مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +التعليق بين الفقرات+احبكم زهـراتي
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــــ
ترف
مرت الايام وخلص محرم وبيوم عمو وعمة وعلي ماموجودين بالبيت رايحين للزيارة ماكدرنة انروح وياهم لأن روح تتعب واني ومَلك عدنة دراسة
حالتنة اني وعلي مابيها اي تحسن بالعكس جاء تسوء ومحد منة جاي يبادر
الى ان قررت اني ان اصلح علاقتنة سوة مهمة كان اني هم زودت بالكلام واثنينة غلطنة
رفعت تشيرتي واباوع البطني كبرانة شوي والكل لاحظ هالشي بس اني ماخذة وضع السكوت والتغليس واليسئلني اكلة دراسة واحتاج اكل هواي.... اريد انزل ابوس بطني بس مااكدر حجيت بصوت
ترف.. لكك تئبرني انتَ اريد ابوسسكك
ضحكت ونزلت تشيرتي صاحت علية روح من غرفتهة جوة
طلعت من غرفتي ونزلت الها احنا نزلنة غرفتها ونقلنة غراضهة حتة تكدر تتحرك براحتهة عكس فوك خاف اطيح دخلت الغرفتهة وسمعت تلفونها يدك
ترف.. ها رورو شتردين؟
روح.. اريد التلفون جيبي الي وشوفي منو جاي يدكلي
ترف...لك تئبرني تدلل علية
حجيتها واتوجهت لميز التواليت باوعت للشاشة التلفون والتفتت الروح
ترف.. رورو هذا هلاك يمكن دك بالمية مرة من امس لليوم ردي عليه خاف صاير شي
اتنهدت وجاوبتني
روح.. خلي يولي ما اريد ارد عليه
ترف.. مايصير جاوبيه خاف صاير شي
خلص الاتصال ورجع اتصل مرة ثانية بالكوة قنعتها تجاوبة رديت عليه واخذتة الها خليتة على اذنها ورحت
الحبتر....هلا بروحي وبعد روحي هلا بالشافية جروحي.....هلا برجفة كلبي وراحتة
لا ارادي ابتسمت بس ماجاوبتة اتنهد وكال بتعب
الحبتر... رويحة لوزايتي هيج تسوين بية يعني من البارحة ادك عليج لليوم الة تجاوبيني ادري شمنكع لبلبي يالبلوب
ضليت ساكتة وهوا رجع حجة
الحبتر... ليش ماتقبلين ترجعيلي ارجع اودي امي اتخطبج؟
روح.. جؤ
صاح بصوت عالي
الحبتر.. رحم الله والديه من جرر زيججج اربع مراات اهلهللل زين من طلع صوتجج
روح.. لا تصيح
هدأ وسكت شويه وحجة
الحبتر.. تدرين هسة سلمان شنو جاي يسوي؟
روح.. شيسوي؟
الحبتر.. جاي يسوونة كباب ويشونة بجهنم
جاوبتة اسايرة
روح ... امم صدك شدراك
الحبتر.. مساع جنت فاتح وياه كامرة وشفتة
روح.. ماكلك شوكت ياخذونك يمة؟
اردف بغرور
الحبتر... اصلاً انه كبل ادخل للجنة
روح.. ايباااااه بلا كول زيزي
ضحك بصوت عالي كلش بعدت التلفون عن اذني لأن انزعجت من صوتة ومن سمعتة هدأ رجعتة
الحبتر.. ولج لوزايتي صايرة شمنوجة وكندوجة هاي ليمتة اتعلمتيها مني
روح....اهو اليوم امس من ايام السرادب
الحبتر.. ما اخذج للسرداب ونسوي مياو مياو وشغلات عيب جديدة؟
روح... انجب احسلك و احجي وياي بأحترام
الحبتر..ولج لوز اليوم خطوبة اختي
روح... يا صدك الف مبروك اتزوجتمن؟
الحبتر... خنجر
صحت بصوت عالي
روح... ايععععععععععععع
الحبتر... ليش ولج شبيج وياه
روح... خلي يولييي مو راحة انتَ وياه
الحبتر... شبيج وياي؟
روح... مابية شي
الحبتر... مساع اتعديت على محل لعابات
ابتسمت بفرح واردفت
روح... اي
الحبتر.. اتذكرتج
روح... جبتلي وحدة؟
الحبتر... جا اذا جبتلج شلون انطيج اياها وانتِ ما تخليني اشوفج؟
اختفت ابتسامتي وحجيت
روح.... يعني ما جبتلي؟
الحبتر... راح اجيبلج ومن ترجعيلي انطيج اياها
روح... لا ما اريد ارجعلك
الحبتر... ميخالف حتة لو انه اشتريلج وحدة
ضحكت واردفت بحماس
روح.... مرة اشتريت لعابة الترف من جانت صغيرة
الحبتر... اي
روح.... كلش حلوة اريد نفسها تغني
الحبتر... صار وبعد
روح.... اريد شعرها قصير وكون بطولي وملابسها بنفسجية
الحبتر....تدلل لوزايتي
سكتت وهوا ضل يحجي بس ما اجاوبة اخر شي مل وحجة
الحبتر.. لوزة جاوبيني
روح... ما اريد احجي وياك
الحبتر.. ليش لوزايتي حرمتيني من شوفتج وهسة تردين اتحرميني من صوتج؟
ماجاوبتة اتحسر وسكت ضلينة هيج الفترة طويلة مانحجي بس نسمع انفاس بعض كسر الصمت الي بينة هلاك
الحبتر...وداعت امي ونضر عيني وانتَ ممحلفني هسة شماحصل بينك وبيني حبي الك ضل هوا نفسة
ماردتة يكمل نزلن ادموعي وصحت بصوت عالي على ترف حتة تجي سمعت الباب انفتح وخطواتة سريعة ناحيتي
بعدت التلفون وحجيت
روح.. سدي الاتصال
انسحب مني التلفون واختفى صوتة احس غلط ارجعلة بعد السواه بية
حسيت بأحدة كعد كبالي عرفتها ترف لأن ماكو غيرها يمي
شالت ايدي وما اعرف على شنو خلتها
روح.. شنو هاي
ضليت اتلمس بيها ضحكت بصوت وحجت
ترف.. سلمي على ابن اختج
شهكت بفرح وحجيت
روح.... عليجججج الله ترفف تحجينن صدكككك
ترف.. اي وابو الحسنن صدك
روح... شكدد عليجج
ترف... خلصت شهر الثاني
ضلت ترفع بأيديها تريد تحضني اتقربت يمها وحضنتها بفرح اتلمست وجهي وباستني بخدي
روح... الف مبروك حبيبتي ان شاء الله يوم اليرجع نظري واشوفكم سالمين... بس اشعجب محد حاجي يمي كل هاي الفترة؟
بلعت ريكي واردفت بتردد
ترف.. محد يعرف بس انتِ
عقدت حواجبهة
روح.. ليش؟
ترف.. مو لأن اني وعلي اتعاركنة قبل فترة ومن عرفت بنفسي حامل ماردت اكول العلي خاف يصالحني علمود الطفل
روح.... منو الغلطان برأيج؟
فركت اصابعي ببعض واردفت
ترف... اثنينة غلطانين
روح... ليش ترف مخلية زعلكم يطول هاي الفترة كلها مايصير لازم احد منكم يبادر اذا مااتحركتي من النقطة الي انتِ بيها راح تضل تفتر حواليج
هزيت راسي
ترف.. هوا هذا الي راح اسويه اليوم بالليل يجي وباجر عيد ميلادة استقل هاي الصدفة و اصلح كلشي بينة اثنينة غلطانين واذا محد بادر منة ما راح نرجع
ابتسمت روح بفرح وجاوبتني
روح... عفية عليج بنيتي
ابتسمت واردفت
ترف... نضرج ما اتحسن؟
بلعت ريكها وحجت
روح.... غواش بس حيل مزعج لدرجة احس شرايين راسي متشابكة مع بعضها بس الحمد الله
ضلينة نحجي شويه و روح حسيتها راسها ضل يأذيهة انطيتها علاجهة وعفتها تنام
طلعت من الغرفة اجة على بالي خيار وليمون وسماك طفرت بسرعة للمطبخ طلعت خيار وكصصتة وخليت عليه ليمون وسماك
واخذتة وصعدت فوك فتحت الكتاب وضليت ادرس واكل الحد ما كملت واجباتي اخذت تلفوني وبحثت عن بيج بالانستا مالت كيك وهدية لكيت واحد بالبصرة وشغلة مرتب دخلت على صفتحهم وعجبني شغلهم
جانت ابالي كيكة راسلتهم وكتلهم عنها اريدها عليها علامة الميزان وعبارة
.. عيد ميلاد سعيد تئبرنيي
اتفقت وياهم واختاريتلة ساعة عليها نقش اسمة وياها كارت كتلهم يكتبون عليه
