روايتي حيادر الراء .
اريد تصويتاتكمَ الحلوه وتعليقات بين الفقرات لان نقراهن كُلهن .
....
حيدر :- ماشفت أي مُبادرة من الطرف الثاني حتى تخليني أكمل هذا الطريق سوه .
- حيـدر لا كول غيرها فـدوة هاي رتوج مو إي بنيـة أنتَ مو تحبـها شلون داتسـوي بيها هيج أنتَ تحبها ليش داتنكر هذا الشي ؟؟؟؟
- ما تحبني شلون أضل لازك بشخص ما يحبني ؟
ابـاوع عليه يحجي بكُل برود وشاد ملامح وجـه وأني منفعلة على ريتاجه أخر شي طكيتهـا :- تره تحبـك هيييه والله حتى كالتلي قبل شويـه مُشتاقـة لحيادر بالعباس أبو فاضل تحـبك
رخت ملامح وجه وتغيرت أخذ وقت وكال :- طلعي حواء مالج شغل أنتِ
- بسيطـة وهاي حتى أني راح أزعـل عليك وبعـد لاتحـاجيني أبدًا
طلعت وطبكت الباب حيل حتى طلع حليم من غُرفتة وكالي :- شكوو شبيج شنو صاير ؟
- مـاكو شي انطبـك البـاب
هز أيده ودخل لغُرفتة ورحت لغُرفتي وبيها رتوج باوعت عليها عيونها مدمعة :- ليش هيج سوه أجيتة بلهفتي وأشتياقي اله وبداية حُبي اله وفشلني حواء فشلني ؟
حضـنتني حواء وكالت :- ولله ما أعـرف شبي أبدًا مو هيـج هوه لاتحجين وياه بـعد خلي يُعـرف شنو خـسر
ذبيت تنهيدة وكلت :- أمشي ننزل
- لا أوكفي بـدلي ملابسج وتعالي اطـوخ الج الحُمـرة شنو هـاي ماكو اخف منهـا ؟
- يا شعندي عرس
كلت هيـج وسحبت جنـطتي طلعت الحُمـرة الي مخليـة منها وطوختها :- عيـب حواء ولله تره صـغيرة أني
- العيب بالجيب داده
- حووواء
- نجبي
مسحتها وكالت :- تره ولله حلـوة عليج
- ميخالف بس عيب صغيرة مو زينة عليه هاي السوالف كُلها مال اطلع كدام ولد وحمرتي طوخ وهاي السولف لا عيني ماترهم الي هاي السوالف عليه
صفنت وكالت :- شلـون تفكييييير عجبني يله عـوفي وأمـشي ننزل
- نزلي أنتِ اذا تردين أني باقية هُنا
- ماشي
نزلت حواء وره شويـه بدلت ملابسي ونزلت يم أمي وعمـتي وحواء لكيتـهن يسولفن مر الوقـت وصار الليل كمنـة أني وحواء نحضـر للعشة سويـه ما نحس اله عيطـة أسماء :- بطنننني ولج يُمممه
أمي وعمتي طفرن فوك وأني وحواء هم طفرنة فوك شفناها لازمة بطنها وتصيح صاح حليم :- حييييدر السويج بسرعة
حيادر مجان بالغُرفة من صاحة حليم سمعت صوتة بالممر صاح :- تعـاال أخذة
قبل لا يطلع حليم يجيب السويج كال :- عباه يُمه فدوة ونزلوها وراي
لبستها عباه وكالت :- تعالن شيلنها وياي ولجن
حواء :- تعالي رتوج
كوه شلناها أني وحواء وعمـتي وهيَ تُصـرخ بعدنة دانـزل بيها واظافرها نبتـن بجلـدي اباوع على حواء هم نفس الشي وتصيح من الوجـع
حواء :- أيدي أسمااااء
عمتي :- عذريها يالمفلوكة
حواء :- يُمه تزرفت أيدي
سكتت حواء وصلنـاها للسيارة وصعـدن أمي وعمتي وطلعو للمُستشفى رجعنـة أني وحواء جوه شفنـة حيادر دايـشرب مي باوع عليه وصعد فـوك
