مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لاتنسون التصويت +التعليق بين الفقرات +احبكم زهـراتي
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــــ
روح
باوعتلي من فوك ليجوة محتارة وبشك سمعت رنة تلفون مدت ايدها بجيبها وطلعت تلفون صرصور
عقدت حواجبهة ومبينة بصعوبة يلا قرت مدري شافت الاسم داست دكمة وخلتة على اذنها وهيا تباوع الي باوعتلها بنظرات متوسلة خاف هما عرفو بية واصلة هنانه
طمنتني بنظراتهة وحجت
.. شتريد ولك
مااعرف شنو جاوبها بس حجت بسرعة
... لالة كلشي ماشفت ها اها هذا البستان يرد الروح كلشي مابيه ولا بشر بس انا وحيدتي واكفة بوسط هالنخيلات يلا ولي مسيسة شغل من ساسي لراسي
سدتة وبواعتلي اجيت اتشكرها بس صاحت
... لا عبالج صدكتج بس هيج ردت اعرفن شنهو سالفتج وهالوجه شضام وراه من مصيبة
هزيت راسي بنفي
روح.. ماضامة شي والعباس .. خالة منو الي اتصل بيج
جاوبتني... ابن اختي يسئل عن بنية عبن انا ذكية ولكفتها جاي يسئل اعليج الله يعلم ويامن متفق وشمسوي من مصيبة ويلا كدامي امشي البيتي
رجعت ليورة وخفت خاف تاخذني الصاحبهم
روح... لا لا ما اروح وياج بس طلعيني من البستان
رفعت السجين بوجهي وصاحت
... يلاا كدامي البيتنة وين تردين اطلعين هسة الحراس واكفة بالباب خلي ايطر الليل واطلعج منا
روح.. واذا سلمتيني الابن اختج
.. لا ما اكلة عليج لا تخافين مني
اشرتلي براسها حتة امشي ومشت كدامي انا منا رجلية من الركض وهيا تمشي سريع عبالك واحد يركض وراها التفتت الي وشافتني بعيدة عنها صاحت
... ولج امشي بسرعة طلعتيلي مصران اعور بصف ***
روح... عزا خالة شبيج تغلطين
خزرتني ومشت وانا سرعت بخطواتي ووصلت يمها وصلنة البيت مبني من طين وكلة قصب فتحتلي الباب ودخلت دخلت وراها وسدت الباب وغفلتة باوعت للحيطان من طين واكو صورة معلكة بيها واحد ولونها ابيض واسود وبصف الصورة اكو صورة ابو الفضل العباس عليه السلام ومعلكة بالبسمار بعلك التفتت للمرة من حجت
... كل الهلا بالجاي لينة
بهتت بوجهة وحجيت بقلبي سبحان مغير الاحوال قبل شوية جانت بس اتصيح علية
.. شنهي سالفتج بس اتصفنين ماتكليلي امج بيمن متنسية بيج بس لا بلحم مطاية
هزيت راسي بنفي اشرتلي حتة اكعد كعدت على بساط ومرتبة عليه مخاد كعدت كبالي وباوعت الملابسي المشككة ضيقت عيونها وطلعت جكارة من جيبها ورثتها وخلتها بحلكها حجيت بأندهاش
روح... عزاا خالة تشربين جكاير
.. اي جا اليشربون جكاير شنهي بيش احسن مني
روح... هلاك هم يشرب جكاير حتة مرة طلع جكارتين وخلاهن بين شفايفي وسحبهن وشربهن
... يااع منهو هذا النوب انفجار مدري هلاك..... رجعت باوعت الملابسي بأستغراب و حجت... ولج انتِ منهو ميتلج وشاكة ملابسج هيج
روح.. لا خالة مو انا شكيتهن هما شكوهن وهسة هلاك يشكهم
.. ولجج وعلي ثبرتيني بي كافيج يلا احجي شصاير وياج
صفنت عليها محتارة شنو احجي ماممكن احد يصدك قصتي
بلعت ريكي وحجيتلها مختصر سالفتي وهيا اندمجت وياي وكلساع سابة سلمان لو اخوانة وحبتر سحبت اخر جكارة من الباكيت الخلصتة بكعدة وحدة وياي ورثتها ودكت على رجلها بقهر
... اخخخ ياضيم الدنيا صكد يو كالو من تشوف مصايب العالم تهون عليك مصايبك جا يالملاعين انتِ بيها عليها ماخذينج ولية
نزلت دمعتي بقهر وهيا من شافتني هيج حجت بحنية
.. تعاي يمة تعاي احبنج
اتقربت يمها وباستني بخدي وضلت اتواسيني شوية واستأذنت وكامت طلعت من البيت علمود تكمل شغلها اتنهدت ونزعت البلوزة ضليت بس بالتشيرت النص الداخلي لفيتها وسويتها مثل المخدة وخليت راسي عليها غمضت عيوني بس ماكدرت انام ولا تغمضلي عين كلساع افز على صوت عيوني ماكدرت افتحهن بعد صارلي هواي مانايمة
استسلمت للنوم وغمضت عيوني بأستسلام الة مافزيت الة على صوت طكطكة وشي يبز بخدي فتحت عيوني وطفرت بسرعة من مكاني شفت هاي المرة راجعة للبيت والدجاجة هيا وتكاتيتها يمي باوعتلي وحجت
... جبت دجاجتي وفروخها اهنا خاف هم اتغرهم ويخطفونها
حجتها ودخلت للمطبخ كعدت بمكاني وضليت اباوع الهن وفرحانة بعيوني شوية وانتبهت الكتكوت يفتر على صفحة ابتسمت بخبث وكمت من مكاني مشيت على كيف اريد اكضة بس شرد مني ضليت اركض وراه الحد ما تعبت وقلبي ضل يأذيني رجعت كعدت بمكاني
شوية و اجت هاي المرة شايلة صينية خلتها كبالي وكعدت وحجت
... يلا اكلي
روح.. خالة انتِ شسمج
جاوبتني... اسمي سلافة
هزيت راسي ومديت ايدي للاكل تمن وروبة وسمج اكلت بس روبة وهيا انتبهت الي
خالة سلافة.. شخيرج ماتاكلين
روح.. خاف يصعد سكري وماعندي علاج
هزت راسها وكملت اكلها ومن كملنة خلت الزايد يجي الدجاج ياكلة كامت وكمت وراها رحت للمطبخ غسلت ايدي بالسنكي
روح... خالة سلافة ترديني اغسل الماعين عنج
خالة سلافة... لالة ولي ارتاحي وتانيني اجيبلج اهدوم و اغسل هذني
هزيت راسي ورحت كعدت بالهول انتظرها دقايق و اجت تمسح ايديها بدشداشتهة من الماي فتحت كنتورها وطلعت دشداشة لونها نيلي انطتني اياها وحجت
خالة سلافة ... لبسي هاي وانطيني ملابسج
هزيت راسي بأي وكمت للمطبخ بدلت ولبست الدشداشة شوي قصيرة علية بس عريضة حيل اخذت ملابسي الوصخات ورحت الخالة سلافة كتلها وين الحمام اريد اغسلهن بس هيا ماقبلت والة هيا تغسلهن بأيدها اتشكرتها ورجعت كعدت دقايق ومانسمع الة الباب اتفلش علينة كمت بسرعة من مكاني بخوف وبفزع باوعت الها وهيا هزت راسها اطمني
خالة سلافة... روحي للمطبخ ولا اطلعين الة لمن انا اصيحنج
هزيت راسي ورحت بسرعة للمطبخ قلبي دكاتة احسهة للالف واصلة سمعت صياح خالة بالهول
خالة سلافة... شعندكك جايني هنا
جاوبهة... مامعقولة ماشفتي بت تفتر بالبستان وانتِ نهارج كلة كاضيتة هناك
خالة سلافة... ولك منهي البت الي اتريد تعرفها وشجابها هنا والمن تسئل اعليها يو اعرف وراك سالفة الة اكلن الابوك وساعتها هوا يتصرف وياك
صارت سكتة ومحد حجة دقايق واجت خالة للمطبخ
خالة سلافة.. حافظة رقم اهلج يو ضالة بس عزا وعزا عبالك بس انتِ عندج ط**
فتحت عيوني بصدمة
روح.... عيب خالة ليش هيج تحجين
عافتني وراحت كعدت بعتبة المطبخ وطلعت جكارة الها رحت كعدت يمها طلعت تلفونها وانطتني اياه
اخذتة منها وعصرت راسي حاولت اتذكرت رقم هلاك بس ماكو ماحافظتة اصلاً لأن عندة اكثر من رقم
ماضل عندي غير رقم ترف بس ما اعرف اذا مغيرتة او لا سجلتة وخالة حجت
خالة سلافة.. رقمن هذا
روح.. رقم اختي
هزت راسها وانا اتصلت خلص الاتصال وهيا ما مجاوبتني رجعت اتصلت عليها وماردت اتصلت اكثر من مرة الحد مافقدت الامل وأيست قبل لا يخلص الاتصال فتحت الخط حجيت بسرعة قبل لا تسدة
روح.... ترررف انا روح
سمعت شهكتهة وحجت بفرح
ترف... عموووو باسلللللل هاي رووح اتصلتت بية
نزلن ادموعي وانا اسمعهم شلون فرحانين وصوت ركض ترف على الدرج دقايق وحجة عمو
باسل... ها بوية روح وين انتِ خوو ماسوولج شي احجي يابة وين انتِ
ماكدرت احجي بس شهكت ونزلن ادموعي اخذت مني خالة التلفون وهيا دلتهم عن المكان وسدتة وكامت عني
ضليت بمكاني وادموعي ينزلن سندت راسي على دجة الباب وغمضت عيوني مرت فترة طويلة وانا على هذا الوضع ما عندي حيل حتة اكوم حيلي انهد بس روحي جاي تقاوم
فتحت عيوني ببطئ وكلت ياعلي وكمت من مكاني رحت شفت ملابسي ناشفات اخذتهن ولبستهن ورجعت كعدت يم خالة الي مخلية الدجاج يمها وكاعدة اتحيك
اتمددت وخليت ايدي جوة راسي
روح.. خالة شتحيكين
خالة سلافة... ليفة
روح.. اتبيعين؟
خالة سلافة.. مرات ابيع بس هسه هاي الي
روح.. اريد وحدة خالة حبابة سويلي نفسها
خالة سلافة.. ياع ياع غالي والطلب رخيص يالون تردينها
روح.. بنفسجي لأن اريد انطيها الواحد كلش وصخ وهوا يحب اللون البنفسجي كون من تسوينها اريد حتة جلدة يطيح
خالة سلافة... ياع ياع بس لا تردينها لأنفجار مدري هلال
ضحكت بتعب واردفت
روح.. اي الة الاجرب
خالة سلافة.. جا شبي وصخ
روح.. مايسبح واجلح املح وازرك واجرب من تشوفينة اتذبين من راسج
خالة سلافة... جا هوا بشر يو خر**
مااتحملت ضحكت من كل قلبي وهيا هم ضحكت كضيت بطني بألم وحجيت
روح... النوب هم ازرك وهم يحب اللون البنفسجي
خالة سلافة... وين اكو ازلمة يلبس بنفسجي
روح.. لا خالة هوا مايلبس بس يريدني انا البس بنفسجي
ضلينة نحجي شوية وهيا كملت ليفتها وراحت جابت خيوط قريبة للون البنفسجي وكعدت تسوي وحدة وتعلمني شلون اسوي
روح.. خالة انتِ عايشة وحدج هنانه
اتنهدت وحجت
خالة سلافة... اي والله وحدي عبن زوجي استشهدت من الثمانينات وبعد ضليت وحديتي ماعندي احد
حجتها وسكتت انا هم سكتت ضليت انتظرهم على نار حتة يجون ياخذوني بس ما اجو لليل وهما ماكو خبر منهم رجعت اتصلت على ترف ما ترد
بلعت ريكي بعد ما فقدت الامل اذا اضل اكثر هنا مو بعيد يلكوني خاصتاً ان صاحبهم جاي يحوم على بيت خالة وكأنه متأكدة انا هنا كعدت ابجي وخالة سلافة تواسيني للفجر و اندك الباب حيل باوعتلي خالة وابتسمت
خالة سلافة... هل اجو مسحي ادموعج يلا
باوعتلها ومامصدكة ان هما اجو كامت من مكانها وراحت يم الباب وحجت
خالة سلافة.. منهو بالباب
جاوبها بصوتة ببحتة بخوف علية وصوتة اليرجف
الحبتر.. الحبتر انه
ابتسمت بفرح ودموعي نزلن فتحتلة خالة الباب واول ماشافني عيونة لمعن دنك راسة ودخل من الباب واجة يركض الي رجلية مايعينني حتة اكوم و احضنة نزل الي ومامصدك انا كبالة كض وجهي بأيديه ويتفحصني مايعرف شيحجي بس شرح كلشي بنظراتة الي ورجفت ايديه وشفايفة شمرت روحي بحضنة وضميت راسي بصدرة وابجي حضني قوي وصاح بصوت عالي
الحبتر... لوزايتي مفرعة لحدد يدخللللل
حجاها وباسني بشعري شهكت وضميت نفسي بحضنة اكثر مامصدكة شفتة كضني من حنكي ورفع راسي الة وحجة بحب
الحبتر.. يابعد الكلب وشرايينة جاسوج اذوج لوزايتي؟
هزيت راسي بأي وهوا ضمني الصدرة وحضني
روح.. حبتري جاي اشوفك
حجيتها وشهكت اكثر
الحبتر... جعل محد غيرج يشوفني
نزلن ادموعي وجلبت بقميصة وحجيت بصوت متلكأ
روح.... ح حاتم ضربني ولمس جسمي و خ خ خالد ضربني و شافو شعري انتَ مو كلت محد يشوفة هما شافوه هلاك ر رادو يغتصبوني ن نفس سلمان
رفعت راسي وخليت ايدية كدامة اشوفة الاثر مالت الضرب مديت رجلية حتة يشوف كض ايدي وقربها من شفتة وباس شكو اثر بيهن ورجع حضني قوي احسة يريد يضمني بداخلة
روح... هلاك
الحبتر.. خيط جرحة وروحة
روح.. ضمني برموشك ما اريد اضل يمهم اريد اضل بس يمك كلهم يأذوني بس انتَ غير عنهم
حسيت بشفايفة على جبيني وحجة بحنية
الحبتر... اضمج بروحي وانتِ روحي.. لوزايتي كضيتهم الج ما اوديج للبيت اذا ما اخليج اتشوفينهم شلون يتعذبون كدام عيونج الاحبها
رفعت راسي الة وابتسمت اتقرب من وجهي وطخ نفسة بية همس
الحبتر... حبيبي لبسي شالج الولد برة واكفين حتة انروح
سحب شال مخلي على رقبتة عرفتة هذا شالي خلاه على راسي وفتح دكم قميصة ولبسني اياه وضل هوا بالفانيلة شميت قميصة وابتسمت وحجيت
روح... صاير تسبح وريحتك حلوة
مد ايدة وكصرني من خدي
الحبتر... بندقتي ليمتة شامة ريحتي ومو حلوة؟
وسكتت وبس مبتسة بوجهة كام ومدلي ايدة كضيت بيها وكمت مشينة وسلم على خالة واتشكرها ردنة نطلع وصاحت علية عفت ايد هلاك ورحت يمها على صفحة جابت علاكة ومدري شنو بيها انطتني اياها وحجت
خالةسلافة... هاية الليفة نسيتيها
ابتسمت واخذتها منها رحت جابت كارتون فارغ وخلت بي الكتكوت الجنت اركض وراه و انطتني اياه الابتسامة شكت حلكي وفرحانة بي
حضنتها واتشكرتها وطلعت لكيت هلاك ينتظرني بالباب ويمة الولد اخذ مني الكارتون وفتحة باوع للكتكوت وضل صافن عليه
اجة ديسم يمي مبتسم واردف
ديسم... الحمد الله على السلامة
بدون استيعاب مني جاوبتة
روح.... الله يسلمج
بهت بوجهي وانا ضليت اباوع بفشلة سدها علي وحجة
علي.. مريضه مريضه اعذرها
خنجر... اي ماعلى المخبل حرج
باوعت الخنجر وصحت
روح... انتَ اسكتت لا تحجيي وياي وحتة هلاك لاتحجي وياه بعد روح منا يلا كلة منك اجيت هنا
رفع ايديه بأستسلام
خنجر... تجيك التهايم وانتَ نايم خايبة عايف الوادم كلها وجاي خاطفج شبية ماعندي عقل
خزرتة ورحت وكفت بصف هلاك رفع نظرة الي
الحبتر.. لوزة هذا بايكتة؟
روح.... لا والعباس مابايكتة هاي خالة سلافة انطتني اياه هوا وليفة لونها بنفسجي انا كتلها اتسويها الك وعلمتني شلون تسوي حتة تسبح بيها و اطيح وصخك
حك ارنبة خشمة واردف
الحبتر... شنو هذا الحجي لوزاية هسة جان حجيتي بس مو يمهم
كض ايدي وصعدنة بالسيارة كعدنة ورة انا وياه وكدام خنجر وديسم وعلي ورانة
خليت راسي على كتف هلاك والكارتون بحضني لاف خنجر السيارة ومشة بينة مسافة مو قليلة بهت وجهي من شفتهم جايبيني للمكان نفسة الي شردت منة باوعت الهلاك بخوف ضغط على ايدي الكاضها وغمضلي عيونة ايطمني
روح.. هلاك وين ماخذني
الحبتر... لوزايتي الاحبها شلون اخذج للبيت قبل ما احرك ورقتهم كدام عينج واطلع حيفج منهم والايام العشتيها بسببهم
بلعت ريكي والدموع اتلالت بعيوني ماردت احجي هذا الحجي بس هذا الواقع
روح.. واذا انتَ اخذت حيفي منهم منو الياخذ حيفي منك والايام العشتها بسببك انتَ؟
ضغط على ايدي اكثر الدرجة حسيت بألم اصابعي همس
الحبتر... لوزة مو وكت كلامج هذا نرجع ونتصافة
وكفنة كبال المخزن ونزلو
نزل هلاك وراح فتح الباب الي يمي ومدلي ايدة كضيتها بتردد ونزلت
راح علي فتح الباب ودخلنة للمخزن فارغ همست الهلاك
روح.. جا وينهم
الحبتر... اصبري لوزة لا تستعجلين
بلعت ريكي ومشينة بنفس الممر الي طلعت منة المكان هدوء وبس صوت خطواتنة مسموعة ومن التوتر حتة خطواتي مو متوازنة
خلص الممر ووكفنة كبال الغرفة الي جنت بيها عاف هلاك ايدي وراح فتح الباب وابتسم اجة يمي وكض ايدي ودخلنة فزيت ورجعت ليورة من شفت
خالد معلك من رجليه بالسكف وحاتم مربط ومشمور بالكاع وحازم وجابر اسوء من وضعهم وجوهتهم ماتنشاف من الدم
الحبتر... ها من*****
ديسم... صدناكم
خنجر.. هوا هذا هم حضنة مانصيد بس الكح****
الحبتر... احسن من الماكو
حجاها وطك رقبتة وحجة
الحبتر.. ان شاء الله اخذتو خوش استراحة رحت جبت لوزايتي واجيت حتة اتشوف شنو اسوي بيكم ووراها اسلمكم بأيدة علاوية الحلو اخخخ ولكم عندة شلون اوراق عليكم هيج عبالك بقلاوة وعسل
علي... نايمات على كلبي من زمان عبالي صرتو اوادم بس الظاهر ذيل الجلب ماينعدل بس اتأكدو خلي يكمل هلاك شغلة وياكم وساعتها الاوراق عد المركز وحتة احزابكم وظهركم مايكدر ايفيدكم بعد ولو كضوهن اهل الغيرة تعرفون شنو يسوون بيكم
الحبتر.. يطهرونهم مرة ثانية
