مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +ضروري تعلقون بين الفقرات +احبكم زهـراتي
قبل لا ابدي احب اكلكم تفاعلكم نازل بأخر فترة وهذا شي حتة دمر حماسي للرواية
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــــــــ
ماذا جنيتَ كي تَمِلَّ وصالي؟
إني سألتك هل تجيبُ سؤالي!
حاولتُ أن ألقى لهجرك حُجةً
فوقعتُ بين حقيقةٍ وخيالِ
كُنتُ القريب، وكُنتَ أنت مُقرَّبي
يوم الوفاق وبهجة الإقبالِ
فغدوتَ أشبه بالخصيم لخصمِهِ
عجبًا إذًا لتقلبِ الأحوالِ
ياصاحِبًا سكن المَلالُ فؤادهُ
أسمعت مني سيء الأقوالِ؟
لتميلَ عني ثُم تكرَه رؤيتي
ويكون حُلمك أن ترى إذلالي!
أنا ماطلبتكَ أن تعودَ لِصُحبتي
بعد الخطيئةِ أو تَرِقَّ لحالي
فأنا بغيرك كاملٌ متكمل
وكذاك أنت على أتمِّ كمالِ
لا أنت لي نقصٌ، ولا أنا سالبٌ
منك الكمال، فعِشّ العزيز الغالي
واقطع وصالك ما استطعت
وعش على هجري فإني لا أراك تُبالي
هي قصةٌ بدأت بحُبٍ صادقٍ
وتنوعت يومًا بكل جمالِ
فقضَت ظروف الدهر أن تمضي بها
وبنا لأسوء مُنّتهًا ومآلِ
أنا لن أُجادلك الوفاء
فَمَا مضى قد يستحال رجوعه بجدالِ
لو أن فيك من الوفاء بقيةً
لذكرت أيامًا مضت وليالي
و وهبت مِن أسمى خصالك مثلما
أنا قد وهبتك من جميل خصالي
كم قلت أنك خير من عاشرتهم
فأتيت أنت مُخيب الأمآلِ.
ـــــــــــــــــــــــــــــــــــــــــــــــــــــــــــــــــــــــــــــــــــــ
ترف
هزيت راسي وطلعنة بالطارمة اجينة نفتح الباب الرئيسي وسمعنة الباب مالت المطبخ انفتح شهكت مَلك واني اتيسبت بمكاني
همست من بين اسناني المَلك
ترق... مَلك بسرعة طلعي علي واكف بالسيارة من يشوفج ينطيج اشارة بالكلوبات
مَلك... وانتِ ترف؟
ترف.. انيي ادبرر نفسيي انتِ روحيي
لايشوفونج وياي وانطيح بمصيبة اكبر من هاي
بسرعة طلعت برة سمعت صوت صياح عرفتها من نباحهة هاي رقية
رقية.. هاااا سا**** ترددين تشرررديننن مننة اكيدد عندج واحدد
درت عليها واني ابتسم طكيت بعلجي وحجيت بكُل برود
ترق.... هههه وابو الحسن كلش هواي ضحكتني اشررد وية واحدد؟؟ ليشش ششايفتني اني رقية الي اتختل بنص الليل وية واحد متزوج؟؟ شبيج اميي لككك تئبرنيي لا تعكرين مزاجي الابيض دوري وجهج ورجعي منين ماجيتي يلا بسرعة
اجت هجمت عليي جرتني من رقبتي من الحرز دنكت راسي ونزعتة ضل بيدها دفعتها بالكاع بكُل قوتي طاحت وطلعت بسرعة اركض ضليت اسمعها تصرخ واتصيح الهم
مشيت الفرع كلة وشفت سيارة علي واكفة بالبداية وعلي واكف ويمها خليت ايدي على ركبي كوة اجر النفس حسيت حتة نفسي صار بفلوس رفعت راسي ليفوك وكملت ركضي ووصلت اله ولا ارادي شمرت نفسي بحضنة واتنفس سريع
من شفتة كأني امنت على نفسي لف ايدية حواليه وشدني الة بقوة
الرجفة اعتلت جسمي والنفس كوة اجرة حاولت اطمن نفسي واقنعهة ان الكابوس الصار مدة ثلاث ايام وانتهى
حسيت بنفسي ارتفع عن الكاع
طمني بدكات قلبة المنتظمة استوعبنة الي جاي نسويه ونزلني بسرعة
بلعت ريكي وابتعدت عنة باوعت العيونة بيها نظرة خوف الي
