مساء الخير زهـراتي
# ثعلب الحبتر
# بقلمي انا: زهراء
# حساب الانستا: zaii1_8
زهـراتي علقو بين الفقرات تعليقاتكم كلش مهمة بالنسبة الي ♡♡
بسـم ﷲ الرحمـن الرحيـم
ـــــــــــــــــــــــــــــــــــــــــــــــــــــــــــــ
ـــــــــــــــــــــــــ
العمر ضل بي عمر لو كافي لهنانا!؟
ـــــــــــــــــــــــــــــــــــــــــ
ـــــــــــــــــــ
ترتر
فاتحة باب الشقة ومجتفة ايدية وواكفة انتظر الشفية اتأخر مديت راسي للساعة بـ 1:30
عمو باسل وعمة أمل نايمين و روح عدها خفارة اليوم
ضليت واكفة وانتظرة وكلساع اكول هسة يجي وماكو اخر شي أيست كلت أخر خمس دقائق اذا ما اجة ادخل واغفل الباب شوية وشفتة نور المكان هوا وراغب باوعلي راغب ورفع ايدة ويلوحلي رفعت ايدي الة وسلمت عليه راح دخل الشقتة واني باوعت العلي وخزرتة
سوالي حركة بأيدة بمعنة خفت خفت يمة
اجة وصل يمي يريد يدخل للشقة قطعت طريقة وصحت
ترف... خيرر يمة وين جاي ووين جنت مولي؟
علي.. طالع وية ابن عمي ادري تحقيق خو مو تحقيق
ترف.. انيي شكايلة؟ مو كايلة ماعدنة شبابب تضلل برة البيت فوكك ال10 بليل
علي.. لك صديقي بس هالمرة سماح
ترف.. لا سماح ولا شي شتكول علينة الوادم شبابهم بـ 2 الة وهما بعدهم يدعمون
علي.. ترا شاب انا عادييييي
ترف... لاااا موو عاديي شاب بنت نفسس الشييي ماكوو شبابب تضل دايحة بليلل
غمز وابتسم ابتسامة مو راحة
علي... لا مو نفس الشي اكو شغلات تختلف
فتحت عيوني على وسعهن وصحت
ترف.... يبوووو تلعمنيي على الفسوق علييي؟ عليي تريد تخرب تربيتيي؟ ولكك علييي ماغزر بيك الملح والتئبرني تريد تعلمني على الفسوق
رفع ايديه بأستسلام واردف
علي..انا ماكايل شي تراااا انتِ نيتج خراا
دكيت على صدري وشهكت
ترف.. يمة يمة النوب يغلط فوكك شينة كوات عينة
علي.. رحمة للكائنات والمخلوقات ماغالط ماكايل شي هيا خرا
ترف.. لك تئبرني ليش تنشر الفسوق هل انتَ مخلوق فاسق!
علي.. اي انا فاسق واحب الفسوق والاعتراف بالحق فضيلة شنو هسة ماندخل اريد انام
ترف شبيج ماتحنين ادري شنو اتذليني هاي عود انا علي ابو الطول الحلو ابو الجيب الكريم
كملت عنة
ترف.. اي اي ابو السحورة وارجاع المطلقات وجلب الحبيب والاستخارة... شهكت واسترسلت بكلامي.. خاففف اتأخرت تسوي سحر الراغب؟ لو لا خاف تعلمة على الفسوق الولد فقيرررر بس انتَ ابد ابد مو فقير
هز ايدة وراد يدخل قطعت طريقة مرة ثانية
صاح بنفاذ صبر
علي.. لزكتتتتت عادددد لطشتيي بوية لطشتييي
مديت ايدي الة واردفت
ترف.. انطيني فلوس واخليك تدخل للبيت
رفع حواجبة بتعجب
علي.. بيت ابوي ترا وتردين فلوس
ترف.. خلي اكول الابوك علي هيج وقت يلا اجة واشوف اذا اعترف بيك انتَ ابنة
طلع جوزدانة وصاح
علي.. عميي تسليبب الله اكبررر على ترف
طلع خمسة وخلاها بأيدي
ترف.. لكك علييي هاي انتَ عودد ابوو الجيب الكريم
نفخ بضجر واردف
علي.. شلون سالفة هاي بنص الليل
طلع عشرة وخلاها بأيدي
علي.. كافي لو بعد؟