علي... هذا اذا هما مطهرين من الاول
ضحك هلاك واشرلهم حتة يطلعون طلعو وبقينة بس انا وهلاك وياهم
جر ايدي ورحنة وكفنة كبال حاتم حجة بحدة
الحبتر.... بيا ايد جان ايجيسج؟
باوعتلة بشماتة وحجيت
روح.... بأيديه اثنينهن
كبل جر حاتم من مكانة خلة ايديه بالكاع وهنا مربطات وسحك عليهن بقوة صاح حاتم بألم وانا فزيت من مكاني التفت الي هلاك وحجة
الحبتر... تعاي سحكي عليهن
اتقدمت يمة ورفعت رجلي بتردد وسحكت على ايديه وحجيت بهستيرية
روح... ليشش ليشش سوويت هييج بية جنتتت بأقررب فررصة الك تتحررش بية وانا طفلة وتهددنييي ومنن كبرت ما ارتاحيتت منكك ولا من ايي شي يخص سلمان الله لا يوفقكم دمرتوني
شلت رجلي ورجعت سحكت وصحت.... كلممااتك الهسة بباالي وقذارتكك ولمساتك الوصخة
فقدت وسحبني هلاك منة وضمني الصدرة حضنتة ونزلن ادموعي بسكوت
الحبتر... عين عيني حاسبيهم واحد واحد حتة ترتاحين لوزايتي الاحبها
بعدني عنة بأيدة ومسح ادموعي عاف حاتم وراح على خالد فتح السنسلة ونزلة خلاه بالكاع و كعد كبالة على تك رجل وسحب ايديه وفتحن
اخذ ايد خالد وكضاها مد ايدة لجيبة وطلع سجين صغيرة رفعها بأيدة كبال خالد وابتسم ولمعة عيونة بغضب فجأة خلاها بأظفر خالد
رجعت ليورة بخوف وهوا شاطت روحة وضل يتوسل مثل ما انا اتوسلت بيهم حتة يعوفوني ضل يحفر بالسجين بأصابعة ولا رفلة جفن شلع اظفر من اظافرة وطفر طاح على وجه جابر قشعر جسمي من الصياح مالت خالد وابتعدت عنهم
كام هلاك عنة ومسح السجين بملابس خالد
همس بحدة
الحبتر.. تردون اتفزعوني بروحي وانا مالي غيرها لا بالله خربت خططتكم
دفرة برجلة وراح على جابر التفت الي واشرلي براسة اجي يمة اتقدمت بتردد ووكفت يمة
الحبتر... شسوالج هذا؟
شهكت وحجيت برجفة
روح .... جان يخليني اصبلة سم هوا واصدقائة وشاف مرت اخوه تحرك ايدي وماحجة
ابتسم بهدوء عكس الي بداخلة طلع جداحة من جيبة وسحب ايدين جابر شعل الجداحة ومشاها على ايدين جابر ضل يتوسل حتة يعوفة بس هلاك ولا يمة الحد ما ايدة كلها احترك
دفعة واتمدد بالكاع يتلوة من الالم
الحبتر... سحكي عليهن بكل قوتج لوزتي
درت وجهي مشمئزة منهم بس سرعان ما نزلت نظري للاثر الي بأيدي اتذكرت من هنادي حركتني وهوا ماحجة ولا كلمة اتذكرت كلشي وكأنما صار اليوم نزلن ادموعي ورحت دست على ايديه بكل قوة مني
روح... شوهتو كل جزء بروحي شلون اطيب
ما خلاني اكمل دفعني هلاك عنة وكعد على صدرة ضل يضرب بي بكل قوتة رجعت ليورة خايفة منة انترس جسمة ووجهة دم وهلاك ولا هما
شال راسة وطكة بالكاع اتخبلت من سوة هيج عرفتة فقد لو يموت بأيدة ماراح يحس
رحت بسرعة للباب وفتحتة وطلعت لكيت بس خنجر كاعد حجيت وانا كوة اجر نفس
روح.... الحك خنجر هلاك راح يموت جابر
جاوبني ببرود
خنجر.. واذا خلي يموت طبة مرض
صحت بصوت عالي
روح... اي يطبة مررض بسس اذاا مات سااعتها هلاك راح يتورط وما راح يطلع منها
اتنهد وكام دخل ضليت واكفة برة و خايفة اجة ديسم شافني واكفة ابتسملي وحجة
ديسم... ها لوزايتنة شو واكفة هنا
روح... شسمة هذا اخوك هلاك راح يكتل جابر
عقد حواجبة وحجة بأستغراب
ديسم.. شبيج خايفة؟... لا تخافين مايسويهة الحبتر
انفتح الباب والتفتنة اثنينة طلع هلاك مبتسم ويضحك ومخلي ايدة على كتف خنجر ولا كأنما صاير شي استقر نظرة علينة عاف خنجر واجة يمنة كرص خدي واردف
الحبتر... شبيج انخطف لونج
رجعت خطوة ليورة ومسحت خدي
روح.. لا تكضني ايديك وصخة
ضحك بصوت عالي ومن هدأ كال
الحبتر... عقمتهن لوزة هاج شميهن شلون رحتهن حلوة
قرب ايديه يم خشمي ماقبلت اشمهن لزكهن بخشم ديسم وصاح
الحبتر.. هاك شم ريحة ايدي شلونهن
شمهن ديسم وحجة
ديسم... حلوة ريحتهن معقم بالليمون
سحبهن منة واشرلة براسة بأتجاه الغرفة هز راسة ديسم بقبول وكأنما بينهم لغة وحدهم يتعاملون كلة بالاشارت والعيون
اتقدم يمي وكضني من ايدي ومشة
روح... هلاك وين رايحين
الحبتر... للبيت حبيبتي
روح.. البيتنة؟
باوعلي وحجة بأبتسامة
الحبتر... اي البيت عمتج
هزيت راسي وطلعنة من المخزن لكينة علي كاعد بالباب ويشرب جكاير ويمة كومة اوراق مدري شيكتب بيهن
الحبتر.. كواهم الله
رفع نظرة الحبتر وابتسم وصاح
علي... الله يكويك
الحبتر.. انه ماخذ لوزة البيتكم اوصلهة وارجع يمكم
علي.. خوش حجي انتانيك احنا
اتفقو بيناتهم بس مايحجون يمي شي بوضوح كلة كلمات متقطعة ودعة ورحنة للسيارة
صعد كدام وصعدت يمة التفتت للكرسي وباوعت للكارتون
روح.. بس لا يموت؟
الحبتر... لا عايش ديسم جابلة اكل
روح.. هوا شياكل؟
الحبتر... سمج
روح.. شبيك تستهزأ حضرتك؟
دار وجهة الي وابتسم وهز راسة بلا حرك السيارة ومشة غفلن عيوني ونعست بعدما حسيت بالامان يمة سندت راسي على الجامة وغمضت عيوني ونمت وانا مرتاحة
فزيت على همس هلاك فركت عيوني وفتحتهن باوعت من الجامة شفتة جايبني كبال محل مالت لعابات ابتسمت بفرح والتفتت الة
روح... راح تشتريلي لعابة كبيرة؟
ابتسم وهز راسة بأي واردف
الحبتر... اي لوزتي يلا تعاي ننزل ونشتري
باوعت الملابسي ورجعت باوعتلة
روح... لا ملابسي مو حلوات
الحبتر... جا انزل انه اشتريلج وانتِ تضلين هنا؟
هزيت راسي وحجيت
روح... اي جيبلي نفس ما كتلك
اشر على عيونة ونزل باوعت الة بترقب وهوا راح دخل للمحل ما طول وطلع شايل كارتون بي لعابة كبيرة حيل ابتسمت بفرح وهوا دار وصعد وانطاني اياها اخذتها منة بسرعة وحضنتها الصدري وهوا حرك السيارة
روح... شكراً
التفتت الي واردف
الحبتر... تدلل لوزايتي
روح... جا ليش ما جبت الخنجر خطية
ضحك بصوت عالي واردف
الحبتر... ولجج لووووزة شسوويلج ارريد اضمج بروووحي ولجج احبج ولج لووز خنجر جبيرر وينة وين اللعابات
روح... جا يجوز يحبهن بس يستحي يحجي
ضحك بصوت عالي وضل يحجي وياي الحد ما وصلنة البيت عمو نزل هلاك ودارلي فتحلي الباب واخذ اللعابة من حضني وكض ايدي ونزلنة بعدنة ما داكين الجرس وفتحت ترف الباب كأنها مراقبتنة ابتسمت وهيا شمرت روحة بحضني وتبوس بية وتتحمدلي على السلامة
الحبتر.. دكافي لطشتي وخري منا يلا
رفعت راسهة وخزرتة مسحت ادموعها وادموعي ووخرت عني دخلت جوة لكيتهم كلهم كاعدين اتحمدولي بالسلامة وعمو باسل كعدني يمة وكلساع يبوس راسي ويحجي
باسل.. روح البيت كلشي ولا انتِ
ضل هلاك شوية عدنة وقبل لا يروح حمحم وحجة
الحبتر.. عمي ابو محمد اذا ماتصير زحمة اريد احجي وية لوز وحدنة
باوعلي عمو باسل ورجع باوع الحبتر وكال
باسل.. روح هسة تعبانة الافضل تأجل حديثكم الغير وقت
الحبتر... ماكو افضل من هسة
باوعلي عمو باسل وهزيت راسي بأي
باسل... اخذو راحتكم
حجاها وكام هلاك راح للديوانية كبل عبالك البيت بيتة كمت من يم عمو ورحت وراه اول مادخلت سد الباب وباوعلي وابتسم
الحبتر.. لوزايتي الاحبها تعاي نتصافة
حجاها واخذ ايدي وسحبني كعدنة على التخم واحد مقابيل الثاني خلة ايدة على خدي ومشة اصبع الابهام عليه
الحبتر... لوزاية تحبيني؟
ملت راسي على ايدة واردفت
روح... جنت اكره روحي بس من صارت هيا روحك صرت احبها
ابتسم وبلع ريكة
الحبتر.. اذا رجعت خطبتج توافقين؟
روح.. بشرط
فتح عيونة بأندهاش وصاح
الحبتر.. لوزتي قابل قبل لا تكولينة
اتجاهلتة وحجيت
روح... مااريدك يوم اتعيرني و اتذكرني انا بنت منو وتتقبل انا مالي علاقة بالصار بموج الله يرحمها ولا تذكرني بأغتصابي لو ماضيي كلشي صار مالي علاقة و اي ذنب بيه وخلي ابالك يا هلاك راح ارجعلك بس ما مسامحتك ولا عاذرتك ولا ناسية ربع السويتة بية
باوع بعيوني وعيونة يلمعن بحب اردف
الحبتر... يجرالج التردي كلة بنيتي انتِ
خليت راسي على صدرة واسترسلت بكلامي
روح.. اريد احسن بالامان وياك
الحبتر... اصيرلج امان واصيرلج ابو اصيرلج الترديه
رفعت راسي الة واردفت
روح..هم يجي يوم وتمل مني؟
ابتسم واخذ ايدي طبع بوسة خفيفة عليها واردف بحنية ومن اعماق مشاعرة
الحبتر... وداعت امي ونظر عيني وانتَ ممحلفني هسة
شماحصل بينك وبيني حبي الك ضل هوا نفسة
شكد زعلنة شكد رضينا شكد تعاتبنة وحجينة
ما برد عنك حنيني كلبي ابد ماكلي انسة
شماحصل بينك وبيني حبي الك ضل هوا نفسة
ختم اغنيتة ببوسة خفيفة على شفايفي ابتعد عني وهمس
الحبتر..احبج ياخيط كل جرح بية
ضحكت بفرح
روح.. صاير حلو وكلامك حلو
كرص خشمي واردف
الحبتر... بس يمج هيج الحبتر كدامج يصير شخص ثاني
بلعت ريكي ابتسمت
روح.. احبك ثعلبي الماكر
لمعن عيونة من حجيت هيج ولم شفتة للداخل اخذني الحضنة ويضحك بصوت عالي فرحان
الحبتر.. عيديها لوزتي جنت اتمناها منج عيديها بروح امج عيديها يابعد عيونهم كلهم
روح.. احبك
ضحك بصوت عالي والفرحة مبينة بعيونة ضل لامني بحضنة بقوة
روح... حبتري ضل عدنة للغدة
الحبتر.. لوزاية كبرانة وصايرة اتعزميني على الغدة
رفعت راسي الة وابتسمت كضيت وجهة بأيدية الثنين وحجيت
روح... اذا ما اعزمك اعزم منو؟.... ملت راسي واردفت.. تعال انتَ وديسم بس خنجر لا تجيبة
الحبتر... صار ما اجيبة خلي يولي حتة اذا عرسنة مانعزمة
روح.. لا ما اريد عرس
الحبتر... ليش لوزتي
روح... ما اريد هلاكي لا تسئل ليش
مرر اصبع الابهام على خدي
الحبتر... هذا هوا التردينة يجرالج يا عين عيني
ابتسمت وباوعت بعيونة
روح... شكد اتحبني؟
الحبتر... حبي الج مالة كد
بستة بخدة وخليت راسي على صدرة واسمع دكات قلبة المو منتظمة مد ايدة الشالي وفتحة ضل يمسح على شعري وايدة ترجف وحتة صوتة ويغني
الحبتر... يا حبيبي ويا حياتي ما الي غيرك
حبيب لو تغيب شوية عني انه احس روحي
تغيب انه احبك انه اريدك يا حبيبي وروحي بيدك
هذا مو كلبي الي بصدري
هذا كلبك صرت احسة شماحصل بينك وبيني حبي الك ضل هوا نفسة
دمعن عيوني ورفعت نظري الة واردفت
روح.. شكد احبك انا
خلة ايدة الترجف على خدي
الحبتر... لوزتي حبيني ماعندي غيرج يحبني
حضنتة قوي وضلينة هيج الفترة الحد ما اندك الباب وصاحت علينة ترف ابتعدت واباوع الة بلع ريكة وابتسم وكام
الحبتر... يلا حبيبتي الولد ايتانوني
روح.. جا ما اتضل على الغدة
خلة خصلة من شعري ورة اذني واردف
الحبتر... غير مرة عين عيني روحي الاحبها
كرصني من خدي وطلع خليت شالي على راسي وطلعت وراه
لكيتة بالحديقة ويسلم على عمو ويحجي وياه دخلت واتصادفت وية ترف رفعت حواجبهة واردفت
ترف... اي عيني الوجه مورد الله يعلم نسيبي شمسوي
خزرتها وحجيت بحدة
روح... ادبسزز
خلت ايدها على بطنها وتمسح عليها
ترف... امشي يمة امشي ناكل مشتهية ورد هاي خالتك انجلبت علينة وتغلط
روح... اي ومنو قبل شوية حاضني ويبجي
مدتلي لسانها وتعيب علية عافتني وراحت دخل عمو باوعلي و ابتسم اشر العمة حتة تجي يمة
عفتهم ورحت الغرفتي مرتاحة اخذت ملابسي ودخلت للحمام سبحت وارتاحيت اكثر وطلعت نمت مافزيت الة على ترف وهيا تصيح فوك راسي
ترف.. كعدييي يلا ولج هلاك وامة بالطريق
كفيت عني البطانية وباوعت الها بصدمة
روح... انجبي ولج ماكال اجي اليوم
اتخصرت وحجت وهيا اطك بالعلج
ترف... بكيفج ضلي نايمة واني اكلهم روح ماتريد تزوج
كمت بسرعة واردفت
روح.. انجبي اريد اتزوج يلا طلعي خلي ابدل
ترف.. اي عيني اي تريد اتبدل للنسيب
دفعتها برة وطلعت تضحك سديت الباب ورحت فتحت الكنتور وصفنت شنو البس
طلعت فستان مالت محجبات لونة اوف وايت خليتة على الچرباية ورحت غسلت ورجعت بدلت انفتح الباب من غير مايندك ودخلن ترف ومَلك
روح... شعدجن جايات
مَلك... انشوفج
غميتها وراحت اتمددت على جربايتي ونامت على بطنها وايديها جوة حنكها
مَلك.... يلا كملي لا يجون
روح.. ماعندي شي بس الف شالي
ترف... اشو سكتي وخليلي احطلج مكياج
روح... ما اريد احب وجهي هيج
ترف.. حبابة بس شوية
روح...ما اريددددد
خزرتني واردفت
ترف... موو بكيفج اشو الة تخلين
استسلمت الها اجت جرتني من ايدي وكعدتني على الكرسي مالت ميز التواليت
روح.. اريد مكياج خفيف كون هيج كوة يبين
ترف... اي خوش بس كعدي وسلميني روحج
غمضت عيوني وبدت هيا اتخليلي مكياج وكلساع فاتحة عيوني وكايلة
روح... خفيف
ترف.. راح اسطرج
مَلك... لا يمعودة شنسطرها دفرة مابيها
روح.. مو هسة اكوم وادفرجن اثنينجن واركع روسجن بالحايط شعدجن جايات يمي ماعدجن دراسة
ترف... درسنة مساع الظهر وهسه استراحة
رجعت غمضت عيوني على ما كملتلي يلا فتحتهن باوعت الروحي صدك المكياج حيل خفيف وبارز ملامحي اكثر
ترف... ها شنو رأيج؟
روح.. عاشت ايدج
مَلك... بلا التفتي الي خلي اشوف
التفتت الها باوعتلي بأعجاب واردفت
مَلك... اطكين بالكاع
ضلن يمي يسولفن وانا رحت لفيت شالي سمعنة صوت هورن عرفناهم اجو طلعن البنات و انا رحت رشيت عطر وما اعرف شبية متوترة سمعت صوتهم برة ويسلمون ضليت اطفر من التوتر عضيت على شفتي وطلعت من الغرفة ومن التوتر ما انتبهت انا شنو لابسة برجلي رحت للمطبخ واجت عمة وراي مبتسمة
أمل.... يلا بنيتي اخذي الچاي وانتِ وديه
هزيت راسي وهيا صبت چاي شلت الصينية وايدي ترجف كوة مسيطرة عليها رحت للصالة دخلت عليهم وتوترت وحجيت
روح...صباح النور
ضحكوا كلهم خزرتهم وحجيت
روح... وعليكم السلام
حجيتها ودخلت ولا عبالك صاير شي كبل راح نظري على الحبتر لابس بنطرون اسود وقميص اسود فاتح اول دكمتين وكاف ارداناتة وامواج كاعدة بصفة ابتسمت الة وسوالي حركة بخشمة
اختفت ابتسامتي من شفت جايبين خنجر خزرتة وهوا لم شفايفة للداخل حتة يحبس ضحكتة
قدمت الهم الچاي ومن وصلت الخنجر اتعديتة وقدمت العلي
باسل... ليش هيج عمو ليش ماقدمتي الخنجر چاي
اردف الحبتر بسرعة حتة يلزك السالفة
الحبتر..لا خنجر مايحب الچاي
خنجر... اي صح
خليت الصينية على الطبلة ورحت كعدت بصف عمو باوعت الام هلاك عينها علية وتبتسم نظراتها حيل حلوة ومريحة للعين بادلتها الابتسامة رفعتلها ايدي وسويتلها هلوو
باوعلي خنجر واردف
خنجر.. اي شلونج؟
روح.. معليك انتَ
باسل... لا عمو عيب
كامت امواج من يم هلاك واجت كعدت يمي
امواج.. غوح السغيغة صدك بابا غاح يتزوجج؟
ابتسمت الها واردفت
روح.. اي راح نتزوج
امواج.. وتجين يمنة
هزيتلهة راسي وهيا اشرتلي حتة اقرب اذني الها اتقرب منها وحجت
امواج... عندي حلويات هوايه من ينام بابي ناكلها اني وياج ونخلي ميكب انتِ تعغفين تخلين؟
همست الها
روح... اي اعرف اخلي مكياج من نتزوج اصبغ اظافر ابوج و اسوي ايديه بشيرة
ضحكت وخلت ايدها على حلكها وهيا اصلاً ما مفتهمة شنو شيرة وتباوع الهلاك وهوا ملتهي يسولف وية عمو اردف علي بضحك
علي... والله ياجماعة الخير انا اريد الاختي واحد مكمل دراسة
الحبتر... ليش عيني لازم شهادتي مالت معهد الركص ماعاجبتك
