-"الْبَاقِيَاتِ الصَّالِحَاتِ :
سُبْحَانَ اللَّهِ ، وَالْحَمْدُ لِلَّهِ
وَلَا إِلَهَ إِلَّا اللَّهُ ، وَاللَّهُ أَكْبَرُ
وَلَا حَوْلَ وَلَا قُوَّةَ إِلَّا بِاللَّهِ".
ـــــــــــــــــــــــــــــــــــــــــــــــــــــــــــــــ
سـدر:سوده عليه يايمه وينج لُجام شصاير بحالج بنيتي اكلتي شربتي شعملو بحالج
اباذر: كولي يالله عمه نلكاهه ان شالله المشكله اذا مخطوفه وينهم ليش ما خابرو اذا يردون فلوس لو اعرف ابيع كلشي بس ترجع
سدر: ولك يمه وينهه كلبي نار عليهه ردولياهه راح اتخبلل
اباذر:هذه حالنه ماخلينه مكان ما دورنه عليهه رحنه للامام لكاظم دورنه ماكو وهيه بطبعهه ماتطلع وحده وماعدهه صديقه حته نكول يمهه وضلينه عله هل حال
لحدما بيوم اجه اتصال الابوي
ـــــــــــــــــــــــــــــــــــــــــــــــــــــــــــــــ
لـُجام: شتريد وخر لاتقرب عليه كتلك ما اعرف شي ليش تلحح
ابو طـبره:شنو الي يثبت ما تعرفينن
لـُجام: دا اكلك ما اعرف اي شي والله حته قبل لاتخطفني بيوم سئلته وبس حجتلي شلون تزوجت وحته اهل زوجهه طردوهه من ورا مروج
باوع عليه وضحك بصوت عالي
ابو طبره: يابويه ضحكتيني مروج حاف جا مو امج
لــُجام: مو امي الف مره كتلك مو امي ليش تحب تلح
ابو طبره: ياويلي كلش متبريه منهه انتي
سولفيلي شكلتلج عمتج سدر
لــُجام:بلشت احجيله كلشي حجتلياهه عمتي
لحدما خلصت وهوه ساكت صفنن
ابو طبره: اعوفج بس بشرط
لــُجام: شنو هوه بس عوفني قابله عليه
ابو طبره:تعرفين كلشي عن عمتج وشصار وياهه وشنو سبب انفصالهه
لــُجام:ليش شتريد من امي ليش هيج تسوي ودور بماضيهه.
ابو طبره:ميخصج تسوين الي اريد اطلعج ومتسوين بكيفج ابقي هنا ومضارتني بشي
لـُجام: فكرت اكوله اي وبس ارجع الاهلي اكلهم واجذب عليه
ابو طبره: لاتفكرين تلعبين وياي خوش يحلوه ولا عبالج من ترجعين اعوفج ترا انتي واهلج مراقبين فا ياحلوه تنفذين وانتي الممنونه
لــُجام:تمام موافقه
صفن مايقارب لنص ساعه محجه اي شي ولا علق عله كلامي
اخر شي مليت وكلت تراجع لحدما حجه
ابو طبره:اعقد عليج
لـُجام:ضحكت من كل كلبي تشاقه مو
ابو طبره:منو انتي حته اشاقه وياج
لـُجام: شنو شدا تحجي وشنو تعقد عليه مخبل انته ومنو كلك اوافق
ابو طبره:خوش لاتوافقين ابقي هنا
لـُجام: مو كتلك احجيلك كولشي بس عوفني ليش اله تعقد
ابو طبره:ماحب الحرام والقائاتنه راح تكثر
لــُجام:اوك قابله بس طلعني منا
ماعرف شلون قبلت بس ردت اطلع بأي صوره
ابو طبره:كومي يله
