تذكير🤎:
-الحمدُلله.
-سُبحان الله.
-لا إله إلا الله.
-أستغفِر الله.
-الله اكبر .
-اللهم صلِ وسلم على نبينا محمد.
ــــــــــــــــــــــــــــــــــــــــــــــــــــــــــــــــــــــــــــــــــــــ
َ يـا أُيها الإنسان مـا هذا القلق ؟
أوليسَ رَبُك قَـد تكفـل مـا خَلـق🌿.
ـــــــــــــــــــــــــــــــــــــــــــــــــــــــــــــــ
صبحك الله بلخير هـا خـويـه لاتكلي هم بـشارعهم
_اي
_بـس كـلي ماتمل ما تتعب يا اخي اعتقهم كافي لشوكت تضل بهل شلاع الگلـب
_لحدما اخذ حقي منهم واحد واحد
_والله يا خـويه مادري شكلك بس راح تتندم عل لسوي
_يلة منذر سد لخط طلعت
_روح يابه شكلك بعد اريدك هسه تبطل انه جان بطلت من سنين طويلة
ــــــــــــــــــــــــــــــــــــــــــــــــــــــ
صباح الخير ام سوس
_يبو عليج بكدج اني يايمه وهيج تكليلي
_ماحب اكبرج ياعيني فا ادلعج
_يمه من لسانج تعاي تريكي حته تلحكين تصعدين كيات خاف متلكين
_تمام يروحي
_ابـاذر وينه ماشفته لايتاخر عله دوامه كال عنده امتحان اليوم
_طلع ابـاذر من وكت عنده شغل ومناك يروح للمدرسه
_الله يساعده مشلوع كلب هل ولد سوده عليه
_ها عيني ها خلي اصيحلج ابو لغاز يشغلج نغمته
_ام السان شلون وياج اخيج هذه اذا انتي متحنين عليه ياهو يحن
_يا والله احبنه بس هيج اشاقه وياج يله يروحي هم يلة الحك ع دوام عندي محاظره ع ساعه ٩
_الله وياج يكليبي بنيتي بحفظ رحمان ان شالله الله يفتح ذهنج وينور طريقج
_كل يوميه نفس الوداع ونفس دعاء من سنين طويلة عسه الله لايحرمني منهه عوضتني عن كلشي
طلعت اتمشه ع شارع هاي حياتنه بسيطه وعله كدنه اخوي ابـاذر مدرسه رياضيات وابـوي موضف بوزاره النفط
والدتي الي اصلا ما اذكر شكلهه وعمتي الي ربتنه وتعبت علينه امي الحنينه
اني وامشي لشارع لعام افكر بحياتنه واردد الادعيه الي معلمتني عليه عمتي سدر
صعدت بلكيات وتجهت لكليتي مرحله اولى علم نفس حلمي جان طب اسنان بس الي رزقني بي ربي راضيه بي
ماعرف شبيه هلفترا حيل مخنوكه وتعبانه وصلت قريب الكليه صحت نازل ونزلت اتمشه اشوف طالبات هنه وصديقاتهن واني لهذه عمري ممصداقه أي بنيه انطوائيه ماحب اختلط بناس ماعرفهم
صار وقت محاظرتي ودخلت وتوالن محاظره ورا محاظره لحدما. كملت
طلعت اتمشه وجنت حيل جوعانه واكل الكافتريا ماحبه احسه قديم وصخ فا توجهت لمطعم قريب واكله طيب
وصيت عله صاج جذب نضري ثنين شباب بس يباوعولي
حسيت بخوف وتوتر ماعرفت شلون كملت اكلي وطلعت احس ملاحكيني
وتوالت الايام وصرت احس اكو شخص مراقبني بس ارجع واكول شكو من مراقبني قابل منو اني
وهاي اول خطأ سويته مبلغت اهلي
اخر يوم حلو بحياتي جان
جان مصادف يوم سبت كعدت كلي نشاط رتبت البيت وعمتي سوت برياني ودجااج تغدينه كولنه سوه
وسويت كيكه عصرونيه كولش تونست بهل يوم
خلصنا شقه
_سوس يراد نزوجج لشوكت ضلين نايمه عله كلبنه
سدر_امشي ولج لو اريدن اتزوج جان تزوجت بدايت حياتي مو هسه من تالي شمالني خرفيت شنو تردين الوادم تضحك عليه من شيبت عرست