علي... هسة انتَ دكول اسمها عدل بالاول والعندي حجيتة
خنجر....زين من راح ياخذ اختك المخبلة
ديسم... عالاقل اعقل منك وماقشمرناها باربعين مليون
خنجر... اي بس راح اتقشمرونها بأخوك
باوعت الخنجر وحجيت بحدة
روح.. انتَ شعندك جاي هنا النوب صاير حية يكرص ويضم راسة
خنجر... والله عاد يعجبج اهلاً وسهلاً مايعجبج موتي قهررر اربعة وعشرين ساعة انه عدهم نسيبهم واخوهم وبكيفي
خزرتة وعيوني دمعن من حجة هيج يتعمد يقهرني باوعت الهلاك استنجد بي حتة يردة افتهمني وحجة
الحبتر... معليج بي لوزة بس نتزوج ما اخلي يجي النة
ضرب خنجر على رجلة وصاح بقهر
خنجر... ااااخ تبيعع الايام والسنين كلهااا علمود رويحة؟
روح.. تاج راسك انا
ضحك و اشر على راسة
خنجر.. مرتت الحبترر تاج رااسي اتشرف والله
بدون تفكير مني جاوبتة
روح... انا اشرف
عم الهدوء من حجيت هيج وحتة عمة وام هلاك الجانن ملتهيات يسولفن من حجيت هيج باوعلي ما اتحملت ترف العوبة وانفجرت بالضحك ضحكو البقية ماعدة هلاك يباوعلي ويبتسم
نزل نظرة على رجلية واشر عليهن نزلت نظري الهن وباوعت بصدمة لابسة حفايات وحدة وردية والثانية صفرة نزلت الفستان بسرعة عليهن ورفعت نظري الهم باوعت الخنجر شافني من سويت هيج حركلي بحواجبة وانا اتجاهلتة
باوعت الديسم عينة على مَلك وهيا ملتهية تسولف ويه ام هلاك
علي.. تدرون انا من كد ما صارت هوسة ما انتبهت روح راجعلها نظرها
أمل.... الحمد الله فترة وعدت
نجاة.. العوض على الله ان شاء الله
فتحو موضوع الخطوبة وانا بس اوزع ابتسامات ومن وصلو السالفة المهر نط خنجر من مكانة واردف
خنجر... بربكم خلو المهر خمسين
روح.. الف؟
خنجر... لا مليون
فتحت حلكي وهزيت ايدي
روح.. شسالفة شسوي بيهن خمسين مليون
خزرتني عمة أمل وحركت شفايفهة.. عيب
خنجر... اخخ جا بس انه خطية اخذتوا من حالي اربعين مليون
ديسم... شنسوي ردناك اتبطل ما بطلت مبين فلوسك هواي
اتفقو على المهر عشرة بعشرة ظهرت على ملامحي الانزعاج حيل هوايه عشرة ملايين على هلاك وخاصتاً هوا طالع من شغلة القديم وتايب وهسة بادين بمشروع ضليت اهز رجلي متوترة واباوع الة ابتسملي وطمني بنظراتة
لميت شفتي للداخل ودرت وجهي رادو يتفقون على العرس بس كتلهم ما اريد اتفقنة على ان الاسبوع اليجي نعقد وهذا هوا ضلو شوية وراحو رحت الغرفتي كعدت على الچرباية ونزعت شالي ضليت اهز برجلي متوترة ما اريد اضغط عليه
شوية وصاحولي على العشا كمت بدلت وطلعت رحت للمطبخ لكيت ترف مخلية كارتون الكتكوت بالمطبخ شلتة بأيدي وابتسمت وكزكت عليه صغير اخذتة ورحت كعدت يمهم وخليتة بحضني شافة علي وعقج وجهة واردف
علي... وين جايبتة يمنة
روح.. يتعشة جا بس انتَ تتعشة
باسل... عمو لو مخليتة ورة ماتتعشين وعشي
روح.. ما الي علاقة الة هسة اعشي وياكم
أمل.. مو ايديج كضيتي بيهن شلون هسة تاكلين
روح.. مابي شي نظيف انظف من هلاك
ترف... اكلكم اشتهيت شي
علي.. شنهوا
ترف.. مااعرف بس ابالي اكلة محد ماكل منها
ضحك علي واردف
علي.. ومنين اجيبلج هاي الاكلة
باوعت للاكل وذبت الخاشوكة وصفنت على علي وحتة ماترمش ووين يلا حجت
ترف... مشتهية علي يحلب بقرة واشرب حليبها
شرك عمو بالچاي وعمة أمل ادك على ظهرة
علي.. بربج شفكرتي من اشتهيتيها؟
ترف.. اتخيلتك كاعدة وتحلب بقرة وتغني يا اطفال يا حلوين اشربوا الحليب للصحة والقوة اسألو الطبيب
ضحك علي بصوت عالي ورجعنة ناكل وهيا كلساع وحجت ومبينة مصرة على الموضوع الحد ما مل علي وحجة
علي... هسة بلا دبرنة الهايشة وين اعرف احلبها
ترف... شيرادلها اكتب باليوتيوب
ضحكت مَلك وحجت
مَلك... طريقة حلب البقرة
ترف.. ما الي علاقة اذا ما حلبت البقرة ماتنام بالغرفة
باوعلها ورمش عدت مرات اجة يحجي وقاطعة عمو
باسل.. تددل بنيتي وحفيدي شعندي غيرهم انا عندي صديقي عندة حلال اخذكم اثنينكم وعلي يحلب الهايشة
ابتسمت ترف من عمو حجة هيج و علي كلب وجهة
أمل... ولك عليوي جا هذا العرس شعبالك
علي.. والله عبالي استقرار بس مو حلب هوايش
باسل.. عوفنة من هاي السالفة علينة بالمفيد ليمتة تنفتح الحدود؟
علي.. الحد هسة ماكو اي قرار ولا خبر عن الطيران
عقدت حواجبي واستغربت من سؤال عمو
روح.. ليش تسئلون عن السفر
اتنهد عمو وجاوبني
باسل... انتظر البنات يكملن هاي السنة ونسافر نستقر يم محمد
بلعت ريكي وعيوني دمعن اردفت بخنكة
روح.. وانا؟
باسل.. ابوية بعد انتِ راح تتزوجين وتستقرين بحياتج وهلاك خوش رجال ويحبج وليمتة ما تردين تعاي النة
ابتسمت بوهن وجاوبتة
روح.. عمو تحسسني الدولة الي راح اتروحولها هيا العشار ليش الطيران والسفر سهل لو لا عمو ما اكدر اعوف ترف وحدها
رفعت نظري الترف عيونها مدمعة وعاضة على شفتها تمنع ادموعها تنزل نظراتنة وعيونة كفيلات ان يشرحن كلشي بيناتنة
التهيت احجي وياهم ومدري شلون طفر الكتوت على السفرة تحديداً قريب من علي كام من مكانة وصاح
علي... يبووووووو على بنات سويلم
روح.. تاج راسك احنة بنات سماهر
هز ايدة وصعد فوك كمت من مكاني واخذت فريخي ورحنة للغرفة
شوية وسمعت رنة تلفون عقدت حواجبي وضليت ادور عليه اخذني مصدر الصوت جوة الچرباية دنكت راسي وشفتة مديت ايدي اليمنة واخذتة شفت رقم يتصل علية بلعت ريكي والرهبة سارت بجسمي غمضت عيوني احاول اهدي نفسي هذا هوا كابوس وانتهى وماكو شي يخوف راح ابدي حياتي من جديد
رديت عليه بتوتر واتنفست براحة من سمعت صوت هلاك
الحبتر... هلا بروحي وبعد روحي هلا بالشافية جروحي
ضحكت وجاوبتة
روح.. هلا بيك
سمع صوت الكتكوت يمي سكت وبعدين حجة
الحبتر... بس لا مخليتة بغرفتج؟
روح.. اي بالكاع هوا وانا على الچرباية
صاح بصوت عالي
الحبتر.. هوا هذا الناقص تخلينة يمج على الچرباية ولج ما يصير وين مخليتة بالغرفة هسة تصير ريحتهة دجاج
روح.. اهوو معليك واذا صارت ريحتهة دجاج وهسة عوف الفرخ تعال كلي منين اتجيب عشرة مليون دينار عراقي؟
الحبتر.. اجيبهن لوزتي لاينشغل بالج كلشي سهل الخاطرج
ابتسمت من حجة هيج بس ضليت مامرتاحة بسبب قرار سفرهم ولا اكدر وامنعهم مو من حقي وترف شي اكيد تروح وية زوجهة حس بية هلاك مو على بعضي
الحبتر... روح الروح شبيج بوية شنو علتج؟
لميت شفتي للداخل وعيوني دمعن ماكدرت اسكت شهكت وحجيت
روح ....شسمة يردون يسافرون ويستقرون وياخذون ترف وياهم ما اريدهم يرحون
جاوبني بنبرة هادئة حتة يطمني
الحبتر.. بس هاي حبيبي ليش امتعبة عيونج وتبجين يابعد عيوني ليمتة ماتردين انروح الهم اخذج ونضل هناك الحد ماتشبعين من شوفت اختج ونرجع
ابتسمت من حجة هيج ومسحت ادموعي
روح.. عليك الله؟
الحبتر.. والله وداعتج
روح.. صاير تحلف
الحبتر... من زمان احلف انه
روح... ما منتبهة الك
ضحك وجاوبني
الحبتر.. تردين احلفلج بغير طريقة
روح.. اهوو رجعنة على سوالفك االسزز
الحبتر.. بس وياج سزز وية غيرج الحبتر
مؤدب والكل يحلف بأخلاقة
ضحكت بصوت عالي من حجة هيج
الحبتر.. لوزة
هدأت وجاوبتة
روح.. هاا
الحبتر.. ووجعا شلابسة؟
روح... لابستك
الحبتر... ها
روح.. اي
سكت وغير الموضوع ضلينة نسولف الحد ماوصلنة القرارة
الحبتر... صح راح اعقد عليج بس ما اخذج من بيت عمتج الة يوم 2020/8/8
انصدمت من قرارة صحت مانعتة ورافضة الفكرة
روح.. مستتحيللل هلاك تسمعنييي مستحيلل اقبل الاسبوع اليجي تعقد علية واروح وياك وهذا هوا ما اريد تزوجني بهذا اليوم مستحيل اقبل هذا الحجي العندي عندك غيرة وماتقبل بي عوفني وشوف حياتك
اتنهد وسمعت طكت جداحة يمة وماجاوبني ضل فترة طويلة هيج الحد ما حس بية هدأت وجاوبني
الحبتر... هذا هوا لوزتي
روح... يعني قبلت؟
الحبتر.. اي وباجر اجيب فلوس المهر حتة تجهزين نفسج
روح... بس احنا فلوس مهرنة قبل لا نمهر
ضحك وجاوبني
الحبتر... احنا دفرنت مو كتلج احنا نفس قانون الفيزياء الشحنات المختلفة تتجاذب والشحنات المتشابهة تتنافر بالظبط احنا نفس الشي لأن مختلفين نتجاذب
حجاها وودعني وسداه
ثاني يوم كعدت الصبح لكيتة جايب الفلوس ومنطيهن العمة لأن عمو وترف وعلي راحو على مود البقرة
بديت اجهز نفسي نطلع انا وعمة نتسوك من الصبح للعصر ونرجع حاولت اختصر واشتري بس الاريدة والباقي من فلوس المهر ارجعة الهلاك مر الاسبوع بسرعة بسرعة وقبل العقد بيوم رحت للصالون وراحن وياي ترف ومَلك حفتلي وجهي وسويت تقشير وعناية بالبشرة
اتقربت يمي مَلك وبأيدها الكتلوك مالت الوان الشعر
مَلك... شوفي روح حلو هذا اللون؟
باوعت للون ماروني دموي هزيتلهة راسي بأي
مَلك... يعني اذا اخصل شعري بي حلو؟
روح.. اي اي يطلع كلش حلو عليج
باوعتلي ترف واردفت
ترف.. وانتِ رورو ما اتصبغين شعرج النسيبي؟
باوعتلهة صفح
روح.. جؤ ما اصبغة اسود احلا
غمتني وراحت مَلك للمسؤولة عن صبغ الشعر اكو بنت قبلها جاي تصبغ شعرها فكعدت تنتظرها
كمت عن الكرسي بعدما كملتني ورحت كعدت بصف ترف لكيتها جاي تراسل بعلي صابني فضول اشوفها شتحجي قربت نفسي منها شفتها دازتلة صورت قرد وكاتبة جواها
ترف... احزر يشبهمن؟
علي.. يشبهك صديقي
ترف...يعني اني اشبه هذا؟
علي... لا صديقي انتَ احلا منا
ترف.. بسيطة خلي يجي الليل واريد اشوف جهرتك يمي بالغرفة اذا ما اشهرك شهيرة
علي... صديقي ولك جا اذا ما اجيت تركص المنو؟
ترف.. شنو اركص شنو هذا الحجي وين كاعدين بملهى صاير فسوقي
علي... ديلا عساس انتَ مو فسوقية نفسي منو اليومية تهزلي بالليل؟
ترف.. تربية روح اني تروحلي سبع فدوات
علي... صديقي اكو احد يمك؟
بسرعة شافتني والتفتت خزرتني وصاحت
ترف.. ادبسززز شلون تشوفين رسائلنة
روح.. ديلا هسة عساس من لوكهن
ترف.. اي ومنو الجانت فاتحة حلكها وتبتسم وتهز ايدها
باوعتلها ببراءة مصطنعة واردفت
روح.... يعني ماتخلين اختج الي بمثامة امج وربتج وتعبت تشوف ماحدثتكم؟
لانت ملامحة وابتسمت
ترف... يابعد روحي تعاي ولج حتة اذا تردين ادخلين بالتلفون هم قابلة
ابتسمت ورجعت تكتب
ترف.. محد يمي ليش!؟
علي... راح ادز بصمة بيها زيج الج والروح
سواها صدك ودز نصت الصوت حتة الي بالصالون مايسمعونة فتحتها مديت ايدي وغافلتهة واخذتة بسرعة منها ودفعتها فتحت بصمة وحجيت
روح.. بسيطة علي انا الك يمي تسوي روحك فقير وتحمد بية وهسة تحجي هيج فوك مامنطية اختي الك هايه انا ام الضحكة الحلوة هيج تحجي علية بسيطة ولك لو ما انا ماجان
صفنت وسكتت مامسويتلة شي حتة اذلة بي دزيتها وشمرت التلفون على ترف وهيا كلبت وجهة علية لأن دزيتلة بصمة جذبنة حديث ام الصالون عن احتياجهة المساعدة وياها التفتت النة واردفت
.. ماتعرفن وحدة تريد تشتغل حتة لو بس فترة العصرية لأن جانت بتي تشتغل وياي وهسة هيا حامل هم خاف تتعب
مَلك... اني اريد اشتغل
خزرتهة وحجيت بحدة
روح... لا مَلك مايقبل عمو
مَلك.. ليش مايقبل هم اريد اشتغل كم دوب عمو يصرف علية؟
ترف... مو عندج دراسة شلون تشتغلين
مَلك... بس العصر اشتغل ومن اكعد الصبح اكمل دراستي وبالليل من ارجع اراجع لا تمنعني انتِ روح بنفسج جنتي ماتقبلين عمو يصرف عليج مو زين ومكعديني ابيتهم واني غريبة عليهم عالاقل انتن تقربن الهم
سكتت من شفت كلامها صح وانا اشوفها تنحرج من عمو ينطيها مصرف شجعتها على الفكرة وقبلت اتفقت وية ام الصالون بس هيا ماتعرف فقط تحف بس ام الصالون كلتلها انا اعلمج
مر هذا اليوم بسرعة حالة حال غيرة لكن نهايتة جانت ترف عايفة علي بغرفتة ونازلة يمي حضانتني ونامت بحضني ماتريد تفارقني
2019/12/20
بيوم العقد قبل لا يجون صافنة على المراية الحبتر عقد علية مرتين مرة مرة بأجبارة دخلني العالمة وهسة هالمرة بقبول مني
ما انكر ان اكو تخوف بداخلي منة ثعلب الحبتر واسمة عليه ناكر ومستحيل الة امان اذا اليوم وياي باجر وية غيري
نفضت الافكار من راسي مستحيل هيج يسوي لأن يحبني ومشاعرة واضحة بعيونة صح مرات يضمها عني لكن شفتها بأغلب حالاتة
حاولت اطمن نفسي واذبها على الله تعبت بحياتي واكيد هسة اجة الوقت لحتة يعوضني و ان لا فالحمد لله على كل حال
خرجت من صفنتي للواقع باوعت النفسي بالمراية لابسة فستان لونة بنفسجي فاتح قصير ويصير ضيق على الجسم مع حزام بارز خصري واردانات خفيفة بف وكيبور
ومكياج من ايد ترف خفيف ومناسب للفستان وشعري فتحتة على طولة وبرمت خصلات منة
شعور متبعثر
توتر
فرح
حب
خوف
كلها اجتمعت عندي
اخذت كعبي و اجيت البسة وانفتح الباب ودخلت ترف باوعت الها وابتسمت عفت البيدي وكمت فتحت الها ايدي وركض الي حضنتني وتبجي
ترف... شكد ما اكبر احس بعدني اريدج روح امي حبيبتي انتِ بشنو اجازيج يا امي
ابتسمت وعيوني دمعن بسرعة رفعت راسها ومدت ايدها الوجناتني مسحت ادموعي قبل لا ينزلن
ترف.. هذا احلا يوم الج لا تبجين بي هاي هيا سنة الحياة لازم كل وحدة تستقر بحياتهة
بستها من راسها وحجيت بصيغة تنبيه
روح... اريدج اديرين بالج على نفسج ودراستج اهم شي لا اتضيعين السنة من ايدج وديري بالج على علي والنونو الصغير حبيب خالتة
ابتسمت وهزت راسها سمعنة صوت كعب و خطوات سريعة جاية بأتجاه الغرفة دخلت مَلك وحجت بسرعة
مَلك... اجو اجو
حجتها وركضت راحت صحت وراها
روح.. ديري بالج لا اتعثرين
ماسمعتني وراحت لبست حذائي وطلعت انا وترف من الغرفة وكعدت بالصالة
سمعت الهلاهل بالطارمة من بين الهلاهل اكو صوت هلهولة رجالية ضحكت وحزرت هاي لو الخنجر لو الديسم بس ديسم مايسويها لأن عاقل
شوية ودخلت عمتي ولمعان وامواج ووياهن مرة اجن سلمن علية بست عمتي براسها وهيا حجت
نجاة.. يافرحتي اليوم وانا اشوف هلاك مختارج اعرفج ماراح تقصرين وياه الله يهنيكم يمة
اتشركتها وراحت اجت لمعان حضنتني
لمعان.. الف الف مبروك ياعمري مهنايين ان شاء الله
روح...عمري يوم الالج
حجيتها وسكتت مو زينة بالردود كعدت بمكاني واجت امواج كعدت يمي
امواج... بابا كال كولي الغوح الف مبغوك
روح.. الله يبارك بيج
امواج.. خنجغ يكول البابا عوف غوح واني ازوجك وحدة حلوة
روح.. خلي يولي انا اعلمة
امواج.. اي خلي يولي خنجغ ما احبة بعد لأن مايغيد بابا يتزوجج
روح... لا تحبينة حبيني بس انا
ابتسمت وضحكت فرحانة من حجيت هيج اتقربت بصفي اكثر
امواج.. غوح السغيغة بابا كال غوح عدها فغيح مالت دجاج صدك؟
روح.. اي والعباس عندي فريخ بس اليوم ماراح اخذة وياي باجر من تجي ترف وعمة يجيبنة وياهن
امواج.. عادي العب وياه؟
روح.. اي عادي بس هوا هواي ينام
امواج... يا خطية خاف يتعب
روح.. اي انا هم هيج اكول خطية يتعب
رفعت امواج نظرها الترف ونزلت عينها على بطنها اتقربت مني وهمست
امواج.. غوح السغيغة هذيج ام السعغ الاسقغ منو وسبيها بطنها تسبه حغف الـ D