لــُجام: طلعنه من الغرفه الي جنت محبوسه بيهه مكان جبيرر وبي زرع مشينه مسافه لحدما طلعنه من بين زرع جانت سياره موجوده فتحه وصعدنه بيهه وحرك
بلشت تمشي بينه سياره طريق طويل لحدما شفت لافته بغداد السلام ترحب بكم دموعي بلشت تنزل كل هل فترا واني بعيده عن اهلي
طول طريق ماحجينه شي
وصلنه لمنطقه بيهه بيوت هواي وراقيه نزلنه يم بيت حلو
دخلنه جوه
ابو طبره: روحي غسلي وعدلي حالج وتعاي هذاك الحمام
لــُجام: كيفت مم كالي ودلاني عل حمام رحت غسلت شفت هل شي مانفعني احس جسمي وصخ
قفلت الباب وغسلت جسمي بسرعه شويه رتاحيت
دك لباب
ابو طبره: يله شنو نمتي جوه بسرعه اجه سيد
لـُجام:اي اي ثواني شمرت شالي تشمر وطلعت ضل يباوعلي
ابو طبره:هاي سابحه
لـُجام:وانته شعليك
ابو طبره:امشي بويه امشي لاتخليني امدج هسه هنا زلمه هنا
لــُجام: عفته ومشيت ردت اطب للاستقبال ماحسيت اله سحبني من ياخه هدومي
شبيك هاي ليش
باوعت عليه عاض عله اصبعه
ابو طبره: وين طابه وزلم هنا
لــُجام: وشمدريني وين اروح
ابو طبره: اوكفي هنا هسه هوه يوكف ورا الباب ويسمع جوابج
لـُجام: خوش خوش
طب يمهم ورا شويه سمعت صوتهم وصوت رجال يقرا ايات قرانيه وينطي حكم
حسيت شخص صار ورا الباب وسمعت صورت سيد يحجي وياي
بابه لــُجام معتصم هل تقبليت بسيد قيام الدين حيدر كزوج لكي عله سنه الله ورسوله بمهر بمقدمه(٥٠٠٠٠٠٠٠)مليون دينار عراقي ومؤاخره(٥٠٠٠٠٠٠٠)مليون دينار عراقي
لــُجام: عفت كولشي البملغ الي حاطه مهر وصفنت نفس اسم خالي معقوله هوه ابن عمتي سدر لو تشابهه اسماء احس الساني نعكد وماكدرت احجي
لحدما طلع هوه من الاستقبال
ابو طبره: متحجين مو سيد يسئلج
لــُجام: انته نفس الاسم معقوله انته
ابو طبره: منو بابه دحجي يله سيد منتضر شنو ننتضرج اليوم كله
لــُجام: غلطت نفسي وكلت تشابهه اسماء يجوز
سيد: بابه لــُجام اعيد مره ثانيه هل تقبلين بسيد قيام الدين كزوج لكي
لــُجام: نعم وانت وكيلي صح السويته غلط وكلش جبير بس جان لازم اسوي الي يريده حته اطلع وارجع الاهلي
سيد: برفاهه والبنين
سمعت صوت سلامهم يمكن طلعو
شويه ودخل باوعلي
ابو طبره: اي مرتي مبروك
لــُجام: مضحك ترا ويله رجعني الاهلي
أبو طبره: ومنو كلج اريد اضحكج هاي حقيقه وهسه نجي الموضوع اهلج لازم نخابرهم ونكلهم يابه بتكم يمنه مخطوفه ونطلب منهم مبلغ معدل شتكولين
لــُجام: فوك ما خاطفني وعقدت عليه غصب دور فلوس من اهلي كافي عفيه رجعني فدوه
ابو طبره: اذا ارجعج هيج مراح يسئلوك وين جنتي كل هل ايام شسويتي شلعبتي
