مساء الخير زهـراتي
#ثعلب الحبتر
#بقلمي انا: زهراء
#حساب الانستا: zaii1_8
لا تنسون المتابعة والتصويت والتعليق بين الفقرات
بسـم ﷲ الرحمـن الرحيــم
ـــــــــــــــــــــــــــــــــــــــــــــــــــــــــــــــ
ــــــــــــــــــــــــــــــ
انام ابلا وجه من يجي الليل الباكو منه حلمه بيا وجه ينام.
ــــــــــــــــــــــــــــــــــــــــــــــــــــــــــ
ـــــــــــــــــــــــــــ
روح
صارت الساعة ب 10 ضبط
واندزت رسالة على تلفوني قلبي انقبض وكأني اعلم مديت ايدي الرجفت رجفة لا ارادية اخذت التلفون الي على المكتب وفتحتة
رجف جسمي كلة من قريت الرسالة الي مضمونها
"عائلتي الجميلة شلونكم مشتاقيلي موو؟؟ بناتي شلونهم؟
شعبالكم مثلاً من تنتقلون من مكان المكان مثل ام البزازين مااعرف مكانكم؟
اكيددد راح تستقبلوني بشقتكم الي بالبصرة منطقة ***** الطابق الثالث اول شقة مقابيل المصعد
راجعلكم سلمان"
قريتها ومتت بدمي رجفن شفايفي ورهبة سرت بكامل جسمي شمرت التلفون بعيد و طلعت كبل من المكتب
ودكيت الباب بقوة على عمو باسل فتحة وهوا تلفونة بأيدة
رفع نظرة الي واردف بتساؤل
باسل.. هم وصلتلج رسالة منة؟
هزيت راسي وادموعي نزلن
روح.... عموووو عموو مايجيي مووو مايجيييي كلةة لا يجييي عموو انتهييي الله يخليكك لا يجي اخافف والله اخاف عمووو لا يجييي ليششش دليتةة ليششششش لاا يجييي عموووو انتهييي اذا اجة والله انتهي
حجيت بهستيرية وانا عيوني تتنقل عليهم عمة أمل كاضة تلفونها وكاعدة على الچرباية
طلعت ترف من الغرفة واجت يمنة
ترف.. شنو هالتمسلت الي برسالة
محد جاوبها وعمو محتار وانا ابجي وافرك أيد بأيد جسمي كلة يختض مثل السعفة بلعت ريك بصعوبة من الصياح واردفت
روح.. عموو ليش دليتة على الشقة
صاح عمو باسل
باسل... ما مدلييي بويةة اذا هوا يكدر يعرف عنوانة مو هسة جاب ارقامنة كلنة؟ اي شسوي انا يا بابا
هزيت راسي بعشوائية
روح... اموت اذا اجة كلولة لا يجي خليي نغير الشقة
رفعت راسي ورحت يم عمة
روح... عمةة حبابة خليي نغيررر الشقةة والله مايندل المكان ولا يجيي
أمل... عمة يندلنة لو نغير مكان الشقة الف مرة
سكتت من أيست منهم بس ضلت دموعي وحدة ورة لخ باوعت الترف ساكتة وتباوعلي بغلق وعمو كاعد على الكرسي وساند عكوس ايدية على ركب رجليه
مكسورة بيناتهم ما اعرف شسوي بس الي اعرفة ما اريد اشوفة عفتهم ورحت للمكتب وانا اجر ذيال التعب والخيبة منهم قفلت الباب
واخذت تلفوني ودفتري وكعدت بالزاوية وشغلت لطمية باسم الكربلائي "دنيه"
حضنت رجلية الصدري ونزلت راسي عليهن بجيت وتعبت ومن وصل المقطع
" دَهري راوني انواع الالم دهري كل لحظة يرميني بسهم "
انتهيت بجيت لطمت شهكت شهكة من اعماق قلبي
