نسواني المعدلة لا تنسون التصويت وترك تعليق حلو مثلكم وياريت لحد يعلق بنقاط يگولون
ما يخلي القصة تطلع بالبحث ..
ــــــــــــــــــــــــــــــــــ
_الفيحاء
_جنات
_كاعدة بالمطبخ واباوع على الباب مال الشارع انتظره ينفتح
جنات: اييي ويين راااح
_نزلت راسي وعصرت ايدي ورجعت باوعت للباب گلبِي يمردني الخوف ترس رويحتي
جنات: ياربييي صارله ٣ ايام ماكو
_گمت غسلت وجهي ولبست شالي والجبة
جنات: اطلع ادور عليه لو انجب و ابقى بالبيت
_بقيت واگفة واحس گلبِي مفتوت
_كعدت على الكرسي وخليت ايدي چوة حنچي
جنات: خاف اطلع واضيع وما اندل ارجع
_نفزعت من تذكرت شهد
جنات: خااف شهد سوتله شيي
_تجمعت دموع بعيوني وبسرعة مسحتهم وحچيت
:- لا جنات انتِ قوية ما تبچين
_گمت نزعت الجبة والشال ونمت بفراشي خايفة والتفكير موتني ..
ــــــــــــــــــــــــــــــــــ
_نوال
_كاعدين ابيت حماي وكلنا ساكتين مو مثل كل مرة ضحك وسوالف هل مرة گلوبنا مليانة حَزن
فاضل: بوية مُهيب اكل
_باوعله بحقد واردف
مُهيب: شعليك
حسين: مُهيييييب
_باوعله بحقد وگام عليه
مُهيب: خيررر تررريييد شييي
حافظ: اشش اكعد واسكت احترم الاكبر منك
فاضل: ميخالف صلوا على محمد
حسين: خلي ينطمر يكعد احسله
فاضل: حسين گوم روح وية رائد
رائد: كوم يخوي عندي سالفة وياك
_گام باس راس ابوه واردف
حسين: صار يُبا عد عيناك
_راح وية ابن عمه وحچة «فاضل»
فاضل: بوية مُهيب ادري بيك مقهور واطلع قهرتك بينا بس ما يصير تهمل صحتك شوف وجهك شلون مبلوع
آسر: سلام عليكم
:- وعليكم السلام
آسر: شبيكم
فاضل: ما بينه غير كل خير
_گام «مُهيب» يريد يطلع وحچة عمه ..
حافظ: وين رايح
مُهيب: اكـ** بالشوارع عندك مانع
آسر: مُهيييب شهللل كلااام
مُهيب: گل لعمامك يسكتون احسن
بشار: ووووولك هااااييي طووولت السااانك عليييمن
فاضل: يُبا شسالفة على كيفك وية الولد
_چان «بشار» توى داخل للبيت ، تقدم عليه معصب ورفع سبحته ضربه على وجهه
_باوعله بحقد واردف
مُهيب: اللّٰه ياخذك اليوم قبل باجر
بشار: ووولك
_دفع «آسر» اخوه وگاموا الولد لزموا «بشار» وآسر رفع صبعه بحركة تهديد واردف
آسر: صارت هاي المرة مرة ثانية ما يصير خير
حافظ: آسر كافي اخذ اخوك واطلع
آسر: رايحين عمي مالنا كعدة يمكم
_طلع هو واخوه وعمي حچة
بشار: هذول وجوه واحد يحترمهم لا واللّٰه
فاضل: شسالفة بوية بعدهم صغار على كيفك وياهم بعده جرحهم اخضر
نوال: اي واللّٰه يكسرون الخاطر
فاضل: المهم احنى نرجع لان حسين عنده معهد
نوال: اگلك عمو شخبار جنات ما شفناها
بشار: وانا شعرفني
فاضل: لا حول ولا قوة الا باللّٰه ...
_بقينا ساكتين اشوي وترخصنا ورجعنا للكوت ..
ــــــــــــــــــــــــــــــــــ
_آسر
_اخذت اخوي وصعدته بالسيارة وصعدت اسوق چان هادء وما حبيت احچي وياه بالموضوع ...