لــُجام: اهلي يثقون بيه وراح يتفهموني
ابو طبره: اكرميني بسكوتج
لــُجام:طلع تليفونه واتصل عله شخص نصدمت من سمعت صوت ابوي
ابو طبره: السلام عليكم شلونك حجي معتصم
معتصم: وعليكم السلام تفضل منو وياي
ابو طبره:حجي بتك يمنه شنو متريده
معتصم: بنتي وين رجعهه شتريد انطيك بس رجعهه
ابو طبره: تعوف مشروع البترول مال البصره وترجع بتك صاغ سليم الك
معتصم: اعوفه والله باجر اقدم انسحاب من المشروع بس رجعهه
خليني احجي وياهه بس اطمن عليهه
ابو طبره: خوش
لــُجام: سوه كتم وكلي
ابو طبره:تحجين كلمه بس اني زينه وسكتين خوشش
لـُجام: اي والله. فتح الكتم
بابه حبيبي اني زينه لاتخاف عليه
بعده توه يريد يحجي وسد تليفون وهوه خازرني
ابو طبره: انه شكلت مو كلت بس اني زينه شسويلج هسه هاا
لـُجام: عفيه كافي عوفني
ابو طبره اشش ولاكلمه اكعدي بمكانج هسه راح اطلع ساعه وارجع
لــُجام: دار وجهه غميته وكلت بكلبي روحه بلا رجعه
حسيت معدتي نتهت من جوع مرت ساعه واني كاعده صافنه دخل عليه
ابو طبره:كومي يله ارجعج الاهلج
لــُجام: صدك لو جذب عليه
ابو طبره:تمشين لو اتراجع بكلامي ترا نقهرت عله ابوج خطيه ينسحب من مشروع راح يعدل حياته بي كومي يله
لـُجام: مصدكت كلي كومي طلعت اركض وكفت يم سياره
ابو طبره: ما طايره سياره ترا عله كيفج
لــُجام: غلست عنه فتح سياره وصعدنه بيهه
مشه وصلنه قريب منطقتنه وكف
ابو طبره: اول شي هاج جنطه مالتج ثاني شي خلي نتفق بس اخابرج واكلج نلتقي ماريد اعذار ولا اي تبرير واكرهه العناد لو بنص اليل اكلج اريد اشوفج تطلعين وتجيني خوش
تليفونج وياج حته بل حمام اذا اتصل ومتردين اهلج اقري عليهم السلام خوش والاهم من كل هذه تعرفيلي ماضي عمتج سدر
لــُجام: تمام بس امشي هسه
ابو طبره: لاتخليني اديور وارجع وتحلمين بيهم
لــُجام: غلست عنه ماريد يسويه صدك ويرجعني واني مصدكت يرجعني
وصلني قريب فرعنه ونزلني
ابو طبره: انزلي واني وراج خاف احد يشوفج وياي
لــُجام:نزلت وامشي بكل سرعتي اريد بس اوصل
وصلت لبابنه ودكيته بكل قوتي نفتح الباب وسمعت صوت هورن نداريت شخط سيارته بكل سرعته
عمتي سدر الفتحت الباب
سدر:ولج يمه فرفحتي كلبي وينج عليتيني عل فوتي يمه فوتي شصاير بحالج
لــُجام:يمه تعبانه اريد بس انام بحضنج
سدر: تعاي يا بعد روحي تعاي كليبي فوتي
لــُجام:دخلنه جوه وماعفت حضنهه ابوي واباذر وينن
سدر:سوده عليه اباذر ولا جاي للبيت يدور عليج وابوج اجا اتصال وطلع