راد يحجي ماانتظرتة كبل صعدت يم مَلك الي لونها مخطوف من الخوف
خليت ايدي على صدري وجريت نفسي
مَلك... شبيج ترف
هزيت راسي اطمنها
ترف.. مابية شي بس لأن ركضت
صعد علي وحرك السيارة وباوعلي بالمراية واردف
علي... سوولج شي ترف؟
ترف.. لا شحدهم
علي.. بلا ما تكليلي شستفاديتي من رحتي وياهم؟
ترف... اتونست واجيت
علي... انتِ اتونستي! واحنا عايشين بقلق وابوي لا ليلة ليل ولا نهارة نهار
بلعت ريكي وسرعان ما دمعن عيوني عضيت على شفتي امنع انهياري كدامهم رفعت نظري الة وحجيت واني افرك اصابعي
ترف... شلونة عمو هسة وكاعد لو لا؟
علي... شرب علاجة ونام
نزلت دمعتي واريد بس اوصل للبيت حتة اشوف عمو واعتذر منة ابوي هذا شلون احجي ويا هيج شلون بيا عين راح احاجي
اتنهدت ورفعت نظري العلي
ترف..اذا شافو مَلك طلعت ويانة شلون؟؟
علي..مايعرفون بغض النظر عن محد شافجن سوة شارع البي بيتهم مابي ولا كامرة
ترف..بس راح يدرون اختفت بنفس الوقت الي شردت بي!
طك رقبتة وضحك
علي..وصلتني اوراق الهم حلكهم ما راح يكدرون ايتفحونة
وجه الكلام المَلك
علي... محتاجة شي خوية؟؟
هزت راسها بلا
علي... تمام هسة سمعني انتن الثنين مَلك خوية اوديج الشقة صديقي
رفعت راسها بصدمة عبالها قصدة غير شي
مسح وجهة بأيدة وحجة
عاي... وياي آمني بحمايتي انتِ.. لاتفهمين قصدي غلط جنت اقصد صديقي مسافر ومفتاح الشقة عندي انطي الج وانتِ تضلين بيها مااكدر اخذج للبيت لأن باجر من الصبح جويبر وحويزم وخالد عكروكة بالبيت عدنة وضامن هالشي من هذا الشارب.. واشر على شواربة... وانتِ ترف الشيخ ينتظرنة بالشقة يعقد
رفعت حاحبي الة
ترق... وليش مستعجل؟
علي... مو على زراك عيونج باجر من الصبح من يجون شنو اكللهم؟؟ بيا صفة اخذتج؟ غير عدنة عقد اسد حلوكهم بي
سكتت بعد ماعندي حل ثاني ولا حجة حتة اعترض ووصلنة قريب على سيطرة دك باصابعة على الستيرن
علي... انلاصت هسة شلون نعبررر حظر تجوال الطير يعرفونة من يعبر
ترف... شسالفة جا شلون اجيت النة؟
علي... اجيت بالتسعة بالليل وكفت بفرعهم وهيج وكت ماكو حظر بس هسه نص الليل والساعة راح اتصير بالثنتين
سكت وشوية وحجة
علىي... وحدة منجن تسوي روحة مريضة حتة انكللهم رايحين للمستشفى
باوعت وحدة للثانية عرفت مَلك الفاهية العوبة ماادبرها
ترف.. جا ماجايب باجك مالت المحامة؟
علي... لا ماجايبة
نمت على كتف مَلك وكضيت بطني الي بدت شوي تأذيني من صدك اردف علي
علي... غطي وجهج بكوشتج
رفعت راسي وحجيت بعصبية
ترف... تروحلها فدوة عندك نفسها؟
علي... لا همزين الله مابلاني بيها
خزرتة ورجعت نمت على كتف مَلك وغطيت وجهي بشعري
وكضيت بطني ووصلنة الهم وسلم عليهم علي وبدو يستجوبونة
.. ووين رايحين؟
علي.. والله مرتي بطنها تأذيها
باوعت الة من فتحة صغيرة وصحت
ترف.... يمة راسيي.. كرصتني مَلك على الجفصة... بطني قصديي بطنييي منن الوجعع مااعرف افرقق بيناتهنن
باوع الي الضابط.. سلامات شنو حامل؟
علي... لا كثرت بالعشا حجيت عليها مااتكثر بس شسوي اطلع حركة كلبها بالاكل وقالونها هاج عليها