رفعت راسي واردفت بكسر
روح.. كل مرة اكول تعبت بس هالمرة التعب غيرر ياربي
روحي صايرة عبارة عن جرح يطعن جرح
النفس ماكدرت اجرة نمت بالكاع وكورت على نفسي مثل نومة الجنين
وين راح اوصل بعد؟
شكد راح اتعب؟
شوكت ارتاح؟
ما اعرف شكد مر وقت وانا على هذا الحال متممدة بالكاع و ادموعي تنزل كمت كعدت وسحبت الدفتر المشمور يم الكرسي واخذت قلم وكعدت اكتب
اكثر فترة تعبت بيها اكثر فترة اتدمرت وخسرت كلشي الفترة الي متت بيها الفترة الي من يومها عشت جسد بلا روح عشت الخاطر ناس مو الخاطر نفسي
الفترة الي ساهمت في تدمير روح
جرني من أيدي وصلبت نفس بالكاع وانا واكفة لكن هوا اقوة مني
جرني مثل الحيوان مشيت وياه وانا اسمع صوت بجي ترف صوت بالسما وصوت بالكاع قلبي احترك وما بأيدي شي اختي ومتعودة علية ماتكدر بدوني ... وهاي ثاني كسرة الي
وصلنة للسيارة فتح الباب ودفعني على الكشن على ايدي اتأذيت وصحت متألمة
سلمان.. وسممممم صعدي يلا صوت مااسمعلج ليمتة اخلص منجنن ماتموتن وارتاح ماتت امجن وما ارتاحيت منجن
انهضمت من كلامة حيل صعب علية اسمع هيج كلام منة يبقة ابوي ولو كانت الة قبل موت امي صورة لابأس بيها ابالي
صعدت بالسيارة وانا اشهك ادموعي تنزل وارجع امسحن صعد بالسيارة وحركها وينافخ وكلساع زامخ بية حتة اسكت وانا ازيد مو بيدي والله
اخر شي مل وضربني راجدي لزكني بالباب
وصاح
سلمان... بسسسسس
خنست وابجي على كيفي
وصلنة للبيت نزل ونزلني سح من ايدي فتح الباب ودخلنة للطارمة راح فتح باب المطبخ شمرني جوة وغفل الباب وطلع فركت ايدي ودخلت جوة للصالة باوعت للمكان بكل زاوية وبكل مكان عندي أثر وذكرة وي امي نزلت دمعة تايهة من عيني بلعت ريكي بخوف احس روح امي موجودة هنانة ما اعرف شنو الي راح يصيرلي ولا اعرف نهايتي وين ولا اعرف ترف شصاير بيها هسة
معقولة حاتم يسوي بيها نفس مايسوي وياي؟
اتخبلت من اتخيلت يسوي وياها هيج وتدمر نفسي بسرعة رحت للمطبخ ودكيت الباب
قوي
روح...... الله يخليكك طلعنيي مناااا طلعنييي ليش قفلتت الباب بس خابرر اخوكك سئلة على ترف تبجي هسة والله
ماكو رد على كلامي رجعت كعدت بالصالة وصافنة على المكان الي طلعت روح امي بي
مر الوقت وانا وحدي وحتة ضوة الشمس من الشباك اختفى بالي يم اختي وشنو الصاير بيها لزمت بطني بألم من الجوع
وماكو شي اكلة مرت فترة وسمعت خطوات بالطارمة خفت خاف احد اجة سمعت صوت فتحت الباب كمت من مكاني ورحت للمطبخ شفت سلمان جاي وباوعلي بنظرة غريبة نفس نظرة حاتم الي
خفت وتراجعت ليورة اتقدم يمي وبيدة علاكة قدمها الي وهوا مبتسم
سلمان... تردين اجيبلج اختج؟
هزيت راسي بأي
سلمان.. وتردين ادليج كبر امج واوديج الها واخليج تعيشين عد عمتج؟ وحاتم مايضوجج بعد ولا واحد يضربج؟