..... كُل عام وانتَ مالكُ قلبي
اختاريت طريقة للف الهدية ودزيتها اتفقت وياهم على السعر والتوصيل باجر العصر اتنهدت وسديت التلفون واني ادعي من الله ان مايفشلني او يرفض يصالحني
رجعت كملت دراستي الحد الساعة بالتسعة بالليل اتصلت على عمو وانطاني خبر ان راح يوصلون
كمت بسرعة حضرت الحمام العلي اخذت كتابي ونزلت جوة كعدت اقرة بالحديقة انتظرهم على مايوصلون
شوية وسمعت صوت سيارة اندك الهورن ابتسمت وخليت الكتاب على صفحة كمت واتوجهت للباب وفتحتة وابتعدت دخلو بالسيارة وصفوها بالكراج نزل عمو ورحت سلمت عليه وحضنتة
ترف... زيارة مقبولة عمو
باسني براسي واردف
باسل... قبل الله اعمالج بنيتي
رحت العمة وسلمت عليها وصلت العلي اتقدمت يمة وحجيت بتردد
ترف.. زيارة مقبولة خوية
رفع نظرة الي متفاجئ هز راسة واردف
علي... هلا بيج
حجاها وشال الجنط ودخلو رحت اخذت كتابي ودخلت وراهم لكيت علي صاعد فوك صعدت وراه وفتحت باب الغرفة لكيتة يفتح بدكم قميصة شافني واتوقف اتوجه للحمام ودخل سد الباب عفتة على راحتة انتبهت على ميز التواليت اكو علاكة مالت دهنية
رحت بحماس اخذتها اكلت شوية ولعبت نفسي منها عفتها على صفحة ورحت للكنتور طلعت شلحة قصيرة لونها ماروني لبستها بسرعة قبل لا يطلع علي من الحمام اتوجهت الميز التواليت اخذت شيشة العطر وريشت ورجعتة المكانة وسحبت المشط جاي امشط بشعري وطلع علي التفتت الة وحجيت
ترف.. اصبلك عشة؟
علي... لا اتعشينة بالدرب
هزيت راسي وكملت شعري ورفعتة ليفوك راد يحجي بس اتراجع وراح بمكانة على التخم اتنهدت وحجيت بقلبي اجيبك للدرب اجيبك
طفيت الضوة ورحت مشيت من يمة وغنيت
ترف... تزعلني ما تزعلني كُلك صرت متهمني مدام انتَ تكبرت انساك لو روحي صرت
نفخ بضجر واني ضحكت بدلع ورحت على الچرباية اتمددت ونمت ثاني يوم جان جمعة كعدت من الصبح حتة اكمل دراستي من وقت لكيت علي ماموجود بالغرفة
اندعيت كون ماطالع لأن اذا طلع الصبح يوم الجمعة مايطلع العصر لو بالليل غسلت وبدلت واخذت كتبي ونزلت جوة مالكيتهم بالبيت طلعت بالحديقة ليكتهم كلهم كاعدين وكاعد يتريكون وروح يمهم مبتسة وعمو يحجي وياها
رحت كعدت قريب من مَلك وفرشت كتبي وهيا هم ملتهية تدرس سوتلي عمة لفة وانطتني اياها اكلتها واني اقرة
مَلك... حلو عليج السمن
رفعت نظري الهة
ترف... تئبريني هوا اني بكبري حلوة
مَلك.... وين اكو بحلاتج
ابتسمت الهة ورفعت نظري الهم كلهم مركزين ويانة انتبهت العلي يباوع الي بتفحص اتجاهلتة ورجعت ادرس وهما كملو اكلهم ودخلو درست الحد ماتعبت واصلاً ادرس قبل المدرسات لأن بهاي السنة خلو دوامنة يوم واحد بالاسبوع ومايمشن بالمادة فأدرس قبلهن
للعصر طلع علي نزلت بسرعة المَلك
ترف.. مليكة سمعيني
مَلك... ها ولج
ترف.... راح اروح اسبح هاج اخذي هاي الفلوس.. خليت الفلوس بأيدها وهيا مستغربة استرسلت بكلامي.... تلفوني يمج من يدك المندوب جاوبيه انتِ وطلعيلة واستلمي الطلبية منة ومو تاكلين من الكيكة اموتج وابو الحسن
ضحكت وجاوبتني
مَلك... صار بس ولي عني
شمرتلها بوسة بالهوة وطلعت مريت على روح شفتها نايمة علاجها بي نسبة من المنوم الهذا السبب تقضي نص اليوم نايمة وبس تكعد يكضها صداع لو الم بعيونها
صعدت فوك ودخلت للحمام نظفت جسمي وسويت سكرابات انكسر ظهري يلا كملت بدلت ولفيت شعري وطلعت اجة نظري على ميز التواليت مَلك مخليه عليه كارتون الكيكة وعلبة الهدايا وتلفوني رفعت نظري للساعة ماضل شي ويأذن ضميت الكيكة بالثلاجة والهدية بالكنتور الحد ما اذن اذان المغرب ورحت صليت نزلت يمهم اتعشيت بسرعة ورجعت صعدت وغفلت الباب
فتحت الكنتور وطلعت بدلة نوم جديدة لونها اسود لبستها وباوعت بالمراية حلوة علية كلش بس شوي ضيكة
خليت مكياج خفيف بس الحمرة خليتها لون دموي صب مشطت شعري وفرشتة على اكتافي ورشيت عطر
مستحية من هاي التجهيزات احس استحي لأن اول مرة اتجهز هيج
نفخت كم نفاخة وخليتهن قريب من الطاولة ورحت طلعت الكيكة خليتها على الطاولة وخليت عصير وكرزات
اخذت تلفوني واتصلت على مَلك جاوبتني بسرعة
ترف... ملوكة تعاي صعديلي بسرعة
مَلك... خير خو ماصاير شي
ترف.. لا لا كلشي ماصاير بس تعاي وجيبي تلفونج وياج
سديتة منها وكمت لبست روب فوك ملابسي شوي واندك الباب رحت فتحتة ودخلت باوعت مَلك للغرفة
مَلك... لككك شنوو هاييي التحضيرات الحلوة شصاير
ترف... اليوم عيد ميلاد زوجي ام علاوي
ابتسمت وجاوبتني
مَلك...الله يوفقكم يارب
اتشكرتها وجريتها من ايدها وكعدنة على الچرباية
ترف.. فتحي تلفونج
مَلك... يا ليش
ترف.. دفتحي هسة
فتحت تلفونها واني اردفت
ترف... دخلي على رقم علي واتصلي عليه
مَلك... ليش
ترف.. سئلي شوكت يجي لأن اذا سئلتة اني راح يشك
هزت راسها واتصلت عليه طول يلا جاوبها
علي... ها مَلك محتاجة شي
باوعتلي وحجت
مَلك... اي شسمة شوكت تجي
ضربت كصتي بغباء وسويتلها حركة بمعنى اشكج شك
اتلاحكت جفصتها وحجت عالسريع
مَلك... شسمة اني وترف نريد باند مالت اوراق واقلام جاف شوكت تجي وتجيبهن لأن محتاجينهن
علي.. شنو السالفة تاكلنهن مو هذاك الاسبوع جبتلجن
مَلك... لا لأن عدنة امتحانات جاي ندرس يخلصن بسرعة
علي... صار الله كريم شوية وانا اجي
اتشكرتة ورادت تسدة بس استوقفها علي
علي.. ترف شلونها؟
باوعتلي ورادت تحجي اشرتلها بشفايفي
.. تعبانة كلش كلش
مَلك... ترف كلش كلش تعبانة وراحت تنام
جاوبها بخوف
علي... شبيهااا
ماردت عليه سدتة وباوعتلي بلوم
مَلك.... ادبسزز خليتيني اجذب
ترف.. انجبي ارجعها الج بالمستقبل وهسة تعاي ساعديني ابدل النزلة ماطول بعدة علي ماجاي
هزت راسها وبدلت افراش الچرباية وطلعت مَلك نزعت الروب و بخرت الغرفة وشغلت الشموع
باوعت الها بأعجاب وسمعت رنة تلفوني اخذتة وشفتها مَلك رفعت الخط وحجيت
ترف.. ها
مَلك.. وجعا اجة علي شفتة نزل من السيارة
سديتة بوجهة ورحت بسرعة طلعت اغنية لفيروز... انا لحبيبي وحبيبي الي
وقفتة واتنفست بهدوء واحاول اهدي نفسي و ابعد الخجل عني حسيت حرارة بوجهي رحت عليت السبلت وسمعت خطوات بالممر غمضت عيوني واخذت نفس عميق شغلت الاغنية وطفيت الضوة
ضل بس ضوة الشموع مالي الغرفة انفتح الباب ودخل علي باوع الارجاء الغرفة بأندهاش سد الباب ومد ايدة للضوة شغلة وانتقل نضرة علية باوعلي من فوك ليجوة ويحاول يخفي نظرات اعجابة عني