لــُجام: تصلي عليهم خلي يرجعون
سدر: اي يمه هسه اخابرهم انه هم نشدهه بالي
لــُجام:
راحت تتصال عليهم واني صعدت لغرفتي شمرت نفسي عل جربايه تعبانه كلش ماعرف شنو الي مريت بي ومنو هذه شخص وشيريد مني وشيسوي بماضي عمتي وجان عندي شك انو هوه ابن عمتي سدر بس بعدت هل شي لان ماعرف اسم ابنه وهواي اسماء متشابهه
كمت طلعتلي ملابس ودخلت سبحت طولت بل حمام هواي احس نفسي حيل وصخه كملت وطلعت شسورت شعري وجاي امشط ودخل اباذر
حضني كبل
اباذر: يروح اخوج بالي يمج وين رحتي خوفتينه عليج كلش
لــُجام: مابيه شي هاي رجعت
اباذر:يله تعاي انزلي ابوي منتظرج جوه خايف عليج
لــُجام:تمام عيني خلي اكمل وانزل
اباذر:يله بنيتي عله راحتج
لــُجام: نزل اباذر وماعرف بيا وجهه انزل اشوف ابوي واني مسويه شي من ورا بس مابيدي نغصبت وخايفه اكلهم وينفذ تهديده وكلت امري لربي ونزلت
لكيت ابوي وعمتي كاعدين رحت لحضن ابوي ومكدرت اصيطر عله دموعي بجيت
معتصم: يله بنيتي كافي الحمدلله من رجعتيلنه سالمه ومابيج شي
لــُجام: خفت حيل بابه وكلولي انته مريض ورحت وياا والله
معتصم: اثق بيج بنيتي لاتبررينن بس كالي باجر يطلعج شنو صار وهسه طلعج واني بعدني مساحب اوراقي من المشروع
لــُجام:ماعرف بس كالولي اكلك لاتنحسب وراح نعوفهه بحال سبيلهه
معتصم: عجيبين هل ناس والله يخطفون ويرجعون ولاتنسحب يله بابه اهم شي رجعتي سالمه
لــُجام: الحمدلله
احس نار تسعر بكلبي من هيج حجه وثقته منهزت وبرغم ضليت ايام وليالي ويه زلم ميعرفهم واشوف هيج مقهور وتعبان وراد يعوف شغله تعب عليه سنين علمودي
مكدرت ابقه اكثر كتلهم تعبانه وصعدت كبل دخلت لفراشي ودخلت بنوم عميق محسيت لنص الليل عله صوت تليفوني يدك كمت واني متكسره رقم رغيب يتصل
كبل فصلته كرر اتصاله اكثر من مره وافصله دز مسج اني رجلج فتحي خط تأفأفت وتصل فتحته كبل زمخ
ابو طبره: صار ساعه اتصل ليش تفصلي
لــُجام: واني شمدريني انته الي تتصل عليه بهيج وقت ورقم غريب
أبو طبره:مو لسان رشاش اكلتني بلسانه بويه لو جدامي اله اعلمج عله طوله لسانج
لــُجام:هسه شتريد متصل عليه بهيج وقت
أبو طبره:شصار وسئلتي عمتج
لــُجام:ترا انته رجعتني لعصر كولش ملحكت اشوفهم زين حته اكعد واسئلهه
أبو طبره:بله لغوه زايده وسيد الوالد كتيله لينسحب من المشروع
لـُجام: اي كتله
ابو طبره:باجر اريد تفهميلي من عمتج ما رجعتج لسواد عيونج ترا
لــُجام: لو بس اعرف شتريد بماضي عمتي جان رتاحيت ليش هيج مهتم
ابو طبره: ميخصج