باوعت الترف وابتسمت
روح..هذيج اختي وبيها فريخ زعطوط بس اتجيبة اجعص راسة واطكة بالحايط
امواج.. يعني غاح تجيب فغخ دجاج؟
هزيت راسي بلا
روح.. لا فرخ مالت بشر
ضربت كصتها بغباء وصاحت
امواج.. جا مو انتِ كلتي غاح تجيب فغيخ
روح.. اي هيا بشر فراح تجيب فرخ من بشر والدجاج يجيب فريخ من الدجاج
امواج.. هاا فهمت يعني هسة انهد كلب ويجيب فريخ كلب
روح.. لا انهد صح كلب بس هوا ولد مايكدر يخلف نفس ابوج
اجت تحجي وكالو راح نعقد كمت من مكاني ورحت كعدت ورة باب الديوانية
غمضت عيوني حتة اهدي نفسي وبدة الشيخ يقرا وصل الحد
.. قولي نعم وانتَ وكيلي
سكتت وماحجيت كالها اكثر من مرة وانا ساكتة لميت شفتي للداخل واردف الشيخ
... بابا جابرينج؟
ندهتني ترف بكتفي عضيت على شفتي واردفت
روح... نعم وانتَ وكيلي
رجع سأل هلاك وجاوبة بقبول هلهلن و رفعت راسي الهن وابتسمت رجعت كعدت بالصالة وكالو راح يجي حتة نلبس حلقات
لبست بس مَلك حجاب لأن لمعان اختة وترف مو محجبة والبقية بحجاباتهم دخل هلاك ورفعت بسرعة نظري الة لابس قاط اسود وحتة القميص الجوة اسود وفاتح اول دكمتين بلع ريكة من شافني وسرعان ما تغير حالة لمعن عيونة بحب واتقدم كعد يمي وهمس
الحبتر..لوزي طالعة اتشكين سلمان بالبنفسجي
ابتسمت بخجل و جاوبتة
روح... انتَ هم طالع تشك سلمان
ابتسم وضل يتمعن بتفاصيلي وعيونة تتنقل على ملامح وجهي جابولنة الحلقات
كض ايدي وكمنة اثنينة سوة اخذ الحلقة ودار وجهة لجهة اليمين وبلع ريكة متوتر وبس يعرك مسح وجهة ورجع باوعلي وابتسم
الحبتر.. شسويتي بية
روح... شسويت؟
بلل شفايفة وسكت اخذ ايدي بأيدة الترجف وقربني الة لبسني الحلقة وباسني بخدي
ابتسمت من حسيت بملمس لحيتة على خدي اخذت حلقتة ولبستة والهلاهل ضلت تتراكع علينة مرن باقي المراسيم بسرعة
شوية وكالو عمو و ديسم وخنجر وعلي راح ايدخلون كمت من مكاني ورحت للغرفة لبست شي مستور حتة اروح بي للفندق لفيت شالي وخففت المكياج الي على وجهي واخذت جنطتي سحيتها وخليتها بباب الصالة
فتحت الباب واول مادخلت هلهل خنجر وحجة بصوتة الخايس
خنجر... لقد اخذنة مصباح الشحن الي كان في بيتكم والفلوس الذي اخذتموها من المهر لن تنفعكم اطلاقاً
(اخذنة شمعة بيتكم والفلوس ماتفيدكم)
ضحكنة وحجة ديسم
ديسم.. لا لا سمعو هاي اقوة...اتينا لك بوردة استنشقها بس الوردة يجب ان تحميها
علي... الهوسة يحتاج الها ترجمة
خنجر... لقد أتينا بها وأتت معانا
(جبناها واجت ويانة)
ديسم... كيف يرقصون أهالي العماره... هكذا ..وهكذا
ضحك عمو واردف
باسل.. اهم شي هكذا وهكذا
صفنت على هلاك اريد اكعد يمة بس خنجر كاعدة بصفة لزك دفعة هلاك من كتفة واردف
الحبتر.. كوم لوزتي تريد تكعد هنا
خنجر.. جا شنو اجاك من تالي عكبك
حجاها وكام يباوعلي صفح مشيت بدلع وعلى عناد خنجر رحت كعدت يم هلاك كض ايدي وخلاها بحضنة
خنجر... يلا صبو عشة
باسل... اول مرة اشوف عشة عد بيت اهل البنية
خنجر... عادي هوا كلشي انكلب ضلت على العشا كلونة بتيتة وبيتنجان وانطونة
باسل... لا يابة ما اطلعون من البيت اذا مو انتم متعشين
خزرت عمتي خنجر واشرتلة بأيدها بسيطة التفت الي واردف
خنجر.. شوفي لمعة.. واشر على لمعان واسترسل بكلامة.. اتصير خطيبتي
روح.. اعرف
الحبتر.. هيا من يوم الي اختارتك غسلت ايدي من ذوقها
خنجر... ما راح اجاوبك لأن عريس ومحترمك
ضلو يداهرون وبين امداهراتهم سوت عمة والبنات عشة وهم علي جاب كم اكلة جاهزة اتعشينة وورة العشا تقريباً الساعة بالتسعة اشرلي هلاك حتة نكوم ابتسمت وهزيت راسي الة وكمت من مكاني
اول مارحت العمو باسل حضنتة وعيوني دمعن
روح.. عمو اي كلمة زينة قليلة بحقك وبحق كلشي سويتة الي
باسني براسي واردف
باسل... الف مبروك بنيتي بيتي يضل مفتوح الج
رحت العمة وحضنتها قوي مسحت على راسي واردفت
أمل.. مودعة بألله بنيتي عين الباردة عليكم الله يحفظكم بحق محمد وآل محمد عساكم دوم سالمين كون الحسين يحفظكم ويوفقكم بدربكم هيج الله وام البنين اشوفكم مرتاحين بحياتكم
الحبتر.. خالة منين طالعة من مسلسل يوزر سيف
واحنا متأثرين ماتحملنة ضحكنة مسحت ادموعي ورحت سلمت على مَلك و ترف وعلي اجة عمو وكضني من ايدي وسلمني بأيد هلاك واردف
باسل.. سلمتها الك مرة ورجعتها النة مدمرة هالمرة يا هلاك لو غلطة وحدة بحق بنيتي تحلم تشوف شعرة منها
اشر هلاك على عيونة وكض ايدي شال الجنطة مالتي بس الي راح اخذها وياي للفندق البقية لمعان تاخذهن للبيت
صعدنة بالسيارة وحركها واول ما طلعنة من الفرع شغل اغنية
... وداعت امي
ابتسمت وانا اسمعها وهوا يغني وية الاغنية بصوتة اخذ ايدي وقربها من شفتة وباسها
الحبتر.. احبج لوزتي
اتوسعت ابتسامتي اكثر وحسيت بشعور كلش حلو ضل ايسمعني انواع الغزل الحد ما وصلنة للفندق نزلنة سوة وكض ايدي بأيدة والجنطة بأيدة الثانية وصعدنة اول ما دخلنة للغرفة غفل الباب واخذ ملابسة ودخل يسبح
استغربت منة بس عديت السالفة فتحت شالي وخليتة على صفحة وكعدت انتظرة يطلع من الحمام ماطول وطلع ينشف بشعرة بشعرة باوعلي وابتسم
الحبتر.. لوزة انه طالع حتة تاخذين راحتج
شمرلي بوسة بالهوى وطلع اتنفست براحة و رحت بسرعة للجنطة فتحت السحاب وطلعت روب نوم ابيض ستن و قصير وغسولاتي ودخلت للحمام سبحت ولبستة وطلعت باوعت النفسي بالمراية شعور غريب خجلانة منة واحس اول مرة راح يتقرب مني للعلم هوا اتقربلي مرة بلعت ريكي ونفضت الافكار من راسي نشفت شعري ومشطتة ورشيت عطر
بعدني ما مكملة وانفتح الباب سمعت غفل مالت باب خليت مرطب الايدية بسرعة وهوا دخل للغرفة استقر نظرة علية اتوسعن عيونة و باوعلي بأندهاش وفرح وشفايفة رجفن اجة بأتجاهي بسرعة واردف بعدم تصديق
الحبتر... لوزتي لابستلي ابيض؟
ابتسمت وهزيت راسي بأي ضلن عيونة تتفحصني من فوك ليجوة واردف مرة ثانية
الحبتر... لوزتي لابسة ابيض الي هيج انه استاهل وتلبسيلي ابيض؟
اتقدمت عليه وحضنتة بتردد خليت راسي على صدرة وهمست
روح... تستاهلني حبتري
ضحك بصوت عالي وبفرح ورفع راسة ليفوك واردف بأمتنان
الحبتر...هيج الله يحبني ويخليج اتحبيني لوزة
لف ايديه على خصري وقربني الة حسيت بنفسي ارتفع عن الارض حتة اوصلة للعلم ان انا طويلة بس اوصل النص صدرة ضل يميل بية ويحجي بحنية
الحبتر... الحب على ايدك عرفتة مو حبيبي روحي انتَ
الة انسة روحي يمكن اكدر انه الحبك انسة
شماحصل بينك وبيني حبي الك ضل هوا نفسة
نزلني بالكاع وبعد ايديه عني انتبهت الايدة ترجف رفعها وقرب راسي الة وباسني بجبيني
ابتعد وطلع تلفونة وشغل اغنية... سمعني نبضك..
سحب ايدية وخلاهن على كتافاتة وسحبني من خصري وضل يتمايل بية حسب اللحن وعيونة تشرح كلشي بداخلة
ومن وصلت الاغنية المقطع... من اشوفك ليه مدري تذوب الروح
اتقرب من اذني وهمس
الحبتر... روحي تذوب بين احضانج
خلصت الاغنية ومن حس بية متوترة راح طفة الضوة خلة بس ضوة التنبلام و اجة كضني من ايدي ومشة بية للچرباية اشرلي اكعد من غير كلام رحت كعدت على الچرباية وانتجيت على التاج
كعد كبالي وبلع ريكة وهوا يباوع الي والملابسي والملامحي حسيت بنظراتة تخترقني
الحبتر... لوزتي منين خايفة؟
روح..منك
رفع حواجبة بأندهاش واردف
الحبتر...مني انه؟
روح.. اي منك انتَ سبق وان سلمتك نفسي وخذلتني
بهت وجهة وابتسم بوهن اخذ ايدي وباسها وخلاها على صدرة وحجة
الحبتر... كلشي راح ومضة ننساه ومانفكر بي احنة ولد اليوم مابينة انتقام ولا كره متندم روح مو بس على السويتة وياج متندم حتة على الساعة الفكرت بيها ادخل الهذا المجل وهسه احنا روح تحب الحبتر والحبتر يموت على روحة.. حجاها وجرني الة وهمس... تعاي نلعب لعبة حلوة
صار قريب مني حيل الدرجة انفاسة اطخ بية اتوترت واردفت بصوت متلكأ
روح... ش شنو هيا؟
الحبتر... ابوسج تسعتالاف بوسة وكل ما اخطأ بالحساب اعيد مرة ثانية
حجاها وباسني قوي بشفتي سارت الرجفة بجسمي وهوا مشة ايدة على ظهري الحد ماوصل الراسي ضغط عليه وقربني الة اكثر رفعت ايدية ولفيتهن على رقبتة وبادلتة ابتعد ياخذ نفس واردف
الحبتر.... هاي واحد
رجع مرة ثاني باسني بس على كيف وبسرعة ابتعد يباوع الوجهي ويتفحص خاف بية شي
الحبتر....روحي زينة انتِ؟
هزيت راسي بأي وهوا سحب خصلة من شعري شمها وخلاها ورة اذني
الحبتر.. لوزتي انتِ لو جاسج الورد تتأذين
بلمساتة وغزلة خلاني استسلم الة اتقرب مني بهدوء وعلى كيف وكلساع يرفع راسة يشوفني اذا بخير او لا حسيتة مو مصدك انا الة وبحضنة
اندمجت ارواحنة مع بعض بعد كل هاي المصاعب الي واجهتنة محد من عدنة بالسنين الفاتت عاش عيشة طبيعية كل منة اتعذب بطريقة تختلف
انا روح عشت من دون روح لكن حبيتها الروحي بعد ماصارت ملك الحبتر
ماكو انسان مايغلط ما انكر ان انا ماناسية ربع الي سواه بية هلاك ولا راح انسة ولا مسامحتة لكن ما ممكن الكة شخص مناسب الي اكثر منة شخص احبة برغم كل عيوبة الي لازال لحد الان يحاول ايعدلهن
ختم ليلتنة ببوسة على جبيني وهمس بأذني
الحبتر...اتعب وتعالجني بوسة منج.....
رجع باسني بشفتي وهمس.. انه اسكر من اشوفج... مبروك النة لوزتي الاحبها
نام بصفي وجرني الحضنة وغطاني
الحبتر.. تعبانة لوزايتي؟
ماجاوبتة بس عصرت راسي بصدرة خجلانة منة ضحك بخفة واردف
الحبتر.. اخجلي بندقي ايلوكلج الخجل يابعد هلاكج مسعورتي شسويتي بية
رفعت راسي الة وابتسمت بخجل مد ايدة الوجهي وكرص خدي
روح... احبك كلش هواي
ابتسم وجاوبني
الحبتر... صاير احبج اكثر يمكن رفستيني بسحر
ضربتة بصدرة وحجيت بدلع
روح... لا تحجي هيج ويني وين السحورة
لم شفتة للداخل وجرني الة وهمس
الحبتر... ابوس كل اثر بيج وتبوسين جروحي؟
رمشت عدت مرات متتالية وانا اباوع الة عيونّة تشرح حبنة البعض
جفونّة رافضة تنام ضلينة هيج الفترة طويلة واحد يباوع بعيون الثاني الحد ما انا ابتسمت وحجيت
روح... من شفتك اول مرة حسيت شايفتك قبل
الحبتر.. اي روحي شفتيني بالمول
روح.. وينك وين المول
الحبتر.. رحت لأن عندي شغلة هناك
سكتت وهوا ضل يباوع الي لفترة طويلة
الحبتر... شسويلج وتنسين الي صار وياج؟
ابتسمت بوهن وجاوبتة
روح.... صارلي مو سهل حتة انساه كل حدث مطبوع بية وماخذ جزء من روحي
جرني الة اكثر واردف
الحبتر...فرحانة خيط جرحي؟
ابتسمت بخجل وضميت راسي بصدرة وحجيت
روح... انجب انتَ تتخيل هاي مو روح الي بحضنك
ضحك بصوت عالي واردف وهوا يضغط على جسني ويحضني بقوة
الحبتر.... ووولج ااحبج امووتج شسووويلججج ولججج
حجاها وخلة وجهة برقبتي ويدغدني بلحيتة ويحجي
الحبتر.... ووولك طااااح على رااسي ولكك مووتني ولكك عضنييي ولك الحكنيييي
ضحكت بصوت عالي لفترة طويلة وفقدت بالضحك سكتت ولكيتة مسنح بوجهي اتنهد واردف
الحبتر.... شنو امنيتج لوزتي؟
ضحكت بخبث واتقربت من اذنة وهمست بصوت خافت
روح... امنيتي اطك راسك بالحايط ويطشر عقلك واتفل عليه
رمش بصدمة واردف
الحبتر.... شعندج وية راسي؟
ضحكت وحجيت
روح... وانتَ شنو امنيتك؟
باسني بشعري واردف بحنية
الحبتر... امنيتي اضمج بروحي من روحي
بلعت ريكي وانا اشوف الفرق بين كلامي و
كلامة بس مابيدي شي ما اعرف احجي نفسة
روح... شسمة لا صدك يعني انتَ من جنت صغير شنو امنيتك؟
ابتسمت بوهه واردف
الحبتر... جانت امنيتي اصير مهندس.... اتنهد واردف.... يلا لوزتي تكومين اتسبحين لو انه اروح قبلج حتة انام اتأخر الوكت
روح... كوم انتَ اول
من غير مايحجي شي انسحب عني وراح اخذ ملابسة ودخل للحمام كفيت عني الغطة وكمت جسمي كلة يأذيني همست بصعوبة
روح.. احترك سلمان
لبست ملابسي ورحت طلعت من الجنطة اتراك انتظرتة حتة يطلع من الحمام ضجت من طول اخذت ملابسي ورحت وكفت كبال الباب اجيت ادكة وفتح الباب مبتسم انتجة على الباب وشمرلي بوسة
الحبتر... واكفتلي بالباب لوزتي اشتاقتيلي؟
ابتسمت وسكتتت
الحبتر... هاي كدامج سبحت هم كولي ما تسبح
روح... لا تسبح انتَ ليفت بالليفة مالت خالة سلافة؟
ضحك بصوت عالي واردف
الحبتر... شمنوجتي الاحبها اي ليفت بيها عساس شلون ليفة تزلق اتزلق
روح.. احسن هم يالا تفيد وياك اطيح وصخك الاجرب
غمزلي وحجة
الحبتر.. تعاي طيحي وصخي وبأيدج
ضحكت وغميتة ووخر عن الباب وانا دخلت وسديتة سبحت بسرعة ولبست ملابسي وطلعت وانا ارجف من البرد
لكيتة متمدد على الچرباية وايد جوة راسة والايد الثانية كاض بيها تلفونة وما اعرف شنو يباوع بحيث حتة من طلعت ما انتبه عقدت حواجبي واتجاهلت حالتة ورحت مشطت شعري وهوا بعدة على نفس وضعة ضفرت شعري وكمت طفيت الضوة ورحت اتمددت يمة واتقربت شفتة جاي يباوع الصورة موج ومبتسم بحنية خليت ايدي على صدرة وهوا التفت الي بسرعة طفة تلفونة وخلاه على صفحة سحبني الحضنة من غير كلام وحضني بقوة لدرجة حسيت عظامي تتكسر اردفت بألم
روح....مو هيج حبتر
الحبتر...احسن حبيبي حتة تدفين
ابتسمت ونمنة مافزيت الة على حركة هلاك وهوا يبعد عني فزيت من مكاني بخوف واباوع الة ابتسم يطمني واردف
الحبتر... بندقتي ارجعي نامي اصلي صلاة الفجر وارجع يمج
فركت عيوني وسحبت نفس
روح... لا اكعد اصلي وياك
ابتسم واشرلي براسة حتة اكوم دخلت قبلة للحمام غسلت واتوضيت وطلعت وهوا بعدي
فرشنة سجادة الصلاة بصف بعض وصلينة واحنا مرتاحين ومطمئين ان الجاي افضل
بعدها رجعنة اتمددنة وحضني وكملنة نومتنة
كعدت الصبح بسرعة فتحت عيوني وباوعت المكان هلاك فارغ انخمش قلبي واتذكرت من اتقرب مني اول مرة وانسحب
كمت من مكاني بسرعة رحت الباب الحمام دكيت الباب ماكو رد خليت ايدي على اليدة وفتحتة وباوعت ماكو ماموجود
بلعت ريكي ورجلية مايعيني لا لا مايسويها مستحيل يخدعني
خذلني ادموعي ونزلن كعدت على التخم ومتوترة وادموعي على خدي طول هوا ماموجود
سمعت طكت الغفل وفتحة الباب ضليت بمكاني ما اتحركت وبس صافنة بالفراغ وادموعي ينزلن
دخل هلاك للغرفة وبأيدة علاليك اول ماشاف حالتي اتصنم بمكانة عاف العلاليك الي بأيدة واجة يركض الي وبخوفة وبحرصة علية كعد كبالي على اركبة وكض وجهي بأيديه
الحبتر... شبيج لوزاية شصارلج منو وياج روحي
باوعت الة وشهكت وحضنتة
روح.. عبالي عفتني و رحت نفس قبل
بعد وجهي عنة يتنفس بسرعة لم شفتة للداخل بأسف على حالتي ومسح ادموعي
الحبتر...ماعوفج بعد لوزتي وين اكو واحد يعوف روحة
روح... بس عفتني قبل
الحبتر.. عفتج ومتت بوكتها
سكتت وضليت اباوع الة غمض عيونة حتة يطمني وكام من مكانة ومدلي ايدة وهوا مبتسم
