روح في بحر الظلام

الحلقة الرابعة عشر

روح في بحر الظلام

____ الكاتبة بحر _____

بنات كل اللي تمر من هنا ارجوكم لتنسون التقييم

بالنجمة والتعليق  ++إضافة الحساب لطفا🦋💕

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،

في فؤادي.... محرقة

وَقودها ... مشاعري

موقِدها... مَحبوبي

والذنب أني حتى في خطاياه اعلنت هيامي

كلمات بقلم بحر✍️

____________________

ســــــرى

:الووو هلو خالو،، خالو ما اكدر اجي ماما بالعناية حيل تعبانه احجي برجفة من القهر والحزن والجوع والسهر

:حبيبي خالو بس فهمني صاير شي والله قلقتني، تمام يلا اجي بس خالة ام مرتضى رجعت ماما محد يبقى يمهه يعني، اوك يلا جايين، التفتت لمرتضى

:هذا خالو ديگول تعالو ربع ساعة وترجعون ما اعرف شصاير، عفية امشي لازم قبل ماتصحى ماما اني هنا

:لتخافين ما نتأخر، انطيني ايدج اسندج حتوگعين

:مابيه شي اگدر امشي
باوعلي يتوسل وبصوت حنين :هسة على شنو هالعناد يابة تعبانة وجهج اصفر اسندي نفسج على ايدي، خليني اساعدج

:چؤ، هياتني د امشي مابية شي العالم منا

قبل مانوصل للسيارة غوشو اعيوني مديت ايدي كمشتة غصبا عني لزمهه بأدي اثنينهم

:لعد اني شحجي صار ساعة،،،، دخت مرتضى راسي موتني،،،

:هياته السيارة وصلنة
صعدت وهو حركهه وكف يم محل ونزل فتح الباب مالتي كال مدي ايدج. غسلت ايدي وجهي وشربت الباقي، وهو يباوع بتركيز،
:هاا احسن شوية
:راسي موتني اريد حباية
:هسة نوصل، تاكلين وتاخذين، وانتي جوعانة مايصير تلعب نفسج

:لا مرتضى يا اكل ماما راح تگعد اذا ملكتني تزعل والله

صعد بالسيارة وحرك دخلهه للبيت. نزلنة استقبلونة خالة والبنات حاولت امشي طبيعي ما كدرت سندتني مروة، نسيت سالفة العقد ونسيت وصية ماما المصيبة الأني بيهه خبصت عقلي شابكت افكاري

مرتضى مد ايدة اللي يباوعلي متردد:سراوي الشيخ دقيقة ويوصل

:هاي ششبيك انت تخبلت ياخي ماعندك احسساسس عايفة امي بين الحياة والموت اني مرتضى

:صصوتتتج صووتج خل افهمج زماالة، لا تاخذينة بالحس العالي مو تدرين هاي وصية امج ححاليي من حالج مجبور بهالتووقيت

:م ممجبوور  انت هيج متخبل ماعرف شبيك، ياااخي بطلت ماااريد تفهم شنوو ماريد هي گوووة  روح شوفلك حيوانة غيري تزوجهه ابيشش طالبني

اجا عليه يريد يضربني ولزمو امة والبنات

:طااايحة الحظ ادبسسسز اني كبرت راسج، مييت على خلقتج اني لخاطر امج المرة جاي تموت وانتي بطرانة رااسج مالت جحشش مو بشر

:انشااالله الموت الك ياحقير لا تحجي على امي وربي احرگك والله بعد هذا كلامك لو تبقى بس انت ما اباوع بوجهك

خالوو مناك كلب البيت بالعياط وامة وهو لحد ما اندگت الباب صار هدوء طلعت امة گالت

:مرتضى يوم اجوي جماعتك و  الشيخ  اطلع للرجال والله فشلة من طاح حظكم اي والله خزيتونة، ليش هيج يووم سرى مو فهمناج ليش تفشلي وتعلين صوتج اني أمة ما اسوي السويتي عيب خالة عيب

رجلية ماشالني گعدت بالارض بصف الحايط كل جسمي ينكت مثل السعفة بعمري ماوصلت لهلمرحلة من الأنهيار

هز ايدة وطلع عصبي شوية  أشرلنة نسوي طريق للشيخ، فتو للأستقبال واحنا بالصالة، اشوية وانخبصو البنات وخالة 