ترف.. بعددد
طلع خمسة وعشرين وخلاها بأيدي وابتسمت واخذتهن
ترف.. تمام هسة يلا صرت خوش واحد وماتعلمني على الفسوق
ضحك وسويتلة مجال حتة يفوت دخل للشقة وقفل الباب
علي... سلبتيني وانا وراي خطوبة
بدون تفكير مني وبغباء حجيت
ترف.. شعلي جا قابل اني العروس لو خاطبني الي
باوع الوجهي وصفن شوية وكال
علي..داخل انام تصبحين على خير
ترف.. وانتَ من اهلة
راح واني درت غميت كصتي على الجفصة البعرتها
دخلت للغرفة وكعدت على جربايتي باوعت المكان روح فارغ ضوجة بدونها
فجأة صارت عندي رغبة ادخل اسبح استغفرت الله وعصرت عيوني
بس ماكدرت امنع شعور الرغبة ان ادخل هسة اسبح اخذت ملابسي ودخلت للحمام علكتهن
وذبيت الملابس الي على جسمي
🚫بنات الي تعرف نفسهة تخاف خلي تسوي سكيب
باوعت للزاوية اكو عدنة مراية تصير على طول الجسم مخلينها هنا
رحت وكفت كبالها باوعت النفسي والجسمي بتمعن وابتسمت رحت فتحت الدوش ودخلت جواه نزلت قطرات الماي على بشرتي
حسيت لمسات على طول جسمي بقيت مغمضة عيوني وسكنت على الحركة زادت الحركات وما احس بأيد وحدة بل اكثر وكلمات بأذني مامفهومة
حسيت صار نفس حار بركبتي وايدين حاوطني لا ارادي مشيت ايدي على طول جسمي وحركتها مثل ما هما يحركونها
اتنفست سريع وما اعرف شنو اسوي اريد افتح عيوني بس ما اكدر اريد اوقف كلشي اعرف الشي غلط بس ما اكدر اوكفة اني حابة هذا الشي وما حابتة
حسيت نفسي مقيديني عن الحركة صرخت بأعلى صوتي بس ماكو صوتي مايطلع ماجاي اسمعة اختنكت ورجلية بادن عن الحركة
فجأة وصار خيال كبالي حسيت بيه واني مغمضة عيوني
فتحتهن على كيف ووشفت جسم غريب نفخ بوجهي وشكهت هيا صرخة مني واني ساحت روحي ماحركت لا ايد ولا رجل
ما اعرف شكد مر وقت او شنو صار بس فتحت عيوني واني بعدني بالحمام بحضن عمة أمل
شافتني وعيونها دمعن دنكت على راسي باستة
أمل.. يمة بنيتي عبالي صار بيج شي
همست الها بتعب
ترف.. شنو صار
أمل.. كومي لبسي ملابس وبعدين نحجي
انتبهت على نفسي مالابسة ملابس بس مغطيتني بشرشف خجلت حيلل منهااا انتبهت علية واردفت
أمل.. امج انا لا تستحين مني
عافتني وطلعت سدت الباب كمت من مكاني ولبست ملابسي رجلية يرجفن وقلبي دكاتة الف طلعت لكيت عمو باسل وعلي واكفين بالباب جرني عمو باسل الحضنة ويبوس براسي
باسل.. ابوية انتِ بيج شي شنو يأذيج احجيلي؟
رفعت راسي وهزيتة بنفي
ترف... لا يضل بالكم مابية شي.. رايحة انام
عفتهم تحت صدمتهم ورحت للغرفة اجيت اسد الباب ودخل علي جرني من ايدي واخذني للجرباية اشرلي اكعد
كعدت وهوا راح جاب الكرسي مالت مكتبي واجة خلاه كبالي وكعد عليه
علي.. موخليتج كلشي مابيج اصحة مني ورحت انام شبيج هسة؟
فركت ايدي بتوتر واردفت
ترف.. ما اعرف علي بس جاي اتخيل شغلات
ضيق عيونة واردف
علي...مثل شنو ترف؟
ترف..احس احد يمي خيال يتبعني اسمع كلمات مامفهومة ما اعرف شنو وشجاي يصير
صفن بوجهي لدقائق وبعدين اردف
علي... اكيد تتوهمين اقري آيات واستغفري الله وماكو شي