كضيتها وكمت وكفت بصفة اخذني من ايدي ورحنة للصالة خلاني اكعد بالكاع وهوا راح جاب العلاليك الجايب بيهن ريوك طلع كاستين شوربة سفري وجبن وكاهي وصمون فتح السفري مالت الشوربة وخلة بيها خاشوكة وقدمهن الي
روح... وكلني انتَ
ابتسم واشر على عيونة شربني شوربة بالخاشوكة وهوا يبتسم ويحجي... بالعافية... عين عيني.. روح الروح... روحي الاحبها.. لوزتي
ماعافني الة لمن كملت الشوربة كلها وكمت غسلت وهوا اتريك ولم الماعين
رحت بدلت لبست لبس رسمي ابيض وشال بني والجنطة والحذاء اختاريتهن بنفس لون الشال
جاي اخلي مكياج واجة حاوطني بأيديه باوعتلة من المراية وابتسمت
روح.. تحبني هلاكي؟
شال طرف الشال عن رقبتي وباسني بيها غمضت عيني من حسيت شواربة دداعب بشرتي همس
الحبتر... بيا روح احبج وانتِ روحي
اتوسعت ابتسامتي من حجة هيج دارني الة واخذ شفتي بين شفايفة على كيف غمضت عيوني ومافتحتهن الة لمن ابتعد وهمس
الحبتر... لوزتي باجر عندي مفاجئة الج
روح.. شنو هيا كول عفية
جر خشمي واردف
الحبتر.. جؤ باجر اشوفج شنو هيا يلا رايح اسبح و ابدل حركتي الماطور حرك
عقدت حواجبي واردفت
روح.. حبتري شنو يعني ماطور؟
ضحك بصوت عالي ورفع راسة ليفوك ضل هيج الفترة طويلة يضحك وانا صافنة عليه الحد ما هدأ بلل شفتة وجهة احمر وحجة وهوا كوة كاض ضحكتة
الحبتر... عين عيني هذا الماطور ما لازم اتعرفينة عيب عليج اتسئلين عليه وهوا يتسوة بي مياو مياو
ضربت رجلي بالكاع وصحت
روح.. اهوو شنو هاي المصطلحات العندك ماطور ومياو مياو وشمنوج شنو هاي احجي شي افهمة
غمز واردف
الحبتر... نستي وحدة بعد
روح... شنو هيا؟
الحبتر... كندوجة
حجاها وسوالي حركة بأيدة بمعنى باي
اخذ ملابسة ودخل يسبح كملت انا وانتظرتة على مايطلع كمل وبدل وطلعنة البيتهم
اول ماوصلنة لكينة بيت عمو باسل عدهم وخنجر وامه وعمتي اتلكونة بالهلاهل وباركونة
اجة خنجر من بعيد يهز كتف ويغني
خنجر.... هلا هلا هلا بالضلع هلا هلا هلا بالضلع هلااا
حضن هلاك وباركلة
خنجر.. الف مبروك تستاهل حبترنة منك المال ومنها العيال
انا جنت واكفة ورة هلاك رفع ايدة خنجر وغماني خزرتة وهوا ضحك واردف
خنجر.. مرررت الحبترر علىى راااسي انتِ وياه
روح.. غصباً عليك يلا وخر عن زوجي اشو وخر
دفعة حبتر وهوا حابس ضحكتة رجع خنجر يريد يحضنة دفعة حبتر من صدرة واردف
الحبتر.. ولك وخرر مرتي ماتقبل
خنجر.. ااايباه هسة صار خنجر كخة يامة بستني وحضنتني و
قاطعتة وصحت
روح.. ااايع
التفت الي هلاك واردف
الحبتر... جذاب ولج
خنجر.. لا مو جذاب وديسم الشاهد
روح... ما اصدكك لا انتَ ولا ديسم
ما احس الة صوت وراي
ديسم.. اها هيج صار الحجي
التفتت واشوف ديسم واكف ومكتف ايديه لميت شفتي للداخل وباوعت الة ببراءة اضيع سالفتي لأن عيب من ديسم انا احترمة واستحي منة عكس خنجر ما الي علاقة بي
سحبت نفسي من يمهم ورحت كعدت بصف ترف اتقربت من يم اذني وهمست
ترف... ها بشري بنية ولد
حجتها وضحكت التفتت الها وخزرتها مديت ايدي وكرصتها بخصرها
روح.. ادبسزز
فركت مكان الكرصة بألم ودارت وجهة عني
نجاة... اي تروفة شنو بيج بنية ولد
ابتسمت ترف وجاوبتها
ترف... والله خالة ما اعرف بعدني مامسوية سونار بس اني حابة بنت لأن ابالي اسميها ميم
نجاة..ان شاءالله خير
عقدت حواجبي وحجيت
روح.. شنو هذا الاسم
ترف.. ماادري نمت كعدت لكيتة ابالي
اجت امواج هسة كاعدة من نومتها مغمضة عيونها وتفركهن من غير كلام راحت اتمددت بحضن حبتر خلة ايدة على شعرها وضل ايمسد عليه وعينة على الحايط الوراي استغربت وصار عندي فضول اعرف على شنو يباوع التفتت للحايط واشوف صورة موج وهيا بحديقة كاعدة ومبتسة جمالها حيل حلو وملفت للنظر ماكدر حبتر يكعد اكثر شال امواج وخلاها على التخم وكام طلع برة وطلع وراه ديسم
طولو وهما برة افتقدهم خنجر وكام طلع وراهم شوية ودخلو يضحكون اطمنت من شفت هلاك مبتسم
مر هذا اليوم وانا افكر شنو المفاجئة الي محضرلياها الحبتر ثاني يوم كعدني من الصبح بعدت البطانية عني وحجيت بتملل
روح.. اهوو هلاك شبيك خليني نايمة
فتحت عين وحدة شفتة لابس بجامة سودة وفانيلة سودة والخاولي على كتافاتة راح فتح الشبابيك وخلة الضوة يدخل للغرفة
الحبتر.. كعدي لوزايتي هم يالا نطلع
روح.. وين؟
الحبتر.. مفاجئة
كفيت عني الغطة وما ادري ملابسي مرفوعة عض على شفتة وانا بسرعة نزلتهن وخزرتة
روح... انجب هلاك لاتسوي هيج حركات مالت ادبسززية
راد يحجي صحت
روح.. اهوو انجبب لا تخجلنيي
سكت وهوا لام شفة للداخل ويحبس ضحكتة كمت من مكاني وحجيت ولا كأن صاير شي
روح.. صباح الخير
مجرد ماحجيتها ضحك بصوت عالي خزرتة وصحت
روح... انجب لا تضحك علية
حجة وهوا يقلد صوتي
الحبتر... انجب لا تضحك علية
ضربت رجلي بالكاع وصحت
روح.... اهووووو حبترررر
سوة نفسي واردف
الحبتر.... اهو حبتررر
روح...راح اغلط
الحبتر... راح اغلط
روح... ترااا ضوجتنييي
الحبتر.... تراا ضوجتنيي اوي
ابتسمت بخبث واردفت
روح... بعد ما اسوي وياج شغلات عيب
ابتسم نفس ابتسامتي وحرك بحواجبة واردف
الحبتر...كل يوم اسوي وياج شغلا عيب
غميتة و عفتة ورحت طلعتلي جاكيت شتوي وبنطرون دخلت سبحت ولبستهن وطلعت لكيت هلاك مبدل ومكمل لفيت شالي ونزلنة كلها بعدهي نايمة كعدنة بالمطبخ وهوا راح سوالي لفة وانطاني اياها واخذتها منة
روح.. وانتَ حبتر حبتوري؟
الحبتر.. عين عيني اشرب بس اكلاص چاي كلش كافي يلا حبيبتي اكليها بسرعة حتة تشربين علاجج
ابتسمت على اهتمامة بية ووهزيت راسي برضا
بديت اكل باللفة وهوا راح صبلة چاي واجة كعد كبالي ضل يشرب ويباوع الي الحد ما كملت كمت غسلت وهوا كام وراي
طلعنة من البيت وصعدنة بالسيارة وانا مااعرف وين ماخذني
التفتت الة واردفت
روح... هلاك وين ماخذني احجي
الحبتر... اصبريلي لوزتي هسة تعرفين
سكتت من شفتة ماينطي جواب سندت راسي على الجامة وضل يمشي بالسيارة الوقت طويل الحد ماطلعنة من البصرة كلها التفتت الة وحجيت بخوف وفزع صحت
روح.. وين ماخذني هلاككك
الحبتر.. هسة تعرفين حبيبتي
ضليت اصيح اريد انزل وهوا مامهتم ضال يسوق خليت ايدي على اليدة واجيت افتح الباب صار اسرع مني و جرني من معصم ايدي ناحيتة وكف السيارة على صفحة وصاح بصوت عالي
الحبتر...لجج روووح اتخبلتيي لوووووو شنوو
فزيت من صوتة ورجعت ليورة من كال اسمي روح مستحيل يلفظ اسمي الة اذا معصب
سكت وهوا يتنفس بسرعة دمعن عيوني وهوا من شافني هيج لانت ملامحة واتقرب الي كض وجهي بأيديه واردف بنبرة مطمنة
الحبتر... لا تخافين مني لوزتي ما اخذج للسرداب وعد انتِ مو تثقين بية؟... هزيت راسي بأي وهوا استرسل كلامة بهدوء... هذا هوا اذا تثقين بية لا تاخفين مني ما اخذج للسرداب وداعت روح اختي ما اسويها
سكتت وهوا باسني بطرف شفتي وابتسم هدأت وهلاك حرك السيارة وكمل طريقة
ضل يمشي بية مسافة كلش طويلة وحجاية وحدة ماحجة غلبني النعاس ونمت فزيت على طسة فتحت عيوني وباوعت حوالي هلاك لازال يسوق وطابك جكارتين بحلكة باوعت ليكدام لافتة مكتوب عليهة النجف
عقدت حواجبي واستغربت ليش جايبني للنجف اجيت احجي بس اتراجعت لأن ما راح يجاوبني سندت نفسي على الكرسي وكتفت ايدية وضليت اباوع للطريق شوية وحجة
الحبتر.. صح النوم لوزتي الاحبها
ابتسمت بس ماجاوبتة مد ايدي وكرص خدي
الحبتر... لا تزعلين وصية رسول الله.. رايحين للمكابر
فتحت عيوني بصدمة والتفتت الة
روح.. ليشش؟
مشة اصبع ابها على خدي واردف
الحبتر... راح انزور شخص كلش اتحبينة
رجفن شفايفي وعيوني اتلان بالدموع اريد اكذب السمعتة بس هلاك كاعد كبالي ويحجي هذا الحجي بللت شفتي وحجيت بصوت متلكأ
روح... م ماخذني ا الامي؟
هز راسة بأي وانا شهكت وما اتحملت نزلن ادموعي
راح ازورها بعد كل هاي السنين راح اشوفها اليوم راح احجي وياها راح اشم ريحة تراب قبرها الي جنت اتمنى اشمة اليوم انا رايحة الامي سنوات مرت من عمري وانا احلم ازورها وما اندل مكانها سنوات وانا متعلعلة بدونها سنوات وانا اتوسل بعمامي حتة ايدلوني قبرها
قلبي قبضني و ادموعي ماقبلن يوكفن الى ان وصلنة للمقابر نزل هلاك ونزلت وياه غفل السيارة ودارلي كض ايدي قوي ومشينة دخلنة للمقابر ومشة بية مسافة حيل طويلة بين القبور
الحبتر.. ماضل شي لوزتي بس هدي نفسج لا يصعد سكرج
ماجاوبتة استمرينة نمشي وانا ازيد شوقي الامي اريد بس اوصل الها اريد اخلي راسي على قبرها واتخيلة حضنها
وكف هلاك ووكفني كبال قبر حيل قديم مكتوب عليه
.... سماهر شاهين
نزلن ادموعي اكثر وشهكت والتفت الحبتر واردفت
روح.. هوا مووو؟
بلع ريكة وهز راسة بأي عاف ايدي وراح وكف على صفحة اتقدمت بخطوات ضايعة نحو قبرها ماعانني رجلية كعدت بالكاع ومشيت ايدي على تراب قبرها واردفت بخنكة
روح... اتمنيتج وياي يايمة بكل خطوة اخطيها اتمنيتج ماتعوفيني
كلامج وخططج المستقبلي كلهن ابالي ابشرج يمة ولا وحدة اجت نفس ماردتي.. صحت بصوت عالي.. ادمررت يمةة ادمرتت من بعدج كبرت وانا مافاهمة من حياتي شي
دمرني سلمان يمة اتخيلي حتة اغتصبني اكو اب يغتصب بتة الي من لحمة ودمة؟ سلمني الاخوانة وخلاهم ينهشون بية وبلحمي لو لو ترف الي حتة مافطنت عليج ولا شمت ريحتج ولا تذكر عليج اصلاً متت انا من يوم الرحتي عني
صرت اموت بالساعة الف موتة و نظرات عمامي الي كلها شماتة بيج
مايصير اموتن واجي يمج؟
يمة راضية علي انتِ لو لا احسج ماراضية علية من كد ما اتعذبت بحياتي بس والله كلة منهم هما وصخوني انا نظيفة دمروني بأيدهم
اتسهترت وضليت اشهك بصمت حسيت روحي جاي تطلع غمضت عيوني ومادريت بعد بشي
فزيت وانا اشتم عطر هلاك قريب مني فتحت عيوني ببطئ وقلبي يأذيني
شفت نفسي راسي بحضن هلاك وكاعدين بالسيارة ورة ويمسد على شعري انتبه الي فتحت عيوني ابتسم واردف
الحبتر... لوزتي الاحبها شنو يأذيج؟
ماجاوبتة بس رفعت نفسي وخليت راسي على صدرة ونزلن ادموعي بسكوت لف ايديه على ظهري وضل يمسح عليه ويمهس
الحبتر.. لو ادري ماجبتج لوزتي صعد سكرج يابعد عيوني
شهكت وحجيت بصوت متقطع
روح.. ر رجعني يمها ا اريدها
خلة ايدة على شفتي وحجة
الحبتر.. اش لوزتي وين نضل تردينة نبات بالمكابر حتة تطلعنة الجنانوة والسعلو ياكلنة
رفعت راسي الة
روح... جا انتَ مو كلت انا كتلتة
الحبتر... يجوز رجع عاش ماتدرين
روح...جا بلا صدك عاش ما يرجع ينتقم منك؟
حجيتها ورجعت راسي على صدرة
باسني بشعري ولمني الحضنة اكثر حنيتة طغت وخلتني احبة اكثر بكل حركة يسويها وياي
الحبتر... روحي زينة انتِ؟
روح.. ما اعرف هلاكي
رجعنة للبصرة ومرت ايام يمكن احلا فترة بحياتي وية هلاك صح مرات يضوجني بشقاه او يكعد يصفن على صورة موج بالصالة ومايقبل احجي وياه الة لمن هوا يحجي
2020/1/1
بيوم عرس لمعان راحت من الصبح للصالون ووياها عمة أمل لأن عمتي ماتكدر تروح الناس محد يمهم وانا بسبب حالتي وية الموسيقى و اي صوت عالي رفض هلاك ان اروح
ماكدرت احضر عرسها بالقاعة بس سلمت عليها وباركتلها من اجت من الصالون
•••••••••••••••••••••••••••••
لمعان
يوم عرسي واحلا يوم جان بعمري لهاي اللحظة اتذكر كل تفصلية منة مهمة جانت صغيرة
بدت ام الصالون تشتغل رحت للبنية نفسها الي جهزتني بالخطوبة طول ماهيا اتخليلي مكياج اني مامفارقتني الابتسامة من غير كلام خالة أمل الحلو وكلساع تكول
أمل.. هيا حلوة وتخلولها مكياج يمة شطلعين
واني ابتسم اكثر وام الصالون ادك وتلطم وتحجي
.. ولج لا تبتسمين ثبتي
كملت مكياجي وبدت بالتسريحة اختاريتها تسريحة نازلة لأن شعري طولة حلو وراح يطلع وية بدلت العرس بيرفكت
كملتني ام الصالون ورحت لبست بدلتي بمساعدة خالة أمل دك تلفونها وهيا راحت جاوبتة
أمل.. هلا بيك خالة... اي كملنة بقت بس العقد اتلبسة
سدتة وباوعتلي واردفت
أمل.. هذا خنجر جايين بالطريق
هزيت راسي وشلت بدلتي وطلعت من غرفة التبديل رحت لبست العقد وخليت البرنص على كتافاتي وكعدت انتظرة واني على نار ومتوترة الدرجة النفس اجرة بصعوبة
شوية واتصل على خالة أمل وكللها وصلنة دخلت عمتي تهلهل وتهوس وعمة أمل اتصفك وياها
طلعت من غرفة المكياج ووكفت بالغرفة معزولة عن الصالون دخل خنجر مبتسم باوعلي بنظرات حب ولهفة وفرح عيونة لمعن وهوا يتمعن بملامحي اتقدم ناحيتي وبأيدة ماسكة من الورد الطبيعي قدمها الي وباسني بجبيني وهمسلي
خنجر.. مبروك عالوجتي
ابتعد وهوا مبتسم خلة البرنص على راسي وغطة شعري كض بأيدي واني بأيدي الثانية شلت طرف البدلة ومشينة ضليت اتعثر لأن البدلة ضخمة وما اكدر اسيطر عليها وما اشوف شي
ما احس الة واني ارتفع عن الكاع وسمعت ضحكة خالة أمل
لمعان.. خنجر عيبب نزلنيي
ماجاوبني واستمر يمشي بية واني خايفة خاف يطيحني حسيت بنفسي استند على شي عرفت صعدت بالسيارة سد الباب و اني رفعت البرنص وضليت اهفي على وجهي عود شتة بس اني محترة مدري من الخجل مدري صدك حارة
دار خنجر وصعد سد الباب واردف
خنجر... عالوجتي شدعوة انتِ هلكد حلوة
ابتسمت بس ماجاوبتة مد ايدة للمسجل وشغل اغنية
.. عرس المرجلة
ويحجي ويأشر على نفسة ضحكت وحجيت
لمعان.. اول مرة اشوف واحد يغني هاي الاغنية على نفسة يمعود غير لازم هما يشغلونها الك
مد ايدة ونصاها
خنجر.. شسوي منو يشغلها الي الحبتر وديسم كو**** مايقبلون يجون
لمعان... اول شي لا تغلط على اخواني ثاني شي وين يصير يجون العرس اختهم وثالث شي ماعندك اصدقاء غير اخواني؟
خنجر... و رابع شي اليوم اطلع عنادج ونكدج وتنمرج على وجهي وحاجبي وتسريحتي من عيونج بسيطة عالوجتي
رفعت حاجبي وابتسمت
لمعان... شترديني اخاف واني اخت الحبتر وديسم؟
اتقرب مني وهمس
خنجر... يعني ماتخافين من وحش التاوة وبعد شوي بس احنا وحدنة اريد اشوف منو يجي هلاك لو ديسم؟
ضحك بخفة وسكتت عنة وهوا كمل طريقة للاستوديو صورنة ورحنة للبيت لأن اخواني ماقبلو اروح من الصالون للقاعة الة اطلع من بيتنة وبأيديهم يسلموني الخنجر وصلنة للبيت ودخلت لكيت محد عدنة بس نسوان قليلة
اتلكتني روح حضنتني وباركتلي
روح.. الف مبروك ياروحي تستاهلين كل الخير
لمعان... الله يبارك بيج حبيبتي
ابتعدت عني وساعدتني حتة اكعد على التخم على ماتجي الزفة
انتبهت الامواج كاعدة على التخم ومكتفة ايديها بزعل وعيونها مدمعة وتباوع الي لابسة تنورة لونها بنفسجي وتشيرت داخلي ابيض وفوكاه قمصلة جلد سودة ولابسة جوة التنورة ستريج ابيض وبوت اسود تنسيق روح الملابسهة يجنن فتحت الها ايدية واشرلتلها تجي كامت من مكانها بسرعة وركضت الي صعدت على التخم وحضنتني قوي وحجت بدموع
امواج... لمعان اني احبج ضلي عدنة لا تغوحين وية خنجغ خلي يولي بعد ما احبة ولا اضوجج حبابة بس ابقي