لــُجام: حجه هل كلمه وسد الخط والله مريض نفسي
نرفزني ضليت اغم بشاشه التليفون لو بيدي اخنكه
غبي وحقير
رجعت لمكاني واني متنرفزه من ورا غفيت بسرعه
كعدت بليوم ثاني سويت روتيني من عنايه لشعري لوجهي صار فترا بسببه مهتميت بنفسي
نزلت جوه صبحت عليهم ولكيت عمتي تسوي ريوك
لــُجام:صباحو سدور
سدر: صباح الخير يمه شهل صباح الورد والعسل
لــُجام: يروحي سدور مشتاقه لهل صباح وريوك من ايدج
سدر: يروحي بنيتي تعاي تريكي يله يلكيبي بنيتي انتي
لــُجام: تريكنه وكمت عزلت لمطبخ وتوجهت للبيت عزلته مخليت شي منضفته الغرف كلهه نضفتهه
لحدما خلصت هلكانه صعدت كبل سبحت ورحت ارتاح سحبت تليفوني وشفت مكالمات منه هواي الله ليستر شعده وشراح يخلصني منه
غلست ونزلت لعمتي
لــُجام:لكيته كاعده تسوي بلغده
ها حبيبي شتسوين
سدر:كمزتيني يايمه
لــُجام:ههههه شعدج صافنه ها ها لازم تفكرين بحبيبج
سدر:يايا ولج شايفتني بعدني حديثه حته اصاحب دهر فرج يايمه
لــُجام:سدورتي حبيبتي
سدر:سترك ربي شعدج احجي
لــُجام:مكملتيلي شصار وياج قبل لا تنفصلين
سدر:هسه شجاب هل سيره عله بالج خلينه هادين وراسنه بارد لاتذكريني
لــُجام:حبابه لخاطري يكلبي مو تكولين انتي بنتي الوحيده احجيلي يله
سدر:اووف منج خوش بس خلي نغدي اخوج وابوج ونكعد وحيدنه واسولفلج
لــُجام:لعد يله خلي نصب
سدر:يمه من تستعجلين عله سويلفه
يله همي ايدج خلي نصبلهم
لــُجام:بلشت اصب بسرعه بس اريد اخلص حته تحجيلي
صبينالهم الغده ودرنا الهم
تغدو وشربو جاي وضلو كاعدين
عله حضي اليوم ميكومون ابدد
لــُجام:شنو بابه اليوم متنام
معتصم:ها ولج. طرديني شنو
لــُجام:لا حبيبي بس علمودك لان متعود تنام ضهريه
كام اباذر ترخص وصعد نام وابوي ورا كام لغرفته
بقينه بس اني وعمتي
يله عمه سولفيلي
سدر: ولاتنسهه هلبنيه
لــُجام:يله حبابه
سدر:خوش يمه راح اسولفلج بس اسكتي
ـــــــــــــــــــــــــــــــــــــــــــــــــــــــــــــــ
العوده الى الماضي
بيوم لعرفنه انه حامل بجري الفرحه ما لمتنه
كلت لعمتي الله شاهد فرحتلي المره جانت فقيره بس من تجي بته وتوزهه تنكلب عليه
مرن ايام حملي بصعوبه من مشاكل مروج الي من عرفت بيه حبله وهيه مصار عده تخبلت
كامت كليوميه ضحى تسير علينه وتضل تنك وتعارك وتوز بامهه وتروح
مرن الايام مثل المر عليه لحد ماجبت بجري
فرحت بي اجاني وليد
وبلشت مشاكلي تكثر ماتنقص وانه ساكته ماريد اهجم بيتي واني عندي وليد ورجلي زين وياي ولو ما مروج تدخل حياتي زينه