حجة هذا الحجي واني ضليت اختض من الضحك عبالهم ابجي واني بس اريد اضم ضحكتي الشهيرة خلونة نعبر ورفعت راسي بعدت شعري وحجيت
ترف.... يا علي يا سزززز ماانلامم من اكلكك تنشرر الفسوق هاي هيج اني بنظرك احبب الاكلللل؟؟؟
علي.... لا تعصب
دخنت بالزايد عبالك دخان ويطلع من ذاناتي التفتت المَلك تضحك بس بسكوت خزرتها وكرصتها
ترف... لااا تضحكين اشمرج من السيارة وابو الحسن
خلت ايدها على حلكها تمنع ضحكتها درت وجهي عنهم اثنينهم وصلنة للشقة نزلنة اتلاثتنة وصعدنة فتح علي الباب ودخلنة للشقة خلينة مَلك كاعدة بغرفة واحنا دخلنة للصالة لكينة الشيخ الي عساس شيخ كاعدة وينتظرنة رفع نظرة العلي وحجة
... اتأخرتوو
علي... السيطرة كضونة
... جاا شلون عبرتو
باوع علي الي وحجة بخبث
علي.. عبرنة بعد
كعدت على صفحة وهوا راح مدري شنو همس بأذنة
قلبي انقبض مااعرف بس مامرتاحة شعور مو حلو مايوم اتخيلت ان ممكن اتزوج بهاي الطريقة سواء من علي الي جان اساساً مو ابالي وكل تصرفاتي وياه بنية صافية او غيرة
منعت نفسي ان تنزل دمعتي مااريدة يعرفني ان اني مقهورة بدة يعقد بالبداية قرة ايات قرآنية قاطعة علي
علي... مايحتاج ابدي اعقد خويه
هز راسة وعقد النة راح علي وياه برة الشقة اتنهدت وجريت حسرة هدت حيلي استغفرت الله وكمت رحت المَلك فتحت الباب ودخلت
ترف.. ها ملوكة مرتاحة؟
مَلك.... الحمد الله بس كملو فضلكم وطلكوني منة
ترف.... صار انطلكج من خالد عكروكة بس انطي مجال العلي
دخل علي وحجة
علي.... رايحين احنه خوية يمج مسواك ومصرف بالجرار البصفج وخاف يخلص المسواك وانا مااكدر اجي بسبب الحظر تنزلين للسوبر ماركت هنا فرق جم محل
حدج الة وترجعين ولاتخافين مايلكونج هنا ولا يتوقعون اساساً وانا اطلكج منة لأن لازم عليه لزمة يشكونة ويشكون الخلفو بس يكضونة
اردفت مَلك بخجل
مَلك... لا ماقصرتوا ومحد من اهلي سوا سوايتكم شلون اجازيكم وبالنسبة للفلوس اني عندي مايحتاج لا تكلف نفسك
علي... ميخالف خليهن يمج
ترف... اني اضل هنا ما اروح
باوعلي بطرف عينة
علي.. خوش من تخلصين نزلي وراي للسيارة
طلع وغميتة سلمت على مَلك ووصيتها على نفسها ونزلت صعدت بالسيارة مجرد ماحركت السيارة شغل اغنية اجيبك للدرب دك باصابعة على الستيرن وية الاغنية خليت ايدي على خدي ودرت وجهي للجامة غنة وية الاغنية
اجيبك للدرب كتلك اجيبك
لا تراهن علية اسمع حبيبك
لا تتعاند وياي ماتكدرلي يهواي
انا غافل عليك الة اجيبك
طلعت موسيقى وطك اصبع وياها ويضحك بشماتة قهرني بتصرفاتة اتمنة اخلي جوة التاير وصلت دمعتي بطرف عيني رجع كمل
اجيبك لو وراك الفين حراس
بنص الليل اجيبك تشهد الناس
خليهم يكولون لو مثلي يصيرون
وصلت حدها مديت ايدي للمسجل وطفيتة وصحت
ترف.. كااااافيي تعرفنيي ماموافقة على هذا الزواج وانتَ فرررحان؟؟
مد ايدة وكرص خدي اردف ببرود
علي.... اعصابك موزين عليك العصبية لك تئبرني مشتاقلك ولك
دفعت ايدة بنتر ودرت وجهي ما اتحملت اكثر
نزلن ادموعي وحدة ورة الثانية
شوسة وحجة بتسائل
علي... شنو سويتي عدهم؟
مسحت ادموعي وسولفتلة عن السويتة رفع حاجبة وحجة
علي.. مقتنعة بتصرفاتج!