هزيت راسي وابتسملي كام من مكانة ورجع الكرسي وصل للباب وصحتلة
ترف... علي شلون عرفتو بية بالحمام؟
علي... سمعت صوت صرختج وطلعت دكيت الباب على امي وفتحت الباب بالنسخة الثاني وفاتتلج
لاتشغلين بالج وانسي الموضوع وحمدي الله سبحتي بالحمام الي بصف غرفتي لو سابحة هنا بغرفتج جان ما سمعنة
سكتت وطفة الضوة وطلع اخذت تلفوني وشغلت قرآن خليتة بصفتي اتمددت واتغطيت ماكدرت انام مخنوكة وحاسة اكو شي غريب اريد روح تجي يمي محد يفهمني غيرها
حسيت الباب انفتح رفعت راسي وشفتها عمة أمل بواسطة الضوة مالت الصالة دخلت وسويتلها مجال يمي اجت كعدت واخذتني الحضنة وتمسد على راسي
ماكدرت اكض دموعي شهكت وحجيت برجفة
ترف.. اريد روح
أمل.. انا يمج لاتخافين حبيبتي لاتشغلين بال روح ولا تسولفيلها ماعايزها هم
كضيت ايدها وضغطت عليها
ترف .. اي اي مااكللها بس خايفة هسة اريدها يمي
أمل.. انا يمج مااعوفج ضالة يمج للصبح
ضلت اطمني بكلامها الحد ما نمت
••••••••••••••••••••••
روح
شمرت السجينة ودفتعها برجلها وراحت من حلات روحي فتحت الحنفية وخليت ايدي جواها وادموعي تنزل بكاء على حالي تعبيراً عن ألمي
اجة عمي جابر وحجة بحقارة
جابر... من اليوم بعد انخابر على ابوج يجي ياخذج مامجبورين نتحمل مسؤوليتج فوكاتها اللسانج اللسان كح** مامكفيج ملفينج عدنة لو ما احنا جان ضليتن بالشارع الرايح والجاي ين*** بيجن
جان كلامة اكبر من عمري عفتة وماحجيت مرات السكوت مو من علامات الرضا
او السكوت بعمره ما جان علامة رضا دائماً يكون جواب لقلة الحيلة دليل استسلام
التهيت بأيدي ما اعرف شنو اسويلها متت من الالم وروحي راحت سحيت نفسي للثلاجة وطلعت قوطية معجون اخذت بأيدي الثانية وخليت عليها
حركتني بالبداية بس بعدين بردت شوية كعدت بالكاع وسندت نفسي على الكاونتر وغمضت عيوني
فقدت طاقتي وحيلي كلة فتحت عيوني شفت ترف واكفة بالزاوية وايدها بحلكها واثر دمعتها الناشفة على خدها ابتسمت اطمنها واشرتلها تجي وفتحت ايدي الها
بسرعة ركضت الي حضنتها وكعدت بحضني دكنت يم أذنها وحجيت بخنكة
روح.. لو ماا نتِ من زمان انا ميتة شعندي عايشة
خلت راسها على صدري اتنهدت بدون اي حركة ضلت بس اتجر حسرات
روح.. وعد مني اعيشج احلا عيشة ماضل شي وتجي عمة النة وتاخذنة
ترف.. منو امة؟(عمة)
كضيت وجهة بأيدي الثانية واردفت
روح.. هاي الي اسولفلج عنها
ترف.. الي تطيج اوس؟؟(فلوس)
ضحكت بوهن
روح.. اي هيا
سكتت ورجعت سندت راسها على صدري
مرن يومين مارحت بيهن للمدرسة ماكدرت بعدهن كعدت الصبح قبلهم كالعادة سويت الشغل الي علية وكلة بأيد وحدة فتحت عنها الشاش شفتها لامة ماي وصايرة مثل الكرة رجعت لفيتها على كيفي وبدلت ملابسي بصعوبة حتة اروح للمدرسة شلت جنطي بأيد وحدة وحتة ما فاتحتها ولا دارسة شي بس هيج اروح خاف انفصل مستواي نازل بس مابيدي شي زين من انجح بوسط هاي الظروف
اجيت اطلع من البيت وفجأة طلع حازم وراي وصاح
حازم... لاطلعين من البيت شوية ويوصل ابوج ياخذج