بس جانت توز وتعارك وانه ساكته عنه لخاطر اخوي ولخاطر رجلي
ابني دومه يم عمتي ماتنطينيا عله كد رضاعته وتاخذه
حته ماسميته صار عمره سنه واخذه ابو وعمتي سجلو بجناسي كلولي اسمه وسام
بس لا راوني جنسيته لاخذوني
ويوم بعد يوم يبعدون ابني عني كام يصيح لحبوبته يمه ومن يشوفني يبجي
وانه ابجي وانقهر ابني بجري مايريدني شنو ذنبي بسبب مروج هيج بعدو ابني عني
مرن الايام وصار عمر وسام سنتين
بيوم من الايام اجتنه مروج طايره ولفرحه ماليه وجهه
مروج:ولج يمه انه حامل راح اصيرن ام
سدر:كيفت الاخوي ودعيت بلكت مروك تفك عني من يصير عدهه ضنه
ردت مروج لبيتهه وبنفس اليوم عصريه رحنالهم تباركنه الهم وردينه لبيتنه
من يومهه عمتي ردتلي ابني بس انشلع كلبي ميريدني ويبجي مني ويريد عمتي
كوه تعود عليه ورادني رديت اعامله جن عمره يوم وليدي نحرمت منه سنتين وهوه كبال عيني
وكام وسام ميتيهني منا لهنا اطلعنه وياي واكلنه بيدي
كمت ماجيب لنفسي وجيبله
اجه يوم ولادته حضرت لكليجه ولكيك ولعصاير ودولمه ولبرياني ماخليت شي ماسويته وعزمت اهلي وحبايبي
سويت ذاك الغده كله تعجبت عليه
مر هل يوم بلا مشاكل والكل فرحان وخاصه وليدي وسام الكاع مالامته من الفرحه
ردو اهل لبيتهم والحبايب طشن
ورا شكم يوم بليل ولنه داك الارضي رفعه حيدر طلع اخوي معتصم يخبر مروج جاي تولد وتريد امهه
لبسنه عبينه وحيدر خذانه لبيت اهلي وصلنه ونسمع عياط مروج يهز البيت هز خليت وسام يم حيدر ورحت يمهن جده
وتصيح عليه
القابله:ولج ادفعي راح تكتلين الولد ادفعي
سدر:بطلاع الروح يله مروج ولدت وطلعت ولد
لفلفنا وطلعنا الاخوي معتصم الفرحه واضحه عليه كبر باذنه
وسما اباذر ضلينه هليوم يم اهلي نداري بمروج
بقيت يمهم يومين ورديت لعيالي
عبالي مروج تبطل سوالفهه وارتاح هيه طلعت الاربعين وبلشت مشاكلهه تزيد متقل
كمت اروحن الاهلي امي تشكي منهه مناشبته ولاتشتغل وماتنزل من غرفته والوليد عايفته يحوس وحيده وهوه صغير وامي حايره بي
تجي تناشبني وتسوي مشكله شكبره وتروح لحد ما يوم طكت حوصلتي شكيت الحيدر منهه هوه انه شكيت لو بتليت عله عمري عمتي سامعتني وصار اليوم اسود عليه
ماخلت لافشار ولاغلط حته ضرب ضربتني
ـــــــــــــــــــــــــــــــــــــــــــــــــــــــــــــــ
لــُجام:ليش سكتي كملي
سدر:كومي يمه تعبت وراسي نفخ وسكر اضنه صعد بعدين اكملج
لــُجام:ماشي يروحي عله راحتج
صعدت لغرفتي فتحت تليفوني وشفته داز مسجات
💬💬💬💬💬💬💬💬💬
ابو طبره:عود تجاهليني
_وينج بت لك.........
