روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
- حركتي گلبي بنار صارتلج دفوُ بيوم
قريـت المكتـوب ودموعي نزلت مسـحتهن وخذت الورقة ورحـت تمددت اباوع على الورقة الصـغيرة وعلى خط أيده ليش سـوويت بي هيييج ليش ماوكفت وياه ليشش كُلـها مو وياه رادني أني اصـير وياه محتاجنـي بس كسرتة ؟
شنو أسوي أني هسه ما اتحمل إذا سافر گُلش محتاجتة بحياتي راح يروح يسافر ويضل خمس سنين يرجع يلكاني متزوجة مخطوبة أنتظره اي أنتظره لطول عمري سنة سنتين عشرة عشرين أنتظره إذا موووو أني أنتظره منو ينتظره ؟
مسـحت دموعي رحت على تلفـوني طلعت رقمـة اتصلت علـيه كام يرُن ثواني وانسـد انتظرتة يتصل ماكو مرت ربع سـاعة ورجعـت اتصلـت وسمعت رقم الهاتـف المطـلوب مغلق حاليًا يرجـع المحاولة في وقتًا لاحـق
لا لا لا لا مُستحيل حيادر ما يسويها حيادر ما يسويها ويغلقة بوجهي لا لا عُيوني غوشن عرفت إزدواجية الرؤية بدأ عندي رجعت اتصلت عليه أكثر من مره ويطلع مُغلق لزمت راسي بأثنين اديه لا لا لا فركت عُيوني والغواش مدايروح
راسـي من جهة اليـمين بدأ يأذيـني قوي لزمت راسي ضـغطت عليه بأيدية الوجع دايزيـد ما يـنقص دايصير أقوه و أقوه غمـضت عيني بكُل قـوتي ما اكدر اقـاوم هذه الوجع تمددت بالكاع أريد أغمـض أريد انام مـاكو نوم ما اكدر انـام
فتحت عيوني أريد اشوف اروح اشرب العلاج مداشوف شي بس غواش وإلم براسي قوي وضوء الغُرفة دايأثر عليه وما أكدر اكوم اطفي شنو أسوي شنو أسوي كمت للباب بكُل ما بيه كوه داشوف الكدامي
توجهـت لغُرفة حُسين وصـلت الها وفتت وصـحت :- حُسسسسسين
ضغطت على راسي ورجعت صحت :- حُسيييين فدوة رد عليه كوم اكُعد كووم
ضـليت ادك على الباب ووجـع راسي يزيد وي كُل دكـة اخر شي كـعد حُسين واجه بأتجـاهي وكعد على ركتبة :- ريـتاجه شبيييج ؟ !!!
- حُسين فدوه راسي راح أموت
خله أيده كـدام وجـهي وحركها وكال :- داتشوفين شي ؟
ما حجيت شي كال :- جاوبيني ريتاجه داتشوفين شي ؟
- لا لا لا غواش حُسين ولله مداشـوف شي
ضغطت على راسي وصحت :- حُسسسسسسسين راسي راح أموت
سندني وكمنـة أول ما نزلنـة تلكتنـة أمي وأبوي :- يُمه اسم الله بنيتي شبيها ؟ !!!