باوعت عليه حواء :- عود صدُك دايحجي ؟
- عـوفي
- ولله لخاطـرج هاي سـاكتة
- عفية
- شوفي أيدي شسوت بيها هاي المفلوكة فلك لفلكج
تذكـرت وباوعـت على أيدي وكُتلها :- أني هم
- شو بله أيدج ؟
باوعـت على أيدي :- عـزه العزاها جـنها خراميش مجلوبـة
- عوفج من لبنية حواء وكومي نسوي عشة جوعانة
نزل حيادر من فوك سريع وكال :- لاتسون عشة راح اطلع أجيب
حواء :- لا شُكرًا أخي ما نـريد
حيدر :- مو بكيفج
طلع وراح وكالت حـواء :- همزييييين ولله ولا بيه أسـوي
- مو تكُليله ما نريد ؟
- بس العكس أني
- ولله يالله
ربع ساعـة ورجع خلاهن على الكـاونتر باوع علينة وراح صعـد راحت حواء تشـوفهن أشكال واللوان رحنة صلينة ورجعنـة
- اكُلج رتوج إذا ناكُل من الأكُل خاف تروح كرامتنة لان كنالة منريد أحنة ؟
- أمشي ضـلت كرامة
- هاهـية ناكُل
رحنة نتعشة فرشت السفرة وكلت :- نصيح اله ؟
- عوفي
- لعد وين يتعشـة يا حواء صعـدي صيحي اله
- صعـدي أنتِ !
- لا لا ما أصعد
اندارت وباوعت عليه وكالت :- يا عيني
- صعدي أنتِ عليج الله
- صاعدة داده صاعدة بس هاي علمودج ها
- حبيبتي
صعدت حواء وره وقت أجت وكالت :- مايريد
- ليش ؟
- يكول ما أشتهي خلي ناكُل معلينة بي
ضجت گُلش بس شسوي قابل كالت حواء :- نوب يكُول ليش كلتي الها
- وشنو جـاوبتي ؟
- باوعت علـيه بنظرة ونـزلت
- عفية
- ولله يا الله مـدري شبي مـدري شنو صابة
ضلينة ناكُل وره وقت أندك الباب وطفرنة ودخل حليم :- حواء بسرعة ملابس للطفل وأسماء وعباتج فوك رأسج وتعالي وياي
حواء :- جابت ؟
حليم :- أي بنوتة بسرعة حواء لان راح تبات كم يوم بالمستشفى
حواء هلهلت وطفرت وره شويه نزلت جايبـة جنطـة ووصتني وطلعـو رجعت دخلت المطبـخ شفت حيـادر سئلني :- شكو وين راحـت حواء ؟
حركت أكتافي مادري ودخلت أساسًا هوه يعرف أجه حليـم ليش دايسئلني ؟
ذب تنهيدة ورجع صعد فوك ورجعت اتعشة خلصت ورجعت الأكُل بالثلاجة الوضع گُلش هدوء اتصلت حواء كالت جيبوها عملية بس حالتها خطرة راح تبقة يومين ثلاثة وأحنة يمها
وكالت لاتخافـين يمج حيدر وسدتـة وراحت كملـت اتصال وصـعدت فوك دخلت لغُرفة حـواء
شويه وشغلـت أغُنية مجنوني ونصيتها أول ما شـتغلت دمعت عُيوني استمرت الأغُنية رغـم الدمعة بـعيني وما أريد أبجـي حاولت وحاـولت بس ماكـدرت
ليش من بعد حُبي اله عافني ليش حبيتة شلون حبيتة أني بعدني صغيرة ويني وين الحُب أكيد جان يلعب عليه ليش مو جان يكُلي حُب وحُب وهُيام وأني هايم بيج وين هذا الحجي اشو من اولها عافني بعدنة ببداية الطريق كال يا الله وطفر
بس حيـادر مو من هذا النوع لا يجوز شمـدريني بنيتـة أني شـمدريني بگلبة شنو بعـقلة شنو شمدرييييني ؟