:يااارجال كتلك خليهم يولون ليشش تقهر نفسك، هسة زين ضغطك صاعد، شكول عليك مرتضى،لج رررقية تعالي جيبي مي وليمون وكشريلي حبايتين ثوم

راحت رقية تركض بلا كلام ومروة اشوفهه تفرك بأيدة أني گاعدة بالصالة وهم بالغرفة اشوفهم بس وجه خالو ميبين، حسيت نفسي مجرمة بقيت أكل بأضافري وساكتة

طلعو الرياجيل والشيخ ودخل مرتضى للصالة

:تعال ابوك تخربط حيموت الرجال بسببكم ربحي بيمن بالله

:شكو يومم، هاايابة سلامات

حجة خالو بصوت خافت متعب
:اطلع برة ماريد اشوف وجهك
:يابة غير افهم شكو

:اثنينكم حقرراء انت وهي اللي معتبرهه بنتي ماخليتولي أي احترام بس لان تعرفون رجلية مگطمة، وألا لو حاطين أبالكم أكدر اوكف واكسر روسكم ماجان صار اللي صار، ولا خليتوني اصيح مثل الكلب

:يابه صدك تحجي دكافي فدوة لعمرك شوف حالك فدوة اروحلك

:طلعي مني ما اريد اشوف وجهه
دفعتة امة من الغرفة وكف يم الباب مقابيلي وانا ع القنفة گاعدة مارفعت راسي ابد بس اگل بأضافري

تقرب مني ضربني على ايدي بخفة، خزرتة بحدة

:نزلي عينج لا افگسهه وحق الله ترة روحي طالعة منج، وكافي بطلي هالعادة لاتاكلين اضافرج
:وانتاا شكوو
:لج  تحترمين نفسج لووو شلوون

:يلا وديني ماما حتصحى
صفن بوجهي ثواني وگال، وهذا الصعدتي ضغطة خليولي مو
حجيت بغضب بس صوت ناصي حتى ميسمع خالو
:ووووووددديييني ل أمييي ما فارغة لسوالفك ااابد

ابو مرتضى:وديهه مرتضى
:يابة شلون اعوفك
:والله لو اهمك ماسويتو بية هيج، اخذهه وديهه ما اريد اشوف شكلكم

كمت فشلانة بس اريد اطلع نضراتهم اللي كل ملامة، ولا واحد حط نفسة مكاني ولا واحد فكر باللي شفتة الفجر امي جانت راح تروح من ادية ولا واحد حس شكد اني مريضة وتعبانة كل نضراتهم ملامة

طلعت ناسية الشال شعري مكشوف صاح وراي
:شنو ذبينا الحجاب لو شنو
رفعت ايدي على راسي ماكو التفتت علي لازمة بأيدة، مشيت اخذتة منه بقوة بس حطيتة على راسي وصعدت ورى

باوعلي وتخصر بعدين هز راسة وراح يسوق
:زعطوطة
:مرتضى كافي عوفني بحالي لخاطر الله
سكت وحرك السيارة. واني خالة راسي ع الجامة وافكر سالفة تجيبني وسالفة توديني، وكف السيارة باوعتلة

:هااا؟
:منحجي
:تعباانة حسس بيه شوية تعبااانة دا اموت روحي كل ساعة تشتعل وتنطفي، ما اريد احجي
:اذا حجت وياج امج ذبيهه براسي
:مستحيل اني رفضت وماما راح تتفهمني
:مفتخرة بنفسج مو؟
:يياااااربي اخذذ روووحيي ياا الله والله مليت، حجيت واني اشهك وهو نزل من السيارة واجا يمي للكرسي الورة

:شششبيج شكوو تدعين مو دا نحجي بطلنة غير بطلنة شتردين بعد،
:اريد امووت تعبت روحي تعبت والله

صوته بي رجفة :كاافي كااافي كلشي ردتي صار انتهينا مراح افتح هالموضوع بعد اني اعرف احميج بلا عقد لو اعرف انطي روحي بس كافي

بين تأنيب الضمير والقهر والقلق والصمت حجيت بعبرة

:يلا تأخرنة عفية
نزل لمكانة وصلنة دخلنة لغرفة ماما بعدهه نايمة، سألنة الدكتور كال فد ساعة وترجع تصحى نايمة ع اثر العلاج

