مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون التصويت +التعليق بين الفقرات +احبكم زهـراتي
بسـم ﷲ الرحمـن الرحيـم
ـــــــــــــــــــــــــــــــــــــــــــــــــــــــــــــــــــــــــــــــــــــ
ترف
فزيت من نومي على صوت صياح كعدت مرعوبة واتلفت وعركانة وشعري متناثر على متني والهث التفت الكُل الغرفة ماكو شي وكلشي طبيعي بلعت ريكي واخذت تلفوني شفت الفيديو مالت سورة البقرة مخلص دمعت عيني بعدها الخوفة والرعبة دابة بجسمي
حاولت اهدي نفسي واني كوة اجر النفس
انفتح الباب ودخلت عمتي أمل شافتني بعدني بفراشي
أمل... ولج يمة جم مرة كتلج لا تضلين نايمة للمغرب يعني اتعدة الغروب وانتِ خامدة هتلية وليش الومج اذا اربعة وعشرين ساعة مكابلة عليوي طبعاً اطلعين نفسة
سكتت واني ما الي نفس ارد انتبهت للساعة صارلي 5 ساعات نايمة
أمل... ادب سزز النوب ماترد
ترف... أمولة وخري عني ما الي خلك تحجين علية جا ليش ما كعدتيني؟
دخلت داخل الغرفة وسدت الباب
أمل... جنت طالعة وية علي وجواهر
ترف... وين رحتو؟
أمل...عشتو الخانم ما عاجبهة الذهب رحنة بعناه بخسارة واشترينة غيرة
ما جاوبتهة وبالي مو وياها بالي كلة يم اختي احس استعجلت بزواجهة انتبهت الي عمتي عقدت حواجبهة وكعدت عالچرباية كبالي
أمل... شبيج ترف؟
ترف... عمة احس حيل استعجلتوا بزواج روح وقرارها جان مفاجئ يعني ما تحسين اكو شي!؟
أمل... احنا الي استعجلنة لو هيا اسبوع صارلة باسل يحجي وياها ويتأكد منها تريدة لو لا
وماعدها غير جملة "انا اريد استقر بحياتي"
عاد عمج وسمع هيج وهوا ما صدك روح تزوج وتفرح سكتنة وعفناها على ﷲ
اتنهدت واردفت
ترف.. ونعم بالله بس اكو شعور بداخلي ما مرتاح
أمل... دكولي يالله وخليها تتهنة بحياتهة والله يا امي اتمنيتها من كل كلبي الراغب خوش ولد وسنين صارلة يمنة واثنينهم مجروحين عاد كلت كل واحد يداوي جروح الثاني بس خو ما اجبرهم
عقدت حواحبي وما فاهمة الي تحجيه طبطبت على فخذي وحجت
أمل.. كومي صلي واتعشي ودرسي يلا ترتر الحلوة
حجتها وطلعت كمت غسلت وصليت واجيت كعدت على مكتبي
اتذكرت روح كلتلي اتصل بيج اخذت تلفوني وبحثت عن رسالة منها ماكو شي ولا متصلة استغربت ليش ما اتصلت وهيا كالت اتصل اتصلت اني عليها ماترد سكتت وماحجيت خاف عيب من زوجها كلساع اتصل غلست عن الموضوع وبديت ادرس صح باجر جمعة بس عندي امتحان احياء وماكو استراحة درست ساعات متواصلة الحد ماتعبت واخذت استراحة فتحت تلفوني وكعدت اكلب جذبني فيديو عنوانة
"كيف اعرف اذا شخص مراقبني على الواتساب"
جذبني العنوان كلش تابعت الفيديو والخطوات صار عندي فضول اطبقهن
دخلت على واتسابي وطبقت الخطوات واحس انضربت على راسي من شفتة مراقب! ذبيت التلفون على الچرباية وطلعت من الغرفة اعرف هوا ماكو غيرة
وماكو احد يتجرأ يسويها وياي غير علي!