مُهيب: خلي نزورها طگ گلبِي عليها
آسر: صار
_درت سيارتي متوجه للمگبرة ... وصلت ونزلنا اباوعله الدموع ملت وجهه ويحچي بصوت ناصي
مُهيب: يُمة اجيتچ رويحتي اجيتچ
_وصلنا لقبرها وكعدنا اثنينا ساكتين بس مُهيب يبچي بدون صوت
_كورت على ايدي وحچيت احاول اقوي بنفسي حتى لا اضعف كدامه
آسر: خلي نقرالها الفاتحة
مُهيب: ايي
_قرينا الفاتحة وطلعت تلفوني اكتب بالكوكل «زيارة الامام الحسين»
مُهيب: شكاعد تسوي
آسر: ادور على زيارة الامام الحسين
مُهيب: ميلك هل حچي استغفر احسلك
آسر: رائد گال راح تفيدها ما اعرف شلون هسة احنى شخسرانين ونقرالها الفاتحة لام البنين حتى تحميها
_تقرب يمي وضل يباوع وياي ، طلعتها واردفت بأبتسامة
آسر: تقراها وياي؟
_هز راسه بمعنى اي وبلشنا نقراها اثنينا ..
_خلصت وباوعتله وجهه مليان دموع وصاير احمر
آسر: كافي بچي فتيت گلبِي
_ذب روحه بحضني وصار يشهگ ويحچي
مُهيب: ولك گلبِي يعصرني عصر ولك اريد اموت من وجعي
_حط عيونه بعيوني واردف بنبرة مليانة حَزن
مُهيب: ولك خوية الوجع منتچي على ضلوعي
_مسحت على راسه واردفت بحَزن
آسر: البچي ما يرجع عزيزتنا
_ابتعد عني ومسح دموعه واردف
مُهيب: امشي رجعني للمحل وراي شغل
آسر: عوف معليك
مُهيب: دسكت يخوي لا اطلع ضيم گلبِي بيك
آسر: مُهيب صدگني من تصيح وتنتر ما ترتاح اقراءة قرآن واللّٰه يفرجها
مُهيب: خوش
آسر: تصرفك وية عمو فاضل عيب الزلمة معدل وعمره ما ضوجنا معتبرنا مثل ولده ايام نروحله جوعانين وينطينا اكل وايام ناخذ منه فلوس وما يحچي لو يتعاجز منا
مُهيب: زين
آسر: اعتذر منه قبل لا يروح للكوت
مُهيب: ما اريد
آسر: براحتك
_گمت نكتت ملابسي ومديتله ايدي
آسر: گول ياللّٰه
مُهيب: ياللّٰه
_رحنى للسيارة ووديته لمكان شغله ووصيت ابو الشغل عليه ورجعت للشقة
_فتحت الباب وانصدمت بشكل الشقة المگلوب گلاب ، الملابس بكل مكان مطشرة والماعين بالصالة والتلفزيون صوته عالي
_سديت الباب وتمشيت اخذت التيشريت المشمور چان صغير ، حسيت على ايدين صغار لزمت رجلي درت وجهي وباوعت
آسر: ابن طيرتي
_نزلت شلته وبوست عيونه وحچيت
آسر: يا رويحتي من هل دنيا ولك شلونك يا بطل
المنذر: ابااا
آسر: يا روح البابا
فدك: اللّٰه يساعدك حبيبي
_باوعتلها وابتسمت على شكلها لابسة دشداشة قصيرة وشعرها مكفش
آسر: شصاير
فدك: اعذرني يا روحي واللّٰه ما دريت راح ترجع من وكت وما لحگت انضف الشقة
آسر: ميخالف هسة اساعدچ
فدك: لا سودة علي توك راجع اكيد تعبان انت بس نوم المنذر وانا بالف خير
آسر: فدك بدون هل كلام على الطفل
فدك: شبيك حبيبب واللّٰه اشاقة اساساً احبه
_باوعتله وحچت
فدك: ولك توته تحبني لو لا
المنذر: اماا
