صباح الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +التعليق بين الفقرات ++احبكم زهـراتي
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــ
ترف
مرن الايام واني ملتهية احظر نفسي بحيث الوقت والايام مرن بسرعة وماضل غير ستة ايام للعرس من غير التوتر الي صايبني
مَلك.. شبيج ترف والله هذا الفستان احلا
ترف... انجبي مليكة ما عاجبني
مَلك.. هذا عاشر فستان وتكولين ماعاجبني
ترف... اهو جا غير عرسي واختار على كيفي
طلعت مَلك من الحساب مالت بدلات العرس وسدت اللابتوب واردف
مَلك... لو ترحين المحلات وتشوفين بعينج افضل
ترف.. تعبانة وابو الحسن شنية يومية رايحين حتة اهل المحلات حفظو جهرتنة
ضحكت وجاوبتني
مَلك... جااا شلون تضلين بية فستان
ترف... الله كريم عود باجر اشوف ريلي ياخذني
مَلك... لا ترحون وحدكم
ضحكت بصوت وصحت
ترف... اتعلمتيهة من روح
هزت راسها وضحكت واني اخذت اللابتوب وكمت طلعت من الغرفة وسديت الباب
باوعت للساعة بالعشرة بالليل اجيت اصعد ونزل علي مبين ضايج ومو على بعضة ابتسمت وهوا وصل يمي استغرب حالتي واردف
علي... صاير عاقل صديقي سمعت بالعرس وعقلت؟
طكيت بعلجي بغرور واردفت
ترف.... اني عاقلة من الاول
علي.. وابو الحسن صح
ترف... انجب لا تحلف بأبو الحسن بس اني احلف بيه
مد ايدة الخصري وكرصني قوي صحت بألم وخليت ايدي على مكان الكرصة
ترف... شبيككك اتكرص شبيك ترا هسة ابطل من العرس
علي.. انا لو انتِ وين اكو وحدة قبل العرس بست ايام تكول الرجلها انجب
ترف.. لا والله انتَ بس صير على ذمتي اشبعك مسبة
غمز واردف
علي... ولك صديقي انا هسة على ذمتك سوي التريدة
ضربتة بصدرة وضحكت اجيت اعبر واتذكرت التفتت الة وسئلتة
ترف... شبيج ضايجة ام علي؟
علي... اريد اطلع اريد ادوامم بالمكتببب شنو هيا اختنكتتت
ترف... كابلني واكعد شفايتلك كاعد يمي
باوعلي بطرف عينة وشوية وابتسم بخبث
ترف... خير شبيك؟
علي.. لك تئبرني ركصيلي
ترف.. وتروح الضوجة؟
علي... وانعل والديها اذا رجعت
هزيت راسي بقبول واردفت بحماس
ترف... يلاااا امشي
علي... من صدك تركصيلي؟
ترف... اي وابو الحسن شكو بيها اني هم ضايجة
ابتسم وعض على شفتة مثل الهتلية صعدت قبلة وشغلت طبلة شرقية دائماً اركص عليها
شوية واجة وجايب جدر وياه دخل وغفل الباب باوعلي وركص بحواجبة
ترف.. شتسوي بالجدر؟
علي... اطبلج عليه وية الغنية
ترف.. شنو تريد تشهرنة
طك اصبع وصاح
علي.... غيرر معرسين انريد نفرح
كعد على كرسي واني ضليت ادور على شال التفتت الة
ترف... ماعندك شال؟
علي... شايفتني البس شالات
ترف... جا بشنو اشد خصري؟
علي...شماغ عادي؟
ترف... ميخالف هم يرهم
كام من مكانة وفتح الكنتور طلع شماغ واتقدم يمي اجيت اخذة منة ماقبل
علي... انا اشدلك خصرك صديقي خاف تتعب
خلة الشماغ على وركي وشداه قوي قرب راسة الرقبتي وباسني بوسة سطحية وابتعد عاد الاغنية من جديد وكعد وخلة الجدر بحضنة وضل يطبل
ابتسمت وبديت اهز على حسب اللحن واني منا صارلي فترة ماراكصة من جد ركصت من كل قلبي وهوا بس صافن ويبتسم تغير وضعة وعاف الجدر نزع تشيرتة وضل بس بالفانيلة سند ظهرة على الكرسي وجر باكيت الجكاير ورث جكارتة وضلن عيونة تتجول على جسمي خلصت الاغنية وشغلت وحدة ثانية اغنيتي المفضلة.... شيك شاك شوك
هاي نسيت نفسي بيها ونسيت اني كدام منو ركصت ركص ما اعرف بوقتها شنو فكرت من ركصتة بس نيتي جانت صافية نص الاغنية وكام طفاها التفتت الة عركان ويبلع ريكة كام ومشة بأتجاهي بسرعة رجعت ليورة واردفت بخوف
ترف... شبيك علي ليش طفيتها
وصل يمي وجرني من خصري طخيت بصدرة مد ايدة وفتح الشماغ وشمرة مشة ايدة على خصري وغمض عيونة وهمس
على... ادبسزز شسويتي بية
ترف... شسويت
علي... شعلتي صفحتي شعل
قربني الة اكثر ودنك يريد يبوسني بعدت وجهي عنة وصحت
ترف.... شنو هوا اتعلمت وخرر
ضل بس يباوع الي وكوة يجر نفس خفت من وضعة وحالتة دفعتة عني بس مااتحرك فجأة اندك الباب وسمعنة صوت صياح عمة
أما.... ولكك علي طلعع البتت شعدك مخليهة يمككك
ترف... ايي عمة تعاي طلعينيي مايخيلني اطلعع
باوعلي بصدمة وفاتح عيونة على وسعهن دفعني عنة وصاح
علي.... يمة هيا اجتني برجليهة
أمل.... لا عيني سوالفك مو علينة اعرف ترف ماعدها هيج سوالف
باوعتلة ورفعت حواجبي وابتسمت مشيت بدلع من يمة وفتحت الباب وطلعت العمة كضتني من كتفي ومشت بية
ترف.. شبيج عمة ليش هيج كاضتني
أمل... هتلية شعدكم كارصين سوة ادبسززية ماتصبرون للعرس تردون اتصخمون اوجوهتنة
ضحكت بصوت وهيا مشت بية الغرفة روح فتحت الباب ودخلنة شمرتني من كتفي بأتجاه روح بس على كيف
أمل.. هاي اختج اخذيها خليها يمج وانا ابني راح اكضة
عافت الي بأيدها وباوعتلي وضحكت
روح.. شبيهم؟
أمل... لكيتهم بالغرفة وسادين عليهم الباب
باوعتلي روح وخزرتني واني ضامة ضحكتي اعرف هسة اذا ضحكت راح تصير القيامة طلعت عمة واني كعدت يمها على الچرباية
ترف... شتسوين؟
روح.. جاي اخيط بالدكم مالت قمصانج
باوعت الايدها بيها الابرة وبصعوبة كاضتها بسبب رجفة ايدها اخذتها منها وخليتها على صفحة حضنت ايدها وضميتها الصدري
ترف... شكد حنينة انتِ القمصان جدد ليش تخيطينهن
ابتسمت واردفت بحنية وعيونها بيهن ادموع
روح.. امي جانت هيج تسوي من تشترينة ملابس جديدة تخيط الدكم مالتهن جنت اسئلهة ليش هيج تسوي وتجاوبني حتة يضلن هواي عدكم ومايخربن والدكم ايطيحن
اتقربت يمها وحضنتها حيل رفعت راسي وبستها بخدها
ترف.... مشتاقة الحنيتج واخيراً رجعت اختي وامي
خليت راسي على رجلها وهيا ضلت تمسح عليه وتحجي بحنية زرفت قلبي زرف عبالك ام تحجي وية بنتها
روح.. بنيتي كبرت وصارت عروس تجنن عروس بس مو اي عروس وهسة يصير عندها طفل
رفعت راسي الها
ترف... قصدج فريخ
ضحكت وحجت
روح... ميخالف اي و انسميه حبتر حبتوري
ترف.. انجبي روح شنو هذا الاسم مو حلو
روح.. امداج ما اريد ابنج يسمونة حبتر النوب يطلع نفسة اجرب ووصخ ايع هسه انا شذكرني بي
ضحكت ورجعت راسي على رجلها
ترف... يلا كملي
روح.. اي وباجر نسويلها شيرة انا ومَلك
حجيت بفزع
ترف.. لا اني اسوي شنو انتن اتسولي