هو بقى برا واني گعدت يمهه ع الكرسي ولازمة ايدهه، صافنة وحسيت عصرت ايدي فزيت اباوع بوجهه بالكوة تفتح عينهه، حاولت اطمنهه بأبتسامتي وما اخوفهه

:الحمدلله على السلامة يروحي
مدت ايدهه تلمس خدي وغمضت فترة وفتحت عيونهه،
:شلون سويتلج عصير يخخخخبل لو ما امي والناس تضحك علي جان بعتة الج بفلوس، ابتسمت تباوع صفح ماله خلك

بعد نص ساعة كدرت تتحرك شويه، اجت الممرضة رفعتلهه السرير  صارت مثل الجالسة، شربته مي وعدلت الكاب على راسهه،
:شو وحدج
رديت مبتسمة بخوف :لا هياتة مرتضى برا
ردتلي الأبتسامة:كومي صيحي

رحتلة خايفة ماما عبالهه عقدنة ياربي حلهه،صحته اجا دخل للغرفة ايده بجيبة والثانية يرتب بيهه شعرة

:هلااا عماتي حبيبي ما اكدر ابوسج جنت برا مو زين عليج
:وليش برا اشو عمتك ومرتك لو مو بعينك

:صيري زينه ونسولف
:نسولف بشنو وضعكم معاجبني
باوعتلة بخوف وهو افتهم عليه، تقرب كعد ع الكرسي ولزم ايدهه

:عمه تعرفين شگد غالية على گلبي هذا شي منتهين منه، وهاي الثولة هم تعرف احبهه، اسمعيني اني راح ابقة احميهه وما اخلي واحد يتقرب منهه لو مو عمامهه لو جيش العالم كلة مياخذهه، بس ياعمة نفسي عزيزة ومايهون عليه ابقى اذلهه، عقد ما أگدر اعقد مستحيل اجبرهه عليه بس وعد للموت احميهه ولو اعرف احميهه بروحي

ماما خزرتني ودمعت عيونهه
:طايحة حظ شمسوية اني شنوصيتج
:ماما والله مكدرت اني اصلا عبالي متي متت خوف من شفتج والله
:كتلج لو بالقبر هالعقد يتم شمصخمة جااوبي

كامت تكح بقوة والممرضة اجت تركض صدك تحجون اطلعو برة ممنوع احد يبقى هنا.
:ماما والله هسة راح اعقد بس اهدي حبابة والله كلبي يوجعني لا تسوين هيج بيه
:اطلعي برا اطلعي مني،،، جانت تحجي وتكح دم

جرني مرتضى كعدنة بممر المستشفى

:مرتضى اني موافقة امشي هسة نعقد فدووة والله اعتذر منكم كلكم بس وافق

:لو تصيرين الهوا شايفة الهوا اخنگ روحي وما اشمج
:والله اسفة
:ما ميتة على خلقتي ولا ترديني، وعمة لا تخافين عليهه هسة تتحسن ديعالجوهه، هسة تهدأ
طلعت الممرضة كالت مراح تكعد الباجر وضعهه تعبان لا تضغطون ع المريضة كلة يأثر على العلاج يضل ميشتغل بجسمهه

عافتنه وراحت، بقيت گاعدة ع الكرسي صافنة بلما احس غفيت  فزيت واني وجهي قريب على صدرة ولازمني من كتفي، دفعتة اوكفت

:جنتي حتوكعين، امشي للبيت نغسل ونرتاح ونرجع، ما مانعت جنت محتاجة ارتاح لو ساعةة حتى هو استغرب لان ماكلت لا مشى هو گدامي واني ورا بلا اكل ولا نوم افترت بيه الدنيا كلهه وفقدت اخر شي سمعته صوت مرتضى المرعوب ينادي بأسمي.

فتحت عيوني اريد احرك ايدي ما أكدر لازمهه ونايم، حس عليه رفع راسه وكف يباوعلي بخوف

مرتضى:هاا شلون صرتي اكو شي يوجعج

لزمت راسي كلش يأذيني عصرت عيوني بوجع وحاجيتة

:شصار مرتضى ليش اني هنا، وفجأة وسعت عيوني وحجيت، مااماا ماما شصارلهه

:انطي مجال شبيج، ماكو شي عمة على حالهه، وانتي نزل ضغطج هذا الوحع براسج من الضغط تاكلين وتاخذين علاج وتتحسنين
طلعنة وصلت للسيارة دا اصعد ورة
:عيب هالحركات ترة
سديته ورحت كعدت يمة ودرت وجهي ع الجامة اسمع بس حسراته، ديوصل لبيتهم وحاجيتة