وكفت كبال غرفتة وفتحت الباب من دون ما ادكة ودخلت لكيتة جاي يحجي بالتلفون
انتبه الي واردف
علي...بعدين احاجيج
سداه وباوعلي وابتسم
علي...ها صديقي
اختفت ابتسامتة من شافني عاقدة حواجبي حجيت بكُل هدوء
ترف... علي اسألك سؤال وتجاوب من دون لف ودوران
عقد حواجبة وهوا مستغرب من حالتي و وضعي
علي.. سألي
ترف... انتَ مراقبني على الواتساب؟
صفن بوجهي وسكت اتخبلت من سوة هيج حجيت بصوت عالي ومتعمدة
ترف.. ليشششش ليششش؟ ومنو انتَ وتراقبني منوووو انتَ ابويي لو اخويي لو زوجي منووو انتَ؟
لا تشووفنيي اضحكك واسوولف بس والله ياعلي و ابو الحسن بهاي السالفة اثبتت ان انتَ انسان جاااهلللل جااهلل
تراااا انتت بالنسبة الييي ولاااشيييي خليهاا ابالك
اتقدم اليي ورفع ايدة كضني من حنكي وضغط عليه بقوة وحجة من بين اسنانة وبحدة
علي.. تجوازتيي هواي ترف والحد هسة ساكت
دفعتة مني بقوة وارتد ليورة
ترف.. وعساااكك ما سكتت طبكك مرضض تريدد تراقبب احدد روحح راقبب خطيبتكك موو جاي علية انيي اي سلطة علية ماعندك ولا مسؤول عني
صاح بصوت
علي.... صوتجج لا تعلينة بتت الك***
ترف.. ليشش هواا هذاا الك*** اليي تحجيي عنة لوو بييي خيرر يخليني اعيش هنا ويمككك؟؟
بسس اني عشتت وتربيتت ابوو مثلل البناتت ماعنديي وضالة مصكعةة للرايح والجاي والامثالك
اجة يرد ودخل عمو باسل وعيونة بكصتة مبين سمع الحجي كُلة نفس ما اني ردت
اتقدم على علي وكضة من ياختة وحجة
باسل... صدك الحجي السمعتة؟ هيج ربيتك انا تراقب بت خالك وبالسر؟
ليش ششايف عنهاا تشكك بتربيتي الها؟ لكك ترففف هايي تربيتيي بنتييي شنوو تراقبها بالواتساب جاان استحيتتت عمررك طكك بالثلاثين وتراقب وحدة بكد زرك
عصرت نفسي بس حتة ينزلن ادموع وبالكوة يلا دمعتين انتبه الي عمو عاف علي واجة حضني وباس راسي
باسل... لا تبجين بنيتي اطيحلج حضة هوا يطلع من البيت والبيت كلة الج شنو هوا فد مندلة وتبجين منة
بعد عني عمو ورجع العلي رزلة
سكت عنة عمو من شافة ما ينطي اي جواب ابتعد عنة وعلي باوعلي ورفع حاجبة واردف
علي...شعدها جواهر اتراسلج؟
رفعت اكتافاتي واردفت بأستهزاء
ترف... شدارني اني اسئل مرتك وبعدين منو منطي رقمي الجواهر غيرك؟؟
حجيتها وطلعت من غرفتة ورحت الغرفتي اخذت التلفون وصفنت عليه اذا كسرتة راح تنكسر الشريحة وخاف روح تتصل علية وما اريد ايضل بالها
طلعت الشريحة من التلفون وخليتها على صفحة
بس تتصل اكللها راح اغير رقمي واكسرها
رجعت الغرفتة لكيتة بعدة واكف رفعت التلفون بوجهه وحجيت بوضوح
ترف... هذا التلفون الي مراقبني عليه؟ اخذة اتهنة بي
حجيتها وشمرتة بالحايط التلفون صار طشار وتلفش باوعتلة ونثرت شعري على كتافي بغرور حركتي المفضلة وطكيت بعلجي وطلعت من الغرفة واني مبتسمة بأنتصار
رحت الغرفتي وحاولت اهدي نفسي بس حتة ما أثر على دراستي رجعت ادرس الحد ماتعبت وكمت غسلت وجهي وفرشت اسناني اجيت انام واتذكرت تلفوني اتفلش ومااكدر اسمع صوت القرآن واني مااعرف انام بهت وجهي على هاي الورطة صليت على محمد واتمدتت وغطيت نفسي بالبطانية واني قلبي يدك بسرعة