_اله تخليني اجي اسحلهه من نص بيتهم
_اجاي انه واشوف شلون متردين
لــُجام:بعدني اقرا برسايل واتصل
_الووو
أبو طبره:خاف صارت عليج زحمه رديتي
لــُجام: جنت يم امي
ابو طبره:سولفتلج
لــُجام:حجتلي بس مو كلشي تعبت وكامت
ابو طبره:خوش انزلي انه بل باب
لــُجام:تشاقه موو
ابو طبره:انه بكدج واتشاقه وياج انزلي مالي خلك
لــُجام:باوعت من شباج صدك سيارته واكفه
انته مخبل ابوي هنا واخوي وين انزل
ابو طبره:مو مشكلتي انزلي اريد احجي وياج دقايق واروح
لــُجام:وين انزل عاقل انته دروح سديت التليفون بوجهه
باوعت من شباج تقريباً ربع ساعه وحرك ارتاحيت نوعا ما هبطني كلشش
فتحت كروب دفعه شفت شنو عدنه كعدت اقرا قريب المغرب نزلت احضر عشه
كملت وصليت وصبينه العشه
لـ ١١ كلمن راح الغرفته ينام صعدت لغرفتي ضليت اكلب بتليفوني
تاخر الوقت طفيت تليفون ونمت
حسيت عله صوت بغرفتي وشي نام بصفي فتحت عيوني واشوفه هوه
كلبي وكف رهبه وخوف كمت ع سريع وادفع بي واحجي ويا بصوت ناصي
لــُجام: انته مخبل وين طاب شصعدك لغرفتي اهلي هنا كوم اطلع
ابو طبره: مرتي وشتاقيتله واجيت اشوفهه
لــُجام: عفيه كوم أطلع لاحد يصعد شيخلصني
نايم ولا مهتم واني محتركه
ابو طبره: مشكلتج كتلج انزلي دقايق واروح انتي ختاريتي اجي ابات يمج
لــُجام: تخبلت من سمعت هيج حجه حجيت ويا بهدوء
فدوه اطلع واخابرك والله بس اطلع
أبو طبره: اسكتي تعبان اريد انام بلا لغوه زايده
لــُجام: ايست منه وضليت كاعده عليه حيلي وهوه نام
كمت طلعتلي مخده وغده ونمت بلكاع كبل هوه فتح وطفر عليه
ابو طبره: وين نايمه كومي ع جربايه بسرعه
لــُجام: شبيك لادفع ماريد شنو انام يمك حرام
ابو طبره: رجلج بابه رجلج ماكو حرام كدامي يله
لــُجام: سحلني سحل للجربايه نومني ونام بصفي
دا اكلك وخر ما انام يمك
غلس عني
وقيدني بايدي ورجلي ماعرف شلون غفيت حسيت لفجريه عليه يكعدني
ابو طبره:لــُجام اكعدي يله
لــُجام: اهو شتريد مني خليني نايمه
ابو طبره: كومي يله اكعدي اريد اطلع
لــُجام: اي متطلع اني شعليه
ابو طبره: اريد احجي وياج اكعدي راح ادفرج ترا
لــُجام: اهو كعدت شتريد
ابو طبره: عندج دوام اليوم؟
لــُجام: اي عندي بس شعندي من هسه كاعده
ابو طبره: راح اطلع اروح ابدل وارجع اوكفلج براس شارع من تكملين دكين عليه وطلعين خوش انتضرج هناك
لــُجام: شنو ماريد توصلني نوب يشوفوني
ابو طبره: منو كلج اوصلج مداومين ترا ترحين وياي نكمل حديثنه وتحجيلي شنو كلتلج عمتج
لــُجام: واهلي شلون
ابو طبره: بلا لغوه زايد خلصيني قبل سبعه طلعيلي
راح اروح انه هسه
لــُجام: حجه كلامه بدون ميسمع ردي وطلع شفت وقت صلاه فايت كمت صليت ونزلت جوه كلهه نايمه بعد وقت
سويت ريوك تريكت رجعت صعدت احضر ملابس
طلعتلي قميص جوزي وبنطرون اسود لبست ولفيت شالي
كملت ع ساعه ٦:٣٠
نزلت لكيت عمتي تسوي ريوك الابوي واباذر
صبحت عليهم
سدر: يله امي اجيتي بوقتج تعاي تريكي
لــُجام: لا حبيبتي تريكت مساع واريد اروح خاف مالكه سيارات
