روح في بحر الظلام

الحلقة السادسة

فخـــورة بيكم هوواي وحابتكم من كلبي بناتي
"" "" "" "" "" "" "" "" "" "" "" "" "" "" ""

____________

روح في بحر الظلام

____ الكاتبة بحر _____

الى كل اللي تمر من هنا ارجوكم لتنسون التقييم

بالنجمة والتعليق

⭐🌟⭐

،،،،،،،،،،،،،،،،،،،،،،،،،،،،،،،،،،،،،،،،،،
تواعدنا

أن نبقى سويّاً مدى الحياة

أن نجعل حبنا يفوق الخيال

أن نكتب قصة حبّنا في كل مكان

أن نغسل قلوبنا من نهر العذاب

____________________

رانيـــاا

فتت للبيت اسمع اصوات غريبة وصوت عمو شهاب ويتعايطون بيناتهم كلشي ما افتهمت بس صياح واني منا دايخة. استحيت افوت بكفت ع جهة

طلعت مشمش من الحمام وجهه وخشمهه حمر وعيونهه مدمعه

بس شافتني اجت حضنتني وكامت تبجي بصوت رفعت وجهه بعدني اريد احجي وكبو تعاركو بينهم انهزمنا اثنينه دخلنا للحمام اللي كان خارجي

اسمع بابا يعيط بصوت عالي

عماد::شششهاااب للبصرة مالي ردة البصرة المات بيهه جعفر ما اريدهه ولا اعيش بيهه

شهاب::تنطم وترد غصب عنك واعذارك الما بيهه خير لفهه جوة ابطك

عماد::ياخي طلعني من راسك ياخي عيب عليك حس على دمك بالقران جزعتني انت شنهي نيتك شهاب شتريد شهاب شتريد

شهاب::ولك استحي على دمك يجيني المصلاوي يكلي رايد بت اخوك..خايب فتت بهدومي.. عرضنه امطشر ابغداد والغرب اتخطب بنياتنه...لااا وكدامن گدااام. محممد اللي متاني علينه الزلة حتا يشهرنه ويخزينه، مااتخااف من الله مااتحللون ماا تحررموون

عماد::وهسة انتا رادني ومهجولني لان خطب المصلاوي منك ترا حاله حال كل بنية الكل يدوس بساطهه، هااي هي يابة نگلة ماترهم وحررام وكلمن يروح بدربة

شهاب':هالمسيحي لو ما ملاكي من بتك ويه (وجه) ما تعنه علمودهه للبصرة

::ولك شهاب لا تسودني جاي تتهتم بتي تصاحب زلم تخبلت انتا لو احد مسلطك علية.. اطلع من بيتي ما اريدك ابيتي

::هيين ي اخووي هييين صبرك علية يابو البنات.. انا مو شهاب الذيب لو مارديتك وعينك مكسورة

طلعنا برا الحمام ثمن صارت الاصوات حيل عالية اصوات غضب رجال ببحة جنوبية عالية اباوع عليهم يتمالخون واحد يضرب بالثاني وماما على جهة تصرخ بكل صوتهه

اثناء العراك بينهم بابا ضرب عمو شهاب بوكس اجا بصدرة الضربة كطعت نفسة بس سرعان ما سحب المسدس مالتة كان مخلي يمه عمو شهاب ميتحرك من دون سلاحة ف سحب السلاح واطلق على بابا الضربة اجت بكتفة

هنا اشتغل اعياطنة عبالنة راح يموت
وشهاب ابد مارفلة جفن يباوعلة ويلهث كال بصوت واضح ومهدد

شهاب::انا خطيتك يخوي..بس من اليوم راح اراويك وجهي الثاني يابو العوا..... يا سافل

عماد بصوت واهن متعب متألم::اطلع برا يا عقيم يا عاقر.... جاي تفرغ عقد ايران بينه اطلللع كوا... نيتك وسخة واحد قذر گو...