روح... خاب سكتي بلا وسوالف الشمنوجات ما انريدها احنا انسويلج شنو يمة تستحين من عدنة؟
ترف.. اهو استحي
روح.. ميخالف انسويلج شيرة وعكب باجر انروح للحمام المغربي يجلفونها يطيحون
الوصخ ويراد اخذ الي ابالي ايطيحون وصخة ابو الجرب
ترف.. جا مو معزل الحمام؟
روح.. علي يعرف واحد كاعد حتة بكورونا
ترف.. ها
روح.. اي
ترف.. زين رورو خلي اركصلج؟
روح.. سلامات ترف شبيج مستخفة؟ كومي كومي يلا نامي
هزيت ايدي وكمت فرشت اسناني واجيت نمت يمها على الچرباية حضنتني ونمنة
ثاني يوم العصر رحنة اني وروح وعلي ومَلك نكمل باقي الاغراض انقسمنة قسمين قسم اني وعلي وقسم مَلك وروح راحن يشترن الهن ملابس للعرس كضني علي من ايدي وهمس
علي.. تعال نشتري شغلات مالت فسوقيين
ترف.. لا شكراً ما اريد ولا البسهن
علي... عود خوش نشتريهن ونخليهن بالكنتور
ترف.. كلت لا يعني لا
علي.. وانا كلت نشري يعني نشتري
ترف.. ما اريد
علي.. انا اريد
ترف.. شعلي بيك تريد تشتري اشتري يلا بس مالبسهن
علي.. ولك صديقي يطلعن يفرن العقل عليك
ترف.. ما اريد افر عقلك
علي.. واضح ماتردين لأن البارحة فريتي عقلي وماخليتيني اعرف راسي من رجلية
ترف... انتَ كلت ضايج.. التفتت الة واسترسلت بكلامي.. صدك شبيك ضايج؟
علي... محمد وزوجتة مايكدرون يجون
ترف... ياااا ليشش؟
علي... متوقف الطيران وانا مااريد أجل العرس
ترف.. وشلون هسة؟
علي... ما ادري من جهة محمد يكلي اتزوج خاف تسوء الاوضاع اكثر ومن جهة اريد اخوي وياي
بين كلامنة ورفضي ماحسيت نفسي الة واني واكفة بكوزمتك كدام كم هائل من ملابس النوم اني اشتريتلي روح كم قطعة بس ما اريد البس لميت شفتي للداخل وكورت ايدي احس استحيت من علي اشر على واحد
واردف
علي... شنو رأيج بهذا؟
همست من بين اسناني
ترف... علي عيب امشي نطلع على الاقل اني وروح نشتريهن بس مو اني وياك
علي.. ميخالف صديقي لا تستحي مني
اتأفأت وضل يأشرلي عليهن واني لو اكلة اي لو لا
اشرلي على واحد حسافة بي القماش اصلاً حتة مايتسمة وحسافة بي الفلوس انتفضت وصحت
ترف..اكيد لا شنو هذا حتة ماينلبس
ابتسم بطرف شفتة والتفتت للبنت كلالها ضيفي خزرتة وحجيت من بين اسناني
ترف... علي كلت لا
علي... لا اتعصب صديقي
طنكرت عليه وهوا دفع الفلوس واخذ العلاليك
طلعنة واني مشيت كدامة حسيتة صار بصفي اردف بنبرة حب
علي... شبيج ترفي؟
ترف.. ليش اشتريتهن؟
علي.. بكيفج ترفة لا عبالج اجبرج على شي انا راضي بكلشي منج بس اشتريتهن حتة حالج حال اي وحدة متزوجة ما اريد انقص عليج شي ولو ما هذا الوضع جان سويتلج عرس يلوك لترفة علي
ابتسمت براحة والتفتت الة
ترف... احب اسمي من تكول بياء التملك
علي.. ترفي
كضيت ايدة وهوا ضغط على اصابعي باوع الايدينة ايدي ضايعة بين ايدة مامبين منها غير اظافري الي مصبغتهن احمر
علي.. يواشج على كلبي شنو هالون الحلو
ابتسمت واتصلت روح علينة جاوبها علي ووصفلها مكانة شوية واجن اثنينهن وروح معبسة وجهة وعاقدة حواجبها ومَلك كوة حابسة ضحكتها وصلن يمنة واردفت اسئل
ترف... شبيجن يول
روح.. هاي العوبة اشترت نفس فستاني
ابتسمت واني اشوف علاقة روح وية مَلك متحسنة شوي احسن من قبل وخاصتاً بعد ماشافتها فقيرة وماالهة علاقة حتة بينة وصوتها ماينسمع
مَلك.. شسوي جا اختارت فستان حلو
روح.. المحل متروس فساتين بس من انا ردت هذا اخذتي منة
مَلك.. اي بس انتِ اخذتي بنفسجي واني اخذت غير لون يعني الالوان تختلف
باوعتلهة بطرف عينها واردفت
روح... ترا اطلع الطابوكة
مَلك... اهوو والله خبصتينة بيها الطابوكة والطابوكة طلعيها بلا خلي انشوفها
روح.. متأكدة تردين اتشوفينها؟
مَلك.. اييي متأكدة
هزت راسها وانطتني العلاليك الي بأيدها وفتحت الجنطة مدت ايدها وطلعت طابوكة فتحت عيوني على وسعهن ومَلك رجعت ليورة همس علي من بين اسنانة
علي... ضميها ولج فضحتينة
اتقدمت يمة وهيا رافعة الطابوكة
روح... قصدك انا افشل؟
الناس كلها تباوع النة وعبالهم روح مخبلة بالكوة علي قنعها تضمها ضمتها ورجعنة للبيت
بالليل كضتني روح وكعدتني بالغرفة وسدت الباب التفتت الملك جاي تنقل ملابسي بجنطة حتة يرتبنهن بغرفت الشفية مالتي
كعدتني بالكاع وجابت الشيرة كعدت تملج بيها باوعت البجامتي واشترلي بعيونها ارفعها
ترف.. روح وابو الحسن استحي
روح.. ميخالف بس بالبداية والنوب عادي
ترف.. شنوو بس بالبداية وينن راح باالج ادبب سزز
مَلك... يلا يمعودة فضينة اني بس اكمل الملابس اجي اسوي ايديج
اتنهدت من شفتهن حصرني كمت من يمهن وصاحت علية روح
روح.. ويننن مولية
ترف.. انزعع انزعع ملابسي البس شييي خفيفف ادري هم تردني اتصلخ يمجن قبل لا اتصلخ يم ريليي
بهت وجهة وصاحت
روح... لا يا ما تستحين راحت تربيتي بيج اكو وحدة هيج تكول الاختهاااا
ضحكت بصوت عالي وهيا خزرتني واردفت
روح... روحي يلا
فرشت شعري بغرور ورحت جبت شلحة خفيفة وقصيرة لبستها بالحمام وطلعت اخذت علج ورجعت كعدت مديت رجلي بأتجاه روح
ترف.. بس اتأذيني اشهركم شهيرة
روح.. ما أذيج اصلاً شكرة مابيج شعر بس انسويلج قبل العرس بأيام افضل حتة لا يحصف جسمج
طكيت بعلجي واردفت
ترف...جا اذا شكرة المن اسوي
نفخت بضجر وصاحت
روح .. استغفر الله تريدني اشرح الهة بالخط العريض يابة ابصم بالعشرة تعرفين بس انتِ متمعدة ادبسزز
ضحكت وسوتلي رجلي اباوع الها بيضة تجنن اردفت
ترف.. عينجن باردة لا تحسدني
روح.. عليمن حاسدينج هيا عظيمات وبيهن لحمة حتة الصخلة عدها
غميتها وصحت
ترف.. امداججج فشلتيني
اجت مَلك واخذت شيرة ثانية واستلمت ايدية ضلن متقاسماتني بيناتهن الحد ماحسيت جسمي صخن اباوع الة صار احمر صحت واني اسحب اعضائي منهن
ترف.. كااافي ولجننن مووتنيي كافي
مدت روح الشيرة وركصت بحواجبهة
روح.. بس ظهرج اسويه والباقي عليج
ترف.. ما اريد مابي شي ظهري
روح... من واحد للعشرة اذا ما اجيتي الزك هاي الشيرة بشارب علي
التفتت الها وحجيت
ترف.. مايهمني تتجازون انتِ وعلي
اجيت اروح صاحت بسرعة
روح.. واحد ستة عشرة
اجت تكوم واني رجعت اتمددت مثل الحبابة وكضيت ايد مَلك فرشت الشيرة على ظهري بس شلعتها عضيت ايد مَلك بأقوى ماعندي الحد ما فرفحت روحة عفتها وهيا سحبت ايدها بسرعة وتنفخ عليها