غمضت عيوني وحاولت انام بس مااكدر ضغطت بأيدي على البطانية من سمعت صوت حركة بالغرفة قويت نفسي وحجيت بصوت بسم الله الرحمن الرحيم مجرد ماحجيتها حسيت صوت كسر غراض بالغرفة
بلعت ريكي من حسيت بلمسات على جسمي
شعور تناقض صار بداخلي جانب مني مرتاح الهاي اللمسات وجانب يحسهن غلط
اتحركن البردات ضليت اصيح بصوت عالي وكل ما اذكر اسم الله يزود ماينقص
غمضت عيوني بنفاذ صبر احاول احرك نفسي بسس ما اكدر حسيت نفسي عاجزة
حسيت بأيدين تتحرك على بطني وترفع بتشيرتي استسلمت الهن واني اتنفس بسرعة
طاحت دمعة من عيني بخوف حاولت اخر مرة انطق اسم لا اله الة الله حجيتها بصوت متقطع وبتلكأ وتعب فتحت عيوني من حسيت ماكو شي باوعت الارجاء الغرفة كلها متخربطة وكلشي مو بمكانة المكياج مطشر ونصة مكسر والكتب والاقلام كلها بالكاع باوعت للكناتير البيبان كلها امفتحة استغفرت الله وكمت رتبت الغرفة من جديد باوعت للساعة صارت بالثنتين بالليل طلعت من الغرفة ورحت المكتب عمو باسل دورت على قرآن اخليه جوة راسي فتحت جرار مكتبة واخذت منة بستة ورحت الغرفتي خليتة جوة مخدتي ونمت واني مو مرتاحة
•••••••••••••••••••••
روح
هزيت راسي بخوف دفعني على الباب وحسيت حرك السيارة ضليت ما اشوف شي وقلبي دكاتة الف بللت شفتي من حسيت وكفت السيارة بعد مدة طويلة وصوت فتحة باب نزلت دمعتي بخوف وين جابني حسيت الباب الي يمي انفتح جرني من ايدي بنتر عثرت بالكاع ورجع كومني بقوة ولزمني من طرف كتفي ومشة بية غمضت عيوني وقويت نفسي
رفعت ايدي بسرعة وفتحت القطعة عن عيوني
وشمرتها بالكاع باوعلي بصدمة وهوا فاتح عيونة
بحركة سريعة مني دفعت ايدة عني ورجعت ليورة باوعت الحوالي حشيش اخضر وبس احنا هنا المكان فارغ هسة حتة لو جايبني ماكو غرفة هنا مشة بسرعة بأتجاهي
وانا درت عنة وركضت ما اعرف وين اروح بس اركض سريع واعثر ما احس الة جرني من شالي وشمرني بالكاع طفر علية وكعد على بطني لزمني من ركبتي
يريد يخنكني وعيونة حمر انتبهت الركبتة شرايينها بارزات واكو عرق بكصتة بارز خفت من منظرة ابتسم هاي ابتسامتة الغريبة دنك علية وهوا خانكني ويضغط على ركبتي الدرجة حسيت اصابعة راح تقطعني
همس بفحيح
الحبتر.... وين تردين تشردين بت سلمان؟ هذا المكان مابي غيرنة انه وياج والجناونة
خليت ايدي على ايدة وبعدت ضليت ارفس بي حتة يوخر خنكني قوي وضل يفتح بأيديه يخليني اخذ نفس ويرجع يضغط على ركبتي ضل على هذا الحال الوقت طويل دمعن عيوني وضليت اسعل اتشاهدت و شفت الموت بعيني يلا ابتعد عني وكام نكث ملابسة دفعني برجلة وصاح
الحبتر.. بسرعةة يلاا كومي كدامي
كمت بالكوة وانا كاضة حنجرتي بألم واشهك ضل يمشي بهذا المكان وانا امشي وراه وكلساع يلتفت علية وعلى ثغرة ابتسامتة الي ترعبني وكأنما يكلي بعد السويتة تخافين تتحركين!