انصدمت منين يعرف هاي الشغلات كلها بس اتجاهلتها وركزت بس على ادليج قبر امج ابتسمت بوجهة وهزيت راسي
روح.. اي اي اريد
سلمان... اذا تردين اخذي هاي العلاكة ودخلي لبسي الي بيها وشنو اريد تسويلي متفقين؟
روح.. تمام بس تسوي الكلت عليه
سلمان.. اي والله كلشي اسوي
اخذتها منة ورحت ومن عدها وادركت انَ مو كل شخص يبتسم بوجهنة معناها يحبنة!! ومو كل شخص يحلف بألله معناها صادق! يمكن صدق روحي خلاني اصدكة او يمكن فطرتي ومو كل شخص متوقعين منة شي يجازينة نفس توقعنة ومو كل شخص يخاف من الله
دخلت للغرفة وسديت الباب فتحت العلاكة بسرعة حتة اشوف شنو بيها بس اتفاجئت من شفت ملابس شفافة جنت اشوف نسوان عمامي يشرنها على الحبل
اعرف انا هاي بس بين المتزوجين شمرتها من ايدي بخوف وطخت بعقلي سلمان شنو يريد ركضت بسرعة للباب وقفلتة وانا قلبي دكاتة سرعن واتنفس سريع معقولة هذا ابوي!؟
والة نفس هيج يسوي وياي؟
مو لازم هوا مصدر أماني؟
ضليت احاول بأي طريقة اطلع مناه والمشكلة ماكو شباك بالغرفة سمعت صوتة وهوا
يصيحلي رجفت بخوف ومابيدي شي اسوي بس الي اعرفة ادافع عن شرفي بقوتي كلها دك الباب بقوة وصاح
سلمان.... فتحي الباب
حجيت بتردد وخوف واضح برجفة صوتي
روح.... ما افتحة شتريد مني مو بنتك اناااا حراام عليكك شلون الك نفس بية انتَ اببب لووو شنوو
كفر بألله واردف
سلمان....والله خوش بت سماهر طلعت شريفة جا حلال الحاتم ومثل حاتم يلعبون بيج بس انا تستشرفين يمي
شهكت من كلامة واتهامة الي وعبالك انا راضية بألي يصير الي؟ كلشي غصباً عني وحتة جيتي هنا
روح.... ليش انتَ لو اب بيك خير تخلي بتك هيج؟ اذا انتَ وصخ وذرة غيرة ماعندك شتريد الناس شلون تتعامل وياي؟ كلها عليَ مو ويايي الله اكبر عليكم
كلتها واتراجعت ليورة من شفت يدة الباب تتحرك ويدفع بالباب بلعت ريكي وغمضت عيوني بتعب رجعت خطوات وكل خطوة بتوقع جديد مني شنو الي راح يصيرلي؟ ياكسرة انكسرها هالمرة شنو اخسرر؟
كسر الباب ودخل يبتسم ووجها ذرة رحمة مابي هزيت راسي بنفي واردفت
روح.... ابوس ايدك لا
طفرت من مكاني من اجة علية حاول يكضني بس افلت من ايدة لو ارفسة الحد ماحاصرني بالزاوية مالت الغرفة
سلمان... كلها دقايق تتونسين بيها
تفلت عليه واجت بعينة غمضها ومسحة وابتسم وضربني راجدي ما انطاني مجال ارفع راسي جرني من شعري وضرب راسي بالحايط
صحت متألمة كلها دقائق وبحركة سريع منة شمرني بالكاع زحفت على مقعدي للزاوية اباوع الة بخوف فتح دكم قميصة وطفر علي
اغتصبني بأبشع طرف عدم الرحمة تحت توسلاتي وكلامي وبجيي
صحت بصوتت استنجد بي
روح... يااااا علي
بدون ما احس غمضت عيوني وصرخت صرخة هزت اركان الغرفة...