قويت نفسي واتقدمت يمة بخطوات متوازنة رفعت راسي الة وباوعت بعيونة وركزت بيهن لمعن عيونة ونزل نظرة الشفتي
ترف... كل عام وانتَ بخير حبيبي
مااعرف منين اجتني الجرأة اتقدمت اكثر ورفعت نفسي على اطراف اصابعي ولفيت ايدي على رقبتة وبستة بشفتة بسرعة وابتعدت
ابتسم الي وجرني من خصري الة وهمس بحب
علي.... احبك صديقي اعتذر منك قاطع بيك هذيج الفترة بس ردت اسويلك جرة اذن
خليت راسي على صدرة وحضنتة بادلني بالحضن وضلينة هيج الفترة طويلة واحد حاضن الثاني بقوة
ابتعد عني وباوع للغرفة وللكيك والطاولة
علي... هذا كلة انتِ مسويتة؟
هزيت راسي وابتسمت مد ايدة وكرص خدي واردف
علي... رايح اسبح وابدل انتظريني
ملت راسي واردفت
ترف... كُل وقتي الك
فتح عيونة بصدمة وما اتحمل اتقرب اخذ شفايفي بقوة وبلهفة بادلتة ومن حس بية اختنكت ابتعد سحب نفس وحجة
علي.. يواشج على كلبي هواي هذا على علي
ابتسمت الة وهوا ابتعد راح اخذ ملابسة وغمزلي ودخل للحمام يسبح
رحت للباب غفلتة وكعدت انتظرة على مايطلع ماطول وطلع لابس بجامة وفانيلة وينشف بشعرة خلة الخاولي على صفحة كمت من مكاني ورحت سحبتة من ايدة واخذتة يم الطاولة
ترف... يلا قطع الكيك
اخذ السجين وخلاها بأتجاهي وغمز
علي.. قصدك اقطعك
ابتسمت وحجيت
ترف.. هم اغنيلك هبي بير زيتيو لو كبرت
علي... لا حبيبي احنا نسوي شغلات اكبر من هيج
ترف.. لااا تعلمنيي على الفسوووق يا فسوقي
ضحك وقطع الكيك اكلنة وشفت هذا انسب وقت حتة اكلة بس ما اعرف منين ابدي وكفت كبالة واخذت ايدة خليتها على بطني وعيني بعينة لمعن عيونة وكأنة حس وعرف بلع ريكة ومنتظرني احجي وأكد الي ابالة
ترف...اني حامل
فتح عيونة بدهشة ونزل نظرة البطني ابتسم بفرح وعيونة دمعن اتقرب شالني وفرني وصاح وهوا يضحك بفرح
علي.. ولكك صديقييييي صرتت حاااملللل وين اكو طفل يربي طفل
نزلني وجرني الحضنة يبوس بية وبلهفة ويحجي
علي.. مبروكك صديقيي لك تئبرني شووهيدا الجمال ولك شلون انطاني كلبي وما احاجيك
يحجي بهستيرية ويضحك ردة فعلة حيل عجبتني وفرحتني كضينة الليلة سوة وبحضنة رجعنة اتصالحنة من جديد واتفاهمنة على امور هواي جنة متقاضين عنها مهما صار سواء اني غلطانة او هوا اثنينة متندمين
باسني براسي واردف
علي... روحي لهفانة عليج هواي
رفعت نظري الة وابتسمت وحجيت
ترف.... الله اشتهيت لهفة فلافل
بهت بوجهي ورمش بصدمة ضحكت ونمنة الحد ثاني يوم نزلنة سوة الهم والابتسامة شاكة حلكنة خليت ايدي على بطني وباوعت الهم
ترف.. راح يصير عدنة زعطوط وانطي الروح تجعص راسة واطكة بالحايط
هلهلت عمة وعمو صفن علية عبالة اكذب باوع العلي وهزالة راسة بمعنى صدك رجعت الفرحة عمرت اركان هذا البيت من جديد
مرت ايام قليلة بين الدراسة والحمل وروح تعب علية وضغط بس كلها ايام وتعدي وبيوم كاعدة يم روح وادرس اني بالكاع وهيا كاعدة على الچرباية و تسمع لطمية
.. خطار اجاني..
وعينها على الفراغ
دك تلفونها كمت من مكاني ورحت يمها
روح.. شوفي منو
باوعت للشاشة واردفت
ترف... هذا رقم غريب.. اجاوب؟
روح... جاوبي وانطيني التلفون وروحي نامي اتأخر الوقت وتعبتج اليوم
بستها براسها وجاوبتها
ترف... واجبي هذا امي انتِ
شلت كتبي ورديت على التلفون وخليتة على اذنها وطلعت من الغرفة
••••••••••••••••••••••••••
الحبتر
الحبتر.. يلا امواج كتبي بابا هلاك
دنكت راسها على الدفتر وكتبت رفعت راسها الي وتضحك
امواج.. سوف سلون كتبتهن
باوعت للدفتر كاتبتهن صح وخطها متحسن كعدتها بحضني وبستها بخدها
الحبتر.. يروحلج فدوة سلمان شني هذا الجمال اروح فدوة المخيخج
دارتلي وجهة وكضت خدودي وجرتهن
امواج... انتَ سني هذا الجمال
الحبتر... جؤ بابا الهيبة تلطم بالزاوية من تسويلي هيج
امواج.. بابا خلي انغني سوة
الحبتر..صار شتردينة انغني؟
امواج.. تغكص على جغوحي
اشرتلها على عيوني واخذت تلفوني شغلت الاغنية وهيا ضلت تتمايل على اللحن
الحبتر... العب علية العب
امواج.. وبكلبي اتسلة
الحبتر.. هذا ذنب الي يحب
رسلمتي كلب بأيديها بالهوة واردفت
امواج.. ينطيني الكلب كُلة
الحبتر... العب على الاحساس
امواج... زيدلي اهاتي
الحبتر.. انطيتك انه العين
قدمت شفتها للداخل بزعل وحجت
امواج.. زيدت دمعاتي
شلتها وخليتها بحضني
الحبتر... اموتة الي يزيد دمعاتج
ضحكت وكملت
امواج... العب على جغوحي بالجيه والغوحة
الحبتر.. ساكن بنص عيني و ايدي متلوحة
اجينة نوصل للمقطع الي اتحبة ومانسمع الة رمي وعلى غرفتي تحديداً حضنت امواج الصدري وهيا خافت ضلينة كاعدين بمكانة لأن الشباج مو يمنة ومانكدر انكوم لأن الباب كبال الشباج صاحت امواج بخوف رفعت وجهة بأيدي وحجيت
الحبتر.. ماكوو شي بابا لا تخاافين ماكوو شي
صرخت بالزايد من زاد الرمي خفت على ديسم خاف يجي الغرفتي انكسر الشباك وطاحت طلقة بنص مراية ميز التواليت اتفلشت المراية فتحت عيوني بصدمة وانه اباوع للغرفة اتفلشت وامواج حاضنها سكنت بحضني من الخوف وتشهك بخفوت انشمرت ورقة لافينها بطلقة طاحت بالكاع وراح الصوت
امواج بحضني ترجف اتهسترت على بتي باوعت الوجهة واكلب بيه يمنة ويسرة
الحبتر... احجي بابا احجيي شيي
بلعت ريكها وراحت عينها على الشباك تباوع بخوف انفتح الباب ودخلو لمعان وديسم وامي باوعو للغرفة والنة حجة ديسم وهوا يتفحص الغرفة
ديسم.... هذا يا ك***؟
رفعت نظري الة وماجاوبتة اتقدمت لمعان واخذت امواج من حضني وطلعت متعودين على هاي الاجواء قبل بس هسة لا
دكت امي على رجلها وحجت بنفاذ صبر
نجاة... شلون بيكم ماتخلصونة من اسوالفكم
الحبتر.. عايفين الخ** بس هما ع*** بيهم مايعوفونة الك****
اتقدمت امي يمي وخلت ايدها على جتفي
نجاة... ماطول تبتو الله وياكم مايعوفكم يمة يحرسكم الرحمن
الحبتر.. ويحفظج النة
طمنتها علي وطلعت باوعت الديسم متخصر وعينة على الشباج كمت من مكاني ورحت يمة
الحبتر.... لو بس اعرفهم منو جان خايت صوندة ب**** بتي بحضني ترجف من الخوف لا سامح جان صار بيها شي كدام عيني
ديسم... عدت على خير
هزيت راسي واردفت
الحبتر.. الحمد الله
رحت للورقة الي بالكاع دنكت عليها وشلتها فتحتهة وديسم حجة
ديسم.. شنو هاي
الحبتر.. المو**** مالتهم
خليت الطلقة على صفحة وقريت المكتوب بيها بصوت عالي
الحبتر... اخر تحذير الك
اختار بين تسوي النة المهمة لو تسوي بيباي لأحد افراد عائلتك