ووصل المكان ووكف دنك وشال قطعة من الحشيش عبارة عن قطعة مربعة بس مو منتظمة شالها وشمرها وراه باوعت جواها اكو مثل الباب القديم فتحة والتفت الي
الحبتر... نزلي يلا
حجاها بصيغة امر مديت راسي مثل السرداب واضلم اردفت بتلكأ
روح.. م مااكدر انزل ضلمة
دفعني من ظهري وصاح
الحبتر.. دنزلي بدون كلام زايد
هزيت راسي وخليت رجلي على اول باية ونزلت اختفة الضوة نهائية من نزل هوا وسد الباب
لمست الحايط الي بصف الدرج ووكفت اتعداني وراح شغل الضوة باوعت للارجاء حرام اذا اسميه بيت
عبارة عن صالة صغيرة وما مفروشة بس صبابة وبيها بنكة اتعتت وبابين على اليمين وبجانب احد البيبان اكو ثلاجة صغيرة
وباب ثالث بالصفحة اليسرة كضني من كتفي ومشة بية للداخل دفعني داخل احد الغرف بالتحديد الغرفة الي صايرة باليمين
فتح الباب وشغل الضوة ودفعني للارض درت عليه وزحفت على مقعدي للزاوية سد الباب واتقدم الي بوجهة كل علامات الشر مو بشر والله مو بشر ضحك بصوت عالي وبرزت انيابة رجعت على الحايط وانا خايفة من الي راح يصيرلي
حجيت بصوت واهن
روح... ليش جايبني هنا؟
همس بصوته الي مليان كره الي
الحبتر... لأن دخلتي عالم ثعلب الحبتر والي يدخل العالمة ينسة الحرية
اتقوست شفايفي بيأس من وضعي
روح.. بس ما الي علاقة بسلمان والله
اتقدم يمي وكعد المستواي ورفع وجهي بأصبع الاوسط والسبابة للأيدة اليسرة
الحبتر... بس تضلين بنتة
رجفن شفايفي بخوف منة ابتسم بأنتصار من شافني خايفة
الحبتر.. راح تموتين
كام ونكث ايديه بقرف وكأنة لامس زبالة!
الحبتر... تلفونج وين؟
روح.. بالجنطة
الحبتر.. والجنطة وين؟
روح.. بالسيارة
الحبتر.. واذا طلع غير هذا الحجي
رفعت ايدي كبالة
روح... دتشوف بأيدي تلفون؟
حجة بخبث
الحبتر... ما اقصد على ايديج يجوز غير مكان
بهتت بوجهة ونزلت ايدي عافني وراد يطلع كمت بسرعة وركضت وراه وصحت
روح.... وينن رايحح وعايفنيي وحدييي اخاففف والله اخاففف
التفت الي وعلى ثغرة ابتسامة استهزاء
الحبتر... بت سلمان تخاف؟ عجيب هاي شصاير بالدنيا
كالها وطلع بسرعة وقفل الباب ركضت للباب ودكيتة بقوة
روح.. افتححح الباببب افتحة وينن رايححح لاتخلينيي وحدييي اخافففف افتححح الباببب
صرخت الحد ماحسيت حنجرتي راح تطلع من مكانها
درت وجهي للغرفة فارغة مابيها بس مندر ومخدة وبطانية صايرات بنهاية الغرفة كلش وباب اعتقد حمام وبوفية صغيرة قريبة على الباب
كلها دقائق واشتغلت موسيقى صاخبة بشكل ومزعجة بيها صراخ بقوة وبجي اكثر من شخص
استغربت ليش شغلها رجعت دكيت الباب وصحت عليه حتة يفتحة بس صوتي ماينسمع مقارنة بصوت الموسيقى انزعجت كلش من صوتها واتهسترت ضليت ما اعرف شسوي ذبيت الشال من راسي وضليت افتر بالغرفة اتوترت و رجعت للباب ودكيتة
روح... طفيهااااااا طفيهااااااا رااااحح اموتت من الصوتتتتت طفيهاااا
