مساء الخير زهـراتي
#ثعلب الحبتر
#بقلمي انا: زهراء
لا تنسون اتصوتون +اتعلقون بين الفقرات +احبكم زهـراتي
بسـم ﷲ الرحمـن الرحيـم
ــــــــــــــــــــــــــــــــــــــــــــــــــــــــــــــــــــــــــــــــــــــ
هَـلي، شافـونُي ما انفـع.
شنـيِ، مـن المغرب اتـوجع!
صـرت مـاي بـلّم واتخيـل شمكروه؟؟
عـلي اتگابلـوا رادونـيِ بس اطـلع!
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
روح
حسيت اكو واحد اجة كبالي انمدت ايد على اللفاف الي ملفوف حول عيوني حسيت بأحد جاي يفتحة
فتحة وغمضت عيوني بألم من انضرب بيهن الضوة
وضحت عندي الرؤية رفعت راسي وشفت شخص مو غريب علية ملامحة مارة على ذاكرتي
على شفايفة ابتسامة غريبة غريبة بشكل ومخيفة ملامحة كلها شر وغل وكره
لابس اسود بأسود وداير مدار عيونة حمار عبالك دم
صاح بصوت فززني من مكاني
... بتتت سلماننن موو
هزيت راسي بخوف وانا عيوني تتنقل عليه وعلى تعابير وجهة المليانة بالكره الي
خلة ايديه على الكرسي الكاعدة عليه وقرب وجهة الي كال بفحيح مبين مدة كرها
الحبتر... ما اريد منج شي غير مكان ابوج
رجفن شفايفي بخوف وكلت بصوت متقطع
روح.. ما اندل ما اعرفة
ابعتد و صاح بصوت عالي
الحبتر... ابوججج وينننن كلتتتت ولكمم شسوييي بيكمم انه وتطفيي نارييي شسوي بس سلميني ابوج و اخليج ترحيننننن
هزيت راسي بنفي وهوا كام دار وجهة عني راد. يروح وفجأة رجع ضربني راجدي قوي وجر شعري من جوة الحجاب
الحبتر.... اختاري وحدة من الثنين انتِ لو اختج؟
فتحت عيوني بصدمة واردفت
روح.. شنو
هز راسي اقوة
الحبتر... منو تضل سالمة انتِ لووو اختجججججج
غمضت عيوني بخوف واردفت بصوت متلكأ
روح ... ا اختي
رجع جر حجابي ويحجي بهسترية
الحبتر.. ليشششش ليشششش تسوون هيجج ليشششش
تألمت منة حسيت شعري يتقطع من جذورة انتبهت الايدة الثانية قريبة من حلكي عضيتها بكل قوتي يلا عاف شعري دفع وجهي بأيدة حتة اعوفة بس ماعفتة الحد ماحسيت طعم دم بحلكي يلا عفتة وباوع الايدة ومسحهة بقرف
الحبتر.. بت الجلب لو ما ابوج جلب مايخلف وحدة مسعورة
روح.. اثنينكم كلاب ماكو فرق
ضل يروح ويجي ويضحك بهسترية لو يسوي شغلات وحركات بوجهة غريبة راح اتمدد على مندر صاير كبالي وطلع من جيبة ابرة انتفضت عبالي الي بس خلاها بالسرنجة وضربها بأيدة الثانية بعدها ضل بس صافن بالسكف ومايحرك جسمة
همس بحزن
الحبتر... عافت حضني وراحت للتراب
اردفت بصوت واهن
روح ... خليني اروح مامسوية شي
ماكو رد منة بس صافن
دمعن عيوني وحجيت
روح.. منو انتَ وليش جايبني هنااااا شتريدد مني شمسويتلكك اناااا
هم مارد ضليت احجي واتوسل بي الحد ماتعبت وهوا مايرد حاولت افتح ايدي بس ماكو فايدة
نزلن ادموعي بأسف وبحزن على وضعي
عرفت من جيت سلمان ما راح تعدي على خير
فجأة كام من مكانة بسرعة واتوجه الي
مد ايدة الجيب البنطرون و طلع شلون السجين بس صغيرة واجة كبالي مشاها على خدي وضغط بحافتهة عليه