ولا تستاهن بينة عدنة ادلة عليكم توديكم ورة الشمس
خليتها على صفحة وصفنت بحيرة رفعت نظري الديسم وصحت
الحبتر.. ما اسوييلهم اليردونة مااكتلل احد بريئ صح انه وصخ بسس مااكدررر اكتل واحد ما الة ذنب شكد سوينة جرائم بس كلها تستاهل تموت ماسويتها قبل يردوني اسويها هسه؟ والله لو تطلع نخلة بط*** ما اسويها
سكتت وانه كوة اجر نفس باوعلي ديسم وحجة
ديسم... مو شرط انتَ تسويها خليني انه
فتحت عيوني بصدمة واتقدمت يمة رفعت صبعي بوجهة وحجيت بنبرة تحذير وبحدة
الحبتر.. ديربالك توصخ نفسك لا انه ولا انتَ ولا خنجر نسويها ومايكدرون يوصلون لا الاهلنة ولا الروح
ديسم.. بس وصلولها قبل
الحبتر.. لا لا قبل روح تشوف وبكامل صحتها وراحلتهم هسة ماتروح اي اي ماتروح واحنا نروح للبيت الي ****
ديسم... شوف هلاك من سابع المستحيلات يوصلون لأمي لو اللمعان لو الامواج وحتة اهل خنجر مايكدرون بس ضلت روح
الحبتر.. ماعليها شي يم بيت رجل عمتها
نزلنة جوة باوعت الامي ايدها على خدها وصافنة ولمعان بحضنها امواج ونايمة حكيت ارنبة خشمي واردفت
الحبتر... لمو ملابسكم راح انروح للبيت الي ****
رفعتلي امي نظرها وصاحت
نجاة.. شلون يعني انضل نفس ام البزازين يومية بمكان
الحبتر.. بس هاي الفترة السلامتكم مو الي
هزت راسها وكامت كضت عكازتها وراحت باوعت اللمعان عينها علينة طمنتها بعيوني واخذت امواج من حضنها على كيف حتة لا تكعد
الحبتر.. لمعة كومي حضري ملابسج وملابس امواج
لمعان... صار خويه
حجتها وكامت من مكانها خليت امواج على التخم نايمة وصعدت فوك اخذت جم لبسة الي وباوعت للحايط اكو صورة الموج وبصفها صورة الامي ماعندي غير هاي الصورة الهة
اتنهدت ورجفت ايدي رفعتها واخذت صورة امي مسحت على وجهة واخذت صورة موج وضميتهن هنا والاوراق الي احتاجهن شلت الجنطة واخذت سويج
رجعت نظري للحايط وابتسمت بأستهزاء من شفت اكو طلقة فايتة بيه اخذت سويجي وحفرت على الحايط بصف الطلقة
8.r.8.m
كملتة ونزلت مو خوفاً منهم راح اطلع من بيتي كل الي اريدة اعرف منو هما
لكيت بس ديسم مكمل وكاعد على التخم وايديه جوة حنجة سمع صوت خطواتي رفع نظرة الي واردف
ديسم.. تهون
الحبتر.. هه لو تريد تهون جان هانت من زمان
كملن امي ولمعان شلت امواج بأيد وجنطتي بأيد ثانية وطلعنة برة صعدت لمعان ورة وخليت امواج بحضنها ورحت الديسم انطيتة المفاتيح باوعلهن بأستغراب
ديسم.. وين رايح؟
الحبتر.. عبالك انام وأمن وما اعرف شي عن روح رايح اكعد كبال بيتهم
ديسم.. اتخبلت انتَ شلون تروحح بهذاا الوكت
صحت بصوت عالي
الحبتر... وشتريدنيييي بعد ما دخلتهة الحيااتي اعووفها تدمرر اكثررر مو كافي الي السويتة بيهاا
حجيتها وما تانيت جوابة صحت الانهد وشلتة خليت يمي بالسيارة وصعدت طلعت قبلهم اخذت تلفوني واتصلت على ترف بس ماردت مارجعت اتصلت مرة ثانية لأن الوكت متأخر
اجيت اتصل على روح لكيتها حاضرتني اتنهدت ورجعت اتصلت على ديسم
ديسم.. ها
الحبتر... دير بالك على امي ولمعان وامواج
ديسم... ها فولت عندك المحنة
الحبتر.. راح افول وجهك هسة....دير بالك على روحك
سديتة بوجهة وسقت سريع احس روحي اشتعلت نار وانه افكر بروح خاف يوصلولها على ما وصلت صفيت السيارة بعيد عن بابهم ونزلت انه وانهد كعدنة على الرصيف كبال بيتهم
سحبت جكارتين من الباكيت ورثتهن وخليتهن بحلكي درت على انهد وحجيت
الحبتر... ها كو*** انتَ هم تحب روح؟
نبح وقرب راسة من كتفي
الحبتر.. شبيك دخيل الله معوز حنان
رجع نبح علي خزرتة وصحت
الحبتر... س*** ابن الحيوانة صوتك لا تعلي بوجهي
سكت وانه ضحكت فتحت ايدية الة وصحت
الحبتر.. تعال اشبكك
طفر الحضني وحضنتة
الحبتر.. هوا انتَ صح ك*** بس حنين
رجع نبح
الحبتر... ابن الخرا كافي شكد تنبح شبيك
جلب خو مو جلب
خليتة على الرصيف وضليت اباوع للبيت مر وقت طويل وانه على نفس الكعدة دك تلفوني وطلعتة من جيبي باوعت للاسم هذا ديسم غلست مارديت عليه ضل يلح واذا لزك ماينشلع بعد اتمنيتة كدامي حتة الزكه بالكاع
الحبتر.. خير شعندك ماتخمد؟
ديسم..اعصابك مو زين عليك خاف تطرح
الحبتر... شلون راح اطرحك اعضائك
ديسم.. وين انتَ
الحبتر.. كاعد بباب بيت عمتها
ديسم.. شتسوي؟
الحبتر... اجدي
ديسم... شتجدي؟
الحبتر.. انعال حتة اكطعة على راسي وراسك
ضل يضحك وانه عيني على بيتهم هدأ ديسم واردف
ديسم... لا هلاك شعندك كاعد بنص الليل شتتوقع مثلاً روح تطلع تتمشة بتلاثة الفجر؟
حكيت ارنبة خشمي وجاوبتة
الحبتر... لا بس خاف احد منهم يطفر على بيتهم لأن بيتهم هيته وهم على ما تكعد اختها وترد علية حتة اوصيها على روح
ديسم... تريد اجي يمك وندردش انه وياك؟
الحبتر... لا امي ولمعان وامواج وحدهن
ديسم... انجيبهن ويانة ونكعد كلنة بباب بيت روح ونغني خطابة خطابة جيناكم خطابة
الحبتر.. وهسة ياريت تقبل
ديسم.. ماتريدك هيا كوة
الحبتر... انجب اتريدني بس وارثة الثكل من سلمان
ديسم... انه لو بمكانها وانتَ مسوي بية هيج وين ما اشوفك اتفل بكصتك واصيح هذااااا يتحرش بية
الحبتر... مو هوا هذا الناقص اتحرش بجهرتك
ديسم... حبيبي انه حامل
ضحكت بصوت عالي عكس الي بداخلي وجاوبتة
الحبتر... متبري منج ومن ابنج
ديسم... اه ترا اخواني يكتلوني
الحبتر...ولك هذا عود انتَ العاقل
ديسم...مايضل عاقل وياكم
الحبتر...ششارب ولك خو ما مكثر
حجة بصوت راهي
ديسم... مكثر بحبك
الحبتر.. شبيك خوية ترا خفت على شرفي ما ارجع بعد للبيت كلشي ولا شرف روح
ضحك بصوت عالي ورجع حجة
ديسم... لا انه اريد واحد كيوت
الحبتر... كافي ولك هسة لو يسمعك واحد غيري يصدك انتَ تسوي شغلات عيب
ديسم.... لا كلشي ولا يصدك وتخرب سمعتي ترا انه رجال صايم ومصلي
الحبتر.. كول زيزي
ديسم.. من ط*** يا بعد ط***
الحبتر... دكافي التلفون خدر من وراك شبيك
سديتة منا وخليتة على صفحة باوعت للجكارتين الي بأيدي خلصن شمرتهن بالكاع وطلعت ثانيات وخليتهن بحلكي
مو بالي احب روح ولا مخطط الة ولا مستعد اصلاً كل ابالي جان شغل فلوس ماكو غيرهن حتة امواج يوم فارغ الها ويوم لا
من سلمان اعتدة على اختي قررت اسوي نفس الشي ببناتة الي جان ابالي وكل ظني علاقتة زينة وياهن وحالة حال اي اب كلت انتقم منة ببناتة وجنت ناوي على ترف بس شفتها ماتفيدني خليت كل تفكيري على روح مااعرف ليمتة وشلون بس اكو شعور حب بداخلي تجاهة ومو مشاعر عادية هواي قابلت وسويت علاقات بس ما يوم حسيت بهذا الاحساس صح مرات اذكر شسوة سلمان بس احاول اذكر نفسي واقنعها ان روح مالها ذنب