اباذر: ابقي اني اوصلج
لــُجام: لا اني اصعد لتعب نفسك وطريقك غير عن طريقي وعندي هواي محاضرات اليوم
معتصم: روحي بابه الله يحفظج ديري بالج عله نفسج
لــُجام: ماشي كليبي يله باي
اول مطلعت من لباب فتحت تليفوني رمشت عليه وكملت طريقي
وصلت لشارع العام لكيته واكف رحت عليه بدون لا سلام ولا اي شي صعدت بسياره
ابو طبره: وعليكم السلام اهلا زوجتي زين اني الحمدلله لايكلبي لتخافين عليه
لــُجام: بس اني محجيت وياك باوعلي صفحح
ابو طبره: غير معتصم و سدر ما عرفو يربوج
لــُجام: لتحجي عله اهلي
محاجاني وكمل طريقه اخذني لنفس البيت جابني اله بيوم العقد دخلنه جوه شمر سويجه ولمحفظه عل تخم وكعد
ابو طبره: غردي يله
لــُجام: شغرد
ابو طبره: شلون الي خلك لوفاتهه يله بويه احجي شكلتلج عمتج
لــُجام: حجيتله كولشي كلتليا حته عل اسم
ابو طبره: يعني كلوله ابنهه اسمه وسام؟
لــُجام: اي هوه اسمه وسام
ابو طبره: خوش
لــُجام: يله وصلني لجامعه مضل وقت حتبلش محاضرتي
ابو طبره: منو كلج داومين اليوم
لــُجام: اهوو صار هواي ممداومه من وراك وصلني عفيه راح انفصل
ابو طبره: لاتخافين اخذتلج اجازه داومين عله كد الامتحانات
لــُجام: شنو انته بكيفك اني اريد اداوم شلون افهم واصلا شلون امتحن بدون ما اعرف المواد والملازم وشاكول الاهلي
ابو طبره: انه اجيبلج الملازم واقري
واهلج اجيج كل يوم دوام اخذج تجين هنا لحد ما يخلص دوامج وارجعج يمهم
لــُجام: شنو اجي هنا شعندي عفيه لاسوي هيج اصلا كعدتي يمك اكبر غلط
ابو طبره: ليش غلط بنيتي ترا ما كاعده يم كوا.....
كاعده يم رجلج
لــُجام: استغفر الله اووف ربيي
ابو طبره: شنو شفتي جني كدامج وتستغفرين
لــُجام: يو دوخر شلون الي خلكه نوب يريد اكابله نهار كامل
ابو طبره: بويه شو انتي شايفه نفسج ومصدكه روحج هوه منو يكابلج خليهه بالج تكابلين الحياطين وتكعدين هم عدي شغل خوما اعوفه واكابلج
لــُجام: بعد احسن كلعهه
ابو طبره: هاي عليمن ادبسزز
لــُجام: وخر ايدك لاتلزمني
ابو طبره: اشو الزمج عندج مانع
لــُجام: اي عندي وخر هسه لاتلزمني بعدني احجي ماحس اله لزم شال جره جر مني ولزم قميصي
وفتحه وطكن دكمه اريد الم روحي وهوه حاصرني لايخليني اكومن ولا يكوم
بقيت اعيط وادفع بي
ابو طبره: مرتي والي حق عليج واريد حقوقي
ـــــــــــــــــــــــــــــــــــــــــــــــــــــــــــــــ
هلاو حلويني شلونكم
اكيد راح تسئلون ليش اهله عافو موضوع خطف لــُجام ولا فتحو ومقدمو بلاغ ولا سئلوهه
مقدمين بلاغ بس قيام الدين من خلال معارفه ساحبه بنفس ساعه الي تقدم بي
وبنسبه الاهله البطله محبت نحجي بخصوص هل موضوع لان حساس شويه وصارت مشاكل بوقته بس مطرقنه الهه فا حبو يتكتمون عنه
ـــــــــــــــــــــــــــــــــــــــــــــــــــــــــــــــ
{فَرِحِينَ بِمَا آتَاهُمُ اللَّهُ مِنْ فَضْلِهِ}
لبارت ٣١٧٢كلمه
شاركو ويه صديقاتكم
الـكـاتـبـة:هـبـة الـ عـلـي