سويت نفس حركتة وحجيت
ترف.. شبيها؟
علي.. لا ابد كلشي مابيها بس ما فكرتي احتمال يشكون بيج ساعتها شيسون؟
ترف... بس ما شكو وطلعت بسلامات
علي... ومن بعد شنو طلعتي بسلامات؟
اتخيلي لو واحد منهم معتدي عليج ساعتها شتسوين؟
دنكت راسي وضليت افرك بأصابعي عضيت على شفتي وعيوني دمعن رجعت رفعت راسي الة وحجيت بهدوء
ترف... بس انتَ اجيت واخذتني من يمهم!
ابتسم وسكت وصلنة للبيت ونزلت نزل هوا وغفل السيارة ودار يمي لف ايدة على كتفي حركت كتفي بأنزعاج بس مابعدها
علي..على كيفك شبيك هوا جتف شمسوي هسة
حجاها ومد ايدة على خصري كرصني وفتح الباب ودخلنة للبيت
البيت كُلة ضواه مطفي
ترف.. عمو وعمة يدرون اني راح اجي؟
قرب وجهة الي متعمد عود يسمع واردف
علي..ما سمعت عيدي؟
اتنهدت وعدت الي حجيتة
علي.. اي يدرون بس نايمين
هزيت راسي ووخرت ايدة وصعدت الغرفتي مجرد ما دخلت الها اختنكت وحسيت بشعور عدم ارتياح
باوعت للارجاء لكيت كلشي على حطتة فتحت الكنتور واخذت من الملابس الي مخليتهن هنا لأن مااخذت ملابسي كلهن رحت سبحت و نزلت جوة حتة اشرب ماي من المطبخ فتحت الضوة ودخلت اخذت الكلاص وصبيتلي ماي مجرد مادخل المعتي اتقيئت بالكاع كضيت بطني بألم وغمضت عيوني من الوجع حسيت احشائي جاي تتقطع فتحت عيوني وفزيت راجعة ليورة من شفت متقيئة شغلات نفس الدود لونهن اسود ماكدرت اتحمل الالم مشيت بصعوبة الغرفة علي دكيت الباب واني كوة رافعة ايدي سئل منو بس،مااكدر اجاوب فتح الباب وهمست بوجع
ترف... الحكني راح اموت
حجيتها وبعد ماحسيت بشي
••••••••••••••••••••••••••••••••
روح
همس بفحيح بأذني
الحبتر..... اليوم 7 بالشهر وباجر تعرفين شنو؟
غمضت عيوني وابتسمت مابجيت ابد ولا اتوسلت كأني اتعودت عليه وعلى خداعة الي وتناقضة ثعلب الحبتر خادع ماكر ماممكن يتغير
فتحت عيوني ولفيت ايدي حول رقبتة واتقربت منة تحت انظارة المتفاجئة من تصرفاتي عكس متوقعة
رفعت نفسي على اطراف اصابعي وطبعت بوسة خفيفة على شفايفة اجيت ابتعد ماخلاني خلة ايدة على راسي واندمج وياي ابتعد علمود ياخذ نفس همس بصعوبة
الحبتر... لوزاية اتعبيني هيج لا تتقبليني ابتعدي عني رفضي!!.. أذيج ترا كتلج قبل وارجع اكول اريد اضمج بروحي من روحي خايف عليج من نفسي
مشيت ايدي على صدرة غمض عيونة
ابتسمت من عرفت نقطة ضعفة
روح.... ولأن تصرفاتي جاي اتعبك ماراح اغيرها خليها ابالك اندمك واتعبك على سوايتك وياي
كض ايدي وعصرها بكف ايدة ودفعني عنة وطلع برة الغرفة كعدت بالكاع ولميت رجلية الصدري وسندت راسي للحايط مااعرف باجر شنو راح يصير ويا نوع من التعذيب راح يعذبني ماينحزر وكل ما اكول فهمتة اطلع كلشي مافاهمة منة وكل يوم يتعامل وياي بشخصية
تعبت من الكعدة اتمددت بالكاع بس ما كدرت انام اخاف اغفى ويجي باجر ضليت مقاومة الفترة حيل طويلة الحد ما غمضت عيوني وانا مامرتاحة وحتة كوابيس حلمت
حلمت يتغصبني ويذبحني مالحكت اغفة وفزيت من نومي عركانة والنفس كوة اجرة اول مافتحت عيوني لكيتة بوجهي ومبتسم نفس الابتسامة و ربي راح يخبلني زحفت ليورة على مقعدي وهوا اتقدم يمي