التفتت عليه وانا مصدومة من الي حجاه
روح.. هه ليش وين جان كل هاي السنين مخلينة يمكم الحيونات ماتعيش العيشة الي عشناها
اتقدم علية وعيونة تتجول على جسمي
حازم.. هسة راح يجي ياخذج اريد اشوف اذا ماضليتي تتحسرين على العيشة العيشناج اياها
عفتة وحدة واكف ورجعت دخلت للمطبخ شمرت الجنطة الي طالعة روحة وحتة لونها رايح ورحت لميت ملابسي وملابس ترف بعلاكة
صار عندي شعور مو حلو بصدري حسيت راح يصير شي وهذا الشعور ما احس بي الة لمن اكون متأكدة راح يصير شي نزلت دمعة تايهة من عيني ومسحتها وضحكت بحزن هنا تأكدت من شعوري
رحت كعدت ترف من نومها وكعدت فازة سميت عليها واخذتها غسلت الروحة وانا اعلمها شنو اتسوي لأن ما اكدر احرك ايدي خلصت واخذتها بدلت الهة بصعوبة
ترف.. راح انوح (انروح)
روح.. اي
ترف.. وين انوح
روح.. ما ادري
ترف.. ماننجع هنا؟(مانرجع)
صحت عليها بصوت عالي
روح.. كلتتتت ماادريي
خنست بمكانها وهاي اول مرة اصيح عليها شفتها برطمت وتريد تبجي اخذتها الحضني وابوس بيها واحجي
روخ... اسفة اسفة والله ما اعيدها امداني الله ياخذني كون اموت لأن بجيتج
شهكت تبجي وانا اتخبلت عليها اريد اسكتها ما اكدر ضليت اسب بنفسي وبصعوبة يلا سكتت
كعدنة ننتظر ونتتظر للعشرة الصبح ومحد جاي
مرت فترة قليلة وسمعنة صوتة داخل الطارمة ويحجي وية اخوانة غمضت عيوني واتنهدت كارهتا وما اريد اروح وياه قتل امي بدم بارد وقتل كلشي بينة عافنة وماسئل علينة شرجعة هسة
كمت وباوعت الترف ولعلاكة الملابس محتارة شلون اشليهن اثنينهن بأيد وحدة
ماضل عندي حل غيرة
غمضت عيوني وضغطت على نفسي وشلت العلاكة بأيدي المحروكة اذتني حيل بس اتحملت اتحملت غيرها مااتحملها؟
كضيت ترف بأيدي الثانية وطلعنة برة شفت سلمان نفسة ما متغير شفت صرخات امي ومنظرها بوجها
ماسلمت عليه بس طلعت ووكفت قريبة منة ويمة حازم وجابر اشرلي بأصبعة على ترف
سلمان...هاي تضل هنا
ضحكت بأستهزاء واردفت
روح.. شبيك تحجي صدك؟
سلمان ... تستهزئين حضرتج؟ كلتت اختج هنا تصل زين مني واخذ وحدة منجن
شمرت علاكة الملابس وشلت ترف بأيدي وحضنتنها لو اعرف شسوي ما انطيها
روح.. موو بكيفكك اختييي ما انطيهاااا لو تاخذنة اثنينة لو نضل هنا
نط حازم من مكانة
حلزم.. شوفف شوف اللسانها وتلومنة من نشكي منها
التفتت الجهتة خزرتة وتجاهلتة رجعت نظري السلمان واردفت
روح.. كلت العندي اختيي ما اعوفها
اشر سلمان براسة الجابر تقدم علية وبحركة سريعة كض ايد ترف يريد يجرها اتخبلت وحضنتنها اكثرر اجة سلمان وجرني من حجابي صرت بيناتهم وترف تصرخ ايدها اذتها من جرت جابر حاولوا وياي ماعفتها
من حقارت وحقد حازم اجة سحبني من أيدي المحروكة روحيي راحت وعفت ترف بأيدهم وباوعت الايدي صبت دم نزلن ادموعي وجرني من أيدي صلبت نفس بالكاع وانا واكفة لكن هوا اقوة مني وجرني مثل الحيوان مشيت وياه وانا اسمع صوت بجي ترف صوت بالسما وصوت بالكاع قلبي احترك وما بأيدي شي اختي ومتعودة علية ماتكدر بدوني التفتت الها شفتها تنازع بأيد جابر نزلن ادموعي بقلة حيلة على وضعنة