كملت ظهري ورقبتي وكامت روح طلعت غميتها ورفعت عيني المَلك
ترف... حتة مرة ثانية ماتسويلي شيرة
اردفت بحركة قلب
مَلك.... ما اسويلجج بعد سافلة ايدي راحت راح انچلب نفسج
ترف.. شفايتلج اعضج
مَلك... اي لأن انتِ من فصيلة نادرة
فتحت عيوني على وسعهن وكمت على حيلي اخذت الشيرة الي جانت روح تسوي بيها ظهري كوة شلتها وذايبة اصلاً
مَلك... وليي ترففف وخري شتردين اتسووينن
ترف.. منو من فصيلة نادرة؟
مَلك.. انتِ
ترف.. يعني ما اتوبين؟
شمرتها عليها وطاحت بالكاع على الفراش باوعت وحدة بوجهة الثانية وانفتح الباب ودخلت روحي باوعت الوضعنة ونزلت نظرها للكاع باوعت بصدمة وصاحت
روح... شسووويتننن بغرررفتيييييي ليششش هيجج ليشششش دمرتنهااااا
مَلك.. مو اني هاي روح
من صدمة مالت روح ماانتبهت على جفصت مَلك جاوبتها بصياح
روح.. طبحنن مررض انتِ وروووح هسةة تنضفنن الغرفة
ترف... اني عروس مايصير اشتغل
روح.. تنجبيننن وتنضفين الغرفة انتِ وياها دبكتن الكاعع هسة شيشلع الشيرة من الفراشش؟
اندك الباب وصاحت روح
روح.. منوووو
علي... صوتجن نصنة حتة الجيران عرفو جاي تسون شيرة الترف
بهتت بوجهن وانخطف لوني ومن الفشلة دمعن عيوني وضليت ادك والطم التفتت الي روح رادت تحجي واني صحت
ترف.. ليش هيج سويتن عيبببب والله شلونن هسة
كعدت على الچرباية بدبكي رجعت صاحت
روح... دبكتيي الچرباية
من حركة قلبي شلت المخدة مالتها ومسحتها بجسمي كلة وشمرتهة عليها عفتهة بصدمتها وطلعت من الغرفة كبل للحمام سبحت وجابتلي مَلك ملابس بدلت وطلعت مرن الايام عادية مابيها شي الحد يوم الحنة كعدنة من الصبح نظفنة البيت مرة ثانية بس خفايف الحد ماصار العصر
احنا راح نسويها بيناتنة بس علي يجيب اصدقائة
رحنة للصالون اني ومَلك بس روح ضلت يم عمتي وصلنة علي للصالون ونزلت مَلك قبلي اجيت انزل صاحلي علي
علي.. اوكفي ترفة
التفتت الة ومنتظرتة يحجي اتنهد وحجة
علي... اكو بعيونج حجي احجيه لا تخلينة بكلبج
بللت شفتي بحيرة وخليت عيني بعينة وحجيت
ترف... من يوم الي كشفنة جواهر مارجعت فتحت موضعهة وياك بس اعتقد لازم اسئلك كم سؤال
مسح على وجهة وطفة السيارة واردف
علي... اسئلي يابة
ترف.. بعدك عندك مشاعر تجاه جواهر؟
علي... ترفي خلي اكلج شغلة من اول ماشفت جواهر انعجبت بيها اي بس ماحسيت تجاها بأي مشاعر حب تكدرين تكولين علاقة عابرة
لميت شفتي للداخل وهزيت راسي مو عاجبني كلامة رجعت سئلتة
ترف... واذا بيوم رجعتلك؟
مد ايدة الخدي وكرصني واردف
علي.. عندي ترفة تسواهن كلهن
دمعن عيوني وكضيت ايدة وحضنتها الصدري وحجيت
ترف... ثقيت بيك ما اريدك تخذلني
رفع ايدة الثانية ومسح ادموعي واتقرب باسني بعيونة
علي... لا تخلين السالفة ابالج حابج انا ومن حبيتج تركت كل علاقاتي ترفتي احبج انا
ابتسمت براحة ودعتة ونزلت دخلت للصالون لكيت مَلك تنتظرني
بدت ام الصالون بية خلتلي مكياج بسيط مثل ما ردت والي وياها راحت المَلك كملتني وبدت بالتسريحة اردفت
... شعرج لونة طبيعي؟
ترف.. اي خالة
سكتت وسحبت شعري حتة تكمل التسريحة باوعت الشكلي بالمراية نادراً اشوف شكلي بالشعر الستريت كلة كيرلي
كملت التسريحة واني ظهري انكسر ساعدتني مَلك وكومتني رحت للملبس ولبست البدلة ومَلك سدت السحاب باوعتلي واردفت
مَلم.... اللهم صلِّ على محمد وآل محمد طالعة اطكين بالكاع
افتريت بالبدلة وابتسم لونها يجنن اخضر ملكي رفعت نظري المَلك
ترف.. احسها كبيرة علية
مَلك... اي من ناحية الصدر بس مو واضح
هزيت راسي وراحت مَلك بدلت طلعنة كعدنة وننتظر علي شوية واتصلت روح تسئلنة اذا مكملين او لا كتلها كملنة وسدتة دقايق واجة علي كضيت ايد مَلك وهمست
ترف.. متوترة مَلك
مَلك... شسالفة حبيبتي كولي يا الله ولا تعركين يخرب مكياجج
هزيت راسي واجت ام الصالون عدلت مكياجي وغطيت صدري ودخل علي لابس زي عربي اول مرة اشوفة بهيج لبس طالع يجنن شافني وابتسم ولمعت عيونة بفرح اجة باس راسي واني احس كبيت نار قرب من يم شفتي وهمس
علي... صديقي شنو رأيك اليوم انعرس
سكتت ماجاوبتة بس احس نار تطلع من وجهي ما اعرف ليش بس شعور مختلف عن كُل مرة خوف على فرحة على حماس التفتت المَلك شفتها كاضة تلفونها وتصورنة ابتسمت الهة وكضني علي من ايدي وطلعنة من الصالون شايلة بدلتي بأيدية اثنينهم وعلي مساعدني بصعوبة صعدت بالسيارة كدام دار وصعد ومَلك ورانة حرك السيارة وشغل اغنية .. بسكوت اون
بدت الموسيقى الي بالبداية وهوا هز كتف والسيارة تمشي صحت بخوف
ترف.. عليي لا تدعمنة
تجاهلني واستمر يهز صفنت عليه شلون يرعش اكتافاتة ووية الدشداشة طالع فد شي صفنت عليه وهوا التفت الي غمز وكمل الاغنية بعدها شغل.. صوبني
صحت بسرعة قبل لا تبدي
ترف.. طفيهااا علي غيررها عيب والله طفيها
باوعلي بطرف عينة واردف
علي.... مابيها شي بس انتِ نيتج طافر
سكتت واتوترت بشكل ضليت مامرتاحة ومختنكة بدت الاغنية الحد ماوصل للمقطع الي يريد صاح بعلو صوتة.. شك مهجتي وطبببب وانكسررر
بين اغانية السخيفة دخلنة الشارعنة بهتت من شفت هواي ناس جاية التفتت الة
ترف... علي هواي عازم ناس
علي.. بس اصدقائي
ترف... وين الالتزاام مايصير هيج وابو الحسن
اردف يسايرني
علي...بس اليوم بس اليوم باجر ما عازم هواي
ترف.. وابو الحسن هذاك اليوم نشرو على الانستا ناس مسوين عرس وجيرانهم متصلين على الصحة وحاجرين الي بالعرس كلهم
مَلك... ايي صدك اني هم شفتة
علي... عادي صديقي ننحجر و انعرس هناك
سكتت من شفت الكلام وياه مابي اي نتيجة صف السيارة كبال الباب ونزل قبلي دار فتح الباب ومدلي ايدة ساعدني حتة انزل ودخلنة للبيت اتلكتني عمة و روح طشن علية جكليت والهلاهل كامت دخلنة جوة شفتهم مرتبين كوشة بسيطة اجت روح وجرت الغطة عن كتفي وتتعمد تنزل البدلة اكثر اردف علي
علي.. عفية روح نزليهة بعد نزليهة
رفعت راسها الة وخزرتة التفتت الة والدمعة بعيني باوع على صدري ومسح على شواربة مجرد ماكعدنة شغلت روح
روح.... ايم علي شسويتي خذتيلي شمعت بيتي
تباوع العلي وتخزرة وترجع تباوعلي وتبتسم
همست الة
ترف... علي رجعني الاختي خطية باوع الها
همس بذوبان