آسر: لا مو اما هاي خالة گول خالة
فدك: ليش حبيبي خلي يگول ماما شكو بيها
آسر: لا انتِ مو امه ولا راح تاخذين مكانها
_ابتسمت مجاملة وراحت تلم بالملابس وانا اخذته للغرفة ، تمدتت ونومته على صدري چان راسه على رگبتي
آسر: المنذر تدري امك طير بالجنة
_صار يتحرك ويريد يبجي وانا اضرب بخفة على ضهره حتى ينام
آسر: بسم اللّٰه الرحمـٰن الرحيم
(قُلْ أَعُوذُ بِرَبِّ الْفَلَقِ ، مِن شَرِّ مَا خَلَقَ ، وَمِن شَرِّ غَاسِقٍ إِذَا وَقَبَ ، وَمِن شَرِّ النَّفَّاثَاتِ فِي الْعُقَدِ ، وَمِن شَرِّ حَاسِدٍ إِذَا حَسَدَ)
_كملت وقريت اية الكرسي
_حسيت بيه نام ، شلته وخليته بصفي وباوعلته ودموعي صارت تصب
آسر: عمت عيني ما تهنت تشوفك تكبر
_مسحت دموعي وگمت غطيته وطلعت
فدك: ها حبيبي جوعان اصبلك اكل؟
_باوعتلها چان وجها اصفر وباهت ، حكيت رگبتي واردفت
آسر: فيفي شنو عشاچ
فدك: شوربة وكبة
آسر: صبيلي اذا ما تصير زحمة
فدك: من عيوني
_ابتسمت بوجها وكعدت على القنفة صافن على الساعة ، دقائق وجابت الصينية وكعدت يمي
فدك: يلا حبيبي كول بسم اللّٰه وبلش اكل
_لزمت الخاشوكة وصفنت على الاكل
ما عندي نفس اكل بس ميت من الجوع
فدك: اكلك حبيبي
_عفت الخاشوكة وباوعتلها واردفت
آسر: ها فيفي
فدك: طلگت جنات مو؟
آسر: لا
_ابتسمت وحچت ومبين متنرفزة
فدك: لـ.. ليش
آسر: وين تروح
فدك: مو عندك عم يحبها خلي ياخذها يمه
آسر: عنده ولد وهي شابة
فدك: آسررر
آسر: لا حول ولا قوة إلا باللّٰه
_گمت رحت للغرفة بدلت ملابسي ورشيت عطر وطلعت لكيتها كاعدة على القفنة وتباوعلي
فدك: وين رايح توك اجيت
آسر: ابات يم صاحبي
_گامت لزمت ايدي واردفت بهدوء
فدك: اسفة حبيبي لا تضوج مني وتطلع زعلان
_بعدت ايدها واردفت
آسر: ما ضايج
فدك: لعد لا تعوفني مشتاقتلك
_بست راسها واردفت
آسر: عندي شغل فيفي اكمله وارجع
فدك: انتظرك
آسر: خوش
_طلعت من الشقة وصعدت السيارة متوجه للبيت .. وصلت وفتحت الباب چان الضوء طافي
_دخلت من باب المطبخ وچان ضلمة بس ضوء الصالة داخل عليه
آسر: ااااحممم
_وصلني صوتها من بعيد
جنات: بعدددد ووووكتتتتتت
_اخذتني رجلي لباب الغرفة چان مردود وبيه فتحة اصغيرة ، دكيته ودخلت باوعتلها ضامة روحها جوة البطانية ومطلعة بس راسها
آسر: كيكتي
_گامت كعدت عدل وباوعتلي وعيونها شرار من العصبية
جنات: ويين چنت
_تقربت منها وحضنتها وتلقائياً عيوني صبت دموع ..
_جنات
_استغربت من حضني وتنرفزت ، دفعته وحچيت
جنات: وسم شبيك
_رجع حضني وصار يشهگ ، خفت من شفته هيچ وحچيت
جنات: آسر شبيك حباب ليش تبچي ابوي بيه شي لو شنو
آسر: جنات خديجة ماتت
_حسيت بصدمة وسچينة انغرست بگلبي صح ما حاچيه وياها هواي بس احس انهضمت عليها ..