حُسين :- ما أعرف يُمه ما أعرف سريع سويج السيارة وتعالو وراي
أبوي :- شبيهههااا حُسين ؟؟؟
حُسين :- أكيد شقيقتها سوييج السيارة وينه ؟
راحـت أمي على السريـع واجه عباتها على راسها :- ييييله
صعدنة السيارة وأني طول الطريق لازمة وضاغطة على اذاني ما اريد اسمع صوت كُل ما اسمع صوت قوي دايأثر على راسي ودايزيد الوجع
وأمي داتقـرة ايات قرآنية فـوك رأسي وتسـمي :- ريتااااجه لاتـضغطين على اذانـج
- ماماااا راسي مامااا ماريييد اسمع صوت سكتووو
ورها أمي ما حـجت شي وصلنة للمُستشفى نـزلوني وكبل للطـوارئ لاكتنة دكتورة وكـالت :- شنو شبيها المريضة ؟
حُسين :- صداع نصفي دكتورة
دكتورة :- جيبوهـا وراي سريييع
خذوني ودخلوني غُرفة ضلمة وكُل صوت ما بيها خلوني على السدية اجت الدكتورة فحصتني صاحت المُمرضة وكالت الها :- إبره سريع
راحـت المُمرضة ورجـعت جابت إبره وياهـا ضربـتني الإبره وحسـيت بقوه الإبره من دخلت بجـسمي بعدها ماحسيت بشي
كعدت وما أعرف شكد مر من الوقت راسي بعده دايأذيني سمعت صوت الدكتورة وهيه تحجي بصوت خفيف :- المحفزات سبق وأن تعرفوها الي هيَ الاضواء والاصوات العالية بس مريضتكم اجتها صدمة او توتر مفاجئ
حيدر :- أسبابـة شنو ؟
أريد اميز صوت منو هذه ما كدرت جاوبت الدكتورة وكالت :- تغيرات في جذُع الدماغ وتواصلة مع العصب ثلاثي التؤم اختلال التوازن الكيميائي للدماغ احتمال وجود صلة بين عدم توازن الناقل العصبي
حيدر :- أستـمرارة وشكد يستـمر ؟
الدكتورة :- من ٤ الى ٧٢ ساعة
أريد افتـح عُيوني مداشوف شي الغُرفة ضلـمة عيني داتأذيني راسي غمضت عيني حـاولت انام ماكدرت اخر شي لزمـت راسي وصحت :- منو هُنااااااااااا ؟
اجت الدكتورة تركض وياها أحد ما عرفتة :- فُسستق شبيج دكتورة شبيها ؟
دكتورة :- ما بيـها شي صحت والوجـع بعدة مستـمر راح نضـربها إبره بالوريد
سمعت كلمة فُستق وضـليت أردد :- لا لا لا لا اكيد داتخـيل مو هوَ لا لا مو هوَ
- أني يمج حيدره يمج ما اعوفج مأمني ما اعوفج يا هُيامي
مداسمع شنو يحـجي ضليت ضـاغطة على راسـي :- لاتضغطين فسسستقة
ضل يحاول يشيل ايدية من راسي ماكدر اجت الدكتورة :- اجيت أُمي
اخـذت أيدي ضربتني إبره بالوريـد غمضت عيني واستسلـمت ما أعرف شكد وكعدت بس جسمي احـسه متكسر تكسر ما أعـرف ليل من نهار الاضـوية طافية وهدوء تام حجيـت وكلت :- مـنو هُنا فدوة ردو عـليهإاذا اكو أحد
ماكو جواب كعدت وسندت نفسي على السديه اباوع على الباب شويه ودخل أحد وكال :- اهلاً صح النوم شلون صرتي ؟
ريتاج :- زينه شكـد صـارلي هُنا ؟
الدكتورة :- يومين
ريتاج :- يومييين ؟ ليش ما كعـدت !
راحت جابت كُرسي واجت كعدت كبالي وكالت :- انطيتج جُرعة دواء عالية لأن إذا صحيتي ما تقاومين وجع رأسج
- شنو صـار عليه وليش هيج فجأ صـار بيه ؟
- إثر صدمة او توتر
- اي ؟
- شوفي أُمي الي مصاب بالشقيقة لازم ياخذ حذره من الاضواء والاصوات العالية راح انطيج تعليمات اتبعيهم
- اي ؟
كامت تكتب بورقتها وكالت :- اي حسيتي بدا راسج يأذيج رسًا طفي الاضوية وغمضي عينج وحاولي قدر المُستطاع تنامين وأبدًا أبدًا أبدًا لا تفكرين بشي هُنا دماغج راح يتعب وراح تصيرلح اضطرابات البصرية او الشلل في أجزاء الجسم
مُمكن تفقدين نظرج لمده من الزمن قليلة جدًا مُجرد ما تحسين الآلم النابض صار براسج طفي الاضوية ونامي لأن حساسية الضوء والاصوات العالية تبدي عندج و نوبات الشقيقة يُمكن تسببلج آلم لساعات گُلش طويلة ومرات تستمر لايام
ضـلت تحجي الي وتحذرني أنُ ما ارتـكب اي خطأ مره ثانـية كملت وكـلت :- مُمكن سؤال ؟
- جواب حبيبتي
- هم اجه أحد هُنا غير اهلي ؟
- اي اجـت مره وبتها وابنـها