سديت الدفتر وباوعت للأثر الي بأيدي وبستة ضال اثرة بس ملمسة ناعم بستة مرة ثانية
ورجعت الشغلي كملتة بطلاع الروح على ماصار الصبح اخذت اللابكوت وجنطتي وطلعت من المستشفى اجرت تكسي وانطيتة عنوان الشقة
اتوتر كلش من اكون وية احد ما اعرفة صح هوا رجال جبير وحتة عينة مارفعها بس الصار وياي مو قليل صح شبه اتعالجت بس تبقى خوفة بقلبي ماصدكت وصلت ونزلت بسرعة وسديت الباب وصاح علية على مود الكروة نسيتها رجعت الة واعتذرت منة وانطيتة الفلوس هزر ايدة وراح عبالة حرامية مدري شنو سلمت على الحارس ابو حسين وصعدت للشقة دكيت الباب وفتحة عمو باسل صبحت عليهم شفت علي وعمو باسل مبدلين حتة يستقبلون محمد وعائلتة من المطار
اجو لأن باجر خطوبة علي
سلمت عليهم ودخلت الغرفتي شفت عمة أمل نايمة بصف ترف استغربت لأن مو من عادتهن فزت عمة أمل وباوعتلي وكالت
أمل... صباح الخير شوكت اجيتي
روح.. صباح النور.. هسة اجيت بس ليش نايمة هنا عمة
أمل.. لا بس ترتر تعبانة واجيت يمها
شمرت اغراضي من ايدي ورحت بسرع يمهة
روح.. شبيهاا اختي
أمل.. لاتخافين عمة مابيها شي
كامت طلعت وانا كعدت بصف ترف وحضنتها باوعتلها شفتها مبتسمة عرفتها كاعدة كرصتها بزندها واردفت
روح.. تضحكين علية
حجت وهيا مغمضة عيونها
ترف.. عوفيني نايمة روح
روح.. علي وعمو راحو يجيبون محمد دكعي عدنة عرسسسس
كعدت بسرعة وحجت بلوم
ترف.. ليشش ليشش راحوو عودد كتلهمم انتظروني اروح وياههمم
روح.. بسم الله الرحمن الرحيم شبيج ولج بعدهم ما طالعين كاعدين بالصالة يتريكون
ركضت الهم وكلتلهم ينتظروها وانا رحت بدلت ونمت نومة عميقة عن تعب
للمغرب يلا كعدت على صوت الضحك بالصالة وترف صوتها واصل السابع جار هيا وراغب ابتسمت وكمت غسلت ولفيت شالي وطلعت سلمت على محمد وزوجتة هدى حيل حبابة هيج تنكرط
رحت ساعدتهم بالعشة لكيتهم مكملين كلشي بس سويت سلطة وصلينة وصبينة العشة
كعدنة كلنة لمة وحدة وسالفة وحدة الضحك والسوالف مشتاقة الهيج كعدات كلنة قلب على قلب ومتصافين
ماعدة عمو باسل وعلي بيناتهم مشاحانات بسبب اخر مشكلة صارت وياهم
ترف.. اكلكم من الاخير اني خايفة من النتائج
راغب.. انهجم بيت الباميا خايفة وخايفة نفس كل سنة وتطلع معدلهة بـ 90
ترف.. لا هالمرة الخامس نخلني نخل
باوعت هدى الي واردفت
هدى.. تعاي انتِ وترف النة بالعطلة
ترف... وين ياحضي انجح من الخامس ادخل معهد يعني ماعندي عطلة
روح.. ان شاء الله اذا الله سهل بعطلة نصف السنة مالت السادس نجي
ضحكت ترف بفرح ورجعنة ناكل و محمد كلساع يشمر هوا وراغب حجاية بكد راسهم
كملنة اكل وشلنة الماعين وكفت اغسلهن وحدي وسمعتهم يهوسون العلي غسلتهن شلون ما كان ركض ركض وطفرت يمهم شفت راغب ومحمد متكابلين ويهزون كتف
وعمتي تهوس
أمل... هاي الرادها وهاي التمناها بنت الشيخ لأبن الشيخ جبناها
رحت جبت تلفوني من الغرفة وكعدت اصورهم صورت كلشي