منين اخذ ثاري وانا چتالي ابوي؟
كل هذا وعمري مايتجاوز 13 سنة
من بعدها ما حسيت شصار ولا دريت بشي بس حسيت بضوة بعيوني فتحتهن عليهن شلون الضباب
وضحت عندي الرؤية شفت نفسي نايمة بمكان دافي وفراش مريح ومتغطية ببطانية شرارة
ضغطت بأيدي على البطانية من اتذكرت شصار
انفتح الباب ودخلت عمة أمل شافتني صاحية وركضت يمي وعيونها تتفحصني
أمل.... يمة كعدي سودة علية كلة مني اناا كلة مني.. صاحت على وحدة....ام عباس تعاي صحت روح
شوية واجت مرة كبيرة بالعمر و وجهة بشوش
ام عباس.. شلونها الحلوة؟ شنو يأذيج بالنة عليج يومين ماتحركين لا ايد ولا رجل
من غير لا احجي شي درت وجهي تعبانة وما اريد احجي ما اعرف اعبر عن الي بداخلي
اندك الباب ودخل عمو باسل شايل بأيدة ترف
باسل... كعدت بنيتي ليش هيج تخلينة نخاف عليج؟ شوفي منو جبتلج جبنالج ترتر
باوعت الهم ترف شمرت روحة علي دفعتها وصحت بصوت عالي
روح... طلعوووووو برةةةةة كلكمممم طلعووو كلةة منكمممم طلعوووووووو
هز راسة عمو باسم وهوا مبتسم بهدوء حتة يهديني سحب عمة أمل وترف وطلعو ضلت هاي ام عباس سحبت أيدي وضربتني ابرة بالوريد ماعاندت ولا شي ضربتها وطلعت غمضت عيوني ورجعت نمت
يومين ثانيات وانا بهذا البيت الحد ماصرت زينة وطلعوني منة
ماحجيت وية احد ولا ادري عن اختي شي ماطايقة احد ولا حتة نفسي متت من ذاك اليوم ماتت روحي وكلشي بية
صعدت بالسيارة وخليت راسي على الجامة باوعلي عمو باسل بالجامة مالت سيارتة وحجة بحنية اول مرة امسها من الجنس الاخر
باسل.... يلا بابا قوية انتِ يتجازة ان شاء الله ارجعي اوكفي على رجليج ماندري بيج انتِ هيج اختج تنتظرج وكلنة ننتظر رجعتج
ماجاوبتة بس دمعتي نزلت هه يكول يتجازة؟ دمرني وشال ايدة وفلت اذا حتة هما المستشفى مااخذوني يخافون خاف يسجنونة لو شنو
باسل.. اعرف شتفكرين يابوية شلون اخذج للمستشفى تدمرين انتِ اليسوة والمايسوة يتفرج عليج وحتة مراكز راح ادخلين يسئلونج مو لعب بابا هيا مو لعب
ماجاوبتة ومر شهر هيج ما احجي وية احد وحتة اختي هملتها كل ما اتذكر الي صار قلبي يحركني حرك
مرت ايام وشهور وسنين وانا عايشة عد بيت عمو باسل شوية شوية رجعت اوكفي على حيلي وضل املي بألله كبير وادركت ان
من ضر سيُضر... ومن كسر سيُكسر.. ومن ضلم سيُضلم... الدنيا دوارة والله يمهل ولا يهمل و ان كل ساق سيسقى بما سقى
سلمان الة يوم ويتعاقب اذا مو بالدنيا فبالاخرة
من بعدها بدة خالو هاشم يدز علينة بس احنا مانروحلة كلمن أذانة وكسر بينة وتعبنة وغدرنة ابتعدت عنة وبعدت اختي عيشت ترف احلا طفولة تتمناها اي بنت وانا جنت اتمناها عوضتها عن كلشي مايوم خليتها تعتاز الشي بس بقة النقص بداخلي غصة بروحي من اعرف انا مو كاملة وعندي نقص مو حالي حال اي بنت
بس ما اكدر الوم روحي لأن كل الي صار مو بسببي وما الي ذنب بي وين ما اروح احس الناس كلها تدري بالي صار احسها كلها تستخطيني للعلم السالفة غلقناها ومحد عرف بيها
ووهاي كانت ثالث واقوة كسرة انكسرها
رجعت للواقع كمت من مكاني وضميت الدفتر ورحت فتحت الباب لكيت ترف تبلع ريكها بخوف وتباوعلي شمرت نفسها بحضني وحجت