سمعت اذن اذان الفجر غمضت عيوني ورفعت راسي للسما واردفت
الحبتر... يـالله
كمت من مكاني وفز انهد شافني وكام اشرتلة براسي حتة يلحكني مشيت كدامة وهوا اجة بصفي
اتمشيت الاقرب جامع يمهم اشرت الانهد يكعد
الحبتر... اكعد هنا لا تتحرك
قبل لا اطب للجامع رحت للحمامات غسلت واتوضيت ودخلت لكيتهم مخلصين صلاة الجماعة وكفت بصفحة وصليت صلاة الصبح
اول مابديت اصلي جان اكو تردد كلش جبير بداخلي بسبب عصياني لله بس من مر وقت حسيت براحة ماحاسها من قبل طمأنينة بحياتي
خلصت صلاة الصبح وسجدت
الحبتر.... الحمد لله الذي افاض علية بالنعم والذي اتابني ووفقني على الطريق الصحيح انتَ الهي وانه عبدك الضعيف انتَ الغني وانه الفقير انتَ الغفار وانه المذنب التائب النادم انتَ الكبير وانه الصغير انتَ المالك وانه المملوك ومن يرحمني غيرك يالهي
حجيتها وشلت راسي عن السجادة
اجيت اكوم واجة رجال جبير بالعمر يوزع علك انطة الي بصفي واجة وكف كبالي ابتسم وشال علك من السلة الي بأيدة قدمة الي وحجة... تعال اشدة بأيدك وخلي الحسين يكضي حاجتك
الحبتر... لا مو بأيدي اريد اضمة العزيز
انطاني اياه واردف.. الله يحفظك انتَ وعزيز كلبك
اخذتة منة بأيد ترجف اتشكرتة وضميتة بجيبي ليمتة ما اشوف روح اشدة الها بأيدها
طلعت من المجامع وانه مرتاح وذاب كل حملي ومتوكل على الله
لكيت انهد واكف بمكانة وينبح على الرايح والجاي اشرت الة بجيني اجاني يركض
الشمس طالعة وبوضح طلعت تلفوني باوعت للساعة بـ الستة ونص
التفتت الانهد وحجيت
الحبتر.. اتأخرت عليك حبحب
نبح واتقرب يم رجلي ابتسمت
الحبتر... خوفي تطلع بس انتَ تحب الهلاك
مشينة البيت روح واول مادخلت بفرعهم لكيت سيارة ابن عمتها حركت وراح
وصلت يم بيتهم ورجعت اتصلت على ترف جاوبتني بسرعة وحجت
ترف... انيي متأكدة طلاكي يصير على ايدكك
الحبتر... شبيج من صباحية الله دكولي صباح الخير
ترف... صباح الاسود علية وعليك
الحبتر... السانج هييي ترا ماناقصنيي
ترف... اوووي عشتووو شتريد البارحة متصل علية يعني كول مرة متزوجة عيب اتصل عليها بهيج وقت بس ماعندك ذوق
الحبتر.. مو مهم هذا الحجي اريد اتفتحين اذاناتج عدل وسمعي الي راح اكولة
ترف... اي بلا
الحبتر...روح وينها وشكاعد تسوي هسة؟
ترف...روح نايمة ومن تكعد عمو يكعد يمها يقرة قرآن وهيا ترد وراه
الحبتر... خوش حجي اريدج بهاي الايام اديرين بالج على روح وضروري تخلينها تحفظ احد ارقامكم
ترف.. اختي هاي مايحتاج توصيني وهيا حافظة رقمي الجديد
الحبتر... الحذر واجب انه يومية راح اتصل عليج اي شي غريب يصير اريد انه اول واحد اعرفة تمام
ترف.. خوش
الحبتر.. تعرفين تمسحين تصوير من الكامرة؟
ترف... ايي اعرف
الحبتر.. يلا عفية على السريع روحي حذفي تصوير البارحة وهسة
ترف.. ماشي
الحبتر.. لا كاعد
ترف..شكد تافه
الحبتر.. بس مو بتافهة زوجج
ترف.. تاج راسك
جريتلها زيج رباعي وسديتة اخذت انهد ورحت للبيت
••••••••••••••••••
روح
حسيت بترف طلعت وصوت الباب ينسد
روح.... منو وياي؟
جاوبني صوت مو غريب علية وسامعتة بس ماعرفت اميزة ولا اتذكرتة
.... اناا خنجررر روح الحبتر اندعم وحالتة خطرة ويريد يشوفج
رجفن شفايفي بخوف وحجيت بخوف
روح.. ها شنو كلت؟
خنجر... الحبترررر حالتة خطرة ويريد يشوفج رااح اجيي عليجج بسس مااريد احدد يعرفف الطيرر مايعرف
نزلن ادموعي وشهكت
روح.. محدد يعرف بسس تعال بسرررعة عفية
خنجر.... تمام انا بالطريق
روح.. شلون راح تدخل؟
خنجر.. معليج اناا ادبرها
سداه وانا ماميزت اذا هذا الصوت الخنجر او لا
الرجفة سيطرت على جسمي والرهبة دبت بقلبي نزلن ادموعي اربعة اربعة وخرت البطانية عني وكعدت ومديت رجلي واتلمست الكاع من حسيت طخيت بالارض مديت رجلية اثنينهن ونزلت رفعت ايديه حتة اشوف خاف اطك بشي مشيت للكنتور كبل على حسب وصف ترف من حسيت ايدي طكت بباب فتحتة ومديت ايدي بصعوبة يلا اخذت شال خليتة على راسي ورجعت كعدت على الچرباية على نفس المنوال
البيت هدوء واعتقد كلها نايمه والوقت متأخر
رفعت راسي ليفوك وغمضت عيوني ونزلت دمعة منهن حجيت بصوت واهن بضعف بكسر
روح.... ربي احفظة الي انتَ قادر على كل شئ
انفتح الباب بسرعة فزيت من مكاني وضليت اتفلت
روح.. منو انتَ؟
ماجاوبني بس حجة.. اششش
كمت من مكاني بصعوبة وحجيت
روح... خنجر لا تكضني بس دليني الطريق وانا امشي
ما اجاني الجواب صحت بصوت عالي
روح... ويننك خنجرر
ما احس الة بشي حاد على رقبتي رجف جسمي وشهكت
روح.. منو انتَ
بادن رجليه وما اكدر اوكف عليهن ما اعرف شنو خلة على انفي بس شميتة فقدت وماعرفت اي شي يصير
•••••••••••••••••••
ترف
كعدت ثاني من الصبح لأن عندي دوام رحت غسلت ونزلت جوة كالعادة عمو وعمة يتيركون بالحديقة رحت يمهم
صبحت عليهم وباوعت المكان روح فارغ
ترف... شعجب عمة مامكعدة روح
عقدت حواجبهة عمة وحجت
أمل... شبيج من الصبح غير انتِ دازتلي رسالة من تلفونها وكتيلي لا تكعدين روح من وقت شبيج
فتحت عيوني بصدمة وصحت
ترف... اني ما دازة شي
حجيتها وركضت للبيت دخلت ورحت الغرفتها فتحت الباب وانصدمت من منظر الغرفة مخربط وروح ماكو صرخت بصوت عالي اجو كلهم على صوتي
ترف.. ماااكووو اختيي وينهااا
باسل.. دكولي يالله عمو خاف بالحمام
هزيت راسي بنفي ورحت للحمام للعلم متأكدة ماموجودة بس اصبر نفسي فتحت باب الحمام ومالكيتها افتريت ودورت البيت كلة ماكو نزلت جوة لكيت علي يباوع بالكاميرات
نزلن ادموعي واني اتلفت بالبيت والوم روحي
علي.. ماكو اي تصوير حاذفين كلشي
شهكت ببجي وصحت
ترف.. شلون جا اختي وين راحتت
سكت لأن مابيدة شي البيت كلة انخبص عمو باسل طلع يدور عليها بالشوارع وعمة راحت تدعي رفع علي نظرة الي وحجة
علي... ليمتة اخر مرة شفتيها
ترف.. البارحة بالليل اتصل عليها رقم جاوبتة وانطيتة الها وكلتلي طلعي
صاح بصوت عالي فززني من مكاني
علي..... شلوووونننن اطلععين واتعووفينهااا وحددهاا ولاا متصل بيهاا رقمم غريببب شلونن اتفكرينن انتِ
نزلن ادموعي اكثر ووالرجفة سيطرت على جسمي كعدت على التخم غطيت وجهي بأيدية وبجيت لوتني بطني حيل باوعت العلي وحجيت بألم
ترف... اريد اختي
كام من مكانة واتقدم يمي حضن راسي وحاول يهديني