دمعن عيوني وعضيت على شفتي امنع روحي ان ادموعي ينزلن
صارت هوسة برة وسمعنة اجو شوي ودخل خنجر و قرايبة بس نسوان كبار نازلات اعتقد البقية بالكوسترات هوسن وباركلي اجت روح اتقربت مني وهمست
روح... البسي البرنص راح يدخل هلاك وديسم
بلعت ريكي وباوعت الهة بحزن وهزيت راسي جابت البرنص ولبستة
غطيت نفسي ودخلو اخواني ابتسمت الهم وهما الحزن طاغي عليهم كمت من مكاني واتقدمت يمهم حضنتهم وطبطبو على ظهري
الحبتر... مبروك لمعة
ديسم...مأمن عليج عد خنجر ما راح يضل بالي
ابتعدت عنهم وكض هلاك بأيدي وديسم بأيدي الثانية اتقدمو يم خنجر وخلو ايدية بأيديه
الحبتر... مايحتاج اوصي عليها تعرفها وحيدتنة ومعزتهة غالية علينة
اشر خنجر على عيونة ورجع كض ايدي طلعنة من البيت ورحنة للقاعة ماراحت وياي بس امي وامواج وخالة أمل
سوينة باقي الفقرات ومن وصلنة الرقصة لسلو مسك خصري بأيديهة قوي واني خليت كفوف ايدية على كتافاتة وباوعت بعيونة وشغلو اغنية من اختيار خنجر لشيرين
... على بالي
بدت الاغنية وبدينة نتمايل وياها عيون خنجر ونظراتة الي شرحت حبة وشعورة تجاهي لا ارادي لفيت ايدية على رقبتة وهمست
لمعان...احبك جوجي
فتح عيوني بدهشة وابتسم
حسيت بنفسي ارتفع عن الارض شالني وافتر بية من وصلت الاغنية المقطع... كل يوم الشوق بيكبر عليا بان
نزلني للكاع واشتغلت الاضوية
احس حيوانات الكرة الارضية كلها ترافس ببطني من الفرح
طلع خنجر برة يم اصدقائة وشوية وصبو عشة تقريباً خلص العرس واغلب الموجودين اجو سلمو وطلعو
مر الوقت بسرعة وانزفينة دخلنة للغرفة سوة راح خنجر سد الباب وغفلة واني احس كلبي مو بجسمي نزعت البرنص وخليتة على صفحة واني اختض مثل السعفة التفت الي خنجر وعلى ثغرة ابتسامة مو راحة
خنجر... شبيج عالوجتي؟
حصرتني البجية واردفت
لمعان.. رجعني لخواني
ضحك بصوت عالي ورجع خزرني وهوا كوة حابس ضحكتة اتقدم علية وهوا يفتح بدكم قميصة رجعت ليورة وحجيت بخوف
لمعان.. دكول يالله يمعود شبيك مستعجل
خنجر... شبيج خايفة يولي بسرعة انخلص برمشة عين
لمعان... زين بس خلي انصلي
هز راسة بلا
خنجر.. يا صلاة هاي الساعة بالعشرة بالليل حتة الملائكة عزلت
لمعان.. لا شسمة باوع خلي انصلي ركعتين حتة الله يوفقنة بحياتنة
خنجر.. شنو هاي صلاة اللواكة
ابتسمت وهوا ضحك رجعت حجيت واحوال اقنعة
لمعان.. زين بس خلي نتعشة
خنجر..انه ما اريد اتعشة وانتِ وصلتني الاخبار شامرة الماسكة ومتربعة ومتعشية وية النسوان
شهكت واشرت على نفسي بصدمة
لمعان.. انييييييي
جاوبني وهوا يقلد صوتي
خنجر.. ووجعااني.... غمزلي وعض على شفتة.... تعاي اعشيج عشة فريد من نوعة
لمعان.. اسكت خنجررر شووكت اني اتعشيت حتة ما اتغديت عود بس اتريكت من الصبح والله جوعانة خلي نتعشة ورجعني لخواني
خنجر.. والاربعين مليون؟
لمعان.. شبيك هنا اربعين مليون نمونة
خنجر.. ايي اي نمونة مو هنا مليون لو مليونين بس فهميني ششتريتي بيهن ولج اربعين مليون حتة بيت يبنن
لمعان.. منو كلك تخطبني
فرك وجهة بنفاذ صبر ومدري شنو همس من بين اسنانة رجع باوعلي وهوا مبتسم بخبث بحركة سريعة منة وغافلني ما احس الة و اني بين ايديه
•••••••••••••••••••••••••••••••
روح
طلعت لمعان من البيت والحزن خيم على ارجائة
البيت فارغ وبس انا بيه
هلاك وديسم طلعو صعدت فوك حتة ابدل و انزل انظف البيت
دخلت للغرفة وانا اسب نفسي
روح.. شوازاج لبستي فستان مشلتح وبالبرد لابستلج شي مستور مو احسلج طيح الله حظج عود رقيقة وهيا جانت تلبس جواريب من عمو باسل
سديت الباب ونزعت الحذاء وباوعت النفسي بالمراية ما اريد انزع الفستان لأن حيل عاجبني لونة احمر ناري اول مرة البس هيج لون قصير فوك الرقبة وبي فتحة وضيق على جسم بارز خصري اكثر وبالنسبة للردانات فاردان كاملة و اردان لا
نزعت التراجي والعقد وانفتح الباب التفتت الناحيتة شفت هلاك دخل وسد الباب اجة نظرة علية باوعلي من فوك ليجوة واتوسعن عيونة دار غفل الباب واتقدم يمي وكف كبالي وابتسم مد ايدة ناحيتي وخلة خصلات من شعري ورة اذني بادلتة الابتسامة
اردف وهوا عينة على خصري
الحبتر... همزين مارحتي وياهم
روح... ليش
مد ايدة الخصري سحبني الة طخيت بصدرة واردف
الحبتر... تعاي افهمج ليش
فهمت شنو يقصد خليت ايدية على صدرة ودفعتة بس ما اتحرك
روح... لا هلاك وخر اريد انظف البيت
مشة اصبعة على رقبتي بهدوء بلعت ريكي وهمست
روح... هلاك
باسني برقبتي على كيف واردف
الحبتر...الحبتر يتبعثر بدونج مايترتب الة بحضن لوزتة
حجاها واخذ شفايفي بحب غمضت عيوني واندمجت وياه مشة بية للچرباية اتقرب مني بهدوء ومن ابتعد همس بأذني شعر دائماً يقراه ويدزة الي
الحبتر...
وكلما حدثتها ازدادت جمالاً
الى ان نطق الجمال تفننا
محتالة انتِ لا أمان لك
من قال انك من جنسنا ؟
من قال انك مثلنا ؟ ملكٌ سقطتي ها هنا
مرسولة انتي لتفتني يا للجمال فتنتنا
من نظرةٍ كل العيون تحدثت
يااا للكمال اصبتنا ياللغرابة ؟
لاتغربي لو كنتي مكاننا لعذرتنا
مجنونة انتِ لترحلي ؟
ابقي مكانك عندنا
اسطورة العصر الجديد لانكِ
اجمل من رأينا تمعناا
إن ضاق صدرك في الحياة فإنني
اهديت صدري لروحك موطنا
بعد ايام من زواج لمعان قررنة نسوي عزيمة لكن بيناتنة مابيها غير بيت عمو باسل و اهل خنجر كعدنة من الصبح انا وهلاك قبل لا احد يكعد
كعد هلاك بالكاع وانا خليت الطاسة كبالة
روح.. هلاك غاسل ايديك لو وصخات؟
الحبتر... وداعتج انظاف بعدين انه راح اخبط بالخاشوكة مو بأيدي
ضحكت وضليت انطيه المواد وهوا يغنيلي
الحبتر.....
تكلي انتَ امير الحب
وانتَ حبيب الكلب
تسميني ابو الاحساس
وهيا اساس الحب
رقتها شي ما صار
خلتني بيها احتار
لو ردت اوصفها
حتة الوصف يتعب
طيبة وحنان وشوق
فد شي نزل من فوك
هيا الهوة الدنيا
بلياها اضل مخنوك
كل يوم احبها اكثر
بلياها ما اكدر
وهيا روحي اتروح
ابالي كل ما تمر
راسمها انه بالعين
مغطيها بالرمشين
مسميها.. روح الروح..
كل هذا ومقصر
ابتسم واردف... اخخ يا سمارج
ابتسمت بخجل ورحت كعدت يمة انا وياه راح انسوي دولمة لزك الة يخلي فلفل حار وانا ما اقبل اخر شي صحت
روح.. اهووو هلاك والعباس لحيت المن مخلي فلفل حاار
الحبتر.. حتة يحتركون
روح... ترا احنا هم راح ناكل منها
الحبتر.. عادي احنا محروكين من اصلنة
غميتة ودخلت امواج فتحت ايديها اتمددت بالكاع صافنة بالسكف
الحبتر... جا بابا انتِ وين ماا اجيتي سويتي انبطاح
ماجاوبتة بس صافنة حاولنة نحجي وياها بس ماكو اخر شي كعدت وصفنت بوجهنة وانفجرت بالضحك بهت وجهنة ومانعرف شبيها من هدأت يلا حجت
امواج.. حلمت خنجغ جسمة مالت دجاجة و وجهة مالت بسغ ويغكض وغة غوح وغوح اتغيد تغكض بس عدها عسغ غجلين ماتكدغ تغكض منهن
فتحت حلكي على حلمها وهيا كل ما اتباوع الي تضحك شافتنة شنو نسوي وحجت
امواج .... ستسون؟
الحبتر... دولمة
حجاها وخلة فلفل اسود
امواج.. بابا خلي فلفل هواي حتة يصعد عدهم الظغط
الحبتر... باباتي امواج انتِ كلشي عندج بالمكلوبي
حجاها واندك الجرس عقد حواجبة وباوع للساعة
الحبتر.. والله اذا سواها خنجر واجة بالسبعة الصبح اطيح حضة
حجاها وكام غسل والجرس حركوه حرك راد يطلع وانا جانت بيدي خاشوكة من غير لا انتبه اردفت
روح... بس اوكف خلي اخلي الخاشوكة على راسي
ما انتبه الي شنو حجيت وطلع برة وانا رحت ذبيت شال على راسي وطلعت وراهم شفتة متخصر ويباوع الخنجر هوا ولمعان
الحبتر.. شعندك جايني هيج وكت ولك توها بالسبعة الصبح
فتح ايديه واجة يحضنة رجع هلاك ليورة ورفع ايديه يمنعة يجي
الحبتر... وخر عني مرتي واكفة
حجاها وخنجر التفت الي وصاح
خنجر... ولجج مررت الحبتررررر صبباح الخيرررر
روح... لا هلا ولا مرحبا بهالصباح الي ويااك
خنجر... مرتت الحبترررر علىىى راااسي
لمعان... شبيك اتصيح كعدت الجوارين
خنجر... اختتت الحبتر على رااسي
الحبتر.. فلش الله راسك
خنجر... ولك الحبترررر علىىىى
ماخلاه يكملها همسلة مدري شنو وخنجر بهت وجهة بفشلة ورمش بصدمة
عاف هلاك وراح اللمعان جر ايديها ودخلو قبلنة دخلنة وراهم راح خنجر شغل الاضوية واتمدد على التخم يتصرف عبالك بيتة
اشرلي هلاك انروح انكمل رحنة للمطبخ واجت ويانة لمعان تريد تلف كض هلاك السجين ورفعها بوجهة
الحبتر.. شوفي لميعة ايديج توة كضاهن خنجر تروحين اتغسلينهن عشر مرات بصابون واتعقميهن يلا تجين
ضحكت وحجت
لمعان... شسالفة ترا نظيف
الحبتر..كولي زيزي
ضحكنة وكامت غسلت ايديها وعقمتهن يلا قبل تلف ويانة شوية ودخل ديسم عاقج وجهة اشر على الاستقبال وحجة
ديسم... هذا الطنطل شعندة جاينة من الصبح يعني حتة من زوجناه لمعان ما خلصنة منة
كامت لمعان حضنتة وسلمت عليه باسها براسهة وباوع الي
ديسم... صباح الخير لوزتنة
ابتسمت وجاوبتة
روح... صباح النور
ديسم..بيت عمتج كلهم يجون؟
بهت وجهي وعرفت عليمن يسئل هزيت راسي بلا واردفت
روح... لا مو كلهم
اتنهد وطلع برة قبل ثلاث ايام فاجئنة ديسم من كال اريد اتزوج وخلة الاختيار على عمتي لأن يعرف بيها عاجبتهة مَلك وهوا هم عندة اعجاب بيها
رحنة انا وعمتي نخطبها لكن للاسف ماقبلت ورفضت رفض قاطع وجملتهة الوحيدة
.... شحصلت من خالد حتة احصلة من ديسم كافي العذاب الي اتعذبتة قبل اريد هسه اعيش حياتي
عمو باسل ماقبل انلح عليهة واتعذر منهم وسدينة الموضوع بس الواضح ان ديسم يحبهة لكن اتفهم الامر مرات اصفن عليه هادئ ومتفهم بشكل وفاهم ما اشوف اكو شخص مناسب المَلك اكثر منة
لفينة الدولمة وخليتها على الطباخ بس ماشعلت النار عليها قبل الغدة يلا اطبخهة
كعدت عمتي وبدت تطبخ ساعدتها بلي اكدر عليه واعرفة
نجاة... روحي يمة كعدي يم هلاك لا اتعبين هنا لمعان تساعدني
لمعان... اي روح روحي ارتاحي
هزيت راسي ورحت لأن تعبت اي مجهود اسويه مهمة كان صغير اتعب
رحت للاستقبال واول مادخلت لكيت هلاك كاعد وية ديسم وخنجر وامواج اتعديتهم ورحت كعدت يمة شوية وعمتي صاحت على هلاك كام من مكانة وراح وديسم اجاه اتصال وطلع يرد عليه
ضلينة بس احنة تلاثتنة حسيت بملل باوعت الخنجر وحجيت
روح... تعرف تحجي قصص يخوفن؟
باوعلي وابتسم بخبث
خنجر... اي اعرف
روح... كون كلش هواي يخوفن
خنجر... اي تعاي اسولفلج
نزل من التخم وكعد بالكاع وقرب الهيتر وعلاه اخذت مخدة ورحت كعدت بالكاع كبالة وخليت المخدة بحضني وسندت اكواعي عليهة وامواج بصفي
روح.. تدري الحبتر كتل السعلو
هزت ايدها امواج واردفت
امواج.. وانتِ اتصدكين بابا تغة هاي خغافات
روح.. انجبي مو خرافات لا حقيقة
امواج... غوح تغة بابا يكذب عليج
باوعتلهة بطرف عيني وهيا غمتني
خنجر.. كاففي سكتننن ركية وسكينة خلي احجي.... سكتنة وهوا حجة بهمس... اكو وحدة اسمها ام السعف والليف هاي مرة جسمها طبيعي بس شنو ايديها من السعف مالت النخل وماتطلع بس فوك الـ 12 بالليل
شعرها كوشة نفش وبي كمل وجهة اكبر وجهي بس تحجي وتكرك ومحد يفهم شنو تحجي وهاي توكف فوك النخل حتة لحد يشوفها وبس يتعدة واحد تطفر عليه وتاكلة وتبيع اعضائة
روح... المن تبيعهن؟
خنجر... دعيدع
بلعت ريكي وحجيت
روح.. منو هذا
خنجر... هذا واحد رجليه طويلة وجسمة جسم قرد وعندة انياب طويلة ومايطلع بس بالمكابر وطريقتة ايطلع اصوات غريبة حتة يجذب الناس الة ومن يوصلون الة يهجم عليهم ويكتلهم
شافني مندمجة واسمعلة ابتسم واسترسل بكلامة
خنجر.. احجيلج شي وماتكولين الاحد؟
بلعت ريكي وعيوني دمعن
روح... حتة الهلاك ما احجي؟
خنجر... اي لأن مايقبل
هزيت راسي بأي
روح... هذا هوا ما احجي بس سولف
خنجر.. هذا الحجي الحبتر سولفة الي ومايقبل تدرين تذكرين من جنتو بالسرداب؟..... هزيتلة راسي وهوا استرسل بكلامة... خو جنتو كاعدين جوة البستان فمرة من المرات جنتي نايمة وهلاك مخلي ايدة على خدة وكاعد سمع طكطكة فوك كوم ياحبتر و افتح الباب واطلع جانت الساعة بالوحدة بالليل فالمهم طلع هلاك وشغل ضوة تلفونة رجع سمع صوت باوع للكاع وشاف قطرات دم كوم ياحبتر وضل يتبعهن ونسة الباب مالت السرداب مفتوح وانتِ وحدج جوة
ابتعد هلاك عن السرداب وضل يتبع الدم الحد ماوصل الجثة
اردفت بصوت متلكأ
روح.. ك كافي لا تكمل عفية اسكت
امواج... لا لا خنجغ كمل
خنجر.. اي راح اكمل فالمهم انصدم حبتر من شافها وماعرفها المن لأن الجثة كلها دم بسرعة طخت عندة وركض للسرداب ومن نزل على الدرج اكو اثار رجلين كلهن دم باوع للغرفة الي انتِ بيها الباب مكسور وعليه اثار مالات ايدين بدم دخل الج وشاف يمج
فزيت من انفتح الباب بهت وجهي بخوف والنفس صرت كوة اجرة ضحك خنجر بصوت عالي وحبتر دخل باوعلي وشاف لوني مخطوف عقد حواجبة وباوع الخنجر
الحبتر... شمسويلهة ولك؟
امواج.. بابا خنجغ سولف الغوح السغيغة سالفة تخوف
رجفن شفايفي وعيوني انلمن بالدموع يمكن البعض يشوفني ابالغ لكن مو بأيدي من ابسط شي اخاف
كمت من يم خنجر واجة هلاك بأتجاهي حاوط كتفي بأيدة وانا اردفت بعتب
روح... ليش طلعت وخليتني يمة طلعوه من البيت خلي يولي
ضحك خنجر مرة ثانية رفع راسة هلاك وخزرة
الحبتر... شمنوج ما الك امان
حجاها واخذني برة الاستقبال صعدنة الغرفتنة دخل وسد الباب اخذني للجرباية كعدني عليها وراح فتح الكنتور وطلع جهاز قياس السكر واجة كعد كبالي
الحبتر.. انطيني ايدج حبيبتي الاحبها
رفعت ايدي الة واردفت
روح.. لا تأذيني
ابتسملي وهز راسة غمضت عيوني بألم من حسيت وخزة بأصبعي
الحبتر... لا تعصرين اصبعج لوزتي
فتحت عيوني من ابتعد وعاف صبعي قاس سكري وهز راسة بأسف
الحبتر.. لوزتي صاعد سكرج صدك جذب شماكلة اليوم
سكتت وهوا اخذ ايدي وباسها بحنية
الحبتر.. من صحتي على صحتج حبيبتي لوزايتي
روح.. احبك من تكول لوزايتي
ضحكت بخف وكرص خدي
الحبتر... شنو سولفلج خنجر
حجاها واشر على رجلة فهمتة وخليت راسي على رجلة ضل يمسح على راسي وانا حجيتلة السالفة
الحبتر... صدك جذب لوزتي اتصدكين بخنجر اكبر جذاب هذا
روح.. خلي يولي بعد ما اصدكة
الحبتر... عفية خيط جرحي
رفعت راسي الة وابتسمت كمت كعدت كبالة واردفت
روح... لعبني لعبات مثل هاي مالت سي سي واذا انتَ خسرت اسئلك سؤال وتجاوب عليه
ضحكت وحجة
الحبتر... العبج لعبة مالت كبار؟
خزرتة وهزيت راسي بلا ضحك وخلة كف من ايدة كبالي سويت نفسة وهوا بدة يعد ويغني
الحبتر... عجنجلي بجنجلي صعدت فوق الجبلي
رأيت قبة قبتين صحت ياعمي ياحسين هذا مقام السلطان شيل رجلك يا حمدان
طاح الاختيار على اصبعي ضحكت ورفعت راسي الة واردفت
روح... حباب ما اريد اضم اصبعي ضم صبعك انتَ ما اريد اخسر
ضحك وهز راسة بأي ضل كل ما يطيح الاختيار على صبعي هوا يخسر الروحة الحد ما خسر