اردفت بتحذير
روح ... خليكك بمكاننك حبتررر كاافي الي مسوي بية هسة كاافي
اتجاهلني وهجم علي كعد على بطني وسد حلكي بأيدة خزرني بعيونة وسكنت عن الحركة بس ادموعي تجري
الحبتر... كلمة وحدة اذا حجيتي تقرين الفاتحة على روحج و روح ترف
بعد ايدة وطلع من جيبة جهاز وشهم شهكت ببجي وصحتت
روح... حررااام حبترر والله حرررررامممم عليكك وينن ترووح من عقاب الله
تجاهلني وخلة ايديه على التشيرت مالتي وشكاه
رفعت ايدية ادفعة
بحركة بسرعة نزع تشيرتة وطبك ايدية بقوة وربطهن
غمضت عيوني من حسيت ابرة ووغزت المنطقة الفوك من صدري نفس المنطقة الي باسني بيها امس
مااكدر اتحرك مقيدني وولازمني حيل رفعت راسي وصرخت حسيت الوجع بقلبي اتمنيت اموت بلحظتها ضليت ادفع برجلي بس ثابت مايتحرك صحت
روح.... عووفنيييي حبتررررر اتأذيتت والله
كأنة ماسمع وكمل يوشم مااعرف شنو بس يحرك الابرة وية كل حركة منها روحي تطلع
تعبت حنجرتي من الصياح استسلمت للالم ودموعي تجري
رفعت راسي وصحت
روح..... يا أمير المؤمنين
رفع الجهاز بعد مدة وباوع بعيوني احس ضام بيهن شي
اردفت وانا نفسي تعبانة اخذة
روح... مامسويتلك شي ليش هيج تسويلي؟
مارد وتجاهلني وانا الالم ينهش بية نهش طلع ابرة من جيبة وسحب ايدي ضربني وكام عني وطلع دقايق ونمت فزيت من نومي وانا كوة افتح عيوني من ثكلهن بلعت ريكي وحنجرتي بس تجرح بية واحس بمرورة وضحت عندي الرؤية شفتة كاعدة كبالي بس شافني صحيت جر الابرة وايدي ماعندي اي قوة حتة ادفعة ولا صوتي الي جان السلاح الوحيد الادافع بي عن نفسي من وحشيتة ضربني بالوريد وخلة ايدي على بطني ضليت اباوع الة وبعيوني هواي حجي هواي عتب على حقد على كره لخبطة بالمشاعر مااعرف اوصفها بادلني بنظراتة الي تختلف عن اخر مرة شفتهن نظرات بيها نسمة من المشاعر الدافية مفتقدها ومحد امبادلني بيها نظراتة مختلفة 180 درجة عن اخر مرة شفتهن لمعن عيونة وذبلن بلع ريكة وانا غمضت عيوني صح بعدة مابادي مفعول الابرة بس مااريد اشوفة حسيت نفسة قريب علية وملمس شفايفة على جبيني ابتعد واردف
الحبتر... روحي لوزايتي كون ايدي تنكسر.... ما تتحملين تعب عين عيني
بعدها نمت كعدت على صوت حركة بالغرفة حاولت احرك ايدي بس مااكدر جسمي كلة يأذيني فتحت عيوني بصعوبة من وجع راسي شفتة يفتر بالغرفة مااعرف شنو يسوي اجيت اريد ارفع نفسي حتة اكوم انتبه الي ورفع ايديه محذرني اتحرك
الح.... بمكانج لوزاية مريضة انتِ لا تتحركين
رجعت اتمددت وهوا اجة قاس حرارتي احس نفسي مشتعلة نار
شافها ولم شفايفة للداخل
الحبتر... غادية نار لوزايتي شصاير بيج منين اجتج هاي الحرارة؟
ماجاوبتة لأن مااكدر احجي ولا اريد احجي كام من مكانة وانطاني ظهرة وراح يجيب علاج من العلاكة انتبهت الة لابس فانيلة داخلية سودة وبجامة سودة وعضلاتة بارزة درت وجهي اريد اجر نفس بالكوة يلا
اجة وخلالي العلاج بأيدة
خلة ايدة الثانية جوة ظهري ورفعني الة شربني العلاج وبعدها شربني ماي وكلساع يهمس