الحبتر...ابوج وين كليلي وين وانه اعوفج
روح.. مااعرف شعليي بيي انااا مااعرفة ولا يعرفنيييي
هز راسة وانا اباوع الة بخوف فتح ايدي
الحبتر.... كومي
كمت بسرعة من مكاني عبالي يريد يطلعني اجة كبالي مبتسم ابتسامتة الغريبة عبالي يريد يطلعني بس فجأة توالى علية راجديات بوجهي ما الحك ارفع راسي يضربني الثاني جر راسي الة وفتح تلفونة وشغل فيديو حجة وهوا يرجف ومو صاحي
الحبتر.... شووووفيييي شوفيي شابة تسوةة راسج وراس الخلفج هيججج يصيرر بيهااااا تشووفيننن شوفيي ابوججج شوفيه وهوا يمارس قذارتة على اختيي
رجفت وانا اشوف شنو يسوي نفس الطريقة نفس الوحشية من اعتدة علية رفعت راسي الة وانا ادموعي على خدي
روح... روح اتصرف وياه انا ما الي علاقة
رجع ضربني راجدي قوي على اثرة طحت بالكاع زحفت على مقعدي للزاوية وحضنت رجلية الصدري وابجي
روح... اناا ما الي علاقة بي
طلع صورة من جيبة وقدمها الي اتخبلت من شفتها صورت ترف باوعتلة بتوسل
روح... معليها معليها هيا اكتلني انا عوفهااا معليكك بيهااا
الحبتر... حلوووو وفية بت سلمان اي مو هما الجلاب ووفيين.... كعد على تك رجل كبالي وحجة.... هسة ماتعرفين مكان ابوج مو؟
هزيت راسي بنفي
الحبتر... تمام ضلي هنا منا لمن تحجين
صحت بوجهة
روح... ماااااااادريييي مكااانة ويننن مااادريي ماتف
ماخلاني اكمل ضربني راجدي وجر شعري
الحبتر... صوتج هذا ماترفعينة فاهمة تضلين هنا الحد ماتحجين
روح... الله يخليك والله والقرآن ما اعرف مكانة لو اعرف اكلك ما اعرفة والله
هز راسة بتوعد
الحبتر.. تمام روحي بس اجيب ترف يجوز تندلة
انتفضت بوجهة وصحت بسرعة
روح... لاااا ماتعرفة ماتعرف مكانة
جاوبني بأستهزاء
الحبتر .. وشدعوة هيج خايفة عليها؟
روح.. اختي شلون ما اخاف عليها
خلة ايدة على حنكي وضغط بقوة حسيت اعضامي تتكسر حجة من بين اسنانة
الحبتر.. و اختي من تموت وهيا مغتصبيها بأبشع طرق مو بشر؟
روح.. مو ذنبي
دفعني للحايط وصاح
روح .. ذنبجج ونصص ذنبجج ان انتِ بتة انتِ بت سلمانننن
سكتت وانا اتنفس بصعوبة كضيت حنكي بألم واباوع الة
طلع جكاير من جيبة وورثها
دك تلفونة كام من مكانة وراح جابة رد عليه وما اسمع شنو يحجي بس هوا يجاوب ب اي او تمام
سداه واجة يمي
الحبتر.. اي يالمسعورة ابوج يوم 8/8 عدكم صح
روح.. اي
الحبتر.. ودكولين ما اعرفة؟
روح.. اي صح ما اعرفة
خزرني واتقرب يمي
الحبتر.. تضحكين علية؟
هزيت راسي بنفي
روح.. لا والله مااضحك ماضحكك بسسس طلعنييي منااااااا شجابكك علية
ضل خازرني وكض الجكارة بأيد والايد الثانية سحب بيها ايدي الي بيها الحرك وخله الجكارة على باطن ايدي غمضت عيوني بألم ونزلت دمعتي على نفسي ومن نفسي
شتشوف روحي بعد مو كافي الصار بيها؟
كلشي شفت ضرب اهانة تحرش اشياء اكبر من عبري وبسبب منو؟
وليش كل هذا يصير بية
يطفوني بأفعالهم وينامون بضلامي
مشة طول الجكارة على باطن ايدي