علي.. ترجع ان شاء الله
ترف.. انتَ هيج تكول؟
هز راسة بأي واخذ سويجة وطلع كمت صعدت فوك لكيت تلفوني يرن اخذتة من على المخدة وباوعت لعدد المكالمات الي داكهن هلاك بلعت ريكي وخايفة منة اذا ارد شنو اكلة فجأة اتصل جاوبتة بتردد وخليت التلفون على اذني
الحبتر... ليشش اتأخرتي يلا رديتي؟
ترف... هلاك
سكت ورجع صاح
الحبتر.. شبيييهااا رووح؟
انملت عيوني بالدموع وحجيت بصوت متقطع
ترف... م ماموجودة بالبيت ما نعرف وينها
مجرد ماحجيتها سداه انهاريت بالغرفة وشعور الندم ياكل من روحي اذتني بطني حيل بس اتجاهلتهة كل همي اختي كمت من مكاني ورجلية كوة واكفة عليهن جسمي كل يرجف نزلت جوة لكيت مَلك تروح وتجي رفعت نظرها الي وحجيت
مَلك.. ها ترف ماكو خبر عنها
هزيت راسي بنفي وكعدت على الدرج وايدية على راسي مر وقت مو طويل واندك الجرس والباب بقوة راحت مَلك فتحتة شوية ودخل هلاك ووياه ديسم وخنجر ومَلك دخلت وراهم مصدومة باوعلي هلاك بلوم وعتب نزلن ادموعي اكثر واحس الوجع صار يدب بروحي كمت من مكاني ونزلت يمهم رحت يم هلاك وحجيت بدموع
ترف.. هلاك والله ما الي علاقة
حجيتها وشهكت باوع الارجاء البيت وبعدها باوع الي
الحبتر... شصار ووينها
ما كدرت احجي من ادموعي والشهكة الصارت عندي صاح بصوت عالي ومَلك حجتلة الصار
خنجر... مامعقولة تطلع من البيت ووحدها من سابع المستحيلات
دخل علي والغريب من شافهم ماحجة اتقدم يم هلاك وخلة ايدة على كتفة وحجة
علي... وياك احنة ترجع ان شاء الله
التفت العلي وهز راسة بأي وطلع تلفونة وراح طلع بالحديقة ضلو الولد بالبيت وبس يتصلون شي بعرف وشي بواسطة حتة يقدمون بلاغ للشرطة لأن مايقبلون الة بعد 24 ساعة
لـ 12 الظهر وماكو اي خبر
دخل هلاك من برة وجهة اصفر وتعبان وظهرة محني فرك وجهة وباوعلي وحجة
الحبتر... اريد مصلاية
هزيت راسي بأي ورحت جبتلة سجادة من غرفة عمة وانطيتهة الة راح بالديوانية يصلي انطيت للبقية وراحو صلو رحت للحمام حتة اتوضة
بس حسيت بشي نازل علية رفعت ملابسي وانصدمت من شفت دم بس قليل انهبطت بمكاني من الخوف لا ياربي مو اختي وابني مرة وحدة مو كد اختبارك يالهي اموت وراهم والله
كضيت بطني وعصرتهة بألم طلعت من الحمام وكوة مشيت للاستقبال اشرت العلي يجيلي عقد حواجبة وكام من السجادة واجة يمي رحنة على صفحة
علي.. شبيج حبيبتي؟
شهكت وحجيت بدموع
ترف... علي بطني جاي انزف
فتح عيونة على وسعهن وصاح
علي... من ليمتة وليش ساكتة
مسحت ادموعي وحجيت
ترف... قبل شوية
هز راسة وسحب ايدي دخلنة الغرفة عمة خلاني اتمدد على الچرباية وطلع علي شوية ودخل هوا وعمة اجتني وضلت تسئلني عن حالتي
أمل.. ماكو شي يخوف اذا ماكو وجع قوي بس نامي ورفعي رجليج
ترف.. متأكدة عمة؟
أمل.. لا تخافين متأكدة بس ضلي متمددة ولا تتحركين من مكانج
طمنتني وطمنت علي وطلعو اثنينهم وسدو الباب ضليت متممدة بس روحي تلوب اريد اعرف خبر عن روح شوية و سمعت صياح هلاك وصارت هوسة
مااتحملت اضل متمددة كمت من مكاني على السريع ورحت يمهم لكيت هلاك كاض تلفونة فجأة صاح هلاك
الحبتر... للللك حااازم عررفتكك انتَ ياااك*** ولك شعرةة لو مسيتو من راس روح امحيكم كلكمم نفس مامحيتت اخوك لكك والله وبالله ووحق جلاتلة اذا ما موتك يصير على ايدي مااطلع انه الحبتر
فزيت من مكاني بخوف من سمعت حازم الة علاقة بروح
دكت عمة على رجليهة وصاحت
أمل... ولكمم شتردون من البتتت شتردون منهاا مو راحتت ماتت من وراكمم الله اكبرر عليكم حوبة هاليتيمة ماتتعداكم
جاوبة حازم بحقارة
حازم... اذا انتَ كدها عود الكانة وكتها نتفاهم سوة لو من البداية قابل بعرضنة وهذاك علي خلي هسه الاوراق تفيدة
اشر هلاك بعيونة العلي افتهم وبسرعة فتح اللابتوب الي مخلينة يمهم وربطة على تلفون هلاك وبدة يسجل
الحبتر.. الكاكم شنو مثلاً مااكدر عليكم كدرت على الاخس منكم وساعتها اذا ماشكيتكم وشكيت الخلفكم شاربي مو علي
ضحك حازم وحجة بشماتة
حازم... جان زينت شاربت من اخوي لعب ب** اختك لعب
شهكت بصدمة من حجة هيج وهلاك عقل ماضل براسة ماكو غلطة ماغلطها عليه شال التلفون وشمرة بالحايط وخلة ايديه على راسة وكام يفتر انخطف لونة ووجهة صوفر بحيث ايديه وهوا مثبتها على راسة واضحة الرجفة بيها
دخل خنجر وديسم لأن من ورة الصلاة راحو للمركز باوعو الهلاك وهوا مامنتبه عليهم فتح دكم القميص وفرك مكان صدرة ووجهة عرق ما اتحمل بعد وراد يفقد توازنة بس ركضولة الولد قبل لا يطيح بالكاع مشينة الة وديسم ايدك على وجه هلاك بس مايرد فاقد شالوه بصعوبة وطلعو برة راح علي وياهم وصعدوه بالسيارة وراحو ضلينة بس احنة نلوب
من غير عمو باسل الي طلع من الصبح والهسة ماكو اي خبر منة وضعنة مايحسد عليه كضيت ظهري بألم ومشيت كعدت على التخم
كامت مَلك جابتلي اكلاص ماي اخذتة منها واتشكرتها شربت شوية وعفتة على صفحة
انفتح الباب عبالنة هما رجعو بس طلع عمو باسل كامتلة عمة وتسئلة عن صحتة لأن مبين تعبان ومن الصبح طالع وحتة تلفونة ما ماخدة كعد على التخم وصفك ايد بأيد وحجة
باسل... ماكو فص ملح وذاب شوارع البصرة فريتها فر ماكو وينها ما ادري
فركت عمة ايديها بحيرة وحجت بتردد
أمل... عرفنة وينها
باوعلها بأندهاش وكام من مكانة
باسل.. وينها؟
أمل... يم اخوان سلمان
باسل.. ايي جا امشي انروح الهم ونجيبها
أمل... شبيك ابو محمد صدك تحجي يعني خاطفينها ومخلينهة بنفس بيتهم؟
مسح عمو باسل وحجة بقلة حيلة
باسل... عقل ماضل براسي والله راح اتخبل
رجع عمو كعد وعمة راحت تجيبلة علاجة باوعت المَلك كاعدة على الدرج وايديهة على خدها وتباوع النة اتنهدت واخذت تلفوني اتصلت على علي ماجاوبني ضليت بالنص ساعة اتصل عليه يلا رد
علي... ها ترف
ترف... ماصار شي جديد وهلاك شلون صار؟
اتنهد وجاوبني
علي... هلاك طاكتة جلطة
شهكت وصحت بأسف
ترف... لا خطية مايستاهل
علي...وهسة مايقبل يضل بالمستشفى خلوه على السديه حتة ينام مكعدنة عليهة وهوا كايم يروح ويجي المهم عرفنة خيط يوصلنة الهم وجايين للبيت لأن ماقبل يبقة بالمستشفى
حجاها وسداه رحت طمنت عمة وشوية واجو هلاك بأيدة كانونة ووجهة كالبة بحيث احس لو بس نحجي وياه يكب بوجهنة كعدو وعلي فتح اللابتوب سجلو الرقم الي حازم اتصل بي عليهم ضل علي يشتغل عليه الوقت طويل الحد ما رفع راسة واتنهد
علي... كدرت احدد موقعهم بس للاسف الرقم مغلق