الحبتر.. عوافي.. لوزايتي... صيري زينة بنياتي.. عين عيني
باسني براسي ورجعني المكاني اجة يكوم بالكوة جمعت شتاتي وحجيت ببحة بسبب المرض
روح... اريد اسبح
ماسمع بس شافني حجيت شي اتقرب من وجهي حتة يسمع حجيت وانا اتألم من حنجرتي
روح.. اريد اسبح
هز راسة وابتعد واردف
الحد... خاف ماتكدرين لوزاية اسبحج انه؟
هزيت راسي بلا وهوا افتهم كام من مكانة وطلع شوية ورجع شالني ووداني للحمام لكيتة مكاسر الماي بالدوش كعدني على تختة واردف
الحبتر... تكدرين وحدج؟
هزيت راسي بأي طلع من الحمام وسد الباب وانا جسمي موتني من الالم بصعوبة ذبيت ملابسي وكعدت جوة الدوش هذا الماي الي يطيح على جسمي يأذيني
بلعت ريكي وكضيت بالحايط وكمت للمراية باوعت لمكان الوشم واشم فوك من صدري
8.r.8.m
نزلن دموعي وخليت ايدي على الوشم
وفركتة اريدة ايروح بس ثابت
اريد اصرخ صرخة تهد حيلهم كلهم مهدود حيلي ومكسورة خاطر
المشكلة مااشوف بعيونة نظرة ندم وكأنة صدك مايتندم على اي فعل يسوية
كملت سباحة ولبست ملابسي ودكيت الباب رأستاً فتحة اجة يريد يشيلني رفعت ايدي مانعتة استندت على الحايط ومشيت بصعوبة للغرفة لحكني ووياه صينية اكل كعدت وخلاها كبالي
الحبتر...اكلي بندقة اريدج تصيرين زينة
هزيت راسي بنفي اتقرب مني وكعد يمي كلش سوالي لكمة صغيرها وقربها يم حلكي واردف
الحبتر... فتحي حلكج
لميت شفايفي للداخل وهزيت راسي بلا للعلم جواعانة بس مااريد اكل منة ولا عندي قوة ارفع ايدي وانا اكل خزرني ونتر
الحبتر... لوزاية مريضة انت لاتخليني أذيج
فتحت حلكي ووكلني
قرب وجهة وباسني بخدي
الحبتر... بنياتي لوزاياتي هسة تصير زينة
اكلت بس مااحس بطعم الاكل ووصل الاخر لكمة خلاها بحلكي وانا جلبت بأصبعة عضيتة قوي طلعت كل حركة قلبي بيه باوعت الوجهة اريد علامات الالم كلشي ماكو بس يباوع الي
ابتسم واردف
الحبتر... خيط جرحي انتِ
سحب اصبعة وباوع الة اثار اسناني مطبوعة بي ماسوة شي بس شال الصينية وكام
زادت حالتي سوء عن قبل بحيث نايمة بالفراش ومتغطية ببطانيتين وارجف وهوا مكابلني ومحتار شنو يسوي
روح... اخذني للمستشفى راح اموت
هزر راسة بلا وقاس حرارتي وصاح
الحبتر... ليشش ماجااي تصيرينن زينة ليشششش
باوعت بعيونة اكو خوف بنظرتة الي اردف بحنية
الحبتر... لوزاية بردانة؟
هزيت راسي بأي وهوا رفع البطانية عقدت حواجبي من شفتة واشم نفس الوشم على معصم ايدة الوشم بصعوبة مبين بسبب كثرة وشوم الواشمها
دحس نفسة يمي حضني بقوة وباس شعري
الحبتر.. هسة تدفين لوزاية
رفعت نظري الة وحجيت بصعوبة
روح... كون اعديك و تتمرض وتموت
الحبتر.. المرض اليجي منج كل الهلا بي
حجاها وفتح سحاب التراكسود وباسني بالوشم كزبر جسمي من ملمس شفايفة صعد على رقبتي وباسني بقوة وجرني من شحمة اذني وهمس وهوا فاقد
الحبتر.... غاديلج نار بكلبي اكثر من نار جسمج
ضميت راسي برقبتة وغمضت عيوني شدني الة حيل وشم شعري وغمضت عيوني نمت
فزيت الصبح وهوا يريد يخلي راسي على المخدة باوع بأسف واردف
الحبتر... ماادري بيج راح تكعدين شلونج هسة؟