عمو شهاب.. باوع على ماما وهي نزلت راسهه جانت لازمة قطعة قماش على جرح بابا المتألم

لحضات وانهال على بابا برفسات قوية بصراخ رجولي غاضب من دون كلمات حاولنا نحمي بابا بس ماكدرنا

الى ان ماما كامت وصار تحاول تدفع شهاب بس شتدفع جندلة وواكف انتبه اله دا تدفعه انطاهه دفعة وكعت بالارض كاللهه

شهاب::حرررب ي لياااالي راح افوتكم حرررب يااا عارات... اخوي الي جدام عيالة يعايرني بمرضي  راح اشعل اهلة بنار تحرك اخضركم ويابسكم... صبرك علية عميدان

طلع من البيت مثل العاصفة

رانيا::يووووم اتصلي على زيااد بابا ديموت باع النزف فدوة لعينج سوي شي

بابا فقد الوعي كان شبه مغطى بالدماء... ماما تتصل على زياد وماكو مغلق... اخر شي راحت تركض جارنه عندة سيارة اجة شالو بابا للمستشفى

وووين للساعة تلاثة الضهر دخل زياد للبيت فاتح الجبس مالت رجلة بقى بس البلاتين داخل العضم

رانيا::يمعود زياد صدك تحجي شكد دكينة عليك ووينك متكلي.. اجا عمو شهاب لعب لعب ورمه على بابا وهسة بالمستشفى

زياد::اه.. شتحجين انتي...ولج جنت ادور شغل بس مايشغلوني علمود الجبس برجلي.. رحت للمستشفى ذبيته

::لعد غير ترد على تلفونك

زياد::شأرد غير مغلق.... بقى يستفسر مني وهو يغير ملابسة خابرهم ولحكهم

تأخرو هواي بالليل الساعة الثامنة تقريبا خابر زياد كال تعشو وقفلو الباب زين ونامو

اكلنه شوية اني ومشمش لان بلا غدا بعدين هي نامت اني خفت انام قفلت الابواب وكعدت على كرويته بالصالة طبعا هي الوحيدة بالصالة حتةطى مو تخم لان الصالة مساحتة زغيرة

غفيت وفزيت، على صوت طرقات الباب فتحتة بابا وزياد وماما ساندية ركضت دا ابوسه جان يحط دفعه بأيدة السليمة بنص صدري وكعت بلارض

عماد::حسابج عسير بس خل اصفالج

رانيا::ليش بابا شمسوية والله ممس...

عماد::اشششششش وخري مني وخرت من طريقة فات بالغرفة

واني بقيت بالصالة.... طلع زياد للمطبخ رحت امشي بسرعة ورا... التفت عليه بسرعة

زياد::خرب شكلج فززتيني صدك تحجين هسة عفتج برا

رانيا::كافي سخافة زياد مو بحالك. بابا شبي وياي اني شعلية

بقى يباوعلي صافن بعدين كال

زياد::رانيا استفانوس خطبج من ابوية مرتين... مرا انطرد ومرا انضرب وامس رايح لعمي شهاب. هلاجا يرعص علينا

رانيا رديت متفاجأة::وربي يا زياد وغلاتك ماعرف ولا شي ولا اللي علاقة. لعد لويش بابا عصبي ويكولي احاسبج

اتكأ على طرف الكاونتر وكتف ادي لصدرة وباوعلي كال

::رانيا نقطتين حطيهم بعقلج زين اولا استفانوس انسان مسالم يعني مو مال عركات وماراح يغير دينة هذا جاي يخيط ويخربط.. ومو كفو يواجه اهلج..

وثانيا عمامج گو... ويكرهون ابوج شهاب تارس روسهم حقد

يعني يا اخيتي والله صعب عليه احجي بهيج موضوع وي اختي.. بس يا رانيا انتي مو اختي والله معتبرج دنيتي وصديقتي من اشوفج ضايجة اكتئب تلقائيا وحق الخلقج

بعد اخوج لفي گليبج بقوطية وخلي يولي ترا كلما يجي يخطب وحدة يعني محد من اهلة موافق سالفة واكفة 

.انوب تعاي جاي.