ديسم.. واذا؟
الحبتر... يعني قصدك احتمال ايغيرون مكانهم
علي... كلشي اتوقع منهم حتة احتمال اتصلوا علينة وهما مو بمكانهم
خنجر... ما اعتقد هما بهذا الذكاء
سكت هلاك وباوع على الكانونة بأنزعاج شالها من ايدة بسرعة صاح عليه خنجر
خنجر... ليششش
الحبتر... معليك.... باوعلي واسترسل بكلامة.... اريد شال من شالات روح
هزيت راسي بأي ورحت على السريع جبتلة شال لونة اسود اخذة مني ولفاه على رقبتة واشرلهم حتة يكومون
كامو بسرعة حتة يرحون للمكان ضلينة ندعي حتة بس يلكونها ورة ساعات وساعات وماكو اي خبر منهم نتصل ومايردون بطلاع الروح يلا جاوبني علي بسرعة حجة
علي... مالكيناها مغيرين مكانهم وراح نغلق تلفوناتنة بس تلفون هلاك يبقة مشتغل ولا تتصلين علية
حجاها وسداه ايسنة والحزن ملة البيت كلة عمو تعبت صحتة بشكل واني الم ظهري وبطني ماخفن
•••••••••••••••••••••••••••••••••
روح
فزيت على الم راسي القوي فتحت عيوني على كيف شفت غواش بس مو واضح رجعت غمضتهن وعقجت وجهي بألم حسيت بأيدي ورجليه مربطات سرعان ما اتذكرت الي صار اجيت اصرخ بس سمعت اصوات الاشخاص مو قليلين كدرت اميز صوت واحد منهم الي هوا حازم حسيت بخطوات كدامي بلعت ريكي بخوف وحتة صوتي انقطع همست بصوت متقطع
روح... م منو انتَ؟
جاوبني وهوا يمرر اصبعة على خدي
خالد.. ياحسافة ماتعرفين صوت ابن عمج خالد؟
عرفت هذا الصوت نفسة الي اتصل علية وخرت وجهي عنة وتفلت عليه مااعرف اذا طاحت عليه او لا صحت بصوت عالي
روح... شتررردوون منييي طلعووني مناااا
سمعت حازم حجة
حازم... ها كعدت
خالد.. اي
روح... لكك حازممم شترررريد منيي ووينن جايبنيييي
جابر... ناخذ الي نريدة منج ومن الحبتر وعلي وانعوفج ونشوف ساعتها منو يكلبج نايمة وية ابوها وهيا زغيرة وهسة وية فد اربعة خمسة
فتحت عيوني بصدمة واتعلثمت من كلامة انتفضت وصحت
روح.... ايددكم الوصخة ديروو باللكم اتمدونها علية
ضحكو بأستهزاء وهما مو مهتمين الكلامي انتبهت النظري اشوف بس مغوش عيوني بيهن الم مو طبيعي وراسي احسة يدب دب بلعت ريكي من
حسيت بأحد يتلمس جسمي شهكت بخوف وضليت ادفع برجليه الرجفة سيطرت على جسمي اعرف هاي لمساتمن اعرفها كلش زين هذا حاتم شهكت بدموع وضليت مقيدة
مااكدر ادفعة ولا اكدر ادافع عن نفسي وهوا يضحك خلة ايدة على شالي وانا صحت بصوت عالي مانعتة علة صوتي وهما ضحكهم يزيد فجأة اتذكرت الي سواه بية سلمان وخفت خاف تنعاد
عاجزة عن الحركة وهما يتلمسون بجسمي كرهت نفسي وروحي وكلشي رفعت راسي ليفوك صحت بصوت عالي ومن اعماق قلبي
روح... هلااااك
حجيتها وبادت روحي حتة صوتي الي هوا الاداة الوحيد الي ادافع بيها عن نفسي راح
جرني خالد من شالي وحجة بحدة
خالد.. ولجج وااحد مثلل علي يشررد مرتيي مني ويهددنيي اذا مااطلع سوايتة بيج بسيطة
حجيت بصوت مبحوح من الصريخ
روح..انا ما الي علاقة لا بيك ولا بمرتك
حازم.. عوفها خالد خلي انخابر على الحبتر وبعدين عود نرجع الها
حسيت المكان فرغ بجيت بحركة وانا اباوع الحالي عاجزة بيناتهم بقلب متهشم وروح مغادرة الجسد
هاي حياتي من اول مافطنت جبتها تعب بتعب كلشي صار وراح يصير مو ذنبي انا هذا قدري ومكتوب علية
اريد ادافع عن نفسي بس احس هاي نهايتي ضيق بصدري وافكر منو هسة الي يدور علية وهلاك شلون بي
نزلن ادموعي و صحت بصوت مكسور
روح.. اررريد امييي اريد انام بحضنهاا
مااكدر اتحمل بعد اريد اموت كافي تعبانة وحق ربي كافي
سكتت واحاول اسمع الي يحجونة بس هما مبتعدين تعبت من البجي والصياح اتخذت وضع الصمت وانا اباوع شنو الي يصير بية
ضلو الفترة طويلة ماموجودين حسيت نظري شوي اتحسن انفتح الباب ودخلو يضحكون صارو داير مدايري ويبتسمون بشماتة اتقدم حاتم وانا صحت بصوت عالي
روح.. لااا تتقررب وخررررررر
حازم...تاليتج تستسلمين النة نفس امج
روح... تففف عليكممم حسبببي الله ونعم الووكيل بيكم
اتجاهلوني وحاتم مشة ايدة على رجلي وصل الفخذي وعصرة بأيدة شهكت ببجي وحجيت
روح... يدمرك والله ايدك المديتها على جسمي يخليها بصف قبرك وحق ربي مايخاف من اكبر واحد بيكم
حجيت هيج وخالد هجم علية ضربني راجدي وصاح
خالد.. شنوو اتهددينة بييييي
رفعت وجهي الة وحجيت بثقة
روح... لا مااهددك بسس جاي اكلكم شنو الي راح يصيرر بيكم
جابر.. عوفي الي راح يصير بينة وشوفي شراح يصير بيج
حجوها واجو فتحو رجلية وايدي حاولت ادفعهم بس ماكو جدوة ضليت ادفع بس هما اربعة ووياهم واحد وانا وحدي اريد اقاوم بس احس هاي نهايتي
دافعت عن نفسي بكل قوتي بس ماكو فايد خلوني بالكاع وانا اتخبلت ضليت ادفع بيهم اجيت اكوم من مكاني ودفعني خالد بقوة على الكاع غمضت عيوني بألم من ظهري
جرو ايدية اثنينهم وربطوهن بحديدة ورجليه نفس الشي نزلن ادموعي وضليت اصرخ واتوسل بيهم صوتي اتشخط ووهما كل ما ازيد يضحكون مد حازم ايدة على شالي يريد اينزعني اياه
روح... بداعت ستر عرضك وستر زينب لا تسوون بية هيج حرام ماتخافون من الله
ابتسم بأستهزاء وكأنه مامهتم الكلامي جر شلاني ونزعني اياه بقوة شهكت وشعري انفتح غمضت عيوني وانا اتذكرة من يوصيني على شعري وشلون غالي عليه
اردفت بصوت متوسل
روح.... عووفونييي عليكممم الله
ماجاوبني وكف خالد كبالي وفتح حزام بنطرونة فتحت عيوني بصدمة وصحت
روح..... لاااااا يااااا كلبببب لاااا عررضككك اناااا ياعديم الشرفف
خالد... هسة اشوفج شسوي بعرضي
غمضت عيوني والرجفة سارت بكل جسمي دعيت من الله ان ماتنعاد علية هذيج اللية
سمعت صوت واحد صاح... بسرعةة طلعوو لكوو مكانة
فتحت عيوني وانا اباوع الوضعهم اتخربط صاح جابر وهوا يخفي خوفة
جابر.. يلا اخذوها وبسرعة خلي انغير مكانة
ضحكت بشماتة وحجيت
روح... موو كلت الحبتر مايخليكم اتمسون شعرة مني
شال خالد رجلة وداس على رجلي ابتسمت وماصحت للعلم جاي اتوجع بس احس كلش عادي واتعودت اصلاً
اتنرفز وعصب من شافني ما اهتم طفر علية وكض شعري قوي خلة وجهة بوجهي يريد يبوسني تفلت عليه وطاحت بنص عينة
غمض عيوني وهز راسة بتوعد ضرب راسي بالكاع وراد يرجع يضربة بس اجة حازم وصاح
حازم.. موو ووكتك هسة فلهاا بساع وطلعوو
عاف شعري وراح فتح رجلي وايدية
ردت اركض بسرعة بس فكرت قبل لا اتسرع ان لا بد اكو طريقة حتة اطلع ومو صعبة عليي مثل ماطلعت من سرداب الحبتر اطلع منا