ماكو اي استجابة منة راسي ضل يأذيني كضيت راسي بألم
ورحت للحايط دفعت راسي بتجاه الحايط وضغطت بأيدي على ملابسي استمريت هيج الحد ماتعبت كعدت بالزاوية وضميت رجلي الصدري وعصرت عيوني بألم والصوت الهسة مستمر صحت بأعلى صوت عندي لدرجة حسيت احشائي راح تخرج من داخلي
روح.... كاااااااففيييييي طفيهاااا
بجيت بتعب من ماكو رد منة وضل الصوت مستمر انا اضوج من الهوسة والصوت العالي مو النوب يعذبني بهاي الطريقة اتنفست سريع وايدي ترجف وضليت اهلوس بصوت ناصي
روح.. طفيها
ما اعرف شكد مرة وقت وهوا كل ما تخلص يطفيها وانا ضالة على كعدتي انفتح الباب ودخل بأيدة صينية وخلاها كبالي ماباوعت الها بس حجيت بتعب
روح.. طفيها
ابتسم
الحبتر.. مطفيها انه
دمعن عيوني وحجيت
روح...لا تكذب مامطفيها انا جاي اسمعها جاي اسمعها طفيها ابوس ايدك
الحبتر... شكلج ماراح اتعبيني بالكثر يومين على هذا الوضع وتودعين عقلج
اتجاهلت كلامة وحجيت
روح... طفيها راسي راسي راح اموتتت طفيها
هز راسة بلا وهوا مبتسم عافني وطلع
رجفن شفايفي بخوف باوعت للصينية جايب خبز وجبن بعدتهن عني بأيدي الترجف ونمت بالكاع احسة بعدة مشغلها بس هوا يكول طفيتها! هسة هوا طفاها لو شنو كضيت راسي بألم ما جاي اكدر افكر تعبت من التفكير وألم راسي غفيت بتعت لكن سرعان مافزيت على نفس صوت الموسيقى كعدت بسرعة وانا خايفة واتلفت
روح.. رجعع رجعع شغلهاااا.... كمت من مكاني وصحت... ليششش شغلتهااا ليششش كلب ليششش
ماكو اي رد منة ضل يشغلها وانا اروح واجي
فقدت عقلي وطاقتي حسيت الموسيقى دخلت داخل عظامي وعقلي على كد مامزعجة والصراخ الي بيها يخليني ابجي رحت كعدت ورة الباب وتجيت راسي عليه وضليت اردد
روح... طفيها عفية
حسيت بجوع قوي رفعت نظري للصينية بعدهي بمكانها كمت من مكاني وانا كوة اجر نفسي كعدت كبال الصينية وجريت خبزة الي صايرة عبالك خشب لأن عفتها الوقت طويل اخذت جزء منها واكلته خالي من دون الجبن بس اسد معدتي
شوية وحسيت الموسيقى اختفت صفنت وية نفسي يمكن هوا ماشغلها بس انا يتيهئلي
ضليت هيج الفترة ماتقل عن الساعات الوقت يمشي بطيئ وانا بس كاعدة بالزاوية واسمع الموسيقى ضل كلساع يطفيها ويشغلها الحد مافتح الباب ودخل جايب وياه علاكة طلع منها خبز وخلاه بالصينية بصف الجبن الضل رفعت راسي الة وعيوني مدمعة
روح.... انتَ هسة مشغلها لو مطفيها؟
ابتسم بنصر وحجة
الحبتر.. مشغلها انه
حجيت بتوسل
روح.. راسي يأذيني طفيها بس ساعة ساعة وحدة بس انام بيها مااكدر انام
كضيت راسي بألم وبجيت
روح.. طفيهاا راح اموت والله
هز راسة بلا وطلع بس ما غفل الباب دقايق ورجع شايل مسدس بأيدة انرعبت وزحفت على مقعدي للزاوية ضل يمشي بأتجاهي وهوا مبتسم وصل يمي وكعد على ركبة ونص رفع المسدس بأتجاهي واردف
الحبتر... شنو رأيج اتموتين هسة!