علي... بعد الشفتة لو مو روح تجي لو يجي سلمان من كبرة هم ماارجعج
بلعت ريكي بخوف منة
ترف.. يلا روح يم اصدقائك كافي لزكت هنا
علي.. شسوي يم اصدقائي كل واحد شواربة بكد مكناسة امي دخلي اشوف البقلاوة العندي كنافة ام الجبن
ضل شوية كاعد يمنة وطردتة روح وراح ماكدرت الزم نفسي وكلت هوا يوم بالعمر كمت من مكاني اني وبدلتي منعتني روح بنظراتهة بس تجاهلتهة صحت المَلك وكتلها تشغلي اغنية... اجيبك للدرب كتلك اجيبك
اول مااشتغلت الموسيقة تكابلنة اني ومَلك والحلو طلعت تعرف تهز هز نفسي التفتت الروح اريد اصيح الها شفتها ماكو رجعت نظري العمة الي تباوعنلة وتبتسم
ترف.. عمة وين روح؟
أمل... راسها راحت تتمدد
هزيت راسي ورجعت اركص الحد ماتعبت لأن البدلة اثكل مني شلتها ورجعت كعدت شوية وكالو الشباب راح تلعب چوبي
صعدنة فوك ودخلنة الغرفت روح لأن بيها شباك يطل على الشارع لكينها كاعدة على الچرباية ولامة رجليها الصدرها اتجاهلتنة واحنة رحنة نباوع من الشباك اصدقاء علي هواي همست مَلك
مَلك.. روحي جيبيلج علاكة ولميهم كلهم احتفظي بيهم
ترف.. لا يمعودة ياعلاكة دكولي بيكم الكل واحد
مَلك...ضميلي واحد للمستقبل
ترف.. ام علي لوتية ما تصاحب بس الصاكين
وكفو واحد بصف الثاني وعلي بالمقدمة كاض السبحة صوفرت واردفت
ترف.. لك لك ريلييي يطكك بالكاع بس ابقة اني احلى منك
التفتت الروح وصحت
ترف... تعاي شوفي ويانة عفية
جاوبتني بتعب
روح... راسي ترف راح ينفجر المن اتشغلون اغاني
بهتت وهيا شافتني ضجت كامت واتقدمت يمنة ووكفت وباوعت الهم شفت نظرها على سيارة سودة صايرة ببداية الفرع باوعت وياها مامبين شي منها واصلاً مضللة ضلت تباوع الهة وتبتسم وعيونها
تلمع فجأة تغير وضعهة 180درجة تضحك وفرحانة وعينها على السيارة
ضلو يركصون واني بس صافنة على علي اول مرة اعرف هيج يركص چوبي بكل احترافية فر السبحة و فر قلبي وياها خلصو واحنا نزلنة رجعت المكاني وعمة اتصلت على الداكوكات لأن اتأخرن ربع ساعة واجن كلبن البيت كلاب بالاغاني سوولي جلوة تجنن والاجواء بعد احلة بس ضليت مفتقدة روح بس تسمع دكة قوية او موسيقة تختل بالغرفة شوية ونزلت شايلة تلفونها اتقدم بأتجاهي وانطتني ايا
روح... هج ترتر هذا علي داكلي من رقم واحد يريد يحاجيج
اخذتة منها وهيا وكفت على صفحة خليت التلفون على اذني واردفت
ترف... ها علي
علي.. تروفة بس تلفوني نسيتة جوة شوفي يمج
التفتت داير مدايري ادور عليه الحد ما استقر نظري على الطاولة مخليه ابتسمت وجاوبتة
ترف... هذا موجود
علي.. تمام ترتري عوفي يمج
سديتة ورجعتة الروح وهيا رجعت صعدت اخذت تلفونة وخليتة بحضني شوية وحسيتة يهتز نزلت نظري الة شفت رقم غريب يتصل عقدت حواجبي بس اتجاهلتة
شوية ورجع صوت اشعارات دنكت راسي وعقدت حواجبي
اجن كم هائل من الرسائل صرت اشوفهن من الاشعارات قريتهن واحس روحي راحت
.. علي رد بسرعة
.. حبيبي نسيتني جواهر اني
... متندمة والله لا تسوي بية هيج وتزوج ترف اعرفك ماتحبهة بس تسوي هيج حتة انقهر مو؟
.. رد علي لا تتجاهلني
... انتَ كلت بالسانك ما احبها وراح اتزوجها بس حتة اعرفج منو علي
دمعن عيوني وبلكوة اتماسكت كمت من مكاني واخذت تلفونة وياي مشيت بكسرة وصعدت الروح دخلت الغرفتها وكبل حجيت
ترف.. هسة تتصلين بعلي يجي هنا
روح.. ليش؟
غمضت عيوني بنفاذ صبر وصحت
ترف... صيحيلة لا اشهركم وحقق الله
كامت من مكانها واخذت تلفونها اتصلت على نفس الرقم الي اتصل منة وكلتلة يجي هسة سدت التلفون وطلعت
ماسيطرت على ادوعي نزلن ضل جسمي يختض ويرجف
انفتح الباب ودخل علي شاف حالتي واجة الي بصدمة وبلهفة كض وجهي ويمسح ادموعي ويحجي
علي... شبيجج تروفة شبيجج تبجييي
شهكت ودفعتة عني بقوة مسحت ادموعي وصحت
ترف... هسة اطلكنييي علي هسة تراا انزللل و افضحك جو
بهت وجهة من ردة فعلي بلع ريكة واردف
علي.. شبيج ترفة شنو اطلكج شجاي تحجين؟
قدمتلة بأيدي الترجف التلفون عقد حواجبة واخذة مني فتحة وشاف الرسائل
رفع راسة وبلع ريكة راد يحجي خليت ايدي على اذاناتي وصحت
ترف... اششش ماتحجيي مااريدكك ولا اريد اسمع اي كلمة منك عليي منينن مااجيتك ضيعتني ياما وياما تغاضيتتت عنننك تذكرر من اكتشفت اتراقبني وسكتت وعديتها عايرتني بعيشتي عدكم وهممم سكتت وغيررهن بسس مالت متزوجني حتة تقهررر نعلان لعبة انييي عدكم؟
فرك وجهة وحجة بهدوء
علي... تروفة والله ووحق الله ماادري بيها دازة الرسائل اصلاً ما حاجي هيج حجي
قوست شفايفي وهزيت راسي برفض وابتعدت عنة اكثر
ترف..... اطلع علي
اتقدم يمي واردف
علي... لا مااعوفج
ترف... طلكني ضيعتني بعد
كض وجهي بأيدة وحجة بنبرة بيها بخنكة.. باجر عرسنة واضيعج؟
ترف... وباجر عرسنة واقرة هيج رسائل؟
سكت مارد رجعت دفعتة بقوة وصحت
ترف.. اطلعع عليي مااريدد اشوفكك بعد
علي.... بيمن احلفلج وتصدكيني؟
ترف.. مااصدكك لا تحلف ولا اتعب نفسك
فتح تلفونة وخلاه بأيدي وحجة
علي..... اخذي هذا هوا بيدج اتصليي عليهاا وسئليها عن الكلام الحجتة اذا صدك او لا
ترف... تضحك عليه انتَ؟ وشتريدها تحجي الحقيقة مثلاً؟
سكتت وكوة اجر نفس من الصياح حاول يقنعني بس اني رافضة وعقلي مقتنع بلي شافة صحيح
علت اصواتنة اكثر واني ماكدرت اسيطر على ادموعي انفتح الباب ودخلو كلهم شافني عمو وشاف حالت علي دكم الدشداشة كلهن فاتحن من العصبية
صاح
باسل..... شبيكمم ناسس جوة شهرتونة صياحكممم وااصللل لراس الشااارع موو عيبب جان استحيتوو لو منتظررين بس الناس تروح واتعاركووو
اتقدمت روح يمي واني لكيتها فرصة حضنتها وضليت ابجي واشهك اتخبلت من حالتي التفتت العلي وصاحت
روح.. شمسوويلها شبييهااا؟
اشر بأصبعة علية وصاح
علي.. اسمعيي رووح اختج تعقلينهة وتفهمينهة باجر العرسس يعني بااجر تأجيل ما أجل وطلاك ما اطلك لو تطلع نخلة براسها
حجاها وطلع وركع الباب قوي كعدت بالكاع وابجي مااعرف شصارلي بس كرهت كلشي ردت بس ايطلكني كعدت يمي روح وحضنتني وتحاول تهديني اجت مَلك وجابتلي كلاص ماي شربتني ياه وراحت نمت بحضن روح وضلت تمسح على راسي
روح.. شصار ترف سولفي ليش وضعكم تغير؟
شهكت ببجي وسولفتلهة كلشي صفنت بعدين حجت