هو انتي شعاجبج بي شو جنة باربي. انوب كلش ابيض جنة كريمه كيك.

طول ماهو يحجي اني مدنكة واكل بأضافر ايدي. افكر فعلا جميع الطرق مسدودة.فززني من تفكيري كلامة

زياد::لا تخافين ولا تفكرين. بس احس بينت عليج علامات العنوسة ادبرلج رجل اخيج موجود لو اعرف اصير هندي والم مهرج

وگعت بي ضرب من الخجل على ادي على ضهرة وهو يحاول يحمي نفسة مني ويضحك.. حتى الضوجة خربهه اخر شي سحبني من راسي وبوسني براسي

كال روحي نامي ولا تفكرين

::وانت وين رايح تأخر الوقت

::اروح ادخن شوية مشتاق للجكارة طلع يمشي أعرج، ببطئ شديد.ِ..

الله يحركك بنار الدنيا قبل الاخرة يادريد

رحت نمت واجت ماما فززتني بنص الليل... اكعدي اكعدي يمصخمة من فلك طرج كون

فزيت برعب دمعت عيني

رحت لكيته كاعد على الكرسي اخضر ايدهه معلكيهه برقبته لان متأذاية صح خطتة بس اذته... بملامح جامدة خالية من الرحمة وسع عيونة وكال اذا تجذبين علية اهنا ادفنج ومحد يخلصج مني

::بابا فدوة بابا والله معلي..

اجاني كف حسيت اذني صارت تصفر حطيت ايدي على خدي ومابجيت بس دمعت خفت ابجي واستفزة اذا بجيت راح يزيد الضرب

كال يلا احجي

::بابا والله...

قبل لا اكمل انهال عليه راشديات واني لازم ما ارفع ايدي ولا ادافع عن نفسي لان ينهيني...كطع شعري بأيدة بهذل حالي...

يلا دخل زياد

شاف حالتي صرخ بعالي صووته::. ليييش ياااابه لييشششش ماله علاقة الله يلعنكم كتلك مالهه علاقة هو المن...  خطبهه شبيدهه

::گووووو.... زياد توكف بوجهي تلعن على ابوك ولك انعل شيب ابهاتكم

ولزم زياد وصار يضرب بي وكفت احاول احمي بس بابا قوي وجان غاضب. وزياد مرفع ايده علي لان ابو بس هو انفعل لان بابا ضربني بلا سبب

لهالسبب اني ضميت سالفة دريد. لان ادري العواقب شنو. اللي نقذنه من نوبه الغضب انو

مشمش صرخت بصوت عالي ببكاء ::الحكوووو ماما  ماما تخربطت عفيه بابا تعااال

. تركنه وركضلهه

واحنا احتارينه بيهه حلكهه صار ازرق وبشرتهه صارت باهته وكلبت عيونه ليفوك وسبلت اديهه خبلتنه كلنه انتهت

ركضت جبت مقياس الضغط طلع ضغطهه معلك سويتلهه ع السريع ليمون وانطيناهه العلاج نامت

زياد طلع برا واني رحت نمت بالمطبخ. اجت مشمش شالت فراشهه من الصالة واجت يمي

سمعته يخابر اخذني الفضول وكمت اسمعه

زياد::يعمري انتي. هسة ليش البجي. مو دنحجي

::لج شحب غيرج غير معلگة وي النفس انتي

::ههههههه ميت عليج وربج.