ماجاوبتة وعيوني مليانة ادموع وتتنتقل على ملامح وجهة وهوا منتظر مني جواب
روح...الله ينتقم منك
ضحك بخفة وحرك اللسانة داخل فوهة فمة رفع ايدة وخلة اصابعة على حنكي وضغط عليه بقوة فتحت حلكي بألم وهوا استغل الفرصة وخلة فوهة المسدس بحلكي
فتحت عيوني على وسعهن وضليت ارفس بيه احاول ابعدة بس هوا حاكمني بأيديه غمضت عيوني من شفتة خلة اصبعة على الزناد
كلها ضغطة وحدة منة وتنتهي حياتي وكلشي مريت بيه
اموت هنا ومحد يدري عني
شال المسدس عن حلكي
الحبتر.. جؤ غيرت رأيي ضلي اليوم عايشة واعذبج باجر تموتين
فتحت عيوني ببطئ واردفت
روح... حقير
الحبتر... بعدج ما شايفة شي من حقارتي
روح... الله ياخذك ويحرك قلب امك عليك
ضحك بخفة
الحبتر... اخذ روحي من زمان من ماتت موج
روح... تستاهل الصار بيك
لمعن عيونة بغضب وهز راسة وهوا يتوعد الي كام عني وراد يطلع
صحت عليه
روح.. وليش تعاقبني الي شلي علاقة انا؟؟ ليش ماتكول الي صار بأختك بسببك انتَ الله يعلم شنو مسوي بحياتك
التفتلي وعيونة بكصتة ركض الي وكضني من شعري وصاح
الحبتر... اليي صار بأختي بسببب ابوجج وحدة الي صار بيها مايرضي احد
همست من بين الالم والتعب وانا عيوني بعيونة
روح... ليش الي جاي يصيرلي يرضي احد؟
الحبتر... الي يصيرلج جزاء على افعال ابوج
روح... وليش ماتكول كُل ساق سيسقى بما سقى او من مس عرض الناس مس الله عرضه
رفع ايدة وضربني راجدي خليت ايدي على خدي وغمضت عيوني بألم
الحبتر... صوتججج مااريدد اسمعةة ضليي هناااا هذا مكانج تموتين وتفطسين هنا
فتحت عيوني وصحت
روح.... ما اموت قبل ماتموت انتَ واشوفك شلون تفطس وشلون تقابل الله
كام وانطاني ظهرة واجة يطلع رجعت اردفت بصوت
روح... مكسور خاطري على اختك شنو ذنبها عدها اخو مثلك
دارلي وجهة وعيونة حمر اتنهد وراد يحجي رجعت صحت
روح... ماتت جزاء الافعالك اختك ماتت بسببك انتَ
بلع ريكة وكعد وانتجة على الحايط وسند راسة عليه
روح... بسبب افعالك انقتلت اختك مقهورة عليها شنو ذنبها انتَ اخوها!؟
ما رد علية سكتت وانا اباوع التصرفاتة طلع تلفونة من جيبة وشغل مقطع من قصيدة باسم الكربلائي وغمض عيونة يستمع الها
يـوردة انكطعت بين الرياحين
ڪبل ميلادك اتعنالك البين
جدل خل نفترض لو عايش سنين
الدنيا اتراقبك ماتغمض العين
مصيرك بيها بس واحد من اثنين
لو مثل الحسن لو مثل الحسين
لو عمرك يطول ييمة وما متت بالسم
وين نحر الحسين وريدك لا تضن يسلم
توكع يمة مذبوح
فتح عيونة حمر وعبالك دم طفاها وكام بسرعة طلع سد الباب
جريت حسرة وتجيت راسي على الحايط وغمضت عيوني نمت على هاي الوضعية مافزيت الة على عطر قريب يمي فتحت عيوني وفزيت من شفتة كاعد كبالي ومبتسم ابتسامتة الغريبة والمرعبة انا توة كاعدة وشفتة فزيت من مكاني بخوف
الحبتر.. كعدي شوفي شنو جايب الج
يحجيها وهوا متحمس عقدت حواجبي وعدلت كعدتي