- اها ، بله زحمة عليج صيحي أمي
- دللي
راحـت الدكتورة وعرفت حـيادر وحواء وامهم جاييـن هُنا يعني حـيادر جان هُنا ؟
شويه واجت أمي دخلت وكالت :- يُمه بنيتي يُمه وحيدتي سودة عليه
حضنتني وبجـت وكتلها :- مُشتاقتـلكم
- يا بعد روحي احنه هم شلون راسج ؟
- زين
- الحمدُلله
مسحـت دموعها ورفعـت ايديها ودعت ونزلتهـن وكالت للدكتـورة :- دكتوره عيني شـوكت نكـدر نطلع ؟
الدكتورة :- من تصحى تضل يومين تحت المراقبة
أمي :- ليش دكتـورة بيها شي ؟
الدكتورة :- لا ما بيها شي راح اروح اجيب علاجها
راحـت ورجعت جاـبت العلاج وكـالت الدكتورة :- فُستقة عـيني لازم تاخذين العـلاج على الوقت ضبط
أمي :- منو فُستقة ؟
الدكتورة :- مريضـتكم
أمي :- اسمها ريتاج خالة
الدكتورة :- أعـرف لعد شلون داعالجهـا وما أعرف اسمهـا حبيت ادلعها فُستقة بيهـا شي ؟
أمي :- لا حبيبه
علمـتني على العـلاج وكملت وراحـت وكـالت أمي :- راح اروح اجيب الچ عشه يُمه
- اي ولله جوعانة
- صار
طلـعت وراحت رجعت غمضت عيني لأن مـا أريد افكر بشي سمعت صوت بالغُرفـة فتحت عيني اجت الدكتـورة شغـلت ضوه خـافت اضاءته ناصية گُلش وابتسـمتلي وطلعت
رجعت غمضت عيني شويه وهم رجع انفتح الباب عبالي أمي فتحت عيني واشوف حيادر كدامي :- حيييادر ؟؟
اشر الي بحـركة اش وأجـه بأتجـاهي وكال :- مشتاقلج يا بويه
ما جاوبتة وكتله :- شلون دخـلت لا يشوفوك ؟
- لاتخافين محد اكو
- مو زعلان عليه وحركتك بنار ؟
- انسي السـالفة راحت
- يعني صـالحتني ؟
سحب تنهيدة وكال :- رايح بطريق وبدولة ثانية و ما أعرف شنو يصير ما يصير فَ مسامحج فُستقة واعذريني سويت بيج هيج ما جان قصدي أذي شعره منج
- مسـامحتك يا روحـي بس أرجع لا تـجي أمي
- فُستـقة حياتي أنتِ
كال هيج ولوحلي بأيده وطلع مرت اليومين وطلعت من المستشفى ورجعت للبيت أول ما دخلت للبيت تلكتني حواء حضنتني :- الحمدُلله على السلامة لچ أنتِ ليششش تتمرضين
- شأسوي قابـل يا روحي
- لاتتمرضـين كلبي يفرفـح عليج ولله
دخلنة جانت الدنيا عصر أول ما دخلت للبيت شفت أخوي وأبوي سلمت عليهم وكال حُسين :- عين الشمس على كيفج ويانه
- تـدللون عيني
ضليت اسولف وياهم حيادر ماكو ليش ما اجه بس لا سافر شفت حواء داتسولف وكتلها :- حواء تعالي فوك
- صعدي جايتج
صعدت شويه واجت وراي وكتلها :- حيادر ليش ماكو ما جاي ؟
- يم آسر دايرتـبون اوضاعهم
- حجزو طـيارة ؟
- اي
- شوكت يسـافرون ؟
- بعـد يوميـن
ضجت ذبيت تنهيدة وكالت :- لا توضوجين رتوج فدوة أني يمج اي شي تحتاجين خابريني واجيج او أنتِ تعالي هم تضلين كم يوم يمنة
- وهيـج على ما تخلص الخـمس سنين
- اي لعد شـنو نسوي قابـل الحمدُلله
- راح اشتاقلة
- حتى هوَ هم راح يشتاقلج
- كلج ؟
- اي
سكتت وره شويه كالت :- تتذكرين من خذت من يمج الجنطة
- من جـنت يمكم ؟
- اي
- اي اتـذكر ليش
- هوَ كلي روحي جيبي جنطة فُستقة
- ليـش ؟
- دسمعي اي وخذتها ورحت اله طلع كلينكس ورش من عطرج عليها وضمها وي ملابسة بالجنطة السفر مالتة
أبتسمـت نوب كالت :- نوب جـاب ورقة صغيرة وهذه قلم كـتب بيها كتابة وضمها وخـلاها بالجـنطة ردت افتحها واقره بـس حلفني ما اقراها شنو كاتب بيها جـان بله ؟
- مو محلفج ؟
- اي ولله شنو اسوي فضولي هذه
- مو صاحية ولله
نزلـت رحت شـربت العلاج ونزلت وراها اجـه الليل خلصنة عـشة وكعدنة وره وقت نـدك الباب طلع حُسين يشوف منو وره شـويه دخل هوَ وحيادر أول ما دخـل حيادر باوع عليه وابتسم درت وجهي سـويت نفسي احجي وي حواء اجه وكعد وضلو يسولفون هوَ وحواء
شويه ورحت صعدت فوك أول ما صعدت اجاني مسج كاتب :- " ما مشتاقتلي ريتاجي ؟ "
- ومنو كلك ما مشتـاقتلك ؟
- ليش ما رديتيلي الابتسامة !