::مناوي عمري اني قافل تردين نسولف ع العرس لو تعوفيني انام

::ههههههههه اشاقة من طاح صبغج. ادبسسز غلطي بعد وشوفي شلون اشك حلكج

::اااخخخخ هسة لو انتي حباية جان بلعتج وريحت اعصابي بيج

اباوع مبتسمة بعدين انسحبت لفراشي عزا بعينج منى شلون غيرت مزاجة ولا جنه ماكل طن ضرب

بابا بعد محجة وياي بس نضراته كله غضب اني من اشوفه اختل لو اسوي نفسي نايمه

يوومين سرى رجعت اختفت من الدوام

ماما هم زعلانة عرفت من زياد انو استفانوس حاجي وياي قبل ميجيهم وزعلانة شلون مكلتلهه

تطب تطلع ترزلني عبالك عندي علاقة محرمة ويا.. كرهوني بحياتي حتا كرهت افكر بي

كنت اضنهم گطعو جميع خيوط الامل بهالعلاقة بس علمود الطائفية  كنت اضنهه خالية من الحرام كنت اضنه مجرد حقد بينهم وتفكير طائفي ماله معنى

استفانوس كان يكولي ما اكدر اغير ديني ضنيتة بس حتى يرضي اهلي طلع الامر اكبر من هيج بهواي

بهالفترة، ما اكدر اخذ موبايل ماما اتصل منه وسرى مترد على رقم زياد لان مجانت تعرفة

بالليل جنت اقرا بالمطبخ واجت ماما جابت التلفون كالت هاج هاي سرى تبجي

انخمش گلبي ::هااا سرى عمري

سرى::رااانيااا رانيا ماما بيهه سرطان ماما حتموت راانيا شلون بيه تعاليلي فدووة

__________________________

ســرى

كعدت الصبح على صوت وكعه وصوت تكسير طفرت من فراشي وركضت وسعت عيوني بصدمة وصرخت بعالي صوتي ماما واكعة بالصالة ويمهه الاكل متطشر بلارض وابريق الشاي البايركس والصحون والاستكانات متكسرات والجاي واكع جوه ضهرهه وهي فاقدة

ضليت ابجي واهذي واصرخ واحاول اسحبهه.

سحبتهه بقوة لمكان نضيف وركضت جبت مي. بطريقي للمطبخ تعثرت بلاكل فات الكزاز برجلية وادية والدم صار ينزل بس ما اهتميت ولا حسيت بوجع من الارتباك والرعب

اغسل بوجهه والمي والدم اختلطو على بشرتهه الناصعة البياض اللي تحولت للون الباهت بسبب المرض

حاولت ارجع وعيهه بس ماكو امل طلعت اركض بالشارع بلا حجاب ببجامة البيت ذات اللون البني وصلت البيت خالوو

فلشت الباب الى ان فتحهه مرتضى شاف حالتي تخبل

مرتضى::شكووو ولج شششكووو سراوي  احجي 

وكعت بالارض وأشر على بيتنا

سرى::اميييي امييييي امييييي الحكوو مااااتت

طلعو يركضون هو وامة  واني رجليه راح منهن الحيل اما خالي ف ميكدر لان فاقد اقدامة بحرب الطائفية بس بقى يصيح من الغرفة

::ولكم تعااالووو يووولووو ششصااااير

اني انتبهت على نفسي طفرت ركض عفته ورجعت للبيت لاكاني مرتضى كال  وهو يمشي ويحجي بلما يدور لان مستعجل

مرتضى ::ما ميته لتخافين فاقدة هسة اخذهه ركضتلهه افرج بأيدهه ورجلهه

مرت خالي كالت::ولج سريوة شنو هذا الدم اديج ورجليج كلهه كزاز

::خالة ابوس ايدج كعدي ماما فدوة اروحلج

قبل لتحجي دك تلفون ماما المشمور على جهه اثر الوكعه شافت اسم ابوية ردت

::الووو علو جميلة وگعت فاقدة راح ناخذهه للمستشفى

::توهه فاتت علينه سراوي تركض

::هااا قريب انتا.