ضحكت بصوت عالي واردفت بشماتة
روح...هااا ها الخسررران يلا جاوووبني على سؤاالي يلا
الحبتر...سئلي لوزاية
سئلتة سؤال جان بنفسي دائماً وعندي فضول اعرفهن شنو
روح...شنو يعني شمنوج وكندوج ومياو ومياو وماطور؟
ضحك بدون صوت وضلت بس اكتافاتة تهتز لفترة كلش طويلة
روح....اهوو حبتر حبتوووري جاوبني عليك الله ترا منو الاشوفة اكلة ها شمنوج
هدأ واردف
الحبتر...اجاوبج بس على اثنين
هزيت راسي بأي وهوا اردف
الحبتر....شمنوج يعني من**** وكندوج يعني كح**
فتحت عيوني بصدمة وما رمشت ضليت مصدومة وانا اتذكر جفاصاتي رفعت نظري الة وصحت
روح...وووولك الاجرب صخاااام هذاك الاسبوع اجة ديسممم من الشغلللل وكتلة الله يساعدك شمنوج ومرة اتصلت بعلي وكتلة انطيني ترف الكندوجة
مجرد ما حجيتها هلاك فقد بالضحك اتمدد على الچرباية ويضحك ويمسح بدموعة ضحكت وياه واتمددت على ايدة جرني الة اكثر وصاح
الحبتر.... ووووولججج وردتييي السمرررررة ابووس امج لأن جابتج الي
ضحكت وهوا اردف
الحبتر.... ننزل لو تردينة نبقة هنا؟
روح... لا خلي نبقة
سكت وضل حاضني الصدرة رفعت راسي الة واردفت
روح... تحبني حبتري؟
ضحك بخفة لأن كل يوم اسئلة هذا السؤال لف ايدة على بطني واردف
الحبتر...من كد ما احبج حاير شرد اوصفج اذا الحروف كلهن عجزت عنج
روح.. عززا هلاكي صاير تحجي كلام حلو
ضحك وماجاوبني
روح... الكتكوت ضل جوة خو مايذبحة خنجر ويطبخة وياكلة
الحبتر.. لا حبيبي شحدة يسويها
روح... اي شحدة.. زين شسمة غنيلي
الحبتر... شغنيلج ولج ومنيلة صوتي حلاة
روح.. ميخالف انا احب صوتك حتة لو اجرب
الحبتر.. افا انه صوتي اجرب؟
روح.. ياا شبيك جاا مو توة انتَ كلتت صوتي منيلة حلاة
الحبتر.. اييي اختبرج حتة اشوف تتنمرين على صوتي لوو لا
روح.. اهو هلاك ترا ضوجتني
ضل يداهرني وما مل الحد ماشافني ضجت من صدك رجعني الحضنة واردف
الحبتر... وداعت امي ونظر عيني وانتَ ممحلفني هسة شماحصل بينك وبيني حبي الك ضل هوا نفسة
اندك الباب وحجت لمعان من وراه
لمعان.... لوزة اجو بيت عمتج
حجتها و اختفة صوتها كمت من حضنة وهوا هم كاف عدلت شالي ونزلنة جوة سلمت عليهم واتفاجئت من شفت مَلك جاية اتوقعتها ماتجي
باوعت الترف ضايجة وكالبة خلقتها عقدت حواجبي ورحت كعدت يمها
روح... شبيج ترتر منو مضوجج
حجت بصوت عالي ومتناسية الموجودين
ترف.. هذا نسيبج رجلي المصون الشفية مالتي مشتريلة ببغاء منو يتعدة من يمة يكلة ها سا** مو ببغاء عبالك متربي بديسكو ماكو غلطة مايحجيهة
بهت وجهة وباوعت الهم من صار هدوء وعلي هز راسة بأسف ضحك خنجر واردف
خنجر.. علاوية منين مشتريه؟
حك شعرة وجاوبة
علي... من صديقي بس خوش تربية مربيه هاي كدام اهلي اول ماتكعدون شنو يحجي؟
باسل... يا ﷲ لو يا ابوو فاضل
علي... ها اها شوفو بعد ليش ضالمينة
ديسم.. علاوية هذا ببغائك مبين خوش واحد وشيخ
الحبتر.. اي شيخ الك****
خزرة عمو واشر علينة عود مايصير يغلط يمنة
باوعت امواج لبطن ترف وحجت
امواج.. اكلج تغف انتِ حامل؟و بيج فغيخ بسغ لو فغيخ دجاج؟
خنجر.. فريخ مالت جلاب
جان ديسم كاعد يمة طكاه بعكسة ومدري شنو همسلة وسكتة
ترف.. بية بشر
امواج... بنية لو ولد؟
ترف.. ما ادري
الحبتر.. اتبيعونة النة؟
علي.. ليش اسم الله ليش انبيعة
ترف.. قابلة ابيعة بس على ما اكمل سادس
امواج.. شنو تسمينة؟
ترف... اذا بنية ميم وحتة لو ولد هم اسمي ميم
علي.. يبوو يا طلابة الميم ما اسمي ميم غيري كون اسم بي معنى
ترف.. مو عاجبك الاسم طلكني
علي.. لا هذا هوا انسمي ميم والف وباء ونفتح منهج جديد
خنجر... شنو الغدة؟
الحبتر.. روح البيتك اتغدة شنو احنا مخلفينك وناسين
خنجر... ترا انتم عزمتونة
روح.. عزمنة لمعان ماعزمناك
لمعان.. اذا زوجي مايجي اني ما اجي
خنجر.. بعدد روحي اخت الحبترر على راسي
اجة ابو خنجر وامة التهة وية عمو باسل
وامة راحت يم عمة أمل وعمتي بالمطبخ
اخذت ترف بطل ماي رادت اتفتحة واردف علي
علي.. جيبي افتحة الج
ترف.. شنو عبالك ما اكدر افتح بطل
فتحتة وحركتلة بحواجبها ورفعت ايدها تشوفنة تشوفنة عضلاتهة
خنجر.. من تشرب تايكر ابو الربع
ديسم... ويطلع اكسباير
علي.. هسه اكبسر روسكم
ضاجت ترف من حجو هيج باوعت الهم صفح وسكتت
روح... سويت دولمة وخنجر ما اخلي ياكل منها
خنجر.. ميت على دولمتج
علي.. دولمة روح تاكل منها وتروح
خزرتة واردفت
روح... هاي عود انتَ صاحبي
الحبتر... لوزة شنو هذا الحجي
روح..شبيك هوا صاحبي مثل اخوي
الحبتر.. عفية بنيتي
خنجر.. اعذرها بعدهي زغيرة اترفس بالحجي
روح...مو هسة ارفس وجهك وزوجي بظهري
مَلك... على طاري الصغر اني من جنت صغيرة عبالي الواحد اول مايصير عندة ايد ورجل وحدة ومن يكبر يطلعن الثانيات
ضحكنة واردف خنجر
خنجر... انه جنت عبالي امي بايكتني وكل ما تكتلني اكعد بالشارع واضل اصبح ويننج يمهه تعاي اخذيني هاي المرة باكتني منج
علي.. جنت عبالي ابوي اخو امي
ضحكت بقوة وخنجر انسد على كتف ديسم يضحك
دفعة ديسم واردف
ديسم... هاي زينة انه جنت اسوي تحدي وية روحي افتح عيوني وانه جاي اغسل شعري
ترف... اني جنت عبالي المرة متزوجة بكيفها اذا رادت تصير حامل لو لا
علي... اخخ شكد جنت شابعج كتل من جنتي صغيرة
حجيت بخبث
روح.. لا تكذب جنت تموت عليها و اول ما اجينة وين ماتروح تغافلني وتاخذها وياك ومررررررة من المرررات بمحرررم تدريي شصاار؟
ردت اكمل قاطعني علي
علي... كافي انشهرنة
خنجر... بداعت زراكج كمليي
باوعتلة صفح وكال علي
علي.... هوا انا انشهرت انشهرت خلي احجي احسلي... من جنت ازغير جنت اريد اصير ممثل ومرة من المرات جان محرم وسوو بمنطقتنة تشابيه عاد رحت انا واريد امثل انطوني دور الشمر ولبسوني ملابس حمر وشعر طويل واجو اهل المنطقة كلهم بنص التشابية وانا ما احس الة نعال طاح على راسي ضليت اتلفت وبعدني مامستوعب وضلت النعولة تتراكع على راسي الحد ما انتبهت الشحاطة امي بالكاع رفعت راسي وما اشوف الة ترف لامة نعولة والقنادر كلهه واتشمرهن علية وتصيح
........ ياا شمررر يا ماتستحيي كون تموت امداك انعل اهلك
جانن هذن اقوة شي عدها ومن يومها كرهت التمثيل
سكتت واحنا متنة من الضحك وترف وجهة احمر وخجلانة
باوعت الحبتر واردفت
روح... وانتَ هلاك شنو سويت وانتَ صغير؟
الحبتر... ماكو شي مهم اصلاً قبل لا اصير انه فاهم كلشي
ديسم... جذاب جان يصيد ابو بريص ويكتلهن ويسويلهن فاتحة ويدفنهن
بهتت بوجه هلاك وهمست
روح... اياا مجرم بس لا تكتل كتكوتي
الحبتر... لا بعد تبت
خنجر... روح اتحداج اتكولين.. خمـيس خمش خشم حبش و حبش خمش خشم خمـيس... عشر مرات
فتحت حلكي واردفت
روح... مافهمت بس خميس
خنجر.. زين هاج هاي الثانية.. مالكم تكئكئتم كتكئكئكم البارحة
روح... اهووو خنجر اسكت ضوجتني ترا انطيني شي سهل
امواج.. خنجغ عوف غوح السغيغة حبيبتي لا تضوجها
ابتسمت بفرح من حجت هيج كامت و اجت يمي حضنتني وانا الابتسامة شاكة حلكي
رفعت نظري الحبتر اشوف ردة فعلة لكن كالعادة مو ويانة منتبه عينة على صورة موج ومبين الانزعاج على عيونة كام من مكانة وبسرعة ديسم لحكة مايخلي وحدة صار عندي فضول اسمعهم شنو يحجون كمت بسرعة ولحكتهم برة وكفت شفت هلاك واكف وديسم واكف يمة ومخلي ايديه ورة ظهرة
الحبتر... قرب عيد ميلادها
ديسم... الله يرحمهة
الحبتر... مااكدر ديسم مااكدر اتقبل موت امواج بعدني الحد هسة انام وانه على امل اكعد الصبح واشوفهة امواج وردة وانكطعت من عدنة ربيتهة على ايدي ابد ماتوقعت هيج موتتها الي مدمرني اكثر الفيديو ماجاي يروح من بالي صوتها الهسة بأذني تعبان وداعت روحة اضحك كدامكم عكس الي بداخلي
نزلن ادموعي وانا اسمع كلامة والتعب الي شايلة انسحبت من يمهم وعفتة يفضفض الاخوه براحتة رجعت دخلت وهما شوية واجو اترخصت مَلك و كامت من مكانها وطلعت غافلنة ديسم وطلع وراها طولت يلا رجعت عيونها مدمعة وحمر استغربت حالتهة وحاولت اعرف منها لكن ماقبلت تحجي شبيها
••••••••••••••••••••••••
مَلك
استرخصت وطلعت من يمهم ردت اروح للحمام طلعت برة وسمعت صوت وراي يناديني بأسمي غمضت عيوني بنفاذ صبر من عرفتة هوا التفتت الة وهوا اتقدم ناحيتي
ديسم.. انطيني سبب مقنع حتة اترفضيني
رفعت نظري الة وخليت عيني بعينة
مَلك... شنو شفت وشحصلت من الفات حتة احصل منك؟
ديسم.. مو كل اصابعج سوة
مَلك.. عالاقل اصابعي ثابتة بأيدي وياي طول العمر اكدر اتحكم بيهن مو نفس البني ادم ماينحزر اريد اعيش حياتي من جديد وحدي اني وبس ما اريد احد يشاركني
ديسم... اخر كلام عندج؟
دمعن عيوني واردفت
مَلك... اخر كلام
حجيتها ورجعت دخلت بسرعة
••••••••••••••••••••
روح
صبينة غدة وكلها كعدت الة انا وحبتر باوع للسفرة وعافها وكام ضليت واكفة انتظرة يرجع
ومن اجة شايل جدر التمن وخاشوكتين بأيدة
نجاة... شتسوي بجدر التمن
الحبتر.. ناكل بي انه ولوزتي وبنيتي
ابتسمت من اشرلي براسة اجي رحنة على صفحة بعيدة عنهم شوية كعد واحنا كعدنة كبالة وخلة الجدر كبالنة باوعت للجدر شفت بي تمن وصاب فوكة مركة
امواج... سنو بابا حبيبي ليس هيج صاب الاكل قابل احنة كتاتيك
الحبتر... اي كتكوتاتي انتن
باوعت امواج للاكل وماقبلت تاكل كامت وراحت كعدت يم لمعان صاح هلاك
الحبتر... ليش بابا تعاي اكلي ويانة
امواج.... لا بابا مدغي سلون مخلي التمن والمغك عبالك مالت كتاتيك
الحبتر.... جيبي صحنج وكاستج وتعاي اوكلج وية لوزة
امواج.... لا بابا اغيد اكعد يم لمعان مستاقة الها خنجغ ماخذها الة
الحبتر... بابا كولي هيج من البداية
ماقبلت تجي بسببة شلون هلاك صاب الاكل هيج عافها براحتهة ودارلي وجهة خزرني
الحبتر... وانتِ هم تردين ترحين ماتقبلين تاكلين وياي؟
هزيت راسي بلا
روح.... لا ما اريد اروح اريد اكل وياك بس خاف يصعد سكري من التمن
الحبتر... تمن بزل ما يأذيج اكلي بس اربع خواشيك
ابتسمت الة ومديتلة ايدي حتة ينطيني خاشوكة ماقبل وكال انا اوكلج بدة يوكلني وكل لكمة يهمس.. احبج... لوزتي الاحبها
خنجر... جا شبينة احنا نكرص ماتقبل تجي تاكل يمنة
الحبتر... شبية مكابل جهرتك الي تسد النفس خو اكابل جهرت مرتي جنها العافية
روح.. لو ساكت مو احسن
خنجر... معليج انتِ شي مايخصج
علي.. اكلكم الصارحة ترا انا مامقتنع بأساميكم شنو خنجر شنو هلاك شنو ديسم
الحبتر..شنو علاوية شبيها اسمائنة جنها العافية
ديسم... اندري شفايتلك اسمك ديسم ويدلعونك دودو لو اسمك خنجر ويدلعونك جوجاية
الحبتر... لا ليش مو احنا هم اندلعة علاوية ابو الايد الثكيلة
ترف.. وشفايتلكم اسمكم علي وبنتكم اسمها ميم
حجتها وخلت بصحن التمن مركة وفوكاها روبة وطرشي ودولمة وسمج وخلطتهن
علي... هاي شسويتي؟
ترف.. اكلة جديدة
حجتها واخذت بالخاشوكة منها واكلت ضلينة صافنين عليها لأن منظر الصحن مايساعد
ترف... شبيكم صفنتو بوجهي قابل انتم حبل وتردون اطفالكم تطلع تشبهني؟
خنجر...بررررة من اللسانج
ترف...بسيطة على هاي حجايتك والله اذا جبت وبنتي كبرت وابنك ركض وراها
خنجر.... والله اذا طلع بيج ولد وركض ورة بتي
ترف...ايع النوب انصير اناسيبك هذا الناقص
عفتهم وانتقلت بنظري الحبتر لكيتة مسنح بوجهي ومبتسم على ابتسامتي
الحبتر... ابيع العندي والماعندي واشتري ضحكتج احبج لوزتي الاحبها
روح... احبك بكد ضلمهم الي
من بعدها كلمن التهة بحياتة ترف ومَلك يدرسن وخنجر ولمعان بين يوم ويوم يجون النة من 7 الصبح الحد ما يطردهم الحبتر
اما ديسم سد سالفة خطوبتة بس واضح عليه الانزعاج
ترف طلع بيها ولد وبيومها ضاجت لأن تريد بنت وتسميها ميم وبعد ما حجت عليها عمة يلا اقتنعت وحمدت الله
امتحنن البنات والحمد الله دخلن وزاري
اما عني انا وهلاك فماكو احلة من عدنة متصافين ومايوم مزعلني الدرجة مرات ادوس ببطنة مايحجي ويبتسم الي
كلامة وحنيتة علية علقتني بي اكثر شكد ما اوصفة احس قليل بحقة
بس مع كل هذا مامتناسية الي سواه بية ومن سابع المستحيلات ان انسة او اسامحة وهوا يعرف بهذا الشي
دخلت ترف بشهرها واول مادخلت راحت لدكتورتها وللاسف الجنين على مقعدة انطتها علاج حتة تحفزة ان يستعدل وضعة لكن ماكو تحسن فأضطرت على ان تكتبلها على عملية
وبيوم عمليتها واكفين ننتظرها وعلي متوتر ومايعرف شيسوي بحيث الدكتورة كلتلة وقع وهوا كتب رقمة بدل التوقيع
علي.. الادبسزز ماقبلت بنج موضعي الة عام خلي تطلع بس
الحبتر..شبيك اثبت بمكانك ناقصك بس تجيب ابدالها
علي... لو يصير الة اسويها
باسل... ابدال هذا الحجي الماصخ اكعد اندعي المرتك والابنك
علي... ما اكدر حتة الدعاء نسيتة بس خلي تكوم على حيلهة كلشي ما اريد
سكت وواضح القلق عليه لأن ترف بأخر فترة تعبت كلش بين الدراسة والحمل وهسة لازم بس تولد تدرس لأن عطلو وهما بفترة مراجعة
مرت فترة وطلعت الممرضة بأيدها طفل وطلعو ترف ودوها للغرفة راح علي بسرعة الها اتقدمت يمنة الممرضة ومبتسمة
اخذت خالة أمل الطفل باوعت الة والتفتت الحبتر
روح.. شوفة شلون صغيرررر ينوكل كلش هواي حلوو
من شفتة عبالك شفت ترف وهيا صغيرة صح مامبينة ملامحة بس هيج حسيت اخذتة الممرضة من عمة وودتة للخدج
رحنة للغرفة البيها ترف لكينة علي صافن عليها وهيا تحجي بهذيان
ترف... خشميي وووين جيبوولي خشميييي
علي.. هذا خشمج بوجهج جا بيمن جاي تتنفسين
ترف... بط** الخ
ماخلاها تكمل كبل راح الها وسد حلكها وصاح
علي... لا تشهرينة يمعودة ماناقصين
بعدت ايدها وباوعت الايدة وصاحت
ترف.... شنو هذا لعبان النفس ماتسوي شيرة الايديك بلا زوجك شافك شيكول
ضحكنة ورجعت باوعت العلي من فوك ليجوة وعضت على شفتها
ترف... ولج ام علي صايرة صاكة مالت
طفر عليها وسد حلكها حتة لا تكمل وخرت ايدة وباوعت بأتجاهي رفعت ايدها واردفت
ترف... لااا تصورر لا اشهرك
درت وراي وشفت هلاك جاي يصورها
ترف... لحظة اوكفو اني جنت حامل ابني وين هسة؟.. رجعت صاحت... ابنيي ويننن انيي ادري علي يريدني بس اموت حتة يتزوج ابني
ضحكنة ورجعت حجت
ترف....طلكنيي طلكنيي اريد ارتاااح والغايبب الكمم بس ابنيي اريدة وياي ما يبقة عدكم
ضحك علي بقوة واجة يحجي بس هيا باوعت بأتجاها وحجت بسرعة
ترف.. تعال بوسني شبيك ماتجي اتبوسني
خزرها علي وصاح
علي.. عيببب ولج سكتي
ترف... منين عيب لا تستحي كلهم خوانة هذا ابوك نفس اخوي وهايه امك نفس اختي حتة انتِ نفس اخوي
رجعت باوعتلي وحجت
ترف.... انتِ اختج واني احبج
روح.. بعد روحي انا هم احبج
ترف.. انتِ اتزوجتي الي وراج؟
عرفتها تقصد على هلاك
روح.. اي
ترف... ماتجاوبين بسرعة لا اركع راسج بالحايط بت العار