- غير حُسين جان واكـف يمك
- اووو نسيت عبالي ما مشتاقة الي
- مشـتاقتلك وهواي ما أعرف شلون راح امنع نـفسي وما اشتاق الك من تسافـر
- راح تكدرين فُستق صدكيني وأرجع بعد خمس سنين اذكرج بهذه اليوم
- ان شـاء الله حيادر بس ما أريد تـبقى خمس سنين كُلها ما تجي
- بعد شكد يا هُيامي
- كُل شهر ؟
- ميخالف
- ولله ؟
ما جاوبـني لأن أدري بي ما يكدر وأني دالح عليـه شويه ونزلت جوه يم حواء ضلينـة نسولف شويه وكمنـة فرشنة ونمنة كعـدت للصلاة صليت ونزلت جوه وكفت بالمطـبخ شفت حيـادر دايصلي كمل ولف السجادة وباوع عليه وأبتسم
أجه بأتجاهي دخل المطبخ وكال :- تجين نسولف بره ؟
- يله
طلعنـة بره وكفنـة وكلت اله :- حيادر راح اشتـاقلك هواي
- يا قُره عينه لحيادر بويه أني هم راح اشتاقلج
- أوف حيـادر أوف
كلت هيج وطلع تلفونة وكال :- أبتسمي فُستق
أبتسمت وأخذ صورة الي والنوب أخذ سيلفي سوه وكال :- لچ فُستق أبتسامتج تشفي كُل جرح بيه فُستق شنو سويتي بحيدر شنو ؟
أبتسمـت بحزُن تـمنيت أحضـنة واخفف عليه بس شـنو بأيدي وما سـويتة :- بعد يوميـن لطـيارتك ؟
- إي ، إذا الله خلانة عايشين أول أسبوع وره تخرجي أتقدملج وكولي حيادر ما سواها شاربي مو عليه ثقي بالله
أبتسمـت بحزُن وكتله :- ان شاء الله حيـادر
دخلنة جوه وصعدت نمت مرن اليومين ورجعو اهل حيادر جنت كاعدة الصبُح داتريك دخل حُسين وكتله :- حُسين
- عيني كولي
- قبل لا أدخُل المستشفى ردت شي مني شنو ؟
- شغلة وراحت
- شنو هيه كُلي ؟
- تعالي نسولف بالصالة
خلصت ريوك ورحت اله وكتله :- اي سولف اسمعك ؟
- ردت اخـذ رئيـج بشي
- شنو هوَ ؟
- وحـدة صديقـة بالقسـم عيد ميلادهـا وردت اخذ ذوقـج بس تمرضتي ورحت اشتريـت الها عُطر وساعة وغـلفتهم وهاهية
- هلووووو هلووو شنو ما سمعت ؟
- صديقة صديقة
- ها عبالـي خاف تطلع مُعجب بـيها ؟
- يجوز
- هااااااا
- لا لا دانتشاقة على كيفج عين الشمس
- زين شـنو اسمها ؟
- راسيـل
- مسيحية ؟
- شمدريج
- واضـح من اسمها
- اي
- هممم ، أحس عندك شي ؟
- ما عندي اطمئني
تذكرت أمي من رادت تسـحب لساني :- تره أني أُخـتك اذا مو الي تسـولف المن ؟
- أني ما يمشن عليه ذن الدروب عين الشمس
- هااا ها يعني عندك
- اي
- سـولفلي
- غير مره
- موووو تنسى أريد أعرف
- ميخالف خـيتي سهله علمود افاتـح أمي بالموضوع
- عاااااااااا
- شبيج
- راح تتقدم للبنية