_خليت ايدي على راسه وصرت اشهگ مقهورة ، وخر عني وصار يمسح بدموعي ويحچي
آسر: عليمن هل بواچي يُبا هي طير من طيور الجنة
_سمعت كلامه وزدت بچي حسيت نفسي انهضمت بالزايد
_جر راسي وخلاه على صدره واردف
آسر: صوجي گتلچ بعد شيسكتچ
جنات: سودة علي شلون توفت
آسر: الحيوان رجلها ضاربها وصاير عدها نزيف داخلي والحمد لله
_غطيت وجهي وصرت اشهگ واتحسب عليه
جنات: حسبي اللّٰه عليه دنيا واخرة اللّٰه لا ينطيه
_حط راسه بحضني واردف بهدوء
آسر: كيكتي عصري راسي اريد انام اشوي
_خليت ايدي على راسه وصرت اعصره اله بكل قوتي ، لزم ايدي وصارت عيني على الوشم مالته وحچيت بدون وعي
جنات: ايع شنو هاي دودة على ايدك
آسر: اهوو الزرگة ادور مشاكل
جنات: واللّٰه مو حلو شيله سويله چارة مخرب ايدك ليش
آسر: اگلچ هي ايدچ لو ايدي
_دفعت راسه ولميت رجلي لصدري واردفت
جنات: صوجي خليتك تنام على رجليناتي ما تستاهل
آسر: خوش
_گام اخذ مخدة وراح طلع من الغرفة
تبتعته وشفته خلاها ونام على القنفة
جنات: امدااك
آسر: انچلبتي مو
جنات: عودة المطيرچيي
آسر: الزرگة
_اتقربت يمه وطگيته على راسه وركضت للغرفة سديت الباب وخليته يصرخ
آسر: انااا ااااالچ اذاااا مااا اطيييح حححظچ
جنات: تستاهل حتى ما تگلي الزرگة بعد
آسر: اي مو ترديني اجذب واگول شگرة تخبلين
جنات: دررروح صاااير زززلمة براسيي
_رفس الباب وحچة بعصبية
آسر: بت ابوچ فتحي الباب اذا ما اسويچ وصلتين ما يطلع اسمي آسر
جنات: يُمة يُمة خفت راح اموت من الخوف لحگوليي
آسر: ضحكي ضحكي براحتچ عبالچ انساها الچ
جنات: يلاا روح لبيتكم شعندك جاي هنا
آسر: جناتي فتحي الباب خلي احچي وياچ
جنات: تريد تقشمرني حتى تكتلني لا واللّٰه اشايفني طفلة اناغي يمك
آسر: جناتي
جنات: وجعا حتى وجعا شتريد يلا روح
آسر: اذا رحت بعد ما اجي
جنات: بعد احسن
آسر: الزرگة انتِ اكبر جبانة باقية بس تنفخين بريشاتچ
جنات: انت الازرگ انت وهذا وشمك عبالك جريذي ميت
آسر: اصطبريلي
_سكتت وكعدت بالكاع صافنة دقائق وطفت الكهرباء وگلبي صار يدك قوي الغرفة حيل ضلمة
جنات: آسررر
_ما جاوبني خليت اذني على الباب احاول اسمع صوت حركته بس ماكو صوت ، فتحت الباب وطلعت ادردم احاول اوصل للمطبخ لان اكو جداحة
جنات: اكيد عافني وراح ما يخاف رب العالمين عايفني هنا وحدي ما يگول بعدها صغيرة
آسر: دهر الدهرچ هلگدوتچ والسانچ شطوله
_نزيت وفتحت عيوني احاول اشوف وين كاعد ، سمعت صوت طگه جداحة باوعتله وعصرت ايدي
جنات: خـ... خوفتني
آسر: تعاي بنيتي كعدي يمي
_بلعت ريگ واتقربت كعدت يمه على القنفة واردفت
جنات: ضلمة
آسر: ادري
جنات: عبالي ما تدري گلت اگله
آسر: اممم
_جر الباكيت وطلع جكارة وخلاها بحلگه شغلها وطلع تلفونه شغل الايت واخذ نفس واردف
آسر: صاير زلمة براسچ موو
جنات: ها
آسر: وجعا بگلب العدو
جنات: اريد ادخن وياك
آسر: تردين اجيبچ براجدي يفر وجهچ فر
جنات: لا ما اريد
آسر: عبالي تردين شعجب ما تردين
_باوعتله متنرفزة ودرت وجهي عنه
طفى الايت وصرت افر براسي خايفة
جنات: ليش طفيته
آسر: اخاف يخلص شحن تلفوني
_باوعتله متنرفزة واردفت
جنات: شبيييك
آسر: صوتچ ما احب الصوت العالي