صار صراع بين گلبي وعقلي بحيث بدا رأسي دايأذيني كمت طفرت طلعت العلبة مال العلاج خذت حباية ونزلت للمطبخ طلعت كلاص مي وشربت الحباية
وردت أصعد لاكاني على الدرج وكلي بخوف :- بيج شي شو باوعيلي ؟
- ما بيـة وخر أريد أصـعد
ما اهتم خلة أيده على كُصتي وكتله :- وخر ما أحـتاج اهتـمامك أني ؟
- فستق أنتِ
- فستـق شنوووو رجاءًا بعد لاتـصيحلي فستق ولا شـي أني ما اعنيلك شي طلع كُله جـذب اهتمامك جذبة حجيـك جذبة غزلك جذبة كُله جـذبات لعبت عليه ولعبـت بعقلي شفتني صغييييرة مو لان صغـيرة سويت وسفه ولله
أستمريت وأبدًا ما نزلت دموعي ولا قطرة اخر شي باوع عليه :- كافي ريتاجي كافي يا عيني لا تصيحين ولله ما أعرف هيج راح يصير عذريني
كال هاي الكلمات وصعد رحت على السنـك غسلت وجهي وغسـلت أيديه وصعدت للغُرفة ازدواجيـة الرؤيـة بعدها عندي بس خفـت من خذت العلاج
ردت أنام عيني مداتاخُذ نوم وره وقت ندك الباب وسمعت صوتة :- أبويه عادي احجي وياج شوي ؟
مارديـت رجع كال :- ريتاجي بس شويـه وداعت عُيونج
- روح حيدر ما عندي شي أحجي بي وياك بعد
- زين شلون صرتي ؟
- ما تهمـك صحتي بشي روح
سحب نفس وكال :- رايح أني بس اذا صار عليج شي غُرفتي كبالج لاتترددين
كال هيج وراح رجعـت أني تمددت ونمـت كعدت على اذن الفـجر الجامـع گُلش قريب على بيتهـم ونسمعة واضح خـلص ونزلت أريد اتوضى شفتـة بطريقي وكلت :- استغفر الله ياربي
باوعلي بنظرة ردت أضحك بس غلست وكال :- شلون صرتي ؟
- ما يخصك .
رحت توضيت وصعدت صاح وكالي :- ريتااااجع شبيج يا عيني
- ما بـيه شي أنت الي شبيك مو أني
- طبيعي أني
- مـتأكد ؟
- اي
- روح تأكد وتعـال
وخرتة وصعدت فوك وقفلت غُرفة حواء وبديت اصلي كملت واندك الباب وكال :- الباب فتحي لاتقفلي لايصير عليج شي
- أستغفرك ربي مايصـير شي روح
- ريتاجه لا تعانديـن
- حـيدر فدوة اروحلك حـل عني
حجيت هيج وراح رجعت نمت كعدت الصبح خذت وقت يله نزلت وأسمع طكطكةًبالمطبخ نزلت ورحت غسلت شميت ريحة بيض رحت للمطبخ جان واكف كدام الطباخ
باوع عليه وكال :- صباح الخـير
مارديت عليه وره شويه كال :- تعالي سويت الج بيض بالزعتر
- ومنو كلك اريد ريوك أني ؟
بتنهيدة :- فستق بويه انسي السمعتي من حواء
- ليش انسى هاي الحقيقـة وراح تضل محفوره بعقلي كُل كُلمة سمعتها منك
- ميخالف نتريك سوه سويت هذا البيض علمودج
صب الأكُل على الميز وكعد كبالي وبدأ ياكُل وكتله :- تتريك وياي ؟
- اي لعد وين اتريك ؟
- هسه اكوم من الأكُل اذا تبقى تاكُل وياي
- لا لا اكُلي كايم أني
كام وراح للصـالة بديت اكُل واجـاني تأنيب ضمير ليش صـرت أنانية شنو ياكُل هسه لكمـة بأيده بعدة مماكلها وكومتـة ليش شنو هذا التصرف الانانـي مني ؟