روح... ايجوز سوء تفاهم لا تستعجلين الطلاك مو سهل وعرسكم باجر من تطلكون محد يخلي الصوج بعلي كلها ادور عليج
ترف.. مايهمني المهم اطلك كرهتة كافي عقد علية واني ما قابلة وهسة يريد يتزوجني واني هم ماقابلة مايصير هيج ماني فصلية عندة ويسوي بية الي ايريدة
روح... كومي امي كومي غسلي وبدلي وارتاحي كلشي يصير بالهدوء اثنينكم هسة تعبانين
هزيت راسي وهيا كامت حضرتلي ملابسي وفتحتلي البدلة وطلعت
اخذت الملابس ودخلت للحمام فتحت التسريحة بسرعة لأن
بسيطة ودخلت جوة الدوش غسلت شعلي بسرعة وبدلت وطلعت اتمددت على الچرباية وغفيت
فزيت من الم راسي كعدت وبعدت الغطة عني التفتت الروح نايمة بصفي عقدت حواجبي وباوعت للساعة ب 2 بليل
مشيت على كيفي وطلعت برة الغرفة نزلت جوة الصالة ضلمة مابين منها شي غير جمر الجكارة الحمرة عرفتة بعدة كاعد كملت طريقي اريد اروح للمطبخ وهوا صاحلي
علي.. ترف
وكفت بمكاني واتنهدت التفتت الة وهوا حسيتة كام شغل الضوة لكن خفيف بين شكلة وشعرة مخربط وعيونة حمر اتقدم يمي وحجة
علي...اخر مرة اطلب منج شي بس الطلب هذا المصلحتنة اثنينة
اتصل عليها وسمعي الكلام منها ليش تستعجلين واذا ما اقتنعتي بكلامها ساعتها اطلكج والي تردينة يصير
باوعتلة بحيرة وهوا طمني بنظراتة مد ايدة الايدي كضاني ومشة بية للصالة كعدت على التخم وهوا كعد يمي اتربع واني درت عليه صرت كبالة اخذ تلفونة وراد يتصل بس قاطعتة
ترف... بلا متصل عليها من قبل ومتفق شنو تحجي وياها؟
لم شفتة للداخل وباوع بعيوني وحجة
علي.... ثقي بية ولو لمرة وحدة
هزيت راسي وهوا اتصل عليها ردت بسرعة وبعدة اصلاً علي ماحاجي هيا حجت
جواهر.... دريت بيك راح تتصل بية تحبني اعرفك
رفعت نظري الة وهوا غمض عيونة يطمني
علي.. جواهر سؤال
جواهر... اسئل حبيبي
علي... ليمتة اخر مرة اتصلت عليج؟
سكتت وبعدين جاوبت
جواهر... قبل لا اطلكني
علي.. ومن بعدها اتصلت عليج دزيتلج رسالة؟
جواهر... لا
علي...ليمتة انا كايل الج ما احب ترف؟
جواهر... بفترة خطوبتنة
هز راسة وسدة الخط منها وحضرها طلع شريحتة وكسرها
علي... وهسة؟
ضليت ساكتة وما اعرف ارد بس ماالوم روحي ولا متندمة على الي سويتة حقي من اقرة الرسائل هيج تكون ردة فعلي
طلع من جيب بجامتة علبة حمرة باوعلي وابتسم فتحة وطلع حلقتين منها اخذ الحلقة الاولى واشرلي على ايدي ابتسمت ومديتها اله لبسني ياها وباسها
ابتسمت اكثر وطلعن اسناني واخذت الحلقة الثانية ولبستها الة
جرني الحضنة وحضني قوي الدرجة حسيت عظامي راح تتكسر باسني بشعري وحجة
علي... تريد تطلك بلا هيا ووين انطي وجهي انا
ضليت مخلية راسي على صدرة وماارد وهوا يمسح على شعري
علي... خلي انعرس هسة
ترف...لا
علي.. زين خلي نسوي بس خفايف وباجر انكمل
شلت راسي وكورت ايدي وضربتة بصدرة
ترف... ليشش اتعلمني على الفسووق؟
غمز وعض على شفتة
علي.. باجر اعلمج الفسوق على اصولة
ترف... طلكني يافاسق اني اريد رجال مؤدب الباب ماشايفة
مد ايدة وكرصني بخصري اجيت اصرخ وبسرعة طفر علية وسد حلكي ببوسة ضليت ارفس بيه برجلية وهوا ضال مجلب بية مانعني اتحرك ابتعد عني وحجة بخدر
علي.... يواشججج يولل شفايفج لعبن بية لعب
اردفت بفهاوة
ترف... هاا
علي.. وجعا سبيتي روحي سبي
بلعت ريكي واردفت
ترف... ترا زعلانة بعدني
ابتسم ورجع سند نفسة على التخم وخلة ايديه ورة راسة وغنة
علي.... لا وعيونك ماراضيك ضل بزعلك هالمرة عالنار اتكلب خليك لخلي بكلبك حسرة
ورث جكارتة وخلاها بين شفايفة وصفن علية وعيونة ذبلن واني تيبست بمكاني احس اريد اتبخر
ضل يباوعلي ويضيق عيونة اجيت اكوم كبل صاح
علي.. ويننننن
فزيت من صوتة ورجعت كعدت واردفت بتلكأ
ترف... مو جوعانة اروح اكل
علي.. اي صديقي اكل باجر بالليل وراك تعب هواي
سويت نفسي ما فهمت وغلست كمت رحت للمطبخ شغلت الضوة واجة وراي
اتوترت اكثر فتح الفرن وطلع صاج خلاه بصحن على الطاولة وطلع قوطية ببسي واشرلي اجي اكعد ابتسمت ورحت كعدت وهوا كعد كبالي
علي... يلا اكلي
هزيت راسي واخذت اللفة واكلتها
علي.. شربي ببسي
ترف.. ما اريد
اخذها وراح للثلاجة رجعها وجابلي عصير بكلاص وقدمة الي اخذتة واكلت بسرعة حتة اخلص من نظراتة
كمت غسلت وفرشت اسناني ورجعت لكيتة يغسل الماعين والجكارة تروح وتجي بحلكة كزكزت عليه ورحت حضنتة من ظهرة
ترف... لك تئبرني صايرة نادرة
دار علية والابتسامة شاكة حلكة بعد الجكارة عن شفايفة وراد يطفيها مديت ايدي وسحبتها من ايدة وخليتها بين شفايفي
علي... سزز
ضحكت واخذت نفس وطفيتها
مد ايدة الخصري وجرني الة خليتة ايدة على صدرة ورفعت راسي الة نزلن عيونة على رقبتي
مشة اصابعة عليها كزبر جسمي من حركتة همست بصعوبة
ترف... علي
علي.... دخيل الله شنو هاي الرقة والترافة الشايلتهة اخاف المسج واجرحج شلون بية ترفة
ضليت ساكتة واحس رجلية بادن وكوة واكفة عليهن نزل راسة الرقبتي وباسني بقوة ابتعد عني واردف
علي... صعدي نامي ترفتي
هزيت راسي وانسحبت طلعت من المطبخ وكبل ركضت بسرعة للغرفة دخلت وسديت الباب ودحست نفسي بصف روح واتنفس بسرعة احس اريد انتفها من الفرحة ما اعرف بس شعور حلو احس صار عندي واهس وطاقة افر الدنيا كلها سبع مرات
حضنت روح وغفيت ما لحكت اشبع نوم كعدتني مَلك ادفر وتصيح
مَلك.... دكوووميي ولج الساااعة بالتسعة اتأخرنةةة كوووومي
طفرت من مكاني اتلفت ومصدومة باوعت للساعة بعدهي بالسبعة وربع رفعت عيني خزرتها وهيا ضحكت
اتخصرت وصحت
ترف... ليشش تكدذبين مو بعدها بالسبعة؟
مَلك... ما مجذبة صدك اتأخرنة لازم احنة هسة بالصالون
فتحت الباب روح شافتني بعدني مابدلة صاحت
روح.... يلاااا ولجننن علي ينتظرنة برة
ترف.. رايحة رايحة خبصتونييي هسه اني شبية اعرس
رحت غسلت وبدلت بسرعة ورحنة للصالون بالطريق اتذكرت الجنطة الي اخذها وياي للفندق ما محضرتها صحت عليهمم
ترف... ولكممم الجنطة ماحضرتهااا
روح... جهزتهة الج انا
اتنفست براحة وهمست الهة
ترف.... شنو خليتي من ملابس
روح... بس اتراكات نفس ماكلتي
اردفت بشك
ترف... اكيد؟
روح.. اكيدين حتة خليتلج التراك الابيض الي اشتريناه اول روحة النة
هزيت راسي ووصلنة للصالون نفسة مالت الحنة نزلنة ثلاثتنة
