~¶حتى نِلتقي مجدداً¶~
.
.
.
.
بحريه قاعده قدام الشخص الوقح السافل زي ما سمته وهو قدامها من ساعة ما قعد وسطهم.و منزلش عينيه من عليها ومش في باله ان ممكن اي حد من الموجودين يلاحظ نظراته لبحريه ال قاعده متوتره منها ومش فاهمه هو ماله بالظبط وليه بيبص ليها كده يا ترى فاكرها وعارف شكلها؟؟
اكيد فاكرها وبيخطط دلوقتي ينتقم منها ازاي من الكلام ال قالته ليه آخر مره لما كلمها بس هي مغلطتش هو الساق الهبل وكان بيخبط فيها بيستهبل وعامل نفسه مش واخد باله
.
.
.
قامت نرمين والدة ناير وهي بعد ما بصتله بنظره فهمها كويس وقام وراها و دخلو المطبخ
نرمين : ايه بقى ال انا شايفاه بره ده
'ناير' وقد أدرك انها لاحظت نظراته *لبحريه*:: ايه ال بيحصل بره حصل حاجه ولا ايه
نرمين : متستهبلش انا قصدي على بصاتك للبت دي هو في ايه مالك من ساعه ما طلعت وانت عينك منزلتش من عليها عجباك ولا إيه
'ناير 'ببرود : اه عجباني
تفأجت نرمين بالرد ده منه : عجباك ازاي يعني انت واعي لكلامك
ناير : ماله كلامي فيه ايه اه عجباني عادي يعني
نرمين بنرفزه : اطلع برا دلوقتي ونبقى نشوف الموضوع ده بعدين
لاحظ ناير انها سندت على رخامة المطبخ كأنها داخت : في ايه انتي كويسه!؟؟
نرمين : اه اه كويسه اطلع هات الصنيه ال كان عليها العصر برا
ناير وهو بيديها ضهره عشان يطلع : طيب
وقبل ما يبعد عن المطبخ كان سمع صوت هبده على الأرض جري بفزع على امه ال واقعه فاقده الوعي وهو بيقول بأعلى صوت : باباااااااا
.
.
.
.
.
واقفين كلهم بلا استثناء في ممر قدام غرفه كشف منتظرين الدكتور يطلع يطمنهم على نرمين ال فجاءه وقعت على الأرض ونفسها بقى تقريبا معدوم من قلته وضربات قلبها
الخفيفه
واقفه 'بحريه' على جنب بعيد شويه عنهم وعنيها مركزه على ناير ال واقف جنب الاوضه ال فيها والدته وهو واقف ووشه جامد وبارد عكس والده ال باين جدا عليه القلق والخوف شكله بيحب مراته اوي
بس ليه ناير واقف وكائنه مش هامه الموقف ده عكس برضو نبرة صوته ال مهزوزه لما كانو في البيت لسه وفجاءه سمعو صوته وهو بينادي على ابوه عشان يلحقه
.
.
.
خرج الدكتور من الغرفه مافتش ثواني وكان سليم قدامه يستفسر عن حالتها وهل هي كويسه ولا لاء ومعاه سلطان والد بحريه وناير طبعا وراه. بس برضو بارد حتى وهو بيقرب من الدكتور كانت خطواته بطيئه وبارده
.
.
الدكتور : هي حاليا بخير متقلقوش هي جاتلها جلطه خفيفه في المخ بس الحمد الله مأثرتش عليها وكويس انكو لحقتوها بس ياريت بعد كده تاخد الادويه بتاعتها بانتظام
بعد عنهم الدكتور وبعدها سلطان قرب على سليم وهو بيقوله : طب الحمد الله كويس انها جت على قد كده انا هروح اوصل الجماعه وارجعلك تاني
سليم : لا والله ابدا كتر خيرك روح انت ومتشغلش بالك
سلطان : مشغلش بالي ازاي خليني معاك بس انت ها تمنعني من الأصول ولا إيه
سليم : انت الأصول كلها بس ملهاش لازمه صدقني وناير موجود اهو متتعبش نفسك بس
سلطان : لا والله ابدا........
وفضلو يتعازمو على بعض وناير واقف بيتفرج عليهم ببرود وملل
اما بحريه صاحبتها اتصلت بيها ف ردت عليها. وهي بتبعد عن دوشه ابو ناير وابوها لان صوتهم علي وتقريبا الدكاتره هيكسفوهم دلوقتي عشان المرضى وصوتهَم العالي ده
.
.
بحريه وهي ماشيه بتكلم صاحبتها بدل ما تبعد عنهم شويه عشان تعرف تتكلم سرحت وفضلت ماشيه وكان في وسط المكالمه بتتخانق مع صاحبتها ف اتعصبت وجرت رجلها بسرعه لحد ما طلعت برا المستشفى خالص وسط الهوا ووقفت قدامها على جنب وهي لسه بتكلمها متعصبه وبتزعق معاها
فجاءه سمعت صوت قوي عربيه خبطت عربيه تانيه والناس وقبل ما تلف براسها عشان تشوف الحادثه دي او العربيه كانت الناس اتلمت على العربيه قدامها ف لاكن ركزت ف الكلام وعرفت ان محدش عارف صاحب العربيه مين او هو فين
وف نفس الوقت كانت لسه بتتخانق مع صاحبتها راحت قفلت ف وشها. السكه
.