::ديلا لعد منتضريك

سدته والتفت علية.... كومي يمه جيبي عباية ل امج ابوج يكول جاي بالدرب ابين ماجبت العباية وحطيت جواريبهه برجلهه

اندفع الباب بقوة ودخلو بابا و ورا مرتضى بابا ركض على ماما كعد على ركباتة كدامهه يحجي بصوت واهن مرتجف

علي::جميلة جميلة فدوة لا تخمشين كلبي  فدوة رحتلج لا هيج وي كلبي

مرت خالو كالتلة مايفيد علي المرة فاقدة رتب عبايتهه بشكل مهمش حتى يسيطر يشيلهه بس باوعلي وسع عيونه عاف ماما واجاني

علي::يابه سراوي شنو هاي حالتج

زحفت للوراء مبتعدة منه رافضه تقربة مني كتله معليك مني حير ب ماما

شال ماما وهو يحجي ع السريع البسي وتعالي للسيارة بس صعدنا شخط السيارة اني لزمتني رجفة خلت اسناني تطكطك مثل البردان وهو كل شوية يلتفت للوراء يباوع عليهه همزين ما دعمنه

اليشوفه ميكول هاجرهه يكول ميت عليهه وصلنه للمستشفى اخذوهه من بابا شرحلهم الحالة مباشرة كال حولوهه فوق لقسم الاورام

اني انتبهت عليه ممرضه اديه نابت بيهم كزازة وركلي اعرج منهه كالت بصوت حزين ووجهه مكسور خاطره كالت

::تعاي ماما تعاي شنو حالج

من بين شهكاتي وخوفي طلعت الكلمات وهي تخترق بلعومي بصعوبة

سرى::امييي.... اميييي... فدددوووة امييي

::لتخافين عيني هياتهه هسة يسعفوهه وترجع ورد اخذتني تسحل بيه واني امشي والتفت مرت خالو وبابا راحو ويه ماما واني وحدي

اخخ ربي احتار بألمي لو بوجع كلبي على امي طلعت ورجعت جابت وياهه ممرض اني ارتعبت

ضلو يهدون بيه وانو ما اخاف وسهلة كاللهه نازفة هواي

بس لزميهه سحبو الكزاز واني كل صوت اصرخه يهز المستشفى بعدين سوو الاشعة تأكدة ماكو كزاز ناعم

وبدا يخيط واني الدموع والدم سوا وحدي ماكو احد يمي خلص خياطات تلاثة بأيدي وبدا يخيط برجلي دخل بابا وجهه ملهوف

::هااا يابة اسم الله  سلامات

صرخت بوجهه::وخررررر وخررر مني صايو حنين كله بسببك ماما مريضه بسبببك موتتهه قهر

ابتعد من شاف حالي يريد بس اسكت عيونه دامعه وجه مليان حسرات وندم وصوته مخنوك بعبرة

::يابة والله كلشي صار بصالحكم انا شمدريني بيهه هيج مريضة اشم ايدي

الممرض::عمو لخاطر ربك دعوف العتب البنية خلص دمهه

استفسرو منه عرفو ابوية لزملهم رجلي وخيطوهه ولفووهه

كمت وكفت صااحت الممرضة

:: ويين ميصير اكعدي

::اكعدي بابا والله مابيهه شي هسة بس استقري اوديج

::لا توديني ولاتجيبني ولا تتقرب مني

::كزز على اسنانه كال بابا مستشفى عيب العالم منا والله افهمج

عقلي وكلبي وروحي كلة يم ملكتي يم مهجة قلبي يم نور عيني امي

عفتهم ووكفت شافوني معندة كالتللة جيبلهه كرسي من ذيج الغرفة جابه واجة كعدت مشاني صعد بيه بالمصعد اثنينه ساكتين وصلني يم الغرفة البيهه امي فاقدة حاله حال حاطيلهه اوكسجين وكانولات اثنين