_رجع شغل الايت واردف
آسر: المسواگ خلص لو بعده
جنات: باقي قليل
آسر: ها زين
_تنهد وطفى الجكارة واردف
آسر: خديجة عدها طفل اسمه المنذر
جنات: يااا اول مرة ادري
آسر: ايي
جنات: خطية وين باقي
آسر: يم فدك
جنات: فدك اخت الخِنْزَبْ؟
آسر: اييي
جنات: ليش ما اخذته عمة سارة
آسر: خطية ما فارغة هم يلا تلحگ على صاحباتها
جنات: سودة علي جيبه يمي
آسر: هو اريد اجيبه يمچ
جنات: ها زين
آسر: مبقى هواي على الدوام
جنات: اي
_اشتغلت الكهرباء وگمت اريد ارجع للغرفة وسحبني من ايدي كعدني يمه وخله ايده على چتفي واردف
آسر: ما انساها الچ كيكتي
جنات: شـ.. شتريد
آسر: عيب تتجاوزين على الاكبر منچ وتحصلين اثم انتِ مسلمة لازم اخلاقچ عالية
جنات: اسفة
_باس راسي وحضني وتنفس بعمق واردف
آسر: ريحتچ ترد الروح
جنات: ايع وخر عني
آسر: اللّٰه واكبر
_ابتعد عني واردف
آسر: ريحتي طيبة؟
_جريته من قميصه لزم ايدي وحچة بنرفزة
آسر: لا تصيرين رعنة
جنات: شبيك اريد اشم ريحتك
آسر: صارلچ ساعة يمي ما شميتي
جنات: لا ما عندي حاسة شم قوية نفسك
آسر: امدة گلبِي اي واللّٰه
_تقرب مني واردف
آسر: ها راحت ريحة الشموس؟
جنات: ايي زين حلو عطرك
آسر: صلاوات طلعت منچ حچاية حلوة
جنات: ليش عيني حچاياتي مو حلوة؟
آسر: كلشي يطلع من حلگچ حلو
_ابتسمت واردفت
جنات: عادي اروح انام؟
آسر: اي اكيد اخذي راحتچ
_گمت ورحت للغرفة لفيت روحي بالبطانية ونمت ما ادري شكد مر وقت وحسيت احد داس على رجلي
_طفرت اصرخ موجوعة
جنات: يُمممممة رجلييي انمرررردتتت
آسر: سودة علي واللّٰه بالخطأ
_لزمتها وصارت ادموعي تنزل موجوعة حسيتها نمردت ، شغل الضوء وتقرب مني لزمها ويعصر بيها
آسر: عمت عيني واللّٰه بالخطأ
جنات: عوفني هسة اصير زينة
آسر: خلي ادلكها الچ ترتاحين
_جراها خلاها بحضنه وصار يدلك بيها بيديه الاثنين ويحچي بخفوت
آسر: عمت عيني عليچ ابدل ما المچ اذيتچ
_باوعلي واردف وعيونه حمرة
آسر: فرحة گليبي
_بقيت صافنة على كلامه وتصرفاته الغريبة
_تقرب حضن راسي خلاه على صدره وصار يبوس براسي ويحچي بخفوت
آسر: انتِ فرحتي وجنتي واماني
_دفعته بخفة ولفيت نفسي بالبطانية واردفت بخوف
جنات: آسر شبيك
_غطة وجهه وصار يشهگ بصوت عالي ويحچي بحرگة گلب
آسر: ولچ جنات راحت طيرتي راحت رويحتي من هل دنيا اخذها الموت مني
_بقيت ساكتة ومقهورة عليه خليت ايدي على راسه وصرت اشهگ وياه ، باوعلي ومسح دموعي بيده وحچة
آسر: لا تبچين
جنات: انت ليش تبچي
_باوعلي ومبين الهضيمة على وجهه نزل راسه وصار يشهگ ويحچي
آسر: ما ادري شبيه بس مخنوك
_خليت ايدي على وجهه امسح دموعه واحچي
جنات: گوم صلي اللّٰه راح يساعدك
_مسح وجهه بچف ايده وباوعلي واردف بخفوت
آسر: مـ.. ما اعرف اصلي
_گمت ومديتله ايدي واردفت
جنات: گوم اعلمك شلون تصلي
_گام وياي واردف
آسر: ما داعي اتعلم وحدي مشكورة
جنات: آسر صلي قبل لا يفوت الاوان
آسر: ها؟
جنات: اذا متت وانت ما مصلي ما راح يفيدك الندم وراح تتعاقب حالك حال الكافر
_هز راسه وطلع من الغرفة ، طلعت وراه ولكيته اخذ غراضه وراد يطلع
جنات: راح تروح؟
آسر: اي لا تخافين الدنيا صبح
_هزيت راسي وسكتت عنه طلع وقفلت الباب ورجعت نمت ..