- إذا الله سهـل و راد
- مو داتكُول صـديقة ؟
- مشاعرها ما اعرفهن اتجاهي شنو
- بس هيه مسيحية حُسين ؟
راد يحجي دخلـت أمي وكالت :- شُربتي علاجـج ؟
- اي
- عفية
ضلت كاعدة يمنة كام حُسين طلع بره ضلينة نسولف أني وأمي شويه ورحت صعدت فوك باوعت للتلفون مُكالمتين لم يرد عليها من حيادر اتصلت عليه وجاوب :- راح اطلع الفجر بويه
حجه هيج واحس غصة ببلعومي صارت :- شلون اودعج كُليلي ؟
يحجي هيج وتـجمعت بعيوني الدمـوع :- راح تجينـي كُل شهر ؟
- ان شاء الله
أني داسكـت نفسي واعرفة ما يـريد يكسر بخـاطري :- تكـدر تجي اليوم باليـل ؟
- أني اطلع الفجر ما اكدر اجيج
- يعني ما راح اشوفك بعد ؟
- لا فُستقي تشوفينـي ان شاء الله
- تعال العـصر ؟
- بحجة شنو ؟
- بحجه تسلم على حُسين وتودعنك
- عـيب من والدچ
سكتت وره شويه كتله :- وحُسين ؟
- مسـلم عليه ومودعـة
ضليت ساكتة وره وقت كال :- قُره عيني
- كول ؟
- عفت الچ رسالة ورقية يم حواء إذا صارتلج جيه الها اخذيها واكو تعليمات بالبداية سويهن يله تقريها
- شنو من رسـالة وليش ما تدزهـا الي هيج ؟
خذة تنهيدة وكال :- لا بويه كتبتها أني وبخطي
- ماشـي يا عيني
سكت وكتله :- شوكـت يجي يوم تخـرجك هم يجي عود ؟
- يجي حبيبتي يجي يا روح گلبي أنتِ و اذكرج بهذه اليوم
- ان شاء الله حـيادري
- لو تدرين شنو من حُب ضام الچ حيادرج
- ولو تـدري ريتاجـك وحُبها الك
- الله يخليها الي ويحفظها الي من كُل شر بإسم الرحمٰن إإمنها
دعواتـة الي دخلت لگلبي دمعـت وشويه وكتله :- أحبك
- أحبچ يا عسليتي أنتِ
راد يـسلم عليه ويروح تذكـرت موضوع وكتله :- حيادر عـادي اكُلك شي بس لاتضوج
- كولي حبيبي
- من تسـافر هُناك لاتباوع على النـاس
- شلون ما اباوع على الناس فُستقي ؟
- لا شسمه اقـصد لاتباوع على البنـات الي هُناك
خذه تنهيدة طويلة :- ليش داتحجين هيج ريتاجي لچ أن مداشوف غيرج حتى اباوع عليها شداتحجين يا هُيامي
- أعرفك بس لاتـباوع
- صار گلبي صار يله راح أروح لآسر باليل قبل لا أصعد الطيارة اتصل عليج
- مو تنـساني
- ما انساج شُغاف كلبي
ودعتـه وراح سمعت أذان الظـهر رحت توضيت وكمـلت وفرشت السجادة قريت جزئيـن من القرآن كملت ودعـيت اله يسهل طريـقة ونمـت مر اليوم وأجه اللـيل وضليت منتظـرة اتصال حيادر على نار صـارت الساعة بالاربعة اله ربع نعـست بس بقيت كاعدة سمعت أغُنيتنة واتذكـرتة وأبتسمت
....
