صباح الخير زهورات
كل عام وانتم بخير ♡
#ثعلب الحبتر
#بقلمي انا: زهراء
بسـم ﷲ الرحمـن الرحيـم
••••••••••••••••••••••••••••
المشهد الاول
التفت على علي طلع سلاح من خصرة اتخبلت واتهسترت كلشي ولايضيع نفسة على مودهم وجه السلاح الهذا الوياها وانيي ركضت الة كضيت بأيديه وصحت
ترف... لاا عليي لااااا لااتضيع نفسككك
خزرني وضم راسي الصدرة ومااحس غير صوت الطلقة وارتدينة ليورة رفعت راسي بصدمة واني اتفحص منو منهم مات وشفت
••••••••••••••••••••••••••••••••
المشهد الثاني
همست من بين اسناني المَلك
ترف... مَلك بسرعة طلعي علي واكف بالسيارة من يشوفج ينطيج اشارة بالكلوبات
مَلك... وانتِ ترف؟
ترف.. انيي ادبرر نفسيي انتِ روحيي لايشوفونج وياي ونطيح بمصيبة اكبر من هاي
بسرعة طلعت برة سمعت صوت صياح عرفتها من نباحهة هاي....
••••••••••••••••••••
المشهد الثالث
اجة كضها من ايد واني من ايد الثاني يبست روحهة كلش وفتحت عيونها على وسعهن وضلت ترفس برجليها
خفنة عليها من حركاتها ومانعرف شنو نتصرف اخر شي صاح علي
علي.... بسسس بسس ماميتتتت اناا شفتةة مابي شيييي
روح.... كذااااب لو ماميتت جان اجة شاافني مايخلينيي ابقة هنا عدكم
شهكت وادموعها نزلن واسترسلت بكلامها... مات مو؟
••••••••••••••••
المشهد الرابع
هزيت راسي ومشيت بأتجاه الديوانية بجسم هزيل تعبان مااتحمل كسرة ثانية ليش يكسرني
دكيت الباب ودخلت رفع راسة وباوعلي بغصة بكسرة بندم عيونة حمر وايدة ترجف عروق رقبتة واضحة بلع ريكة واتحركت تفاحة ادم يباوعلي بنظرات حسيت يريد يشبع نظرة بية انتبهت الايدة بيها جكارتين وكوة كاضهن مسح على وجهة ووجه كلامة العمو... من رخصتك اريد احجي وياها كلمتين
••••••••••••••••••
المشهد الخامس
اندك باب الغرفة قوي ركضت فتحت الباب وشفت عمو واكف وعيونة بكصتة اول مرة اشوفة هيج عصبي وخصوصاً وياي عمو باسل متفاهم حيلل بس هالمرة مااعرف شبي كبل صاح بصوت فززني من مكااني
باسل... روووح ثواني والكاج مزرووعة يميي بالصالة
حجاها وراح وانا ضليت اطك رجل برجل مااعرف ليش بس خفت منة ومن نبرت صوتة
نزلت على الدرج بس رجليه ثكال ومايشيلني شفتة يروح ويجي بالصالة وايديه ورة ظهرة
رفع نظرة الي وفتح ايديه وصاح بنبرة استهزاء
باسل.... هلاا اجت بنيتي رافعة رااسيي
بلعت ريكي ورحت وكفت كبالة نزع نظاراتة الطبية واشر على الديوانية وصاح...
••••••••••••••••••••••••••••
المشهد السادس
اخر شي انقطع نفسي وماكدر اكمل ركض وكفت خليت ايدية على اركبي حتة اجر نفس
رفعت نفسي والتفتت حيل بعيدين علية
ابتسمت وحجيت بنصر
روح... اشرد منكم وداعت روح امي مااخليكم تمسون شعرة مني بعد
حجيتها ورجعت اركض طلع الفجر وانا بعدني تايهة ومااعرف وين انا البستان حيل كبير ومااندل
سمعت صوت وراي التفتت وشفت مرة شادة عبايتها على خصرها وشايلة كونية على ظهرها بلعت ريكي بخوف ورجعت ليورة مااعرف على شنو دست وطلع صوت بسرعة رفعت راسها وضلت تتلفت ادور على مصدر
الصوت وانا اتيبست بمكاني استقر نظرها علي وفتحت عيونها بصدمة وشمرت الكونية بالكاع وطلعت سجين من جيبها صاحت بصوت عالي....
الى اللقاء زهـراتي