جانت بأيدة علاكة ومااعرف شنو بيها جر ايدية الاثنين وسحب الشال وشداهن قوي
حجيت بخوف
روح... شتريد تسوي!؟
الحبتر... هسة تشوفين
فتح العلاكة وجفلت بمكاني من شفت بأيدة
•••••••••••••••••
لمعان
كاعدة ادرس و امواج يمي التفتت على سرير موج فارغ ماقبلت لا اني ولا حبتر نشيلة
كامت امواج وياها مكياج الاطفال خلتة على جربايتي واجت تحجي بدلع ولواكة
امواج..حبيبتي لمعان خلي احتلج متياج حلو حمغة حمغة وعلى عيونج اخلي لونن... خلت اصبعها على خدها عود تفكر وحجت.. لونن اخضغ
هزيت ايدي
لمعان.. امواج سكتي بلا ويني وين المكياج اني
حجت بتوسل
امواج .. حبابة لمعان موج جانت تخليني احتلها مكياج
بهتت بوجها وعضيت شفتي بقهر وترحمتلها بداخلي
وقبلت تخليلي امواج صعدت كبل على الچرباية وخرت شعرها عن وجها فركت ايديها بأستعداد اخذت الحمرة وحجت
امواج... حبيبي سوي ااا
تكول اا وتفتح حلكها كزكزت عليها فتحت شفايفي وهيا جابت القلم وتروح يمنة ويسرة لعبت بوجهي لعب سوتلي شفتة بصف شفتي.
امواج.. اووبسس لا بأس مازلتي جميلة
حجتها واخذت علبة مكياج العيون وخلتلي وكلساع امفووتة شي بعيني كلت حتة هسة انعمي
سمعت صوت امي من جوة تصيح الباب يندك
وخرت ايدها عني وفتحت عيوني باوعت للساعة الدنيا ظهر هزيت ايدي وحجيت بصوت عالي ادري منو يجي بهيج وكت ياعديم ذوق
نزلت جوة وامي صاحت
نجاة...ولج هذا خنجر احترك بالشمس روحي فتحيلة الباب خطية
باوعت للكاميرة وشفتة اتأفأت واخذت شال من على الدرج خليتة على راسي وطلعت للطارمة وهوا فلش الجرس تفلش قبل لا اوصل للباب همست
لمعان.. فلشت الجرس من فلش الله راسك
فتحت الباب الة وابتعدت سويتلة مجال يفوت دخل للبيت وهوا شايل جدر
والتفتلي
خنجر.. تراا سمعتج فلش الله راسج هذا كون بس راس بدون فايدة... انتبه الوجهي وحجة بأستهزاء... والنوب شنو هذا الي مسويتة بروحج
اجيت اجاوبة وهوا راح يريد يدخل للبيت صحت عليه
لمعان.. هوبب هوبب وين داخل محد من الولد موجود اطلع برة لو سمحت بس نساء بلبيت
التفت الي ورافع حاجبة
خنجر... اول شي انطيت خبر للحبتر هسة يجي ثاني شي رايح اكعد يم خالة نجاة ثالث شي منو بلا النساء هاا؟ منوو خالة نجاة ومثل امي وامواج زغيرة بقيتي بس انتِ وبسس لاااا حاسبة نفسج على النساء
لمعان... غصباً عليك حاسبة نفسي على النساء ليش انتَ حاسب نفسك على
اجيت احجي واكول الرجال بس استوعبت وسكتت لا اجفص فتح عيونة على وسعهن
خنجر.. كمليي كمليي ليش توقفتي
لمعان... معليك
كلتها ودخلت قبلة للبيت رحت غسلت وجهي ورجعت يمهم شفتة مخلي الجدر كبال امي ويحجي
خنجر... هاي مركة باميا امي ودتها الج وتكول مو نفس هذيج المرة اتضيعون الجدر
هزت ايدها امي
نجاة.. ديلا عساس هوا شلون جدر
خنجر... شبي يخبل فافون وجنة العافية وحك موسى