:نزلني يم بيتنة
:اهووووووووه راح نبدي لعب جهاااال سسسسرى
:كتلك نزلني يم بيتنه مابية حييل الح
ماسمع مني وكف السيارة يم بيتهم المفتاح بجنطتي اخذتة ورحت بقى يباوعلي ومتخصر بعدني دا افتح الباب ووكفت سيارة يم بابنة

مرتضى بس شافهه اجاني يركض

___________________

رانيـــــا

هسة دا اصرخ ورن تلفونة من النغمة عرفتة زياد، فتحت باب الصالة وطلعت لزمتة من بلووزتة انخمشش كلبي حجيت بخوف وصوت مكتوم خاف يكعدون

:زييياااد شددسوي ليش هيج لابس وين رايح

:اشششش صوتج فضحتيني
:ووين رايح شنو هاااي الجنطة
:مالج علاقة بية روحي ادخلي نامي واي واحد يسألج شي لا شايفتني ولا تعرفين عني شي
:فدوة فهمني وين رايح
:رايحلهه رانيا اني مدمن عليهه ما اعرف اعيش بدون صوتهه اموت والله
:زين شراح تسوي تعال نتفاهم فدووة احجي وأبجي من خوفي علي، هو حضني وباس راسي
:مراح اكولج شي حتى ليشمرون السالفة براسج طلعي نفسج من الموضوع نهائيا

عدل روحه ولبس الجنطة: أرجع لا تخافين بس لازم اتغدة بيهم قبل لا يتعشون بيه وألا اموت ما اتحمل،ضميتلج فلوس بجنطتج مصرف يكفيج شهر لتصرفي على مشمش لان اعرف ينطوهه وهي متبقى ساكتة انتي تسكتينن وينوكل حقج مصرفج ضمي والصبح سوي نفسج متفاجأة

:زياد فدوة لااا تر....
:لا تكسريني وتخلين بالي مشغول، يلا الله وياج ادعيلي، يلا روحي نامي خل اكمل شغلي وحتى اذا سمعتي صوت عالي اي شي ابقي نايمة عبالك ماتسمعين

فتت جوة واني امشي واتلفت خايفة علي، دخلت للصالة اتلفلت يم مشمش وگلبي يرعش دقيقيتن وسمعت طبكة صار بالباب البراني بس حييل قوية، سمعت حركة اقدام سريعة

عماد:طاح حضك زياد داخل للبيت وماساد الباب ورى،
ليلى:خطية مشدوه باله علكيفك وياه مو كلشي مشكلة وعياط والله ملينه

:شبيج هسسة انا شحجيت بت القن....... اكلتيني خاصل فاصل انعل ابوج لابو ابنج. هي سكتت وهو بقى يحجي

سمعت حركة اقدام واضح رجعو للغرفة، حاولت اغفى بس بلا جدوى،عيني ماشافت النوم للصبح گعدت جهزت الريوك

ولبست ملابس المدرسة كالعادة بيتنا ميعرفون شي اسمه صباح الخير

عماد:شعندج گاعدة من وكت، بابا اليوم امتحان مهم صليت وبقيت ادرس

هز راسة وراح يغسل، گعدت ماما اسمعهه تجر بمشمش

:ولكم عوفونيييي اني اعرفكم انتو مو اهلي لكيتوني وين يوووم بس فهميني، لان معاملتج معاملة وحدة تلكي جهال مجايبتتتهم،اااااخ ااااي اتشااااقة ماما عوفيني، جابتهه للسنگ لازمتهه من شعرهه وتضحك

:صصصصصوتكم لج مشمش فضحتينه شششهالصووت ادبسسز

بهمس :دباعي صوته حتى اللي بالمجرات الاخرى سمعو ويكول صوتي عالي

طلع بابا من الحمام ضايج باوع بوجهنة
:ماتگعدين ابنج لو يريد ينفصل، مادام الرجال الله هادي علي خل يكوم ويداوم مثل العالم ويعوفلي سوالف المراهقين على صفحة

كعدنة ناكل صنطة ماكو صوت اني بطتني لوتني ياربي دخيلك بس لا تصير براسي والله يموتني هسة يكول ليش ماحجيتيلي