مدت ايدها العلي وصاحت
ترف.. تعاااال بووس ايدييي وخليها على كصتكك يلا
اتقدم علي الها وهوا كوة حابس ضحكتة باس ايدها ولزكت الة تخليها على كصتة خلاها على كصتة وابتعد وجهة احمر من الضحك
باوعت العمو باسل وهزت ايدها
ترف...هذا شبي يركص
باسل.. رحم الله والديج سويتيني اركص
ترف.. اخخخخ بطنيييي اريدد خشمي احتركت لشت عليييييي ولكممم رجعوولي خشمييي
ماتحملت انتجيت على هلاك واضحك وهيا مستمرة تصيح
رفعت ايدها واتعد بأصابعها
ترف.... هلاك حلو وباسل حلو وعلاوية الفسوقية حلو وهذا اخت هلاك نسيت شنو اسمة هم حلو بس خنجر مو حلو ولكممم بطنيييي رجعوولي خشمييي
الحبتر... عمت عين خنجر عليج
ترف.. اسكتتتت انتَ ولا حجاية تحجي ولا نفس روح يلا جيبلي خشميييي
الحبتر... صار هسة اجيبة
ترف... عميي حلو مو اكلك ماكو منك باوع هلاك لو اتكلي انطيني امصارينج انطيج اياهن
رفعت اصبعها بأتجاهي
ترف... انتِ اعتبرج اختي واكثر من زوجي ولككك علي تعاال بووسنييي
أمل.. كافي ماما عيب
ترف.. اشش لا تحجين كلة منج انتِ خليتينيييييي اصير حامل... عليييي تعال انطيني بوسة
رجعت باوعت الحبتر من شافتة بعدة واكف ويصور صاحت
ترف... ولكمممم كوموني وابو الحسن اشكة شككك مو كتلك لا تصور ليش اتخليني اشكك رووح جيبلي خشمي دقيقة وحدة اذا ماجبتها اسبك
الحبتر... سبيني هيا ضلت على السب
ترف... اهووو لزكك عااااد... سكتت ورجعت غنت.... صبلييي من ط*** مااي ورددد
بسرعة علي راح سد حلكها خلت ايدها على ايدة ووخرتها وحجت بسرعة
ترف.... ايعع ايدك بيها طعم مو حلو ...وصبلي من ط*** ماي ورد
رجعت باوعت العمو
ترف... انتَ شبيكك جاي تررركصصص
ضحك هلاك بصوت واضح التفتت الة وخزرتة
ترف... ليش تضحك مو اني احترمك ليش اتخليني اهلهل على راسي..... سمعوني سمعوني ان شاء الله كلكم الي بالغرفة اتصيرون حوامل شلع قلع كلكم حرامية احااا يمة احاا يمة احا يمة احااا من عشرتك ويلاه
الحبتر.. استغفر الله شنو هذا الحجيي
ترف.. انتَ مو جنت حفيد ابو لهب شبدلك هسة وصرت مؤمن
من بعدها طلعنة وعفناها ترتاح سمو ابنهم آدم ومرت فترة آدم اكثر شي عندي بالبيت لو علي ياخذة من ترف حتة تدرس وتركز
اجة وقت امتحانات البنات
جبت آدم عندي لمدة اسبوعين مكابلينة انا وامواج وهلاك كلساع يكلة كول شمنوج كول كنودجة احاول افهمة ان عمرة اشهر ومايفهم هذا الكلام ولا يلفظة بس هوا مصر
بأحد امتحانات ترف خابرتني عمة ادك وتلطم لأن ارف عايفة كتبها ومشغلة ساجدة عبيد وتركص
كملن البنات امتحاناتها وكل امتحان ترف تجي منة تكول مامجاوبة وتكعد تبجي واحنا نشيل روحنة وانطكها بالكاع من وراها
وبيوم حبتر كال راح يعرضون النتائج
بدلت بسرعة وامواج هم بدلت لبست نظاراتي لأن ما اشوف بوضوح الة وانا لابستهن
ورحنة البيت عمو باسل دخلنة ولكيناهم ملتمين على علي وهوا بأيدة اللابتوب وترف تفتر وتحجي
ترف.. انيي متأكدة راسبة
مَلك.... اني متأكدة معدلي 80
باوعت العمة أمل كاضة آدم وتفتر بي
علي.. طلعننننن بس ماجاي يحملن
الحبتر.. النت زفت وهذا ابو البرج متأكد بي شمنوج
ترف.. يمة قلبييي راح اموت واني بعز شبابي علي شبيك ماصرت متخلف وماخليتني اكمل سادس
صفن علي على اللابتوب ضل هيج فترة ورفع راسة المَلك وهيا انهبطت وصوفر وجها
الحبتر.. بشرني بشكد طايحة
رفع نظرة علي واردف بفرح
علي.... عفية عليج خوية معدلج 87.90
ضحكت وباركنالها كلنة وهيا من الفرح كعدت تبجي
باوعت ترف العلي واردفت
ترف... واني؟
بلع ريكة ودنك على اللابتوب اتنهد ورجع باوع الترف وهيا بهت وجهة وعيونها دمعن باوعلها بنظرة اسف وهز راسة
الحبتر... بشكد؟
نغزتة بخاصرتة وعلي كام من مكانة راح كبال ترف حضنها وصاح
علي... رفعة راااسيي امم بيتييي معدلج 97.90
صرخت ترف بصوت عالي وادموعها نزلن عقج وجهة هلاك منزعج من صوتهة ابتعد علي عنها وانا رحت حضنتها وبستها براسها
روح... يابعد روحي مبروك بنيتي تستاهلين كل الخير
ترف..امي حبيبتي ما انسة تعبج وياي
ابتسمت وابتعدت عنها باركولها البقية وهلاك هز بأيدة واردف بأستهزاء
الحبتر... وشبيكم فرحانين انه جنت اعبر بالسنة الوحدة ثلاث صفوف
علي... حتة انشتاين مامسويها
الحبتر... يا انشتاين هذا ولك انه الحبتر وبعدين يلا وين الكيك والشربت انه اجيت علمودهن
طبل علي على الطاولة واردف يغني
علي.. واكل كيكة واشرب شربت
الحبتر.. اكل كيكة واشرب شربت
وصدك سواها هلاك وماقبل يطلع الة لمن راح علي جاب كيكة وعصير اكلوا كلهم بس انا اخذت خاشوكة بس من الكيكة ومن ردنة نطلع اردف هلاك وهوا عينة على عمة
الحبتر... خالة ام محمد خليلي قطعة جبيرة من الكيكة اضمها الباجر خنجر يجي من الصبح
أمل....ليش خالة تريد تنطيه؟
الحبتر ... لا اريد اكلها كدامة و اقهرة
فتحت حلكي عليه عبالي يريد ينطيها الخنجر ضحكت عمة واردفت
أمل.. من عيوني
راحت جابت سفري وخلت بي قطعة كبيرة وطلعنة من بيتهم
ترف قدمت على كلية صيدلة وتم قبولها ومَلك كلية لغات
بسنة 2022 قررو بيت عمو باسل قرار نهائي ان هم يسافرون
القرار جان صعب على الكل وخصوصاً علية انا وترف
واكفين بالمطار وانا كاضة بأيد هلاك واباوع الهم عيونهم تشرح كلشي اتقدمت حضنت عمو طبطب على ظهري واردف
باسل... ديري بالج على نفسج بنيتي
روح.. ويا نفس تبقة بعدكم؟
سمعت تنهيداتة ماردت ازودها عليه ابتعدت وانا كوة لازمة ادموعي رحت حضنت عمة وودعتها اخر شي وصلت الترف شايلة بأيدها آدم اجة هلاك واخذة منها حضنتها بقوة وشهكت
روح.... شلون راح افاركج كليلي شلون وانتِ اخر ذكرة من امي بعد اذا اشتاق الها اجي احضن منو؟
ترف.. كافي روح لا اتعذبيني اكثر
ابتعدت عنها وابتسمت بوجهة
روح... ديري بالج على دراستج وعلى ابنج
هزت راسها وعيونها مملية ادموع التفتت الحبتر شايل آدم و آدم يجر بلحيتة ويحجي
... اداا اداا
الحبتر... رحم الله والديك سويتني دادا
علي... شكو بيها هسة مو انتَ مسميني علاوية وحتة على رقمي هم هيج مسجل
ضحك هلاك واشر الترف تجي تاخذة اخذتة وهوا فتح ايديه العلي وصاح
الحبتر... بعدددد روحي شلون راح افاركج علاوية بعد على منو اضحككك يبوووو
حضنو بعض وضحكوا
علي... ولك وصي خنجرر على البغباء مو يضيك بي اللب** ويبيعة
ضحك حبتر وسكت بأخر سنتين قوت علاقتهم بشكل
سلم عليهم وعمو باسل وصاه علية ودعناهم لأخر مرة وراحو
اخر مشاهد للابطال
لمعان + خنجر
2022/4/11
بهذا اليوم عرفت نفسي اني حامل الفرحة الي فرحناها تسوة كل دمعة منة اتفقت وية خنجر ببداية حملي اذا بية بنت اسميها موج وهوا ابد ما اعترض
كاعدة بالغرفة ومكابلة اللابتوب اقرة قصص دخل خنجر وبأيدة صينية سد الباب برجلة وخلاها كبالي سحب مني اللابتوب اردفت بضجر
لمعان.. هاي ليششش
خنجر.. انجبي عالوجتي القصص التقرينهن بيهن مشاهد مو حلوة ما اريد الوث عقل بتي يلا جبتلج اكل اكلي
لمعان.. خنجر والله مايصير هيج كل نص ساعة جبتلي اكل اختنكت والله
خنجر... اكلي اكلي ميخالف اريد بتي تطلع سمينة ومربرة
فتحت حلكي عليه وبهت بوجهي صاح بصوت عالي وفززني
خنجر... لاااا ديري بالج اتصفنين علية ولا على اخوانج لا النوب تطلع تشبهنة ومنو ياخذهة
خليت ايدي على قلبي من وراه كوة اجر نفس كلساع امفززني لو مسوي بية مقلب لو رافع ضغطي من ورة شقاه غميتة وحجيت
لمعان... اذا تطلع تشبهك اتبرة منهة ومنك
ضحك وخلة الصينية كبالي بيها فواكة وكرزات ماخلاني اكوم الة لمن كملتها بعد الصينية عني واتقدم صار كبالي كلش سحب راسي وباسني بشفتي وهمس
خنجر.... عيني وبعد عيني يا احلا شي صار بسنيني
ترف + علي
جاي اطبخ غدة اليوم عمو وعمة ومَلك ومحمد وهدى يتغدون عدنة شقتنة مقابيل بعض سمعت ضحكة آدم وعلي بالصالة عفت الي بأيدي واخذت مس ورحت وكفت بباب المطبخ واتخصرت انتبه الي علي وابتسم باوع الآدم واردف
علي.... اجت صاكتنة
اشرتلهم بالمس واردفت
ترف... كاعدين هنا واتضحكون وعايفيني اشتغلل وحدييييي؟؟؟
رفعلي آدم اصبعة وسوالي لا
آدم... نو نو ماما
علي...آدم يكلج نو يعني نو
باوعتلة بزعل وهوا حرك حواجبة عاف آدم بمكانة وكام علي واجة يحجي وما نحس غير آدم صايح
آدم.... بابا فثوي تبرني
فتح علي عيونة على وسعهن ودار الآدم وهوا مصدوم رجع نظرة الي
همس بحدة
علي... ولج مو كتلج لا تحجين هذا الحجي يمة؟
ضحكت وهوا خزرني لميت شفتي للداخل واردفت
ترف... بس امس واليوم فلتت يمة وحجيت
حجيتها ورحت للمطبخ اكمل شغلي اجة حضني من ظهري قوي واردف
علي.... صديقي صاير حلو بالزايد وماجاي اكدر اكض روحي عنك
ظهرت على ثغري شبه ابتسامة درت الة ولفيت ايدي على رقبتة
ترف.. تئبرني عوف هاي السوالف الفسوقية وتعال اطبخ وياي
علي.. زين عوفي الطبخ وجاوبيني على سؤالي شنو هالي الترافة الشايلتها؟
ابتسمت وباوعتلة منتظرة جملتة الي يكولها الي افتهمني وقرب شفتة من شفتي وهمس
علي.. يواشج على كليبي شوي شوي
حجاها وراد يبوسني بس آدم سوة هجوم علينة ابتعد بسرعة عني قبل لايشوفنة اجة آدم ورفعلي ايدة يريدني اشيلة دنكت عليه وشلتة
علي.. هنايلة انتِ امة
حجاها وكرصني من خدي
روح +الحبتر
كاعدة انا وهلاك بغرفتنة والوطنية مطفية بس اكو مبيرية هلاك نازع فانيلتة وكاض دفتر امواج يهفي بي وانا لابسة شلحة و اردانها كيموني بس من الحر ماكو فايدة انتبه علية ضايجة عقد حواجبة وشمر الدفتر واجة كعد يمي ولف ايدة على كتفي واخذني الحضنة باسني براسي واردف بحنية
الحبتر.. شبيها لوزتي ضايجة وتعبانة هاي الفترة؟
رفعت راسي الة
روح.. مشتاقة الترف والعمو وعمة والآدم والعلي
ابتسم وحجة
الحبتر.. ترديني اخذج الهم؟
بادلتة الابتسامة واردفت
روح.... لا تعبانة بهاي الفترة
الحبتر.. عمت عيني عليج لوزتي من حيلي على حيلج شبيج يابعد عيوني واهلها؟
روح.. ما اعرف حبتري
الحبتر... تردين ارجعج الشغلج؟
رفعت نظري الة وابتسمت
روح.... اي بس مو هسه تعبانة بهاي الفترة
الحبتر... تعاي انسوي شغلات عيب وبيها مياو مياو واتصيرين زينة
ضحكت وكورت ايدي وضربتة بصدرة
روح... اتأدب هلاكي مو بس انتَ عندك اللسان وتغلط بي انا هم عندي واكدر اغلط
الحبتر.. يلا غلطي واذا منو الجان يكلي بعير
روح.. عود صرت زوجي واحترمتك بس مو صوجك صوجي انا اذا ماارجع اصيحلك بعير
اردف ببرود
الحبتر..اصلاً عندي كلمة بعير احلا من كلمة احبك .... وهااا امس منو بالليل كلي بعير؟
روح.. ايا بعير
ضحك ومشة ايدة على رجلي على كيف نزل ايدة الثانية على خصري همست الة
روح.. هلاك
الحبتر..خيط جرحة
روح... حباب لا
اتجاهل كلمتي وخلة شفتة على شفتي غمضت عيوني وهوا زاد من شافني مامنعتة احتار شلون يتفنن وانا سكنت بحضنة فتحت عيوني وهوا من حس بية فتح عيونة والتقت رموشنة حركتنة الي مانسغتني عنها
ابتعد ووخر طرف فتحت الشلحة وخلة راسة بصدري باسني بالوشم ومشة ببوسات متفرقة على كامل رقبتي غمضت عيوني وما منعتة راد يكمل بس اندك الباب
امواج.. غوح الشغيغة فتحي الباب جبتلج شي حلو
بللت شفتي وباوعت الحبتر شعرة مخربط ونفسة سريع كام من يمي وعدل شعرة لبس فانيلتة وانا عدلت ملابسي وراح فتحلها الباب وشالها ودخلو سوة جاب امواج يمي بأيدها علج ولزكات كعدت كبالي واردفت
امواج... دودو اخذني حتة نشتغي واشتغيت علج وطلع بي طبعات تعاي انسوي بأيدينة
هزيت راسي بفرح واخذت منهم شفت وحدة بيها وردة اخذتها وطبعتها على ايدي وهيا تارسة ايديها طبعات
الحبتر... حبيباتي شنو هذا الوصخ مو حلو غسلنة
امواج.. لا حبيبي مو وصخ كلش حلوات
ترست ايدي منهن حتة الجلد ما يبين باوعتلهن وضجت لأن صارت هوسة عود ردت بس وردة بس اخذني الواهس
غلست عنهن وكلت بعدين اسبح باوعت للطبعات اكو بعد رفعت نظري الامواج واشرت براسي على هلاك فهمتني وابتسمت اخذتهن وكمنة كعدنة يمة وحدة كعدت بالصفحة اليمنة ووحدى باليسرة باوعلنة وعقدت حواجبة
الحبتر.. شبيجن بوية كابلتني
امواج... بابي خلي نطبع الك بأيديك
روح.. ايي عفية هلاك خلي نطبع بأيدك
الحبتر.. واذا ما راح
روح.. لا يروحح والعباس.. شوف حتة انا طبعت
رفعت ايدية الة وشوفتة الطبعات
ابتسم واردف
الحبتر... تبقين نظيفة بنظري شكد ما اتوسختي احسج انتِ الوحيدة الي مامسوية
ذنب بحياتج
روح... مسوية انا هواي ذنوب
الحبتر... الله غفور رحيم
حجاها واخذ طبعات اثنين انطة وحدة الامواج ووحدة الي وطبعنالة بأيديه شوية واندك الباب
الحبتر.. منووو
ديسم.. بيت حبيتر عدكم وطنية لو بس انه ماعندي
الحبتر.. اي مو احنا عايشين بفرنسا وانتَ بالمانية اشو اثنينة كاعدين بنفس البيت وبنفس الطابق
ديسم.. اذا هيج الحجي خلي ادخل يمكم ادردش وياكم ضوجة وحدي
الحبتر.. اوكف شوية
حجاها وانا فهمتة كمت بسرعة لبست شي فوك ملابسي ولبست شال وفتحت الديسم الباب دخل يمنة وكبل راح للثلاجة فتحة واردف
ديسم... اكيد انه ضيف عدكم وماتخلوني جوعان
اخذ فواكه وراح كعد يم هلاك رحت كعدت يمهم باوعلي ديسم
ديسم... شلونج لوزتنة مرت الغالي
ابتسمت من كال هيج مايصيحلي بأسمي لو لوزتنة لو مرت الغالي نادراً يلا يكول روح
روح... زينة انا انتَ شلونك
الحبتر.. ليش اتحسسوني واحد ماشايف الثاني صارلة سنين
استمرت حياتنة من بعدها ماكو اي شي جديد صح مرات نتعارك انا وهلاك بس مستحيل ينام وهوا مزعلني عوضني عن كلشي صار بية وسواه بية
مايوم اذاني لو جرحني بكلمة وهذا الي خلاني احبة اكثر واكثر
موج وردة وانقطعت من بستان اهلهة مايوم يمر اذا ما هلاك ثوب الهة او قرأ قرآن وهداه الهة وكل يوم 8 بالشهر يروح يزورها وما يرجع الة بعد ثاني يوم
اشوف الندم ياكلهم اكل بسبب دخولهم الهذا المجال لكن انسحبو منة بالوقت المو مناسب بعد ماخسرو...... اختهم الي ماتت بعز شباباها وجانت ضحية لغلط من اخوانها
اتمنى من كل الي قرة قصتي يتعض ويرجع للطريق الصحيح قبل لا يفوت الاوان ويخسر حياتة او يخسر عزيز الة
لأن بوقتها شعور الندم كفيل بأن يقتل الشخص وهوا حي
اتمنى منكم ما تستسلمون لأي شي وتضلون اتحاربون كلشي يمر او راح يمر بيكم
الحياة مو سهلة ولا الناس الي بيها يحتاج تتعامل وياهم بسهولة
اما للاباء الي قرو قصتي اتمنى تكون سند لبنتك واختك وكل اثنى بحياتك
لأن اذا شخص ثاني سندها ساعتها تأكد بأن رجولتك اسم لا اكثر.
والى هنا و انتهت رواية ثعلب الحبتر
كانت معكم الكاتبة.. زهراء
في اول رواية لها
زهـراتي انشروا الرواية بكل مكان اخذوا مشاهد منها ونشروها واكون ممنونة
شكراً لكل شخص ساندني ودعمني ولو بتعليق واحد
2023/5/27
2023/7/21
🚫الرواية حقيقية
ابرولي الذمة على كلشي بدر مني ♡
الى اللقاء زهـراتي