_زين سولفيلي ليش مترضين تزوجين ويعني ابد ما اجه بالج تزوجين خاف تحبين ولج سدور
سدر: يايمه سالفتي سالفه خليني ساكته لاتفتحين المواجع
_نمت بحضنه وكتله سولفيلي حبابه والله يضل بنفسي زين انتي مره كتيلي انو متزوجه قبل بس مسولفتيلي شي
سدر: اي يمه متزوجه وزواجه الكشره
_حبابه سولفيلي لانوب اروحن اموت ويضل بنفسي
سدر: خفه لهل حلك متعرفين تسولفين صمي بيش مفاوله نفسج
_يلة حبابه سولفيلي
سدر: راح اسولف بس اسكتي
انه ماخذه صاحب ابوج يصير خالج
ـــــــــــــــــــــــــــــــــــــــــــــــــــــــــــــــ
عـوده الـى الماضي
١٩٨٦
حيدر: يمه اخطبيلياهه والله احبنهه
ام حيدر: يايمه دصبر وانه اخطبه هيه تصير اخت صويحبك يعني يعرفنك
حيدر: خاف يخطبوه
ام حيدر: لا تخاف يايمه انه اليوم ادي عله الحبايب ونروحن نخطبه
بنفس اليوم توجهت ام حيدر والحبايب يخطبن سدر
ندك باب اهل سدر وطلع اخوه الي هوه ابو ابـاذر.
يهلي ويرحب بام صاحبه ورفيج عمره
معتصم: ياهله بخالتي تفضلي لبيت بيتكم
ام حيدر: بل مهلي يمه شلونك شخبارك
معتصم: بخير حجيه تفضلي
دخلت ام حيدر وبعد سلام ولكلام وضيافه وفتحت الموضوع ويه ام معتصم
ام معتصم رحبت بل فكره لان تعرفهم ناس اجاويد ومن اهل الله وناس معروفين كلتله نبلغ اخوه وابوه ونردلكم خبر
ورا شكم يوم اهل حيدر ودو طارش لبيت ابو معتصم
وردولهم الموافقه بيد طارش
واجو همه واهاليتهم وذيج لمشيه لسد لعين كله شيوخ وناس كبار ونخطبت لحيدر وصرت عله ذمته
وقررو اخر يوم العيد جبير العرس
وامي شايفه اخت حيدر بملجتنه مروج وعاجبته فاتحت اخوي معتصم بل موضوع
ومعتصم رحب بل فكره وكال توكلو مانكله احسن منهم اناسبهم
ورا اسبوع رحنه لبيت اهل حيدر وخطبنه مروج لمعتصم وافقو
وملجو
وقررو وره عرسنه يعرسون
اجه يوم العرس ومشت الحياة ويه حيدر زينه بس مروج جانت مناشبتني ولايكول مرت اخيه وحماته جانت تاذيني ماعولت تعرس واخلص منه
عرست مروج وكلت يالله فكينه اله ثاني يوم العرس ولني رايحه ابارج الهم وماخذين ريوك العرسان واشوفن ويهه اخوي مكدر اسئلنه يكول مامن شي
ردينخ لبيتنه ومرت فتره ومروج كامت كليومين وثاني يمنه وتضل توز بعمتي وعمتي تضل توزع براس حيدر لحدما يطك ويجي يعارك بيه
وخلال هل ايام عرفت حامل بجري
ـــــــــــــــــــــــــــــــــــــــــــــــــــــــــــــــ
_ععععزا عمه عندج ابن
سدر: اي يعمه عندي يلة كومي نامي تعبت
_لا حبابه كمليلي
سدر: لايمه كومي وباجر من تردين نكعد وحيدنه وكملج
_ماشي حبيبتي يلة تصبحين عله خير
يوم الاحد
_كعدت كملت روتيني وتوجهت لجامعتي
وصلت وجان اول محاظره دكتور مجاي فا رحت للكافتريا اكلت ورجعت لقاعتي
مر الوقت واجتي الدكتوره بلشت المحاظره وتقرببا
نص المحاظره واجه شخص
_بلازحمه دكتوره بس لـُجام معتصم يردوه بل عماده
لـُجام: احس كلبي وكع وحيل خفت عبالي شو شمسويه او صاير شي
الدكتوره: شكو مامه لُجام
لـُجام:واللهي دكتوره ماعرف تسمحيلي اروح
سمحتلي الدكتوره وطلعت وصلت لباب غرفه العماده دكيت الباب جان كاعد العميد ويمه شخص ماعرفه