ــــــــــــــــــــــــــــــــــ
_آسر
_تائه في شوارع الفيحاء
_اباوع على المحلات اغلبها مسدودة الدنيا بعدها فجر الساعة بـ4 ونص
_بلعت ريگ من قريت كلمة «جامع»
طبگت سيارتي يمه وباوعتله فارغ محد بيه
_نزلت وصارت عيوني ادور بالمكان هدوء وماكو احد ، رحت للمغاسل وغسلت وجهي ورگبتي
_ردت اطلع بس ما انطاني گلبِي توضيت لان اعرف طريقة الوضوء ، خلصت وطلعت احس رجلي ثگيلة وگوة امشي
_سحلت روحي ووصلت يم الباب نزعت حذائي ودخلت لگيت شخص كاعد يقراءة قرآن
آسر: السلام عليكم
_باوعلي وابتسم چان وجهه بشوش وهادء
:- اهلاً ابني وعليكم السلام
_كعدت واتنهدت ما اعرف طريقة الصلاة وما ادري ليش اجيت هنا
:- بيك شي ابني
_استداريت عليه وترددت ما اعرف شنو ارد ، اتقرب مني وبيده القرآن واردف
:- شنو اسمك وليدي
..:- اسمي آسر
:- اهلاً وسهلاً ابني انا شيخ هذا الجامع
_هزيت راسي وسكتت عنه حسيت بأيده على چتفي ويحچي
الشيخ: مصلي صلاة الصبح وليدي؟
آسر: لا
الشيخ: گوم ابني صليها الصلاة عمود الدين
_عصرت ايدي قوي ما اعرف شنو احچي وياه
الشيخ: نگوم نصليها انا وانت شتگول؟
آسر: اي
الشيخ: انت متوضي؟
آسر: اي توضيت
الشيخ: عفية عليك وليدي يلا نگول ياللّٰه ونصلي
_صار ليكدام اشوي وبلش يكبر ويحچي بصوت عالي وانا اقلده ، خلصنا ودار علي واردف
الشيخ: وليدي الصلاة ما تاخذ من وقتنا ومهمة بحياتنا اليريد يتوفق بحياته ينتظم بصلاته
_هزيت راسي متفهم كلامه گمت واردفت
آسر: مشكور اللّٰه يجزاك الف خير
الشيخ: اكعد وليدي اسولف وياك شبيك مستعجل
_نحرجت ورجعت كعدت چان وجهه بشوش غصب الواحد يستحي يباوع بعيونه
الشيخ: بسم اللّٰه الرحمـٰن الرحيم
(يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ)
_بقيت اباوعله وابلع ريك احس روحي هادئة
آسر: شنو تريد مني
الشيخ: ابني مبين انت انسان عجول ومهموم
آسر: لا ما بية شي
الشيخ: ليش اجيت للجامع؟
آسر: ما ادري
الشيخ: شوف وليدي تريد ترتاح بالدنيا وبالاخرة؟ التزم بصلاتك
آسر: بـ.. بس ما اعرف اصلي
الشيخ: ميخالف اعلمك انا بمثابة ابوك
_هزيت راسي واردفت
آسر: لازم اروح وراي شغل
الشيخ: اللّٰه يوفقك ويفتحها بوجهك
_ابتسمت وگمت طلعت ضربتني نسمة برودة غمضت عيوني چان احساس غريب وحلو ..