ليلى:ماكو بفراشة اضن رايح للشغل سودة علية
:لا هاي اختة كاعدة من فجر الله جان كالت لو شايفتة
:مارديت سويت روحي احجي وي مشمش ومامنتبهه

طلعت مشمش واني بقيت منتضرة الخط المخربط رجال جبير سيارتة مسكربة وكليوم والثاني واتصل اني اعتذر ماراح اكدر اجي، سمعت الهورن، اييي يا الله اليوم منين طالعة الشمس
صعدت وطلعت السيارة الفرع واشوف دريد گاعد على بنيد سيارتة من مريت سوالي باي
بهمس:عابت هالشكل من الصبح تف
:شبيج هاي عليمن
:لا عمري هاي شفت كلب واني تلعب نفسي منهم

:الحمدلله والشكر باوعت صفح هزت ايدهه ورجعت تقرة بملزمتهه

:بعد اسبوع امتحانات المدراس  وبعدهه بفترة امتحانات البكلوريا السادس الابتدائي وبعدين الثالث وبعدين السادس هسة عدكم عطلة اتركو كلشي وركزو على مستقبلكم هاي مرحلة مصيرية لاحكين على التركي والموبايلات، لترسبون لو تاخذون معدلات واطية ل اسباب تافهه ادرسو وتجيكم العطلة والعبو براحتكم

:ست اكو مواد مفاهميهه، وبيهه صعوبة وهواي بنات ماعدهم يدخلون دورات ولا عدنة ندفع للدروس الخصوصية يعني متساعدونة
:سوينة العلينة  ماما بعد دبرو نفسكم

صارت ضجة قسم يضحكون وقسم خايفين وقسم يبجون اني صافنة بسالفة زياد وين راح شديسوي هسة
اوووف اوووف، انتهى الدوام رجعت للبيت اباوع مشامش ماكو گلت يمكن جوة

:ماااماااا، ماااماا، شنو اشو البيت فارغ وينهم گلبي انخمش وراح حيلي يربي شمرت الجنطة وشفت امي جاية من بعيد تمشي سريع، عبايتهه تهف وراهه ركضتلهه بالشارع

:شكووو مااما

:اختتتج ولج اختج ماااكو رحت للمدرسة معزلة ماكو البت وين راحت بهالضهرية

:عزززاااا مشمش يمه ضليت امشي اتلفت يمه فدوة شنسوي اتصلي على بابا

:مغغغلق ماكو مغلق مدري شمالة

هي مسحونة روحهه، وانا مخبوصة والكلام تخربط حتى مانعرف شنجاوب بعض وبجي نبجي بصوت عالي طلعت خالة ام زينب جوارينة تدور ويانة

:وين راحت وين ماما فدوة وين ادورر شسوي شكول عليك زياد

:حتى زياد ماكو مغلق من الصبح

اكولج بابا وين مكانة اللي انتقل بي اني اروح ركض اصيحة
:لا لا اكعدي لا تخبليني انتي الثانية اروح ادور عليمن واخليمن

:ماما مشمش ماكو فدوة وصفيلي عوفيني يطبني مرض اني جبيرة ماعلية شي مشامش ماعرف اخبارهه لا تخبليني
:طلعي من الفرع ع اليسرة للأخير اعري السايدي اسألي اللي بالشارع عن محل اسمه صيانة حيدر النچرچي

طكيتهه ركضة  وبالطريق اعترض شخص طريقي رفعت راسي باوعتلة

:وخر استفان مو وقتك اختي ماكو دا اروح البابا

ضيق عيونة اشنو ماكو ويصب غاحت استني جايي وياكي

:وين وياية وييين دا اكوىك رايحة البابا، وبغدين وخر مني كفيني شر امك لا تروح هم تجي تهدد ناقصني مصايب اني،، لك وخرر اتأخرت فضحتنة منا الشارع

:ما اوووخر فهميني اشصايغ ليش معصبة عليني
ارح منا يجي منا اروح منا يجي منا خبل

:انتا شجابك بطريقي حضي دووخر عفية،

:بيتنا هوني حبيبي شوفي هيانوو  وراكي، احكيلي رانيا كيف اقدر اساعدك والله ما اطيق اتتركك بهالحال

خلص صبري، عطت بي بصوت عالي:لك وووووخخخخررررر اختي مااااكووو وخر دااا اتعدة دفعتة ورحت اركض حتى ما التفتت