حجيت بضعف
روح.. كافي
ابتسم وسوة حركة بحلمة بمعنى.. جؤ
رجع ورث جكارة جديدة وحرك باطن اصبع اصبع من ايدي
اتخبل من شافني ما انطي اي ردة فعل بس اباوع الة والايدي احتار شيسوي رجع ورثها مرة ومرتين وانا صامدة وضاغطة بأيدي الثانية على قميصي واباوع واكول شراح يصير بعد
شمر باكيت الجكاير
وكام رفع المندر وطلع من جواه مسدس وابتسم ابتسامتة الغريبة
التفت الي وزادت ابتسامتة انرهبت من سوي هيج بللت شفتي ولزكت نفسي بالزاوية
اتقدم يمي وهوا يمسح بالمسدس بأيدة كعد على تك رجل ومد ايدة الحنكي ركز بعيوني واردف
الحبتر...جؤ جؤ ليش اكو بعيونج خوف مني مو انتِ بت سلمان المفروض ما تخافين؟
شهكت وحجيت
روح..انا مو بنتة ما اعرفة
زاد ضغطة على حنكي حسيت ايديه راح تخترق عظام وجهي خلة فوهة المسدس على جبيني
غمضت عيوني ونزلن ادموعي من استوعبت راح اموت و اودع كلشي صار الي
بلعت ريكي وجسمي كلة رجف بخوف تبقة الروح عزيزة مهمة صار
ثواني وانا اتخيل شكلة وهوا يرميني اي حركة غلط منة ممكن اموت!
رفع المسدس عني فتحت عيوني على كيف
الحبتر...جؤ ما اكتلج بهاي السهولة اريدج تتعذبين
ضليت ساكتة والشهكة بصدري شمر المسدس بعيد واردف
الحبتر... خلي نتفق اتفاق حلو كولي كولي شني هوا
ما جاوبتة خزرني وصاح
الحبتر... كلتتت كوولي
جاوبتة بتلكأ
روح... ش شنو هوا
الحبتر...اتضلين هنا الحد ما تكولين مكان ابوج
هزيت راسي بنفي
روح...لا الله يخليك خليني ارجع الاختي
من غير كلام سحب تلفونة واتصل وحجة
الحبتر...خنجر جيبلي ترف اختها
انتفضت وحجيت بتوسل
روح.. شنوو تريد اسوي قابلة بس عوفهة كلة يعوفها معليهاااا
الحبتر... اوكف خنجر لاتسوي شي انه اطيك خبر
سداه وشمرة على المندر ورجع باوعلي وهوا مخلي ايديه ورة ظهرة ومبتسم نفس الابتسامة
الحبتر.. اي شي اي شي؟
هزيت راسي بقبول وانا كاضة بأيدي اليمنى ساعد ايدي اليسرى
اتقرب يم وجهي وهمس يم اذني بصوت مليان كره وحقد
الحبتر.. تبقين يمي منا لمن الكة مكان ابوج
بالمقابل اختج مانتقرب يمها وماطول هيا بعمر اختي شنو رأيج اسوي نفس ابوج ونغتصبها ها شكلتي؟
هزيت راسي بنفي
روح.. اقبل بس عمتي وزوجهة؟
حرك لسانة بداخل جوف حلكة
الحبتر.. رجعي وانه اوديلج كلشي تسويين وهااا خليها ابالج حركة مناه مناه ترف الحلوة اعرف كلشي عنها
برمشة عين تلكين جثتها يم رجلج وبوضع اسوء من حال اختي
روح.. كلشي تريدة اسويه بس انسة ترف
هز راسة وفتح الباب سوالي بأيدة حركة بمعنى طلعي عدلت شالي وكمت بصعوبة وطلعت من البيت والشمس داكة بعيني وين انا
ووين راح اوصل منو هذا؟
ضايعة ياربي ضايعة
رفعت راسي للسما وحجيت بصوت عاجز
روح.. ربي ليش هيج تعبت والله
مجرد ماكلتها أذن أذان الظهر نزلت دمعتي وانا واكفة بوسط الفرع موقف كزبر جلدي استغرفت الله وحمدتة على كل حال
كملت طريقي وانا من صدك ضايعة وصلت للشارع العام واشرت التكسي وكف الي رجال چبير بالعمر صعدت وانطيتة العنوان خليت راسي على الجامة محتاجة ام تخليني