و علي راح دخلنة للصالون روح كعدت على صفحة وحدها واني استلمتني ام للصالون مرت فترة قصيرة وشغلو اغاني ردح
باوعت الروح بالمراية انكلب حالهة وعرق وجهة ضلت تهز رجهلة بتوتر مااتحملت وكامت صاحت
روح.. طفوووووهااااا
صارت الانظار كلها عليها وخاصتاً الصالون كبير وبي هواي عرائس وهيا صاحت بصوت عالي حسيتها انحرجت ودمعتها وصلت بطرف عينها اردفت ام الصالون
.... عيني عدنة عرايس وفرحانات شتردين نلطم
رجفن ايديها وضلت تفتح بكف أيدها اليمنة واتسدة بطريقة عشوائية اردفت بصوت يرجف
روح... طفيها راسي
صاحت مرة جاية وية العروس.... اذا راسج ليش تجين للصالون
مَلك... شبيج خالة شنو هوا صالون الخلفوج؟
خزرتها روح حتة تسكت سحبت جنطتها من على الكرسي رادت تطلع وكمت وراها اريد اجيبها التفتت الي وحجت بتعب
روح.... رجعي كملي مكياجج الخاطري انا طالعة برة لو ارجع للبيت
ترف... وين اعوفج وحدج كعدي خلي اتصل بعلي
روح... لا تتصلين عليه انا راجعة للبيت
اخذت اغراضها وماخلتني احجي رجعت لأم الصالون
•••••••••••••••••••••••••••••
روح
طلعت من الصالون جسمي كلة يرجف ماكدرت امشي بعد كعدت على الرصيف والشمس بعيني شوية وصار ضل كبالي رفعت راسي وشفت مايل راسة ويباوع الي دمعن عيوني وهوا نزل المستواي وحجة بحنية طاغية على صوتة
الحبتر.... شبيها لوزاياتي متكدرة وضايجة
شهكت ونزلن ادموعي اتجاهلتة وماجاوبتة مد ايدة ومسح دمعاتي
الحبتر.. جؤ جؤ روح الحبتر تبجي افاا امدة الدنيا الغبرة
دفعت ايدة وصحت
روح... كلة منك حالتي هاية بسببك
الحبتر.. ميخالف لوزاية دفعيني بس كومي امشي وياي لا تضلين هنا كاعدة الشمس اطك براسج تتمرضين
روح.. وخرر منا خلي اطكني واموت وارتاح
ماخلاني اكمل صاح بصوت عالي واردف
الحبتر... اسم الله
كام و مد ايدة الي وخزرني كضيت ايدة وكمت فتحلي باب السيارة الورة صعدت وهوا دار صعد وغفل البيبان والتفت الي
الحبتر.... ليش تبجين عين عيني؟
روح... هاي ام الصالون شغلت اغاني وانا راسي يأذني انتَ تدري اضوج من الصوت والاغاني العالية كلتلها طفي ضلت تصيح
جر راسي وخلاه على صدرة
الحبتر... عمت عيني وعين خنجر عليج خلي تولي هسة اخابر للصحة يجون يحجزونهة هيا و الي بالصالون
روح... لا العصر من تطلع ترف ومَلك خابر الهم
الحبتر..ميخالف لوزاياتي
ضليت مخلية راسي على صدرة واسمع بس تنهيداتة مر وقت طويل ورفعت راسي الة واردفت
روح.. وين تدري انا هنا؟
الحبتر... عين عيني وهوا غير صارلي اسبوعين افتر وراكم لاكو سوك مارحتلة ولاكو مول مادخلتلة
ضحكت وحجيت
روح... ليش تلحكنة ما تستحي
الحبتر... جا اخلي لوزايتي وحدها بلا واحد حجة وياها اتحرش بيها
روح... اطلعلة الطابوكة واطكة براسة واطلع دمة
الحبتر.. وتعال ياهلاك ابتلي
ضحكت بصوت وكرصت خدودة
روح...شبي الحبتر تعبان
الحبتر... محد يدري شنو بداخل الحبتر وجم كسرة مكسورها
اتلعثمت من كلامة ونبرة صوتة الي حسيتهة هددت حيلي نزلت عيني على قميصة كان فاتح او ثلاث دكم قربت نفسي الة وبستة بصدرة مااعرف شنو فكرة بوقتهة بس ردت شي يخفف عنة
لف ايدة على خصري وجرني الة اكثر وهمس
الحبتر... اتشعليني بتصرفاتج واطفيني بكلامج
سكتت وضليت بس اباوع الة وعيوني ذبلن طلع جكارة راد يروثها رديت امنعة
روح.... لا ادخن السيارة اتصير خنكة
خلاها على صفحة واتقرب من وجهي مشة اصبع الابهام على شفتي واردف
الحبتر... اعوف الجكارة وادخن شفايفج بمچانها؟
بلعت ريكي ومارديت وهوا اعتبرها علامة رضا لف ايدة على راسي وقربني الة اكثر غمضت عيوني وخلة شفتة شفتي حسيت بي وبلهفتة الي الدرجة يريد ياكلني اكل بادلتة بالبداية بس بعدني اختنكت دفعتة من صدرة وهوا افتهم وابتعد اردف بصعوبة جملة ماانساها شما صار
الحبتر... كرهت الحرام من اول يوم لمستج
بلعت ريكي وكضيت شفايفي احسهن اشتعلن نار
روح.. والجاي نسويه هسة مو حرام؟
الحبتر... احلا حرام ماتبت عنة
روح... تحبني هلاك؟
ابتسم بس مارد سكتت عنة وضلن بس نظراتنة البعض شوية وحجة
الحبتر.. وين ترحين هسة؟
روح... للبيت
الحبتر.... وما تخلين مكياج عد صالون؟
اردفت بغرور
روح... مايحتاج
الحبتر... ميخالف لوزاية بس ماتضل بنفسج انه اخليلج
فتحت عيوني ولزكت نفسي بالباب وغطيت وجهي وصحت
روح... ما اسلمك وجهييي
الحبتر.. هسة انتِ جربي شخسرانة
بعدت ايدي عن وجهي
روح.. واذا خربت جهرتي؟
الحبتر.. طكيني بالطابوكة
ابتسمت بخبث وهزيت راسي نزلنة كعدنة كدام وحرك السيارة شوية وحجة
الحبتر... روحايتي اريد اوراق السيارة لأن اريد اروح البغداد ابيعها واحتاج اوراقها
روح... ليش اتبيعها؟
الحبتر... اخذلي سيارة ازغر وباقي الفلوس افتحلي بيهن مشروع ازغير
اردفت بملل
روح.. اخذهن كلهن ما اريدهن
الحبتر... جا المن اخذتيهن من البداية
روح.. جانت اكو فكرة ببالي بس مابية حيل انفذها واصلاً شنفذها هوا انتَ خسرت كلشي شخسرك منهن بعد
سكت ما جاوبني وكتلة يوديني البيت عمو حتة اجيب الاوراق وداني للبيت بس وكف بعيد نزلت بسرعة وركضت دخلت لكيت بس عمة موجودة بالبيت طلعت من المطبخ واستوقفتني
أمل... ليش رجعتي عمة؟
روح... عمة عندي شغل
عفتها تسئل وصعدت جبتهن بس عزلت جنسيتي وجوزاي ونزلت بسرعة رحت للسيارة صعدت وانا كوة اجر نفس انطيتة اوراقة وحرك السيارة
ودندن بأغنية ووبصوت لامس اعمق نقطة بقلبي حنيتة بحتة كلها خلت مشاعري تهتز بداخلي نفضت الافكار من راسي وضليت استمع الة
الحبتر.... وداعت امي ونظر عيني وانتَ ممحلفني هسة
شماحصل بينك وبيني حبي لك ضل هوا نفسة
شكد زعلنة شكد رضينة شكد تعاتبنة وحجينة مابرد عنك حنيني كلبي ابد ماكلي انسة
شماحصل بينك وبيني حبي الك ضل هوا نفسة
يا حبيبي ويا حياتي ما الي غيرك حبيب
لو تغيب شوية عني انه احس روحي تغيب
سكت وانا الابتسامة شاكة حلكي التفت الي وعقد حواجبة وضحك
الحبتر... شبيج لوزايتي؟
ضحكت بصوت عالي وصحت
روح...والعباس اتحبني ليش ما جاي اتكول احبج نفس قبل هاا؟
ضحكت وسكت ماجاوبني وكمل طريقة ضليت ادقة بكتفة واردف
روح.. تحبني والعباس تحبني كولها يلا كولها كول احبج نفس كل مرة وانطيك جبس
الحبتر.. جا من اكلج احبج اتزركيني بأكرهك