:عبرت اول سايد بسلام من السرعة بالسايد الثاني اجت سيارة دعمتني ماحسيت روحي غير ع الرصيف التمت العالم علية والضربني انهزم

اني احتاريت ابجي من الفشلة لو الهبطة لو الخوف ملابسي تملخت ورجلي تأذت لمست، جهي كلة دم واني ابين العالم لمحت المحل الوصفتة ماما

كمت امشي اعرج واحجي

:ماكو مابية شي، لا عمو شكرا ماكو داعي مستشفة هياتة بابا حروح يمة بالكوة خلصت منهم جانو غرباء بس خافو علية وكسرت خاطرهم لان منضري صار يخوف وجهي كلة دم وقميصي تملخ من المرفق وتتربت

مشيت مسرعة وصلت للمحل احجي وابجي

:عمووو اني بنت عماد وينه بابا عفية محتاجي ضروري

:هلا باباتي قصدج عماد ابو زياد.... هزيت راسي أي

:دخلي جوة تلگي

دخلت جان المحل جبير، واشوف بابا بس حالة يبجي الصخر دهن سيارات مغطي وجهه وأدي وجان شايل حديدة كبيرة وثكيلة وواحد دايشتغل بيهه،بعدين الرجال گالة عوفه ابو زياد انت مدبرهه روح برا انفخ تايرات
حطهه بابا بالگاع للحديدة ماعرفف مالت شنو بس مبين تأذت ايدة بس كتم الألم حطهه جوة ايدة الثانية وعصر وجهه بدون صوت، جان بابا اكبر واحد بيهم بالعمر، شافني متصنمة كبالة واجاني يركض

:دهر صاب ابوج شسسوين هنا شمالج شنو
هذا الدم ولج احجي

:بابا الحك مشمش ماكو
انخطف لونه ووسع عيونه، شنو ماكو شهالححي لا تخبليني وين ولت اخوج وين ماخابرتو،

:بابا مغلق فدوة الحك
ركض للرجال اخذ يوميته وسمحلة يطلع لان جانت نهاية الدوام قريبة فگالة توكل

:وانتي شني هذا الدم بوجهج اشصصاير اليووم يحجي ويركض وانا ادوس ع الألم واركض ورا اخذنة تكسي للبيت، لكينه ماما تدك وتلطم

:راحت البت يعماد راحت ماكو صارت بالثنتين  وماكو اركض للمركز

جاي يحجون ولو طبكة سيارة الغثيث، اول ماشافة بابا نزل ركض علي بدون سلام

:يابة ابو الغيرة اتصل لي على زياد اخيتة ماكو عقلي راح يوكف فدوة الكلبك اروح

دريد:عمو حبيبي اهدء وفهمني وين البنية ضاعت اني هسة اطلعهه الك من جوة الكاه

:خالة ماضاعت هاي مدرستهه قريبة، بس ماكو اليوم فدوة اروحلك يوم بس خابر اصدقائك يدزون زياد من الشغل

:خالة هسة اجيت اني اصلا اسأل عنة ليش ميداوم صار يومين لان مدا اشوفة

عماد:لا يابة زياد فدوة الطولك لا تسويهه

:عماد وووين راح  زوويد وين فدوة، يبووووي تصخمنة وتعزينة اضن راح للبصرة

:لحضة اخابر فؤاد
:لا فدوة لا تخابر يتحضرولة ويكتلو يردون  ينتقمون والله العضيم

:شششسسسووووي شششسسسوي عقلي وكف يا الله وين اولي بهالظهرية، ااخ زياد الله يحطك بين ادية هسسة

حجة وصفك ايد بأيد بغضب

كل هذا وهم واكفين بالشارع، الناس بدت تلتم علينة اني واكفة  ورى الباب الدم مغطي وجهي وخايفة افكار التمت براسي حسيت دريد الة علاقة بالموضوع ، انوب اني بية خوفة من الأنتضار اتذكرت حادث منتظر صابتني رعشة

طلعت دا اكولة اختي يمك، بس اول ماشافتني امي اخترعت وصرخت مجانت منتبهه لان اول ماوصلت دخلت للبيت،

:يمه دخيلك ربي شصاب فريخاتي ولجج شببيييج شنو هذا الدم بوجهج، تقربت علية تدخلني للبيت اغسل

لزمت ايدهه افهمهه وهي بس تصيح وتبجي

:و و وكعت مابية شي ماما، درت عيوني باوعتلة بغضب بس حيلي مايعيني اصيح بصوت عالي،  ااااختي وينهه وين مشمش