بحضنها وتمسد على شعري تسندني ما اكدر وحدي محتاجة احد ينصحني
:تشعِر أن الجَميع إتفق أن يخذِلك
حسيت بحنجرتي غصة وبجي بس ما اكدر احس تعبت عيوني
كوة اجر نفس احس نفسي مقيدة حياتي لو حياو اختي
شعرت بخيبة من حياتي مثل خيبة ذلك السجين الذي امكونُ بزيارته مرة واحدة فالسنة ولم يأتي لزيارته احد
احس انا زايدة بحياتهم المن موجودة
اتنهدت واستغفرت الله ووكفت السيارة من صرنة كبال العمارة غلطت على نفسي من اتذكرت جنطي وتلفوني ضلن بالمستشفى استأذنت منة وكتلة هسة اجيبلك الكروه رحت للحارس ابو حسين واخذت منة
الكروة وانطيتهن الة رجعت صعدت وانا اتأكد من شكلي
خو مابين على وجهي شي دكيت الباب مالت الشقة وبسرعة فتحتة ترف وهيا تتفخصني بعيونها
ترف.. روح بيج شي وينج اتصلنة عليج هوايه ليش اتأخرتي عمو باسل و وراغب وعلي دورو عليج وعمة اتصلت ليش ما رديتي
اتجاهلت هذا كلامها كله بس اكتفيت برد
روح.. مابية شي
اجو كلهم على صوتنة رفعت راسي الهم وانا اباوعلهم واحد واحد وخاصتاً راغب بعيونة حجي وخوف الي
باسل... اي وينج يا بابا مو بالنة عليج
روح.. هاي انا كبالكم كلشي مابية اصحة منكم
صفكت عمة ايد بأيد وكالت
أمل.. راح اتخبل من ورة روح وعلي
علي... وخ** شعليه
عبرتهم كلهم ودخلت للغرفة اجت وراي ترف اتقدمت يمي وحضنتني
ترف.. خفت تعوفيني
ابتسمت ووخرتها عني
روح.. بس اريد ارتاح وانام
بهتت بوجهي وابتسمت بفشلة
هزت راسها وراحت طلعت وسدت الباب
باوعت الايدي و للأثر ودمعن عيوني
ترسو روحي جروح وكل جرح اوجع من الثاني
فتحت الجرار وطلعت صورة امي
روح.. مو كافي معاتب شوكت اجي يمج مو تعبوني؟ يمة ترضيها هيج يصير بية؟ روح انا جنتي تبجين اذا بجيت انا ماتخليني انام اذا مو بحضنج تعاي شوفيني صرت لعبة بأيديهم وبعدهم يكولون مو كافي تعاي يمة احجيلي شيحلها هاا ماتنحل بعد ولا اصبر هوا انا شضال بية حتة اصبر؟
ضميت الصورة ونمت على شكل جنين وانا ابجي حتة ملابسي مابدلتهن
كعدت على صوت ترف وهيا ادقني بكتفي
فزيت من مكاني عبالي بيها شي استغربت من حالتي وحجت وهيا اتقدملي جنطتي
ترف... مابية شي بس هاي جنطتج جبناها الج اني وعلي وتلفونج صارلة ساعة يرن صرعنة صرع
انطتني اياها وطلعت اتنهدت وفتحت الجنطة شفت تلفوني يرن رقم غريب بلعت ريكي وفتحت الخط وغمضت عيوني من سمعت صوتة هوا نفسة
الحبتر... ليش ما اتردين؟
روح.. هسة رديت
سكتت وبدة يشرحلي شنو اكول واحجي وكل كلمة والثانية يغلط علية وعلى سلمان ويهددني بترف ضغطت على ايدي خاف صبري ينفذ اكثر وانزل عليه دوسة ونص
الحبتر.. والباقي يمج انتِ حسب شطارتج وبعد بت سلمان الشمنوج اكيد تطلع كندوجة مو صح مسعورة؟
روح.. اكو شي بعد لو اروح؟
الحبتر.. روحي حركي روحج بأيدج وشوفي مستقبلج شلون راح يدمر
روح.. اكثر من هسة؟
الحبتر.. الحد هسة انه ما لاعب