كمـت ورحت للصاله لكـيتة دايباوع على التلفزيـون رحت وكفت كبالة وكـتله :- تعال اكُل
- ما اشتهي روحي اكُلي أنتِ الف عافية
ردت أروح بس تراجعت :- لا كوم اكُل تره حتى أني ما اكُل
- ريتاجه ما أريد كتلج روحي معليج بيه يابه
- هوه مو صوجك
كتلة هيج ورجعت للمطبخ أكلت وخلصت وغسلت الاماعين وكمت صعدت فوك ملل بملل شوكت تجي حواء أمي علمود نرجع
مرت ساعه وأني بالغُرفة اخر شي نـدك الباب سمعت صـوتة وكال :-كاعـدة إذا كاعدة أريـد احجـي وياج ؟
- شرايد ؟
دخل وكال :- كافي فستقي مامتعود عليج هيج ولا متعود على هاي تصرفاتج
- عفوًا ؟
كمت وكتلة :- حيـادر مـال خلك رجاءًا اطلـع
- لا اليوم تسمعيني تسمعيني كافي هاي التصرفات
قفل الباب وكعد كبالي وكتله :- ليييش قفلتتتتة شتريد تسويلي ؟
- ما سوي فستقة شنو أسوي قابل ؟
- فتحة
- ما أفتح أريـد تسمـعيني
- ما اسمعك كتلك افتح الباب السمعتة گُلش كافي
- السمعتيييي جذبة بابا جذبة
ماسمعت الي حجاه لزمـت راسي وكتله :- اطلع حيدر ما أريـد أسمع شي اطلللللع داكُول
- لاتصيحين مو زين
- لا اصييييح
غوشت عُيوني أجه حُضـني تفاجئت ردت ادفعـة ما كدرت ضم رأسي على صدرة وبدأ يمسح بشعـري ويقره آيات
شاف علبه العلاج على الميز ركض جابها وأجه وكال :- بس أنزل أجيب الج مي
- گُلشي لاتجيـب روح أطلع
ماسمعني راح ثواني ورجع بأيدة كلاص مي خله الحباية بحلكي ذبيتها وكتله :- ما بيه شي اطلع حيييدر
- طالع والحُسين الشهيد بس شـربي الحبايـة
- ما أشرب مابيـه شي رووح راح تـموتني
- أسم الله عليـج
كال هاي الكلمات وأجه خله الحباية بحلكي وشربني مي وراه بالغصب وكتله :- منو أنتَ وتشربني بالغصب داكلك ما بيه شي بطل اهتمامك
طلع وأني رحت تمددت ورسًا نمت ما كعـدت اله للمُغرب أول ماكـعدت لكيت صينـية اكُل على الـميز اكُل جاهز
جنت گُلش جوعانة رحت كلت منها أول ما دخل كال :- عوافي يا عيني شلون صرتي ؟
- زينـة
- الحمدُلله
ردت اشيل الاماعين وكال :- عوفيهن أني اشيلهن
- لا ميحـتاج
- ريتاااجـه
جرهن من أيدي ونزل شويه ودك هورن بالباب راح حيدر يفتحة طلعو حليم وعمتي دخلو سبحو وأخذو ملابس وكالت عمتي :- احتمال تجي أمج باليل تعبت خطية واكللها رجعي ماترجع قافلة
- مـاشي عمه
- يبعد عمتج يله أني طالعة حيدر إذا احتاجيت شي ادك عليك يُمه
- مـاشي
سلمو وطلعو الحمدُلله راح تجي أمي باليل رحت كعدت بالصالة واكلب بالتلفون أجاني حيدر :- تردين نطلع بويه اغيرلج جو شويه ؟
ضايجة گُلش وأريد اطلـع وبنفس الوقت ما أريد اطـلع وياه ومن دايحـجي أحس اكو شي خافيـة عليه بس ما أعـرف شنو اخر شي كتله :- اي