:خزرني، والتفت البابا حجي شنو السالفة وين تروح هسة تلكيه يم صديقاتهه دقايق وتلكيهه يمك

:وين وييين الكيهه صار ساعتين  من عزلت المدرسة ماضل احد

:يمعودين اهدو علكيفكم هيج منلگة حل خل نتفاهم انتو وين دورتو

:هسة اجيت والله و عبالي زياد وياك يجي يشور عليه ماضل عقل براسي والله محتار بزماني

يحجي ويصفك بادي

:دتفضل وياي نروح للمركز ابين ميجي زياد، راح بابا ويا وماما هم دگت رجل الة اروح

يلا حجي توكلو واني والشباب هسة نسأل المستوصف والمستشفى القريب وانشاء الله خير

:جيبو البنية مبين مأذاية ناخذهه للمستشفى

:مممااابية شييي هاي جرح صغير هسة اغسلة، بس جيبو اختي

ناس كلمن يحجي وينطي رأية وكلمن كال انو راح اتوجه لكذا مكان

ام زينب:روحي خالة انا اقفل بيتكم وادير بالي علي
:لا اني حنتضرهه هناا بس جيبوهه فدوة

راحو واني دخلت قفلت الباب عليه عندي تلفون ماما كالت اتصل عليك، اذا اجت هم خابريني،

افكار افكار اشكال، الوان هاجمتني خلتني امشي وأون وابجي وارتعش . مو من الم جروحي، لا جان الالم بروحي، غسلت بسرعة وبدلت ملابسي وطلعت وكفت برا اباوع اتصلت على زياد تقريبا مئة مرة وماكو، واكفة بالباب واجا استفانوس

دا ادخل واطبك الباب  وهو حط ايدة مردت اصابعة مرد، سحب ايدة ينكت بيهه وعصر وجهه بألم، باوعتلهه ينزل دم من اصابعة

:ششسوويت انت ششسوويت صددك تحجي،
انتحبت ورديت
اسفة ياربي ماشفت ايدك، توجعت هوواي؟ لحظة اجيبلك مي بارد، ركضت جبتلة مي هو واكف شوية بعيد

:غسل وروح عفية ليشوفك احد
:وين زياد جيت مشانو اريد اساعدو، صفن بالجرح بجبهتي، اشنو هذا رانيا احد ضاربك

: لا لا هاي وكعت وزياد مو موجود ماعرف وين، وبابا وماما راحو يدورون بس اني هنا روح لا انفضح فدوة

:رفعت راسي يباوعلي
:بجيت وكتلة مو قصدي اجرح ايدك والله
:انا حتى جرحك اعشقو، لازم اشكرك كثيغ خليتيلي ذكرى تصبرني ع هالجفا منك، يارب مايغوح الأثر ويتركني مثلكي

:روح استفانوس فدوة
:غيح بس طمنيني برسالة من موبايل أمك، غح ابعد بس أنا قغيب لبين مايجو اهلكي

باوعلي مقهور، باس جروح ايدة ودار وجهه وراح، فتت للبيت وسديت الباب اتصل عليهم ميردون،

كعدت اقرالهه آية الكرسي تحفضها طبعا آية الكرسي مثل امي اعتبرهه، كلشي عزيز  عليه اقرة علي آية الكرسي علي اربع مرات اطمئن علي ، على يقين تام ان الملائكة تحمي اللي

بقيت كاعدة واكرر بيهه الى ان رن التلفون رفعتة هذا رقم بابا

:هاا بابا بششر
اسمع ماما تبجي وتصيح
:شأبششر والله كلبي تعب

________________يتبع

تعليقاتكم وتقييمكم وتشجيعكم يحدد استمرارية القصة 🫂💕🥺

والباقيات الصالحات
سبحان الله وبحمده، سبحان الله العظيم

§§§§§§§§§§§§§§§§§§
بسم الله الرحمن الرحيم

لا حول ولا قوة الا بالله
لا حول ولا قوة الا بالله العلي العظيم
********************

بنات لا تنسون التقييم بالنجمة🌟 ومتابعة الحساب والتعليق اذا حابين تستمر القصة 💕🤎

قــــــــــــراء روايتــــــــي أحبكم بگد الـــــــعراق🤎🦋

ضيفوني انستغرام