حسيت نفسي احسن بنسبة قليلة افضل من الايام الفاتت هزيت راسي بتمام وهوا دك على صدرة واردف بغرور
الحبتر... هذا كلة لأن نمتي بحضني.. غمز واسترسل... موجود انه يومية تعاي احضنج
اتحمحت وجاوبتة
روح... ديلا هسة هيا شلون نومة خايسة
حجيتها ورجعت غمضت عيوني اريد انام بس مااكدر
اتفأفأت وذبيت البطانية اشو احتريت النوب كمت ومشيت على كيفي ورحت غسلت ورجعت كعدت و هوا جاب الريوك وصاحلي اجي
سندت راسي على الحايط
روح... مابية حيل اكوم انتَ جيب الصينية هنا
باوعلي بطرف عينة وشال الصينية وجابها يمي
الحبتر... اكلي يلا
روح... مااشهتي ومااحس بطعم الاكل
الحبتر.. ميخالف اكلي
روح.. مابية حيل
الحبتر.. خو كولي تردين اوكلج
رفعتلة حاجبي ومديت ايدي للاكل اكلت شوية وهوا ضل ياكل لكمة ويوكلني الثانية
ضل هنا الحد مااتحسنت صحتي وصرت احسن وبيوم من الايام كعدت ولكيت
••••••••••••••••
لمعان
مريت على الصالة حتة اتأكد من الباب مقفول او لا جان اشوف شي عمري ماتوقعت نفسي اشوفة
المنظر جان يقشعر البدن ديسم فارش سجادتة وساجد وفاتح اللابتوب ومتصل على احد اريد اشوفة منو بس ما اكدر هم ساجد رفع راسة وشهكت وخليت ايدي على حلكي من شفتة الحبتر نزلن دموعي واني اشوفهم رجعو للطريق الصح بللت شفتي وضليت اباوع الهم وانسحبت شوي شوي حتة لا يشوفوني وكفت بالباب بس اسمع صوتهم الواضح خلصو وكال حبتر
الحبتر... ولك ديسم احس شوية سجدتين ليش مو تلاثة اربعة
ديسم... اي مو هوا بكيفك
الحبتر... انجب احسن لا تخليني اغلط وانه هسه مخلص صلاة
ديسم...سمعتك تبسبس بس لا تضحك عليي وما تحجي شي؟
الحبتر... لا احجي بكلبي انتَ التبسبس
سمعت ضحكهم شوية ورجع كال ديسم
ديسم... اسمع اسمع هذا الواحد من يطول بالركوع تتحسن الدورة الدموية مالتة ويعيد نشاط كلبة
الحبتر...قصدك كلبة يتحدث.. زين اسمع انه شنو قريت
ديسم... شنو
الحبتر... الواحد من يركع ويطول الشيطان يموت قهر
ضلو يسولفون ويضحكون اجيت انسحب وسمعت طاري خنجر
الحبتر... دودو اتصلت على خنجر حتة لو مانحاجي بس لازم ويانة
ديسم.. اتصلت عليه بس مشغول الة تعال وين انتَ؟ شنو حلتلك الكعدة دتعال فضت السالفة
الحبتر... شتردون مني عوفوني كاعد هنا
ديسم.... وين انتَ؟
الحبتر.. معليك دودو سوالف كبار
ديسم... بدون اتمسلت من تريد ترجع انطيني خبر حتة اسويلك واسطة تعبر لأن الحظر اتشدد كلش وها ويننن ما انتَ جنت التزممم ثم التزم البيت ما تدخلة اذا ما تسوي مسحة
الحبتر... ما اكدر اسوي مسحة خشمي بي بواسير
خليت ايدي على حلكي واحاول اضم ضحكتي
صعدت فوك نمت مر تقريباً اسبوع ونص والحبتر كال الديسم راح يجي وامي طايرة بي اجانة وصدمنة من كال
ديسم... هلاك مصاب بكورونا حضرولة الديوانية يجي محد يوصل الة وامواج لحد ينطيها خبر لأن تلزك الة تروح يمة بس انه اتكفل بي محدد يوصللل
حجاها وشدد على اخر كلمة وراح وامي ادك وتلطم عليه كعدت بالكاع ودكت على رجلها
نجاة... راااح يروح ابني مااتحملل بعدد النوب ايروحح العزيز