روح.. مو بكيفك تحبني غصباً عليك
سكت وانا هم سكتت الحد ماوكفت كبال بيت حلو نزلنة سوة ونزل غراضي ودخلنة للبيت التفتت الة وهزيت ايدي
روح...هاي الجهرة عايشة هنا؟
الحبتر.. لا بندقتي عايش عد اهلي انه هذا البيت مخلي بس المرتي
بهت وجهي ووكفت وهوا ما انتبه الي ضل يمشي ويحجي حس بية والتفت الي شافني واكفة رجع يمي
الحبتر.. شبيج وكفتي؟
روح.. اذا البيت المرتك ليش جايبني هنانة؟
الحبتر.. جعل محد غيرج يكول هنانة
حجاها وكرص خدي ابتعدت عنة واردفت
روح.. جاوبني
الحبتر... مو المرتي جذب هذا البيت نجي بي انه وخنجر وديسم
روح..بعد لا تخلي خنجر يجي
الحبتر... صار
صعدنة الغرفة ودخلنة الها باردة ونظيفة عكس باقي البيت
كعدت على الچرباية واتربعت وحجيت
روح... شنو منو كاعد هنانة
الحبتر... محد بس حسيت اليوم راح تجين هنا وحضرت الغرفة
كعد كبالي واتربع
الحبتر.. روحي شجعب تقبلين تجين وياي ماتخافين مني؟
روح... شحدك اتمد ايدك علية اكطمها واخليها برقبتك شعبالك انا مثل قبل؟
سكت ووصة على اكل ونام على
رجلي وضليت اسولف الة
روح.. باوع حبتر هاي مرة انا جعت
جاوبني بحماس
الحبتر.. اي وشسويتي
روح.. رحت اكلت بعد شسويت
الحبتر.. ياسبحان الله
روح.. اللهم صلِّ على محمد وآل محمد
الحبتر.. بسم الله الرحمن الرحيم
روح.. الله اكبر الله اكبر
ضحك واردف
الحبتر... شنو راح تذبحيني
روح.. اي واطكك بالطابوكة
جر حسرة وصاح
الحبتر.. اخخخ كون انه طابوكة وهيج تضميني بالجنطة وتحبيني
روح.. لو تصير بلوكة ما احبك
الحبتر... هوا هذا الفقير محد يحبة
روح.. شبيك فقير هوا بس سيارتك راح تبيعها بدسكة مالت فلوس
رفع راسة الي واردف
الحبتر.. وانتِ ماعندج فلوس؟
هزيت راسي بأسف
روح.. عندي بس كليتي وكليتك ابيعهن و اهج منا
الحبتر.. هم ميخالف يجيبن فلوس
روح... حبتوري سؤال
الحبتر.. اسئلي عين عيني
روح... انتَ ليش اجرب؟
الحبتر.. تعاي سبحيني مااعرف اسبح
روح.. شنو انا امك حتة اسبحك
الحبتر.. امي مرة جبيرة وين تعرف تسبحني
روح...اسبح انتَ عوزك طول عرض
الحبتر... ميخالف اسبح انه وانتِ هم سبحيني
ضجت منة وصحت
روح... كاافي ضلل وصخخ بسس اسكت مااسبحك ولا تسبحنيي
غمز واردف
الحبتر... لا اسبحج انه ماعندي مشكلة
دفعتة وكمت من الچرباية رفعت اصبع السبابة واشرت الة
روح.... انظفففف منكك اناا ابو الوصخ
الحبتر... انجبي رويحة هيا بس ريحتي سعرها كليتج وكليتي
روح... يمة يمة الصواريخ كامت تتراكع على البيت بلاا ماتسكتتت هيا ريحة ام الالف ضالة بالسوك عبالك ريحة طماطة خايسة
الحبتر...شمنوجة كندوجة السزز الادبسزز اللسانج طولان صاايررر بطوللل
غلط غلطة بكد راسة فتحت عيوني بصدمة وضليت صافنة عليه استوعبت الي حجاه وصحت
روح.... لا ياااا مامتستحييي شلون هيج تغلطط؟
ضليت بصدمتي وهوا يضحك اتقرب الي وحجة
الحبتر... احسلج هيج لو ساكتة مو احسن
سكتت مارديت وهوا ضل يفتر بالغرفة ويرتب بيها ويغني
الحبتر.... لسانك حبيبي طولان يرادلك كص اللسان لك احجي وياية عدل لا اصير مو خوش انسان
حجيت ببراءة
روح.. هاي شبيك وياي؟
شمرلي بوسة بالهوى وراح فتح الثلاجة وطلع عصير وصب بالكلاص ابتسمت بأستهزاء واردفت
الحبتر.. اول مرة اشوف غرفة بيها ثلاجة واكلاصات
التفتت الي وركص حواجبة
الحبتر.... هاي الغرفة كلشي تشوفين بيها حتة شغلات عيب نكدر نسوي
شرب كلاص عصير ورجع صبلي بنفس الكلاص وقدمة الي
الحبتر... تردين اكلاص عصير؟
روح... راح اكسر الكلاص براسك
الحبتر... لوزاية العنيفة خاف تأذيني
روح... لا شوية ونخلص
ضحك بصوت عالي وانا هم ضحكت سمعنة صوت اذان الظهر بلع ريكة واردف
الحبتر... ضلي كاعدة هنا انا نازلة لا اطلعين
هزيت راسي وهوا سد الباب ونزل جوة كمت افتر بالغرفة ادور على حمام اريد اتوضة مالكيت فتحت الباب على كيف ونزلت جوة ووكفت اتصنمت من شفت هلاك منطيني ظهرة وجاي يكبر ويصلي بلعت ريكي وانسحبت على كيف ورجعت صعدت فوك مااريد احرجة خاف ينحرج لكيت حمام فوك اتوضيت ورجعت المكاني صليت طول يلا سمعت خطواتة على الدرج دخل وجايب وياه
اكل سد الباب وكعدنة بالكاع جر ايديه اثنينهن ورفع ارداناتهن وطلع معقم من جيبة خلة على ايديه وخلة ايدية ببطن ايديه وفركهن ببعض ويحجي بطفولية
الحبتر.... هسة صارن نظاف وماتن الجرثومات الشريرات اليمرضن روحي
ابتسمت وسحبت ايدية منة انطاني خاشوكة وخلة كبالي سفري بي مرك باوعت للاكل جايب مندي ابتسمت وارفت
روح... جا والجبن
ضحك واكل سميت بأسم الله واكلت
روح.. حبتري سولفلي قصص تخوف نفس هذيج المرة
نزل بطل اللبن وابتسم واردف
الحبتر....صار .. احجيلج قصة السعلوة؟
جاوبتة بحماس
روح... ايي اييي احجي
الحبتر... هاي السعلوة تطلع بس بالليل هذا مكس بين الثعلب والذيب وبعد حيوان نسيتة يمكن الجلب
روح... خاف خنجر
ضحك وكمل... اي وهاي تاكل بس البنات الحلوات ورجلها اسمة السعلو هذا يضحك على الاطفال ينطيهم حلويات ويستدرجهم وياكلهم هوا والسعلوة مالتة تدرين مرة من المرات طلعلي وانطاني جيس جبس وانه اخذتة منة ومن رحت وياه راد يكتلني بس انه كتلتة ومات وبعد ماكو سعلو بس يومية احلم بيه
يحجي بصوت ناصي والغرفة هادئ بس صوتة واضح ببعت ريكي بخوف واردفت
روح... كمل
الحبتر... عندي قصة بس خاف تخافين
روح.. لا مااخاف شسالفة
هز راسة واسترسل بكلامة... اكو وحدة جسمها مالت بشر بس راسها راس هايشة ورجليهة رجلين ثيران وعدها سبع عيون واسمها ام عيون هاي تطلع بس الظهر وتفتر بالسواكة وعلى البيوت وتاكل الزغير والجبير واكثر شي تحب الاطفال تاكلهم وتذب عظامهم للجلب مالتها ومرة من المرات اكو مرة متزوجة واحد بالجيش وزوجها يحرس بمكان المهم ههوا يضل هناك هواي ومرتة تبقة وحدها
مرة من المرات اندك الباب راحت هاي المرية فتحت الباب وشافت حجية جبيرة كلتلها تعاي شيلي وياي الغراض ثكال علية
المهم هاي المرية ماجذبت خبر والعوبة راحت شالت العلاليك وية المرة وضلت تمشي وياها المهم وهيا جاي تمشي سمعت طكطكة مالت مشي بس مو مشي مالت بشر فنزلت عيونها الرجلين الحجية وشافتهن رجلين ثور فكبل المرية شمرت العلاليك ورجعت ركض البيتهم ومن اجة زوجهة سولفتلة بس هوا مطي وجذبها كلالها جاي تمسلتين