وسع عُيونة وكال :- ولله ؟
- اي
- يعني من كُل گلـبج ؟
- اي حيـدر بس بيا سـيارة راح نطلع
سكت وره شويه كال :- أروح أجيب السيارة وأجي
- للمُستـشفى ؟
- اي
- لا عوف ما أريد لعد
- ما اطول وداعتج كايم أني
كام طفر بدل ورجع وكال :- راح أقفُل البيـت لاتفتحين لأي كائـن ماشي ريتاجه ؟
حركت رأسي بمعنى اي وراح نص ساعة ورجع هوه وحواء وكال :- يله سريع حضرن نفسجن نص ساعة الجن
باوعت عليه حواء وكالت :- تعـال اكُلك شو أنتَ ماخذ راحتـك ولا جن متعاركيـن ؟
- يله بويه على السريع
- مو داحجي وياك ؟
- تصالحـنة
- دخيلك يا علي صدُك ؟
شويه وصحت الها :- حواء تعالي
- جايـة جايـة حبيبتي
اجت حواء وكالتلي :- متصالحين ؟
- لا
- لعد ؟
- ما متصـالحين بس يريد يطلعنـة يله كومي نحضر
كمنك على السريع بدلنة نص ساعة وخلصنة وكالت حواء :- تدرين أني ما مصدكه الي دايصير
- ليـش ؟
- أخوي يحبج وأعرف اخوي اذا حب مستحيل يتراجع واذا راد شغلة يجيبها يجيبها من طلعت لقب الكفو لان متأكدة هاي الكلمة يستالها وماتروح ببلاش
صفنت بكلامها وكلت الها :- هم أعرفة صـرت أني ولهسة أتذكر كلامـة من يسولف الي عن حُبـه الي وهُيامة بس ما أعرف شنو الي غـيرة هيج .
- الله كريم داده أمشي ننزل
نزلنه وتلكانه رحنة وصعـدنة بالسيارة مر وقـت ونزلنـة كبال مطعم ودخلنـة تعشيـنة ورجعنة أول ما نزلـنة كال :- شلون صـرتي ؟
- بنص الخير ما شاء الله
- هههه دوم يبعد
اجه يكول كلمة بس سكت وصـف السيارة واحنـة دخلنة أول ما دخلـت لكيت أمي وكالت :- وين جنتو ؟
- تعشينة بره
- الف عافية يا عيني
- متعشية ؟
- اي يُمه
رحت فوك بدلت ملابسي ونزلت كعدت يم أمي وكتلها :- منو جابج ؟
- حلـيم وأجه اخذ مـلابس وراح
- شوكـت تطلع أسمـاء ؟
- ما معروفة لان متضرر الرحم
- يا خطيـة مابيها اله العافيـة
- يبعـد روحي
خلصت سوالف وي أمي وصعدت فوك سمعت صوت أغُنية مجنوني من غُرفة حيادر غلست ودخلت لغُرفة حواء
لكيتها مخلية ماسـك على وجها وكالتلي :- تعالـي خلي وياي خـوش ماسـك هذا
- ما أريد مالي خلك شي
سحبتني من أيدي وكالت :- دتعالي
خلت الي و ضلينة عشر دقايق وكامت غسلت حواء وأني رحت اغسلة دخل صابون بعيني وصحت :- حووووواء
- هااا
- جيبي خـاولي وتعـالي ركض
- صار
ثواني وأجت حواء وانطتني الخاولي نشفت وجهي بس بعدها عيني تحركني :- ولج عيييني موتتني
- شبيهـا ؟
- دخل صـابون
- شـو بله
شافتها وكالت :- ولج هاي حمرة گُلش ليش هيج ؟
- صدُك كولي ولله
صحت أمي :- يُمممه عيني
أجتني تركـض وره شويه دخل حيادر وكـالت أمي :- شنو شبـيج ؟
- عيني تحركني وتبزبز موتتني
بعدها ما حاجيـة أمي كال حيادر :- تعالي اخذج للصيدلية هاي اليمنـة
أمي :- متأخر الوكت !