.
ناير وهو ماشي بسرعه في وسط ممرات المستشفى وماسك تليفونه بيكلم واحد صاحبه وبيقول : ماشي ماشي خليك بس مستنيني هناك انا دقايق واوصلك انا قريب منك اصلا تمام ماشي
وقفل معاه خرج من المستشفى ولفت نظره قدام المستشفى في لمه ولما ركز برق عنيه في صدمة لما لقا العربيه بتاعه ابوه متكسره من قدام وشكلها ميبشرش ابدا وشكل ابوه هيدفع دم قلبه في تصليحها
جري ناحيتها بعصبيه وهو بيزعق : ايييييييه ده انا هطلع ميتين ال عمل كدااااااه مين الاعمااااااا ال خبطهااااااا
كل الواقفين عند العربيه لما شافوه بيجري ناحيتهم بالطريقه دي ووشه غضبان كده وهيأته المخيفه دي بطوله وعرضه كلهم خافو وبعدو عن العربيه وفي ال جري اصلا ومرجعش تاني
اما هو أول ما وصل عند عربيه ابوه اول واحد قدامه طالته ايديه ومسبهوش وهو بيقول : مين الوس@ ال عمل كده وديني ما هرحمه
وقف قدامه راجل وهو بيحاول يشد الواد ال ماسكة بايده : اانا الي خبطها بس والله يا ابني مش قصدي انا العربيه بتاعتي بعافيه شويه ف الفرامل سابت فجاءه وخبط عربيتك انا اسف بس سيب الواد ده مالوش زنب
كان ناير بيسمعه وهو متعصب وساب ال كان ماسكه ومسك في الراجل ال كلمه : يعني انت ملقتش حته تخبط فيها غير عربيه ابويا ال بالقسط وكمان هيدفع تمن تصليحها ال هيساوي شئ وشويات
الراجل : ط.. طب قولي عايز ايه وهعملو انا بجد مكنش قصدي
.
.
.
بحريه كانت لسه مكانها بس مش مركزه مع ال بيحصل ولما سمعت الخناق تاني وصوت عالي بصت ناحية الصوت ده وعرفت ان في عربيه اتخبطت ودي عربيه ابو ناير اول ما لمحت العربيه ادمرت بالشكل ده من قدام اتعصبت وراحت نحيتهم بسرعه
العربيه عجبت بحريه جدا اول ما شفتها لانهاكانت عاليه وموديلها عجبها وحبتها لانها اصلا من عشاق العربيات بذات العربيات العاليه
.
.
بحريه بنرفزه وصوت عالي : انت ب أي حق بتخبط العربيه انت عارف العربيه دي بكام
ناير بتعجب: انتي مالك انتي داخله بزعبيبك كده هى كانت عربيه ابوكي!!
بحريه: لاء ابوك انت
ناير اتعصب : بتتت
بحريه : ايه قولت حاجه غلط ماهي عربيه ابوك فعلا
ناير: انتي ايش دخلك اصلا اطلعي بره
بحريه : اطلع فين يا سطا فوق احنا في الشارع اصلا
ناير سكت شويه وبعدها حاول يبين ان قصده حاجه تانيه : انا قصدي اطلعي بره الحوار وابعدي عن وشي حاليا
بحريه بزعيق : مش طالعه من الزفت انت مش شايف العربيه بقت عامله ازاي
ناير : يا ماما انتي مالك انت مش قادر افهم مالك ومال عربيه ابويا
بحريه بنظرات مريبه : الراجل ده هو ال خبطها؟
كانت بتشاور على الراجل ال ماسكه
ناير مردش عليها وفضل باصصلها ال هو انتي بتعملي ايه اصلا ومالك بالموضوع
بحريه فجاءه زعقت بصوت تخين : رووود علياااا هو داااه
ناير والراجل ال معاه اتفاجو من صوتها الغريب ده
راح هز راسه ليها
فجاءه بحريه نطت على الراجل وهي بتعض وشه وبتشد شعره : انت أعمى رايح تخبط عربيات الناس طب نقي واخبط عربيه معفنه رايح تخبط عربيه شكلها بنت ناس و مستحميه
الراجل وهو بيحاول يبعدها عنه : والله ما كان قصدي الفرامل فكت ابعدي عني بقى
ناير بيحاول ينزلها ويبعدها عن الراجل : فضحتينا انزلي بقى
بحريه : والله ابدا لازم يتعاقب
ناير : يتعاقب بتاع ايه انزلي بس انا هتفاهم معاه
بحريه َمش راضيه تنزل ومصره تخلع شعره في اديها
وناير قال مبدهاش بقى مافيش حل غيره
ناير فجاءه راح باصص قدامه ناحيه بابا المستشفي : عمي الحق بنتك مش راضيه تنزل من على الراجل
بحريه اتخضت ونزلت بتبص وراها ملقتش حد راحت بصت لناير بغضب وهو من نظراتها الغريبه دي خاف شويه
ومشيت من قدامه وهو اتصل بابوه عشان يشوف المشكله دي
وعدى اليوم وبحريه كانت متعصبه وكل ما حد يكلمها تهب فيه ف قالت احسن حاجه انها تنام ونامت فعلا
.