ترف... صارلي ساعة افلش الباب خفت عليج عبالي سويتي بنفسج شي سواية هايي سواية
رفعت راسها وكضت وجهي بأيديها
ترف... مابيج شي مووو؟
ابتسمت اطمنها
روح.. مابية شي
باوعت الهم علي راجع اتقدم يمي وايديه بجيوبة
علي... روح اذا تردين اخذج انتِ وترف يم محمد كولي وانا حاضر
روح... لا علي مايحتاج اعرفك ماتقصر بس عليمن شاردين وخايفين منة ومنو هوا؟
أمل.. يمة لا تعاندين روحي يم محمد كلة المصلحتج
روح.. كلت الي عندي ما اروح ولا اتحرك منا
حجيتها ورجعت للمكتب وسديت الباب فرشت سجادة واخذت تربة
صليت الحد ماتعبت وانكسر ظهري اعرف وحاسة بجيتة هاي راح تصير مشكلة اخر جية الة انتقلت من المستشفى الي بيها
هسة الله يعلم شيصير
•••••••••••••••••••••••••••••
الحبتر
اجة يجاوبها سمعنة صوت طلق على البيت الجام اتكسر وطاح بالسفرة وبالكاع والبنات يصرخنن
الحبتر... نزلووووو راسكمم بسرعةةةة خنجررررر سلاحكككك يمةة البناتت يمجج
راحن البنات جوة الدرج بس امواج يمي صحت عليها
الحبتر... روحيي ولجج لا تتأذيننن روحييي
بجت وكامت تريد تروح وسحبها خنجر يمة انشمرت حجارة ملفوفة بورقة من جام البيت اجت بصف ديسم وخف الرمي
اخذها ديسم وقراها بصوت عالي
ديسم.... بدة اللعب الحلو وية الحبتر ديربالك على نفسك وعلى اخوانك وخواتك الحلوات
سحب خنجر الورقة ووشككها وشمرها بالكاع تفل عليها وسحكها
الحبتر..... سلمان ابو الع**** خخرا بي وبط***
كامت امي وصاحت وهيا رافعة اصبعها اليرجف وتأشر علينة
نجاة...... انتم الثلاثة ديسم وحبتر وخنجر والله وبالله لو بسسس اشم خبررر راجعين لشغل المرحوم شايفين شلون اطلعلكم كلب ثاني بصف كلكبكم واندمكم على الساعة الخرا الاجيتو بيها يالسرسرية زين مامات واحد منة وامير المؤمنين لوو متأذي احد منكم ابوكم احركة وهوا بالكبر
ماردينة عليها كامت لمعان وساعدت موج حتة تكوم سكرها ارتفع عفت ديسم وياها واخذت خنجر وطلعنة برة لكينة الجيران طالعة وتستفسر اتحمدولنة بالسلامة وراحو
ضل كم واحد منهم اجت الشرطة وضلو يسئلون قدمنة بلاغ وللعلم نعرفة منو بس عن الحلال والحرام
رجعنة دخلنة جوة الوجوه كلها صفر من الهبطة شافنة ديسم وسد تلفونة
ديسم... شصار
الحبتر... ماصار شي.. باوعت الهم كلهم وحجيت بصوت واضح.... محد يطلع من البيت غيرنة انه وديسم وخنجر تكول الاهلك همين لمعان ماكو جامعة ماداومين خنجر ياخذلج اجازة وانتِ يمة لا جيران ولا شي عوفي سوالف الحافوفات وموج ماكو معهد
وامواج ماكو روضة
موج... ما الي علاقة اني اداوم عندي باجر امتحان
صحت بصوت عالي
الحبتر.. موجج كلتت ماكووو يعني ماكووووو
موج.. لا تصيح علية ما الي علاقة اريد اداوم باجر عندي امتحان ومااريد أجلة
ديسم.. مو مشكلة توصلها انتَ وبس اتخلص امتحان تجي عليها
الحبتر... هذا هوا ليمتة امتحانج ست موج
موج...اول درس
هزيت راسي وانه ماقابل تروح بس شسويلهم اتفقنة وخنجر راح يم اهلة خاف يصير عليهم شي وانه رحت اشوف الكامرات بس ما استفاديت شي لأن لا السيارة بيها ارقام ولا هما وجهم مبين بس جانو اربعة ومبين عدهم ضهر قوي بحيث جايين بالنهار ولا يخافون خاف ينلزمون صفنت محتار بالسالفة