حيدر :- لا يبقون مفتحـين يله ريتاجـه
راحت حواء وأجت جابت عباه لبستها وكالت أمي :- أجي وياكم
حيدر :- ما يحـتاج عـمه ربع سـاعة ونرجـع
أمي :- لو دقيقة هم أجي هاي بنيتي
راحت أمي لبسـت عباه وأجت صعدنة بالسيـارة خمس دقايق ووصلنـة ونزلنـة وأني لازمة عيني دخلنـة الصيدليه وكال حيـدر :- سلام أبو الحسنين وين الدكتورة ؟
الصيدلاني :- أبو الحيادر حبيبي شلونك كول
راح هـوه وياه ورجعـو وره ثواني وكال الصيـدلاني :- تفـضلي خيتي
دخلت وهو هم دخل وأمي ضلت بـرة فحص وكال الصـيدلاني :- غمضي ورجعي فتحي وكُليلي شنو داتحسين
سويت مثل ما كال وكتله :- داتبزبز وتحرك
الصيدلاني :- أختي متحسسـة عينج من شي شـنو داخل بيها ؟
ريتاج :- صابون
الصيدلاني :- لا مو صـابون مـادة غيرها
صفنت وره شويه كتله :- ماسك أحتمال
الصيدلاني :- متأكدة ؟
ريتاج :- أي
رجع فحص وكال انتظروني بـرة وراح ورج ربع ساعـة صاح حيادر راح وأني رجـعت لأمي وكالت :- شنو صـار طمنيني
ريتاج :- ما اعرف فحص وكال انتظروني برة
أمي :- اوف
رجع حيادر وسولف الأمي ورزلتني وكال :- سهلة انطاني قطرات من أرجع اعلمج عليهن
حركت راسي ورحنة صـعدنة بالسيـارة ورجعت للبيت تلكتـني حواء سولفت الها وكالت :- يُمه
أجه دخل حيادر علينه وكال :- جيبي هذا الماسك مدري شنو
حواء :- ليـش
حيدر :- بدون ليش نفذي
راحت جابتة ورجعت انطـتة اله وسكت وره شـويه كال :- من تـشترين شي غير تنتبهين للتاريـخ انتهائـة شوكت لو عمـياوي أشتري يعمي
حواء :- عزه العزاني ولا عندي علم
حيدر :- المرة الثانية صيري بعلم
قاطعتة أمي وكالت :- غيـر تديرين بالـج
حواء :- ميخالف عمه احسبيها علينة
أمي :- اوووف منجـن
كالت هيج وراحت للصالة تنام وصعدت يم حواء لكيتها مطلعة الماسكات وكتلها :- المرة الثانية تطفين عيني الثانية
- هههههه لا داده داشـوف منو مخلص انتهـائة وداعزلهن
دانسولف ودخل علينة حيادر وكال :- فستق تعالي شوي
حواء :- ما تجي ليش تجي
حيدر :- اريد اعلمها على العلاج وعندي كم كلمة وياها اريد احجي
حواء :- احـجي هُنا ؟
حيدر :- حواااء
حواء :- ماشي رتـوج روحي بـس لا تطولون
رحت وياه وكتلة :- ويين !
- بغُـرفتي
ذبيت تنهيدة ودخلنة بالغُرفة وكال :- تعالي هُنا كعدي
كعدت وكتله :- يله سـولف !
طلع علاكة القطرات وكال :- أول شي اعلمج عليهم وبعدين نسولف
- تمـام
علمني عليهن وخلاهن على صفحة وكال :- أسمعيني من الأخير فستقي
- لا لا ما مستعـدة أنهار أني مره ثانية العفـو أكوم أني
كمت وكفت وكال :- أسمعيني وأريد حركة او كلمة وحدة منج وبعدها أنتِ بطريق وأني بطريق
ريتاجي بويه احبج الله يشهد ورسولة وعلي حابج و گلبي وهاويج يا بعد هاي العيون الي داشوف بيهن ينعمن إذا اجذب بكلمة
أريد اعرف مشاعرج ريتاجه لا تحجين هسه و لا تتوترين ولا اي شي تسوين إذا عندج مشاعر روحي منا ولا تسوي اي رده فعل و إذا ماعندج اوكفي كبالي وكليلي ما أريدك افهم ما أريدك حيادر وبعدها ولا تشوفيني ولا تلمحيني ريتااااجه احجي شي ؟
واكفة يمه أسمـع الي دايكولة احـس كلامة نابع من أعـماق گلبة أريد اكُلة أني هم بـس خايفة من گُـلشي
خايفة من
....
يتبع ⬅️ - البارت الثاني والعشرين -
روايتي
قناتي مال التليكرام بالبايو مال الواتباد
نسولف بيها دائما بخصوص الروايه .
الانستا ⬇️.