اخخخ كسرت خاطر نفسي على روحي على حزني على وحدتي انكسر خاطري عليه

اباوع من بعيد واهذي

::لا تعوفيني ماما انا مالي غيرج.. انا اخاف من الناس اخاف من الدنيا كلهه بدونج... لا تكسريني ماما فدوة...بقيت ادعي واحجي وابجي واني دمي خلصان اخذتني الغفوة مدري فقدت الوعي يم الحايط

كعدت لكيت نفسي بأحد غرف المستشفة كلتلهم امي
بابا كال واعية رادتج كومي

رحتلهه كاعدة على السرير وديعالجون  ضهرهه شافتني شهكت

::يمه سرااوي تعاي يعمري

::كعدت اشهك وابجي واشكيلهه ساعات غيابهه شسوت بيهه شلون لو فاركتني للابد

::ماما شبي ضهرج..

::مابي حبيبتي هاي الجاي شويه ماذيني هسة من شفتج ماضل وجع

مسحت دموعي وضلت تلوم عليه شلون مأذية نفسي وتبوس اديه. وتبجي وتضحك تريد تنسيني خوفي

اجا الدكتور كاللهه لازمج راحة راح ننطيج مسكن حطولهه المسكن بقيت يمهه لازمة ايدهه لحد ما غفت

فتح بابا الباب جايب تقارير المختبر الخارجي للدكتور اشرلي نامت كتلة اي اخذهم وراح

كلبي حسني اكو شي كمت اعرج اتسحب ورا واتألم تأخرت يلا وصلت بسبب رجلي لمحت بابا بأحد الغرف امام مكتب الدكتور جان كاعد ومدنك وحاط راسه ابين ادي

::دكتور يعني ماكو امل

::غلط نقطع الامل. بس حالته صعبة السرطان متفشي بالدم اتأخرتو جدا ليش ما انتبهتو لجسمهه للكدمات للنحول ل ارتفاع درجة حرارتهه كلهه علامات واضحة المريضه اهملت نفسة الى ان فقدنا السيطرة

::والحل دكتور.... قطع كلامة صوت وكعتي التفت طفر اجا يمي

::راح تموووت راااح تعوفني لا لا فدوة سووو شي ساعدوهه

انا عقلي مشدوه وهو عيونه تنزل شلالات وتهرب منه شهكات خفيفة يحاول يسيطر على نفسة

سحبني من ايدي وكومني كال::امج محتاجة وكفتج وياهه مريض السرطان اذا حالته النفسية تأزمت يموت... لا تضعفين كووومي شو كومي شطلعج وراي

شالني شيل لان راح الحيل كلة

كعدنة بالممر كال::هسة راح نروح للبيت نجيب احتياجاتهه ورح تطيب سامعه امج قوية اقوى من ما تتخيلين اني اعرفهه

::بابا ليش هيج سويت ليش عفتنه مجان صار هيج لو ماعايفنه ليش ليشش

::بابا اني متورط بجريمة كنت تحت التهديد اذا تبربت منكم اروح بيهه وانتم ترحون بيهه... اشرحلج كلشي وداعة امج بس عينيني

موسعة عيوني كلبي دخل بي نسيم بارد لان عندة عذر وتبرير شالني ورحنة للبيت صار الليل

دخلت شفت مكان وكعتهه انهاريت بالبكااء محد يصبرني ويواسيني بهالمصيبة غير حبيبتي صديقتي رانيا

اتصلت بيهه وصرخت وبجيت وياهه.. قطع كلامي بابا وخو يخز بكتفي ويحجس بهمس

علي بصوت خافت::گومو گومي طبي جوا ما اريده هالخسيس القذر يلمحج كومي

_____________يتبع

والباقيات الصالحات

سبحان الله وبحمده سبحان الله العظيم ♥️🤎

كل عام وانتم بألف خير يا رب وصحة وسلامة وربي يحقق كل امانيكم وامانينا

انستغرام القصة♥️