سولفت السالوفة الصاحباتها واهلهة وهم جذبوها المهم شهر كامل هاي ام عيون ادك الباب على المرة بس هيا ماتفتحة الها وكل مرة تسولف الرجلها بس مايصدكها الحد مابيوم من الايام رجع رجلها من الشغل شاف اكو دم بالباب كبل صاح لأهل المنطقة لأن خاف جمعهم كلهم وفتحو الباب ضلو يتبعون الدم الحد ماوصلو الغرفتهم فتح الباب هوا وشاف مرتة ميتة ودمها بالغرفة ولحمهة ماكول منها
سوة صوت بالخاشوكة متعمد فزيت من مكاني مرعوبة وشهكت ضحك بصوت عالي وصاح
الحبتر.. ياا جبانة خفتييي
روح.. انجب ماخفتت انتَ فززتني
الحبتر... انجبي لج سزز اذا انا احجي السالفة وانتِ الدمعة بطرف عينج
مارديت عليه رجعت كعدت واردفت
روح... كمل يلا سولف بعد
الحبتر... نسيت القصص بعد غير مرة اكملج
هزيت راسي واكلت وشربت علاجي كمت غسلت ورجعت للغرفة لكيتة منتظرني جرني من ايدي وكعدني على الكرسي واردف يلا تعاي احطلج مكياج
روح... منيلك؟
الحبتر.. بكتة من لمعان
روح.. افاااا الحبترر بوواكك؟
الحبتر.... ابوكهم كلهم على مودج
راح للكنتور وطلع جنطة صغيرة مالت مكياج واجة خلاها على ميز التواليت وفتحة
الحبتر.. شنو هذا؟
روح.. هذا يمكن واقي شمس
هز راسة وفتحة خلة بأيدة كلش هواي وخلاه على وجهي صحت بيه
روح... شبيكك مو هيج
الحبتر.. ميخالف انتِ عدليه
باوعتلة بطرف عيني وكمت عدلتة ومسحت الباقي بكننس
طلع مسكرة واردف
الحبتر... شنو هاي
روح.. مسكرة
الحبتر.. تتخلة على العيون مو؟
روح.. اي بس مو هسة تتخلة
الحبتر.. ها خوش
خلاها على الميز وانا رحت فتحت جنطي وطلعت الفونديشن بس هوا جايبتة لأن بشرتي ماتضبط عليها غيرة رحت اريد اخلي اردف
الحبتر.. شنو هذا بأيدج
روح... فونديشن
الحبتر... خيه احجيلي بالجلفي وين اعرف هيج
ضحكت وججيت
روح.. كريم اساس
الحبتر... لا صباح اسطة
روح.. دمك كلش خفيف
الحبتر.. كلها هيج تكول
باوعتلة بطرف عيني وبالكوة كملت مكياجي من وراه كلساع يسئل على شغلة التفتت الة اريد اراويه مكياجي شفتة كاض علبة الكونسيلر وصافن
روح.. شبيك
الحبتر... لوزاية هذا الكليسر غالقني شو علبتة صغيرة بس السعر الكاتبينة عليه هواي
اخذتة منة وشمرتة واردفت
روح... يلا اطلع برة اريد اكمل
هز راسة وكام طلع رحت غفلت الباب وذبيت شالي و فتحت شعري وماراح اسحبة لأن ماكو ساحب هوا حلو مابي شي بس بالنهاية ويفي مشطتة واخذت فستاني دخلت للحمام ولبستة
فستان بسيط قليل من رجلي طالعة ولونة بنفسجي طلعت من الحمام
خليت شال على راسي ولبست البشت واخذت جنطي وفتحت الباب شافني وشمرلي بوسة بالهوة واشرلي اجي وراه ونزل
نزلت وراه هم يالا انروح لأن القاعة كلش بعيدة طلعنة سوة انريد نصعد بالسيارة بس استغربنة من شفنة رجال كبير شوي طالع وواكف بالباب ويباوع النة بأستغراب هز راسة ودخل للبيت
روح.... شبي هذا؟
الحبتر.. معليج بي مخبل
صعدنة بالسيارة وحركهة الطريق طويل وتلفوني كلساع ايدك باوعت الة علي جاي يتصل بللت شفتي وسديتة بالخمسة يلا وصلنة نزلت بسرعة ودخلت للقاعة لكيتهم جايين كبل انظاري استقرت على ترف باوعت الهة منورة القاعة من جد طالعة تحفة ملامحة وية المكياج والتسريحة صفنتني انسحبت قبل لا تشوفني ورحت للحمامات نزعت البشت والشال وعدلت شعري ومسحت ادموعي ورحت للمسؤولة بالقاعة وكتلها اريد فقرة خاصة انا وترف وانطيتها اسم اغنية هادئة حتة لا اتأذة وراسي يضل يأذيني
... اختي حبيبتي.... لعبد الله ناصر
بدت الموسيقى وانا مشيت بأتجاه ترف وعيوني دمعن عضت على شفتها تمنع ادموعها تنزل وعافت الماسكة وكامت من على الكوشة
بلعت ريكي ووكفت وهيا نزلت ما اتحملت نزلن ادموعها واجت حضنتني رفعت راسها بأيدية وبستها
وابتسمت وعيونها لمعن بفرح وحضنتها وابوس بيها
اردفت بفرح
روح... بنيتي كبرت وصارت عروس
رجفن شفايفها وباست راسي
ترف... امي الاحبها عبالي ماراح تجين
روح.. شلون ما اجي العرس بنتي؟
ابتسمت وخلصت الفقرة ورجعت كعدت على الكوشة وانا رحت كعدت يم عمة شفتها وجهة ثكيل علية اردفت وهيا تتوعد
أمل.. حسابج عد عمج روح
سكتت وغمضت عيوني من شغلو اغاني حاولت اضغط على نفسي بس ما اكدر الاغاني عالية وخاصتاً مالت الاعراس شوية واجت بنية صغيرة اتقربت مني وهمست
... انتِ لوزاية؟
استغربت وهزيت راسي بأي
روح.. ليش؟
جاوبتني.. اكو واحد يصيلج برة
هزيت راسي وكمت بأستغراب شيريد حبتر لبست بشتي ولفيت شالي و طلعت برة لكيتة منطيني ظهرة حس بية والتفتلي لابس كمامة وصلت يمة ومد ايدة بجيبة طلع سدادات مالت اذن وقدمهن الي
الحبتر.... هاي حتة لا يضل راس لوزايتي يأذيها
انطاني اياهن وانا بس مبتسة وفرحانة لأن مهتم بية رجعت دخلت وهوا بسرعة راح حتة لايشوفة احد
خليتهن بأذاناتي ومن بعدها ماسمعت اي اغنية ولا اي صوت بس كاعدة على صفحة واباوع الهم وابتسم سوو فقرة ترف وعلي ركصو سلو اباوع الهم يجننون سوة صار عندي فضول اسمع الاغنية شلت سدادة وحدة وسمعتهم يركصون على اغنية 60 دقيقة الاصالة
رجعتها الاذني ورجعت اباوع الهم عيونهم اثنيناتهم تلمع ومبتسمين مدري شنو همس بأذنها وانا احسها صارت طماطة من الخجل شالها وفراها وانا اريد اطير بمكانها من الفرحة
مر باقي الوقت ماصار بي شي مهم الحد ما ردنة انزفهم بفندق دخلت على ترف كاعدة على الچرباية ومبينة متوترة ابتسمت واتخصرت كبالها
روح.. نسيت البارحة ماعلمتج
ترف.. شتعلميني؟
ضحكت بصوت عالي
روح.. شغلات عيب راح تسوونها
هزت ايدها واردفت
ترف.. انجبيي انجبييي كلشي اعرف عود اذا تردين اني اعلمج شغلات لا انتِ ولا الاكبر منج يعرفها
روح.. ادبسزز منين اتعرفين؟
ترف... روحي حبيبتي روحي نامي اعرف شغلات اذا احجيهة الج يشيب راسج
سكتت وهيا سئلتني
ترف.. وين الجنطة؟
روح.. هناك بالصالة مخلينهة
هزت راسها وكامت انطتني ظهرة واردفت
ترف.. فتحي السحاب
روح.. جا ماتنتظرين علي؟
ترف... لا لا ابدل براحتي احسن
فتحت الها السحاب والتسريحة وراحت فتحت الجنطة انصدمت من شافت ولا اتراك
ترف.. وين التراكات؟
روح.. شتسوين بيهن صرتي كبيرة
حجيتها وطفرت طلعت برة الغرفة
ولا زالت الحكاية مستمرة
الى اللقاء زهـراتي