حجتها وخلت الشيلة على وجهة تبجي رحت اواسيها و اطمنها ان يصير زين بس ماكو غافلة امي وتخاف عليه هلاك معزتة عند امي اضعاف معزتنة عدها حيل اتحبة
هديتها وهيا كامت اتوضت وراحت تصلي وتدعي
الحد ما سمعت صوت هورن ركضت فتحت الباب وابتعدت دخلو بالسيارة مالت ديسم نزل دار فتحلة الباب وسندة نزل هلاك تعبان بشكل
ديسم مااخذ احتياطاتة ولابس كمامة وكفوف دخلة للديوانية الي جهزتة بسرعة رحت وراهم ووكفت بالباب اشرت للحبتر بهلو شافها ونزل كمامتة وابتسم الي
رجعت دخلت للبيت وصعدت فوك لكيت امواج تمشط شعرها التفتت الي وخلت المشط على ميز التواليت
امواج.. مااجة بابا؟
لمعان.. لا صارت عندة شغلة
برطمت وكتفت ايديها بزعل
امواج.... ماايجيي ليسسس يعنيي مايجي واذا سغللل واذا نغيد نسوفة مستاقة الة مايصيغ مايجي النة وين يغوح؟؟
رحت ومسحت ادموعها الي بدن ينزلن واردفت
لمعان.... بابا مايكدر يجي عندة شغل مايصير نلح عليه يزعل علينة تردينة يزعل؟
هزت راسها بلا
لمعان... بس يجيي نعاقبة ونخلي يطلعنة حتة لو بس يفرنة الشارع مو حتة اختنكنة
هزت راسها وكعدت تخطط شنو تسوي اذا اجة وشلون تستثمر هلاك واني رحت سويت اكل الحبتر على حسب تعليمات ديسم وصحتلة ياخذة باوع للصينية وحجة
ديسم... مرة ثانية سوي بسفري هذن راح اذبهن لأن امي اذا اتمرضت هيا لو امواج يطيحن بيها ماعدهن مناعة وكافي عليي واحد
هزيت راسي واخذ الصينية وراح ديسم حيل تعبان ومقهور على هلاك... لليل ومااعرف شلون امواج غافلتني وطلعت برة صبيت چاي الديسم والامي وديتة الهم رفع راسة ديسم اخذة وابتسم
ديسم... عاشت ايدج.. امواج وينها؟
حضنت الصينية واردفت بأبتسامة
لمعان.. فوك
عقد حواجبه وحجة
ديسم.. لا ولج نزلت كالت رايحة يم لمعان
بهت وجهي وطلعت برة بسرعة لكيتها كاعدة برة بالحديقة وتلعب رفعت راسها الي
امواج... سبيج سافنة علية؟؟
شمرت شعرها ليورة... تغة ادغي بنفسي حلوة
هزيت ايدي وكعدت يمها شوية وسمعت صوت فتحة باب التفتنة اني وياها وهيا كمزت من شافت الحبتر طالع وهوا انخطف لونة اجت تحضنة وهوا رجع ليورة
رفع ايدة يمنعها وهيا تشيل روحهة واطكها بالكاع حاولت اسكتها بس ماكو تريد تحضن ابوها طلع ديسم مستغرب صوت البجي شافها وفتح عيونة على وسعهن اجة ركض الها بالكوة شالها لأن ماتقبل اخذها جوة واني رحت وراه لكيتها تبجي وتشكي الديسم بحركة
امواح.... اكوللل اني اللعمان بابا ويننن تكلييي عندة سغل وطلع جاي بالديوانية ليسس تكذبوون وياييي؟ وبابااا ليسسس مايقبل يسلممم علية سنووووو زعلااننن؟؟ النوبب ابجي ومايجي يسكتني ليسسس
خزرتنة امي لأن ماقبلت نجذب عليها بس شسوي هيا هاي التعليمات بالكوة سكتها ديسم وفهمهة ابوها مريض واذا اتقربت منة يتمرض اكثر وهيا بسرعة تتفاهم
اسبوعين كاملات احنة على فرد وكفة علمود هلاك
اخر شي من شافة ديسم صار زين جبنة واحد وسوالنة مسحة كلنة واتأكدنة ان مابينة شي يلا رجع هلاك النة بس بقت عندة شوي مضاعفات بس احسن
وبيوم جنة كلنة متجمعين اندك تلفون الحبتر رفعة وفتح عيونة بصدمة
ولا زالت الحكاية مستمرة
تصبحون على خير زهـراتي