_رجعت للشقة ودخلت چان هدوء وريحة عطر طيبة ، دخلت للصالة وشفتها حاطة ايدها على خدها ونايمة
_تقربت منها وصفنت على وجهه چانت موجودة اثار دموع على عيونها
مسحتهن بصبعي وفزت
آسر: اسم اللّٰه
_بلعت ريگ وحچت ابصوت بيه بحه خفيفه
فدك: اللّٰه يساعدك حبيبي
آسر: ويساعدچ يا عيني ليش هنا نايمة ما تخافين على روحچ
فدك: چنت انتظرك ليش بيش الساعة هسة
آسر: بالستة
_باوعتلي بصدمة وحچت
فدك: وين چنت
آسر: يم صاحبي واخذني النوم ما حسيت على روحي
_كملت كلامي وگمت رحت للغرفة طلعت ملابسي وبدلت ورحت للغرفة البيها «المنذر»
_كعدت يمه ولزمت ايده ابوس بيها واحچي
آسر: رويحتي اشتاقيتلك
فدك: عوفه نايم
آسر: خلي يكعد صارله هواي نايم
فدك: گتلك عوفه
_خزرتها ورجعت ابوس بيه واحچي
آسر: اكعد وليدي خلي اشبع منك شوف
_صار يتمغط ويبچي بصوت ناصي ، شلته وگمت رحت للمغسلة غسلت وجهة وبست خدوده
آسر: افيشش شنو هل ريحة الطيبة بيك
المنذر: اماا
آسر: جوعان وليدي مو؟
_اخذته للمطبخ وكعدته على الكاونتر وطلعت 3 گلاصات وطلعت خبز واجبان
فدك: عوف انا اسوي
آسر: سوي الچاي
فدك: بعيني
_اخذت الشكر وخليته بالگلاصات وخليتهن على الميز وفتحت الجبن خليته بصحن وخليت الصحن على الميز وسويت حليب
فدك: خلي الحليب بطاسة حتى يتنگع الخبز عدل
آسر: خوش
_سويت مثل ما گالت وثردت الخبز نگعته بيه وشلته كعدت على حضني وصرت اخلي بالخاشوگة واحط بحلگه واخذ خبز واخلي جبن واكل
فدك: على كيفك راح تختنگ
آسر: هم يلا الحگ تأخرت هواي
فدك: على كيفك حبيبي مو زين تاكل سريع انطيني المنذر انا اوكله
آسر: رحمة والديچ انا ابدله واوكله انتِ بس ديري بالچ عليه على ما ارجع
فدك: بعيني اخليه غير وليدي
آسر: فيفي مو ابنچ
_سكتت عني وصارت تشيل بالصحون وانا گمت بدلتله وغسلت حلگه
آسر: شوف ابن طيرتي اروح للشغل من ارجع اخذك لعمة حبابة خوش
المنذر: اماا
آسر: لا مو ماما
_شلته وردت اطلع وصارت كدامي والدموع تارسة عيونها وايدها ترجف
فدك: ويـ... وين تريد تاخذه بعدين؟
آسر: شبيچ فدك
_اجت جرته مني وحضنته وصارت تشهگ وتحچي
فدك: ما تاخذه مني خليتني اتعود عليه وهسة تريد تاخذه وتحرمني منه
آسر: انلصمي ولا تضلين هيچ تحچين كدام الطفل راح تبچينه
فدك: گتلك ما تاخذه مني آسرررر
_استغفرت واخذته منها واردفت
آسر: صوتچ اذا نرفع مرة لخ راح يصير شي ما يعجبچ
_خليته بفراشه وبست راسه وباوعتلها وحچيت
آسر: ووين ما اخذه انتِ مالچ اي دخل افتهمتييي
_باوعتلي والدموع تارسة وجها واردفت
فدك: هيچ تجازيني؟
آسر: فيفي كافي بچي مو زين على الطفل
_اتقربت منها ومسحت دموعها وخليت ايدي على بطنها واردفت
آسر: لا تعبين روحچ
_شبگتني واردفت
فدك: روح لا تتأخر
آسر: خوش وخري عني خلي اروح
_ابتعدت عني وانا طلعت للشغل ..
