت للبيت غسلت وكملت وتغديت نمت وكعدت ومر الوقت صارت الساعة بالتسعة اندك الباب عفته ضلي يدك يدك بالربع ساعة طفرت وطلعت بره وصحت :- منووو ؟
- أمج
اهوووو هاي شنو جابها أكيد هذه الحيوان مدليها على الموقع جاوبت وكلت :- ما اتشرف افتح الباب الچ
ضلت تدك هواي بالباب وتصيح بالشارع خزتني اخر شي فتحت الها الباب أول ما دخلت لزمت اذاني وكالت :- شنو هذه ****
دفعت أيدها بقوة وكلت :- مثلج لعد وحد غير طالعة عليج
أجـت تريد تضربني طـيحتني بالكاع وجرت شـعري بكُل قوة عـندها وصحت :- هديييييني
عافتني وكامت وكالت :- ترجعين وياي هسه
- أرجـع بس مؤمل الخنيث ما أريـد يمر للبيت ولو على كـص رگبتي ما اقبل بي تسمعيـن لو لا
- مو بيتج هوَ كومي لبسي سلاباتج وتعالي وراي السيارة واكفة
- ما ، كلـت هيج هاهيـة يعني لو هيـج لو تحلمين أرجع
- خوش بس أمشي
- okay
حضرت ملابسي على السريع وقفلت باب المطبخ وطلعت لكيتها بره واكفة وتخابر بأبوي أحمد طلعنة سوه وقفلت الباب خذت المفاتيح ضميتهن بالجنطة وصعدنة السيارة وانطلقنة للبيت
....
ساعة بالثلاثـة باليل كاعدة من وجـع گلبي ووجع راسي وگلبي احس داتقوة نغزاتة يوم عن يوم وانقـهرت اليوم على حيادر احـس زاد ما أعـرف شنو أسوي سمعـت الأذان نزلت من غُرفة حواء
رحت غسلت وجهي وتوضيت وصعد كعدت حواء ماكعدت شغلت الضوة علمود تكعد وبديت أصلي كملت وكعدت متألمة دمعت عُيوني من الوجع خليت أيدي على گلبي وادعي ربي يخف هذه الوجع
مرت ربـع ساعة وسمـعت انفتح الباب وصـوت حيادر وكال :- فُستق شبيج ؟
التفتف عليه يباوعلي بخوف شفته وكتله :- حيادر گلبي دايأذيني بقوة
أجه كـعد كبالي ولزم أيديـه من وره حرم الصـلاة وسئلني بخوف :- فُستق بويه شنو داتحسيـن شنو نوع الألم الي بگلبج ؟
- ما أعرف حيادر گُلش دايأذيني
سحـب أيدي دايقيس النبض من وره الحـرم ضل دقائق وكال :- نبضـج گُلش بطيء فُستق صاير شي ما خـذه علاجج ؟
- اي ماخذتة والله
بـاس أيديه من وره حرم الصـلاة وكال :- يا بويه راح أسئلج عن نوع الألم وجاوبيني بالي تحـسي تمام ؟
- تمام
- نغـزات قوية لو ألم بالگلب قـوي ؟
- نغزات قوية
مسـح وجـه وكال :- بس ؟
- أي بس يا عيني
كتلة هيـج ذب تنهيدة ومسـح وجه بأثنين أيديـه وكال
....
يتبع ⬅️ - البارت الثاني والثلاثين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.