العميد: تفضلي بنتي انتي لـُجام معتصم
لـُجام: نعم دكتور اني
العميد: بابه هذه اقاربج اجه ياخذج والدج شويه تعبان
لــُجام:شنو شبي ابوي احس كلبي وكع
العميد: روحي بابه
كام الولد الي لاول مره بحياتي اشوفه ماعرف اقاربنه كلهم فا توقعته منهم
مشيت ويا لحدما طلعنه بوابه الجامعه راح عله سياره بيضه عاليه صعد واني صعدت ليورا
مشت سياره بينه وجان بالي مو وياي افكر بابوي خاف بي شي
وين فترا يلة نتبهت هذه مو طريق بيتنه اصلا لمكان غريب
لــُجام: بلازحمه عفيه هذه مو طريق بيتنه وين ماخذني ابوي وين بي شي احجي
مسلم:يابه دسكتي لوك لوك شكد حجيتي اكرمينه بسوكتج
خنست وخفت كلش وتوقعت ابوي بي شي لان جان تفكيري كله بي ومبالي انو خاطفيني
لحدما وصلنه مكان شبهه مهجور بي بيوت قديمه وقليله نزلنه يم بيت شويه وضعه زين سحلني سحل. طببني بي
لـُجام:شتريد مني وليش جايبني هنا فدوه طلعني
مسلم: اسكتي يابه دسكتي دوختيني
خفت كلش ولخوف الاكبر ليسويلي شي اجه عليه ضليت اعيط صم حلكي ولزم ايدي شدهن وشد رجليه ولغرفه حرفياً بنص نهار وهندس احس اختنكت كلش
وخفت عافني وطلع مر الوقت وبلشت شمس تغيب شحال اهلي هسه عمتي شحالهه هم دورو عليه افتقدوني
مر وقت هواي واحس دخت وراسي مسطور
دخل عليه نفس الشخص وبيده علاكه حطه كبالي بيهه اكل
مسلم:يلة اكلي خلصيني
لـُجام:ماريد كلشي ماريد بس طلعني منا اريد اهلي
تجاهلني وطلع وبقه الاكل كدامي مالي نفس اكلي لكمه عله يا ضيم اكل وهم الي نفس اكل واني مخطوفه ومصيري مجهول
مرت اليله واحس نفسي وصلت الموت والغرفه البيهه اني ضلمه وكلش اختنك واخاف من ضلمه من اني وطفله تذكرت موقف صار بيه
ـــــــــــــــــــــــــــــــــــــــــــــــــــــــــــــــ
Bشack to the past
اول ايام كمت انام بغرفه وحدي وطفت الكهرباء بوقته
حسيت اصوات يمي غطيت نفسي وحته، راسي خفت حيل
سمعت صوت الباب نفتح ورجع نطبك وتكرر نفس لشي اكثر من مره احس كلبي وكف بوقته
صوتي راح اريد اعيط ماكو احس الهوى انكطع عندي وبطني لوتني
محسيت اله مدرره عله نفسي وجنت صغيره من رهبه الموقف محسيت
رجعت الكهرباء وطلع ابـاذر الي مسوي بيه هيج وكاعد بلكاع ويضحك اجتي عمتي وابوي عله صوت بجي وضحك اباذر ابوي ضل يرزل بي
وعمتي اخذتني غسلتلي من وقته ابوي حطلي كلوبات شحن
ـــــــــــــــــــــــــــــــــــــــــــــــــــــــــــــــ
طلع ضوه الشمس دخل شويه من فتحه الشباب احس شويه ارتاحيت جنت حيل خايفه
شويه شويه صارت شمس تدخل اكثر
دخل الولد نفسه باوعلي وباوع للعلاكه
مسلم: هاي ليش مامتزقنبه
لـُجام: شعليك بيه بس طلعني كلشي ماريد منك
مسلم: بابه انسي موضوع الطلعه منا
لـُجام: شتريد مني تريد فلوس خابر اهلي ينطوك بس طلعني والله خايفه
مسلم: ياريت لو سالفه فلوس شغله اكبر من الفلوس
لـُجام: حيل خفت من كلامه دنك اخذ العلاكه وراح
ضل كلامه يدور براسي شيريد مني وليش هيج حجه
حال اهلي شنو هيه ومرت ليله كامله واني مختفيه
ـــــــــــــــــــــــــــــــــــــــــــــــــــــــــــــــ