واجت يمي ترف وهمست
ترف.. جبنالك صخلة تسرح بيها بس كون الصخلة اداريها
درت عليها وخزرتها
روح... انجبي لايسمعج علي عيب منة
ترف.. اهو شبيج روح نتشاقة تراا
ضلو يهوسون ويركصون وانا ضجت من الهوسة رحت دخلت للغرفة وطفيت الضوة ونمت
•••••••••••••••••••••••••••
الحبتر
مرت ايام وصارت عدنة عملية ببغداد رحنة انه وخنجر وديسم نفذناها واستلمنة فلوسها
بطريق الرجعة حجة خنجر
خنجر.. اكو شي غلط
ديسم.. وهوا؟
خنجر.. ما اعرف بس حبتر لا توكف السيارة
الحبتر.. هسة خلي يجوون خلي نتونس شبيكم
خنجر... جماعة نور شكو بيها وهسة نور بح طارت تلكاهم شكوها شك
الحبتر.. خلي تولي طبها حريشي هالسرسرية هاي ام الكناديج
استمرينة نمشي وفجأة طك شي بالتاير وكفت السيارة واجيت انزل كض ايدي ديسم
ديسم.. لا تنزل انه انزل
خنجر.. اكلو تبن لا انتَ ولا الحبتر اتنزلون انه انزل
باوعتلهم اثنينهم واردفت
الحبتر..لاتصيرون شمانيج لو انه انزل لو تثلاتنة
خنجر.. تلاثتنة
الحبتر.. وانتَ دودو شتكول
خنجر.. تلاثتنة
الحبتر.. سائلك انة؟
خنجر.. معليك انه و دودو واحد
هزيت ايدي وزلنة وكفو خنجر وديسم يشوفون الطريق على ما انه اسوي التاير
خنجر.. همزين ديسم شغل صماخة وجاب تاير ثاني
الحبتر.. هذا الكباب الي اكلة خلاه يفكر
ديسم... اي كثرو الي كباب على دجاج ترا بانزين هذا
الحبتر.. اي حتة اتصير هايشة
خنجر.. لا هسة هوا ثور النوب يصير هايشة
ديسم.. اكلكم بعد تلث ايام عن رمضان ماتصومون السنة
خنجر.. انه مريض ما اكدر اصوم
الحبتر... شبيك حريشي مابيك اصحة من نور.. التفتت على ديسم واسترسلت بكلامي.. من انتوب صدك عود ساعتها نصوم مو نصوم واحنا سوالفنة اليهود ماتسويها
خنجر.. والله صحيح
ديسم.. اتأثرت بكلام الحبتر
خنجر.. واضح التأثير من الحب الي جاي تكرزة وتمشر الكشور علية
الحبتر.. عود موكفكم اتحرسون وجاي تكرزون حب اذا اجة واحد يريد يكتلنة تشمرون عليه كشور الحب وتكلولو اوي شبيك بس خلي اكرز حب شبيك قاسي
غمز خنجر واردف
خنجر.. لا نسويلة شغلات عيب على كولتك مياو مياو
نكثت ايدي وكتلهم
الحبتر.. امشو نرجع يلا
رجعنة صعدنة ومشينة تقريباً 6 كيلوات واجن سيارتين بصفنة بسرعة سحبنة مسدساتنة تلاثتنة
ديسم.. دخيلك يالرحمن شبيهم هذول متحامين
الحبتر.. شكلهم جماعة سلمان رجعو استجلبو
خنجر.. سلمان الك*** مايتوب؟
الحبتر.. نور تابت وهوا مايتوب
خنجر... حبتر شغل اغنية حماسية
الحبتر.. ادلل بعد روحي شتريد يا اغنية
خنجر.. هاي الي يكول بيها مكسور جناح اي والله وعونج ياكاع
عرفت يقصد على ياكاع ترابج كافوري شغلتها الة
وسرعت السيارة ومشيت سريع وهما لحكوني طلع خنجر وديسم مسدساتهم ورمو عليهم بس هما اكثر منا ماكدرنة نسيطر
خنجر.. الحبتر اسرعع اكثر هذول ناووين علينة يوم
دست 240 وخنجر مد ايدة كلها يرمي عليهم
صحتت عليه بصوت عالي من سمعت صوت طلقة يمة وكضيت بريك
ولا زالت الحكاية مستمرة
تصبحون على الف خير +احبكم زهـراتي