.
.
الصبح في مدرسة بحريه قاعده جنب مروة وقدامهم حصه الرياضيات وعلى وشها علامات القرف ومش طايقه حد حتى أول حصه الصبح كانت رياضيات وهي بتكره الماده دي كره عمر حد ماكره لحد قبل كده
المدرس اخد باله من وشها وهي باصه للسابوره وحركاتها العنيفه كل ما تطلع حاجه او تمسك تقوم هبداها ع الدسك او ترميها قدامها بقرف
المدرس : انتي يا انسه قومي
بحريه بتشاور على نفسها : انا!؟؟
المدرس : اه انتي قومي اقفى
قامت بحريه وهي رافعه حواجبها بقرف برضو
المدرس : اعدلي. وشك يا انسه مش عاجبك متحضريش حصتي
بحريه : انا عملت أيه مش فاهمه
المدرس : من ساعة ما قعدتي وانتي حركاتك وحركات وشك دي انا مستحملها ومش راضي اتكلم مش عاجباكي حصتي اطلعي بره
بحريه : اسفه يا مستر
المدرس بصلها من فوق لتحت بقرف : اتفضلي اقعدي
.
.
.
مروة بعد ما الحصه خلصت قعدت تسأل بحريه وتقررها
وحكتلها بحريه على كل حاجه وهي قرفانه من نفسها بتتكلم بعصبيه
مروة باندهاش : ايه ده يا بختك طلع ابوه صاحب ابوكي كمان ده ايه العجب ده
بحريه : اه يا ختي طلع صاحب ابويا موتى بغيظك قعدتي تقوليلي مش هتشوفي واديني شوفته مرتين او تلات مرات تقريبا وكمان طلع ابن صاحب ابويا
مروة : ايوه انا عندي حق واحد من بين آلاف الشعب المصري ال بيركبو مترو طبيعي متشفهوش غير مره ولا حاجه
سكتت شويه وبعدها قالت : وبعدين ايه التخلف ال عملتيه امبارح ده انتي مالك ومال العربيه رايحه تتخانقي عشان عربيه ناس متعرفهاش والله تلاقي شكلك زباله قدامه دلوقتي انتي ايش. دخلك
بحريه : يا بنتي انا كنت متعصبه اصلا وانتي عارفه لما بتعصب مش بشوف افعالي والعربيه فعلا حلوه اوي بجد واتبهدلت من الخبطه ف حصل ال حصل بقى مهو ده مدايقني برضو تصرفي مكنش طبيعي ولا فيه ريحة التربيه الصراحه
وسكتت تاخد نفسها : وانتي مالك انتب كمان قالبه وشك
مروة : ولا حاجه متخانقه مع عماد
بحريه : امممم طيب ماليش خلق اسأل عن الموضوع صراحه
مروة : بس انتي باضتلك في القفص معنى كده انك هتقدرى تشوفي الواد تاني
بحريه : ولا قفص ولا نيله عادي ممكن مشفوش تاني بقولك ابوه صاحب ابويا يعني لو راح مش هايخدنا معاه ده بس عشان كنا عايزين نخرج
مروة : صحيح عرفتي اسمه!؟
بحريه بشرود : ناير اسمه ناير
مروة : ايه الاسم الغريب ده
.
.
.
.
<يتبع >
# بقلم : *شهد الجوهري*
انا سفه اسفه اسفه جدا كان المفروض انزله من بدري انا عارفه حتى انا قولت هنزله امتى بس منزلش ده ليه بقى لاني كنت كاتبه نصه وحفظته وجيت بعدها أكمله لقيت جزء كبير منه ممسوح وأنا كنت نسيت اخده احفظه في حاجه تانيه ونسيت
ف احبطت الصراحه وقبل كا اكمل تاني لقيتني بمسحه كله وبكتبه بالعامي كده عايزه رايكم في. طريقه السرد اصل حسيت اني مش عارفه اكتب بالفصحى ولا بالعامي وحياتكم 😂😂
بس قولت اغير قولولي رايكم انهي احلى الفصحى ولا العامي
المهم انا معيش داتا خالص ده سبب من اسباب اني منزلتش برضو ويادوب بلقط من ابويا في الخباسه كده
انا بدعي بجد ان البارت ده يعجبكم لاني حاسه اني كروت اوي فيه لا ده انا متأكده