آسر ماكو داتصل عليه مدايجاوب رفعت جهازي طلعت رقمة واتصلت وجاوب :- ها ضلعي ؟
- ويييـك داتصل عليك صـار ساعة طلعـت لو بعدك ؟
- اي بالمطار أني راح اصعد الطيارة
- بعد هـواي وقت
- عادي يمعود أحُب اجواء السفر يله لا تتأخر منتظرك هُنا اني بعد چبدي
- جايـك راح اطلـع
- دقيقة ودعت روحك ؟
- آسر
- سكتت يله بيباي يسطا
- بعدنـة
- ميخالف بروفة قبل لا ندخُل للدولة راح نتعود دكتور حيدر
سلم وراح ودعت العائلة الكريمة وطلعت لطريقي
الى مطار بغداد الساعه 4:00 صباحًا
....
صليت وكملت وطلعت اتجهت للمطار لبلـد غريب ناس غُربة شلون راح أعيش حيـاتي مبتعد عن وطني وعـن اهلي وعـن الي مخلي بحياتي طعم ومحليها مثل الفستق ؟
رن تلفوني رفعتـة باوعت عليه الفُسـتق جاوبت :- ها بويه ها يا وطني أنتِ
- حيدري إذا رحت هسه شوكت راح ترجع ؟
- حبيبي مو كُتلج
- بس هواي شهر حيـدري يعني كُل شهر مره ميصير هيج
- يا قُره عيني أفضل من ما خمس سنين كُلها ما اجي
- غير تروح روحـي مني
- أسم الله ريتاجه فُستق روحي اذا تحبيني اريدج تديرين بالج على روحج وتاخذين علاجج على الوقت ضبط
- من عيني حيدر والله راح ابـقى انتظرك بكُل يـوم بكُل ساعه بكُل شهر بكُل سنه من عُمري
- أحبچ راح اتصل بيج أول ما اوصل اشتري خط
- فعل نت حيـدري .
- من عيني
- ابوسها لعينك أني يله حبيبي درب السلام ان شاء الله أنتبه لروحك ومثل ما كتلك
- صار يا روح گلبي أستودعَتج الرحمن بويه
- بالسلامـة
تمشيت بالمطار وسمعت رنه المطار والمناداة الخطوط الجوية العراقية للطيران و المتوجة رحلتنا الى الرجاء محاضرات مسافرينة الكرام و التوجة الى الطائرة عبر البوابة رقم ٤٢ ..
توجهـت للطائره و مستقبلي المجهول رحـت للطيارة صـعدت أتصل عليه آسر فتحت خـط :- وينك راح نطيـر ونـلق ؟
- يمك بالطيارة
- جايك يم الباب مو ؟
- اي
أجه آسر وكال :- الله لك راح اسـافر وياك
- اي وياي
- ما مصدُك بالعباس ابو فاضـل راح اسافر وي صـديقي ونضل خـمس سنين العب
كعدنة بلاماكُن المخصصة النه :- أريد يخلصن برمشة عين أخرلو اكدر اخلصن بهاي السرعة
- هسه هوَ شبي الحُب ما يوكـل كُرصة خـبز
- آسر حبيبي ؟
- كول بعـد حبيبك
- إذا عشكت بيوم راح اتشوف الحُب شلون يوكل كُرصة خيز
- الله عليك يالعـاشك الولهـان
- شو اسكت ان شاء الله توكع بعشك أنتَ بالشرق وهيَ بالغرب
- ههههههههه شـلون دعوة هاي عـود أني صديقك
- شلون صديق الله يسلمة
- هههه لا بربك ما عاجـبك ؟
- عاجبي عاجبني بس اسكت
سكتنـة وره ساعتين ونـص هبطت الطيـارة بالـقاهرة وكال آسر :- الله شـلون دولة حلـوة هاي
- هوَ أنتَ شنو شفت علمود حلوة ؟
- مبينة حلوة
- لاتحـكم على الكُتاب من عـنوانة حبيبي
- تدلل
خذنة سيارة وكبل للاسكندرية ساعتين وربع نزلنة بمنطقة شويه وكال آسر :- أمشي أبو الحيادر نشوف النه شقة نحجزها قريبة على الجامعة
- لا أريد اشـتري رقم دولي
- شو ناسـي أني أمشي نـشتري
رحنة لمحل موبايلات خذنة شريحتين ورصيد وطلعنة رحنه نأجر سيارة أجرنة وانطلقنة للجامعة وكفنة كبال الجامعة ونزلنة وكال آسر :- ندخل نشوفها ؟