سدر:ولك يمه كوم دورهه مو من عوايده تتاخر هلجثر خاف صايرلهه شي وتليفونه مقفول
ابـاذر:رايح لجامعته اشوف خاف عده محاضره اضافيه
توجهت للجامعه طلاب قليل موجودين دخلت للعماده
سئلتهم ونطيتهم معلومات كامله
العميد: ابني الطالبه لــُجام اجه احد اقاربه مايقارب ساعه ١٠صبح كال والدهه مدهوره حالته ويريده وطلعت ويا
ابـاذر: شنو استاذ تحجي صدك والدي مابي شي ويا اقارب هذه ماعدنه اي اقارب هنا شلون اجه
العميد: والله يا ابني كال اقاربه واني لان الموضوع يخص والدهه طلعتهه ويا ونطيته اجازه اسبوع هوه طلب
ابـاذر: دنيا فترت بيه منو هذه وشيريد منه طلعت من الجامعه وتصلت عله ابوي
ابـاذر: يابه لــُجام مدري منو اجاي لجامعته وكايل عساس اقاربنه واحنه دازي
معتصم: شلون شهل حجي وين انته هسه روح بلغ يا اقارب هذه لاتخبلني مترجع للبيت اذا بنتي مو وياك
ابـاذر: رحت للمركز ماقبلو عله البلاغ اله يمر يوم كامل شيصبرنه فتريت المناطق القريبه تصلت عله اولاد عمامي ماكو محد حجه هوه ماخذه وماكدرت اكلهم مختفيه كلشي يصير
رجعت للبيت لاكتني عمتي بل باب تبجي
سدر: ولك يمه وينهه بنيتي رجعلياهه
ابـاذر: نلكاهه والله نلكاهه بس عله كيفج
اجه ابوي وجهه اصفر
يابه ماكو مالكيته وخابرت اولاد عمامي محد يعرف
معتصم: بسلا كتلهم مختفيه ولك تريد تفضحهه
ابـاذر:لايابه ماحجيت شي شنو مخبل افضح اختي
سدر: ولك معتصم خويه ردلياهه لاتحرموني منهه هيه لمصبرتني عله فراك وليدي
ـــــــــــــــــــــــــــــــــــــــــــــــــــــــــــــــ
لـُجام:شمس بدت تخف عرفته وكت عصريه الحساسيه هاجت عندي وضليت بس اكح متت وعطشت حيل وهذه ما اجه بعد
بقيت اناجي ربي والامام علي يطلعوني من هل شده
طر الغروب واسمع صوت جلاب (جلكم الله)
الباب تحرك ودخل الولد بيده علاليك
مسلم: هاج هذه ماي واكل وهاي علاج
لـُجام: ستغربت منين عرف اني مريضه ونوعيه علاجي خفت بزايد اكيد يعرفني
عفيه بس كلي ابوي بي شي حتخبل والله
مسلم:مابي شي
لـُجام:طلعني منا والله اختنكت
مسلم: اسكتي احسلج متملين من هل كلمه كتلج ما الج. طلعه منا
لـُجام: زين حط كلوب والله اخاف من ضلمه واسمع أصوات تخوف
عافني وطلع ضليت ابجي ورا شكم ساعه رجع وبيده غراض بلش يشد بل كلوب حسيت شويه ارتاحيت اهم شي اخلص من ضلمه
كمله ولم الغراض بعده جاي يلم بيهن وندفر الباب وطب ولد
مجتبى:والله عرفت عدك شي من خنباتك وطلعاتك من صبح وماتجي لنص اليل منين هاي البنيه ولك
مسلم:اطلع مالي خلكك
مجتبى: اي حقك بس الك خلك تجيب لبنوات بجزاير
اروحن اكل الجدتي وهيه تعرف تصرف وياك صاير سربوت
مسلم:يابه بس وخر غاد واطلع من هنا وكلهم
مجتبى: يعني اكلهم مسيلم جايبه حاته بكوخ الزرع
مسلم: اطلع كو......د وصم حلكك لا اجي اترسه نعل شجابك وراي
مجتبى: ماطلع اذا متكلي منيلك هاي الحاته وليش مربطه
مسلم: يابه مو الي مال ابو طبره
لـُجام: حسيت يحجون عله شي ميسوه وسلعه مو عني اني اباوعلهم ودموعي تجري وحابسه شهكاتي كوه