سديتة ورحت سبحت وبدلت ملابسي وصليت سجدت على التربة ودمعتي نزلت
روح...(قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ)
رفعت راسي ومسحت ادموعي وكمت اجيت اطلع وسمعت رنة تلفوني اتنهدت ورحت جاوبتة
الحبتر... اخر فرصة الج كليلي ابوج وين ووين ضامينة وانه انساج وما اسوي اي شي من الكلت عليه
روح... ليش ما تصدك انا ما اندلة ولا اعرفة ولا ملتقية بي
سكت ورة شوية حجة
الحبتر.. جا طبج مرض
سديتة وخليت الشال على راسي وطلعت يمهم كلهم متجمعين حتة راغب موجود شلون راح اكدر احجي ووهوا موجود
مو كافي عليه كسر اهلة هسة انا هم اكسرة؟
بلعت ريكي بصعوبة وانا عيوني تتنقل عليهم رحت كعدت على التخم كلمن ملتهي يسولف فتحت التسجيل بالتلفون حتة ادزة الة وحجيت وانا صوتي مبين بي التعب والخنكة
روح... اريد احجي وياكم بموضوع
كلها انتبهت علية والتفتو الي باوعت الهم منتظريني احجي حجة عمو باسل من شافني ماحجيت شي
باسل... احجي بنيتي شتردين؟
روح..اكو واحد اتقدملي
كلتها وعيني على راغب رفع عيونة وفاتحن بتفاجئ بلع ريكة وكأنة يكذب الي سمعة
أمل.. ومنو هذا وين تعرفينة؟
روح.. اتعرفت عليه بالمستشفى من خلال امة
كام راغب بدون مايستأذن وطلع من الشقة هز علي ايدة وباوعلي بشك عضيت على شفتي واردفت
روح... خلي يجي واتعرفو عليه
هز راسة عمو باسل
باسل.. يصير خير عمو خطوة حلوة منج تبدين بداية جديدة
حجيت بداخلي عمو قصدك تنتهي اخر فرصة بية
عفتهم وكمت سديت التسجيل ودزيتة الة وبالي يم راغب ماتصل ولا عاتب ولا باوعلي من طلع شصار بيه هسة دخلت عمتي للغرفة واجت جرتني من ايدي وحجت
أمل... احجيي الصدكك شصايرر مو على اساس انتِ تحبين راغب؟
فلتت ايدي منها
روح.. عمة شوكت انا كايلة احبة؟ انا حتة الة ماكايلة اعجاب جان وانتهى
رفعت حاجبها بتفاجئ
أمل... يعني انتِ ما واعدتة بشي؟
سكتت مارديت اردفت عمة
أمل... الي انتِ تردي يصير اهم شي عندي انتِ مرتاحة
طبطبت على كتفي وراحت اتنفست براحة وكعدت على الچرباية اجت ترف وباوعتلي ودمعتها بعينها كعدت يمي على الچرباية وابتسمت
ترف.. صدك تردين تزوجين؟
روح.. اي
ترف.. زين واني؟
بلعت ريكي واحاول اسيطر على نفسي
روح.. شبيج انتِ
ترف... منو يضل الي؟
ملت راسي واردفت
روح ... ماترديني استقر بحياتي
سوت نفس حركتي
ترف... بس مو بعيد عني روح انتِ قبل لاتكونين اختي اني اعتبرج امي منو الي رباني غيرج؟ منو يصرف علية منو ايدير بالة على صحتي انتِ بس مو احد غيرج شلون انام بالغرفة وانتِ ما موجودة
جريت راسها الحضني وبستها بشعرها
روح... ماراح ابتعد كل فترة اجيلج وشسمة عمة وعمو و وعلي يمج
ترف... بس رورو مو يمي
رجعت بستها بشعرها
روح..... مو يمج بس اكيد بقلبج
رفعت راسها وكضت ايدي الصاحية
الثانية مكورتها حتة لا تنتبه
ترف.. خلي يجي يعيش عدنة هنا بالغرفة واني انام بالصالة
ابتسمت بتعب