- مداتشـوفة مغلقة لاحـك يمعود بعـد ثلاث أيـام على الدوام
- الله بعد ما اتحمل راح اطُك من الحماس أمشي نشوف الشقق
تمشينة ورحـنة شفنة أول أثنيـن ما عجبنـة شفنة الثالثة وكال آسر :- حـلوووووة وربي
- اي ونظيفة
- يله چا انـطي الأجور خلي انام تعبـان
- هيَ بسرعة تنام أنت خلي نفتهم نكعُد نسولف
- يله بعد چبدي بعد أربعـة وعشرين سـاعة مكابلك أني بـعد وسولف
ضحكت على سوالفة ورحت انطيت الأجور للمصري ودخلنة نظفنة وطلعنة الفرشات فرشناهن وكعدنه وكال آسر :- شنو نطبخ اليوم راح نصير أُم بيت الله وكيلك ومحمد كفيلك أني معلية بالاماعين عليك الاماعين
- هاهية وعشـة نجيب من برة
- هم صدُك بعـدنة أول يوم جديديـن على السالفة
خليت الشريحة وفعلت نت فعلت واتساب على الرقم الدولي اتصلت على فستق وجاوبت وكالت :- حيادري طمني
حيدر :- وصـلت هُيامي لا يضـل بالج
آسر :- هُيامك ؟
حيدر :- أنت راح تضـل هيج كُل ما اتـغزل تسجـلهن ؟
آسر :- لا شنو السالفة راح اخليك تتغزل براحتك
حيدر :- لا واضح
آسر :- هههههه كمل
كمـلت منها وسديتـة اتصلت على العـائلة وطمـنتهم وسديتة مرن الثلاث ايام كعدنة الصبح كالعـادة اتصلت على فُستق وكمـت غسلت وكـملت دخلت للمطبخ شـفت آسر وكال :- كُل واحد بيـضتين خلي نقتصد أحسن
- هاهية شنو نسوي أمرنة لله
- يله نتريك وأنتَ اغسـل الاماعيـن ونطفر نبدل
- هم هاهية
كمـلنة الأكُل وكمنة نحضـر بدلنة وكمـلنة وقفلنة باب الشـقة وطلعنة وكال آسر :- راح اخـبل بنات الجامعة
- اغلبهن مصريات شتخبل
- لا ان شاء الله اكو عراقـيات بنات بـلدي العراق الحـبيب
- الله على الوطنية شو أمشي أنتَ وشعرك هذه الاندومي
- غير يخبل شبيك
- اي اي أمشي تأخرنة
وصلنة للجامعة ودخلنة أول ما دخلنة رحنة للقاعة كعدنة سلمو علينه الوافدين والمصريين وتعارفنة وي الشباب كمل اليوم عادي ورجعنة
مر أسبوع كعـدت الصبح آسر مـاكو ما كاعد رحـت لغُرفتة دخلـت :- كوووم لك تأخرنة
- شبيك جنك أبوي اللئيم
- لاتشـبهني بي يله كوم
كالعادة قفلنة الشقة ونزلنة توجهنة للجامعة دخلنة سلمنة على الجماعة والشباب ودخلنة القاعة بدت المحاضرات خلصت الاولى وكلت ل آسر :- راح اطلع برة واضرب هاي المحاضرة
- ليش ؟
- بدون ليش
طلعت بره القاعة اتصلت على فُستق جاوبت وكالت :- حييييادر مشتاقتلك شوكت تجي ؟
- يا الله حبيبي شلونج شخبـارج راسج شـلونة علاجج الاهـل العراق
- كُلهم زينين ومشتاقين الك
- الوكت **** بعدني عنكم أخ بويه
سكتت وره شوية كالت :- حيادري راح أروح لحواء اليوم
- ياريتني هُناك المُهم اقري الرسـالة فُستق لاتـنسين
- لا ما ناسيتها وداعت عُيونك البعيدة عني
سلمت عليها وودعتهـا ورحت أريد أدخُل القاعـة لاكتني بنيـة كالت :- مرحبا دكتور أنتَ يا مرحلة ؟
- العفو ؟ اولى ليش !
سكتت وره ثـواني كالت :- ها عبـالي مرحلة ثـانية العفو
- لا ولو أُختي من رخـصتج
- معـرفتني عليك ؟
- عفوًا ؟ !!
ما جاوبتني قدمت أيدها وكالت :- وياك الدكتورة ريم مرحلة ثانية
....
يتبع ⬅️ - البارت السابع والعشرين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.