صار الليل وكلمن راح الغرفتة صعدت الغرفتي سبحت وبدلت وكعدت افكر كضيت راسي بألم وانة مو مرتاح اندك الباب وانفتح دخلن موج وامواج كاضات ايد بأيدة سدن الباب واردفت موج
موج.. تستقبل خطار لو لا؟
ابتسمت الهن وفتحت ايدي
الحبتر... تعالن يابعد عيوني تعالن بنيات الحبتر
ضحكن واجن حضنني وكل وحدة كاعدة بصفحة
خليت ايدي على شعر موج ومسدت عليه
الحبتر... بوية درستي لأمتحانج؟
رفعت نظرهة الي وهزت راسها بأي
الحبتر... لو تاخذين حجيي وماترحين للمعهد وانه اطلبلج اجازة
موج... لا خوية ليش أجل الامتحان الي كاتبة الله يصير
الحبتر... كلشي ولا موجتي يصير بيها شي
حجيتها وكرصت خدها التفتت على امواج
الحبتر.... وانتِ بابا امواج كملتي الاحرف الي كتبتهن الج؟
امواج.. اي كملتهن وحتة لمعان غاجعتلي
الحبتر... عفية عليجن بعد عيوني
اتمددت وفتحتلهن ايدي نامن واتغطن
موج... ابوي الاحبة كون الله مايحرمني منك
الحبتر... ولا منج يابعد الروح والرية واهلها
••••••••••••••••••••••
ترف
دخلت روح للمكتب وسدت الباب
اتنهدت ورحت للغرفة جاي ادرس ودك رقم على تلفوني عقدت حواجبي واخذت تلفوني
شفتة رقم غريب عقدت حواجبي منو يتصل هيج وقت
رفعت الخط ورأستاً انسد واندزت رسالة
.... هلو انتِ ترف؟
كتبت
ترف...منو؟
طلع خطين زرك واتصل نفس الرقم جاوبتة وانتظرتة يحجي من صوتها عرفتها جواهر اتنهدت وجاوبتها بملل
ترف... خير يا طير
جواهر... راح اكلج شي وخلي ابالج
سكتت ومنتظرتها تكمل اتمسلت
حجت بتحذير
جواهر... علي ابتعدي عنة ثم ابتعدي عنة ثم ابتعدي عنة لا بالله ادمرج مثل ما مخليتة يتعلق بيج خلي ايكرهج كافي ترا هوا رجال خاطب وزواجة عن قريب ويحبني فكي ياخة عنة لو ما حلالج الة لمن خطب
تركتها تكمل كلامها براحتهة ومن سكتت انهديت بيها
ترف.... خااااب كممم دوليي ولي اني بحالج لو بحال خطيبج خاب وابو الحسن ماشفت وحدةبطرانة اكثر منج
بعدين ششايفتني هيج اني وصخة نفسج واخلي عيني على واحد خاطب؟
لو هوا كلمن يرى الناس بعين طبعة
سمعيني لج وابو الحسن اتكفين شرج عني لا اطلعلج اكرون انتِ وعلي
وها ازيدج من الشعر بيت تراا علي اعرفة من واني صغيرة ورابية عندة يعني لو اريدة اخلي ينساج وينسة عشرة مثلج
تمام تئبرني؟
حجيتها وسديتة غمتيت التلفون وخليتة على صفحة رجعت اكمل دراستي
شوية وسمعت صوت دوش بحمام الغرفة عقدت حواجبي وشمرت الكتاب وكمت مشيت بخطوات مترددة بناحية الحمام والصوت بعدة مستمر وكفت كبال الحمام ومديت ايدي بتردد فتحت الباب ووكف الصوت باوعت لأرجاء الحمام ماكو شي رجعت سديت الباب وطلعت
اجت عيني على البردة شفتها تتحرك بلعت ريكي بخوف
اتقدم ناحيت البردة ومن وكفت كبالها ما اتحركت
غمضت عيوني وعصرتهن رجعت فتحت عيوني شفتها تتحرك بسرعة طلعت من الغرفة واني الدمعة بعيني
رحت للمكتب دكيت الباب على روح اريد اكعد يمها اخاف وحدي
مافتحتة رجعت بخطواتي اريد ارجع للغرفة وطلع علي من المطبخ شايل نركيلتة باوعلي وابتسم