مجتبى: مو اكول اخوي مسيلم مايسويه يله ضلعي انه اروحن هسه الحجيه تكلب الحوش علية مو تتاخر ترا ابوي اليوم سئل وكتله اجه من وكت ونام
مسلم: روح بس اكمل شغلي واجي
مجتبى: يلة اودعناكم يابه
طلع الولد ثاني وبقه بس الي اسمه مسيلم
كمل الكلوب وشغله وطلع اخذت بطل المي وشربت واخذت علاجي يلة كدرت ارتاح حسيت جسمي خدر ونمت
وشفت مره تركض وراي وتصيح بنتي تعاي وانه اركض وخايفه لزمني وخنكتني حسيت متت فزيت مرعوبه حيل جان طار الصبح وشمس تصكع احس جسمي يحكني ما متعوده هلكثر ما اسبح وخاصه الملابس العليه صارلهن يومين والبنطرون قماش حركني شالي مخربط وضعي كلش تعبان
دعيت ربي اطلع منا وارجع الاهلي تعبت هواي وماعرف ذولي منين
اجه الولد ثاني لحك مسيلم كعد كدامي وبس يضحك
مجتبى:هلو حتوت ولج شجابج هنا شمسويع وابو طبره حابسج حبسه الجلب
لـُجام: احترم نفسك احسلك لاتجاوز
مجتبى: يابه سكتنه جاوبيني هسه يلة
لــُجام: والله ماعرفه ولا مسويتله شي وحته ماشايفته
هذه الولد الاجه البارحه اجه لجامعتي وضحك عليه كلي ابوج مريض ويريدج واني من كرابتج انه من خوفي عله ابوي صدكته ورحت ويا وخطفني وجابني لهنا عفية طلعني
مجتبى: مادري شكلج بس اعذريني ماكدر تردين تورطيني ويه ابو طبره
زين شسمج
لــُجام: شعليك باسمي واطلع منا يلة حقراء ماعدكم ضمير شمسويتلكم حته ماعرفكم خاطفيني الله ليوفقكم
طب مسيلم سحب الولد وطلعه ورجع عليه
مسلم: ليش صيحين سوالج شي اذاج؟
لــُجام: شحده يدنالي وهسه طلعني تعبت والله تعبت رجعوني الاهلي
مسلم: شني يابه ماتعبين من هل كلمه كنالج ماكو طلعه منا خوش
دك تليفونه وطلع
ستسلمت للنوم ماعندي غير وسيله هلفترا غيره صار ملجئي الوحيد
حسيت احد يفك ايديني
طفرت بسرعه غير ذولي الاثنين لشفت هذه حاط عصبه وبس عيونه مبينهه ولابس شفقه
دفعته عني
لــُجام: وخر لاتلمسني منو انته شتريد مني
ابو طبره: شريد منج هاي شغله بعدين نتفق عليه وهسه تعاي اكلي ليش صار يومين مماكله ترا ضرين نفسج ماضرين احد
لــُجام: ماريد
ابو طبره: ياويلي شلون بل عرمات انه بويه تعاي اكلي خلصيني واخذي علاجج بسرعه
لـُجام: كلشي. ماريد منك بس عوفني
طلعني منا والله امي تتخبل عليه هسه
ابو طبره: تتخبل ليش متتخبل وانتي وحيدته واخذتي مكاني
لـُجام: اهوو دطلعني كافي صرخ بصوت عالي
ابو طبره: لــُجام صوتج وتعاي ازقنبي
لــُجام: كتلك ماريد لتلح كافي
أبو طبره: يرادلج تربيه من جديد منو يربيج معتصم لو مروج
لــُجام: امي اسمه سدر مو مروج تمام
ابو طبره: اويلي تبرت من امهه ولو حقج انه هم لو امي اتبره منهه
هسه هاي مو سالفتنه احجيلي شتعرفين عن ماضي. عمتج. سدر
لــُجام: ماعرف شي
ابو طبره: خوش هسه اني اذكرج بيهن وحده وحده
ـــــــــــــــــــــــــــــــــــــــــــــــــــــــــــــــ
كِما تدين تدان ،
ان لم يكن بنفس الموقف فـ سيكون بنفس الألم
ـــــــــــــــــــــــــــــــــــــــــــــــــــــــــــــــ
ولهنا نكون ختمنه اول بارت من قصتنه الحلوه الـُجا
اتمنه تشاركونهه ويه صديقاتكم وانطو لايك وعلقو بين الفقرات
الكـاتبه: هبه الـ علـي