ضليت مغمضة عيوني وموهمتة ان انا فاقدة شالني وانا لعبانة نفسي وكوة مصبرة روحي خلاني ورة وصعد وحرك السيارة فتحت عيوني على كيف باوعت الة كاعد حازم بصفة وبصفي حاتم بسرعة رجعت غمضت عيوني واسمعهم يحجون
حاتم... منوو دلاهم على مكانة
خالد.. انا لو اعرف يلكونة ما اورط روحي اذا كضونة لا عبالك يعوفونة سالمين
صاح حازم... وشبيكمم خاايفينن من الاول اذاا ماااتردون تشاركونة المن تجون وانتَ خالد مو علي شرد مرتك وخلاك اطلكها غصباً عليك وهددك ماتريد اطلع اسوايتة بيها
خالد... اييي اييي بس اذاا كضوني علي عندة اووراق ضدي توديني ورة الشمس
حاتم.. سهلة ما انسلمها الة لمن الحبتر يكتل شهاب وعلي يسلم الاوراق
حازم.. الله كريم هسة خلي نوصل وين امودينة انتَ
خالد.. عمي جابر ودالي عنوان بستان صاحبة
حازم.. وانتَ اتصدكك جابر هسة بلا صاحبة ما يدريي بهاي السالفة
حاتم.. لا يدري ومتفق وياه على كلشي
ماكدرت افتح عيوني واشوف الطريق نفس ماجنت مخططة بديت أيس بس ضليت اذكر نفسي ان الي طلعني من سرداب الحبتر يكدر ايطلعني منا ضليت ادعي الحد ماحسيت السيارة وكفت نزلو منها وفتحو الباب شالني وانا مشمئزة منة
دخلنة جوة ومااعرف وين احنا ولا وين جايبيني خلوني بالكاع وطلعو بسرعة فتحت عيوني باوعت للمكان الي انا بيه غرفة من حديد حيل كبيرة وعالية بيها كراتين وجياس مالت طحين ويمكن تمن اتنهدت وعدلت كعدتي خليت راسي على الحايط وغمضت عيوني ببجي ماادري اذا هاي نهايتي او لا
هل راح اكمل لو بس لهنا وحدي وية حياتي
قوة ماضلت عندي حتة ادافع بيها عن نفسي وروحي
كمت من مكاني رجلية مايعينني بس اجبر نفسي ضليت افتر بالمكان واتفحصة وانا حاضنة نفسي احاول ادفي روحي لأن الجو برد واحنا على ابواب شتا
باوعت لجياس الطحين حاولت اختل وراهن بس ما اكدر احركهن خلص صبري وبديت افقد الامل خليت ايدي بحلكي وعضيتها بكل قوة وادموعي نزلن اريد اطلع اريد اروح
للبيت
سمعت صوت خطوات برة بسرعة رحت كعدت بمكاني وضميت رجلية الصدري وعصرت بطني من الجوع انفتح الباب ودخل حاتم وسداه استقر نظرة علية وابتسم اتقدم ناحيتي وانا رجعت ليورة اكثر كعد على تك رجل ورفع ايدة يريد يكض شعري فزيت بسرعة وبعدت وجهي حجيت بصوت متلكأ
روح... ش شتريد مني
مشة ايدة على رجلية وحجة
حاتم.. شبيج خايفة انا وحدي ولا كلهم وياي
دفعتة برجلي وصحت
روح.. يااخايس يا نكس يا سا** حرام عليك عندك خوات ماتخاف عليهن
ابتسم وحجة بأستهزاء
حاتم... خواتي محد يكدر يمسهن
رفعت نظري الة
روح... الله يمهل ولا يهمل
اتخبل من حجيت هيج هجم علية واتلاوة وياي خلة ايدة على بلوزتي وشكها بالنص ضليت ارفس بيه وابجي احاول ابعدة بس مايبتعد ضل يضرب بية وانا من الالم حتة ماحركت ايدي ودافعت عن نفسي من ضربة نزل نظرة الجسمي همزين لابسة تشيرت اسود جوة بلوزتي شهكت بألم ورجعت ليورة بالزاوية هز راسة بتوعد وكام طلع
جسمي ما احس بي من الضرب وعيوني غوشن ضليت ارجف من الالم والجوع والبرد
انتظرت يمر وقت وكمت بصعوبة رحت يم الباب وحجيت
روح... منو هنا فتحو الباب اريد اروح للحمامم بسرعة
ماجاوبوني رجعت دكيتة وحجيت
روح.. فتحوو الباب اريد اروح للحمام
فتح الباب هذا الي وياهم باوع الحالتي والبلوزتي اتجاهلتة وباوعت للمكان وراه اكو غرفة واكو ممرين ما اعرف المن يودن
روح... وين الحمام؟
اشرلي على غرفة صايرة وراه اتعديتة ورحت دخلت وغفلت الباب خليت ايدي على خشمي وانتظرت يمر وقت حتة يمل ويروح عصرت راسي وحاولت اتذكر الممرات والغرفة منين صايرة
بقيت افكر بخطة وشلون اطلع منا باوعت للحمام ماكو اي فتحة منة اندك الباب وحجة
... يلا طلعي
بلعت ريكي وغمضت عيوني واستغفرت الله ماعندي غير هذا الحل فتحت الباب على كيف وابتسمت الة وحجيت
روح... شبيك مستعجل ماتريد تدخل وياي!؟
بلع ريكة وباوعلي ابتسمت بوجهة عكس الي بداخلي ضحك وحجة
... طلعتي مو هينة
روح... ادخل وشوف
هز راسة بأي ودخل مجرد مادخل دفعتة بقوة وطلعت سديت باب الحمام وركضت بأحدى الممرات عسة ولعل اطلع منهن فجأة سمعت صياحة واصل الي يعني سمعوه عرفو شردت
اتوترت اكثر بس ضليت مصرة لازم اطلع منا ضليت اركض بالممر حيل طويل سمعت صياحهم وخبصتهم علية وواحد يلوم بالثاني بهت وجهي من سمعت خطوات ركض وراي التفتت وشفتة خالد يركض بأتجاهي بس بعيد عني
ضليت اركض الحد ماوصلت الباب على ماردت افتحة وصل الي جرني من شعري بقوة التفتت وباوعت الوجهة رفعت ايدي ودخلت اصابعي كلهن بعيونة عاف ايدي وغمض عيونة متألم
فتحت الباب بسرعة وطلعت برة اركض بقوة تعبت من قلبي بس بعدني مستمرة اركض لازم اطلع من البستان لأن مالت صاحبهم واكيد يندلونة شبر شبر
اخر شي انقطع نفسي وماكدر اكمل ركض وكفت خليت ايدية على اركبي حتة اجر نفس
رفعت نفسي والتفتت حيل بعيدين علي
ابتسمت وحجيت بنصر
روح... اشرد منكم وداعت روح امي مااخليكم تمسون شعرة مني بعد
حجيتها ورجعت اركض طلع الفجر وانا بعدني تايهة وما اعرف وين انا البستان حيل كبير ومااندل
سمعت صوت وراي التفتت وشفت مرة شادة عبايتها على خصرها
وشايلة كونية على ظهرها بلعت ريكي بخوف ورجعت ليورة ما اعرف على شنو دست وطلع صوت بسرعة رفعت راسها وضلت تتلفت ادور على الصوت وانا اتيبست بمكاني استقر نظرها علي وفتحت عيونها بصدمة وشمرت الكونية بالكاع وطلعت سجين من جيبها صاحت بصوت عالي
.... بتمننن انتِ وشعندج هناا
رجعت ليورة وانا اباوع الها يعني اخلص من هذوليج تطلعلي هايه باوعت الشكلي والشعري ورجعت صاحت بتحذير
.... احجيي منهوو انتِ وشجرالج
وكفت بمكاني اريد انطق مااكدر من الخوف فزيت من مكاني من اتقربت يمي حجيت بصوت متلكأ
روح.... خ خالة حبابة خليني اا اطلع م منا بس يلكوني يكتلوني والله اعتبريني بنتج وطلعيني
حجت بشك... منهو هما الي يذبحوج
روح.. ع عمامي
.. شمسوية ولجج
نزلن ادموعي وحجيت
روح.. والعباس مامسوية شي
.. سلام الله عليه وشلون ترديني اصدكنج بلا طلعتي عصابجية
ملت راسي وحجيت
روح.. خالة هذا شكل وحدة عصابجية
باوعتلي من فوك ليجوة محتارة وبشك سمعت رنة تلفون مدت ايدها بجيبها وطلعت تلفون صرصور
عقدت حواجبهة ومبينة بصعوبة يلا قرت مدري شافت الاسم داست دكمة وخلتة على اذنها وهيا تباوع الي باوعتلها بنظرات متوسلة خاف هما عرفو بية واصلة هنانه
ولا زالت الحكاية مستمرة
باجر الجزء الثالث والاخير ♡
تصبحون على خير زهـراتي