روح... ادري شيصير كعيدي عدنة حتة عمو باسل يشيل كلبيتة ويشدها على خصرة ويركض بالشارع ويصيح بناتت سلماننن موتنيييي وجابنن واحدد وياهنن
ضحكت وحضنتني
ترف..اصلاً ماضايجة اتزوجي عادي النوب مو اني انام بحضنج غير كائن لكك تئبرنيي اختيييي العررروسسس
ضلت تسولف وياي بس بالي مو يمها ابد وهيا من شافتني هيج كامت شغلت قرآن ونامت
ما اجاني نوم طلعت وسديت الباب
الشقة تصوصي كلها بغرفها كعدت بالصالة وصافنة وين راح يودني حظي بعد
سمعت صوت فتحت باب من ناحية غرفة علي درت وجهي عليه شفتة طلع باوعلي وابتسم واجة يمي كعد
علي... اول ما كبرت فهمت انا ماعندي خوات بس بعدين اجتي اخت وشلون اخت فاهية ودمعتها بطرف عينها
ضحكت من عرفت يقصدني
علي... روح شو ليش ما اتخيلج جبيرة دائماً انتِ بنظري هذيج البت الي اجتنة خايفة وماتحجي وية احد وصغيرة
روح.. يمكن لأن احنا اغلب الاحيان ناخذ نظرة عن الانسان من اول لقاء
علي... بس هذا الشي غلط
روح.. شي اكيد اول لقاء لابد ان الانسان ماماخذ ولا منطي وية الشخص المقابل فشي اكيد مايظهر شخصيتة الحقيقة
علي.. لعلمج الانسان نادراً مايظهر شخصيتة الحقيقة اووو بالاحرى وجهة ونيتة الحقيقية
روح... شلون يعني؟
علي.. شوفي روح الانسان عندة ثلاث شخصيات اول وحدة يتعامل بيها برة وية الاشخاص الغريبين وماعندة تواصل وياهم مثل انتِ والمرضة والشخصية الثانية يم اصدقائة وعائلتة والثالثة هاي مايظهرهة الاحد بينة وبين نفسة وهيا هاي الاخيرة شخصيتة الحقيقية
ضيقت عيوني وحجيت
روح .... وياترة علي بيا شخصية تتعامل ويانة؟
ضحك
علي... بكلهن... صفن علية ورجع استرسل بكلامة... روح انتِ متعرضة لهواي صدمات بحيث هسة انتِ كاعدة يمي وما مرتاحة وكلساع تتلفتين او تهزين برجلج او تاكلين بشفتج قبل فترة مو جنتي تتعالجين عند دكتورة ماصرتي زينة؟
هزيت راسي بنفي
روح.... ما استمريت على الجلسات
حجة بأسف
علي.... كون اكضجن انتِ وترف واطكجن راس براس
ضحكت وكضيت راسي
روح... ليشششش
رفع كتافاتة
علي.. تئبرينيي بكيفييي انا
روح... لااا ديرر بالك تاخذ كلمة ترف هاي من حقوقهة
ضلينة نحجي شوية وكلساع يسئلني سؤال غريب حسيتة جاي يسحب بكلامي علي ذكي بس يخيفي هذا الشي يسئل سؤال بس جوابي راح يكون جواب الغير سؤال بعقلة وهيج يربط الاحداث هوا يتعامل هيج وانا اتعامل وياه بنفس الطريقة الحد مانعس واستأذن وكام نام وانا مانمت ضليت منتظرة يصير الصبح على احر من الجمر حتة اشوف راغب لأن حتة ما اتصل علية وهذا الشي الي مخوفني
بس طلعت الشمس كمت سبحت وبدلت ودعت عمة وصاحت علية على الريوك بس اتحججت على ان راغب يعوفني ويروح
طلعت من الشقة وانا رجل تتقدم خطوة ورجل ترجع الف خطوة
وكفت كبال شقتة وبلعت ريكي دكيت الباب وانتظرت يفتح الباب بس ماكو اي حركة منة رجعت اريد ادك الباب وانفتح باوعتلة عيونة حمر ومبين ما نايم ووضعة غريب جرني من ايدي
ولا زالت الحكاية مستمرة
تصبحون على خير زهـراتي ♡