علي... شلون صديقي ضعفان هذا كلة من السادس سودة علية
ابتسمت بوهن واردفت
ترف... هاي عود بعدهي ما بادية المدرسة
علي... خلي يولي شنو هذا السادس شايف روحة على صديقي
ترف... يبيع ثكل براسي
حجيتها وفتحت الباب اجيت ادخل واستوقفني من صاح بأسمي التفتت الة
ترف... ها تئبرني
علي... بعدج تتخيلين؟
بلعت ريكي وهزيت راسي بأي
علي... ابقي دائماً رددي
(وَجَعَلْنَا مِنْ بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لا يُبْصِرُونَ )
ترف... ان شاء الله
مد ايدة الشعري كوشة وراح
كعدت الصبح طفيت صوت القرآن صرت ما انام اذا ما اشغلة يمي باوعت المكان روح فارغ اتنهدت وكمت غسلت وطلعت لكيت باب مكتب عمو مسدود عرفتها بعدهي هنا دكيت الباب
ترف .. روح رورو فتحي الباب شسالفة مامليتي
ماكو رد منها اتنهدت وعفتها براحتها
رحت بدلت ملابسي واخذت جنطتي واتريكت اجة عمو باسل وصبيتلة چاي وانطيتة الة اخذة مني
باسل.. وين روح بعدهي بالمكتب؟
ترف.. اي عمو بعدهي
شرب چاية وطلبت منة يوصلني لأن علي طالع المكتبة طلعنة وهوا كلساع يلتفت على عمة ويطلب منها ادير بالها على روح
وصلني للمعهد وهوا راح للجامعة
دخلت جوة ولكيت موج جاية سويت الها حركة بأيدي بمعنة هلو رجعتها الي وابتسمت خليت جنطتي على الرحلة واخذت كتابي ورحت يمها
ترف.. صباح الخير.. عادي اكعد؟
موج.. صباح النور.. شي اكيد عادي
سوتلي مجال يمها وكعدت
ترف.... شبيج اليوم شو مو على بعضج
موج... لا بس شوية تعبانة راح امتحن واخوي يجي علية
ترف... ليش اجيتي اذا تعبانة جان اخذتيلج اجازة واجلتي الامتحان
موج... لا مااحب أجل امتحان
ترف.. اذا تعبانة ومادارسة عدل تردين اراجعلج شي؟ او اشرحلج ترا بس طلبي وادللي
ضحكت وطلبت مني اشرحلها مسئلة شرحت الها وهيا ذكية بسرعة تفتهم وتلكفها
ترف.. ها فهمتي؟
هزت راسها
موج.. اي شكراً
ترف... اهوو مايحتاج شكراً هذا هوا بعد صرنة صديقات
دخل الاستاذ وياه الاسئلة رحنة كلمن بمكامة وحضرنة الاوراق وزع الاسئلة قريتها لا بأس بيها حليت وكلساع ارفع راسي على موج اشوفها شفتها مغمضة عيونها بألم كامت سلمت ورقتها وطلعت ضل بالي عليها همزين اني بالسؤال الاخير حليتة بسرعة وسلمت ورقتي وطلعت رحت للساحة شفتها كاعدة وحدها ووجهة اصفر ركضت يمها وحجيت بخوف
ترف... موج تعبانة؟ خابرتي على اخوج؟
هزت راسها بأي رحت جبتلها بطل ماي وفتحتة قدمتة الها اخذتة شربتة شوية واجة واحد من الحراس وكلالها اجة اخوج ينتظرج بالسيارة بالفرع الي ورة المدرسة
هزت راسها وراح فتحت جنطتها واخذت تلفونها
ترف.. جاي تتصلين على اخوج؟
هزت راسها بأيجاب مارد عليها عضت شفتها بحيرة وشالت جنطتها وودعتني ومشت صحت وراها
ترف.. موج تردين اوصلج الاخوج لا ترحين وحدج
هزت راسها بنفي وابتسمت
موج... انتِ خوش صديقة ترا
ابتسمت الها وراحت وكانت هاي اخر مرة اشوفها بيها
ولا زالت الحكاية مستمرة
++ان شاء الله انزل تشبيه للابطال بس على ما الكة شبيه الحبتر والعمو باسل
مستعدين للبارت الجاي؟
تصبحون على خير زهـراتي