اخذت الجدر وخليتة بالمطبخ ورجعت كعدت يمهم لكيت امواج واكفة كبال خنجر وصافنة عليه من دون حركة وهوا كوة كاض ضحكته حجت من بعد ماصفنت ستالاف سنة
امواج... خنجغ ليس مخفف سعغك؟
انتبهت الة مخفف شعرة بشكل وكاطم حاجب من حاجبة
خجنر.... ليش امواج مو حلو
ماجاوبتة بس كلبت بشعرها يمنة ويسرة وحجت عود تقهرة
امواج... هزز يالكمغ سعغ سعغ انيي وبابا ولمعان ودودو عدنة يعغ حلوو وحتة بيبي عدها سعغ ابيض وانتت ماعندك سعغ حلو احنا نكدغ نغكص بسعغنة بس انت ماتكدغ
هز ايدة
خنجر... جا حظي حتة وياج ماكاعد
صعدت يمة على التخم وكضت وجها
بأيديها
امواج... خنجغ حبيبي سويلي بحاجبك نفس حاحبي
ضحك وحجة
خنجر..مو هيج كلبتيها
امواج... قصدي سوي حاجبك نفس حاجبي.. اجة يحجي وهيا نطت... قصدي حاجبي سوي بيه نفس حاجبك
تحجي وتأشر على حاجبها والطبرة الي عند خنجر
خنجر.. خلي يجي الحبتر ونسألة اذا قبل نسويلج
فركت ايديها بحماس وكامت راحت الغرفة امي شوية واجت بحلكها كومة علج وبأيديها طبعات كعدت بصف خنجر واخذت ايديه تطبع الة
كالت امي وهيا ادك على رجلها
نجاة.... ديسم خبلني صارلة 12 يوم وهوا مو بالبيت ومايجي بس يخابر يطمأن ويرجع بس لو اعرف وين يولي وذاك حبتر امس كلة هوا ما موجود
كالتها وهيا كوة تجر نفس امي من يوم الي فقدنة موج فقدت صحتها وضلت تخاف علينة بشكل كام خنجر وباس راسها
خنجر... اطيحلج حضهم صار شجم نجاة عدي
نجاة.. دولي ولي طيح حضك بالبداية امك تشتكي منك بسس اخخخ السرسرية كونن احطكم وانعنكم اتنعنع وانعنع ضلوعكم لا بارك الله بيكم
سمعت هورن بالباب باوعت للكاميرة هذا الحبتر اجة كمت فتحتلة الباب سلمت عليه وهوا باسني براسي ودخل جوة سلم على خنجر وكعد
الحبتر... هاي شمسوي بشعرك؟ عود مثلاً شنو تكبر وجهك مو كافي عندك وجهين كبر الهاي الخلقة دباع باع النوب شطالع وجهة بكد ط** العايشة
كالها بدون ماينتبه الوجودنة هزت ايدها امي وهيا زعلانة عليه
خنجر... يبووو اشكك هدومييي موو شكتيني انتَ وبتك شلون انه بالحبتر وبتة المتنمرين
دنكت امواج راسها وهزتة بأسف عود متأثرة
امواج.. بابا هلاك احنا ليس متنمغين؟
الحبتر... احسن بابا خلي يولي منيلة مشاعر كلشي ماعندة بس راسين
كام حبتر وراضة امي و بالكوة يلا رضت استأذنت وكامت نامت لأن تعبانة تكعد من وقت تصلي وتقرأ على روح موج مرات اني من اخلص دراسة اجي وياها ومرات ما الحك لأن مسؤولية البيت كلها علية
اتعدة حبتر من يم خنجر وهمس
الحبتر.. مبروك ربحت ويانة انعال ابو الالف على هاي التسريحة
التفت الي واردف
الحبتر.. لمعة خليتي الباب مفتوح الديسم؟
هزيت راسي بقبول
خنجر... وين رحت امس؟
الحبتر... شغلة سريعة واجيت اليوم اخذ انهد و اروح
رفعت راسي للكاميرة شفت ديسم صف سيارتة انتبهت الوجهة تعبان بشكل وكبران اكثر واكثر والحبتر مايقل عنة دخل ديسم للبيت يرعد وجفلت بمكاني من هجم على حبتر
ولا زالت الحكاية مستمرة
تصبحون على خير ♡