الغيلان 010

المخلب السابع عشر

نسواني المعدلة لا تنسون التصويت والتعليقات الحلوة مثلكم
ــــــــــــــــــــــــــــــــــ

_سحبت تلفوني وشفت هواي اشعارات من الخِنْزَبْ ، فتحتهم وانصدمت ..

الخِنْزَبْ: جنات صارت بيدي يالغول ..

_بلعت ريگ واتصلت عليه مباشرة جاوبني

آسر: عوفها

الخِنْزَبْ: انت لعبت بالنار وراح تنچوي

آسر: شتريد اسوي

الخِنْزَبْ: راح ادزلك بضاعة توصلها لنفس العنوان واعوفها بحالها فترة ، اتفقنا؟

آسر: تمام

_سديت التلفون وطلعت مستعجل متوجه للبيت چان كلامه مبهم ما عرفت مراقب البيت او داز واحد عليها ..

_وصلت ونزلت واحس داخلي ينتفض خايف ادخل وما الگاها ، توكلت على اللّٰه ودخلت من باب المطبخ واردفت بصوت يرجف

آسر: جَنتي وينچ

_بلعت ريگ چان البيت هدوء ، رحت للغرفة وفتحت الباب على كيفي ولگيتها نايمة بعمق ..

_تقربت منها وحسيت بتلفوني يهتز فتحته وشفت رسائل منه

الخِنْزَبْ: هل مرة عديتها سلامات الك ولا طول يمها اشوي واطلع لازم توصل البضاعة اليوم

_قريتها وسديت التلفون متنرفز ، وحچيت بيني وبين نفسي

آسر: اصطبرلي تلعب على اعصابي وتريدني اسكت عنك مو!

ــــــــــــــــــــــــــــــــــ

_الفيحاء

_آسر

_العمر: 9 سنوات

_طلعت العب وية الجهال وبيدي بطل فارغ

مرتضى: انطيني اترسه رمل

آسر: انا اترسه

_كعدت بالگاع وصرت احط بيه رمل وهو واگف فوگ راسي خلصت وگمت شمرته وصرنا نلعب بيه مثل الطوبة چنه سبع ولد

_ما حسيت غير واحد دفعني من ورى طحت وگمت نكتت ملابسي وباوعتله

آسر: شبييك

مرتضى: انت واگف بنص الملعب وخر

_عفته ورجعت العب اشوي وعفتهم ورجعت للبيت اريد اشرب ماي وصار بوجهي ابوي مباشرة بهت وجهي وحسيت الخوف ترس روحي ..

ضياء: وين چنت

آسر: بالساحة العب وية مرتضى

_باوع على ملابسي وتقرب لزم اذني لواها واردف بغضب

ضياء: شنوو هااي ملابسك

آسر: يُبا هسة انكتهم بس عوفني

_عاف ذاني وضربني على راسي