_خلصت شغل ولگيت جموح ينتظرني
آسر: ها ولك
جموح: شو مبتسم منين طالعة الشمس اليوم
آسر: يمعود على الابتسامة راح ننحسد دخلينا اشوي مبتسمين
جموح: دمشي يمعود عازمك على باجة من اليحبها كرشك
آسر: اويلي خوش عرض بس اعذرني الاهل ينتظروني
جموح: چا خوية وانا تعوفني هيچ وحيدتي
آسر: اعوضك غير يوم
جموح: لعد خلي نشرب زبيب وعلي افادي گام يوجعني من الحر
آسر: اللّٰه يساعدك
_رحنى اشترينا گلاصين وكعدنا نسولف
آسر: شخبار شغلك
جموح: يمعود البضاعة ما تمشي يكتلني الحر بالسوگ ومحد يشتري
آسر: جيب اشياء تجذب الزبون
جموح: اجيب بنات؟
آسر: طااييح الحظ
_باوعت للساعة واردفت
آسر: اگلك هسة بـ11 ونص شنو اذن لو بعده
جموح: بعده
آسر: بيش الساعة يأذن
جموح: اذان الشيعة بـ 12 وفوگ
آسر: والسنة
جموح: واللّٰه ما ادري بس يمكن بـ 12 ضبط هيچ شي
آسر: اذان الظهر مو؟
جموح: ايي
_باوعلي وابتسم واردف
جموح: ها خوية تيسير البداخلك لبست حجاب
آسر: اسكت لا اكسر الگلاص براسك
جموح: افااا يا صاحبي بس والعباس فرحتلك
آسر: ايي شعبالك وانت هم صلي
جموح: لا تخاف علي ملتزم بصلاتي اخاف اختي ادعي علي واللّٰه يسطرني
_ضحكت على سوالفه وترخصت رجعت للشقة دخلت ولگيتها معفوسة وصوت شخص يبچي
_ركضت على مصدر الصوت وشفت فدك حاضنه المنذر وتبچي بهضيمة
آسر: شصااايررر
فدك: طاح عليه القوري وتأذة
_لزمته مفزوع وخايف باوعت الايديه ولرجله چانن ايديه مصلوخات ورجله حمرة
آسر: اننننتِ ويييين عيييونججج شوووداااه للقووورييي
فدك: واللّٰه چنت بالحمام واللّٰه ما قصدت
_صارت تشهگ وتبوس بيه وهو يبچي وياها
_جريته منها وحضنته على صدري واردفت
آسر: بية ولا بيك وليدي
_گمت شلته ورحت طلعت مرهم من الثلاجة وصرت ادهن على ايديه ورجله وهو يبچي على بچيه صرت ابچي وياه
آسر: كافي ابوية انت لا تبچي فتيت گلبِي
_حضنته وگمت افتر بيه واقراءة عليه سورة الفلق واية الكرسي
_نام ودموعه على خده والشهگة بعدها مچلبة بصدره
_حطيته بفراشه وطلعت من الغرفة كعدت على القنفة روحي ممرودة من شكل ايديه
فدك: آسر واللّٰه ما اقصد
آسر: فدك وخري عني
_لزمت ايدي وصارت تشهگ بصوت عالي وتحچي
فدك: واللّٰه غفلت بس دقيقتين عنه واللّٰه مو بقصدي
آسر: ميخالف صار الصار الحمد لله ما بيه شي
_حطت راسها بحضني وصارت تبچي وتحچي
فدك: واللّٰه روحي نمردت عليه كون انا المحترگة
آسر: كافي لا تبچين ما بيه شي يصير زين
فدك: انت ما شفته شلون فرفح
آسر: گتلللللچ كااافيي
_ابتعدت عني وراحت للغرفة ، رجعت راسي على القنفة وفركت صدري احس الدنيا ضاگت بيه وختنگت
آسر: شلون اواجه اختي يوم القيامة
_رحت يمه ونمت بصفنه وحضنته ..
ــــــــــــــــــــــــــــــــــ
نسواني عذروني نسيت انا انزل يوم الجمعة وهم التهيت بالطبخ واعمال يوم العاشر ..
عدلت الاخطاء زهور: Or_2000z
عدد الكلمات: 3346
حساب الانستا: edi_th7.0
زينب ..